Øyravegen 139

Last ned salgsoppgave for komplett informasjon om eiendommen

Registerbetegnelse

Informasjon borettslag / sameie

Regnskap / Budsjett:
Årsoppgjeret for 2025 viser eit overskot på kr 78 215,45. Bankbehaldninga per 31.12.2025 var kr 159 517,76. Kjøpar pliktar å gjere seg kjend med sameiget sitt rekneskap og budsjett. Kopi av desse ligg hjå meklar.

Vedtekter / Husordensregler:
Eigar pliktar å gjere seg kjend med vedtekter og eventuelle husordensreglar. Kopi av desse ligg vedlagt i salsoppgåva.

Dyrehold:
Dyrehald er tillate. Dyrehaldet må ikkje vere til sjenanse for dei andre brukarane av eigedomen.

Beboernes forpliktelser:
Kvar seksjon skal vere med på fellesdugnad med minst éin time, og skal klippe plen og vaske avfallsdunkar i samsvar med ei årleg liste. Ved manglande utføring kan sameiget krevje inn eit gebyr. Seksjonane 10, 12 og 14 pliktar å stille med utebelysning i den mørke årstida, der sameiget dekkjer utlegg for lyspærer.

Styregodkjennelse:
Kjøpar skal godkjennast av styret i sameiget. Slik godkjenning kan ikkje nektast utan sakleg grunn. Kjøpar er forplikta til å gjennomføre handelen uavhengig av om kjøpar på overtakstidspunktet er godkjend av sameiget som ny eigar. Risikoen for å bli godkjend som eigar ligg difor hjå kjøpar. Dersom kjøpar på overtakstidspunktet ikkje er godkjend som ny eigar, har kjøpar ikkje rett til å ta eigedomen i bruk. Blir kjøpar ikkje godkjend som ny eigar, må kjøpar sørgje for vidare sal av seksjonen. Heimelen vert overført til kjøpar, og oppgjeret vert utbetalt til seljar.

Forkjøpsrett:
Det er ikkje forkjøpsrett på eigedomen.

Felleskostnader

kr 1 000 pr. mnd.

Felleskostnader inkluderer

Fellesutgiftene er på kr 1 000,- per månad og inkluderer forsikring, straum i garasjen og brøyting. Kommunale avgifter, internett og TV er ikkje inkludert i fellesutgiftene og vert fakturert direkte til eigar.

Forsikringspolise

729705

Sikringsordning

Dei andre seksjonseigarane har panterett i seksjonen for krav mot seksjonseigaren som følgjer av sameigeforholdet. Pantekravet kan ikkje overstige eit beløp som for kvar brukseining svarar til to gonger grunnbeløpet i folketrygda (2G) på det tidspunktet det vart teke avgjerd om gjennomføring av tvangsdekning.

Parkering

Til denne bueininga høyrer det til éi parkeringsplass i felles carportanlegg med låsbar sykkelbod i bakkant. I tillegg er det gjesteparkering og om lag 12 felles parkeringsplassar for bebuarar på sameiget sitt asfalterte parkeringsareal. Det er mogleg å leggje opp ladepunkt for elbil og hybridbilar ved parkeringsplassen seksjonen disponerer, etter samtykke frå styret. Seksjonseigar må sjølv syte for at straum vert henta frå eige sikringsskap.

Eiendom

Tomteareal er 4 526 m² på eiet tomt.

Felles eigd tomt for sameiget på 4 526 m². Tomta er relativt flatt og vedlikehaldsvennleg. Tomta er flott opparbeidd med asfalterte gang- og trafikkareal, parkeringsareal, plen, prydbuskar og leikeareal.

