Lindbøen 2

Last ned salgsoppgave for komplett informasjon om eiendommen

Registerbetegnelse

Informasjon borettslag / sameie

Regnskap / Budsjett:
Meklar har kopi av budsjett for 2025 og årsrekneskap for 2024. Desse kan interessentar få oversendt. Årsrekneskapen for 2024 vart godkjend utan merknad. For 2025 vart det budsjettert med eit driftsresultat på kr 86 531,-. Styret har orientert om at vedlikehaldsfondet bør styrkast på grunn av alderen og slitasjen på bygningen, noko som kan medføre auka kostnader til vedlikehald i framtida. Fellesutgiftene vert regulerte årleg, og for 2026 vil ei endring bli vedteken på årsmøtet 18. april 2026.

Vedtekter / Husordensregler:
Eigar pliktar å gjere seg kjend med vedtekter og eventuelle husordensreglar. Kopi av desse ligg vedlagt i salsoppgåva.

Dyrehold:
Sameiget har eigne ordensreglar for dyrehald: 1. Det kan berre haldast 1 husdyr pr husstand 2. Dyreeigar skal være kjent med politivedtekter og juridisk ansvar ved dyrehaldet 3. Dyr kan ikkje transporterast i heisen, og skal berast eller førast i band på sameigets område 4. Dyreeigar er erstatningspliktig for skader som dyret måtte påføre person eller eigedom, som til dømes oppskraping av dører og karmar, eller skader på blomster, plantar, grøntanlegg osv. 5. Dyreeigar har ansvar for at dyret ikkje markerer på sameigets område, samt straks å fjerne ekskrement som dyret måtte etterlate i trapper, artium, bed eller anna ute-eller fellesareal 6. Dyreeigar har ansvar for at dyrehaldet ikkje er til ulempe eller sjenanse for andre bebuarar. Dersom det blir framsett berettiga klager om at dyrehaldet sjenerer naboar med lukt, bråk etc. eller på anna måte er til ulempe er dette eit brot på ordensreglane for dyrehald. 7. Eventuell brot på ordensreglane for dyrehald skal etter skriftleg klage behandlast av styret.

Styregodkjennelse:
Det krevst ikkje styregodkjenning av ny eigar, men eigarskifte må meldast til styret.

Forkjøpsrett:
Det ligg ikkje føre nokon forkjøpsrett på eigedomen.

Felleskostnader

kr 2 505 pr. mnd.

Felleskostnader inkluderer

Felleskostnadane inkluderer honorar til vaktmeister og reinhaldstenester for fellesareal, bygningsforsikring, vedlikehald av fellesareal og tekniske installasjonar, samt rekneskapsføring og revisjon. Det er moglegheit for å teikne internettavtale via sameiget for kr 299,- per månad. Kommunale avgifter er ikkje inkludert og vert normalt fakturert direkte til den einskilde seksjonseigar. Fellesutgiftene vert regulerte årleg. For 2026 vil ei eventuell endring bli vedteken på årsmøtet 18. april 2026. Storleiken på ei eventuell auke er ikkje fastsett.

Forsikringspolise

SP529050

Sikringsordning

Sameiget er ikkje tilknytt ei sikringsordning. Sameiget har for krav mot sameigaren, som følgjer av sameigeforholdet, panterett i kvar seksjon med eit beløp som svarar til grunnbeløpet i folketrygda, jf. eigarseksjonslova § 25.

Etasje

2

Parkering

Det fylgjer med éin merkt garasjeplass (nr. 11) i felles garasjeanlegg i underetasjen. Seksjonseigarar kan med samtykke frå styret anlegge ladepunkt og må sjølv dekkje kostnadene for etablering, drift og bruk. Garasjen er klargjort for installasjon av ladar.

Eiendom

Tomteareal er 1 892 m² på eiet tomt.

Fellesarealet er flott opparbeidd med asfaltert gang- og trafikkareal, skjerma uteplass med betongheller, og bed.

