Hildastranda 103

Last ned salgsoppgave for komplett informasjon om eiendommen

Registerbetegnelse

Forsikringspolise

3771800

Etasje

2

Parkering

Eigedomen har ein garasje på 20 m² som er bygd som eit tilbygg mot søraust. Garasjen har straum til lys og el-kontakt, men det er ikkje montert port. I tillegg er det parkering på grusa gårdsplass.

Eiendom

Tomteareal er 1 400 m² på eiet tomt.

Eigedommen har ei stor og solrik eiga tomt på 1400,1 m². Tomta er skrånande og opparbeidd med grusa innkøyrsel og ein stor plen. Det er elles noko tre og buskar på tomta. Deler av opparbeida hage ligg på naboeigedom, men har vert nytta av dagens eigar sidan byggeår.

Byggeår

1981

Innhold

Einebustad går over to plan med følgjande innhald: Underetasje: Vindfang, gang, trapperom, bad, vaskerom, to boder, to soverom og kjellerstove. 1. etasje: Gang, trapperom, kjøkken, stove, bad og to soverom. Frå stova er det utgang til ein aust- og sørvestvendt, hovudsakleg overbygd terrasse på 42 m². Eigedomen har ein tilbygd garasje på 20 m².

Standard

Dette er ein innhaldsrik einebustad over to plan, oppført i 1981. Bustaden har ei praktisk planløysing med sosiale soner og soverom i første etasje, og ei eiga avdeling med fleire rom i underetasjen. Fleire oppgraderingar er gjort dei siste åra, mellom anna med peisomn frå 2020 og nyare vindauge. Frå stova er det utgang til ein stor, delvis overbygd terrasse. Vindfang: Inngangen i underetasjen har flislagt golv og garderobeskåp for ytterklede. Frå vindfanget kjem du inn i ein gang som bind saman romma i denne etasjen. Kjellarstove og to soverom i underetasjen: Underetasjen inneheld to soverom og eit innreidd rom som i dag er brukt som kjellarstove. Dette gir fleksible moglegheiter for familien, til dømes som ei eiga sone for tenåringar, gjesterom eller kontor. Bad i underetasjen: Badet i denne etasjen er utstyrt med golvmontert toalett, servant og dusj med forheng. Rommet har golvvarme. Badet er av eldre dato. Vaskerom: Praktisk vaskerom med golvbelegg og golvvarme. Her er det opplegg for vaskemaskin, ein utslagsvask i stål og fastmonterte hyller. Varmtvasstanken er plassert her. Rommet er opphavleg frå byggjeåret og har behov for oppgradering. Stove: I første etasje opnar bustaden seg opp med ei delvis open løysing mellom stove, kjøkken og gang. Stova har plass til fleire sitjegrupper, og TV-krok. Ein peisomn frå Nordpeis, installert i 2020, gir varme på ekstra kalde dagar. Store vindauge gir godt med lys og rammar inn den nydelige utsikta. Frå stova er det utgang til terrassen. Kjøkken: Kjøkkenet har ei innreiing frå byggjeåret med profilerte frontar i eik og ei flislagt benkeplate som fungerer som ei barløysing mot gangen. Det er god plass til eit stort spisebord framfor vindauga. Rommet har mekanisk avtrekk over kokesona og opplegg for oppvaskmaskin. Bad i 1. etasje: Badet i hovudetasjen vart pussa opp i 2004 og har flislagt golv med varmekablar og flislagde veggar. Det er utstyrt med veggmontert toalett, servant i heil-tre innreiing og ein dusj med hengsla glasdører. Ein skyvedørsgarderobe gir god lagringsplass. To soverom i 1. etasje: Dei to soveromma i denne etasjen har plass til seng og garderobeløysingar. Begge romma har garderobeskåp. Terrasse og uteområde: Frå stova er det utgang til ein stor, aust- og sørvestvendt terrasse på 42 m². Ein stor del av terrassen er overbygd, noko som forlengjer utesesongen. Her er det god plass til både spisebord og sitjegruppe, med utsikt over landskapet. Overflater: Golv: 3-stavs eikeparkett i 1. etasje. I underetasjen er det i hovudsak lakkert tregolv, med belegg og laminat på boder, golvflis i vindfang og teppe på eitt soverom. Veggar: I hovudsak tapet og målingsstrie. Elles noko folierte takplater, måla panel og måla betongpuss. Himling: Måla takessplater. Eit av boda har dels panel. Lagring: Bustaden har garderobeskåp på begge soveromma i 1. etasje og i vindfanget i underetasjen. Det er fastmonterte hyller/skap i vindfang og to bodene i underetasjen. I tillegg er det ein tilbygd garasje på 20 m². Omsetning av brukt eigedom Ein brukt eigedom vil som regel ikkje vere i same stand som om den var ny. Tekniske krav, type bustad, teknikk og skikkar endrar seg over tid. Bruksslitasje og ytre forhold kan gjere at tilstanden blir dårlegare etter kvart, sjølv om det ikkje er synleg. Kjøparar kan ha mindre forventningar til eldre bustader enn nye, og det kan vere skadar eller feil som ikkje er beskrive, men som seljar likevel ikkje kan haldast ansvarleg for. Normal bruksslitasje er ikkje ein mangel, og det er ikkje sikkert at det som opplevast som ein feil ved ein eigedom er ein mangel i rettsleg forstand. Det er difor viktig å setje seg grundig inn i tilstanden på den eigedomen ein vil kjøpe.

