Kruthusvegen 4

Last ned salgsoppgave for komplett informasjon om eiendommen

Registerbetegnelse

Forsikringspolise

6316974

Etasje

2

Parkering

Eigedomen har dobbel garasje med elektriske portar, innlagt straum og belysning. I tillegg er det parkering på asfaltert innkøyrsel/tun.

Eiendom

Tomteareal er 3 120 m² på eiet tomt.

Eigedomen ligg i noko skrått terreng. Tomta er opparbeidd med asfaltert innkøyrsel og tun, støpt platting og trapp, forstøytingsmurar, plen og beplanting. Tomta skal justerast noko då det er eit mindre areal som skal frådelast. Arealet er på ca 160kvm. Eventuelt arealsvik vert akseptert av kjøpar. Delar av eigedommen ligg i område merka med støysone veg.

Byggeår

1976

Innhold

Bustaden går over fleire plan med følgjande innhald: Krypkjellar: Teknisk rom. Underetasje: Hall med trapp, vaskerom, teknisk rom, svømmebasseng, to boder, toalettrom og badstue. I tillegg er det ein utleigedel som inneheld entré, gang, bad, soverom, kjøkken og stove. Mellometasje: Entré og hall med trapp. 1. etasje: Hall med trapp, gang, bad, tre soverom, kjøkken og stove. Frå stova i 1. etasje er det utgang til ein balkong på 32 m². Eigedomen har ein dobbel garasje på 42 m².

Standard

Dette er ein stor einebustad frå 1976 med ein separat bueining i underetasjen. Eigedommen har svømmebasseng, dobbel garasje og ei stor tomt. Bustaden har eit gjennomgåande behov for vedlikehald og modernisering for å møte dagens krav til standard. Her har du eit supert utgangspunkt for å skape din draumeheim! Entré og hall: Hovudinngangen er i mellometasjen og opnar til ein hall med flislagt golv og vassboren varme. Herfrå leier ei lakkert tretrapp opp til hovudetasjen og ned til underetasjen. Sjølve entréen har belegg på golvet, også med vassboren varme. Stove 1. etasje: Stova er romsleg med store vindauge som slepp inn mykje lys og den nydelige utsikta. Rommet har parkettgolv og ein sentralt plassert peis med innsats, mura i tegl og kvit stein. Her er det godt med plass til både sofagruppe og spisebord. Balkong: Frå stova er det utgang til altan på 32 m². Altanen har betongdekke og rekkverk i tre. Kjøkken 1. etasje: Kjøkkenet er frå byggeåret og har ei innreiing med profilerte frontar som vart måla i 2020. Benkeplata er i laminat med treimitasjon, og det er fliser over benken. Rommet har frittståande kvitevarer og ventilator med avtrekk ut. Soverom 1. etasje: Hovudetasjen har tre soverom. To av desse fekk nytt golv og vart tapetserte i 2018. Bad 1. etasje: Badet er frå byggeåret og har eit totalt renoveringsbehov. Det er innreidd med golvmontert toalett, bidé, servantskap, overskap og badekar med dusjgarnityr. Rommet har vassboren varme i golvet. Bassengområde: I underetasjen ligg eit svømmebasseng med tilhøyrande dusjrom. Ei skyvedør i aluminium gir utgang til hagen. Heile anlegget, inkludert sjølve bassenget og dusjrommet, har sprekkar og fuktskadar og må påreknast totalrenoverast om det skal nyttast som tenkt. Badstue og toalettrom: I tilknyting til bassengområdet er det ei badstue med trepanel og ein badstuomn, truleg frå byggeåret. Det er også eit separat toalettrom med golvmontert toalett og servant. Vaskerom: Vaskerommet har utslagsvask og opplegg for vaskemaskin. Rommet er ei bruksendring frå bod som er søknadspliktig. Det har ikkje sluk eller tettesjikt og må påreknast oppgradert. Utleige/sokkelleilegheit underetasjen: Leilegheit med eit soverom i underetasje. Kjøkken - utleigedel: Kjøkkenet i utleigedelen fekk ny innreiing i 2018. Det har profilerte frontar i heiltre, benkeplate i laminat og fliser over benken. Golv og vegger i denne delen vart også fornya i 2018. Stove og soverom - utleigedel: Stova har laminatgolv og utgang til uteområdet. Soverommet har teppebelegg på golvet. Bad - utleigedel: Badet vart pussa opp i 2006 med fliser på golv og veggar. Det er innreia med toalett, dusjnisje og servant med speilskap. Rommet har vassboren varme. Overflater: Golv: Parkett, laminat, belegg, teppebelegg og flisar. Dels synleg betonggolv i underetasjen. Veggar: Tapetstrie, finérplater, måla plater, trefiberplater, måla mur og forblendingsmurstein. Himling: Himlingsplater, tak-ess og trepanel. Finérplater med treimitasjon i stova. Lagring: To boder i underetasjen. Dobbel garasje på 42 m² med innlagt straum, belysning og elektriske leddportar. Garasjen har hems med golv lagt i 2016/2017. Omsetning av brukt eigedom Ein brukt eigedom vil som regel ikkje vere i same stand som om den var ny. Tekniske krav, type bustad, teknikk og skikkar endrar seg over tid. Bruksslitasje og ytre forhold kan gjere at tilstanden blir dårlegare etter kvart, sjølv om det ikkje er synleg. Kjøparar kan ha mindre forventningar til eldre bustader enn nye, og det kan vere skadar eller feil som ikkje er beskrive, men som seljar likevel ikkje kan haldast ansvarleg for. Normal bruksslitasje er ikkje ein mangel, og det er ikkje sikkert at det som opplevast som ein feil ved ein eigedom er ein mangel i rettsleg forstand. Det er difor viktig å setje seg grundig inn i tilstanden på den eigedomen ein vil kjøpe.

Hvitevarer

Det vert gjort merksam på at det berre er dei integrerte kvitevarene på kjøkenet som fylgjer med i kjøpet. Kvitevarene vert leverte utan nokon form for garantiar, utover eventuell attverande leverandørgaranti.

Adkomst

Sjå kart i salsoppgåva for beskriving av tilkomst. Det vert skilta med EiendomsMegler 1-skilt ved fellesvising.

