Jølstravegen 848

Last ned salgsoppgave for komplett informasjon om eiendommen

Registerbetegnelse

Forsikringspolise

1168732

Areal

BRA: 53 m²
BRA-i: 53 m²
TBA: 13.1 m²

Arealene er oppgitt av bygningssakkyndig på grunnlag av NS3940(2023). Internt bruksareal (BRA-i) er areal innenfor boligens omsluttende vegger. Det er for eksempel stue, soverom, kjøkken, entré, bad, loftsrom, innvendig bod og ganger mellom disse. Dersom boligen består av en bruksenhet med flere selvstendige boenheter, skal de selvstendige boenhetene kategoriseres som BRA-i. Et eksempel på dette kan være en enebolig med adskilt utleieenhet. Eksternt bruksareal (BRA-e) er for eksempel en ekstern bod, kjellerstue med egen inngang, gjesterom, tilleggsbygg eller andre rom som tilhører boenheten, men som ikke er direkte tilknyttet det interne arealet. Tilleggsbygg kan være for eksempel garasje, naust eller utvendig bod. Innglasset balkong (BRA-b) er innglassede balkonger, verandaer og altaner som disponeres av boenheten. Terrasse- og balkongareal (TBA) er arealet av terrasser, altaner, verandaer og åpne balkonger som er tilknyttet boenheten. Leilighetens gulvareal (GUA) er boligens samlede gulvareal og areal med lav takhøyde ALH er areal uten krav til minste himlingshøyde.

Nye regler for arealmåling gjelder fra 1.1.2024. Les mer om reglene.

Parkering

Eigedomen har per i dag ikkje opparbeida parkering på eiga tom. Det er opparbeida gruslagt parkeringsplass like før tomtegrensa, som dagens eigar har parkert på. Det føreligg ingen formelle avtalar vedørande parkering og eigedomen seljast utan tildelt parkeringsplass.

Eiendom

Tomteareal er 600 m² på eiet tomt.

Eigartomt på 611 m². Tomta ligg i svakt hellande terreng mot sørvest og er opparbeidd med gjerde i tre, grøntareal, tre, plantar, gruslagd parkeringsplass og gangveg. Det er noko fjell i dagen. Tomta er skildra som landleg og noko tilbaketrekt, med utsikt mot Jølstra og dalføret. Det vil bli gjennomført justering av tomtegrensa mot naboen i bakkant. Tomta vil difor truleg bli noko mindre enn 611 m2, som den er per i dag. Sjå kart vedlagt salsoppgåva. Naboen dekkar kostnaden ved justering av tomtegrensa.

Byggeår

1975

Innhold

Einebustad går over eitt plan med følgjande innhald: Entré, kjøkken, stove, to soverom, rom innreiid som bad og rom innreidd som vaskerom. Terrasse på 11,5 m2 og terrasse ved inngangspartiet på 1,6 m2. Eigedomen har eit enkelt skur med overbygg ved inngangspartiet. Det er avvik mellom godkjende byggeteikningar og dagens planløysing. I følgje byggeteikningar datert 12.02.1976 er ei bod tilbygd og gjort om til bad og vaskerom. Dette er ei bruksendring frå tilleggsdel til hovuddel som normalt er søknadspliktig, og det ligg ikkje føre godkjenning for denne endringa. Vidare er det opphavlege overbygget ved inngangspartiet bygd om til entré, og det opphavlege vindfanget er fjerna. Stova er også bygd til utan byggjemelding til kommunen og utan at naudsynt godkjenning er gitt. Seljar påtek seg ikkje ansvar for å byggjemelde eller få godkjent omgjeringa i ettertid. Frå kommunen kan det kome reaksjonar overfor eigar, til dømes krav om tilbakeføring, krav om omsøking, ilegging av overtredingsgebyr m.m. Kommunen kan krevje at gjeldande forskrifter og regelverk blir lagt til grunn ved eventuell omsøking. Dette kan mellom anna innebere krav til takhøgd, lysflate, ventilasjon, rømningsveg, brannsikring, størleik på uteareal, tal på parkeringsplassar mv. Uavhengig av kva reaksjonsform kommunen måtte nytte, er dette kjøpar sitt ansvar og risiko. Dei oppgitte romma er definerte av bygningssakkyndig i samsvar med vedlagd rapport, basert på dagens faktiske bruk, uavhengig av kva som er godkjent av bygningsstyresmaktene.

