Ripeneset 63

Last ned salgsoppgave for komplett informasjon om eiendommen

Registerbetegnelse

Parkering

Parkering på grusa gårdsplass på eiga tomt.

Eiendom

Tomteareal er 975 m² på eiet tomt.

Eigartomt på 974,8 m². Tomta er ei sørvendt fjelltomt med naturleg drenering og helling. Ho er opparbeidd med grøntareal og har ein terrengmur av naturstein ved inngangspartiet. Frå tomta er det utsyn til Dalsfjorden. Eigedomen har ikkje koordinatbestemt målebrev. Arealet kan avvike frå det oppgitte ved seinare oppmåling. Eventuelt arealavvik vert akseptert av kjøpar.

Byggeår

2005

Innhold

Fritidsbustaden går over eitt plan med følgjande innhald: Entré, stova/kjøkken, tre soverom og toalettrom. Vestvendt, overbygd terrasse på 16 m². Det ligg føre godkjende og byggemelde teikningar, men dagens planløysing samsvarar ikkje med desse. I dei godkjende bygningsteikningane er bygget godkjent med to soverom og eit vaskerom, samt lukka kjøkkenløysing. I dag er bygget innreidd med tre soverom, i stova/kjøkken i open løysing. Endringane som er gjort er frå p-rom til p-rom og er ikkje søknadspliktig. Endring frå rom til varig opphald til rom for varig opphald er ikkje søknadspliktig. Det er levert ferdigattest frå kommunen basert på dagens faktiske romdeling. Dei oppgitte romma er definerte av bygningssakkyndig i samsvar med vedlagd rapport, basert på dagens faktiske bruk, uavhengig av kva som er godkjent av bygningsstyresmaktene.

Standard

Fritidsbustad oppført i 2005 med ei intern splitt-løysing mellom nedre og øvre halvplan, knytt saman med ei tretrapp. Hytta er bygd for friluftsliv utan innlagt vatn og avløp, og driv på 12-voltsanlegg med solcellepanel for belysning, kjøleskap og ventilator. Gasskomfyr og miljøtoalett med kompostbehaldar i krypkjellaren er dei praktiske løysingane som definerer bruken. Vedovnen i stova gjev varme. Tre soverom gjev plass til fleire. Den vestvendte, overbygde terrassen på to nivå er tilgjengeleg frå stova. Entré: Frå ytterdøra i treverk kjem ein inn i ein langsgåande gang kledd med trepanel på veggar og himling. Trefyllingsdører med og utan malte overflater leier vidare til soverommane og toalettrommet. Gangen bind saman dei private romma og gjev naturleg tilgang til kjøkken- og stovearealet. Stove: Oppe på det øvre halvplanet opnar stova seg med skråtak og trepanel i heiltre på veggar og himling. Vedovnen er montert på steinhelle ved sidan av pipa av lettklinkerelement med pussa overflater. Sotluka på pipa har eit avvik knytt til avstand til brennbart materiale. Store vindusflater og tofløya terrassedør slepper inn dagslys frå vest. Rommet har plass til sofagruppe og sitjekrok, og den innebygde hylla i tre langs eine veggen gjev god oppbevaringsplass. Tretrappa ned til kjøkken- og entréplanet er open og integrert i rommet. Kjøkken: Nede på det nedre halvplanet ligg kjøkkenarealet i open løysing mot stova. Kjøkkeninnreiinga er gjenbrukt med eikefrontar og eikeplate med nedfelt oppvaskkum. Den frittståande gasskomfyren er tilknytt eit utvendig veggmontert skap for gassbehaldaren. Ventilatoren har omformar og utkast gjennom yttervegg. Eit 12-volts kjøleskap er del av innreiinga. Store vindusflater gjev godt dagslys over kjøkken- og spisebordsarealet. Terrasse: Frå stova er det utgang via tofløya terrassedør til den vestvendte, overbygde terrassen. Terrassen er fordelt på to nivå med ein høgdeskilnad på om lag 90 cm, og har plass til sitjemøblar på begge nivåa. Takoverbygg gjev ly for regn. Det manglar rekkverk på øvre del av terrassen og permanent trapp mellom nivåa. Soverom: Hytta har tre soverom, alle på det øvre halvplanet. Eitt soverom har plass til dobbeltseng, medan dei to andre er innreidde med køyesenger og høver godt for barn eller fleire gjester. Alle romma har vindauge med trekarmar og 2-lags glas, og veggar og himling av trepanel i heiltre. Toalettrom: Toalettrommet ligg på det øvre halvplanet med tilgang frå gangen. Golvet er av heiltre, veggane er kledd med malt trepanel og himlingen med trekvit trepanel. Benkeskap med skuffer og hyller har malte frontar og laminat benkeplater. Miljøtoalettet har lufting, og kompostbehaldar er plassert i krypkjellaren under. Ventilasjonen er basert på naturleg ventilering via spileventil og ved bruk av opningsvindu. Overflater: Golv: Heiltregolv. Veggar: Trekvit trepanel. Malt trepanel på toalettrommet. Himling: Trekvit trepanel. Lagring: Utvendig veggmontert skap for gassbehaldaren. Omsetning av brukt eigedom Ein brukt eigedom vil som regel ikkje vere i same stand som om den var ny. Tekniske krav, type bustad, teknikk og skikkar endrar seg over tid. Bruksslitasje og ytre forhold kan gjere at tilstanden blir dårlegare etter kvart, sjølv om det ikkje er synleg. Kjøparar kan ha mindre forventningar til eldre bustader enn nye, og det kan vere skadar eller feil som ikkje er beskrive, men som seljar likevel ikkje kan haldast ansvarleg for. Normal bruksslitasje er ikkje ein mangel, og det er ikkje sikkert at det som opplevast som ein feil ved ein eigedom er ein mangel i rettsleg forstand. Det er difor viktig å setje seg grundig inn i tilstanden på den eigedomen ein vil kjøpe.

