Nordfjordvegen 2105

Last ned salgsoppgave for komplett informasjon om eiendommen

Registerbetegnelse

Etasje

2

Parkering

Parkering på eigen tomt i gruslagd innkøyrsel/gårdsplass.

Eiendom

Tomteareal er 2 342 m² på eiet tomt.

Tomta er opparbeida og nordvendt, med plen, noko beplanting og elles noko grasmark. Frå eigedomen er det flott utsikt over fjorden. Tomta er over to mål, og det krevst difor eigenerklæring om konsesjonsfridom påført samtykke frå kommunen for å få overført heimelen til kjøpar. Det kvilar avtale med naboeigedom om at delar av tomta vestover, frå midt i avkøyrsle, tilhøyre (eksklusiv bruksrett) naboeigedom (bnr 4). Sjå vedlagt kart og avtale. Eiendommen ligger i et flomutsatt område i henhold til kommunedelsplan/NVE. Eiendommen ligger i et rasfarlig /skredutsatt område i henhold til kommunedelsplan/NVE. Geolog har uttalt: "Samandrag Sunnfjord Geo Center AS har utført skredfarevurdering etter TEK17 og NVE rettleiar (2020) for tre kartleggingsområde ved Holmøyane på sørsida av Hornindalsvatnet i Stad kommune. Det er vurdert skredfare med samla nominelt årleg sannsyn større enn 1/100. I kartlagt område er det i dag bustadhus og driftsbygningar til landbruket, og skredfarevurderinga er utført for framtidige S1-tiltak i kartleggingsområda. Skredfarevurderinga viser at samla nominelt årleg sannsyn for skred i kartleggingsområda er lågare enn 1/100. Alle kartleggingsområda tilfredsstiller difor krava i TEK 17 §7-3 for tiltak i tryggleiksklasse S1. Det er ikkje utarbeidd faresoner for skred med årleg sannsyn = 1/1000 eller = 1/5000 då det ikkje er planar om byggverk i tryggleiksklasse S2 eller S3. Vurderingane som er utført i denne rapporten tar utgangspunkt i terrengtilhøva slik dei var på synfaringstidspunkt. Eventuelle framtidige terrenginngrep i området kan endre dei geologiske og hydrologiske forholda, og dermed også skredfaren."

Byggeår

1890

Innhold

Fritidsbustaden går over tre plan med følgjande innhald: Kjellar: Vaskekjellar og uinnreidd kjellarrom 1. etasje: Vindfang, trapperom, bad, kjøkken og stove Loft: Loftstove m/trapp og soverom Uteplass på 4 m² mot søraust. Eigedomen har to frittståande sekundærbygningar: Eit anneks på 22 m² som inneheld vindfang og tre bodrom, og ein låve med lagerplass. Det ligg ikkje føre bygningsteikningar frå Stad kommune. Det er ikkje kjent om bustaden er endra i høve til dei opphavlege, godkjende bygningsteikningane. Dei oppgitte romma er definerte av bygningssakkyndig i samsvar med vedlagd rapport, basert på dagens faktiske bruk, uavhengig av kva som er godkjent av bygningsstyresmaktene.