Standard

Einebustaden frå 1975 ligg på eiga tomt på over 600 kvm og har gjennomgått fleire endringar sidan den vart bygd. Stova vart tilbygd på 2000-talet og utgjer i dag den romslegaste delen av bustaden. I 2024 vart det installert luft-til-luft varmepumpe, og vedovnen frå 2011 gjev eit godt supplement til oppvarminga. Dei to soveromma fekk nytt golv og vart måla i 2025. Fasaden blei måla i 2026. Tomta er opparbeidd med grøntareal, gjerde i trevirke og gruslagd gangveg. Seljar opplyser om gode solforhold på eigedomen. Bustaden har eit oppgraderingsbehov på bad og vaskerom, og kjøparen bør setje seg grundig inn i tilstandsrapporten. Entré: Inngangspartiet er ombygd frå det opphavlege overbygget og gjev no ein innelukka entré med hovudytterdør i malt trevirke med 2-lags glas. Veggane er kledd med panel. Frå entréen er det tilgang til gangen som knyter saman alle rom i bustaden. Gang: Gangen er knutepunktet i planløysinga og gjev tilgang til kjøkken, stue, soverom, bad og vaskerom. Frå gangen er det sikt rett inn i stova og dagslyset frå balkongdøra. Det er eit innebygd skap med fleire hyller i gangen, som gjev praktisk lagringsplass. Stove: Stova er den romslegaste delen av bustaden og vart tilbygd på 2000-talet. Rommet har vindauge på fleire veggar og balkongdør mot verandaen. Vedovnen frå 2011, med isolert stålpipe, står sentralt i rommet. Luft-til-luft varmepumpen, installert i 2024, sikrar effektiv oppvarming. Det er plass til stor sofagruppe og spisebord med seks stolar. Taket har skrå profil med synlege bjelkar, kledd med panel. Balkongdøra i malt tre med 2-lags glas gjev direkte utgang til verandaen. Terrasse: Frå stova og spisestua er det utgang til ein terrasse i trevirke med terrassebord og malt rekkverk. Terrassen har plass til sitjegruppe og gjev direkte kontakt med hagen. Trapp i trevirke fører ned til grøntarealet. Seljar opplyser om gode solforhold på eigedomen. Kjøkken: Kjøkkenet ligg i direkte tilknyting til stove og gang. Innreiinga har eikefrontar med over- og underskap, laminert benkeplate og oppvaskkum i stål. På veggen over benkeplaten er det montert kitchen board. Rommet er utstyrt med frittstående oppvaskmaskin og komfyr, samt kjøkkenventilator med avtrekk ut. Vindauge over benken gjev dagslys til arbeidsflata. Soverom 1: Rommet fekk nytt golv og vart måla i 2025. Soverom 2: Rommet fekk nytt golv og vart måla i 2025. Bad: Badet er innreia med servant i underskap, spegel med lysarmatur, høgskap, toalett og dusj. Ny baderomsvifte vart montert i 2026. Golvet har belegg, veggane er kledd med malt strie og taket har panel. Badet har eit oppgraderingsbehov. Vaskerom: Vaskerommet er innreia med benkeplate og opplegg for vaskemaskin. Ein varmtvassberedar på 115 liter med trykktank er plassert her. Golvet har belegg, veggane er kledd med malt panel og taket har panel. Vaskerommet har ingen ventilering og har eit oppgraderingsbehov. Overflater: Golv: Laminat. Veggar: Panel. Himling: Panel. Lagring: Det er eit enkelt skur i trekonstruksjon med overbygg ved inngangspartiet. Skuret er ikkje søkt om og har vesentlege skeivheiter i konstruksjonen. Det er i tillegg opne hyllekonstruksjonar i gangen som gjev innvendig lagringsplass. Omsetning av brukt eigedom Ein brukt eigedom vil som regel ikkje vere i same stand som om den var ny. Tekniske krav, type bustad, teknikk og skikkar endrar seg over tid. Bruksslitasje og ytre forhold kan gjere at tilstanden blir dårlegare etter kvart, sjølv om det ikkje er synleg. Kjøparar kan ha mindre forventningar til eldre bustader enn nye, og det kan vere skadar eller feil som ikkje er beskrive, men som seljar likevel ikkje kan haldast ansvarleg for. Normal bruksslitasje er ikkje ein mangel, og det er ikkje sikkert at det som opplevast som ein feil ved ein eigedom er ein mangel i rettsleg forstand. Det er difor viktig å setje seg grundig inn i tilstanden på den eigedomen ein vil kjøpe.

Hvitevarer

Det blir gjort merksam på at berre er kvitevarer på kjøkkenet følgjer med ved overdraginga. Desse blir leverte utan nokon form for garanti, utover eventuell gjenværande leverandørgaranti.

Adkomst

Sjå kart i salsoppgåva for beskriving av tilkomst. Det vert skilta med EiendomsMegler 1-skilt ved fellesvising.