Hvitevarer

Eventuelle kvitevarene vert leverte utan nokon form for garantiar, utover eventuell attverande leverandørgaranti.

Byggemåte

Informasjonen er henta frå vedlagte tilstandsrapport, datert 13.02.2026. Bygning: Fritidsbustad oppført i 2005 i tradisjonell konstruksjon og med normal bygningsmessig standard for byggeåret. Bygningen har ikkje innlagt vatn, avløp og elektrisk anlegg. Bygningen er fundamentert på fjelltomt, med synleg fjell i krypkjellaren. Fundament av betong og ringmur av betongsteinsmur. Yttervegger av bindingsverk med utvendig kledning av ventilert trepanel. Golv av tredekke med underkledning av OSB-plater over ventilert krypkjeller. Ventilert krypkjeller med synleg fjellgrunn. Det er kompostbeholder for miljøtoalett i krypkjellaren. Naturlig drenering, og det er ikkje synleg utvendig fuktsikring av ringmurane som ligg under terreng. Terrengmur av naturstein ved inngangspartiet. Tak: Takkonstruksjon med saltakform, oppbygd av sperr på berande konstruksjonar av bindingsverk og limtre. Skråtaka er isolerte og ventilerte, og himlingen mot blindloftet/kaldloftet er isolert og konstruksjonen ventilert. Taktekking av pappshingel på undertak av rupanel. Takrenner og nedløp av lakkert metall. Stigetrinn for tilkomst til pipa er av lakkert metall. Pipe/Eldstad: Pipe av lettklinkerelement med pussa overflater og sotluke i stova. Vedovn i stova er montert på steinhelle. Vindauge: Vindauge med trekarmar og 2-lags glas, med spalteventil og utvendige sprosser. Dører: Ytterdør i treverk med malte overflater. To-fløya terrassedør i treverk med malte overflater og 2-lags glas med sprosser. Innvendige dører er gjenbrukte trefyllingsdører med malte overflater. Trapper/tilkomst: Innvendig er det ei tretrapp mellom nedre og øvre halvplan. Balkong/terrasse: Vestvendt overbygd terrasse på 16 m², fordelt på to nivå med ein høgdeskilnad på ca. 90 cm. VVS-installasjonar: Sanitæranlegg er ikkje installert. Det er ikkje innlagt vatn eller avløpssystem. Kjøkkenet har ein nedfelt oppvaskkum, og det er eit miljøtoalett med kompostbeholder i krypkjellaren. Eigedomen er ikkje tilknytt vasskjelde eller avløpsanlegg. Det er moglegheit for tilkopling til privat vassverk og privat felles avløpsanlegg i hyttefeltet. Ventilasjon: Ventilasjonen er basert på naturleg ventilering via spalteventilar i vindauga. Kjøkkenet har ventilator med omformar og utkast gjennom yttervegg. Toalettrommet er ventilert via spalteventil og opningsvindu. Miljøtoalettet har lufting. Tekniske detaljar: Oppvarming med vedovn i stova. Det er eit utvendig veggmontert skap for gassbeholder til frittståande gasskomfyr. Eigedomen har eit 12-voltsanlegg med solcellepanel for belysning, kjøleskap og ventilator. Eigedomen har eit 12-voltsanlegg med solcellepanel for belysning, kjøleskap og ventilator. Alle bygningsdelar og installasjonar har avgrensa levetid. Konstruksjonane er bygd etter lov og forskrift som tek utgangspunkt i byggeåret og vil normalt ikkje tilfredsstille krava i dag. Med omsyn til den tekniske standarden på bygningane vert det vist til vedlagde tilstandsrapport fra takstmann Bjarte Roska datert 25.02.2026, der enkelte bygningselementer har oppnådd tilstandsgrad 3 (TG3), tilstandsgrad 2 (TG2) og konstruksjonar som ikkje er undersøkt (TGIU). Interessentar vert oppmoda til å sette seg grundig inn i desse punkta samt eigenerklæringa som ligg ved salsoppgåva før det vert lagt inn bod på eigedomen. Meklar gjer elles merksam på kjøpar si undersøkingsplikt med heimel i avhendingslova. Nedanfor finn ein ei kort oppsummering av det den bygningssakyndige har beskrive av avvik ved bustaden som har fått tilstandsgrad 2 (TG 2) eller 3 (TG 3) OG TG IU (Ikkje undersøkt). TG3 med store eller alvorlege avvik: - Innvendig - Pipe og ildsted | Sotluka har ikkje forskriftsmessig avstand på minimum 30 cm til brennbart veggmateriale. (TG 3) Saltutslag i pipa. Frå eigaren er det opplyst at saltutslaga oppstod før pipa vart overflatebehandla utvendig. Konsekvens/tiltak: Montere eldfast plate over brennbart materiale som har avstand mindre en 30 cm til sotluka. Ved montering av sotlukestein vil avstandskravet verte redusert. TG2 med avvik som kan krevje tiltak: - Innvendig > Krypkjeller: Det er ikkje fuktsperre over terrenget i krypromma. - Innvendig > Innvendige trapper: Avvik i høve til normal trinnhøgde (målt til 23,8 cm). - Tomteforhold > Fuktsikring og drenering: Det er ikkje synleg utvendig fuktsikring av ringmurane som ligg under terreng. - Tomteforhold > Grunnmur og fundamenter: Ringmuren er ikkje pussa eller slemma utvendig. - Toalettrom > Overflater og konstruksjon: Rommet er berre ventilert via spalteventil og opningsvindu. TGIU - Konstruksjonar som ikkje er undersøkte: - Utvendig > Taktekking: Taktekkinga var snødekt under synfaringa. - Utvendig > Takkonstruksjon/Loft: Ikkje tilrettelagt for tilkomst til blindloftet og takflatene var snødekte under synfaringa. Helse, miljø og sikkerhet: - Det er ikkje montert rekkverk på øvre del av terrassen og heller ikkje permanent trapp. Det er forskriftsmessig krav om rekkverk der nivåskilnaden til terreng er over 50 cm. - Det er ikkje montert handtre/rekkverk på innvendig trapp mellom øvre og nedre halvplan. Det er forskriftsmessig krav om rekkverk/handtre langs trapper. - Bygningen er ikkje oppført med radonsperre og radonmåling er ikkje utført. Oppsummeringa over er ikkje uttømmande, og du vert oppmoda til å lese og setje deg grundig inn i alt salsmateriell. For ordens skuld nemner vi at TGIU står for «tilstandsgrad ikkje undersøkt», til dømes fordi ein del av bygget ikkje har vore tilgjengeleg for inspeksjon. Desse delane kan dermed ha feil eller manglar som ikkje er avdekte.

Eiendomstype

Fritidseiendom

Oppvarming

Oppvarming med vedovn i stova.

Strømforbruk

Det er ikkje bestilt Norgespris på straum for eigedomen. Meklar gjer merksam på at desse utgiftene er knytt til dagens eigar og at desse vil kunne endre seg med omsyn til anna bruk av bustaden enn i dag eller andre avtalar med leverandørar.

Vei, vann og avløp

Eigedomen er ikkje tilknytt offentleg vatn og avlaup. Vegen til eigedomen er privat. Privat veg blir vedlikehalden av brukarane. Eigedommen vil mot refusjonsavgift kunne kople seg til Rivedal private vassverk via hyttefeltet sitt private leidningsnett og til hyttefeltet sitt felles private avløpsanlegg. Kostnaden for eventuell tilkopling til privat vass- og avløpsanlegg er opplyst å vere kr 350 000,-. Årleg kostnad for vedlikehald og snøbrøyting av vegen er opplyst til kr 5 000,-.