Standard

Tømmerveggar frå 1890 set karakteren i denne fritidsbustaden. Hovudbygget er reist i massivt tømmer, og eit tilbygg frå 2011–2012 gav plass til eit flott baderom og entré, begge rom med varmekablar på golv. Stova og kjøkkenet har vindauge mot fjorden og fjella. Peisomnen med klebersteinselementer i stova og ein luft-til-luft varmepumpe frå 2023 gjev god oppvarming gjennom sesongen. Bustaden er fordelt over tre plan: kjeller med tekniske rom, 1. etasje med stove, kjøkken og bad, og eit loft med to innredde rom som ikkje oppfyller krav til varig opphald. Det elektriske anlegget, og røropplegget er oppgradert. Vindfang: Vindfanget er ein del av tilbygget og tek imot med golvflis og gulvvarme med varmekablar. Veggane er kledd med tømmerpanel. Ytterdøra er kvit og vart montert i 2011. Herifrå er det tilgang til trapperommet, der sikringsskåpet med automatsikringar og overspenningsvern er montert, og vidare inn til stova og kjøkkenet. Stove: Veggane er av måla tømmer og tømmerpanel, og himlingen har synlege måla bjelkar. Fleire vindauge vender mot vatnet og fjella, du får også inn mykje naturleg lys i rommet. Peisomnen med klebersteinselementer vart montert i 2012 og er plassert mot den kvitpussa pipa. Luft-til-luft varmepumpa frå 2023 er montert på veggen og supplerer oppvarminga. Det er plass til sofagruppe og sitjemøblar i fleire soner. Tregolvet er måla. Kjøkken: Kjøkkenet vart oppgradert i 2022 med Mørekjøkken kjøkkeninnreiing med laminat skog og beislakkerte heiltre, profilerte frontar. Kitchenwallplater er montert over laminat benkeplate. Integrert utstyr inkluderer 60 cm topp, oppvaskemaskin, komfyr, microbølgeomn og kombinert kjøl- og fryseskåp. Ventilator over steikjesona har mekanisk avtrekk. Himling har synlege måla bjelkar. Vindauget gjev utsyn over vatnet og fjella, og det er plass til eit lite spisebord ved vindauget. Bad: Badet er frå 2012 og ligg i tilbygget. Himlingen har mdf-panel med downlights. Veggane er kledd med veggflis, og golvet er golvflis mot påstøyp av betong med varmekablar. Det er veggmontert klosett, heilstøypt vask i kvit baderomsinnredning og fastmontert veggspegel med integrert utstyr. Dusjen har hengsla glasdører. Mekanisk avtrekk er utført med veggvifte. Vindauget har solskjemring med lamellar. Loft: Loftet nås via den lakkerte furutrappa med vegghåndlist og glassrekkverk, montert i 2022. På loftet er det rom som vert nytta som stove og soverom. Loftstova har tømmerpanel på veggane og mdf-panel mot flat himling. Tregolvet vart lagt i 2025. Rommet har vindauge og plass til sitjemøblar. Soverommet på loftet har tømmerpanel på veggane og mdf-panel mot flat himling. Golv manglar; tregolv ligg på låven og kan overtakast av ny eigar - klart for å leggast. Uteplass: Uteplassen mot sørøst er anlagt med betongheller og ligg i tilknyting til hovudbygget. Delar av tomta mot vest (frå midt i avkøyrsle) har noboeigedom eksklusiv bruksrett på. Sjå avtale som ligg som vedlegg. Overflater: Golv: Golvflis i vindfanget, laminatgolv på kjøkkenet, elles lakkert og måla tregolv. Veggar: Måla tømmer og tømmerpanel. Himling: Mdf-panel, synlege måla bjelkar på kjøkkenet og stova. Lagring: Uinnreia kjellarrom i kjellaren med betonggolv, veggar av betong og noko leca og naturstein, og himling med folierte takessplater. Rommet har tekniske framføringar. Annekset (ca. 1900) er ein frittståande bygning som nyttast som lager og leikerom; bygningen er i hovudsak uisolert og har eldre, enkel standard. Låven (ca. 1900) er ein frittståande bygning som nyttast som lagerplass og har eit stort rom. Omsetning av brukt eigedom Ein brukt eigedom vil som regel ikkje vere i same stand som om den var ny. Tekniske krav, type bustad, teknikk og skikkar endrar seg over tid. Bruksslitasje og ytre forhold kan gjere at tilstanden blir dårlegare etter kvart, sjølv om det ikkje er synleg. Kjøparar kan ha mindre forventningar til eldre bustader enn nye, og det kan vere skadar eller feil som ikkje er beskrive, men som seljar likevel ikkje kan haldast ansvarleg for. Normal bruksslitasje er ikkje ein mangel, og det er ikkje sikkert at det som opplevast som ein feil ved ein eigedom er ein mangel i rettsleg forstand. Det er difor viktig å setje seg grundig inn i tilstanden på den eigedomen ein vil kjøpe.

Hvitevarer

Det blir gjort merksam på at berre integrerte kvitevarer på kjøkkenet følgjer med ved overdraginga. Desse blir leverte utan nokon form for garanti, utover eventuell gjenværande leverandørgaranti.

Adkomst

Sjå kart i salsoppgåva for beskriving av tilkomst. Det vert skilta med EiendomsMegler 1-skilt ved fellesvising.