Hvitevarer

Det gjerast merksam på at det berre er dei integrerte kvitevarene på kjøkenet som fylgjer med i kjøpet. Kvitevarene vert leverte utan nokon form for garantiar, utover eventuell attverande leverandørgaranti.

Adkomst

Sjå kart i salsoppgåva for beskriving av tilkomst. Det vert skilta med EiendomsMegler 1-skilt ved fellesvising.

Byggemåte

Informasjonen er henta frå vedlagte tilstandsrapport, datert 9.04.2026. Bygning: Einebustad bygd i 1981. Bygningen har yttervegger av 10 cm isolert bindingsverk, etasjeskille som isolert trebjelkelag og valmtakkonstruksjon med prefabrikerte takstolar. Ytterveggane er av 10 cm isolert bindingsverk med utvendig vindtetting med asfaltplater. Ytterkledninga er frå byggeår med ståande trekledning som sist vart beisa i 2024. Etasjeskillet er eit isolert trebjelkelag. Golv på grunn er av betong med ukjent isolasjonsomfang, og bygget er ikkje utført med radonsperre. I bod ved kjellarstova er det ein framfora vegg mot grunnmur, som består av måla veggplater og 5 cm uisolert framforing mot knotteplast mot grunnmur. Byggegrunnen er ukjend. Fuktsikring med knotteplast og dreneringsrør samt masseutskifting vart utført rundt garasjen og omlag halvannan meter inn bak husets grunnmur i 2013. Fuktsikring for resten av huset er ukjend, og det er ingen synleg knotteplast. Grunnmuren er av lettklinkerbetong med utvendig synleg betongpuss og kun delvis innvendige framforingar. Det er ein forstøtningsmur av naturstein med høgde inntil 1,0 m, anlagt i 2017. Huset er oppført i slakt, sørvestvendt terreng 32 moh. Tomta er opparbeidd med plen og beplanting, med tilkomst frå offentleg veg via oppgrusa veg og eit stort oppgrusa tun. Tak: Taktekkinga er med Decraplater montert i 2012. Det er ukjend om det vart montert papp over eldre shingel som er montert mot taktrod. Konstruksjonen er ein valmtakkonstruksjon med prefabrikerte takstolar med ca. 15 cm isolasjon mot underliggande rom. Det er lagt tregulv langs delar av midten av mørkeloftet, med ei etasjehøgd på ca. 1,2 m til mønet. Takkonstruksjonen vert ventilert med ei luftespalte mot loddbord i gesimskassen. Takrenner og nedløpsrør i aluminium vart montert i 2012. Pipa er utvendig tekka med pipehatt frå byggeår og har tilkomst med stigetrinn. Pipe/Ildstad: Eittløps pipe av lettklinkerbetong frå byggeår, renovert med stålrør montert i 2020. Sotluke i kjellarboda. Nordpeis peisomn i stova montert i 2020. Vindauge: Vindauge med 2- og 3-lags glasruter i trekarm. Glasruter i hovudfasaden i begge etasjar har soldemping og vart skifta i 2018. Alle glaskarmar er frå byggeår. Dører: Måla ytterdør og måla terrassedører, alle frå byggeår, men glasrute til den eine terrassedøra vart skifta i 2018. Innerdører er i hovudsak lakkerte trefyllingsdører og elles lakkerte finerte innerdører. Trapper/adkomst: Innvendig er det ei 180-graders lakkert furutrapp. Utvendig er det ei steintrapp frå tunet til hagen og ei tretrapp til terrassen. Balkong/terrasse: Aust- og sørvestvendt terrasse på 42 m² i treutføring, i hovudsak overbygd. Golvet består av trelemmer med terrassebord mot betongdekke og dels måla terrassebord. Det er også ein treplatting på ca. 19 m² montert øvst i hagen. VVS-installasjoner: Vassrør av koparrør frå byggeår med stoppekran på vaskerommet. Avløpsrør av plast med lufting over tak. Ein 200 liters varmvasstank produsert i 1981 er montert på vaskerommet. Utvendige avløpsrør er av plast og er frå 1982. Utvendige vassleidningar er av plast (PEL) og er frå 2019 fram til grunnmur, og deretter frå 1982. Vassforsyning frå privat felles anlegg (Innvik Vassverk). Det er ein 4 m³ septiktank med 3 kammer av glasfiber med overløp til kommunalt avløpsnett. Ventilasjon: Naturleg avtrekk med ventil i dei fleste vindauge og dels med veggventilar, elles er ventilering basert på opning av vindauge. Kjøkken har mekanisk avtrekk med ventilator over steikesona. Bad i 1. etasje har naturleg avtrekk med himling- og veggventil og glasventil. Vaskerom og bad i underetasjen har naturleg avtrekk med himlingsmontert ventil. Tekniske detaljer: Oppvarming med luft-til-luft varmepumpe montert i 2013 (siste service i 2023) og peisomn. Det er golvvarme med varmekablar frå byggeår på begge bad og på vaskerommet. Varmtvatn vert produsert av ein 200 liters varmvasstank frå 1981. Det er ein oljetank frå 1982 av ukjend type på eigedomen, og det er usikkert om den er tømd. Bustaden har innlagt fiber. Garasje: Byggeår 