Gardsstølsvegen 16

Last ned salgsoppgave for komplett informasjon om eiendommen

Registerbetegnelse

Informasjon borettslag / sameie

Regnskap / Budsjett:
Meklar har kopi av budsjett for 2026 og årsrekneskap for 2025. Desse kan interessentar få oversendt. Årsresultatet for 2025 viste eit underskot på kr 31 472,-. For 2026 er det budsjettert med eit overskot på kr 12 122,-. Sameiget sine disponible midlar per 31.12.2025 var på kr 1 183 612,-. I følgje vedtektene skal styret budsjettere med overskot for å halde ved lag ein reserve på minst eit årsbudsjett. Felleskostnadene for 'Bygning A7' vil auke frå kr 2 476,- til kr 2 576,- per månad frå 1. juli 2026.

Vedtekter / Husordensregler:
Eigar pliktar å gjere seg kjend med vedtekter og eventuelle husordensreglar. Kopi av desse ligg vedlagt i salsoppgåva.

Dyrehold:
Det er tillate å halde hund eller katt under føresetnad av at eigaren held dyret under tilsyn slik at det ikkje er til plage eller sjenanse for andre av eigedommen sine brukarar. Ekskrementposar skal brukast.

Beboernes forpliktelser:
Eigarane i kvar enkelt blokk er ansvarlege for trappevask, anten som dugnad eller ved å leige inn hjelp. Kostnaden for leigd hjelp blir fordelt likt på eigarane i den aktuelle blokka. Eigarane pliktar også i fellesskap å sørgje for reinhald og orden i trappe- og kjellarrom og på svalgangar.

Styregodkjennelse:
Kjøpar skal godkjennast av styret i sameiget. Dette kan ikkje nektast utan sakleg grunn. Skjema for styregodkjenning finst på BOB.no og skal sendast til styret for signering.

Forkjøpsrett:
Det er ikkje forkjøpsrett på eigedomen. Meklarbrevet frå forretningsførar BOB inneheld ei standardtilvising til BOB sine nettsider for reglar om forkjøpsrett, men dette er ikkje relevant for dette sameiget.

Felleskostnader

kr 2 775 pr. mnd.

Felleskostnader inkluderer

Totale fellesutgifter er kr 2 775,- per månad. Dette inkluderer internett, fullverdiforsikring, kommunale avgifter (unnateke eigedomsskatt og renovasjon), snømåking og div. utvendig vedlikehald. Renovasjon blir fakturert av SUM og eigedomsskatt av Sunnfjord kommune. Fellesutgiftene er fordelte slik: - Felleskostnader for Bygning A7: kr 2 476,- - Internett: kr 299,- I tillegg kjem ei årleg avgift for gassannlegget som vert lagt til felleskostnadane tidleg på året. Ved førre fakturering utgjorde kostnaden kr 748,-. Kostnaden vil kunne variere etter tilbydar sine vilkår. Felleskostnadene for 'Bygning A7' vil auke frå kr 2 476,- til kr 2 576,- per månad frå 01.07.2026. Dette gjev ei auke i dei totale månadlege fellesutgiftene frå kr 2 775,- til kr 2 875,-.

Forsikringspolise

SP0002643256

Sikringsordning

Sameiget har inngått avtale om forskotterte felleskostnader med Klare Finans AS. Sameiget har legalpanterett for krav mot sameigaren som følgjer av sameigeforholdet, jf. eigarseksjonslova § 31.

Etasje

3

Parkering

Denne seksjonen har eigen biloppstillingsplass i garasjekjellaren, som følgjer seksjonen. Alle faste plassar er tilrettelagde for elbillading, der eigar sjølv må koste ladeboks frå firmaet sameiget har serviceavtale med. Her vart det installert elbilladar i 2023. I tillegg har sameiget felles gjesteparkering.

Eiendom

Tomteareal er 17 064 m² på eiet tomt.