Meglers plikt til å stanse gjennomføring av en handel

Eigedomsmeklarar er underlagd lov om kvitvasking og pliktar å rapportere til Økokrim om mistenkelege transaksjonar. Lov om kvitvasking har og strenge reglar om kontroll av legitimasjon frå alle partar i handelen, med dette, seljar, kjøpar og fullmektigar for desse.

Budgivning

Alle bod skal gjevast skriftleg og legitimert til meklar, som formidlar desse vidare til seljar. Dette gjer ein enkelt elektronisk ved å klikke på "gi bud" knappen på hjem.no, finn.no, via eiendomsmegler1.no eller på bodskjema vedlagt salsoppgåva. Meklar skal så snart som muleg stadfeste skriftleg ovanfor bodgjevar at bod er motteke og formidle det vidare til seljar.  Bod må  ikkje ha kortare akseptfrist enn kl. 12.00 første virkedag etter siste annonserte vising. Bod med kortare frist enn dette kan ikkje formidlast av meklar.  Meklar pliktar å leggje til rette for ei forsvarleg avvikling av bodrunden. For at boda skal kunne bli handsama bør dei ikkje ha ein kortare akseptfrist enn 30 minutt frå bodet er gjeve. Bod som vert gjeve etter normal arbeidstid vert handsama/formidla påfølgjande arbeidsdag.  Meklar tek ikkje ansvar for forseinkingar på el- eller telenettet. Under bodrunden kan akseptfristen kortast ned ved mottaking av nye bod. Akseptfristen frå kjøpar er absolutt. Det betyr at dersom seljar vel å akseptere bodet, må kjøpar meddelast aksepten innan akseptfristen går ut. Dersom du utset å gje inn bod til tett opp mot akseptfristen er det ei reell fare for at eigedomen kan bli seld før bodet ditt kjem fram til meklar. Ein syner elles til "Forbrukarinformasjon om bodgjeving", som også er ein del av salsoppgåva. Kjøpar er utanlandsk statsborgar Dersom ein kjøpar er utanlandsk statsborgar krevjast det at ein har D-nummer til erstatning for norsk personnummer. Meklar rekvirerer dette samstundes som skøyte vert sendt inn til tinglysing hjå Kartverket. Skøytet vert så liggande hjå Kartverket fram til kjøpar har fått D-nummer av  skatteetaten. Deretter vert skøytet tinglyst. Denne prosessen vil ofte medføre at oppgjer og  utbetaling til seljar vert forseinka med nokre veker. Kjøpar må i desse tilfella enten ta atterhald i  bod om forseinka utbetaling til seljar, eller vere budd på å dekke forseinkingsrenter. Kontakt  ansvarleg meklar for informasjon før bodgjeving.

Overtakelse

Overtaking etter avtale. Legg inn ønskje om overtakingsdato ved bodgjeving. Mellom aksept av bod og tidspunktet for overtaking er det ikkje høve til å synfare eigedomen. Vi tilrår difor interessentar til å naudsynte mål og liknande på visinga.

Boligselgerforsikring

Seljar har teikna bustadseljarforsikring som er framforhandla av Söderberg & Partners AS. Forsikringa dekkjer seljar sitt ansvar etter avhendingslova, med dei avgrensingane som følgjer av forsikringsvilkåra og er avgrensa til salssummen til eigedomen, men oppad avgrensa til kr. 14 000 000,-. Seljar har i den samanhengen utarbeidd ei eigenerklæring om eigedomen. Eigenerklæringa ligg vedlagt salsoppgåva og interessentar vert oppmoda til å gjere seg kjend med denne før bodgiving/kjøp. Bustadseljarforsikringa sørgjer for at kjøpar kan forhalde seg til ein profesjonell og søkegod motpart som handterer eventuelle reklamasjonar fagleg og ryddig. Dersom kjøpar ikkje har teikna bustadkjøparforsikring kan hen reklamere direkte til Claims Link (tlf 67 83 51 30 eller post@claimslink.no), som representerer bustadseljarforsikringa til seljar. Av vilkåra går det fram unntak i forsikringsdekninga, til dømes ved nye forhold som oppstår mellom aksept og overtaking. Garantiar/lovnader der seljar har påteke seg ansvar for eigenskapar ved eigedomen eller dokumentasjon av slike, vert ikkje dekt. I nokre tilfelle er det heller ikkje dekning der seljar har opptrådt forsettleg eller grovt aktlaust. Forsikringa omfattar heller ikkje ein redusert bustadverdi som skuldast skadedyr/insekt, til dømes skjeggkre/perlekre/sølvkre, veggdyr, pelsbiller, maur, borebiller og tilsvarande. I samsvar med lov og rettspraksis må det reklamerast "innan rimeleg tid". Det vert tilrådd å reklamere umiddelbart/snarast mogleg og seinast innan 2 månader frå forholdet vart/burde vorte oppdaga. Dersom kjøpar utbetrar mangelskrav på eiga hand, kan dette medføre at reklamasjonsretten vert tapt.