Byggemåte

Informasjonen er henta frå vedlagde tilstandsrapport, datert 29.05.2026. Bygning: Eigedomen består av ein fritidsbustad som opphavleg er frå 1890. Hovudbygget er av tømmer med utvendig liggjande ytterkledning, i hovudsak frå byggeåret. Eit tilbygg i 15 cm isolert bindingsverk med utvendig liggjande enkeltfalsa trekledning vart oppført i 2011-2012. Bygningen står på grunn av sand og jord, ifølgje eigar. Grunnmuren er av naturstein, med innvendig betong i det uinnreidde kjellarrommet. Tilbygget er fundamentert med ringmur og golv på grunn av betong. Etasjeskilje er trebjelkelag med ca. 10 til 20 cm isolasjon. Golv på grunn er av betong, med isopor under betonggolvet i det uinnreidde kjellarrommet. Forstøytingsmuren til kjellarnedgangen er av naturstein og noko betong. Tak: Taket er ei saltakkonstruksjon med berande sperrer. Taktekkinga er frå 2011 og består av Decraplater over eit undertak av sutaksplater. Konstruksjonen er isolert mot underliggjande rom, med lufting i gesimskassene. Ifølgje eigar er det luftespalte mellom isolasjon og undertak. Pipa er utvendig tekka med pipehatt. Takrenner og nedløpsrør er i aluminium. Pipe/Eldstad: Bygningen har ei eittløps pipe av lettklinkerbetong, montert i 1984, med sotluke. I stova er det ein peisomn med klebersteinselement, montert i 2012. Vindauge: Vindauga har i hovudsak 2-lags glasruter i trekarm med gjennomgåande sprosser. Kjellarvindauga har 3-lags glasruter med «innvendige» sprosser. Dører: Ytterdøra er ei kvit dør montert i 2011. Kjellardøra er ei måla tredør frå byggeåret. Innvendig er det ei kvit, formpressa dør til badet frå 2011, og elles måla trefyllingsdører frå byggeåret. Trapper/tilkomst: Loftstrappa er ei 90-graders lakkert furutrapp med vegghandlist og returrekkverk av glas. Til kjellardøra er det ei enkel steintrapp/steintrinn. Balkong/terrasse: Det er ein uteplass på 4 m² mot søraust med betongheller med frilagt singel. VVS-installasjonar: Vassrøyra er eit røyr-i-røyr-system i plast, montert i 2012. Røyrstamme, stoppekran og grovfilter er plassert i vaskekjellaren. Avløpsrøyra er òg av plast frå 2012. Ein Høiax varmvasstank vart montert i vaskekjellaren same år. Utvendige vass- og avløpsleidningar er frå 2012. Eigedomen har privat, grunnbora brønn saman med naboeigedom og eit Klaro reinseanlegg. Ventilasjon: Ventilasjonen er i hovudsak basert på naturleg avtrekk via opning av vindauge. Badet har mekanisk avtrekk med veggvifte, og kjøkkenet har mekanisk avtrekk med ventilator over steikjeområdet. Tekniske detaljar: Bygningen blir varma opp med ei luft-til-luft-varmepumpe montert i 2023 og ein peisomn. Det er golvvarme med varmekablar på badet og i vindfanget. Det elektriske anlegget har sikringsskap med automatsikringar og overspenningsvern, montert i trapperommet. Anlegget er i hovudsak frå 2012 med delvis skjult installasjon. Anneks: Bygningen er frå ca. 1900 og er i hovudsak uisolert. Han er fundamentert med ringmur av betong/sparebetong og noko steinmurar, med eit kryperom under som ikkje er undersøkt. Ytterveggane er av reisverk med liggjande og ståande trekledning, samt aluminiumsplater på baksida. Takkonstruksjonen er eit salttak med berande sperrer og eit mørkeloft med tilkomst via veggmontert stige. Taktekkinga består av stålplater på den eine taksida og eternitplater på den andre. Golvet er eit trebjelkelag. Vindauga er av eldre type med 1-lags ruter. Ytterdøra er ei måla tredør. I 2011-2012 vart det lagt ny ytterkledning og noko isolering. I 2018 vart det lagt ny taktekking på ei takside og pipa vart fjerna. Låven: Bygningen er frå ca. 1900. Han er fundamentert med naturstein, dels som punktfundament og noko trepålar. Ytterveggane er av grindeverk med i hovudsak utvendig ståande trekledning, og noko aluminiumsplater. Takkonstruksjonen er eit salttak med berande sperrer (c/c 1,25 m) med hanebjelke og undergurt. Taktekkinga er av stålplater med takrenner og nedløpsrøyr i aluminium. Golvet er tregolv over bjelkelag. Det er ei plassbygd tofløya tredør. Eit tilbygg har skråtak tekka med eternitplater, veggar av reisverk med utvendig ståande trekledning, og tregolv over spikerslag. I 1995 vart det lagt utvendige aluminiumsplater på ytterveggen mot vest. I 2017 vart det lagt ny taktekking på hovudtaket. I 2018 vart delar av ytterkledninga skifta og ny ytterdør montert. I 2019 vart det lagt nytt tregulv i hovudrommet. Alle bygningsdelar og installasjonar har avgrensa levetid. Konstruksjonane er bygd etter lov og forskrift som tek utgangspunkt i byggeåret og vil normalt ikkje tilfredsstille krava i dag. Med omsyn til den tekniske standarden på bygningane vert det vist til vedlagde tilstandsrapport fra takstmann Kristen Eikenæs datert 29.05.2026, der enkelte bygningselementer har oppnådd tilstandsgrad 3 (TG3), tilstandsgrad 2 (TG2) og konstruksjonar som ikkje er undersøkte (TGIU). Interessentar vert oppmoda til å sette seg grundig inn i desse punkta samt eigenerklæringa som ligg ved salsoppgåva før det vert lagt inn bod på eigedomen. Meklar gjer elles merksam på kjøpar si undersøkingsplikt med heimel i avhendingslova. Nedanfor finn ein ei kort oppsummering av det den bygningssakyndige har beskrive av avvik ved bustaden som har fått tilstandsgrad 2 (TG 2) eller 3 (TG 3) OG TG IU (Ikkje undersøkt). TG3 med store eller alvorlege avvik: - Utvendig - Nedløp og beslag | Manglande stigetrinn på tilbygget. Manglande snøfangarar (TG3). Konsekvens/tiltak: Montere stigetrinn på tilbygget samt montere snøfangarar i nødvendig omfang. Kostnadsestimat: 20 000 - 100 000 - Innvendig - Etasjeskilje/golv mot grunn | Det er målt høgdeforskjell på mellom 15-30 mm gjennom heile rommet. Tilstandsgrad 2 gis med bakgrunn i standardens krav til godkjente måleavvik. Målt høgdeforskjell på over 20 mm innanfor ei lengde på 2 meter. Tilstandsgrad 3 gis med bakgrunn i standardens krav til godkjente måleavvik. Fall/retningsavvik er kontrollert kun for opplista rom. Loftet; Loftstova med avvik på 30 mm og soverommet med avvik på 40 mm. (TG3). 