1981. Oppført som tilbygg mot søraust og taket er nytta som terrasse. Fundamentert med såle og golv på grunn av betong. Yttervegger dels av betong og dels av lettklinkerbetong. Yttertak av betongdekke med rekkverk. Framlagt straum til lys og el-kontakt. Det er ikkje montert port. Det elektriske anlegget har sikringsskåp i gangen i underetasjen med automatsikringar montert i 2021, og i hovudsak skjult installasjon frå byggeår. Alle bygningsdelar og installasjonar har avgrensa levetid. Konstruksjonane er bygd etter lov og forskrift som tek utgangspunkt i byggeåret og vil normalt ikkje tilfredsstille krava i dag. Med omsyn til den tekniske standarden på bygningane vert det vist til vedlagde tilstandsrapport fra takstmann Kristen Eikenæs datert 13.04.2026, der enkelte bygningselementer har oppnådd tilstandsgrad 3 (TG3), tilstandsgrad 2 (TG2) og konstruksjonar som ikkje er undersøkt (TGIU). Interessentar vert oppmoda til å sette seg grundig inn i desse punkta samt eigenerklæringa som ligg ved salsoppgåva før det vert lagt inn bod på eigedomen. Meklar gjer elles merksam på kjøpar si undersøkingsplikt med heimel i avhendingslova. Nedanfor finn ein ei kort oppsummering av det den bygningssakyndige har beskrive av avvik ved bustaden som har fått tilstandsgrad 2 (TG 2) eller 3 (TG 3) OG TG IU (Ikkje undersøkt). TG3 med store eller alvorlege avvik: - Utvendige trapper | Tretrappa er delvis skada og utan rekkverk/handlist. Konsekvens/tiltak: Montere ny trapp til terrassen. Kostnadsestimat: Under 20 000. - Innvendig - Pipe og ildstad | Det er påvist brennbart materiale nærare enn 300 mm frå sotluke/feieluke. Avstand 5 cm til brennbart materiale i bod. Konsekvens/tiltak: Det må føretakast tiltak for å lukke avviket. Anbefaler at brann- og feiarvesenet utfører tilsyn for nærmare kontroll. Kostnadsestimat: Under 20 000. - Tomteforhold - Terrengforhold | Terrenget fell inn mot bygningen og det er maksimale forhold for vatn inn mot muren. Terrengfall mot delar av grunnmur på baksida av huset og mot eine endeveggen. Dette medfører auka fuktbelastning mot grunnmur og dreneringa. Konsekvens/tiltak: Det bør føretakast terrengjusteringar. Etablere terrengfall bort frå grunnmuren. Kostnadsestimat: 20 000 - 100 000. - Tomteforhold - Oljetank | Det ligg føre krav om sanering av oljetank. Konsekvens/tiltak: Oljetank må påreknast sanert. Røyropplegg og tank utvendig må fjernast/sanerast. Kostnadsestimat: 20 000 - 100 000. - 1.etasje Bad - Sluk, membran og tettesjikt | Det er rundt sluk påvist ei ikkje-fagmessig utføring av membran/tettesjikt/klemring. Membran kan ikkje konstaterast (ikkje synleg og det ligg heller ikkje føre dokumentasjon). Meir enn halvparten av forventa brukstid er passert på membranløysinga. Meir enn halvparten av forventa brukstid er passert på slukløysinga. Ingen synleg slukmansjett i overgangen mot golvsluken, dette kan føre til fukttrekk mot tilstøytande konstruksjon og eventuell skade over tid. Ingen tetteband/membran i overgangen mellom golvflis og målingsstrie (TG3), dette kan føre til fuktskade ved eventuell vassutstrøyming på golvet. Konsekvens/tiltak: Det er viktig å merke seg at levetida til ein membran varierer basert på kvalitet, installasjon og bruk. Eldre membranar kan bli sprø og sprekke opp, noko som fører til at dei mister sin vasstettande funksjon. Dette kan resultere i vasslekkasjar gjennom veggar og golv og fuktskader. Konsekvensane av ikkje-fagmessig utføring rundt sluk og klemring på våtrom kan medføre lekkasjar og fuktskader. Det må gjerast nærare undersøkingar. Manglande membran/tettesjikt medfører risiko for lekkasjar og fukt i konstruksjonen. Kostnadsestimat: 20 000 - 100 000. - Underetasje Bad - Generell | Våtrommet må oppgraderast for å tole normal bruk etter dagens krav. TG3 med bakgrunn i utføring før 1997. Ingen synleg membran i sluk eller i overgangen mot døra. Skada flis ved klosettet. Kun naturleg avtrekk med for liten kapasitet på tilluftspalta. Eventuell membran har oppnådd forventa levetid. Med bruk av indikasjonsmålar vart det ikkje registrert forhøga fuktmåling. Konsekvens/tiltak: Manglande oppgradering av våtrommet medfører høg risiko for at konstruksjonane ikkje vil tole vanleg bruk av vatn eller lekkasjar. Dette kan føre til fuktskader på tilstøytande konstruksjonar. Kostnadsestimat: 100 000 - 200 000. - Underetasje Vaskerom - Generell | Våtrommet må oppgraderast for å tole normal bruk etter dagens krav. TG3 med bakgrunn i