Boligkjøperforsikring

Vedlagt i salsoppgåva følgjer informasjon om Bustadkjøparforsikring Pluss og Bustadkjøparforsikring frå HELP Forsikring AS. Bustadkjøparforsikring er ei rettshjelpsforsikring som gir tryggleik og profesjonell juridisk hjelp dersom det blir oppdaga uventa feil eller manglar ved bustaden dei neste fem åra. Bustadkjøparforsikring Pluss har same dekning som bustadkjøparforsikring + fullverdig advokathjelp på viktige rettsområde i privatlivet. Les meir om begge forsikringane i vedlagde materiell eller på help.no. Det blir gjort merksam på at meklarføretaket mottar kr 1 900 / 2 600 / 2 600,- (avhengig av bustadtype) i kostnadsgodtgjersle for kvar forsikringsavtale som blir formidla på Bustadkjøparforsikring Pluss og kr 2 900 ,- / 3 600,- / 3 600,- i kostnadsgodtgjersle for Bustadkjøparforsikring.

Avgiftsbeskrivelse

Dei kommunale avgiftene gjeld for feiing og tilsyn. Renovasjon er ikkje inkludert i prognosen frå kommunen og vil bli fakturert separat. Eigedomen er ikkje tilknytt offentleg vatn eller avlaup, og har difor ikkje gebyr for dette. Kommunale gebyr er ein kombinasjon av forskot, abonnement og enkeltgebyr fakturert etter levert teneste. Kommunen kjenner ikkje samla gebyr for ein eigedom for eit år før året er omme. I tillegg kjem eigedomsskatt. For 2026 er denne stipulert til kr 3 234,-.

Moderniseringer og påkostninger

Ingen moderniseringar er dokumenterte sidan byggeår.

Betalingsbetingelser

Kjøpesum og alle kostnader skal vere innbetalt til meklar sin klientkonto før overtaking. Det føresetjast at skøyte blir tinglyst på ny eigar. Dersom kjøpar ikkje ønskjer heimelsoverføring av eigedommen til seg, må det takast atterhald om dette i bodet.

Adgang til utleie

Fritidsbustad med éi eining som fritt kan leigast ut i sin heilskap.

Radon

Det er ikkje utført radonmåling på eigedomen. Tilstandsrapporten tilrår at radonmåling vert utført, men det er ikkje krav tild ette. Bygningen er ikkje oppført med radonsperre. For meir informasjon om radon, sjå www.dsa.no/radon.