1.etg.; Stova med avvik på 15 mm og kjøkkenet med avvik på 10 mm. Konsekvens/tiltak: For å få tilstandsgrad 0 eller 1 må høgdeforskjellar rettast opp. Det vil imidlertid sjeldan vere økonomisk rasjonelt som eit enkeltståande tiltak i ein bustad som dette. Dersom bustaden ein gong skal renoverast, kan ein vurdere slike tiltak. Kostnadsestimat: 20 000 - 100 000 - Innvendig - Pipe og eldstad | Det er påvist brennbart materiale nærare enn 300 mm frå sotluke/feieluke. Sotluke med avstand mindre enn 30 cm til brennbart materiale målt til 13 cm til golvet og 20 cm til vegg. Sprekk i eine steinen i brennkammeret. Iflg tilsynsrapporten står det følgande; "Sprekk i røykløp bak røykinnføring . Den er vurdert til ikkje å utgjere èin risiko slik den framstår." Konsekvens/tiltak: Det må føretakast tiltak for å lukke avviket. Kostnadsestimat: Under 20 000 - Tomteforhold - Terrengforhold | Terrenget fell inn mot bygningen og det er maksimale forhold for vatn inn mot muren. Terrengfall mot baksida av bygningen med dertil auka fuktbelastning mot grunnmur. Konsekvens/tiltak: Det bør føretakast terrengjusteringar. Kostnadsestimat: Under 20 000 - Våtrom - Kjellar - Vaskekjellar - Generell | Våtrommet må oppgraderast for å tole normal bruk etter dagens krav. Etasjehøgd kun 1,48-1,65 m. Enkel standard utan membran/tettesjikt, kun naturleg avtrekk, ingen golvvarme kun el.omn, sprekker i eldre del av betonggolvet samt spor etter mott men ikkje synleg aktiv mott. Konsekvens/tiltak: Våtrommet har behov for omfattande oppgraderingar. For å sikre ei løysing som oppfyller gjeldande krav, bør tettesjikt, sluk og røropplegg oppgraderast og dokumenterast. Kostnadsestimat: 100 000 - 200 000 TG2 med avvik som kan krevje tiltak: - Utvendig > Veggkonstruksjon: Avvik vedrørande manglande lufting, råteskade, målingsslitasje og manglande museband. - Utvendig > Takkonstruksjon/Loft: Målingsslitte vindskier og gesimskasse mot vest. - Utvendig > Vindauge: Avvik rundt innsettingsdetaljar, inkludert fare for fuktopptrekk og uferdig tetting. - Utvendig > Dører: Bom/sprekk i flisar framfor ytterdør og avvik ved kjellardør. - Innvendig > Overflater: Diverse avvik på overflater utover normal slitasje, inkludert retningsavvik og uferdige arbeid. - Innvendig > Innvendige trapper: Ugunstig plassering av sikringsskap og manglande kjellartrapp. - Innvendig > Innvendige dører: Mindre skade på dørblad og manglande låsemekanisme på tofløya dør. - Tekniske installasjoner > Vassledningar: Rørkursar på røyr-i-røyr-system er ikkje merka. - Tekniske installasjonar > Avløpsrøyr: Lufteleidning for avløp er ikkje ført til fri luft. - Tekniske installasjonar > Varmtvasstank: Ikkje tilfredsstillande el-tilkopling av varmvasstank. - Tomteforhold > Fuktsikring og drenering: Manglande eller sannsynlegvis manglande utvendig fuktsikring av grunnmur. - Tomteforhold > Grunnmur og fundamenter: Sprekkdanningar i grunnmuren. - Tomteforhold > Forstøtningsmurar: Mindre sprekker og/eller skeivheiter i muren. - Våtrom > 1.etasje > Bad > Overflater veggar og himling: Vindauge/dør med ikkje fuktbestandige materiale i våtsone. - Våtrom > 1.etasje > Bad > Overflater Golv: Høgdeforskjell frå topp slukrist til golv/membran ved dørterskel er mindre enn 25 mm. - Våtrom > 1.etasje > Bad > Sluk, membran og tettesjikt: Manglande dokumentasjon på uavhengig kontroll. - Våtrom > 1.etasje > Bad > Sanitærutstyr og innreiing: Ikkje tilfredsstillande løysing for å synleggjere lekkasje frå innebygd sisterne. - Våtrom > 1.etasje > Bad > Ventilasjon: Våtrommet manglar tilluftsventilering. - Kjøkken > 1.etasje > Kjøkken > Overflater og innreiing: Manglande komfyrvakt, waterguard og sokkel. TGIU - Konstruksjonar som ikkje er undersøkte: - Innvendig > Rom Under Terreng: Holtaking er ikkje føreteke då rommet har ein konstruksjon som gjer det unødvendig. - Våtrom > 1.etasje > Bad > Tilliggande konstruksjonar våtrom: Holtaking er ikkje føreteke då det ikkje er fysisk mogleg. - Våtrom > Kjellar > Vaskekjellar > Tilliggande konstruksjonar våtrom: Holtaking er ikkje føreteke då det ikkje er fysisk mogleg. Helse, miljø og sikkerhet: - Det er avvik i rømningsvegar. Det er ikkje føreteke radonmålingar, og bygget er heller ikkje utført med radonsperre. Det er ikkje montert rekkverk på innvendig trapp. Det er manglande rekkverk/annan sikring på forstøtingsmurar som krev dette utifrå dagens krav. Det er manglar/skader på røykvarslarutstyr iht. gjeldande forskrift om brannførebygging. Eigedomen ligg i eit flaumutsett område i høve til kommunedelsplan/NVE. Eigedomen ligg i eit rasfarleg/skredutsett område i høve til kommunedelsplan/NVE. Manglande røykvarslar i 1.etg. og i kjellaren. Loftsglas stettar ikkje krav til rømningsveg og for begge loftsrom er her dagslysareal mindre enn 10 % av rommets bruksareal. Forstøytingsmuren ved kjellarnedgongen med høgde over 0,5 m med manglande sikring. Iflg NGU Kart ligg eigedomen i aktsomheitsområde for ras- og flaumskred samt snøras. Sunnfjord Geo Center har utarbeidd eigen rapport for taksert eigedom samt naboeigedomane, viser til utfyllande informasjon i denne rapporten. Oppsummeringa over er ikkje uttømmande, og du vert oppmoda til å lese og setje deg grundig inn i alt salsmateriell. For ordens skuld nemner vi at TGIU står for «tilstandsgrad ikkje undersøkt», til dømes fordi ein del av bygget ikkje har vore tilgjengeleg for inspeksjon. Desse delane kan dermed ha feil eller manglar som ikkje er avdekte.