Byggeår

1996

Innhold

Leilegheit inneheld: Gang, bad, kjøkken/stove, to soverom og bod. Platting/terrasse på ca. 35 m², parkering i carport og utvendig sportsbod ved inngangspartiet på 6 m²

Standard

Leilegheita ligg i første etasje med trappefri tilkomst og stor sørvest-vendt markterrasse. Innvendige overflater er nyleg oppgraderte med nytt laminatgolv i stova og kjøkkenet i 2025, nedfora himling med smart panel og smartspottar i 2025 og nye plater på veggar i stova, kjøkken og gang i 2024. Vidare er innvendige dørblad skifta i 2025 og ny ytterdør i 2022. Bad/vaskerom er frå 2017. Leilegheita har varmekablar på bad, i gang og i stove/kjøkken, samt vedomn i stova. Entré: Via overbygd inngangsparti kjem ein inn i lys gang med flislagt golv. Frå inngangen er der direkte tilgang til stova og dører til bad og eine soverommet ligg på kvar si side av inngangsdøra. Det er nye overflater i tak og på veggar, som vart montert i 2025/2026. Smartspottar i himling lyser godt opp gangen. Sikringsskåp med automatsikringar er plassert i gangen. Stove: Stova er open mot kjøkkenet og har utgang til terrassen via verandadør mot sørvest. Vindauge og verandadør gjev godt dagslys, og utsikta mot nærmiljøet og Heilefjellet er synleg frå stova. Ildstaden står plassert mellom kjøkkenet og stova og gjev vedfyring som supplerande varme. Veggar har malte trefiberplater med panelmønster, og ny plate på vegg er montert i 2024. Taket er nedfora med MDF-panel i 2025, og smartspottar er montert same år. Nytt laminatgolv er lagt i 2025. Nye lister i tak, på veggar, golv og rundt dører er montert i 2025/2026. Kjøkken: Kjøkkenet er i opa løysing med stova og har kjøkkeninnreiing med profilerte malte frontar, laminat benkeplate og kitchenboard på vegg over kjøkkenbenken. Innreiinga er utstyrt med integrerte kvitevarer og frittstående kjøleskap. Vassinstallasjonar er frå byggeår med røyr-i-røyr vassforsyning og plastavløp i kjøkkenbenken. Terrasse: Frå stova er det utgang til stor markterrasse på ca. 35 m² mot sørvest, utført i impregnerte trekonstruksjonar. Ein del av plattinga er overbygd av verandaen i etasjen over, noko som gjev ly for regn. Sitjebenk på plattinga er oppført i 2026. Plattinga har plass til sitjegruppe og spisebord, og er innramma av trerekkverk og plantefelt. Soverom ved bad: Dette er det største soverommet, med plass til dobbeltseng og garderobe. Vindauget er skifta i 2025, og nye lister og foringar rundt vindauget er montert i 2026. Frå soverommet er det også tilkomst via walk-in-garderobe til bad/vaskerom. Her er det skyvedørsgarderobe med god plass til lagring, arbeidsbenk og opplegg for klesoppheng. Soverom ved kjøkken: Eit mindre soverom med tilgang frå gangen, eigna som gjesterom, kontor eller barnerom. Rommet har malte strier på vegger og malte slette flater i tak. Bad: Badet er oppgradert i 2017 og har baderomsplater med flismønster på veggar og keramiske fliser på golvet. Rommet er utstyrt med dusjhjørne med glassdører, baderomsinnreiing med slette frontar, og vegghengt toalett med innebygd sisterne. Det er etablert spalte i veggflis under sisterna for synleggjering av eventuell lekkasje. Varmekablar i golvet. Ventilasjon via ventil i vegg. Overflater: Golv: Keramiske flisar på bad og i gang, laminat i stove/kjøkken og soverom. Veggar: Baderomsplater med flismønster på bad, malte trefiberplater med panelmønster i gang, malte trefiberplater med panelmønster og malte strier i stove/kjøkken, malte strier i soverom. Himling: MDF-panel i stove/kjøkken og gang, malte slette flater i øvrige rom. Lagring: Leilegheita disponerer ei utvendig sportsbod med betonggolv og bindingsverk med utvendig trekledning og tak med betongtakstein. I soverommet ved badet er det montert loft og hyller i 2021. Omsetning av brukt eigedom Ein brukt eigedom vil som regel ikkje vere i same stand som om den var ny. Tekniske krav, type bustad, teknikk og skikkar endrar seg over tid. Bruksslitasje og ytre forhold kan gjere at tilstanden blir dårlegare etter kvart, sjølv om det ikkje er synleg. Kjøparar kan ha mindre forventningar til eldre bustader enn nye, og det kan vere skadar eller feil som ikkje er beskrive, men som seljar likevel ikkje kan haldast ansvarleg for. Normal bruksslitasje er ikkje ein mangel, og det er ikkje sikkert at det som opplevast som ein feil ved ein eigedom er ein mangel i rettsleg forstand. Det er difor viktig å setje seg grundig inn i tilstanden på den eigedomen ein vil kjøpe.