Byggemåte

Informasjonen er henta frå vedlagde tilstandsrapport, datert 28.04.2026. Bygning: Einebustad bygd i 1978. Fasader/ytterkledning vart sist måla i 2016. Golv i utleigedel vart fornya, samt vegger måla i 2018. To av tre soverom i 1. etasje vart tapetsert på nytt og fekk nytt golv i 2018. Kjøkken i 1. etasje vart måla i 2020. I 2018 vart det installert ny kjøkkeninnreiing, måla, nytt golv og fliser på vegg i kjøkkenet i utleigedelen. I 2023 vart sikringsskåpet bytta frå skrusikring til automatsikringar, og jordfeilbrytar vart også skifta. Veggane har bindingsverkskonstruksjon frå byggeår og fasade/kledning har liggjande og ståande bordkledning. Etasjeskilje er av betongdekke med tilfarargolv. Bustaden har støypt golv mot grunn. Bygget er ikkje utført med radonsperre. Veggen under terreng er bygd opp med dampsperre og forhudningspapp, noko som var vanleg byggjeskikk ved byggeåret. Bygningen har krypkjeller under betongdekke. Det ligg ikkje føre opplysningar eller dokumentasjon om utføring av drensmassar og drenering frå byggeår. Fuktsperre er avslutta utan klemlist og ligg stadvis under topp terreng. Bygningen har betonggrunnmur. Forstøytingsmurar er av betong. Eigedomen ligg i skrånande terreng. Tomta er opparbeidd med asfaltert innkøyrsel/tun, støypt platting og trapp, forstøytingsmurar, plen og beplanting. Utvendige avløpsrøyr er av anteken plast, og utvendige vassleidningar er av jernrøyr. Eigedomen er tilknytt offentleg vassforsyning og offentleg avløpsnett via private stikkleidningar. Tak: Taktekkinga er av glasert tegltakstein. Bustaden har saltak, og takkonstruksjonen består av W-takstolar i tre med kaldtloft. Skorsteinen over tak har pussa overflate og takhatt i metall. Takrenner og nedløpsrøyr er utført i aluminium eller stål. Stigetrinn for feiar er montert på taket. Snøfangarar er monterte over gangsone/trapp mot inngangspartiet. Pipe/Ildstad: Bustaden har elementpipe og peis med innsats. Vindauge: Bygningen har måla trevindauge med 2-lags glas og måla trevindauge med 3-lags glas frå byggeåret. Dører: Bygningen har måla balkongdør i tre, hovudytterdører i lakkert/behandla tre, samt skyvebalkongdør i aluminium. I utleigedelen består dei innvendige dørene av finérdører og formpressa dører med imitasjon av fyllingsdører. Det er glassfelt i døra mellom entré og stove. Skyvedører er monterte mellom kjøkken/stove og stove/gang, elles er det slagdører. I hovuddelen består dei innvendige dørene av finérdører. Trapper/tilkomst: Bustaden har ein lakkert tretrapp med teppe i trinna, opne opptrinn og rekkverk i lakkert tre. Utvendig er det støypt platting og trapp. Balkong/terrasse: Balkongen er oppført med betongdekke og har rekkverk av tresøyler med liggjande bord. Terrasse- og balkongareal er 32m². VVS-installasjonar: Innvendige vassleidningar er av kopar. Det er avløpsrøyr av plast. Varmvasstanken er todelt og har ein behaldar på 140 liter og ein på 210 liter. Fabrikat: OSO, effekt: 3 kW og 7,5 kW. Varmvasstanken er frå 2017. Ventilasjon: Bustaden har naturleg ventilasjon ved ventilar i ytterveggar. Det er installert kjøkkenventilator med avtrekk ut i begge kjøkken. Toalettrommet har kun naturleg avtrekk. Tekniske detaljar: Det er installert luft-til-vatn varmepumpe frå 2017, som erstatta ein oljefyr. Bustaden har vassboren varme til radiatorar og slynger i enkelte golv. Det er ein oljetank i stål på eigedomen. Garasje: Dobbel garasje oppført i 1979 med støypt golv og mur-/betongvegger. Taket er oppført i sperrekonstruksjon, utvendig tekka med glasert takstein. Utvendig er garasjen kledd med bordkledning i gavl/front. Innvendig har synleg konstruksjon. Det er leddportar med elektrisk styring. Garasjen har innlagd straum og belysning. Det vart lagt nytt golv på hems i 2016/2017. Det elektriske anlegget er i hovudsak frå byggeår med stadvis oppgraderingar, og har både synleg og skjult installasjon. Sikringsskåpet har automatsikringar. Alle bygningsdelar og installasjonar har avgrensa levetid. Konstruksjonane er bygd etter lov og forskrift som tek utgangspunkt i byggeåret og vil normalt ikkje tilfredsstille krava i dag. Med omsyn til den tekniske standarden på bygningane vert det vist til vedlagde tilstandsrapport fra takstmann Finn Sæle Barlund datert 28.04.2026, der enkelte bygningselementer har oppnådd tilstandsgrad 3 (TG3) og tilstandsgrad 2 (TG2). Interessentar vert oppmoda til å sette seg grundig inn i desse punkta samt eigenerklæringa som ligg ved salsoppgåva før det vert lagt inn bod på eigedomen. Meklar gjer elles merksam på kjøpar si undersøkingsplikt med heimel i avhendingslova. Nedanfor finn ein ei kort oppsummering av det den bygningssakyndige har beskrive av avvik ved bustaden som har fått tilstandsgrad 2 (TG 2) eller 3 (TG 3) OG TG IU (Ikkje undersøkt). TG3 med store eller alvorlege avvik: - Utvendig - Takkonstruksjon/Loft | Det er inga lufting i konstruksjonen. Det er påvist fukt-/råteskader i takkonstruksjonen. Loftet har inga lufting, og det er registrert asfaltpapp i undertaket. Dette krev at konstruksjonen er ventilert for å unngå fuktproblem. Det er omfattande soppdanning i undertaket. Dette skuldast sannsynlegvis ein kombinasjon av utilstrekkeleg dampsperre og mangelfull ventilering, noko som kan føre til kondensering i undertaket. Det kan også skuldast lekkasjar utanfrå. Det er observert teikn på aktivitet frå skadedyr, i form av mus, på loftet. Konsekvens/tiltak: Konstruksjonane må sikrast mot råte, sopp og skadedyr. Det bør etablerast tilstrekkeleg ventilasjon på loftet for å hindre vidare