Eiendomstype

Fritidseiendom

Oppvarming

Oppvarming skjer med varmepumpe luft-til-luft. I stova er det ein peisomn med klebersteinselement. Det er golvvarme med varmekablar på badet og i vindfanget, og ein elektrisk omn i vaskekjellaren. Sotluke har krav om 30 cm avstand til brennbart i alle retningar. Brennbart som er for nær kan tildekkast med til dømes gipsplate, flis (keramisk/stein) eller metallplate. Eventuelt kan ein setje inn Leca sotlukestein. Det er sprekk i røykløp bak røykinnføring. Denne er vurdert til ikkje å utgjere ein risiko slik ho framstår. Dersom rom ikkje har vegg- eller fastmonterte varmekjelder ved vising, følgjer dette heller ikkje med. Tilstandsrapporten beskriv den tekniske tilstanden til byggverket. Det er ikkje utført kontroll av dei elektriske installasjonane (el-takst) sjølv om bygningssakkunnig kan ha knytt kommentarar til el-anlegget ut frå heilt enkle vurderingskriterium. Sidan el-anlegget ikkje er kontrollert, er det ikkje usannsynleg at det seinare kan bli avdekt avvik frå dagens forskriftskrav og oppstå funksjonssvikt. Vidare må kjøpar vere førebudd på at det kan måtte gjerast oppgraderingar på grunn av slitasje, manglande vedlikehald, arbeid som er utført av ufaglærte, alder eller tekniske løysingar som ikkje held dagens standard. I Noreg er det ei av oppgåvene til «Det lokale eltilsynet» (DLE) å utføre tilsyn med elektriske anlegg i bustader og fritidsbustader. Alle bustader skal ha periodisk kontroll kvart 20. år, og hytter/fritidsbustader blir kontrollerte kvart 30. år. El-anlegget er ein bygningsdel som er gjenstand for konstant utvikling. Ein må difor rekne med at dagens anlegg ikkje nødvendigvis er dimensjonert for oppgradering av kjøkken med nye elektriske apparat eller rehabilitering av bad med varmekablar, samt installeringar for elbilladar.

Strømforbruk

Meklar gjer merksam på at desse utgiftene er knytt til dagens eigar og at desse vil kunne endre seg med omsyn til anna bruk av bustaden enn i dag eller andre avtalar med leverandørar.

Vei, vann og avløp

Vegen til eigedomen er offentleg. Eigedomen er ikkje tilknytt offentleg vatn og avlaup. Eigedomen har tilgang til vatn frå privat vasskjelde i form av grunnbora brønn på naboeigedomen. Vasskvalitet og eventuell vasspumpe er ikkje kontrollerte, og det kan vere avgrensa kapasitet. Eigedomen er tilknytt eit privat Klaro reinseanlegg. Ifølgje kommunen vart anlegget sist tømt 13.10.2022.