Hvitevarer

Kvitevarene på kjøkkenet følgjer med i salet. Desse blir leverte utan nokon form for garanti, utover eventuell gjenværande leverandørgaranti.

Adkomst

Enkel tilkomst frå kommunal veg. Kontakt meklar for vegbeskriving eller sjå www.finn.no for kart.

Byggemåte

Informasjonen er henta frå vedlagte tilstandsrapport, datert 26.05.2026. Bygning: Leilegheit i fleirmannsbustad oppført i 1996. Bygningen er fundamentert med betongkonstruksjonar på grunn og i golv mot grunn. Ytterveggane er av bindingsverk med utvendig, måla trepanel. Etasjeskilje er av betongkonstruksjonar. Byggegrunnen er ikkje kjend, men ifølgje Norges Geologiske Undersøkelse ligg eigedomen i eit område med elveavsetning. Tak: Takkonstruksjonen har saltaksform og er tekka med betongtakstein. Taktekking, undertak og sjølve takkonstruksjonen er del av felles bygningsdel og er ikkje nærare kontrollert. Pipe/Eldstad: Det er eldstad i stova. Skorsteinen over tak er ein del av felles bygningsdel og er ikkje kontrollert. Vindauge: Bustaden har vindauge med 2-lags glas i måla trekarmar. Vindauget på soverommet ved stova er frå 2025, medan dei øvrige vindauga er frå byggjeåret (1995). Dører: Ytterdøra har 2-lags glas i måla trekarmar og er frå 2022. Verandadøra er frå byggjeåret (1995) og har 2-lags glas i måla trekarmar. Alle innvendige dørblad vart skifta i 2025. Balkong/terrasse: Platting på ca. 35 m² med utgang frå stova, utført i impregnerte trekonstruksjonar. Delar av plattingen er overbygd av verandaen i etasjen over. Sittebenken på plattingen vart oppført i 2026. VVS-installasjonar: Bustaden har røyr-i-røyr vassforsyning og avløpsrøyr av plast, begge frå byggjeåret 1996. Hovudstoppekrana er i vasskapet på vaskerommet. Varmtvasstanken på ca. 120 liter er frå byggjeåret og er plassert i boda ved badet. Han er lekkasjesikra med røyr frå sikkerheitsventilen til sluk. Ventilasjon: Bustaden har naturleg ventilasjon med ventilar i enkelte vindauge. Løysinga er vurdert til å vere i samsvar med byggjeskikk og krav på oppføringstidspunktet, men har avgrensa kapasitet samanlikna med dagens standard. Tekniske detaljar: Det er installert varmekablar på bada, i gangen og i stove/kjøkken. Det er òg eldstad i stova. Sportsbod: Sportsbod oppført med betonggolv og bindingsverk med utvendig trekledning. Tak med tekking av betongtakstein. Carport: Carport oppført med betongdekke og trekonstruksjonar. Det elektriske anlegget er frå byggjeåret 1996. Det er gjennomført visuell kontroll av tilgjengelege delar av anlegget, og det er lagt fram samsvarserklæring for installasjon av spottar. Takstmannen merkar seg at det manglar dekklokk på ein elektrisk boks i stova, og tilrår kontroll av anlegget av ein autorisert elektrikar. Alle bygningsdelar og installasjonar har avgrensa levetid. Konstruksjonane er bygd etter lov og forskrift som tek utgangspunkt i byggeåret og vil normalt