Sameiget si eigedomstomt på 17064,2 m². Fellesområda er opparbeidde med asfalterte trafikk- og gangareal, støttemurar i naturstein og betong, trapper og plattingar i betong, grasplenar og vegetasjon. Områda står til fri disposisjon for bebuarane og inkluderer mellom anna leikeplassar og garasjeanlegg. Sameiget si tomt er fellesareal, dersom det ikkje er gjort nærare avtalar om bruk av tomta i vedtekter og seksjoneringsdokument.

Byggeår

2014

Innhold

Leilegheita ligg fint plassert i enden av øvste etasje og inneheld: entré, bad/vaskerom, bod/garderoberom, tre soverom og stove/kjøkken. Dels overbygd balkong på 13 m² med utgang frå stova. I tillegg disponerer seksjonen ei sportsbod på ca. 5 m² i eit lukka bodrom, og ein parkeringsplass med elbilladar i felles garasjeanlegg i kjellaren. Elbilladaren vart intstallert i 2023. Det ligg føre godkjende og byggemelde teikningar, som stemmer med dagens bruk. Dei oppgitte romma er definerte av bygningssakkyndig i samsvar med vedlagd rapport, basert på dagens faktiske bruk, uavhengig av kva som er godkjent av bygningsstyresmaktene.

Standard

Dette er ei leilegheit frå 2014 i tredje etasje, med tre soverom og ei arealeffektiv planløysing. Bustaden har balansert ventilasjon, og sentrale delar som kjøkkenet er nyleg oppgradert. Ei romsleg stove med open løysing og utgang til ein stor balkong definerer bustaden. Det er montert spesialbestilte plissegardiner i alle rom. På soveromma er plissegarderinene lystette. Entré: Du kjem inn i ein gang med god plass til å henge frå seg. Det er montert ein takhøg skyvedørsgarderobe frå Elfa med speglfrontar, (installert i 2024) som gir rikeleg med oppbevaring for ytterklede og sko. Downlights i taket gir god belysning. Frå entréen er det tilkomst til to av soveromma, badet og i enden opnar leilegheita seg opp mot stove og kjøkken. Stove: Stova er i open løysing med kjøkkenet, noko som skaper eit sosialt og luftig fellesareal. Her er det god plass til både sofagruppe og spisebord. I hjørnet er det installert fjernstyrt gasspeis for ekstra varme og atmosfære. Store vindauge og ei skyvedør i glas mot balkongen slepp inn mykje lys og gir utsyn mot fjella. Leilegheita ligg på enden med fine vindauge i endeveggen også. Kjøkken: Kjøkkenet vart skifta i 2025 med innreiing frå HTH. Det er montert kostbar- og slitesterk Dekton-benkeplate. Alle kvitevarer er integrerte og levert av Siemens: kjøl-/fryseskap, oppvaskmaskin, steikeomn og induksjonstopp. Ein ventilator frå Røroshetta, også frå 2025, har sensor for automatisk regulering. Belysning under overskapa gir godt arbeidslys, og ein fuktfølar er installert for ekstra tryggleik. Balkong: Frå stova er det utgang til ein balkong på 13 m². Balkongen er delvis overbygd, noko som gir ly for været. Med både stikkontakt, taklampe og uttak for gassgrill er uteplassen praktisk tilrettelagd for bruk gjennom heile sesongen. Her er det fin utsikt nedover dalføret, mot sentrum og gode soltilhøve. Soverom: Leilegheita har tre soverom. Hovudsoverommet har fine vindauge, plass til dobbeltseng og tilhøyrande møblement. Frå soverommet er det tilgang til ei bod som i dag er innreidd som eit praktisk walk-in-closet, med gjennomgang vidare til vaskerommet og badet. Dei to andre soveromma passar godt som barnerom, gjesterom eller kontor. Eitt av dei har garderobeskap og det andre er måla i lun grøntone. Bad/Vaskerom: Badet er eit kombinert bad og vaskerom, adskilt med skyvedør i mellom. Rommet har flislagde overflater, varmekablar i golvet og downlights i himlinga. Innreiinga består av servant i underskap, spegel, dusjhjørne og vegghengt toalett. Det er opplegg for vaskemaskin, og rommet har balansert ventilasjon. Overflater: Golv: Parkett og flis. Veggar: Måla overflater på underlag av gipsplater og betong. Himling: Måla gipsplater. Lagring: Skyvedørsgarderobe frå Elfa i entré, installert i 2024. Garderobeskap på eitt soverom. Intern bod med garderobeinnreiing. I tillegg følgjer det med ei sportsbod på ca. 5 m² i lukka fellesareal i kjellaren. Omsetning av brukt eigedom Ein brukt eigedom vil som regel ikkje vere i same stand som om den var ny. Tekniske krav, type bustad, teknikk og skikkar endrar seg over tid. Bruksslitasje og ytre forhold kan gjere at tilstanden blir dårlegare etter kvart, sjølv om det ikkje er synleg. Kjøparar kan ha mindre forventningar til eldre bustader enn nye, og det kan vere skadar eller feil som ikkje er beskrive, men som seljar likevel ikkje kan haldast ansvarleg for. Normal bruksslitasje er ikkje ein mangel, og det er ikkje sikkert at det som opplevast som ein feil ved ein eigedom er ein mangel i rettsleg forstand. Det er difor viktig å setje seg grundig inn i tilstanden på den eigedomen ein vil kjøpe.