Byggeår

2007

Innhold

Leilegheita inneheld: 2. etasje: entré, bad, bod, bad/vaskerom og stove/kjøkken i opa løysing. Frå stove/kjøkken er det utgang til ein overbygd altan på ca. 8 m². Leilegheita disponerer ein sportsbod på ca. 5 m² i same etasje og ein parkeringsplass i felles, lukka garasjeanlegg i kjellaren. Det ligg føre godkjende og byggemelde teikningar, som samsvarar med dagens bruk. Dei oppgitte romma er definerte av bygningssakkyndig i samsvar med vedlagd rapport, basert på dagens faktiske bruk, uavhengig av kva som er godkjent av bygningsstyresmaktene.

Standard

Dette er ei praktisk og sentrumsnær leilegheit i 2. etasje med heisadkomst. Planløysinga er effektiv med tre soverom og ei open stove- og kjøkkenløysing som gir gode soner for møblering. Parkettgolva i stove og på soveromma er nyleg slipte og lakkerte, og leilegheita har balansert ventilasjon for eit godt inneklima. Entré: Det flislagde golvet med varmekablar gir ein god velkomst. Frå gangen er det tilkomst til alle romma i leilegheita, med stove og kjøkken rett fram. Stove: Det opne rommet har plass til både sofagruppe og spisebord. Ein gasspeis er plassert sentralt og gir både varme og atmosfære på kjølige kveldar. Det nyleg behandla parkettgolvet bind saman stova og kjøkkenet, og store vindauge slepp inn godt med lys. Frå stova er det utgang til altanen. Kjøkken: Kjøkkenet ligg i open løysing med stova og har ei innreiing med folierte frontar og laminatbenkeplate. Av integrerte kvitevarer finst steikeomn, mikrobølgeomn og oppvaskmaskin. Induksjonstoppen og det frittståande kjøle-/fryseskapet er av nyare dato. Innreiinga har noko bruksslitasje. Altan: Frå stova er det utgang til ein overbygd og nordvestvendt altan på omlag 8 m². Flisane på dekket vart skifta i 2025, og rekkverket er i stål og glas. Altanen har gassuttak og stikkontakter. Soverom: Leilegheita har tre soverom med nyslipt parkett. Hovudsoverommet har ein praktisk skyvedørsgarderobe med speglfrontar. Eit anna soverom har eit kombigarderobeskap, medan det tredje rommet passar godt som barnerom, gjesterom eller kontor. Bad: Badet er heilflisa med varmekablar i golvet. Rommet er innreidd med vegghengt klosett, dusj med svingdører og ei nyare baderomsinnreiing med servantplate frå 2025. Det er opplegg for vaskemaskin. Bod: Ei innvendig bod på 5 m² gir ekstra lagringsplass. Her er også varmtvasstanken og fordelingsskapet for rør-i-rør-systemet plassert. Boda har golvbelegg og sluk i golvet. I tillegg disponerer leilegheita bod med utvendig tilkomst, like ved inngangsdøra. Overflater: Gulvoverflater: Parkett og flisar. Veggar: Malte tapetserte overflater på underlag av gips, og malte profilerte mdf-plater. Himling: Malte slette overflater på underlag av gips. Lagring: Leilegheita har skyvedørsgarderobe med garderobeinnreiing og speilfrontar i eitt soverom, og eit kombigarderobeskap i eit anna. I tillegg kjem ei innvendig bod på ca. 5 m² og ein ekstern sportsbod på ca. 5 m² med utvendig tilkomst i same etasje. Omsetning av brukt eigedom Ein brukt eigedom vil som regel ikkje vere i same stand som om den var ny. Tekniske krav, type bustad, teknikk og skikkar endrar seg over tid. Bruksslitasje og ytre forhold kan gjere at tilstanden blir dårlegare etter kvart, sjølv om det ikkje er synleg. Kjøparar kan ha mindre forventningar til eldre bustader enn nye, og det kan vere skadar eller feil som ikkje er beskrive, men som seljar likevel ikkje kan haldast ansvarleg for. Normal bruksslitasje er ikkje ein mangel, og det er ikkje sikkert at det som opplevast som ein feil ved ein eigedom er ein mangel i rettsleg forstand. Det er difor viktig å setje seg grundig inn i tilstanden på den eigedomen ein vil kjøpe.