Byggemåte

Informasjonen er henta frå vedlagte tilstandsrapport, datert 06.05.2026. Einebustad: Eigedomen er ein einebustad frå 1975 i éin etasje, med primærkonstruksjon i isolert bindingsverk. Stova vart tilbygd på 2000-talet. Det opphavlege overbygget ved inngangspartiet er ombygd til entré, og det opphavlege vindfanget er fjerna. Ei bod er omgjort til bad og vaskerom. Ytterveggane er kledde med trepanel. Bygningen er i hovudsak oppført på søyler, men det er i etterkant etablert ringmur i betong på delar av bygningen. Etasjeskiljet er eit trebjelkelag. Golvkonstruksjonen er eit trebjelkelag med stubbegolv over krypkjellar. Byggegrunnen er ukjend. Tak: Taket har ei sperrekonstruksjon som er heilt gjenbygd og skjult. Taktekkinga er av behandla papp med undertak. Takrenner og nedløpsrøyr er i plast. Det er montert nye takrenner, men arbeidet som vart utført som eigeninnsats av tidlegare eigar er ikkje fullført. Pipe/Eldstad: Bustaden har isolert stålpipe med vedovn i stova. Pipa vart sett inn i 2011. Vindauge: Bygningen har måla trevindauge med 2-lags glas og Røros-vindauge med kopla rammer i trevirke. Dei måla trevindauga med 2-lags glas er frå 2014, og eitt vindauge i stova vart bytt i 2022. Dører: Eigedomen har måla hovudytterdør i trevirke med 2-lags glas, måla balkongdør i tre og innvendige dører i måla trevirke. Trapper/tilkomst: Det er ei trapp i trevirke frå verandaen og ei trapp i trevirke ved inngangspartiet. Balkong/terrasse: Det er ein balkong i trevirke på 11,5 m² med terrassebord og måla rekkverk. Ved inngangspartiet er det ein terrasse på 1,6 m². VVS-installasjonar: Innvendige vassleidningar er av kopar og avløpsrøyr er av plast. Ein varmtvasstank på 115 liter og ein trykktank er plasserte på vaskerommet. Ventilasjon: Bustaden har naturleg ventilasjon med ventilar i ytterveggane, samt kjøkkenventilator med avtrekk ut. Badet har ei baderomsvifte montert i 2026, medan vaskerommet ikkje har ventilering. Tekniske detaljar: Oppvarming skjer med luft-til-luft-varmepumpe installert i 2024 og vedovn i stova. Bustaden har brannvarslar og brannsløkkingsapparat. Skur ved inngangsparti: Enkelt skur i trekonstruksjon med overbygg, bygd som eit tilbygg til inngangspartiet. Taktekkinga er av stålplater. Innvendig er det laminat på golv, og panel på vegger og i tak. Sikringsskapet er oppgradert med automatsikringar, men det elektriske anlegget har elles i vesentleg grad standard frå byggeåret. På grunn av alderen på anlegget tilrår takstmannen ein utvida el-kontroll. Alle bygningsdelar og installasjonar har avgrensa levetid. Konstruksjonane er bygd etter lov og forskrift som tek utgangspunkt i byggeåret og vil normalt ikkje tilfredsstille krava i dag. Med omsyn til den tekniske standarden på bygningane vert det vist til vedlagde tilstandsrapport fra takstmann Trond Gjesdal datert 06.05.2026, der enkelte bygningselementer har oppnådd tilstandsgrad 3 (TG3), tilstandsgrad 2 (TG2) og konstruksjonar som ikkje er undersøkt (TGIU). Interessentar vert oppmoda til å sette seg grundig inn i desse punkta samt eigenerklæringa som ligg ved salsoppgåva før det vert lagt inn bod på eigedomen. Meklar gjer elles merksam på kjøpar si undersøkingsplikt med heimel i avhendingslova. Nedanfor finn ein ei kort oppsummering av det den bygningssakyndige har beskrive av avvik ved bustaden som har fått tilstandsgrad 2 (TG 2) eller 3 (TG 3) OG TG IU (Ikkje undersøkt). TG3 med store eller alvorlege avvik: - Utvendig - Takkonstruksjon på overbygg | Konstruksjonane har omfattande skeivheter. Konsekvens/tiltak: Tiltak på oppretting eller forsterking av takkonstruksjonen bør gjennomførast for å sikre tilstrekkeleg bereevne og stabilitet. Manglande utbetring kan føre til ytterlegare skeivleikar, redusert levetid og auka risiko for konstruksjonsskadar. Kostnadsestimat: 20 000 - 100 000 - Utvendig - Balkongdør | Det er påvist avvik rundt innsetjingsdetaljar. Det er påvist dør(er) med fukt-/råteskadar. Det er påvist utettheit/opning mellom dørblad og dørkarm, noko som kan føre til kald trekk. Karmane i dørene er vêrslitne utvendig, og det er sprekker i trevirket. Det manglar vassbord