ikkje tilfredsstille krava i dag. Med omsyn til den tekniske standarden på bygningane vert det vist til vedlagde tilstandsrapport fra takstmann Geir-Jonny Folkestad datert 26.05.2026, der enkelte bygningselementer har oppnådd tilstandsgrad 2 (TG2) og konstruksjonar som ikkje er undersøkte (TGIU). Interessentar vert oppmoda til å sette seg grundig inn i desse punkta samt eigenerklæringa som ligg ved salsoppgåva før det vert lagt inn bod på eigedomen. Meklar gjer elles merksam på kjøpar si undersøkingsplikt med heimel i avhendingslova. Nedanfor finn ein ei kort oppsummering av det den bygningssakyndige har beskrive av avvik ved bustaden som har fått tilstandsgrad 2 (TG 2) OG TG IU (Ikkje undersøkt). TG2 med avvik som kan krevje tiltak: - Utvendig > Ytterveggar: Veggkledning er montert tett mot vassbrett over vindauge utan tilstrekkeleg avstand for dryppkant. - Utvendig > Vindauge og ytterdører: Vindaugslister er montert tett mot vassbeslag, og det er skade på hengslemekanismen på eit vindauge. - Utvendig > Balkongar, verandaer og liknande: Det er ikkje etablert tilstrekkeleg oppkant mot veggkledning. - Våtrom > Bad > Overflate golv: Ikkje tilfredsstillande høgdeforskjell frå topp sluk til membran ved terskel, og bom under enkelte fliser. - Våtrom > Bad > Membran, tettesjikt og sluk: Avgrensa kontrollmoglegheit av sluk og tettesjikt. - Kjøkken > Kjøkken: Eldre standard med lokal fukt- og varmeskade. - Våtrom > WC og innvendige vass- og avløpsrøyr: Skjult røyranlegg, og stakeluke for avløp er ikkje lokalisert. - Tekniske installasjonar > Varmtvasstank: Beredaren har passert forventa levetid og er plassert i rom utan sluk. - Tekniske installasjonar > Ventilasjon: Eldre ventilasjonsløysing som ikkje tilfredsstiller dagens krav. TGIU - Konstruksjonar som ikkje er undersøkte: - Utvendig > Grunnmur og fundament: Deler av ringmuren er ikkje tilgjengeleg for kontroll grunna platting. - Utvendig > Terrengforhold: Terrengfallet vest for bustaden er ikkje tilgjengeleg for kontroll grunna platting. - Utvendig > Takkonstruksjon: Takkonstruksjonen er felles bygningsdel og er ikkje kontrollert. - Utvendig > Taktekking: Taktekking og undertak er ikkje kontrollert då det er del av felles bygningsdel. - Innvendig > Loft: Kaldtloft er felles bygningsdel og er ikkje kontrollert. Oppsummeringa over er ikkje uttømmande, og du vert oppmoda til å lese og setje deg grundig inn i alt salsmateriell. For ordens skuld nemner vi at TGIU står for «tilstandsgrad ikkje undersøkt», til dømes fordi ein del av bygget ikkje har vore tilgjengeleg for inspeksjon. Desse delane kan dermed ha feil eller manglar som ikkje er avdekte.

Eiendomstype

Leilighet

Oppvarming

Elektrisitet og vedfyring. Varmekablar på bad, gang og stove/kjøkken, og eldstad i stove. Dersom rom ikkje har vegg- eller fastmonterte varmekjelder ved vising, følgjer dette heller ikkje med.