Hvitevarer

Det gjerast merksam på at det berre er dei integrerte kvitevarene på kjøkenet som fylgjer med i kjøpet. Kvitevarene vert leverte utan nokon form for garantiar, utover eventuell attverande leverandørgaranti.

Adkomst

Sjå kart i salsoppgåva for beskriving av tilkomst. Det vert skilta med EiendomsMegler 1-skilt ved fellesvising.

Byggemåte

Informasjonen er henta frå vedlagte tilstandsrapport, datert 20.04.2026. Bygning: Leilegheit i bustadbygg med fleire bueiningar, oppført i 2014. Bygningen er oppført i betong. På veggane er det måla overflater på underlag av gipsplater og betong. Ytterkledninga fekk ei overflatebehandling i 2022. Etasjeskilje er av betongdekke. Rom under terreng: Bod i fellesareal i kjellaren har golv i betong, og bodene er avdelte med prefabrikkerte gittervegger av stål og har systemhimling. Parkeringsplass i felles garasjeplass har golv og veggar i betong, samt systemhimling. I 2023 vart det installert elbilladar med straumavlesing. Byggegrunn: Ifølgje NVE ligg eigedomen i aktsemdsområde for snøskred og kvikkleire (risikoklasse 3). Forstøtningsmur: På fellesarealet er det forstøtningsmurar av naturstein og forstøtningsmurar i betong. Terrengforhold: Fellesarealet er opparbeida med asfalterte trafikk- og gangareal, forstøtningsmurar, trapper og plattingar i betong, grøntareal og leikeplass. Utvendige vass- og avløpsleidningar: Eigedomen er tilkopla kommunalt vassverk og avløpsanlegg via sameiget sine private stikkleidningar. Pipe/Ildstad: I stova er det installert gasspeis. Det er uttak for gass på balkongen. Sameiget utfører årleg service på gassanlegg. Vindauge: Bygningen har måla trevindauge med 2-lags glas. I 2023 vart det montert persienner på alle vindauge. Dører: Ytterdør i trevirke med måla overflater. Skyvebalkongdør i trevirke med 2-lags glas. Innvendige dører er av finér. Trapper/tilkomst: På fellesarealet er det trapper og plattingar i betong. Balkong/terrasse: Frå stova er det utgang til ein 13m² balkong i betong med rekkverk i galvanisert stål og topprekke i trevirke. Balkongen har delvis overbygg, samt stikkontakt, taklampe og uttak for gassgrill. VVS-installasjonar: Sanitæranlegget har standard frå byggeåret med vassrøyr som røyr i røyr med fordelarskap i bod. Det er installert waterguard i kjøkkenbenk. Det er avløpsrøyr av plast. Varmtvasstank på 198 liter frå 2013 er plassert i vaskerommet. Ventilasjon: Bustaden har balansert ventilasjon, og nytt ventilasjonsfilter skal installerast i 2026. Badet har balansert ventilasjon. Kjøkkenet har avtrekk via balansert anlegg, med ein ventilator frå Røroshetta installert i 2025. Ventilatoren har sensor for automatisk start/stopp og hastigheitsregulering. Tekniske detaljar: Det er elektriske varmekablar på badegolvet og gasspeis i stova. Leilegheita har sprinkelanlegg, brannsløkkingsapparat og seriekopla brannvarslarar. Det elektriske anlegget har sikringsskap med automatsikringar, og det