Hvitevarer

Det gjerast merksam på at det berre er dei integrerte kvitevarene på kjøkenet som fylgjer med i kjøpet. Kvitevarene vert leverte utan nokon form for garantiar, utover eventuell attverande leverandørgaranti.

Adkomst

Leilegheita har lett tilkomst frå felles svalgang via heis og trapp frå garasjeanlegget og felles uteareal på bakkeplan.

Byggemåte

Informasjonen er henta frå vedlagte tilstandsrapport, datert 11.02.2026. Bygning: Bygningen er ein leilegheit oppført i 2007 i tradisjonell konstruksjon. Berande konstruksjonar er i hovudsak oppført i betongkonstruksjon. Skiljeveggane mellom seksjonane og mot fellesarealet er av betong- og bindingsverk, utført som lyd- og branncellekonstruksjon. Ytterveggane er av bindingsverk, delvis med utvendig kledning av trepanel og delvis med forblending av fasademurar. Etasjeskilje av betongdekke. Grunnmur, fundament og berande konstruksjonar er i hovudsak oppført i betongkonstruksjon. Tak: Takkonstruksjon med saltak og skråtak. Taktekking av membran/taktekking. Pipe/Ildstad: Gasspeis i stove/kjøkken. Sameiget har felles gasstank med forbruksmålar for kvar seksjon. Det er opplyst at pliktig kontroll av gassinstallasjonane er følgt og at sameiget har serviceavtale på gassanlegget. Vindauge: Vindauge med måla trekarmar med 2-lags glas. Dører: Inngangsdør med måla slette overflater. Altandør i måla treverk med 2-lags glas. Innvendige dører er kvite formpressa dører og ei kvit fyllingsdør. Trapper/tilkomst: Leilegheita har lett tilkomst frå felles svalgang via heis og trapp frå garasjeanlegget og felles uteareal på bakkeplan. Balkong/terrasse: Frå stove/kjøkken er det tilkomst til overbygd altan på ca. 8 m² vendt mot nordvest. Den har flislagt betongdekke. Flisene vart skifta i 2025. Rekkverk i galvanisert stål med glassrekkverk, og topprekke i treverk. VVS-installasjonar: Vassrøyr med røyr-i-røyr-system, med røyrsentral installert i fordelarskap i boda. Avløpsrøyr av plast. Varmtvasstank på 198 liter er installert i boda. Det er plastsluk i dusjsona og i golvet i boda. Ventilasjon: Ventilasjonen er basert på balansert ventilasjon, via felles ventilasjonsanlegg i bygget. Det er også beskrive som mekanisk avtrekk i himlinga, tilknytt felles ventilasjonsanlegg. Avtrekkshette i kjøkkenet er tilknytt felles ventilasjonsanlegg. Tekniske detaljar: Det er gasspeis i stova og koplingsboks for gass på altanen. Det er varmekablar i golvet i entréen. Bygningen er ikkje utført med radonsperre mot grunnen, noko som er normal utføring for byggeåret. Sportsbod: Sportsbod med utvendig tilkomst, ca 5 m². Etasjeskilje av betongdekke, og innvendig golvflate av betong. Innvendige veggar med overflater av betong og gips. Himling med gips. Dør med måla slette overflater. Hylleinnreiing og kombigarderobeskap. Elektrisk anlegg er installert. Elektrisk anlegg med det meste som skjult installasjon og sikringsskap med automatsikringar. I tillegg til badet er det varmekablar i golvet i entréen. Belysning er delvis med downlights og fiber er installert. Nedanfor finn ein ei kort oppsummering av det den bygningssakyndige har beskrive av avvik ved bustaden som har fått tilstandsgrad 2 (TG 2) eller 3 (TG 3) OG TG IU (Ikkje undersøkt). TG2 med avvik som kan krevje tiltak: - Utvendig > Felles utvendige bygningsdeler: Det er ikkje framlagt vedlikehaldsplan/tilstandsrapport for felles bygningsdelar i sameiget. - Stue/kjøkken > Overflater og innredning: Kjøkkenet har naturleg elde og bruksslitasje i høve til alderen, og det er registrert områder med skade i folien på enkelte frontar. - Bad > Overflater Gulv: Det er enkelte golvfliser med kantsprang, og fall til sluk ligg under preaksepterte ytelsar i teknisk forskrift. - Bad > Sluk, membran og tettesjikt: Membranen har oppnådd meir enn halvparten av forventa brukstid med omsyn til alder. - Bad > Sanitærutstyr og innredning: Det er ikkje synleg drenering frå sisterna til klosettet, og det er ikkje framlagt dokumentasjon på anna godkjent løysing. TGIU - Konstruksjonar som ikkje er undersøkte: - Innvendig > Pipe og ildsted: Gassinstallasjonar blir ikkje vurdert med tilstandsgrad i rapporten. - Tekniske installasjoner > Andre gassinstallasjoner: Gassinstallasjonar blir ikkje vurdert med tilstandsgrad i rapporten. Helse, miljø og sikkerhet: - Rekkverket skal utformast slik at det førebygge klatring, enden på rekkverket her har opning på over 20 mm mellom dei horisontale spilene, noko som gjer det lettare for barn å klatre i rekkverket. - Det er ikkje framlagt rapport for radonmåling. Bygningen er ikkje utført med radonsperre mot grunnen, normal utføring for byggeåret. - Elektrisk anlegg er ikkje kontrollert i tilstandsrapporten, kontroll av godkjent elektroinstallatør/eltakst bør utførast med omsyn til at det ikkje er framlagt kontroll av det elektriske anlegget/eltakst utført i løpet av dei fem siste åra. Med omsyn til at det ikkje er framlagt kontroll/eltakst kan det ikkje utelukkast at det ikkje er feil, eller manglar på anlegget. - I følgje NVE sine temakart ligg del av eigedommen i område med omsynssone for flaum. Oppsummeringa over er ikkje uttømmande, og du vert oppmoda til å lese og setje deg grundig inn i alt salsmateriell. For ordens skuld nemner vi at TGIU står for «tilstandsgrad ikkje undersøkt», til dømes fordi ein del av bygget ikkje har vore tilgjengeleg for inspeksjon. Desse delane kan dermed ha feil eller manglar som ikkje er avdekte.