Strømforbruk

Gjennomsnittleg straumforbruk dei to site åra: kr. 2 805,-. Nettleige kjem i tillegg. Det er ikkje bestilt Norgespris på straum for eigedomen. Meklar gjer merksam på at desse utgiftene er knytt til dagens eigar og at desse vil kunne endre seg med omsyn til anna bruk av bustaden enn i dag eller andre avtalar med leverandørar.

Vei, vann og avløp

Vegen fram til tomtegrensa er offentleg. Vegane inne på eiga tomt blir vedlikehaldne gjennom sameiget. Vatn og avlaup til eigedomen er offentleg. Stikkleidning frå det offentlege nettet og inn til eigedomen blir vedlikehalden og reparert av sameiget.

Meglers plikt til å stanse gjennomføring av en handel

Eigedomsmeklarar er underlagd lov om kvitvasking og pliktar å rapportere til Økokrim om mistenkelege transaksjonar. Lov om kvitvasking har og strenge reglar om kontroll av legitimasjon frå alle partar i handelen, med dette, seljar, kjøpar og fullmektigar for desse.

Budgivning

Alle bod skal gjevast skriftleg og legitimert til meklar, som formidlar desse vidare til seljar. Dette gjer ein enkelt elektronisk ved å klikke på "gi bud" knappen på hjem.no, finn.no, via eiendomsmegler1.no eller på bodskjema vedlagt salsoppgåva. Meklar skal så snart som muleg stadfeste skriftleg ovanfor bodgjevar at bod er motteke og formidle det vidare til seljar.  Bod må  ikkje ha kortare akseptfrist enn kl. 12.00 første virkedag etter siste annonserte vising. Bod med kortare frist enn dette kan ikkje formidlast av meklar.  Meklar pliktar å leggje til rette for ei forsvarleg avvikling av bodrunden. For at boda skal kunne bli handsama bør dei ikkje ha ein kortare akseptfrist enn 30 minutt frå bodet er gjeve. Bod som vert gjeve etter normal arbeidstid vert handsama/formidla påfølgjande arbeidsdag.  Meklar tek ikkje ansvar for forseinkingar på el- eller telenettet. Under bodrunden kan akseptfristen kortast ned ved mottaking av nye bod. Akseptfristen frå kjøpar er absolutt. Det betyr at dersom seljar vel å akseptere bodet, må kjøpar meddelast aksepten innan akseptfristen går ut. Dersom du utset å gje inn bod til tett opp mot akseptfristen er det ei reell fare for at eigedomen kan bli seld før bodet ditt kjem fram til meklar. Ein syner elles til "Forbrukarinformasjon om bodgjeving", som også er ein del av salsoppgåva. Kjøpar er utanlandsk statsborgar Dersom ein kjøpar er utanlandsk statsborgar krevjast det at ein har D-nummer til erstatning for norsk personnummer. Meklar rekvirerer dette samstundes som skøyte vert sendt inn til tinglysing hjå Kartverket. Skøytet vert så liggande hjå Kartverket fram til kjøpar har fått D-nummer av  skatteetaten. Deretter vert skøytet tinglyst. Denne prosessen vil ofte medføre at oppgjer og  utbetaling til seljar vert forseinka med nokre veker. Kjøpar må i desse tilfella enten ta atterhald i  bod om forseinka utbetaling til seljar, eller vere budd på å dekke forseinkingsrenter. Kontakt  ansvarleg meklar for informasjon før bodgjeving.

Overtakelse

Overtaking etter avtale. Legg inn ønskje om overtakingsdato ved bodgjeving. Mellom aksept av bod og tidspunktet for overtaking er det ikkje høve til å synfare eigedomen. Vi tilrår difor interessentar til å naudsynte mål og liknande på visinga.