fukt- og råteskader, samt redusere risikoen for soppdanning og kondens i undertaket. Dampsperra bør også kontrollerast for brot som kan tilføre ekstra fuktbelastning på loftet. Soppangrep og råteskader må utbetrast, og årsaka til fuktproblema må kartleggjast og utbetrast for å unngå ytterlegare skade på konstruksjonen. Bustaden bør sikrast mot inntrenging av mus. Mus kan øydeleggje isolasjon, el- og vassrøyr og større førekomstar kan medføre sjenerande lukt i bygningen. Konsekvensen av manglande tiltak er auka risiko for omfattande skader på takkonstruksjonen, redusert levetid og potensielle helseproblem knytte til sopp. Kostnadsestimat: 100 000 - 200 000 - Innvendig - Overflater | Det er registrert stadvis laus tapet/strie, samt sår, merke og skader i overflatene. Forholda vert vurderte i hovudsak å vere utslag av alder, bruk og normal slitasje, men overflatene framstår samla sett med eit vedlikehalds- og oppgraderingsbehov. Kjøpar må difor rekne med utbetring, overflatebehandling og eventuell fornying av enkelte overflater. Det kan i tillegg førekome andre mindre skader og avvik som ikkje er registrert enkeltvis ved synfaringa. Fuktskade er påvist i veggoverflater i bassengområdet. Skader i overflata av belegg er observert. Sprukne og lause fliser i mellometasjen er registrert. Konsekvens/tiltak: Overflater med laus tapet/strie, sår, merke og skader bør utbetrast gjennom overflatebehandling eller fornying for å sikre tilfredsstillande estetisk og funksjonell standard. Fuktskadar i veggoverflater i bassengområdet må utbetrast for å hindre vidare fuktinntrenging og risiko for mugg- og råteskader. Skadar i belegg og sprukne/lause fliser i mellometasjen bør utbetrast eller skiftast ut for å unngå ytterlegare forringing, samt redusere risiko for personskade og følgjeskadar på underliggjande konstruksjonar. Det må reknast med at det kan vere andre mindre skader som ikkje er registrert. Kostnadsestimat: 200 000 - 500 000 - Innvendig - Pipe og ildsted | Pipevangar er ikkje synlege. Ingen av pipevangane er synlege i 1.etasje, og kun éi side er synleg i underetasjen. For elementpiper er det krav om at to sider skal vere synlege. Pipa er frå byggeåret, og over halvparten av forventa brukstid er oppbrukt. Det kan difor vere avvik i det innvendige røykløpet. Undersøking av innvendig røykløp, sotluke og tilhøyrande installasjonar inngår ikkje i denne vurderinga og bør utførast av fagkunnige, som feiar eller branntilsyn. Konsekvens/tiltak: Pipevangar må gjerast tilgjengelege. Tidspunkt for piperehabilitering nærmar seg med omsyn til alder, men eit eksakt tidspunkt for når dette blir naudsynt er vanskeleg å seie noko konkret om. Det bør gjerast nærare undersøkingar av pipeløp. Kostnadsestimat: 20 000 - 100 000 - Innvendig - Krypkjellar | Det er i krypkjellar konstatert omfattande fukt-/råteskader. Det er betydelege fuktproblem i teknisk rom for symjebasseng/krypkjellar. Det er ein pågåande vasslekkasje frå vassrøyr i rommet, som ein trur har bidratt til dei påviste skadane. Det er også indikasjonar på andre fuktkjelder til avvika i dette rommet, både frå utsida og moglegvis frå lekkasje frå bassenget. Tilrår nærare undersøkingar for å avdekkje alle kjelder til fukt og omfanget av skadane. Konsekvens/tiltak: Ytterlegare undersøkingar må gjerast for å få kartlagt tilstanden og omfanget på eventuelle skader. Kostnadsestimat: 20 000 - 100 000 - Våtrom - 1.Etasje Bad - Generell | Våtrommet må oppgraderast for å tole normal bruk etter dagens krav. Det er ikkje etablert tettesjikt i golvet. Veggplatene er utette ved skøytar. Fliser har losna frå underlaget. Konsekvens/tiltak: Våtrommet må totalrenoverast. Alle forhold med tettesjikt, våtsone, sluk m.m. må dokumenterast. Det bør etablerast godkjent tettesjikt i golv og veggar, samt utbetre eller erstatte lause fliser for å sikre tilstrekkeleg fuktsikring. Manglande tettesjikt og utette veggplater medfører risiko for vassinntrenging og fuktskadar i underliggjande og tilstøytande konstruksjonar, noko som kan føre til omfattande reparasjonsbehov og redusert levetid for våtrommet. Kostnadsestimat: 200 000 - 500 000 - Våtrom - Underetasje Bad - Utleie - Generell | Våtrommet må oppgraderast for å tole normal bruk etter dagens krav. Det er påvist membran ved sluket, men membranen er kun ført ned på sluket og ligg ikkje under klemring. Det er påvist motfall i golvet, og det observerast ståande vass-spegel etter bruk av dusj. Konsekvens/tiltak: Våtrommet må totalrenoverast. Alle forhold med tettesjikt, våtsone, sluk m.m. må dokumenterast. Med omsyn til motfall i golvet, ukjend alder og manglande dokumentasjon på tettesjiktet, samt at membranen ikkje er tilfredsstillande montert mot sluk, blir det tilrådd å renovere badet for å sikre tilstrekkeleg tettleik og funksjon. Sjølv om membranen skulle vere frå 2006, er denne 20 år gammal og nærmar seg forventa levetid. Dersom tiltak ikkje vert gjennomførte, er det auka risiko for fuktskadar og følgjeskadar på tilstøytande konstruksjonar. Kostnadsestimat: 200 000 - 500 000 - Våtrom - Underetasje Vaskerom - Generell | Våtrommet må oppgraderast for å tole normal bruk etter dagens krav. Rommet har ikkje tettesjikt. Kun måla betong, og det er påvist sprekkar i golvet. Det er ikkje nytta fuktbestandige materiale på vegger i våtsone ved utslagsvask, og det er opning ut i veggen ved rørgjennomføringar. Det er ikkje sluk i golvet. Vatn må eventuelt renne inn i tilstøytande teknisk rom, som heller ikkje har tettesjikt på golvet, for å nå eit sluk. Konsekvens/tiltak: Våtrommet må totalrenoverast. Alle forhold med tettesjikt, våtsone, sluk m.m. må dokumenterast. Våtrommet bør totalrenoverast for å oppfylle dagens krav til fuktsikring og sikker bruk. Manglande tettesjikt, sprekkar i golvet, ikkje-fuktbestandige materiale og opningar ved rørgjennomføringar medfører auka risiko for vass-skadar, sopp- og råteutvikling i konstruksjonen. Fråvær av sluk gjer at eventuelt vatn kan spreie seg til tilstøytande rom utan tilstrekkeleg fuktsikring, noko som ytterlegare aukar skadepotensialet. Inntil naudsynte tiltak er gjennomførte, bør rommet kun nyttast med stor varsemd for å unngå fuktskadar. Kostnadsestimat: 100 000 - 200 000 - Våtrom - Underetasje Vaskerom - Tilliggende konstruksjoner våtrom | Den valde konstruksjonsutforminga gir auka fare for skader. Rommet har ikkje sluk eller tettesjikt, ved vass-søl på overflatene er det stor risiko for at skader kan oppstå. Konsekvens/tiltak: Det er pårekneleg at det kan vere eldre fuktskadar i konstruksjon tilstøytande våtrommet når overflater vert rivne, eventuelt omfang er ikkje mogleg å vurdere. Kostnadsestimat: 20 000 - 100 000 - Våtrom - Underetasje Svømmebasseng - Generell | Våtrommet må oppgraderast for å tole normal bruk etter dagens krav. Sprekkar i betonggolvet i bassenget og krakeleringar i veggane. Sprekkar i flisene i bassenget. Det er ikkje synleg noko tettesjikt i bassenget, kun måla betongkonstruksjon. Det er ikkje dokumentert eller synleggjort tettesjikt under fliser på golvet rundt eller tilstøytande bassenget. Det er teikn til armeringskorrosjon og utsprenging i betongen i krypkjeller. Det er ikkje teikn til tettesjikt i golvet i dusjrommet. Konsekvens/tiltak: Våtrommet må totalrenoverast. Alle forhold med tettesjikt, våtsone, sluk m.m. må dokumenterast. Våtrommet må oppgraderast for å tole normal bruk etter dagens krav. Det bør etablerast og dokumenterast tilfredsstillande tettesjikt i både basseng, omkringliggjande golv og dusjrom for å hindre vassinntrenging og fuktskadar i konstruksjonen. Sprekkar og krakeleringar i betong og fliser må utbetrast for å unngå vidare forringing, armeringskorrosjon og risiko for lekkasjar. Manglande dokumentasjon og synleg tettesjikt medfører uvisse om utføringa, og aukar risikoen for fuktskadar, råte og kostbare reparasjonar. Kostnadsestimat: 200 000 - 500 000 - Våtrom - Underetasje Svømmebasseng - Tilliggande konstruksjonar våtrom | Det er fuktskadar i botn av trefiberplater på vegger. Ingen teikn til tettesjikt på overflatene. Konsekvens/tiltak: Det er pårekneleg at det kan vere eldre fuktskadar i konstruksjon tilstøytande våtrommet når overflater vert rivne, eventuelt omfang er ikkje mogleg å vurdere. Kostnadsestimat: 20 000 - 100 000 - Tekniske installasjonar - Vassledningar | Meir enn halvparten av forventa brukstid er passert på innvendige vassledningar. Vassrøyr av kopar med denne alderen har auka risiko for tæringsbrest og vasslekkasjar. Det eksakte tidspunktet for når dette kan inntreffe, er vanskeleg å fastslå, då det avheng av faktorar som materialkvalitet og vasskvalitet. Det er registrert irr på leidningane. Det er registrert lekkasje ved vasspumpe i krypkjeller. Konsekvens/tiltak: I samband med oppgradering av våtrom vil det vere naturleg med utskifting av røyr. Tidspunkt for utskifting av vassleidningar nærmar seg. Vassrøyra bør kontrollerast og eventuelt skiftast ut for å redusere risikoen for tæringsbrest og vasslekkasjar, då alder og registrert irr aukar sannsynet for skader. Lekkasje ved vasspumpe i krypkjeller må utbetrast umiddelbart for å unngå følgjeskadar på bygningskonstruksjonen og risiko for fuktskadar. Kostnadsestimat: Under 20 000 - Tomteforhold - Forstøtningsmurar | Det er påvist større sprekker og/eller skeivheiter i muren. Konsekvens/tiltak: Forstøtingsmuren må rivast og ny mur byggjast. Kostnadsestimat: 20 000 - 100 000 - Tomteforhold - Terrengforhold | Terrenget fell inn mot bygningen og det er maksimale forhold for vatn inn mot muren. Konsekvens/tiltak: Det bør gjerast terrengjusteringar. For å få TG1 må terreng rundt byggverk planleggjast med fall utover minimum 1:50 i ein avstand på minimum 3 m. Der terrenget gjer dette vanskeleg, kan alternative tiltak vere fall langs veggen. Kostnadsestimat: 20 000 - 100 000 - Tomteforhold - Oljetank | Det ligg føre krav om sanering av oljetank. Konsekvens/tiltak: Røyropplegg og tank utvendig må fjernast/sanerast. Oljetanken må tømmast, reinsast og sanerast i samsvar med gjeldande regelverk for å unngå risiko for lekkasje og forureining av grunn og grunnvatn. Manglande sanering kan medføre betydelege miljøskadar og økonomiske konsekvensar for eigar. Kostnadsestimat: 20 000 - 100 000 TG2 med avvik som kan krevje tiltak: - Utvendig > Taktekking: Meir enn halvparten av forventa brukstid er passert på taktekkinga. - Utvendig > Taktekking: Meir enn halvparten av forventa brukstid er passert på undertak. - Utvendig > Taktekking: Det er ved synfaringa påvist førekomst av mose på taktekkinga. - Utvendig > Taktekking: Enkelte taksteinar er forskove/flytta på grunn av vind. - Utvendig > Nedløp og beslag: Det manglar snøfangarar på heile eller delar av taket, men det var ikkje krav om dette på byggjemeldingstidspunktet. - Utvendig > Nedløp og beslag: Meir enn halvparten av forventa brukstid er passert på renner/nedløp/beslag. - Utvendig > Nedløp og beslag: Det er registrert avflassing av lakk/overflatebehandling og rust på takhattar. - Utvendig > Nedløp og beslag: Blyet nytta i tekkinga er truleg frå byggeåret. - Utvendig > Nedløp og