over balkongdøra, noko som medfører auka risiko for fuktinntrenging og påfølgjande skadar på dør og karm. Det er registrert fuktskade i nedre del av karmen. Konsekvens/tiltak: Balkongdøra står for utskifting i nær framtid. Det bør monterast vassbord over balkongdøra for å hindre fuktinntrenging og redusere risikoen for skader på dør og karm. Manglande vassbord kan føre til auka vedlikehaldsbehov og forkorte levetida på bygningsdelane. Kostnadsestimat: Under 20 000 - Utvendig - Utvendige trapper | Det er påvist fukt-/råteskadar i konstruksjonen. Det er påvist råteskade i trappa ved inngangspartiet. Konsekvens/tiltak: Råteskadde konstruksjonar må skiftast ut. Råteskadde delar av trappa ved inngangspartiet bør skiftast ut for å hindre vidare forringing av konstruksjonen. Konsekvensen av å ikkje utbetre råteskadar er auka risiko for svekt bereevne og mogleg kollaps, noko som kan medføre fare for personskade. Kostnadsestimat: Under 20 000 - Utvendig - Andre utvendige forhold | Skuret er av svært enkel standard med vesentlege skeivhetar i konstruksjonar. Konsekvens/tiltak: Det bør vurderast utbetring eller utskifting av skuret for å sikre tilstrekkeleg stabilitet og funksjon. Konsekvensen av å ikkje utbetre skeivhetane er auka risiko for ytterlegare deformasjon, redusert levetid og mogleg samabrot av konstruksjonen. Kostnadsestimat: 20 000 - 100 000 - Innvendig - Etasjeskille/golv mot grunn | Det er målt høgdeforskjell på mellom 15-30 mm gjennom heile rommet. I kjøkkenet er det registrert 18 mm høgdeforskjell innanfor ei målelengd på 2 meter. I stova er det registrert 16 mm høgdeforskjell innanfor 2 meter. I kjøkkenet er det registrert 20 mm høgdeforskjell gjennom heile rommet. I det eine soverommet er det målt 45 mm høgdeforskjell gjennom heile rommet. I stova er det målt 23 mm høgdeforskjell gjennom heile rommet. Det er noko knirk i etasjeskiljet. Konsekvens/tiltak: For å få tilstandsgrad 0 eller 1 må høgdeforskjellar rettast opp. Det vil likevel sjeldan vere økonomisk rasjonelt som eit enkeltståande tiltak i ein bustad som dette. Dersom bustaden ein gong skal renoverast, kan ein vurdere slike tiltak. For å utbetre høgdeforskjellar og knirk i golv bør det vurderast å rette opp golvflatene og eventuelt forsterke bjelkelaget. Dette vil redusere risikoen for ujamn slitasje, redusert bukomfort og eventuelle følgjeskadar på overflater og innreiing. Kostnadsestimat: 200 000 - 500 000 - Tomteforhold - Terrengforhold | Terrenget fell inn mot bygningen og det er maksimale forhold for vatn inn mot muren. Konsekvens/tiltak: Det bør føretakast terrengjusteringar. Det bør føretakast terrengjusteringar for å etablere tilstrekkeleg fall ut frå bygningen, minimum 1:50 i ein avstand på minst 3 meter frå grunnmur. Dersom dette ikkje er mogleg, bør alternative tiltak som fall langs veggen vurderast. Konsekvensen av manglande tiltak er auka risiko for vassinntrenging i konstruksjonen, som kan føre til fukt- og vasskadar på bygningen. Kostnadsestimat: 20 000 - 100 000 - Våtrom Etasje - Vaskerom - Generell | Våtrommet må oppgraderast for å tole normal bruk etter dagens krav. Golvet har motfall. Overflater, vassrøyr, avløpsrøyr og sluk har standard frå byggeåret. Konsekvens/tiltak: Våtrommet har behov for omfattande oppgraderingar. For å sikre ei løysing som oppfyller gjeldande krav, bør tettesjikt, sluk og røyr-opplegg oppgraderast og dokumenterast. Våtrommet må totalrenoverast. Alle forhold med tettesjikt, våtsone, sluk m.m. må dokumenterast. Våtrommet bør totalrenoverast for å oppfylle dagens krav til funksjon og sikkerheit. Motfall på golvet og eldre overflater, vassrøyr, avløpsrøyr og sluk medfører auka risiko for vasskadar, lekkasjar og følgjeskadar på omkringliggjande konstruksjonar. Manglande ventilering og dokumentasjon gir uvisse om utføringa, noko som kan føre til skjulte feil og redusert levetid på våtrommet. Kostnadsestimat: 100 000 - 200 000 - Våtrom Etasje - Bad - Generell | Våtrommet må oppgraderast for å tole normal bruk etter dagens krav. Det er motfall på golvet. Vindauget er plassert i våtsone, noko som kan medføre fuktskadar på sjølve vindauget og