Boligselgerforsikring

Seljar har teikna bustadseljarforsikring. Forsikringa dekkjer seljar sitt ansvar etter avhendingslova, med dei avgrensingane som følgjer av forsikringsvilkåra og er avgrensa til salssummen til eigedomen, men oppad avgrensa til kr. 14 000 000,-. Seljar har i den samanhengen utarbeidd ei eigenerklæring om eigedomen. Eigenerklæringa ligg vedlagt salsoppgåva og interessentar vert oppmoda til å gjere seg kjend med denne før bodgiving/kjøp. Bustadseljarforsikringa sørgjer for at kjøpar kan forhalde seg til ein profesjonell og søkegod motpart som handterer eventuelle reklamasjonar fagleg og ryddig. Dersom kjøpar ikkje har teikna bustadkjøparforsikring kan ein kontakte meklar for å få kontaktinformasjon til bustadseljarforsikringa til seljar.   Av vilkåra går det fram unntak i forsikringsdekninga, til dømes ved nye forhold som oppstår mellom aksept og overtaking. Garantiar/lovnader der seljar har påteke seg ansvar for eigenskapar ved eigedomen eller dokumentasjon av slike, vert ikkje dekt. I nokre tilfelle er det heller ikkje dekning der seljar har opptrådt forsettleg eller grovt aktlaust. Forsikringa omfattar heller ikkje ein redusert bustadverdi som skuldast skadedyr/insekt, til dømes skjeggkre/perlekre/sølvkre, veggdyr, pelsbiller, maur, borebiller og tilsvarande. I samsvar med lov og rettspraksis må det reklamerast “innan rimeleg tid”. Det vert tilrådd å reklamere umiddelbart/snarast mogleg og seinast innan 2 månader frå forholdet vart/burde vorte oppdaga.   Dersom kjøpar utbetrar mangelskrav på eiga hand, kan dette medføre at reklamasjonsretten vert tapt.

Boligkjøperforsikring

Vedlagt i salsoppgåva følgjer informasjon om Bustadkjøparforsikring Pluss og Bustadkjøparforsikring frå HELP Forsikring AS. Bustadkjøparforsikring er ei rettshjelpsforsikring som gir tryggleik og profesjonell juridisk hjelp dersom det blir oppdaga uventa feil eller manglar ved bustaden dei neste fem åra. Bustadkjøparforsikring Pluss har same dekning som bustadkjøparforsikring + fullverdig advokathjelp på viktige rettsområde i privatlivet. Les meir om begge forsikringane i vedlagde materiell eller på help.no. Det blir gjort merksam på at meklarføretaket mottar kr 1 900 / 2 600 / 2 600,- (avhengig av bustadtype) i kostnadsgodtgjersle for kvar forsikringsavtale som blir formidla på Bustadkjøparforsikring Pluss og kr 2 900 ,- / 3 600,- / 3 600,- i kostnadsgodtgjersle for Bustadkjøparforsikring.

Forsikringsselskap

Frende

Avgiftsbeskrivelse

Dette inkluderer renovasjon, vatn- og avlaupsavgifter og feiing. Den totale årlege kostnaden vil variere etter eige forbruk. Fastpris renovasjon: 5 880,- inkludert mva frå 01.01.2026.   Dette er ein årleg kostnad som vil vere lik for alle bueiningar. Grunngebyret dekkjer henting, handsaming og vidare transport av matavfall, restavfall, papp/papir, plast-, glas- og metallemballasje, samt administrasjonskostnadar knytt til renovasjon.

Moderniseringer og påkostninger

Følgjande moderniseringar er foretekne dei seinare åra: 2026: - Montert nye lister i tak, på veggar, golv og rundt dører i stove, kjøkken og inngangsparti - Montert nye lister og fôringar rundt vindu på soverom 2025: - Skifta vindauge på soverom - Skifta alle innvendige dørblad - Montert nytt golv i stove og kjøkken - Fôra ned tak i stove/kjøkken og inngangsparti - Montert smartspottar i stove, kjøkken og inngangsparti, utført av Vestland Elektro og Rør 2024: - Bygd om terrasse og skifta bord på terrasse - Bygd nytt rekkverk og skjermvegg på terrasse - Montert ny plate på vegg i stove og inngangsparti 2022: - Montert ny inngangsdør 2021: - Montert loft og hyller i bod 2017: - Oppgradert bad/vaskerom

Betalingsbetingelser

Kjøpesum og alle kostnader skal vere innbetalt til meklar sin klientkonto før overtaking. Det føresetjast at skøyte blir tinglyst på ny eigar. Dersom kjøpar ikkje ønskjer heimelsoverføring av eigedommen til seg, må det takast atterhald om dette i bodet.