beslag: Det er registrert slitasje og sprekkar i pussen på skorsteinen. - Utvendig > Veggkonstruksjon: Bordkledningen er enkelte stader svært nær underliggjande flate/terreng, eller er delvis tilstøytande. - Utvendig > Veggkonstruksjon: Det er påvist stadvis råteskader i bordkledningen. - Utvendig > Vindauge: Det er påvist avvik rundt innsetjingsdetaljar. - Utvendig > Vindauge: Det er påvist nokre glasruter som er punkterte eller sprukne. - Utvendig > Vindauge: Karmane i vindauga er slitne og det er sprekkar i trevirket. - Utvendig > Vindauge: Det er vesentleg slitasje på enkelte vindauge. - Utvendig > Vindauge: Det er observert råteskader i omramminga til nokre av vindauga. - Utvendig > Vindauge: Det er registrert at omramming/listverk tilstøyter vassbrettet under vindauget, og at vassbrettet tilstøyter vindaugskarmen. - Utvendig > Dører: Det er påvist dører som er vanskelege å opne eller lukke. - Utvendig > Dører: Det er påvist teikn på innvendig kondensering av enkelte glas. - Utvendig > Dører: Det er påvist utettheit/opning mellom dørblad og dørkarm. - Utvendig > Dører: Karmane i dører er vêrslitne utvendig og det er sprekkar i trevirket. - Utvendig > Dører: Balkongdøra i stova i 1. etasje har vesentlege fuktskadar i botnen av dørbladet og viser elles betydeleg slitasje. - Utvendig > Dører: Glasruta i skyvedøra ved symjebassenget er punktert. - Utvendig > Dører: Det er opning mellom dørkarm og vindaugskarm ved hovudinngangsdøra. - Utvendig > Balkong, terrasser og rom under balkong: Meir enn halvparten av forventa brukstid er passert på tettesjikt/membran. - Utvendig > Balkong, terrasser og rom under balkong: Betongdekket har inga form for membran eller tekking, og det er teikn til fuktgjennomgang i dekket i form av saltutslag og flassing i overflatebehandling. - Utvendig > Balkong, terrasser og rom under balkong: Sprekkar i betongdekket. - Utvendig > Balkong, terrasser og rom under balkong: Delar av rekkverket har råteskader. - Innvendig > Etasjeskille/golv mot grunn: Det er målt høgdeforskjell på mellom 15-30 mm gjennom heile rommet. - Innvendig > Rom Under Terreng: Fuktkvotemåling (vekt%) i konstruksjonen blei målt til 16%. - Innvendig > Innvendige dører: Enkelte av innvendige dører har ein del slitasje. - Innvendig > Andre innvendige forhold: Det er registrert symptom på at bygningen har/eller har hatt aktivitet frå skadedyr i form av mus. - Våtrom > 1.Etasje Bad - Tilliggande konstruksjoner våtrom: Det er observert fuktskjoldar i veggen. - Kjøkken > 1.Etasje - Overflater og innreiing: Kjøkkeninnreiinga er av eldre dato og har stadvis alders- og bruksslitasje. - Kjøkken > 1.Etasje - Avtrekk: Det er noko støy/dunkelydar frå vifta i ventilatoren. - Kjøkken > Underetasje Kjøkken - Utleige - Overflater og innreiing: Kjøkkeninnreiinga har i hovudsak normal bruksslitasje med omsyn til alder, men det er også påvist stadvis mindre skader i innreiinga og overflater. - Kjøkken > Underetasje Kjøkken - Utleige - Avtrekk: Filteret i kjøkkenventilatoren er tilgrisa av feitt og bør reingjerast for å sikre god funksjon og luftkvalitet. - Spesialrom > Underetasje Toalettrom - Overflater og konstruksjon: Toalettrom har kun naturleg avtrekk frå rommet, NS 3600 krev mekanisk avtrekk for å kunne gi TG 0/1. - Spesialrom > Underetasje Badstue - Overflater og konstruksjon: Det er ikkje tilfredsstillande ventilering frå rommet. - Spesialrom > Underetasje Badstue - Teknisk anlegg: Meir enn halvparten av forventa brukstid er passert på badstuomn. - Spesialrom > Underetasje Badstue - Teknisk anlegg: Funksjonen til badstuomnen er ikkje kjent. - Tekniske installasjonar > Avløpsrøyr: Meir enn halvparten av forventa brukstid er passert på innvendige avløpsleidningar. - Tekniske installasjonar > Vassboren varme: Meir enn halvparten av forventa brukstid er passert på anlegg for vassboren varme. - Tomteforhold > Fuktsikring og drenering: Meir enn halvparten av forventa levetid på drenering er overskriden. - Tomteforhold > Fuktsikring og drenering: Fuktsperre er avslutta utan klemlist og ligg stadvis under topp terreng. - Tomteforhold > Grunnmur og fundamenter: Grunnmuren har sprekkdanningar. - Tomteforhold > Utvendige vatn- og avløpsledningar: Meir enn halvparten av forventa brukstid er passert på utvendige avløpsleidningar. - Tomteforhold > Utvendige vatn- og avløpsledningar: Meir enn halvparten av forventa brukstid er passert på utvendige vassleidningar. Helse, miljø og sikkerhet: - Radon: Det er ikkje gjort radonmålingar, og bygget er heller ikkje utført med radonsperre. - Forstøtningsmurar: Det er manglande rekkverk/annan sikring på forstøytingsmurar som krev dette utifrå dagens krav. - Balkong, terrasser og rom under balkong: Opningar i rekkverk på balkong eller terrasse er ikkje i samsvar med krav i dagens forskrifter. - Balkong, terrasser og rom under balkong: Rekkverket på balkong eller terrasse er for lågt i forhold til dagens krav. - Innvendige trapper: Opningar i rekkverk er større enn dagens forskriftskrav til rekkverk i innvendige trapper. - Innvendige trapper: Opningar mellom trinn i innvendig trapp er større enn dagens forskriftskrav. - Støysone: Eigedomen ligg innanfor definert støysone frå veg. Oppsummeringa over er ikkje uttømmande, og du vert oppmoda til å lese og setje deg grundig inn i alt salsmateriell. For ordens skuld nemner vi at TGIU står for «tilstandsgrad ikkje undersøkt», til dømes fordi ein del av bygget ikkje har vore tilgjengeleg for inspeksjon. Desse delane kan dermed ha feil eller manglar som ikkje er avdekte.