til bakenforliggjande konstruksjonar. Overflatene har standard frå byggeåret. Vassrøyr, avløpsrøyr og sluk er frå byggeåret. Konsekvens/tiltak: Våtrommet må totalrenoverast. Alle forhold med tettesjikt, våtsone, sluk m.m. må dokumenterast. Våtrommet har behov for omfattande oppgraderingar. For å sikre ei løysing som oppfyller gjeldande krav, bør tettesjikt, sluk og røyr-opplegg oppgraderast og dokumenterast. Våtrommet bør totalrenoverast for å oppfylle dagens krav til funksjon og sikkerheit. Motfall på golvet må utbetrast for å sikre korrekt avrenning og forhindre vassansamling, som kan føre til fuktskadar. Vindauget i våtsone bør sikrast med eigna tetting eller bytast ut for å unngå fuktskadar på vindauge og tilstøytande konstruksjonar. Overflater, vassrøyr, avløpsrøyr og sluk bør skiftast ut, då alder og slitasje gir auka risiko for lekkasjar og følgjeskadar. Manglande dokumentasjon gir uvisse om utføringa, noko som aukar risikoen for skjulte feil og skadar. Kostnadsestimat: 200 000 - 500 000 TG2 med avvik som kan krevje tiltak: - Utvendig > Taktekking: Meir enn halvparten av forventa brukstid er passert på taktekkinga og undertaket. Flekkvise område med råteskade på vindskibord. - Utvendig > Taktekking på overbygd skur: Det er registrert utettheiter og lokale skadar i taktekkinga. Det er ikkje montert takrenner og nedløpsrøyr. - Utvendig > Nedløp og beslag: Ikkje tilfredsstillande bortleiing av vatn frå taknedløp ved grunnmur. Manglar endemuffe på den eine takrenna. Det er ikkje montert snøfangarar. - Utvendig > Veggkonstruksjon: Ingen eller lita lufting i nedre kant av kledning mot grunnmur. Det er påvist spreidde råteskadar i bordkledninga. - Utvendig > Vindauge: Avvik rundt innsetjingsdetaljar, nokre glasruter er punkterte/sprukne, og teikn på innvendig kondens. Karmar er slitne med sprekkar. - Utvendig > Vindauge - 2: Avvik rundt innsetjingsdetaljar. Det manglar vassbord over vindauget. - Utvendig > Terrasse ved inngangspartiet: Merkbart retningsavvik i konstruksjonen. - Innvendig > Krypkjellar: Stadvis påvist fuktnivå som tilseier at konstruksjonen kan ha fuktskadar. Gulvbjelkar på betongringmur har ikkje kapillærbrytande sjikt. - Innvendig > Innvendige dører: Nokre dører tek i karmen. - Kjøkken Etasje > Kjøkken > Overflater og innreiing: Det er sig på enkelte frontar på underskapa. - Tekniske installasjonar > Vassledningar: Meir enn halvparten av forventa brukstid er passert på innvendige vassleidningar. - Tekniske installasjoner > Avløpsrøyr: Ikkje tilfredsstillande lufting av avløpsanlegget. Meir enn halvparten av forventa brukstid er passert på innvendige avløpsleidningar. - Tekniske installasjonar > Varmtvasstank: Varmtvasstanken er over 20 år. Det er laga ei eiga løysing for avrenning frå ekspansjonskrana. - Tomteforhold > Fuktsikring og drenering: Meir enn halvparten av forventa levetid på drenering er overskriden. - Tomteforhold > Grunnmur og fundament: Ringmur i betong er etablert som følgje av setningar i grunnen. - Tomteforhold > Utvendige vatn- og avløpsledningar: Meir enn halvparten av forventa brukstid er passert på utvendige avløps- og vassledningar. TGIU - Konstruksjonar som ikkje er undersøkte: - Utvendig > Takkonstruksjon/Loft: Heile takkonstruksjonen er gjenbygd og ikkje tilgjengeleg for inspeksjon. - Våtrom Etasje > Vaskerom > Tilliggande konstruksjonar våtrom: Holaking er ikkje utført på grunn av bygningsmessige hindringar. Helse, miljø og sikkerhet: Vindauga tilfredsstiller ikkje krava til rømming. Soveromma har likevel alternativ rømmingsveg via tilstøytande rom. Det er ikkje føreteke radonmålingar, og bygget er heller ikkje utført med radonsperre. Det er ikkje montert rekkverk på utvendige trapper. Eigedomen ligg i eit rasfarleg/skredutsett område i følgje kommunedelsplan/NVE. Oppsummeringa over er ikkje uttømmande, og du vert oppmoda til å lese og setje deg grundig inn i alt salsmateriell. For ordens skuld nemner vi at TGIU står for «tilstandsgrad ikkje undersøkt», til dømes fordi ein del av bygget ikkje har vore tilgjengeleg for inspeksjon. Desse delane kan dermed ha feil eller manglar som ikkje er avdekte.