utføring frå før 1997. Standard frå byggeår med utettheiter i våtsoner. Utette beleggskjøtar. Dårleg limt oppbretta golvbelegg. Kun naturleg avtrekk med avgrensa tilluftkapasitet. Konsekvens/tiltak: Manglande oppgradering av våtrommet medfører høg risiko for at konstruksjonane ikkje vil tole vanleg bruk av vatn eller lekkasjar. Dette kan føre til fuktskader på tilstøytande konstruksjonar. Kostnadsestimat: 100 000 - 200 000. TG2 med avvik som kan krevje tiltak: - Utvendig > Taktekking: Mose på mesteparten av taktekkinga. - Utvendig > Nedløp og beslag: Manglande samankobling mellom nedløpsrør og botnleidning på baksida av huset. - Utvendig > Veggkonstruksjon: Stadvis for djup spikerinnfesting og manglande museband i underkant av ytterkledninga. - Utvendig > Vindauge: Avvik rundt innsetjingsdetaljar, eldre glasruter, vêrslitne karmar og manglande beslag. - Utvendig > Dører: Utettheit/opning mellom dørblad og karm, som kan føre til kald trekk. - Utvendig > Balkongar, terrasser og rom under balkongar: Rekkverksstøtter av stål med noko rustflekkar og målingsslitt rekkverk. - Utvendig > Andre utvendige forhold: Jord/plen inn på delar av treplattingen, og fleire skada/fuktskada terrassebord. - Innvendig > Overflater: Diverse merknader utover naturleg elde og slitasje på overflater i begge etasjar. - Innvendig > Etasjeskille/golv mot grunn: Målt høgdeforskjell på mellom 15-30 mm gjennom heile rommet. - Innvendig > Innvendige trapper: Manglande vegghandlister. - Innvendig > Innvendige dører: Avvik som tilseier at det bør føretakast tiltak på enkelte dører. - Tekniske installasjoner > Vannledningar: Meir enn halvparten av forventa brukstid er passert på innvendige vassleidningar. - Tekniske installasjoner > Avløpsrør: Meir enn halvparten av forventa brukstid er passert på innvendige avløpsleidningar. - Tekniske installasjoner > Andre VVS-installasjonar: Meir enn halvparten av forventa brukstid på VVS-installasjonar er oppbrukt. - Tekniske installasjoner > Varmtvannstank: Det er påvist at varmvasstanken er over 20 år. - Tomteforhold > Fuktsikring og drenering: Det manglar, eller er sannsynleg at det manglar, utvendig fuktsikring av grunnmuren. - Tomteforhold > Grunnmur og fundamenter: Deler av utvendig betongpuss er målingsslitt. - Tomteforhold > Septiktank: Meir enn halvparten av forventa brukstid er passert på septiktanken. - 1.etasje Bad > Overflater Golv: Høgdeforskjell frå topp slukrist til golv/synleg topp membran ved dørterskel er mindre enn 25 mm. - 1.etasje Bad > Sanitærutstyr og innreiing: Ikkje tilfredsstillande løysing for å synleggjere lekkasje frå innebygd sisterne. - 1.etasje Bad > Ventilasjon: Rommet har kun naturleg ventilasjon og for lita tilluftspalte. - 1.etasje Kjøkken > Overflater og innreiing: Kjøkkeninnreiinga er av eldre dato og manglar forventa funksjonar/løysingar. - 1.etasje Kjøkken > Avtrekk: Ventilatoren har oppnådd meir enn halvparten av forventa brukstid. TGIU - Konstruksjonar som ikkje er undersøkte: - Underetasje Bad > Tilliggande konstruksjonar våtrom: Holtaking er ikkje føreteke då det ikkje er fysisk mogleg pga. tilliggande konstruksjonar. - Underetasje Vaskerom > Tilliggande konstruksjonar våtrom: Holtaking er ikkje føreteke då det ikkje er fysisk mogleg pga. tilliggande konstruksjonar. Helse, miljø og sikkerhet: - Opningar mellom trinn i innvendig trapp er større enn dagens forskriftskrav. - Det er ikkje føreteke radonmålingar, og bygget er heller ikkje utført med radonsperre. - Det er ikkje montert rekkverk på utvendige trapper. - Det er manglande rekkverk/annan sikring på forstøtningsmurar som krev dette utifrå dagens krav. - Det manglar handløpar på vegg i det innvendige trappeløpet. - Eigedomen ligg i eit rasfarleg/skredutsett område i høve til kommunedelsplan/NVE. - Rekkverket på balkong eller terrasse er for lågt i forhold til dagens krav. - Rekkverkshøgder er under dagens forskriftskrav til rekkverk i innvendige trapper. - Rekkverkshøgder er under dagens forskriftskrav til rekkverk i utvendige trapper. - Iflg NGU ligg eigedomen i aktsomheitsområde for jord- og flaumskred samt snøskred. Oppsummeringa over er ikkje uttømmande, og du vert oppmoda til å lese og setje deg grundig inn i alt salsmateriell. For ordens skuld nemner vi at TGIU står for «tilstandsgrad ikkje undersøkt», til dømes fordi ein del av bygget ikkje har vore tilgjengeleg for inspeksjon. Desse delane kan dermed ha feil eller manglar som ikkje er avdekte.