er installert fiber og porttelefon. Det blir tilrådd ein utvida el-kontroll då det ikkje ligg føre dokumentasjon på tidlegare kontroll. Alle bygningsdelar og installasjonar har avgrensa levetid. Konstruksjonane er bygd etter lov og forskrift som tek utgangspunkt i byggeåret og vil normalt ikkje tilfredsstille krava i dag. Med omsyn til den tekniske standarden på bygningane vert det vist til vedlagde tilstandsrapport fra takstmann Trond Gjesdal datert 20.04.2026, der enkelte bygningselementer har oppnådd tilstandsgrad 2 (TG2) og konstruksjonar som ikkje er undersøkt (TGIU). Interessentar vert oppmoda til å sette seg grundig inn i desse punkta samt eigenerklæringa som ligg ved salsoppgåva før det vert lagt inn bod på eigedomen. Meklar gjer elles merksam på kjøpar si undersøkingsplikt med heimel i avhendingslova. Nedanfor finn ein ei kort oppsummering av det den bygningssakyndige har beskrive av avvik ved bustaden som har fått tilstandsgrad 2 (TG 2) og TG IU (Ikkje undersøkt). TG2 med avvik som kan krevje tiltak: - Utvendig > Andre utvendige forhold: Det er ikkje utarbeida tilstandsanalyserapport, vedlikehaldsplan e.l. for fellesdelar i bygget. - Innvendig > Innvendige dører: Enkelte innvendige dører har ein del slitasje, og skyvedør i bad/vaskerom har fuktskade i nedre del av dørbladet. - 3.etasje Bad/vaskerom > Overflater veggar og himling: Det er dør med ikkje fuktbestandige materialar i våtsona. - 3.etasje Bad/vaskerom > Sluk, membran og tettesjikt: Manglar dokumentasjon med tanke på overgang sluk, membran og tettesjikt. - Tekniske installasjonar > Vassledningar: Det er påvist at eventuelt lekkasjevatn frå røyr i røyr-system ikkje blir leidd til sluk eller anna kompenserande løysing. - Tekniske installasjonar > Varmtvasstank: Varmtvasstanken er ikkje fast tilkopla. TGIU - Konstruksjonar som ikkje er undersøkte: - 3.etasje Bad/vaskerom > Tilliggande konstruksjonar våtrom: Holtaking er ikkje utført då det ikkje er fysisk mogleg grunna tilliggande konstruksjonar. Helse, miljø og sikkerhet: - Rasfare/skredutsatt område: Eigedomen ligg i eit rasfarleg/skredutsett område i høve til kommunedelsplan/NVE. Oppsummeringa over er ikkje uttømmande, og du vert oppmoda til å lese og setje deg grundig inn i alt salsmateriell. For ordens skuld nemner vi at TGIU står for «tilstandsgrad ikkje undersøkt», til dømes fordi ein del av bygget ikkje har vore tilgjengeleg for inspeksjon. Desse delane kan dermed ha feil eller manglar som ikkje er avdekte.

Eiendomstype

Leilighet

Oppvarming

Varmekablar i golvet i bad/vaskerom. Det er installert gasspeis i stova, samt uttak for gass på balkongen. Leilegheita har balansert ventilasjon med varmegjenvinning. Tilstandsrapporten beskriv den tekniske tilstanden til byggverket. Det er ikkje utført kontroll av dei elektriske installasjonane (el-takst) sjølv om bygningssakkunnig kan ha knytt kommentarar til el-anlegget ut frå heilt enkle vurderingskriterium.