Eiendomstype

Enebolig

Oppvarming

Oppvarming med luft-til-luft varmepumpe og vedovn. Varmepumpa vart installert haust 2024 og har nyleg fått service. Det er vedovn i stova som vart montert i 2011. Dersom rom ikkje har vegg- eller fastmonterte varmekjelder ved vising, følgjer dette heller ikkje med. Tilstandsrapporten skildrar den tekniske tilstanden til byggverket. Det er ikkje utført kontroll av dei elektriske installasjonane (el-takst) sjølv om bygningssakkunnig kan ha knytt kommentarar til el-anlegget ut frå heilt enkle vurderingskriterium. Kjøpar må vere førebudd på at det kan måtte gjerast oppgraderingar på grunn av slitasje, manglande vedlikehald, arbeid som er utført av ufaglærte, alder eller tekniske løysingar som ikkje held dagens standard.

Strømforbruk

Noverande eigar hadde eit samla straumforbruk på 7 290 kWt i 2025. Straum og nettleige etter eige forbruk.

Vei, vann og avløp

Eigedomen har tilkomst via privat veg, er tilkopla offentlig vatn og avlaup. Alle eigedomar som er tilknytt offentleg vatn og avlaup har private stikkleidningar, som blir vedlikehaldne for eigar si eiga rekning. Denne eigedomen har felles stikkleidningar med 4 andre eigedomar og vedlikeholdskostnader blir fordelt mellom eigedomane det gjeld. For nærare opplysningar om dei private stikkleidningane blir det vist til kommunen. Vegrett til eigedomen er tinglyst den 03.07.2000. Det må påreknast å betale kostnader til vedlikehald av veg og snøbrøyting.

Meglers plikt til å stanse gjennomføring av en handel

Eigedomsmeklarar er underlagd lov om kvitvasking og pliktar å rapportere til Økokrim om mistenkelege transaksjonar. Lov om kvitvasking har og strenge reglar om kontroll av legitimasjon frå alle partar i handelen, med dette, seljar, kjøpar og fullmektigar for desse.

Budgivning

Alle bod skal gjevast skriftleg og legitimert til meklar, som formidlar desse vidare til seljar. Dette gjer ein enkelt elektronisk ved å klikke på "gi bud" knappen på hjem.no, finn.no, via eiendomsmegler1.no eller på bodskjema vedlagt salsoppgåva. Meklar skal så snart som muleg stadfeste skriftleg ovanfor bodgjevar at bod er motteke og formidle det vidare til seljar.  Bod må  ikkje ha kortare akseptfrist enn kl. 12.00 første virkedag etter siste annonserte vising. Bod med kortare frist enn dette kan ikkje formidlast av meklar.  Meklar pliktar å leggje til rette for ei forsvarleg avvikling av bodrunden. For at boda skal kunne bli handsama bør dei ikkje ha ein kortare akseptfrist enn 30 minutt frå bodet er gjeve. Bod som vert gjeve etter normal arbeidstid vert handsama/formidla påfølgjande arbeidsdag.  Meklar tek ikkje ansvar for forseinkingar på el- eller telenettet. Under bodrunden kan akseptfristen kortast ned ved mottaking av nye bod. Akseptfristen frå kjøpar er absolutt. Det betyr at dersom seljar vel å akseptere bodet, må kjøpar meddelast aksepten innan akseptfristen går ut. Dersom du utset å gje inn bod til tett opp mot akseptfristen er det ei reell fare for at eigedomen kan bli seld før bodet ditt kjem fram til meklar. Ein syner elles til "Forbrukarinformasjon om bodgjeving", som også er ein del av salsoppgåva. Kjøpar er utanlandsk statsborgar Dersom ein kjøpar er utanlandsk statsborgar krevjast det at ein har D-nummer til erstatning for norsk personnummer. Meklar rekvirerer dette samstundes som skøyte vert sendt inn til tinglysing hjå Kartverket. Skøytet vert så liggande hjå Kartverket fram til kjøpar har fått D-nummer av  skatteetaten. Deretter vert skøytet tinglyst. Denne prosessen vil ofte medføre at oppgjer og  utbetaling til seljar vert forseinka med nokre veker. Kjøpar må i desse tilfella enten ta atterhald i  bod om forseinka utbetaling til seljar, eller vere budd på å dekke forseinkingsrenter. Kontakt  ansvarleg meklar for informasjon før bodgjeving.

Overtakelse

Overtaking etter avtale. Legg inn ønskje om overtakingsdato ved bodgjeving. Mellom aksept av bod og tidspunktet for overtaking er det ikkje høve til å synfare eigedomen. Vi tilrår difor interessentar til å naudsynte mål og liknande på visinga.

Boligselgerforsikring

Seljar har teikna bustadseljarforsikring som er framforhandla av Söderberg & Partners AS. Forsikringa dekkjer seljar sitt ansvar etter avhendingslova, med dei avgrensingane som følgjer av forsikringsvilkåra og er avgrensa til salssummen til eigedomen, men oppad avgrensa til kr. 14 000 000,-. Seljar har i den samanhengen utarbeidd ei eigenerklæring om eigedomen. Eigenerklæringa ligg vedlagt salsoppgåva og interessentar vert oppmoda til å gjere seg kjend med denne før bodgiving/kjøp. Bustadseljarforsikringa sørgjer for at kjøpar kan forhalde seg til ein profesjonell og søkegod motpart som handterer eventuelle reklamasjonar fagleg og ryddig. Dersom kjøpar ikkje har teikna bustadkjøparforsikring kan hen reklamere direkte til Claims Link (tlf 67 83 51 30 eller post@claimslink.no), som representerer bustadseljarforsikringa til seljar. Av vilkåra går det fram unntak i forsikringsdekninga, til dømes ved nye forhold som oppstår mellom aksept og overtaking. Garantiar/lovnader der seljar har påteke seg ansvar for eigenskapar ved eigedomen eller dokumentasjon av slike, vert ikkje dekt. I nokre tilfelle er det heller ikkje dekning der seljar har opptrådt forsettleg eller grovt aktlaust. Forsikringa omfattar heller ikkje ein redusert bustadverdi som skuldast skadedyr/insekt, til dømes skjeggkre/perlekre/sølvkre, veggdyr, pelsbiller, maur, borebiller og tilsvarande. I samsvar med lov og rettspraksis må det reklamerast "innan rimeleg tid". Det vert tilrådd å reklamere umiddelbart/snarast mogleg og seinast innan 2 månader frå forholdet vart/burde vorte oppdaga. Dersom kjøpar utbetrar mangelskrav på eiga hand, kan dette medføre at reklamasjonsretten vert tapt.