Eiendomstype

Enebolig

Oppvarming

Oppvarming er basert på elektrisitet, luft-til-luft varmepumpe og ved. Det er golvvarme med varmekablar på begge bad og på vaskerommet. I stova er det ein Nordpeis peisomn, montert i 2020, tilknytt ei eitløps pipe av lettklinkerbetong med renovert stålrør. Det er ikkje lenger tillate å bruke fossil olje eller parafin til oppvarming av korkje bustader eller bygg. Kommunen kan gje pålegg om at det oljefyrte oppvarmingssystemet må fjernast, herunder òg oljetanken. Tankar som blir tekne ut av bruk, skal tømmast, gravast opp og destruerast etter nærare reglar. Kjøpar av eigedommen er ansvarleg for kostnad og risiko ved fjerning av eksisterande oljetank og må innrette seg etter gjeldande reglar samt forbodet. Ta kontakt med kommunen dersom du ønskjer ytterlegare opplysningar. Sjå www.oljefri.no for miljøvennlege alternativ til oljefyren. Det er påvist brennbart materiale nærare 300 mm frå sotluke/feieluke. Avstand 5 cm til brennbart materiale i bod. Dersom rom ikkje har vegg- eller fastmonterte varmekjelder ved vising, følgjer dette heller ikkje med. Tilstandsrapporten skildrar den tekniske tilstanden til byggverket. Det er ikkje utført kontroll av dei elektriske installasjonane (el-takst) sjølv om bygningssakkunnig kan ha knytt kommentarar til el-anlegget ut frå heilt enkle vurderingskriterium. Sidan el-anlegget ikkje er kontrollert, er det ikkje usannsynleg at det seinare kan bli avdekt avvik frå dagens forskriftskrav og oppstå funksjonssvikt. Vidare må kjøpar vere førebudd på at det kan måtte gjerast oppgraderingar på grunn av slitasje, manglande vedlikehald, arbeid som er utført av ufaglærte, alder eller tekniske løysingar som ikkje held dagens standard. I Noreg er det ei av oppgåvene til «Det lokale eltilsynet» (DLE) å utføre tilsyn med elektriske anlegg i bustader og fritidsbustader. Alle bustader skal ha periodisk kontroll kvart 20. år, og hytter/fritidsbustader blir kontrollerte kvart 30. år. El-anlegget er ein bygningsdel som er gjenstand for konstant utvikling. Ein må difor rekne med at dagens anlegg ikkje nødvendigvis er dimensjonert for oppgradering av kjøkken med nye elektriske apparat eller rehabilitering av bad med varmekablar, samt installeringar for elbilladar.

Strømforbruk

Meklar gjer merksam på at desse utgiftene er knytt til dagens eigar og at desse vil kunne endre seg med omsyn til anna bruk av bustaden enn i dag eller andre avtalar med leverandørar.

Vei, vann og avløp

Eigedomen er tilknytt offentleg avlaup og privat septikanlegg. Eigedommen er tilknytt Innvik vassverk. Henta frå mintank.no Siste tømming: 2025-12-15 17:56 Neste tømming: Okt. 2027 - Jan. 2028 Tanktype: Slamavskiljar Tankvolum: 4 m³ Alle eigedomar som er tilknytt offentleg avlaup har private stikkleidningar, som blir vedlikehaldne for eigar si eiga rekning. For nærare opplysningar om dei private stikkleidningane blir det vist til kommunen. Eigedomen har tilgang til vatn frå privat vasskjelde. Vasskvalitet og eventuell vasspumpe er ikkje kontrollerte, og det kan vere avgrensa kapasitet. Det er ikkje funne dokumentasjon på om tilkomstvegen Hildastranda er offentleg eller privat.
Vannavgift: kr 2 000
Vannmåler: Innvik Vassverk. Privat. Blir fakturert ein gang årleg.