Eiendomstype

Enebolig

Oppvarming

Oppvarming med elektrisitet og varmepumpe. Det er installert luft-til-vatn varmepumpe. Boligen har vannbåren varme til radiatorar og slynger i enkelte golv. Vannbåren varme er i alle flislagde golv samt i yttergang i hovudetasjen. Rom utan golvvarme har radiatorar. Boligen har elementpipe og peis med innsats. Det er badstuomn, truleg frå byggeår. Det er oljetank i stål, og det føreligg krav om sanering av denne. Det er ikkje lenger tillate å bruke fossil olje eller parafin til oppvarming av korkje bustader eller bygg. Kommunen kan gje pålegg om at det oljefyrte oppvarmingssystemet må fjernast, herunder òg oljetanken. Tankar som blir tekne ut av bruk, skal tømmast, gravast opp og destruerast etter nærare reglar. Kjøpar av eigedommen er ansvarleg for kostnad og risiko ved fjerning av eksisterande oljetank og må innrette seg etter gjeldande reglar samt forbodet. Ta kontakt med kommunen dersom du ønskjer ytterlegare opplysningar. Sjå www.oljefri.no for miljøvennlege alternativ til oljefyren. Dersom rom ikkje har vegg- eller fastmonterte varmekjelder ved vising, følgjer dette heller ikkje med. Tilstandsrapporten skildrar den tekniske tilstanden til byggverket. Det er ikkje utført kontroll av dei elektriske installasjonane (el-takst) sjølv om bygningssakkunnig kan ha knytt kommentarar til el-anlegget ut frå heilt enkle vurderingskriterium. Sidan el-anlegget ikkje er kontrollert, er det ikkje usannsynleg at det seinare kan bli avdekt avvik frå dagens forskriftskrav og oppstå funksjonssvikt. Vidare må kjøpar vere førebudd på at det kan måtte gjerast oppgraderingar på grunn av slitasje, manglande vedlikehald, arbeid som er utført av ufaglærte, alder eller tekniske løysingar som ikkje held dagens standard. I Noreg er det ei av oppgåvene til «Det lokale eltilsynet» (DLE) å utføre tilsyn med elektriske anlegg i bustader og fritidsbustader. Alle bustader skal ha periodisk kontroll kvart 20. år, og hytter/fritidsbustader blir kontrollerte kvart 30. år. El-anlegget er ein bygningsdel som er gjenstand for konstant utvikling. Ein må difor rekne med at dagens anlegg ikkje nødvendigvis er dimensjonert for oppgradering av kjøkken med nye elektriske apparat eller rehabilitering av bad med varmekablar, samt installeringar for elbilladar.

Strømforbruk

Meklar gjer merksam på at desse utgiftene er knytt til dagens eigar og at desse vil kunne endre seg med omsyn til anna bruk av bustaden enn i dag eller andre avtalar med leverandørar.

Vei, vann og avløp

Eigedomen er tilknytt offentleg avlaup. Alle eigedomar som er tilknytt offentleg avlaup har private stikkleidningar, som blir vedlikehaldne for eigar si eiga rekning. For nærare opplysningar om dei private stikkleidningane blir det vist til kommunen. Eigedomen har tilgang til vatn frå privat vasskjelde. Vasskvalitet og eventuell vasspumpe er ikkje kontrollerte, og det kan vere avgrensa kapasitet. Tilkomst til offentleg veg går over eigedomen gnr. 93, bnr. 40. Vegrett til eigedomen er tinglyst den 07.02.2017. Det må påreknast å betale kostnader til vedlikehald av veg og snøbrøyting.

Meglers plikt til å stanse gjennomføring av en handel

Eigedomsmeklarar er underlagd lov om kvitvasking og pliktar å rapportere til Økokrim om mistenkelege transaksjonar. Lov om kvitvasking har og strenge reglar om kontroll av legitimasjon frå alle partar i handelen, med dette, seljar, kjøpar og fullmektigar for desse.

Budgivning

Alle bod skal gjevast skriftleg og legitimert til meklar, som formidlar desse vidare til seljar. Dette gjer ein enkelt elektronisk ved å klikke på "gi bud" knappen på finn.no eller via eiendomsmegler1.no eller på bodskjema vedlagt salsoppgåva. Meklar skal så snart som muleg stadfeste skriftleg ovanfor bodgjevar at bod er motteke og formidle det vidare til seljar.  Bod må  ikkje ha kortare akseptfrist enn kl. 12.00 første virkedag etter siste annonserte vising. Bod med kortare frist enn dette kan ikkje formidlast av meklar.  Meklar pliktar å leggje til rette for ei forsvarleg avvikling av bodrunden. For at boda skal kunne bli handsama bør dei ikkje ha ein kortare akseptfrist enn 30 minutt frå bodet er gjeve. Bod som vert gjeve etter normal arbeidstid vert handsama/formidla påfølgjande arbeidsdag.  Meklar tek ikkje ansvar for forseinkingar på el- eller telenettet. Under bodrunden kan akseptfristen kortast ned ved mottaking av nye bod. Akseptfristen frå kjøpar er absolutt. Det betyr at dersom seljar vel å akseptere bodet, må kjøpar meddelast aksepten innan akseptfristen går ut. Dersom du utset å gje inn bod til tett opp mot akseptfristen er det ei reell fare for at eigedomen kan bli seld før bodet ditt kjem fram til meklar. Ein syner elles til "Forbrukarinformasjon om bodgjeving", som også er ein del av salsoppgåva. Kjøpar er utanlandsk statsborgar Dersom ein kjøpar er utanlandsk statsborgar krevjast det at ein har D-nummer til erstatning for norsk personnummer. Meklar rekvirerer dette samstundes som skøyte vert sendt inn til tinglysing hjå Kartverket. Skøytet vert så liggande hjå Kartverket fram til kjøpar har fått D-nummer av  skatteetaten. Deretter vert skøytet tinglyst. Denne prosessen vil ofte medføre at oppgjer og  utbetaling til seljar vert forseinka med nokre veker. Kjøpar må i desse tilfella enten ta atterhald i  b od om forseinka utbetaling til seljar, eller vere budd på å dekke forseinkingsrenter. Kontakt  ansvarleg meklar for informasjon før bodgjeving.