Boligkjøperforsikring

Vedlagt i salsoppgåva følgjer informasjon om Bustadkjøparforsikring Pluss og Bustadkjøparforsikring frå HELP Forsikring AS. Bustadkjøparforsikring er ei rettshjelpsforsikring som gir tryggleik og profesjonell juridisk hjelp dersom det blir oppdaga uventa feil eller manglar ved bustaden dei neste fem åra. Bustadkjøparforsikring Pluss har same dekning som bustadkjøparforsikring + fullverdig advokathjelp på viktige rettsområde i privatlivet. Les meir om begge forsikringane i vedlagde materiell eller på help.no. Det blir gjort merksam på at meklarføretaket mottar kr 1 900 / 2 600 / 2 600,- (avhengig av bustadtype) i kostnadsgodtgjersle for kvar forsikringsavtale som blir formidla på Bustadkjøparforsikring Pluss og kr 2 900 ,- / 3 600,- / 3 600,- i kostnadsgodtgjersle for Bustadkjøparforsikring.

Forsikringsselskap

Frende

Avgiftsbeskrivelse

Dette inkluderer renovasjon kr. 4 200,-, vatn- og avlaupsavgifter og feiing. Den totale årlege kostnaden vil variere etter eige forbruk. I tillegg kjem kr. 120,- per tømming av restavfallsdunk (140 l) Kommunale gebyr er ein kombinasjon av forskot, abonnement og enkeltgebyr fakturert etter levert teneste. Kommunen kjenner ikkje samla gebyr for ein eigedom for eit år før året er omme.

Moderniseringer og påkostninger

Følgjande moderniseringar er utførte dei seinare åra: 2026: - Montert ny baderomsvifte. - Måla kledning. 2025: - Malt veggar og tak, samt lagt nytt golv på begge soverom og i gang. - Delvis oppgradering av drenering på baksida av hytta, utført av personell frå Ivar A. Sunde. 2024: - Etterisolert golvkonstruksjon og lagt nye asfaltplater og duk. - Installert automatsikringar, lagt inn straum og montert luft-til-luft-varmepumpe, utført av Henden Elektro. 2022: - Sett inn isolert stålpipe og montert omn i stova. - Skift ut eitt vindauge i stova. 2015: - Gravearbeid framfor bustaden med installering av rør og kumlokk. ca. 2000: - Bygd tilbygg til stova, samt eit mindre tilbygg/bod ved inngangspartiet. Ukjent årstall: - Bygd terrasse.

Betalingsbetingelser

Kjøpesum og alle kostnader skal vere innbetalt til meklar sin klientkonto før overtaking. Det føresetjast at skøyte blir tinglyst på ny eigar. Dersom kjøpar ikkje ønskjer heimelsoverføring av eigedommen til seg, må det takast atterhald om dette i bodet.

Fasiliteter

Adgang til utleie

Det er ikkje kjent at det ligg føre offentlegrettslege reglar som hindar utleige av heile eigedomen.

Radon

Det er ikkje utført radonmåling på eigedomen. Bygget er ikkje utført med radonsperre. Eigedomen ligg i eit område med moderat til låg førekomst av radongass, ifølgje NGU.