Strømforbruk

Norverande eigar hadde eit straumforbruk på 11 026 kWt i 2025. Lading av elbil er ikkje inkludert i forbruket. Eigar må teikne ladebonnement med leverandøren sameiget har avtale med, for eiga rekning. Straum og nettleige etter eiga rekning. Eigar blir fakturert for eige gassforbruk knytt til gasspeis og gassuttak på balkongen. Noverande eigar har brukt kr 3 459 på gass over ein periode på 12 mnd. Sameiget leiger gassanlegg av leverandør. Leiga blir lagt til felleskostnadfakturaen, som regel i januar. Årlig leige av gassannlegget er per i dag kr 748,- Det blir gjennomført årlig service på gassanlegget. Eigar av seksjon bli fakturert for servicen. Kostnad for service i 2026 var kr 1 381. Kostnad vil kunne endre seg mellom åra og etter servicebehov. Meklar gjer merksam på at desse utgiftene er knytt til dagens eigar og at desse vil kunne endre seg med omsyn til anna bruk av bustaden enn i dag eller andre avtalar med leverandørar.

Vei, vann og avløp

Vegen fram til tomtegrensa er offentleg. Vegane inne på eiga tomt blir vedlikehaldne gjennom sameiget. Vatn og avløp til eigedomen er offentleg. Stikkleidning frå det offentlege nettet og inn til eigedomen blir vedlikehalden og reparert av sameiget.

Andel fellesformue

kr 25 102

Meglers plikt til å stanse gjennomføring av en handel

Eigedomsmeklarar er underlagd lov om kvitvasking og pliktar å rapportere til Økokrim om mistenkelege transaksjonar. Lov om kvitvasking har og strenge reglar om kontroll av legitimasjon frå alle partar i handelen, med dette, seljar, kjøpar og fullmektigar for desse.

Budgivning

Alle bod skal gjevast skriftleg og legitimert til meklar, som formidlar desse vidare til seljar. Dette gjer ein enkelt elektronisk ved å klikke på "gi bud" knappen på hjem.no, finn.no, via eiendomsmegler1.no eller på bodskjema vedlagt salsoppgåva. Meklar skal så snart som muleg stadfeste skriftleg ovanfor bodgjevar at bod er motteke og formidle det vidare til seljar.  Bod må  ikkje ha kortare akseptfrist enn kl. 12.00 første virkedag etter siste annonserte vising. Bod med kortare frist enn dette kan ikkje formidlast av meklar.  Meklar pliktar å leggje til rette for ei forsvarleg avvikling av bodrunden. For at boda skal kunne bli handsama bør dei ikkje ha ein kortare akseptfrist enn 30 minutt frå bodet er gjeve. Bod som vert gjeve etter normal arbeidstid vert handsama/formidla påfølgjande arbeidsdag.  Meklar tek ikkje ansvar for forseinkingar på el- eller telenettet. Under bodrunden kan akseptfristen kortast ned ved mottaking av nye bod. Akseptfristen frå kjøpar er absolutt. Det betyr at dersom seljar vel å akseptere bodet, må kjøpar meddelast aksepten innan akseptfristen går ut. Dersom du utset å gje inn bod til tett opp mot akseptfristen er det ei reell fare for at eigedomen kan bli seld før bodet ditt kjem fram til meklar. Ein syner elles til "Forbrukarinformasjon om bodgjeving", som også er ein del av salsoppgåva. Kjøpar er utanlandsk statsborgar Dersom ein kjøpar er utanlandsk statsborgar krevjast det at ein har D-nummer til erstatning for norsk personnummer. Meklar rekvirerer dette samstundes som skøyte vert sendt inn til tinglysing hjå Kartverket. Skøytet vert så liggande hjå Kartverket fram til kjøpar har fått D-nummer av  skatteetaten. Deretter vert skøytet tinglyst. Denne prosessen vil ofte medføre at oppgjer og  utbetaling til seljar vert forseinka med nokre veker. Kjøpar må i desse tilfella enten ta atterhald i  bod om forseinka utbetaling til seljar, eller vere budd på å dekke forseinkingsrenter. Kontakt  ansvarleg meklar for informasjon før bodgjeving.