Meglers plikt til å stanse gjennomføring av en handel

Eigedomsmeklarar er underlagd lov om kvitvasking og pliktar å rapportere til Økokrim om mistenkelege transaksjonar. Lov om kvitvasking har og strenge reglar om kontroll av legitimasjon frå alle partar i handelen, med dette, seljar, kjøpar og fullmektigar for desse.

Budgivning

Alle bod skal gjevast skriftleg og legitimert til meklar, som formidlar desse vidare til seljar. Dette gjer ein enkelt elektronisk ved å klikke på "gi bud" knappen på finn.no eller via eiendomsmegler1.no eller på bodskjema vedlagt salsoppgåva. Meklar skal så snart som muleg stadfeste skriftleg ovanfor bodgjevar at bod er motteke og formidle det vidare til seljar.  Bod må  ikkje ha kortare akseptfrist enn kl. 12.00 første virkedag etter siste annonserte vising. Bod med kortare frist enn dette kan ikkje formidlast av meklar.  Meklar pliktar å leggje til rette for ei forsvarleg avvikling av bodrunden. For at boda skal kunne bli handsama bør dei ikkje ha ein kortare akseptfrist enn 30 minutt frå bodet er gjeve. Bod som vert gjeve etter normal arbeidstid vert handsama/formidla påfølgjande arbeidsdag.  Meklar tek ikkje ansvar for forseinkingar på el- eller telenettet. Under bodrunden kan akseptfristen kortast ned ved mottaking av nye bod. Akseptfristen frå kjøpar er absolutt. Det betyr at dersom seljar vel å akseptere bodet, må kjøpar meddelast aksepten innan akseptfristen går ut. Dersom du utset å gje inn bod til tett opp mot akseptfristen er det ei reell fare for at eigedomen kan bli seld før bodet ditt kjem fram til meklar. Ein syner elles til "Forbrukarinformasjon om bodgjeving", som også er ein del av salsoppgåva. Kjøpar er utanlandsk statsborgar Dersom ein kjøpar er utanlandsk statsborgar krevjast det at ein har D-nummer til erstatning for norsk personnummer. Meklar rekvirerer dette samstundes som skøyte vert sendt inn til tinglysing hjå Kartverket. Skøytet vert så liggande hjå Kartverket fram til kjøpar har fått D-nummer av  skatteetaten. Deretter vert skøytet tinglyst. Denne prosessen vil ofte medføre at oppgjer og  utbetaling til seljar vert forseinka med nokre veker. Kjøpar må i desse tilfella enten ta atterhald i  b od om forseinka utbetaling til seljar, eller vere budd på å dekke forseinkingsrenter. Kontakt  ansvarleg meklar for informasjon før bodgjeving.

Overtakelse

Overtaking etter avtale. Legg inn ønskje om overtakingsdato ved bodgjeving. Mellom aksept av bod og tidspunktet for overtaking er det ikkje høve til å synfare eigedomen. Vi tilrår difor interessentar til å naudsynte mål og liknande på visinga.

Andre relevante opplysninger

Veggmontert bokhylle på stuen følger ikke med salg Veggmontert grønn /liten hylle på kjøkkenet følger ikke med salget.

Boligselgerforsikring

Seljar har teikna bustadseljarforsikring som er framforhandla av Söderberg & Partners AS. Forsikringa dekkjer seljar sitt ansvar etter avhendingslova, med dei avgrensingane som følgjer av forsikringsvilkåra og er avgrensa til salssummen til eigedomen, men oppad avgrensa til kr. 14 000 000,-. Seljar har i den samanhengen utarbeidd ei eigenerklæring om eigedomen. Eigenerklæringa ligg vedlagt salsoppgåva og interessentar vert oppmoda til å gjere seg kjend med denne før bodgiving/kjøp. Bustadseljarforsikringa sørgjer for at kjøpar kan forhalde seg til ein profesjonell og søkegod motpart som handterer eventuelle reklamasjonar fagleg og ryddig. Dersom kjøpar ikkje har teikna bustadkjøparforsikring kan hen reklamere direkte til Claims Link (tlf 67 83 51 30 eller post@claimslink.no), som representerer bustadseljarforsikringa til seljar.   Av vilkåra går det fram unntak i forsikringsdekninga, til dømes ved nye forhold som oppstår mellom aksept og overtaking. Garantiar/lovnader der seljar har påteke seg ansvar for eigenskapar ved eigedomen eller dokumentasjon av slike, vert ikkje dekt. I nokre tilfelle er det heller ikkje dekning der seljar har opptrådt forsettleg eller grovt aktlaust. Forsikringa omfattar heller ikkje ein redusert bustadverdi som skuldast skadedyr/insekt, til dømes skjeggkre/perlekre/sølvkre, veggdyr, pelsbiller, maur, borebiller og tilsvarande. I samsvar med lov og rettspraksis må det reklamerast “innan rimeleg tid”. Det vert tilrådd å reklamere umiddelbart/snarast mogleg og seinast innan 2 månader frå forholdet vart/burde vorte oppdaga.   Dersom kjøpar utbetrar mangelskrav på eiga hand, kan dette medføre at reklamasjonsretten vert tapt.