Sentrale lover

Eigedomen vert seld etter reglane i avhendingslova. Salsoppgåva er basert på dei opplysningane seljar har gitt til bygningsakkyndig og meklar, samt opplysningar innhenta frå kommunen, Statens kartverk og andre tilgjengelege kjelder. Eigedomen skal overleverast til kjøpar i tråd med det som er avtalt. Det er viktig at kjøpar set seg grundig inn i alle salsdokumenta, med dette salsoppgåve, tilstandsrapport og seljar si egenerklæring. Kjøpar vert sett på som kjent med forhold som er tydeleg beskrive i salsdokumenta. Forhold som er beskrive i salsdokumenta kan ikkje påberopast som manglar. Dette gjeld uavhengig av om kjøpar har lest dokumenta. Alle interessentar vert oppmoda til å undersøkje eigedomen nøye, gjerne saman med fagkyndig før bod vert gjeve. Kjøpar som vel å kjøpe usett kan ikkje gjere gjeldande som mangel noko han burde blitt kjent med ved undersøkinga. Dersom det er behov for avklaringar, anbefalar vi at kjøpar rådfører seg med eigedomsmeklar eller ein bygningsakyndig før det vert lagt inn bod.   Dersom kjøpar ikkje er forbrukar seljast eigedomen «som den er», og seljar sitt ansvar er då avgrensa jf.§ 3-9 1. ledd 2. pkt. Informasjon om kjøpar si undersøkingsplikt, med dette oppmoding om å undersøkje eigedomen nøye, gjeld og for kjøparar som ikkje vert vurdert som forbrukarar.  På grunn av ulike avtalevilkår kan seljar vurdere bod frå ein som ikkje er forbrukar, ulikt frå ein forbrukar sitt bod. Dersom kjøpar ikkje er forbrukar, er seljar sitt mulege mangelsansvar avgrensa fordi eigedomen vert seld "som den er".  Seljar kan ikkje ta «som den er» atterhald ovanfor ein forbrukarkjøpar. Sjølv eit lågare bod frå ein som ikkje er forbrukar kan foretrekkast fordi avgrensinga i muleg mangelsansvar kan ha eigenverdi for seljar. Seljar står fritt til å forkaste eller akseptere eitkvart bod, og pliktar til dømes ikkje å akseptere høgste bod.  Bodgjevarar får informasjon dersom andre bod er gjeve av ein som ikkje er forbrukar.  Forbrukarkjøp - definisjon: Med forbrukarkjøp meinast kjøp av eigedom når kjøparen er ein fysisk person som ikkje hovudsakleg handlar som ledd i næringsverksemd. Forbrukar - avtalevilkår: Eigedomen har ein mangel dersom den ikkje er i samsvar med krava som følgjer av avtalen, eller det ligg føre brot på bestemmingane i avhendingslova §§ 3-2 til 3-8. Dersom eigedomen ikkje er i samsvar med det kjøparen må kunne vente ut frå alder, type og synleg tilstand, kan det vere grunnlag for mangelskrav. Det same gjeld dersom det er halde tilbake eller gitt urette opplysningar om eigedomen. Dette gjeld likevel berre dersom ein kan gå ut frå at det virka inn på avtalen at opplysningen ikkje vart gitt eller at feil urette opplysningar ikke blir retta i tide på ein tydeleg måte. Ein bustad som har blitt brukt i ei viss tid, har vanlegvis blitt utsett for slitasje og skadar kan ha oppstått. Slik bruksslitasje må kjøpar rekne med, og det kan avdekkast enkelte forhold etter overtakinga som gjer det naudsynt med utbetringa utbedringar. Normal slitasje og skadar som gjer det naudsynt med utbetring, er innanfor kva kjøpar må vente og vil ikkje utgjere ein mangel. Bustaden kan ha ein mangel etter avhendingslova § 3-3 dersom det er avvik mellom opplyst og faktisk innvendig areal, forutsett at avviket er på 2 % eller meir og minimum 1 kvm. Ved berekning av eit eventuelt prisavslag eller erstatning må kjøpar sjølv dekke tap/kostnader opptil eit beløp på kr 10 000 (eigendel). Ikkje - forbrukar (næringsdrivande) – definisjon: Dersom kjøpar er ein juridisk person, eller ein fysisk person som hovudsakeleg handlar som ledd i næringsverksemnd, vil kjøpet ikkje bli sett på som eit forbrukarkjøp.  Ikkje - forbrukar – avtalevilkår: Eigedomen har ein mangel dersom den ikkje er i samsvar med krava som følgjer av avtalen. Eigedomen vert seld «som den er», og seljar sitt ansvar utover det konkret avtalte er då avgrensa etter avhendingslova § 3-9, første ledd andre setning.  Avhendingslova § 3-3 andre ledd vert fråviken, og korvidt arealsvikt i bustaden utgjer ein mangel vert vurdert etter avhendingslova § 3-8.  Ein føresetnad for salet er at skøyet for eigedomen vert tinglyst på kjøpar. Interessentar og kjøpar må godta at seljar og meklar brukar elektronisk kommunikasjon i salsprosessen. I trå med eigedomsmeklingsforskrifta vil informasjon om oppdragsgivar, salsobjektet, interessentar og kjøpar bli lagra av meklarføretaket i min. 10 år. Sjå em1.no for meir informasjon om handsaminga vår av personopplysningar.

Personopplysningsloven

Vi gjer interessentar og kjøparar merksame på at vi vil handsame, etter personopplysingslova, personopplysningane dine i den utstrekning dette er naudsynt for å oppfylle våre lovpålagte plikter, med dette for å kunne gjere kundekontroll etter kvitvaskingslova samt for å utføre oppgåver som vi er pålagt etter eigedomsmeklingslova.

Kommunalinfo

• Kommunale avgifter: kr 11 273
• Eiendomsskatt: kr 1 185
• Informasjon om eiendomsskatt: For bustadeigedomar og fritidseigedomar er eigedomsskatten 3,1 promille. For alle bustadeigedomar og fritidseigedomar utgjer eigedomsskattegrunnlaget 70 prosent av skattetaksten for slike eigedomar, jf. eigedomsskattelova § 8 A-2. Eigedomsskatten 7 promille(sjekk din kommune) for næringseigedom, energianlegg (kraftanlegg og kraftnettet), naust, tomter (bustad, fritid, næring og naust) og særskilde skattegrunnlag (jf. overgangsregel i eigedomsskattelova).