Sentrale lover

Eigedomen vert seld etter reglane i avhendingslova. Salsoppgåva er basert på dei opplysningane seljar har gitt til bygningsakkyndig og meklar, samt opplysningar innhenta frå kommunen, Statens kartverk og andre tilgjengelege kjelder. Eigedomen skal overleverast til kjøpar i tråd med det som er avtalt. Det er viktig at kjøpar set seg grundig inn i alle salsdokumenta, med dette salsoppgåve, tilstandsrapport og seljar si egenerklæring. Kjøpar vert sett på som kjent med forhold som er tydeleg beskrive i salsdokumenta. Forhold som er beskrive i salsdokumenta kan ikkje påberopast som manglar. Dette gjeld uavhengig av om kjøpar har lest dokumenta. Alle interessentar vert oppmoda til å undersøkje eigedomen nøye, gjerne saman med fagkyndig før bod vert gjeve. Kjøpar som vel å kjøpe usett kan ikkje gjere gjeldande som mangel noko han burde blitt kjent med ved undersøkinga. Dersom det er behov for avklaringar, anbefalar vi at kjøpar rådfører seg med eigedomsmeklar eller ein bygningsakyndig før det vert lagt inn bod.   Dersom kjøpar ikkje er forbrukar seljast eigedomen «som den er», og seljar sitt ansvar er då avgrensa jf.§ 3-9 1. ledd 2. pkt. Informasjon om kjøpar si undersøkingsplikt, med dette oppmoding om å undersøkje eigedomen nøye, gjeld og for kjøparar som ikkje vert vurdert som forbrukarar.  På grunn av ulike avtalevilkår kan seljar vurdere bod frå ein som ikkje er forbrukar, ulikt frå ein forbrukar sitt bod. Dersom kjøpar ikkje er forbrukar, er seljar sitt mulege mangelsansvar avgrensa fordi eigedomen vert seld "som den er".  Seljar kan ikkje ta «som den er» atterhald ovanfor ein forbrukarkjøpar. Sjølv eit lågare bod frå ein som ikkje er forbrukar kan foretrekkast fordi avgrensinga i muleg mangelsansvar kan ha eigenverdi for seljar. Seljar står fritt til å forkaste eller akseptere eitkvart bod, og pliktar til dømes ikkje å akseptere høgste bod.  Bodgjevarar får informasjon dersom andre bod er gjeve av ein som ikkje er forbrukar.  Forbrukarkjøp - definisjon: Med forbrukarkjøp meinast kjøp av eigedom når kjøparen er ein fysisk person som ikkje hovudsakleg handlar som ledd i næringsverksemd. Forbrukar - avtalevilkår: Eigedomen har ein mangel dersom den ikkje er i samsvar med krava som følgjer av avtalen, eller det ligg føre brot på bestemmingane i avhendingslova §§ 3-2 til 3-8. Dersom eigedomen ikkje er i samsvar med det kjøparen må kunne vente ut frå alder, type og synleg tilstand, kan det vere grunnlag for mangelskrav. Det same gjeld dersom det er halde tilbake eller gitt urette opplysningar om eigedomen. Dette gjeld likevel berre dersom ein kan gå ut frå at det virka inn på avtalen at opplysningen ikkje vart gitt eller at feil urette opplysningar ikke blir retta i tide på ein tydeleg måte. Ein bustad som har blitt brukt i ei viss tid, har vanlegvis blitt utsett for slitasje og skadar kan ha oppstått. Slik bruksslitasje må kjøpar rekne med, og det kan avdekkast enkelte forhold etter overtakinga som gjer det naudsynt med utbetringa utbedringar. Normal slitasje og skadar som gjer det naudsynt med utbetring, er innanfor kva kjøpar må vente og vil ikkje utgjere ein mangel. Bustaden kan ha ein mangel etter avhendingslova § 3-3 dersom det er avvik mellom opplyst og faktisk innvendig areal, forutsett at avviket er på 2 % eller meir og minimum 1 kvm. Ved berekning av eit eventuelt prisavslag eller erstatning må kjøpar sjølv dekke tap/kostnader opptil eit beløp på kr 10 000 (eigendel). Ikkje - forbrukar (næringsdrivande) – definisjon: Dersom kjøpar er ein juridisk person, eller ein fysisk person som hovudsakeleg handlar som ledd i næringsverksemnd, vil kjøpet ikkje bli sett på som eit forbrukarkjøp.  Ikkje - forbrukar – avtalevilkår: Eigedomen har ein mangel dersom den ikkje er i samsvar med krava som følgjer av avtalen. Eigedomen vert seld «som den er», og seljar sitt ansvar utover det konkret avtalte er då avgrensa etter avhendingslova § 3-9, første ledd andre setning.  Avhendingslova § 3-3 andre ledd vert fråviken, og korvidt arealsvikt i bustaden utgjer ein mangel vert vurdert etter avhendingslova § 3-8.  Ein føresetnad for salet er at skøyet for eigedomen vert tinglyst på kjøpar. Interessentar og kjøpar må godta at seljar og meklar brukar elektronisk kommunikasjon i salsprosessen. I trå med eigedomsmeklingsforskrifta vil informasjon om oppdragsgivar, salsobjektet, interessentar og kjøpar bli lagra av meklarføretaket i min. 10 år. Sjå em1.no for meir informasjon om handsaminga vår av personopplysningar.

Personopplysningsloven

Vi gjer interessentar og kjøparar merksame på at vi vil handsame, etter personopplysingslova, personopplysningane dine i den utstrekning dette er naudsynt for å oppfylle våre lovpålagte plikter, med dette for å kunne gjere kundekontroll etter kvitvaskingslova samt for å utføre oppgåver som vi er pålagt etter eigedomsmeklingslova.

Kommunalinfo

• Kommunale avgifter: kr 564
• Eiendomsskatt: kr 3 234