Meglers plikt til å stanse gjennomføring av en handel

Eigedomsmeklarar er underlagd lov om kvitvasking og pliktar å rapportere til Økokrim om mistenkelege transaksjonar. Lov om kvitvasking har og strenge reglar om kontroll av legitimasjon frå alle partar i handelen, med dette, seljar, kjøpar og fullmektigar for desse.

Budgivning

Alle bod skal gjevast skriftleg og legitimert til meklar, som formidlar desse vidare til seljar. Dette gjer ein enkelt elektronisk ved å klikke på "gi bud" knappen på finn.no eller via eiendomsmegler1.no eller på bodskjema vedlagt salsoppgåva. Meklar skal så snart som muleg stadfeste skriftleg ovanfor bodgjevar at bod er motteke og formidle det vidare til seljar.  Bod må  ikkje ha kortare akseptfrist enn kl. 12.00 første virkedag etter siste annonserte vising. Bod med kortare frist enn dette kan ikkje formidlast av meklar.  Meklar pliktar å leggje til rette for ei forsvarleg avvikling av bodrunden. For at boda skal kunne bli handsama bør dei ikkje ha ein kortare akseptfrist enn 30 minutt frå bodet er gjeve. Bod som vert gjeve etter normal arbeidstid vert handsama/formidla påfølgjande arbeidsdag.  Meklar tek ikkje ansvar for forseinkingar på el- eller telenettet. Under bodrunden kan akseptfristen kortast ned ved mottaking av nye bod. Akseptfristen frå kjøpar er absolutt. Det betyr at dersom seljar vel å akseptere bodet, må kjøpar meddelast aksepten innan akseptfristen går ut. Dersom du utset å gje inn bod til tett opp mot akseptfristen er det ei reell fare for at eigedomen kan bli seld før bodet ditt kjem fram til meklar. Ein syner elles til "Forbrukarinformasjon om bodgjeving", som også er ein del av salsoppgåva. Kjøpar er utanlandsk statsborgar Dersom ein kjøpar er utanlandsk statsborgar krevjast det at ein har D-nummer til erstatning for norsk personnummer. Meklar rekvirerer dette samstundes som skøyte vert sendt inn til tinglysing hjå Kartverket. Skøytet vert så liggande hjå Kartverket fram til kjøpar har fått D-nummer av  skatteetaten. Deretter vert skøytet tinglyst. Denne prosessen vil ofte medføre at oppgjer og  utbetaling til seljar vert forseinka med nokre veker. Kjøpar må i desse tilfella enten ta atterhald i  b od om forseinka utbetaling til seljar, eller vere budd på å dekke forseinkingsrenter. Kontakt  ansvarleg meklar for informasjon før bodgjeving.

Overtakelse

Overtaking etter avtale. Legg inn ønskje om overtakingsdato ved bodgjeving. Mellom aksept av bod og tidspunktet for overtaking er det ikkje høve til å synfare eigedomen. Vi tilrår difor interessentar til å naudsynte mål og liknande på visinga.

Andre relevante opplysninger

Diverse møblar og inventar vil følgje i salet.

Boligselgerforsikring

Seljar har teikna bustadseljarforsikring som er framforhandla av Söderberg & Partners AS. Forsikringa dekkjer seljar sitt ansvar etter avhendingslova, med dei avgrensingane som følgjer av forsikringsvilkåra og er avgrensa til salssummen til eigedomen, men oppad avgrensa til kr. 14 000 000,-. Seljar har i den samanhengen utarbeidd ei eigenerklæring om eigedomen. Eigenerklæringa ligg vedlagt salsoppgåva og interessentar vert oppmoda til å gjere seg kjend med denne før bodgiving/kjøp. Bustadseljarforsikringa sørgjer for at kjøpar kan forhalde seg til ein profesjonell og søkegod motpart som handterer eventuelle reklamasjonar fagleg og ryddig. Dersom kjøpar ikkje har teikna bustadkjøparforsikring kan hen reklamere direkte til Claims Link (tlf 67 83 51 30 eller post@claimslink.no), som representerer bustadseljarforsikringa til seljar. Av vilkåra går det fram unntak i forsikringsdekninga, til dømes ved nye forhold som oppstår mellom aksept og overtaking. Garantiar/lovnader der seljar har påteke seg ansvar for eigenskapar ved eigedomen eller dokumentasjon av slike, vert ikkje dekt. I nokre tilfelle er det heller ikkje dekning der seljar har opptrådt forsettleg eller grovt aktlaust. Forsikringa omfattar heller ikkje ein redusert bustadverdi som skuldast skadedyr/insekt, til dømes skjeggkre/perlekre/sølvkre, veggdyr, pelsbiller, maur, borebiller og tilsvarande. I samsvar med lov og rettspraksis må det reklamerast "innan rimeleg tid". Det vert tilrådd å reklamere umiddelbart/snarast mogleg og seinast innan 2 månader frå forholdet vart/burde vorte oppdaga. Dersom kjøpar utbetrar mangelskrav på eiga hand, kan dette medføre at reklamasjonsretten vert tapt.