Overtakelse

Overtaking etter avtale. Legg inn ønskje om overtakingsdato ved bodgjeving. Mellom aksept av bod og tidspunktet for overtaking er det ikkje høve til å synfare eigedomen. Vi tilrår difor interessentar til å naudsynte mål og liknande på visinga.

Boligselgerforsikring

Seljar har teikna bustadseljarforsikring som er framforhandla av Söderberg & Partners AS. Forsikringa dekkjer seljar sitt ansvar etter avhendingslova, med dei avgrensingane som følgjer av forsikringsvilkåra og er avgrensa til salssummen til eigedomen, men oppad avgrensa til kr. 14 000 000,-. Seljar har i den samanhengen utarbeidd ei eigenerklæring om eigedomen. Eigenerklæringa ligg vedlagt salsoppgåva og interessentar vert oppmoda til å gjere seg kjend med denne før bodgiving/kjøp. Bustadseljarforsikringa sørgjer for at kjøpar kan forhalde seg til ein profesjonell og søkegod motpart som handterer eventuelle reklamasjonar fagleg og ryddig. Dersom kjøpar ikkje har teikna bustadkjøparforsikring kan hen reklamere direkte til Claims Link (tlf 67 83 51 30 eller post@claimslink.no), som representerer bustadseljarforsikringa til seljar. Av vilkåra går det fram unntak i forsikringsdekninga, til dømes ved nye forhold som oppstår mellom aksept og overtaking. Garantiar/lovnader der seljar har påteke seg ansvar for eigenskapar ved eigedomen eller dokumentasjon av slike, vert ikkje dekt. I nokre tilfelle er det heller ikkje dekning der seljar har opptrådt forsettleg eller grovt aktlaust. Forsikringa omfattar heller ikkje ein redusert bustadverdi som skuldast skadedyr/insekt, til dømes skjeggkre/perlekre/sølvkre, veggdyr, pelsbiller, maur, borebiller og tilsvarande. I samsvar med lov og rettspraksis må det reklamerast "innan rimeleg tid". Det vert tilrådd å reklamere umiddelbart/snarast mogleg og seinast innan 2 månader frå forholdet vart/burde vorte oppdaga. Dersom kjøpar utbetrar mangelskrav på eiga hand, kan dette medføre at reklamasjonsretten vert tapt.

Boligkjøperforsikring

Vedlagt i salsoppgåva følgjer informasjon om Bustadkjøparforsikring Pluss og Bustadkjøparforsikring frå HELP Forsikring AS. Bustadkjøparforsikring er ei rettshjelpsforsikring som gir tryggleik og profesjonell juridisk hjelp dersom det blir oppdaga uventa feil eller manglar ved bustaden dei neste fem åra. Bustadkjøparforsikring Pluss har same dekning som bustadkjøparforsikring + fullverdig advokathjelp på viktige rettsområde i privatlivet. Les meir om begge forsikringane i vedlagde materiell eller på help.no. Det blir gjort merksam på at meklarføretaket mottar kr 1 900 / 2 600 / 2 600,- (avhengig av bustadtype) i kostnadsgodtgjersle for kvar forsikringsavtale som blir formidla på Bustadkjøparforsikring Pluss og kr 2 900 ,- / 3 600,- / 3 600,- i kostnadsgodtgjersle for Bustadkjøparforsikring.

Forsikringsselskap

If Skadeforsikring NUF

Avgiftsbeskrivelse

Dette gjeld renovasjon med fastpris kr. 5 880 pr. år. Vatn og avløp er inkludert i felleskostnadane. Dette er ein årleg kostnad som vil vere lik for alle bueiningar. Grunngebyret dekkjer henting, handsaming og vidare transport av matavfall, restavfall, papp/papir, plast-, glas- og metallemballasje, samt administrasjonskostnadar knytt til renovasjon.