Eiendomstype

Leilighet

Oppvarming

Oppvarming er basert på gass og elektrisitet. Sameiget har felles gasstank med forbruksmålar for kvar seksjon. Det er gasspeis i stove/kjøkken. Varmekablar i flislagt golv på bad og i golvet i entréen. Dersom rom ikkje har vegg- eller fastmonterte varmekjelder ved vising, følgjer dette heller ikkje med. Tilstandsrapporten beskriv den tekniske tilstanden til byggverket. Det er ikkje utført kontroll av dei elektriske installasjonane (el-takst) sjølv om bygningssakkunnig kan ha knytt kommentarar til el-anlegget ut frå heilt enkle vurderingskriterium. Sidan el-anlegget ikkje er kontrollert, er det ikkje usannsynleg at det seinare kan bli avdekt avvik frå dagens forskriftskrav og oppstå funksjonssvikt. Vidare må kjøpar vere førebudd på at det kan måtte gjerast oppgraderingar på grunn av slitasje, manglande vedlikehald, arbeid som er utført av ufaglærte, alder eller tekniske løysingar som ikkje held dagens standard. I Noreg er det ei av oppgåvene til «Det lokale eltilsynet» (DLE) å utføre tilsyn med elektriske anlegg i bustader og fritidsbustader. Alle bustader skal ha periodisk kontroll kvart 20. år, og hytter/fritidsbustader blir kontrollerte kvart 30. år. El-anlegget er ein bygningsdel som er gjenstand for konstant utvikling. Ein må difor rekne med at dagens anlegg ikkje nødvendigvis er dimensjonert for oppgradering av kjøkken med nye elektriske apparat eller rehabilitering av bad med varmekablar, samt installeringar for elbilladar.