Overtakelse

Overtaking etter avtale. Legg inn ønskje om overtakingsdato ved bodgjeving. Mellom aksept av bod og tidspunktet for overtaking er det ikkje høve til å synfare eigedomen. Vi tilrår difor interessentar til å naudsynte mål og liknande på visinga.

Andre relevante opplysninger

Eigedommen er ledig for kjøpar og overleverast slik den framstår på visning. Leigetakar ønsker å bli buande. Leigetakar er informert om at det må signerast ny kontrakt med ny eigar. Det er forkjøpsrett på eigedommen. Denne må avklarast.

Boligselgerforsikring

Seljar har teikna bustadseljarforsikring som er framforhandla av Söderberg & Partners AS. Forsikringa dekkjer seljar sitt ansvar etter avhendingslova, med dei avgrensingane som følgjer av forsikringsvilkåra og er avgrensa til salssummen til eigedomen, men oppad avgrensa til kr. 14 000 000,-. Seljar har i den samanhengen utarbeidd ei eigenerklæring om eigedomen. Eigenerklæringa ligg vedlagt salsoppgåva og interessentar vert oppmoda til å gjere seg kjend med denne før bodgiving/kjøp. Bustadseljarforsikringa sørgjer for at kjøpar kan forhalde seg til ein profesjonell og søkegod motpart som handterer eventuelle reklamasjonar fagleg og ryddig. Dersom kjøpar ikkje har teikna bustadkjøparforsikring kan hen reklamere direkte til Claims Link (tlf 67 83 51 30 eller post@claimslink.no), som representerer bustadseljarforsikringa til seljar. Av vilkåra går det fram unntak i forsikringsdekninga, til dømes ved nye forhold som oppstår mellom aksept og overtaking. Garantiar/lovnader der seljar har påteke seg ansvar for eigenskapar ved eigedomen eller dokumentasjon av slike, vert ikkje dekt. I nokre tilfelle er det heller ikkje dekning der seljar har opptrådt forsettleg eller grovt aktlaust. Forsikringa omfattar heller ikkje ein redusert bustadverdi som skuldast skadedyr/insekt, til dømes skjeggkre/perlekre/sølvkre, veggdyr, pelsbiller, maur, borebiller og tilsvarande. I samsvar med lov og rettspraksis må det reklamerast “innan rimeleg tid”. Det vert tilrådd å reklamere umiddelbart/snarast mogleg og seinast innan 2 månader frå forholdet vart/burde vorte oppdaga. Dersom kjøpar utbetrar mangelskrav på eiga hand, kan dette medføre at reklamasjonsretten vert tapt.

Boligkjøperforsikring

Vedlagt i salsoppgåva følgjer informasjon om Bustadkjøparforsikring Pluss og Bustadkjøparforsikring frå HELP Forsikring AS. Bustadkjøparforsikring er ei rettshjelpsforsikring som gir tryggleik og profesjonell juridisk hjelp dersom det blir oppdaga uventa feil eller manglar ved bustaden dei neste fem åra. Bustadkjøparforsikring Pluss har same dekning som bustadkjøparforsikring + fullverdig advokathjelp på viktige rettsområde i privatlivet. Les meir om begge forsikringane i vedlagde materiell eller på help.no. Det blir gjort merksam på at meklarføretaket mottar kr 1 900 / 2 600 / 2 600,- (avhengig av bustadtype) i kostnadsgodtgjersle for kvar forsikringsavtale som blir formidla på Bustadkjøparforsikring Pluss og kr 2 900 ,- / 3 600,- / 3 600,- i kostnadsgodtgjersle for Bustadkjøparforsikring.

Forsikringsselskap

Tryg Forsikring

Avgiftsbeskrivelse

Dei kommunale avgiftene gjeld avlaup og feiing/tilsyn. Renovasjon er ikkje inkludert og vert fakturert separat frå Nomil. EIt standardabonnement er ca kr. 5.300,- per år. Kommunale gebyr er ein kombinasjon av forskot, abonnement og enkeltgebyr fakturert etter levert teneste. Kommunen kjenner ikkje samla gebyr for ein eigedom for eit år før året er omme. I tillegg kjem eigedomsskatt på kr 8 400,-.

Moderniseringer og påkostninger

Følgjande moderniseringar er utførte dei seinare åra: 2024: - Vedlikehald av elektrisk anlegg utført av Lote Elektro AS. Samsvarserklæring føreligg. 2023: - Sikringsskap: bytta frå skrusikring til automatsikringar, jordfeilbrytar vart òg skifta. 2020: - Kjøkken i 1. etasje vart måla. 2018: - Nytt golv og måla veggar i utleigedel. - Ny tapet og nytt golv i 2 av 3 soverom i 1. etasje. - Kjøkken i utleigedel: ny kjøkkeninnreiing, måla, nytt golv og fliser på vegg. - Oljefyr bytta med luft-til-vatn varmepumpe. 2017: - Nytt golv lagt på hems i garasje. 2016: - Fasader/ytterkledning sist måla. 2006: - Bad i utleigedel oppgradert.

Betalingsbetingelser

Kjøpesum og alle kostnader skal vere innbetalt til meklar sin klientkonto før overtaking. Det føresetjast at skøyte blir tinglyst på ny eigar. Dersom kjøpar ikkje ønskjer heimelsoverføring av eigedommen til seg, må det takast atterhald om dette i bodet.

Fasiliteter

Adgang til utleie

Bustad med to buiningar som fritt kan leigast ut. Eigedommen har ein utleigedel på 55 kvm i kjellaren som er leigd ut for 5000 kr per månad.

Radon

Det er ikkje utført radonmåling på eigedommen. Bygget er heller ikkje utført med radonsperre. Eigedommen ligg i eit område med moderat til låg førekomst av radongass, ifølgje NGU. For meir informasjon om radon, sjå www.dsa.no/radon.