Boligkjøperforsikring

Vedlagt i salsoppgåva følgjer informasjon om Bustadkjøparforsikring Pluss og Bustadkjøparforsikring frå HELP Forsikring AS. Bustadkjøparforsikring er ei rettshjelpsforsikring som gir tryggleik og profesjonell juridisk hjelp dersom det blir oppdaga uventa feil eller manglar ved bustaden dei neste fem åra. Bustadkjøparforsikring Pluss har same dekning som bustadkjøparforsikring + fullverdig advokathjelp på viktige rettsområde i privatlivet. Les meir om begge forsikringane i vedlagde materiell eller på help.no. Det blir gjort merksam på at meklarføretaket mottar kr 1 900 / 2 600 / 2 600,- (avhengig av bustadtype) i kostnadsgodtgjersle for kvar forsikringsavtale som blir formidla på Bustadkjøparforsikring Pluss og kr 2 900 ,- / 3 600,- / 3 600,- i kostnadsgodtgjersle for Bustadkjøparforsikring.

Forsikringsselskap

IF

Avgiftsbeskrivelse

Dei kommunale avgiftene gjeld tilsyn med spreidd avlaup. Renovasjon er ikkje inkludert og vert fakturert separat. Fritidsabonnement frå NoMil er ca kr. 2.600 per år. Kommunale gebyr er ein kombinasjon av forskot, abonnement og enkeltgebyr fakturert etter levert teneste. Kommunen kjenner ikkje samla gebyr for ein eigedom for eit år før året er omme.

Moderniseringer og påkostninger

Følgjande moderniseringar er utførte dei seinare åra: 2023: - Montert luft-til-luft-varmepumpe 2022: - Montert ny kjøkkeninnreiing - Montert ny loftstrapp 2015: - Senking av kjellargolv i vestre del av kjellaren, isolering, støyping og framlegging av tekniske føringar 2012: - Nytt tilbygg med bad og vindfang, nytt yttertak, nye vindauge, nytt avløpssystem med bioreinseanlegg, samt nye vass- og avløpsrøyr - Ny elektrisk installasjon med nytt sikringsskap, utført av Løflo (samsvarserklæring ligg føre)

Betalingsbetingelser

Kjøpesum og alle kostnader skal vere innbetalt til meklar sin klientkonto før overtaking. Det føresetjast at skøyte blir tinglyst på ny eigar. Dersom kjøpar ikkje ønskjer heimelsoverføring av eigedommen til seg, må det takast atterhald om dette i bodet.

Adgang til utleie

Fritidsbustad med ei eining som fritt kan leigast ut i si heilskap. Delar av fritidsbustaden kan òg leigast ut, føresett at dette er ein del av den godkjende hovuddelen til fritidsbustaden med rom godkjende for varig opphald, og at den utleigde delen ikkje er fråskild som ei sjølvstendig bueining. Delar av bustaden er/har vore utleigd. Utleige av delar av eigen bustad er ikkje eit søknadspliktig tiltak i seg sjølv, men dette føreset at bruken av areala er i tråd med tidlegare godkjenningar. I dette tilfellet er sekundærrom innreidd til burom utan at dette er byggemeldt og godkjent av kommunen. Dette er søknadspliktige tiltak, og vidare bruk av arealet i strid med tidlegare godkjenningar er kjøparen sitt ansvar og risiko. Kjøpar må sjølv ta eventuelle konsekvensar ved ulovleg bruk/utleige. Kontakt meklar.

Radon

Det er ikkje utført radonmåling og det er heller ikkje krav til dette, for meir informasjon vedrørande radon sjå www.dsa.no. Kjøpar overtek frå overtakingsdagen ansvaret for eventuelle utbetringstiltak som seinare må setjast i gang og betalast.