Strømforbruk

Straumforbruk ca. 12 100 KWh pr. år. Nettleige kjem i tillegg. Meklar gjer merksam på at desse utgiftene er knytt til dagens eigar og at desse vil kunne endre seg med omsyn til anna bruk av bustaden enn i dag eller andre avtalar med leverandørar.

Vei, vann og avløp

Eigedommen ligg med lett tilkomst frå Angedalsvegen, Bydalsalleen og Lindbøen. Kommunalt vass- og avløpsanlegg via sameiget sine private stikkledningar.

Meglers plikt til å stanse gjennomføring av en handel

Eigedomsmeklarar er underlagd lov om kvitvasking og pliktar å rapportere til Økokrim om mistenkelege transaksjonar. Lov om kvitvasking har og strenge reglar om kontroll av legitimasjon frå alle partar i handelen, med dette, seljar, kjøpar og fullmektigar for desse.

Budgivning

Alle bod skal gjevast skriftleg og legitimert til meklar, som formidlar desse vidare til seljar. Dette gjer ein enkelt elektronisk ved å klikke på "gi bud" knappen på hjem.no, finn.no, via eiendomsmegler1.no eller på bodskjema vedlagt salsoppgåva. Meklar skal så snart som muleg stadfeste skriftleg ovanfor bodgjevar at bod er motteke og formidle det vidare til seljar.  Bod må  ikkje ha kortare akseptfrist enn kl. 12.00 første virkedag etter siste annonserte vising. Bod med kortare frist enn dette kan ikkje formidlast av meklar.  Meklar pliktar å leggje til rette for ei forsvarleg avvikling av bodrunden. For at boda skal kunne bli handsama bør dei ikkje ha ein kortare akseptfrist enn 30 minutt frå bodet er gjeve. Bod som vert gjeve etter normal arbeidstid vert handsama/formidla påfølgjande arbeidsdag.  Meklar tek ikkje ansvar for forseinkingar på el- eller telenettet. Under bodrunden kan akseptfristen kortast ned ved mottaking av nye bod. Akseptfristen frå kjøpar er absolutt. Det betyr at dersom seljar vel å akseptere bodet, må kjøpar meddelast aksepten innan akseptfristen går ut. Dersom du utset å gje inn bod til tett opp mot akseptfristen er det ei reell fare for at eigedomen kan bli seld før bodet ditt kjem fram til meklar. Ein syner elles til "Forbrukarinformasjon om bodgjeving", som også er ein del av salsoppgåva. Kjøpar er utanlandsk statsborgar Dersom ein kjøpar er utanlandsk statsborgar krevjast det at ein har D-nummer til erstatning for norsk personnummer. Meklar rekvirerer dette samstundes som skøyte vert sendt inn til tinglysing hjå Kartverket. Skøytet vert så liggande hjå Kartverket fram til kjøpar har fått D-nummer av  skatteetaten. Deretter vert skøytet tinglyst. Denne prosessen vil ofte medføre at oppgjer og  utbetaling til seljar vert forseinka med nokre veker. Kjøpar må i desse tilfella enten ta atterhald i  bod om forseinka utbetaling til seljar, eller vere budd på å dekke forseinkingsrenter. Kontakt  ansvarleg meklar for informasjon før bodgjeving.