Fasiliteter

Adgang til utleie

Det er ingen utleigeforhold knytte til eigedomen i dag. Utleige av seksjonen kan vere avgrensa, jf. sameiget sine vedtekter og krav om styregodkjenning. Sameiget sine vedtekter fastset at styret skal godkjenne ny leigetakar av seksjonen. Styret kan berre nekte slik godkjenning dersom det ligg føre ein sakleg grunn. Vidare fastset vedtektene at ingen kan kjøpe eller på anna måte erverve fleire enn to bustadseksjonar i eitt og same eigarseksjonssameige.

Radon

Det er ikkje utført radonmåling og det er heller ikkje krav til dette, for meir informasjon vedrørande radon sjå www.dsa.no. Kjøpar overtek frå overtakingsdagen ansvaret for eventuelle utbetringstiltak som seinare må setjast i verk og betalast.

Sentrale lover

Eigedomen vert seld etter reglane i avhendingslova. Salsoppgåva er basert på dei opplysningane seljar har gitt til bygningsakkyndig og meklar, samt opplysningar innhenta frå kommunen, Statens kartverk og andre tilgjengelege kjelder. Eigedomen skal overleverast til kjøpar i tråd med det som er avtalt. Det er viktig at kjøpar set seg grundig inn i alle salsdokumenta, med dette salsoppgåve, tilstandsrapport og seljar si egenerklæring. Kjøpar vert sett på som kjent med forhold som er tydeleg beskrive i salsdokumenta. Forhold som er beskrive i salsdokumenta kan ikkje påberopast som manglar. Dette gjeld uavhengig av om kjøpar har lest dokumenta. Alle interessentar vert oppmoda til å undersøkje eigedomen nøye, gjerne saman med fagkyndig før bod vert gjeve. Kjøpar som vel å kjøpe usett kan ikkje gjere gjeldande som mangel noko han burde blitt kjent med ved undersøkinga. Dersom det er behov for avklaringar, anbefalar vi at kjøpar rådfører seg med eigedomsmeklar eller ein bygningsakyndig før det vert lagt inn bod.   Dersom kjøpar ikkje er forbrukar seljast eigedomen «som den er», og seljar sitt ansvar er då avgrensa jf.§ 3-9 1. ledd 2. pkt. Informasjon om kjøpar si undersøkingsplikt, med dette oppmoding om å undersøkje eigedomen nøye, gjeld og for kjøparar som ikkje vert vurdert som forbrukarar.  På grunn av ulike avtalevilkår kan seljar vurdere bod frå ein som ikkje er forbrukar, ulikt frå ein forbrukar sitt bod. Dersom kjøpar ikkje er forbrukar, er seljar sitt mulege mangelsansvar avgrensa fordi eigedomen vert seld "som den er".  Seljar kan ikkje ta «som den er» atterhald ovanfor ein forbrukarkjøpar. Sjølv eit lågare bod frå ein som ikkje er forbrukar kan foretrekkast fordi avgrensinga i muleg mangelsansvar kan ha eigenverdi for seljar. Seljar står fritt til å forkaste eller akseptere eitkvart bod, og pliktar til dømes ikkje å akseptere høgste bod.  Bodgjevarar får informasjon dersom andre bod er gjeve av ein som ikkje er forbrukar.  