Sentrale lover

Eigedomen vert seld etter reglane i avhendingslova. Salsoppgåva er basert på dei opplysningane seljar har gitt til bygningsakkyndig og meklar, samt opplysningar innhenta frå kommunen, Statens kartverk og andre tilgjengelege kjelder. Eigedomen skal overleverast til kjøpar i tråd med det som er avtalt. Det er viktig at kjøpar set seg grundig inn i alle salsdokumenta, med dette salsoppgåve, tilstandsrapport og seljar si egenerklæring. Kjøpar vert sett på som kjent med forhold som er tydeleg beskrive i salsdokumenta. Forhold som er beskrive i salsdokumenta kan ikkje påberopast som manglar. Dette gjeld uavhengig av om kjøpar har lest dokumenta. Alle interessentar vert oppmoda til å undersøkje eigedomen nøye, gjerne saman med fagkyndig før bod vert gjeve. Kjøpar som vel å kjøpe usett kan ikkje gjere gjeldande som mangel noko han burde blitt kjent med ved undersøkinga. Dersom det er behov for avklaringar, anbefalar vi at kjøpar rådfører seg med eigedomsmeklar eller ein bygningsakyndig før det vert lagt inn bod.   Dersom kjøpar ikkje er forbrukar seljast eigedomen «som den er», og seljar sitt ansvar er då avgrensa jf.§ 3-9 1. ledd 2. pkt. Informasjon om kjøpar si undersøkingsplikt, med dette oppmoding om å undersøkje eigedomen nøye, gjeld og for kjøparar som ikkje vert vurdert som forbrukarar.  På grunn av ulike avtalevilkår kan seljar vurdere bod frå ein som ikkje er forbrukar, ulikt frå ein forbrukar sitt bod. Dersom kjøpar ikkje er forbrukar, er seljar sitt mulege mangelsansvar avgrensa fordi eigedomen vert seld "som den er".  Seljar kan ikkje ta «som den er» atterhald ovanfor ein forbrukarkjøpar. Sjølv eit lågare bod frå ein som ikkje er forbrukar kan foretrekkast fordi avgrensinga i muleg mangelsansvar kan ha eigenverdi for seljar. Seljar står fritt til å forkaste eller akseptere eitkvart bod, og pliktar til dømes ikkje å akseptere høgste bod.  Bodgjevarar får informasjon dersom andre bod er gjeve av ein som ikkje er forbrukar.  Forbrukarkjøp - definisjon: Med forbrukarkjøp meinast kjøp av eigedom når kjøparen er ein fysisk person som ikkje hovudsakleg handlar som ledd i næringsverksemd. Forbrukar - avtalevilkår: Eigedomen har ein mangel dersom den ikkje er i samsvar med krava som følgjer av avtalen, eller det ligg føre brot på bestemmingane i avhendingslova §§ 3-2 til 3-8. Dersom eigedomen ikkje er i samsvar med det kjøparen må kunne vente ut frå alder, type og synleg tilstand, kan det vere grunnlag for mangelskrav. Det same gjeld dersom det er halde tilbake eller gitt urette opplysningar om eigedomen. Dette gjeld likevel berre dersom ein kan gå ut frå at det virka inn på avtalen at opplysningen ikkje vart gitt eller at feil urette opplysningar ikke blir retta i tide på ein tydeleg måte. Ein bustad som har blitt brukt i ei viss tid, har vanlegvis blitt utsett for slitasje og skadar kan ha oppstått. Slik bruksslitasje må kjøpar rekne med, og det kan avdekkast enkelte forhold etter overtakinga som gjer det naudsynt med utbetringa utbedringar. Normal slitasje og skadar som gjer det naudsynt med utbetring, er innanfor kva kjøpar må vente og vil ikkje utgjere ein mangel. Bustaden kan ha ein mangel etter avhendingslova § 3-3 dersom det er avvik mellom opplyst og faktisk innvendig areal, forutsett at avviket er på 2 % eller meir og minimum 1 kvm. Ved berekning av eit eventuelt prisavslag eller erstatning må kjøpar sjølv dekke tap/kostnader opptil eit beløp på kr 10 000 (eigendel). Ikkje - forbrukar (næringsdrivande) – definisjon: Dersom kjøpar er ein juridisk person, eller ein fysisk person som hovudsakeleg handlar som ledd i næringsverksemnd, vil kjøpet ikkje bli sett på som eit forbrukarkjøp.  Ikkje - forbrukar – avtalevilkår: Eigedomen har ein mangel dersom den ikkje er i samsvar med krava som følgjer av avtalen. Eigedomen vert seld «som den er», og seljar sitt ansvar utover det konkret avtalte er då avgrensa etter avhendingslova § 3-9, første ledd andre setning.  Avhendingslova § 3-3 andre ledd vert fråviken, og korvidt arealsvikt i bustaden utgjer ein mangel vert vurdert etter avhendingslova § 3-8.  Ein føresetnad for salet er at skøyet for eigedomen vert tinglyst på kjøpar. Interessentar og kjøpar må godta at seljar og meklar brukar elektronisk kommunikasjon i salsprosessen. I trå med eigedomsmeklingsforskrifta vil informasjon om oppdragsgivar, salsobjektet, interessentar og kjøpar bli lagra av meklarføretaket i min. 10 år. Sjå em1.no for meir informasjon om handsaminga vår av personopplysningar.

Personopplysningsloven

Vi gjer interessentar og kjøparar merksame på at vi vil handsame, etter personopplysingslova, personopplysningane dine i den utstrekning dette er naudsynt for å oppfylle våre lovpålagte plikter, med dette for å kunne gjere kundekontroll etter kvitvaskingslova samt for å utføre oppgåver som vi er pålagt etter eigedomsmeklingslova.

Kommunalinfo

• Kommunale avgifter: kr 19 658
• Eiendomsskatt: kr 8 400
• Informasjon om eiendomsskatt: For bustadeigedomar og fritidseigedomar er eigedomsskatten 3,1 promille. For alle bustadeigedomar og fritidseigedomar utgjer eigedomsskattegrunnlaget 70 prosent av skattetaksten for slike eigedomar, jf. eigedomsskattelova § 8 A-2. Eigedomsskatten 7 promille for næringseigedom, energianlegg (kraftanlegg og kraftnettet), naust, tomter (bustad, fritid, næring og naust) og særskilde skattegrunnlag (jf. overgangsregel i eigedomsskattelova).