Sentrale lover

Eigedomen vert seld etter reglane i avhendingslova. Salsoppgåva er basert på dei opplysningane seljar har gitt til bygningsakkyndig og meklar, samt opplysningar innhenta frå kommunen, Statens kartverk og andre tilgjengelege kjelder. Eigedomen skal overleverast til kjøpar i tråd med det som er avtalt. Det er viktig at kjøpar set seg grundig inn i alle salsdokumenta, med dette salsoppgåve, tilstandsrapport og seljar si egenerklæring. Kjøpar vert sett på som kjent med forhold som er tydeleg beskrive i salsdokumenta. Forhold som er beskrive i salsdokumenta kan ikkje påberopast som manglar. Dette gjeld uavhengig av om kjøpar har lest dokumenta. Alle interessentar vert oppmoda til å undersøkje eigedomen nøye, gjerne saman med fagkyndig før bod vert gjeve. Kjøpar som vel å kjøpe usett kan ikkje gjere gjeldande som mangel noko han burde blitt kjent med ved undersøkinga. Dersom det er behov for avklaringar, anbefalar vi at kjøpar rådfører seg med eigedomsmeklar eller ein bygningsakyndig før det vert lagt inn bod.   Dersom kjøpar ikkje er forbrukar seljast eigedomen «som den er», og seljar sitt ansvar er då avgrensa jf.§ 3-9 1. ledd 2. pkt. Informasjon om kjøpar si undersøkingsplikt, med dette oppmoding om å undersøkje eigedomen nøye, gjeld og for kjøparar som ikkje vert vurdert som forbrukarar.  På grunn av ulike avtalevilkår kan seljar vurdere bod frå ein som ikkje er forbrukar, ulikt frå ein forbrukar sitt bod. Dersom kjøpar ikkje er forbrukar, er seljar sitt mulege mangelsansvar avgrensa fordi eigedomen vert seld "som den er".  Seljar kan ikkje ta «som den er» atterhald ovanfor ein forbrukarkjøpar. Sjølv eit lågare bod frå ein som ikkje er forbrukar kan foretrekkast fordi avgrensinga i muleg mangelsansvar kan ha eigenverdi for seljar. Seljar står fritt til å forkaste eller akseptere eitkvart bod, og pliktar til dømes ikkje å akseptere høgste bod.  Bodgjevarar får informasjon dersom andre bod er gjeve av ein som ikkje er forbrukar.  Forbrukarkjøp - definisjon: Med forbrukarkjøp meinast kjøp av eigedom når kjøparen er ein fysisk person som ikkje hovudsakleg handlar som ledd i næringsverksemd. Forbrukar - avtalevilkår: Eigedomen har ein mangel dersom den ikkje er i samsvar med krava som følgjer av avtalen, eller det ligg føre brot på bestemmingane i avhendingslova §§ 3-2 til 3-8. Dersom eigedomen ikkje er i samsvar med det kjøparen må kunne vente ut frå alder, type og synleg tilstand, kan det vere grunnlag for mangelskrav. Det same gjeld dersom det er halde tilbake eller gitt urette opplysningar om eigedomen. Dette gjeld likevel berre dersom ein kan gå ut frå at det virka inn på avtalen at opplysningen ikkje vart gitt eller at feil urette opplysningar ikke blir retta i tide på ein tydeleg måte. Ein bustad som har blitt brukt i ei viss tid, har vanlegvis blitt utsett for slitasje og skadar kan ha oppstått. Slik bruksslitasje må kjøpar rekne med, og det kan avdekkast enkelte forhold etter overtakinga som gjer det naudsynt med utbetringa utbedringar. Normal slitasje og skadar som gjer det naudsynt med utbetring, er innanfor kva kjøpar må vente og vil ikkje utgjere ein mangel. Bustaden kan ha ein mangel etter avhendingslova § 3-3 dersom det er avvik mellom opplyst og faktisk innvendig areal, forutsett at avviket er på 2 % eller meir og minimum 1 kvm. Ved berekning av eit eventuelt prisavslag eller erstatning må kjøpar sjølv dekke tap/kostnader opptil eit beløp på kr 10 000 (eigendel). Ikkje - forbrukar (næringsdrivande) – definisjon: Dersom kjøpar er ein juridisk person, eller ein fysisk person som hovudsakeleg handlar som ledd i næringsverksemnd, vil kjøpet ikkje bli sett på som eit forbrukarkjøp.  Ikkje - forbrukar – avtalevilkår: Eigedomen har ein mangel dersom den ikkje er i samsvar med krava som følgjer av avtalen. Eigedomen vert seld «som den er», og seljar sitt ansvar utover det konkret avtalte er då avgrensa etter avhendingslova § 3-9, første ledd andre setning.  Avhendingslova § 3-3 andre ledd vert fråviken, og korvidt arealsvikt i bustaden utgjer ein mangel vert vurdert etter avhendingslova § 3-8.  Ein føresetnad for salet er at skøyet for eigedomen vert tinglyst på kjøpar. Interessentar og kjøpar må godta at seljar og meklar brukar elektronisk kommunikasjon i salsprosessen. I trå med eigedomsmeklingsforskrifta vil informasjon om oppdragsgivar, salsobjektet, interessentar og kjøpar bli lagra av meklarføretaket i min. 10 år. Sjå em1.no for meir informasjon om handsaminga vår av personopplysningar.

Personopplysningsloven

Vi gjer interessentar og kjøparar merksame på at vi vil handsame, etter personopplysingslova, personopplysningane dine i den utstrekning dette er naudsynt for å oppfylle våre lovpålagte plikter, med dette for å kunne gjere kundekontroll etter kvitvaskingslova samt for å utføre oppgåver som vi er pålagt etter eigedomsmeklingslova.

Kommunalinfo

• Kommunale avgifter: kr 2 650
• Eiendomsskatt: kr 2 149
• Informasjon om eiendomsskatt: For bustadeigedomar og fritidseigedomar er eigedomsskatten 3,1 promille(sjekk din kommune). For alle bustadeigedomar og fritidseigedomar utgjer eigedomsskattegrunnlaget 70 prosent av skattetaksten for slike eigedomar, jf. eigedomsskattelova § 8 A-2. Eigedomsskatten 7 promille(sjekk din kommune) for næringseigedom, energianlegg (kraftanlegg og kraftnettet), naust, tomter (bustad, fritid, næring og naust) og særskilde skattegrunnlag (jf. overgangsregel i eigedomsskattelova).