Overtakelse

Overtaking etter avtale. Legg inn ønskje om overtakingsdato ved bodgjeving. Mellom aksept av bod og tidspunktet for overtaking er det ikkje høve til å synfare eigedomen. Vi tilrår difor interessentar til å naudsynte mål og liknande på visinga.

Boligselgerforsikring

Seljar har teikna bustadseljarforsikring som er framforhandla av Söderberg & Partners AS. Forsikringa dekkjer seljar sitt ansvar etter avhendingslova, med dei avgrensingane som følgjer av forsikringsvilkåra og er avgrensa til salssummen til eigedomen, men oppad avgrensa til kr. 14 000 000,-. Seljar har i den samanhengen utarbeidd ei eigenerklæring om eigedomen. Eigenerklæringa ligg vedlagt salsoppgåva og interessentar vert oppmoda til å gjere seg kjend med denne før bodgiving/kjøp. Bustadseljarforsikringa sørgjer for at kjøpar kan forhalde seg til ein profesjonell og søkegod motpart som handterer eventuelle reklamasjonar fagleg og ryddig. Dersom kjøpar ikkje har teikna bustadkjøparforsikring kan hen reklamere direkte til Claims Link (tlf 67 83 51 30 eller post@claimslink.no), som representerer bustadseljarforsikringa til seljar.   Av vilkåra går det fram unntak i forsikringsdekninga, til dømes ved nye forhold som oppstår mellom aksept og overtaking. Garantiar/lovnader der seljar har påteke seg ansvar for eigenskapar ved eigedomen eller dokumentasjon av slike, vert ikkje dekt. I nokre tilfelle er det heller ikkje dekning der seljar har opptrådt forsettleg eller grovt aktlaust. Forsikringa omfattar heller ikkje ein redusert bustadverdi som skuldast skadedyr/insekt, til dømes skjeggkre/perlekre/sølvkre, veggdyr, pelsbiller, maur, borebiller og tilsvarande. I samsvar med lov og rettspraksis må det reklamerast “innan rimeleg tid”. Det vert tilrådd å reklamere umiddelbart/snarast mogleg og seinast innan 2 månader frå forholdet vart/burde vorte oppdaga.   Dersom kjøpar utbetrar mangelskrav på eiga hand, kan dette medføre at reklamasjonsretten vert tapt.

Boligkjøperforsikring

Vedlagt i salsoppgåva følgjer informasjon om Bustadkjøparforsikring Pluss og Bustadkjøparforsikring frå HELP Forsikring AS. Bustadkjøparforsikring er ei rettshjelpsforsikring som gir tryggleik og profesjonell juridisk hjelp dersom det blir oppdaga uventa feil eller manglar ved bustaden dei neste fem åra. Bustadkjøparforsikring Pluss har same dekning som bustadkjøparforsikring + fullverdig advokathjelp på viktige rettsområde i privatlivet. Les meir om begge forsikringane i vedlagde materiell eller på help.no. Det blir gjort merksam på at meklarføretaket mottar kr 1 900 / 2 600 / 2 600,- (avhengig av bustadtype) i kostnadsgodtgjersle for kvar forsikringsavtale som blir formidla på Bustadkjøparforsikring Pluss og kr 2 900 ,- / 3 600,- / 3 600,- i kostnadsgodtgjersle for Bustadkjøparforsikring.

Forsikringsselskap

IF Skadeforsikring NUF

Avgiftsbeskrivelse

Dette inkluderer renovasjon, vatn- og avlaupsavgifter og feiing. Den totale årlege kostnaden vil variere etter eige forbruk. Fastpris: 5 880,- inkludert mva frå 01.01.2026.   Dette er ein årleg kostnad som vil vere lik for alle bueiningar. Grunngebyret dekkjer henting, handsaming og vidare transport av matavfall, restavfall, papp/papir, plast-, glas- og metallemballasje, samt administrasjonskostnadar knytt til renovasjon.