Boligkjøperforsikring

Vedlagt i salsoppgåva følgjer informasjon om Bustadkjøparforsikring Pluss og Bustadkjøparforsikring frå HELP Forsikring AS. Bustadkjøparforsikring er ei rettshjelpsforsikring som gir tryggleik og profesjonell juridisk hjelp dersom det blir oppdaga uventa feil eller manglar ved bustaden dei neste fem åra. Bustadkjøparforsikring Pluss har same dekning som bustadkjøparforsikring + fullverdig advokathjelp på viktige rettsområde i privatlivet. Les meir om begge forsikringane i vedlagde materiell eller på help.no. Det blir gjort merksam på at meklarføretaket mottar kr 1 900 / 2 600 / 2 600,- (avhengig av bustadtype) i kostnadsgodtgjersle for kvar forsikringsavtale som blir formidla på Bustadkjøparforsikring Pluss og kr 2 900 ,- / 3 600,- / 3 600,- i kostnadsgodtgjersle for Bustadkjøparforsikring.

Forsikringsselskap

Frende

Avgiftsbeskrivelse

Dei kommunale avgiftene er basert på prognose for 2026 og gjeld for avlaupsavgifter. Renovasjon og eventuell feiing/tilsyn vert fakturert separat. Eigedomen er ikkje tilknytt Innvik vassverk som fakturerar direkte. Renovasjon fakturerast av NoMil, eit standardabonnement er ca kr. 5.300,-. Kommunale gebyr er ein kombinasjon av forskot, abonnement og enkeltgebyr fakturert etter levert teneste. Kommunen kjenner ikkje samla gebyr for ein eigedom for eit år før året er omme. I tillegg kjem eigedomsskatt på kr 2 192,-.

Moderniseringer og påkostninger

Følgjande moderniseringar er føreteke dei seinare år: 2024: - Beisa ytterkledninga med to strøk. 2021: - Montert automatsikringar i sikringsskapet. - Installert elbilladar. 2020: - Rehabilitert pipe med stålrør og montert ny peisomn. 2019: - Nye utvendige vassleidningar av plast (PEL) fram til grunnmur. 2018: - Skifta glassruter i 1. etasje og underetasje i hovudfasaden. 2017: - Anlagt forstøtningsmur og trapp. - Masseutskifting framfor delar av huset. 2013: - Montert varmepumpe. - Dreneringstiltak rundt garasjen og delar av baksida av huset. 2012: - Forlenging av yttertaket med overbygg. - Ny taktekking, takrenner og nedløpsrør over heile huset. 2004: - Oppgradert bad i 1. etasje. Elles: - Fjerna delar av skiljevegger i 1. etasje.

Betalingsbetingelser

Kjøpesum og alle kostnader skal vere innbetalt til meklar sin klientkonto før overtaking. Det føresetjast at skøyte blir tinglyst på ny eigar. Dersom kjøpar ikkje ønskjer heimelsoverføring av eigedommen til seg, må det takast atterhald om dette i bodet.

Fasiliteter

Adgang til utleie

Bustad med éin buseksjon som fritt kan leigast ut i sin heilskap. Delar av bustaden kan òg leigast ut, føresett at det er ein del av bustaden sin godkjende hovuddel med rom godkjend for varig opphald og at den utleigde delen ikkje er skild ut som ein sjølvstendig buseksjon.

Radon

Det er ikkje utført radonmåling på eigedommen. Eigedommen ligg i område med usikker aksemd for radon. For meir informasjon om radon, sjå www.dsa.no/radon.