Moderniseringer og påkostninger

Følgjande moderniseringar er føretatt dei seinare år: 2025: - Ny kjøkkeninnreiing frå HTH og ny ventilator frå RørosHetta. 2024: - Installert skyvedørsgarderobe i entré frå Elfa. 2023: - Installert elbilladar med straumavlesing i felles garasjeplass. - Montert plissegardiner frå Fasadeprodukt på alle vindauge. Vedlikehaldshistorikk sameiget: 2025: - Vedlikehald av utvendig anlegg. - Vedlikehald av heis. - Vedlikehald av garasjar. - Vedlikehald av røyr og sanitær. - Vedlikehald av dører og vindauge. - Måling. 2024: - Vedlikehald av elektrisk anlegg.

Betalingsbetingelser

Kjøpesum og alle kostnader skal vere innbetalt til meklar sin klientkonto før overtaking. Det føresetjast at skøyte blir tinglyst på ny eigar. Dersom kjøpar ikkje ønskjer heimelsoverføring av eigedommen til seg, må det takast atterhald om dette i bodet.

Fasiliteter

Adgang til utleie

Korttidsutleige av heile bustadseksjonen i meir enn 90 døgn er ikkje tillate. Med korttidsutleige meinast utleige i inntil 30 døgn samanhengande. Grensa kan fråvikast i vedtektene og setjast til mellom 60 og 120 døgn. Den enkelte sameigar har full rettsleg råderett over sin seksjon, herunder rett til overdraging, utleige og pantsetjing. Ervervar/kjøpar av seksjon og leigetakar av seksjon må meldast til styret for godkjenning. Godkjenning kan berre nektast når det ligg føre sakleg grunn til det.

Radon

Leilegheita ligg i 3. etasje. I leilegheiter som ligg i tredje etasje eller høgare, er det som hovudregel ikkje nødvendig å måle radonverdiar.