Moderniseringer og påkostninger

Følgjande moderniseringar er utførte dei seinare åra: 2026: - Bytt silikonfuger på bad. - Måla tak og veggar. 2025: - Bytt servant og servantskap på bad. Utført av Vestland Rør og elektro. - Lagt nye fliser på terrasse. Utført av Førde Flis. - Slipt golv i stove/kjøkken.

Betalingsbetingelser

Kjøpesum og alle kostnader skal vere innbetalt til meklar sin klientkonto før overtaking. Det føresetjast at skøyte blir tinglyst på ny eigar. Dersom kjøpar ikkje ønskjer heimelsoverføring av eigedommen til seg, må det takast atterhald om dette i bodet.

Fasiliteter

Adgang til utleie

Korttidsutleige av heile bustadseksjonen i meir enn 90 døgn per år er ikkje tillate. Med korttidsutleige meiner ein utleige i inntil 30 døgn samanhengande. Grensa kan fråvikast i vedtektene og setjast til mellom 60 og 120 døgn. Sameiget har ingen begrensingar for utleige, men styret må varslast ved utleige.

Radon

Det er ikkje utført radonmåling på eigedommen. Bygningen er ikkje utført med radonsperre mot grunnen. For meir informasjon om radon, sjå www.dsa.no/radon.