Sentrale lover

Eigedomen vert seld etter reglane i avhendingslova. Salsoppgåva er basert på dei opplysningane seljar har gitt til bygningsakkyndig og meklar, samt opplysningar innhenta frå kommunen, Statens kartverk og andre tilgjengelege kjelder. Eigedomen skal overleverast til kjøpar i tråd med det som er avtalt. Det er viktig at kjøpar set seg grundig inn i alle salsdokumenta, med dette salsoppgåve, tilstandsrapport og seljar si egenerklæring. Kjøpar vert sett på som kjent med forhold som er tydeleg beskrive i salsdokumenta. Forhold som er beskrive i salsdokumenta kan ikkje påberopast som manglar. Dette gjeld uavhengig av om kjøpar har lest dokumenta. Alle interessentar vert oppmoda til å undersøkje eigedomen nøye, gjerne saman med fagkyndig før bod vert gjeve. Kjøpar som vel å kjøpe usett kan ikkje gjere gjeldande som mangel noko han burde blitt kjent med ved undersøkinga. Dersom det er behov for avklaringar, anbefalar vi at kjøpar rådfører seg med eigedomsmeklar eller ein bygningsakyndig før det vert lagt inn bod.   Dersom kjøpar ikkje er forbrukar seljast eigedomen «som den er», og seljar sitt ansvar er då avgrensa jf.§ 3-9 1. ledd 2. pkt. Informasjon om kjøpar si undersøkingsplikt, med dette oppmoding om å undersøkje eigedomen nøye, gjeld og for kjøparar som ikkje vert vurdert som forbrukarar.  På grunn av ulike avtalevilkår kan seljar vurdere bod frå ein som ikkje er forbrukar, ulikt frå ein forbrukar sitt bod. Dersom kjøpar ikkje er forbrukar, er seljar sitt mulege mangelsansvar avgrensa fordi eigedomen vert seld "som den er".  Seljar kan ikkje ta «som den er» atterhald ovanfor ein forbrukarkjøpar. Sjølv eit lågare bod frå ein som ikkje er forbrukar kan foretrekkast fordi avgrensinga i muleg mangelsansvar kan ha eigenverdi for seljar. Seljar står fritt til å forkaste eller akseptere eitkvart bod, og pliktar til dømes ikkje å akseptere høgste bod.  Bodgjevarar får informasjon dersom andre bod er gjeve av ein som ikkje er forbrukar.  Forbrukarkjøp - definisjon: Med forbrukarkjøp meinast kjøp av eigedom når kjøparen er ein fysisk person som ikkje hovudsakleg handlar som ledd i næringsverksemd. Forbrukar - avtalevilkår: Eigedomen har ein mangel dersom den ikkje er i samsvar med krava som følgjer av avtalen, eller det ligg føre brot på bestemmingane i avhendingslova §§ 3-2 til 3-8. Dersom eigedomen ikkje er i samsvar med det kjøparen må kunne vente ut frå alder, type og synleg tilstand, kan det vere grunnlag for mangelskrav. Det same gjeld dersom det er halde tilbake eller gitt urette opplysningar om eigedomen. Dette gjeld likevel berre dersom ein kan gå ut frå at det virka inn på avtalen at opplysningen ikkje vart gitt eller at feil urette opplysningar ikke blir retta i tide på ein tydeleg måte. Ein bustad som har blitt brukt i ei viss tid, har vanlegvis blitt utsett for slitasje og skadar kan ha oppstått. Slik bruksslitasje må kjøpar rekne med, og det kan avdekkast enkelte forhold etter overtakinga som gjer det naudsynt med utbetringa utbedringar. Normal slitasje og skadar som gjer det naudsynt med utbetring, er innanfor kva kjøpar må vente og vil ikkje utgjere ein mangel. Bustaden kan ha ein mangel etter avhendingslova § 3-3 dersom det er avvik mellom opplyst og faktisk innvendig areal, forutsett at avviket er på 2 % eller meir og minimum 1 kvm. Ved berekning av eit eventuelt prisavslag eller erstatning må kjøpar sjølv dekke tap/kostnader opptil eit beløp på kr 10 000 (eigendel). Ikkje - forbrukar (næringsdrivande) – definisjon: Dersom kjøpar er ein juridisk person, eller ein fysisk person som hovudsakeleg handlar som ledd i næringsverksemnd, vil kjøpet ikkje bli sett på som eit forbrukarkjøp.  Ikkje - forbrukar – avtalevilkår: Eigedomen har ein mangel dersom den ikkje er i samsvar med krava som følgjer av avtalen. Eigedomen vert seld «som den er», og seljar sitt ansvar utover det konkret avtalte er då avgrensa etter avhendingslova § 3-9, første ledd andre setning.  Avhendingslova § 3-3 andre ledd vert fråviken, og korvidt arealsvikt i bustaden utgjer ein mangel vert vurdert etter avhendingslova § 3-8.  Ein føresetnad for salet er at skøyet for eigedomen vert tinglyst på kjøpar. Interessentar og kjøpar må godta at seljar og meklar brukar elektronisk kommunikasjon i salsprosessen. I trå med eigedomsmeklingsforskrifta vil informasjon om oppdragsgivar, salsobjektet, interessentar og kjøpar bli lagra av meklarføretaket i min. 10 år. Sjå em1.no for meir informasjon om handsaminga vår av personopplysningar.

Personopplysningsloven

Vi gjer interessentar og kjøparar merksame på at vi vil handsame, etter personopplysingslova, personopplysningane dine i den utstrekning dette er naudsynt for å oppfylle våre lovpålagte plikter, med dette for å kunne gjere kundekontroll etter kvitvaskingslova samt for å utføre oppgåver som vi er pålagt etter eigedomsmeklingslova.

Kommunalinfo

• Kommunale avgifter: kr 8 500
• Eiendomsskatt: kr 2 192
• Informasjon om eiendomsskatt: For bustadeigedomar og fritidseigedomar er eigedomsskatten 3,1 promille. For alle bustadeigedomar og fritidseigedomar utgjer eigedomsskattegrunnlaget 70 prosent av skattetaksten for slike eigedomar, jf. eigedomsskattelova § 8 A-2. Eigedomsskatten 7 promille for næringseigedom, energianlegg (kraftanlegg og kraftnettet), naust, tomter (bustad, fritid, næring og naust) og særskilde skattegrunnlag (jf. overgangsregel i eigedomsskattelova).