Forbrukarkjøp - definisjon: Med forbrukarkjøp meinast kjøp av eigedom når kjøparen er ein fysisk person som ikkje hovudsakleg handlar som ledd i næringsverksemd. Forbrukar - avtalevilkår: Eigedomen har ein mangel dersom den ikkje er i samsvar med krava som følgjer av avtalen, eller det ligg føre brot på bestemmingane i avhendingslova §§ 3-2 til 3-8. Dersom eigedomen ikkje er i samsvar med det kjøparen må kunne vente ut frå alder, type og synleg tilstand, kan det vere grunnlag for mangelskrav. Det same gjeld dersom det er halde tilbake eller gitt urette opplysningar om eigedomen. Dette gjeld likevel berre dersom ein kan gå ut frå at det virka inn på avtalen at opplysningen ikkje vart gitt eller at feil urette opplysningar ikke blir retta i tide på ein tydeleg måte. Ein bustad som har blitt brukt i ei viss tid, har vanlegvis blitt utsett for slitasje og skadar kan ha oppstått. Slik bruksslitasje må kjøpar rekne med, og det kan avdekkast enkelte forhold etter overtakinga som gjer det naudsynt med utbetringa utbedringar. Normal slitasje og skadar som gjer det naudsynt med utbetring, er innanfor kva kjøpar må vente og vil ikkje utgjere ein mangel. Bustaden kan ha ein mangel etter avhendingslova § 3-3 dersom det er avvik mellom opplyst og faktisk innvendig areal, forutsett at avviket er på 2 % eller meir og minimum 1 kvm. Ved berekning av eit eventuelt prisavslag eller erstatning må kjøpar sjølv dekke tap/kostnader opptil eit beløp på kr 10 000 (eigendel). Ikkje - forbrukar (næringsdrivande) – definisjon: Dersom kjøpar er ein juridisk person, eller ein fysisk person som hovudsakeleg handlar som ledd i næringsverksemnd, vil kjøpet ikkje bli sett på som eit forbrukarkjøp.  Ikkje - forbrukar – avtalevilkår: Eigedomen har ein mangel dersom den ikkje er i samsvar med krava som følgjer av avtalen. Eigedomen vert seld «som den er», og seljar sitt ansvar utover det konkret avtalte er då avgrensa etter avhendingslova § 3-9, første ledd andre setning.  Avhendingslova § 3-3 andre ledd vert fråviken, og korvidt arealsvikt i bustaden utgjer ein mangel vert vurdert etter avhendingslova § 3-8.  Ein føresetnad for salet er at skøyet for eigedomen vert tinglyst på kjøpar. Interessentar og kjøpar må godta at seljar og meklar brukar elektronisk kommunikasjon i salsprosessen. I trå med eigedomsmeklingsforskrifta vil informasjon om oppdragsgivar, salsobjektet, interessentar og kjøpar bli lagra av meklarføretaket i min. 10 år. Sjå em1.no for meir informasjon om handsaminga vår av personopplysningar.

Personopplysningsloven

Vi gjer interessentar og kjøparar merksame på at vi vil handsame, etter personopplysingslova, personopplysningane dine i den utstrekning dette er naudsynt for å oppfylle våre lovpålagte plikter, med dette for å kunne gjere kundekontroll etter kvitvaskingslova samt for å utføre oppgåver som vi er pålagt etter eigedomsmeklingslova.

Kommunalinfo

• Kommunale avgifter: kr 12 908
• Eiendomsskatt: kr 2 189
• Informasjon om eiendomsskatt: For bustadeigedomar og fritidseigedomar er eigedomsskatten 3,1 promille(sjekk din kommune). For alle bustadeigedomar og fritidseigedomar utgjer eigedomsskattegrunnlaget 70 prosent av skattetaksten for slike eigedomar, jf. eigedomsskattelova § 8 A-2. Eigedomsskatten 7 promille(sjekk din kommune) for næringseigedom, energianlegg (kraftanlegg og kraftnettet), naust, tomter (bustad, fritid, næring og naust) og særskilde skattegrunnlag (jf. overgangsregel i eigedomsskattelova).