Sentrale lover

Eigedomen vert seld etter reglane i avhendingslova. Salsoppgåva er basert på dei opplysningane seljar har gitt til bygningsakkyndig og meklar, samt opplysningar innhenta frå kommunen, Statens kartverk og andre tilgjengelege kjelder. Eigedomen skal overleverast til kjøpar i tråd med det som er avtalt. Det er viktig at kjøpar set seg grundig inn i alle salsdokumenta, med dette salsoppgåve, tilstandsrapport og seljar si egenerklæring. Kjøpar vert sett på som kjent med forhold som er tydeleg beskrive i salsdokumenta. Forhold som er beskrive i salsdokumenta kan ikkje påberopast som manglar. Dette gjeld uavhengig av om kjøpar har lest dokumenta. Alle interessentar vert oppmoda til å undersøkje eigedomen nøye, gjerne saman med fagkyndig før bod vert gjeve. Kjøpar som vel å kjøpe usett kan ikkje gjere gjeldande som mangel noko han burde blitt kjent med ved undersøkinga. Dersom det er behov for avklaringar, anbefalar vi at kjøpar rådfører seg med eigedomsmeklar eller ein bygningsakyndig før det vert lagt inn bod.   Dersom kjøpar ikkje er forbrukar seljast eigedomen «som den er», og seljar sitt ansvar er då avgrensa jf.§ 3-9 1. ledd 2. pkt. Informasjon om kjøpar si undersøkingsplikt, med dette oppmoding om å undersøkje eigedomen nøye, gjeld og for kjøparar som ikkje vert vurdert som forbrukarar.  På grunn av ulike avtalevilkår kan seljar vurdere bod frå ein som ikkje er forbrukar, ulikt frå ein forbrukar sitt bod. Dersom kjøpar ikkje er forbrukar, er seljar sitt mulege mangelsansvar avgrensa fordi eigedomen vert seld "som den er".  Seljar kan ikkje ta «som den er» atterhald ovanfor ein forbrukarkjøpar. Sjølv eit lågare bod frå ein som ikkje er forbrukar kan foretrekkast fordi avgrensinga i muleg mangelsansvar kan ha eigenverdi for seljar. Seljar står fritt til å forkaste eller akseptere eitkvart bod, og pliktar til dømes ikkje å akseptere høgste bod.  Bodgjevarar får informasjon dersom andre bod er gjeve av ein som ikkje er forbrukar.  Forbrukarkjøp - definisjon: Med forbrukarkjøp meinast kjøp av eigedom når kjøparen er ein fysisk person som ikkje hovudsakleg handlar som ledd i næringsverksemd. Forbrukar - avtalevilkår: Eigedomen har ein mangel dersom den ikkje er i samsvar med krava som følgjer av avtalen, eller det ligg føre brot på bestemmingane i avhendingslova §§ 3-2 til 3-8. Dersom eigedomen ikkje er i samsvar med det kjøparen må kunne vente ut frå alder, type og synleg tilstand, kan det vere grunnlag for mangelskrav. Det same gjeld dersom det er halde tilbake eller gitt urette opplysningar om eigedomen. Dette gjeld likevel berre dersom ein kan gå ut frå at det virka inn på avtalen at opplysningen ikkje vart gitt eller at feil urette opplysningar ikke blir retta i tide på ein tydeleg måte. Ein bustad som har blitt brukt i ei viss tid, har vanlegvis blitt utsett for slitasje og skadar kan ha oppstått. Slik bruksslitasje må kjøpar rekne med, og det kan avdekkast enkelte forhold etter overtakinga som gjer det naudsynt med utbetringa utbedringar. Normal slitasje og skadar som gjer det naudsynt med utbetring, er innanfor kva kjøpar må vente og vil ikkje utgjere ein mangel. Bustaden kan ha ein mangel etter avhendingslova § 3-3 dersom det er avvik mellom opplyst og faktisk innvendig areal, forutsett at avviket er på 2 % eller meir og minimum 1 kvm. Ved berekning av eit eventuelt prisavslag eller erstatning må kjøpar sjølv dekke tap/kostnader opptil eit beløp på kr 10 000 (eigendel). Ikkje - forbrukar (næringsdrivande) – definisjon: Dersom kjøpar er ein juridisk person, eller ein fysisk person som hovudsakeleg handlar som ledd i næringsverksemnd, vil kjøpet ikkje bli sett på som eit forbrukarkjøp.  Ikkje - forbrukar – avtalevilkår: Eigedomen har ein mangel dersom den ikkje er i samsvar med krava som følgjer av avtalen. Eigedomen vert seld «som den er», og seljar sitt ansvar utover det konkret avtalte er då avgrensa etter avhendingslova § 3-9, første ledd andre setning.  Avhendingslova § 3-3 andre ledd vert fråviken, og korvidt arealsvikt i bustaden utgjer ein mangel vert vurdert etter avhendingslova § 3-8.  Ein føresetnad for salet er at skøyet for eigedomen vert tinglyst på kjøpar. Interessentar og kjøpar må godta at seljar og meklar brukar elektronisk kommunikasjon i salsprosessen. I trå med eigedomsmeklingsforskrifta vil informasjon om oppdragsgivar, salsobjektet, interessentar og kjøpar bli lagra av meklarføretaket i min. 10 år. Sjå em1.no for meir informasjon om handsaminga vår av personopplysningar.

Personopplysningsloven

Vi gjer interessentar og kjøparar merksame på at vi vil handsame, etter personopplysingslova, personopplysningane dine i den utstrekning dette er naudsynt for å oppfylle våre lovpålagte plikter, med dette for å kunne gjere kundekontroll etter kvitvaskingslova samt for å utføre oppgåver som vi er pålagt etter eigedomsmeklingslova.

Kommunalinfo

• Kommunale avgifter: kr 5 880
• Eiendomsskatt: kr 7 541
• Informasjon om eiendomsskatt: For bustadeigedomar og fritidseigedomar er eigedomsskatten 3,1 promille. For alle bustadeigedomar og fritidseigedomar utgjer eigedomsskattegrunnlaget 70 prosent av skattetaksten for slike eigedomar, jf. eigedomsskattelova § 8 A-2. Eigedomsskatten 7 promille for næringseigedom, energianlegg (kraftanlegg og kraftnettet), naust, tomter (bustad, fritid, næring og naust) og særskilde skattegrunnlag (jf. overgangsregel i eigedomsskattelova).