Sentrale lover

Eigedomen vert seld etter reglane i avhendingslova. Salsoppgåva er basert på dei opplysningane seljar har gitt til bygningsakkyndig og meklar, samt opplysningar innhenta frå kommunen, Statens kartverk og andre tilgjengelege kjelder. Eigedomen skal overleverast til kjøpar i tråd med det som er avtalt. Det er viktig at kjøpar set seg grundig inn i alle salsdokumenta, med dette salsoppgåve, tilstandsrapport og seljar si egenerklæring. Kjøpar vert sett på som kjent med forhold som er tydeleg beskrive i salsdokumenta. Forhold som er beskrive i salsdokumenta kan ikkje påberopast som manglar. Dette gjeld uavhengig av om kjøpar har lest dokumenta. Alle interessentar vert oppmoda til å undersøkje eigedomen nøye, gjerne saman med fagkyndig før bod vert gjeve. Kjøpar som vel å kjøpe usett kan ikkje gjere gjeldande som mangel noko han burde blitt kjent med ved undersøkinga. Dersom det er behov for avklaringar, anbefalar vi at kjøpar rådfører seg med eigedomsmeklar eller ein bygningsakyndig før det vert lagt inn bod.   Dersom kjøpar ikkje er forbrukar seljast eigedomen «som den er», og seljar sitt ansvar er då avgrensa jf.§ 3-9 1. ledd 2. pkt. Informasjon om kjøpar si undersøkingsplikt, med dette oppmoding om å undersøkje eigedomen nøye, gjeld og for kjøparar som ikkje vert vurdert som forbrukarar.  På grunn av ulike avtalevilkår kan seljar vurdere bod frå ein som ikkje er forbrukar, ulikt frå ein forbrukar sitt bod. Dersom kjøpar ikkje er forbrukar, er seljar sitt mulege mangelsansvar avgrensa fordi eigedomen vert seld "som den er".  Seljar kan ikkje ta «som den er» atterhald ovanfor ein forbrukarkjøpar. Sjølv eit lågare bod frå ein som ikkje er forbrukar kan foretrekkast fordi avgrensinga i muleg mangelsansvar kan ha eigenverdi for seljar. Seljar står fritt til å forkaste eller akseptere eitkvart bod, og pliktar til dømes ikkje å akseptere høgste bod.  Bodgjevarar får informasjon dersom andre bod er gjeve av ein som ikkje er forbrukar.  Forbrukarkjøp - definisjon: Med forbrukarkjøp meinast kjøp av eigedom når kjøparen er ein fysisk person som ikkje hovudsakleg handlar som ledd i næringsverksemd. Forbrukar - avtalevilkår: Eigedomen har ein mangel dersom den ikkje er i samsvar med krava som følgjer av avtalen, eller det ligg føre brot på bestemmingane i avhendingslova §§ 3-2 til 3-8. Dersom eigedomen ikkje er i samsvar med det kjøparen må kunne vente ut frå alder, type og synleg tilstand, kan det vere grunnlag for mangelskrav. Det same gjeld dersom det er halde tilbake eller gitt urette opplysningar om eigedomen. Dette gjeld likevel berre dersom ein kan gå ut frå at det virka inn på avtalen at opplysningen ikkje vart gitt eller at feil urette opplysningar ikke blir retta i tide på ein tydeleg måte. Ein bustad som har blitt brukt i ei viss tid, har vanlegvis blitt utsett for slitasje og skadar kan ha oppstått. Slik bruksslitasje må kjøpar rekne med, og det kan avdekkast enkelte forhold etter overtakinga som gjer det naudsynt med utbetringa utbedringar. Normal slitasje og skadar som gjer det naudsynt med utbetring, er innanfor kva kjøpar må vente og vil ikkje utgjere ein mangel. Bustaden kan ha ein mangel etter avhendingslova § 3-3 dersom det er avvik mellom opplyst og faktisk innvendig areal, forutsett at avviket er på 2 % eller meir og minimum 1 kvm. Ved berekning av eit eventuelt prisavslag eller erstatning må kjøpar sjølv dekke tap/kostnader opptil eit beløp på kr 10 000 (eigendel). Ikkje - forbrukar (næringsdrivande) – definisjon: Dersom kjøpar er ein juridisk person, eller ein fysisk person som hovudsakeleg handlar som ledd i næringsverksemnd, vil kjøpet ikkje bli sett på som eit forbrukarkjøp.  Ikkje - forbrukar – avtalevilkår: Eigedomen har ein mangel dersom den ikkje er i samsvar med krava som følgjer av avtalen. Eigedomen vert seld «som den er», og seljar sitt ansvar utover det konkret avtalte er då avgrensa etter avhendingslova § 3-9, første ledd andre setning.  Avhendingslova § 3-3 andre ledd vert fråviken, og korvidt arealsvikt i bustaden utgjer ein mangel vert vurdert etter avhendingslova § 3-8.  Ein føresetnad for salet er at skøyet for eigedomen vert tinglyst på kjøpar. Interessentar og kjøpar må godta at seljar og meklar brukar elektronisk kommunikasjon i salsprosessen. I trå med eigedomsmeklingsforskrifta vil informasjon om oppdragsgivar, salsobjektet, interessentar og kjøpar bli lagra av meklarføretaket i min. 10 år. Sjå em1.no for meir informasjon om handsaminga vår av personopplysningar.

Personopplysningsloven

Vi gjer interessentar og kjøparar merksame på at vi vil handsame, etter personopplysingslova, personopplysningane dine i den utstrekning dette er naudsynt for å oppfylle våre lovpålagte plikter, med dette for å kunne gjere kundekontroll etter kvitvaskingslova samt for å utføre oppgåver som vi er pålagt etter eigedomsmeklingslova.

Kommunalinfo

• Kommunale avgifter: kr 9 998
• Eiendomsskatt: kr 4 876
• Informasjon om eiendomsskatt: For bustadeigedomar og fritidseigedomar er eigedomsskatten 3,1 promille. For alle bustadeigedomar og fritidseigedomar utgjer eigedomsskattegrunnlaget 70 prosent av skattetaksten for slike eigedomar, jf. eigedomsskattelova § 8 A-2. Eigedomsskatten 7 promille(sjekk din kommune) for næringseigedom, energianlegg (kraftanlegg og kraftnettet), naust, tomter (bustad, fritid, næring og naust) og særskilde skattegrunnlag (jf. overgangsregel i eigedomsskattelova).