Falkensteinsvegen 64

Last ned salgsoppgave for komplett informasjon om eiendommen

Registerbetegnelse

Informasjon borettslag / sameie

Vedtekter / Husordensregler:
Eigar pliktar å gjere seg kjent med vedtekter og eventuelle husordensreglar. Desse ligg vedlagt salsoppgåva.

Dyrehold:
Husdyrhald er tillete etter vedtektene til sameiget/burettslaget. Det kan vere knytt vilkår til husdyrhaldet i vedtektene/husordensreglane. Dette må avklarast med styret til sameiget/burettslaget.

Styregodkjennelse:
Det krevjast ikkje godkjenning frå styret, kun eigarskiftemelding.

Forkjøpsrett:
Det er ingen forkjøpsrett på eigedomen.

Felleskostnader

kr 1 800 pr. mnd.

Felleskostnader inkluderer

Forsikring, brøyting, breiband (grunngebyr), felles straum og vedlikehald fellesareal.

Forsikringspolise

958655

Areal

BRA: 140 m²
BRA-i: 132 m²
BRA-e: 8 m²
TBA: 43 m²

Arealene er oppgitt av bygningssakkyndig på grunnlag av NS3940(2023). Internt bruksareal (BRA-i) er areal innenfor boligens omsluttende vegger. Det er for eksempel stue, soverom, kjøkken, entré, bad, loftsrom, innvendig bod og ganger mellom disse. Dersom boligen består av en bruksenhet med flere selvstendige boenheter, skal de selvstendige boenhetene kategoriseres som BRA-i. Et eksempel på dette kan være en enebolig med adskilt utleieenhet. Eksternt bruksareal (BRA-e) er for eksempel en ekstern bod, kjellerstue med egen inngang, gjesterom, tilleggsbygg eller andre rom som tilhører boenheten, men som ikke er direkte tilknyttet det interne arealet. Tilleggsbygg kan være for eksempel garasje, naust eller utvendig bod. Innglasset balkong (BRA-b) er innglassede balkonger, verandaer og altaner som disponeres av boenheten. Terrasse- og balkongareal (TBA) er arealet av terrasser, altaner, verandaer og åpne balkonger som er tilknyttet boenheten. Leilighetens gulvareal (GUA) er boligens samlede gulvareal og areal med lav takhøyde ALH er areal uten krav til minste himlingshøyde.

Nye regler for arealmåling gjelder fra 1.1.2024. Les mer om reglene.

Parkering

Seksjonen har fast parkeringsplass i felles carport. Sameiget har felles gjesteparkering.

Eiendom

Tomteareal er 2 248 m² på eiet tomt.

Sameige har felles tomt som utgjer omlag 2 134 m2. Seksjonen har eige hageareal som 114 m2. Opplyst tomteareal er samla areal for desse to. Arealet som ligg inntil seksjonen er flott opparbiedd med platting av belegningsstein ved inngangspartiet, areal med singeldekke, støttemur av betong, treterrassar, og hage med grøntareal med skjermbeplantning. Fellesarealet er normalt flott opparbeidd med leikeareal, støttemur, grøntareal, og asfalterte trafikk- og parkeringsareal.

Byggeår

2019

Innhold

Bustaden går over tre plan med følgande innhald: 1. etasje: Entrè, bad, og stove/kjøkken med utgang til vestvendt terrasse og hage. Ved innganspartiet er det bod med utvendig tilkomst. 2. etasje: Stove og to soverom. Frå stova er det utgang til terrasse på omlag 26 kvm. Underetasje: gang, bad/vaskerom, bod og to soverom. Frå eit av soveromma er det utgang til terrasse og hagen. I tillegg disponerer bustaden carport i gata. Carporten er klargjort for installasjon av elbilladar.

Standard

Eigedomen har fint opparbeids fellesområder. Her er det asfaltert tilkomst veg gjennom tunet, med carportar i bakre del av gata. Frå carporten er det få steg til inngangsparti med smartlås i inngangsdøra og praktisk bod med utvendig tilkomst. Bustaden ligg fint plassert fremst mot utsikta. Sørvestvendt plassering gir svært gode soltilhøve og eigedomen har fleire fine uteplassar å nyte det frå. Inngangsdøra ledar inn til til romsleg entrè med flislagt golv og varmekablar. Her er det god garderobeplass og praktisk plassert bad på høgre hand. Badet har flislagt golv med varmekablar og tidlause våtromsplater på veggane. Innreiing består av servant med skuffer, speglskåp med lys, vegghengt wc og dusj med innfellbare dører. Dusjen har nedsenka golv med mosaikkflisar. Badet har vindauge og led-basert belysning. Frå entrèen stig du vidare inn til stova og kjøkkenet som saman utgjer eit flott opphaldsrom. Her er det fint ein-stavs parkettgolv med varmefolie under og elles slette overflater med listefrie overgangar mellom veggar og himling. Over spiseplassen og kjøkkenet er det led-downlights i himlinga. Det er montert stor kjøkkeninnreiing frå kvalitetsleverandøren Huseby. Innreiinga har slette frontar og laminert benkeplate. Integrerte kvitevarer består av steikeomn, induksjonstopp og oppvaskmaskin. Frittståande kjøleskåp følgjer med i handelen. På veggflatene bak vasken og induksjonstoppen er montert fine sprutskjermar. Kjøkkenet er forlenga med fin sittebenk med oppbevaringsplass under. Her er det god arbeids- og oppbevaringsplass. Ved vindauga er det fin plass til spisegruppe med storslått utsikt over dalføret. I vestenden er det fint lysinnslepp frå skyvedør av glas, vedom og fin sitteavdeling. Skyvedøra ledar ut til overbygd terrasse med gode soltilhøve og flott utsikt. Frå opphaldsrommet er det trapp ned til underetasjen og opp til 2.etasje. I 2.etasje stig du opp til loftstova som er nytta som tv-stove. Her er det plass til stor sittegruppe. I tv-stova er det fint parkettgolv, slette overflater med listefri overgang mellom veggar og himling. Led-downlights i himlinga gir god belysning og skyvedør av glas gir godt lysinnslepp. Stova er luftig og usjenert. Terrassen strekk seg langs baksida og fram langs vestsida av bustaden. Her er det fint rekkverk av glas/stål og praktisk oppbevaringskott i enden. I fremre del er det flott utsikt over dalføret, i bakre del er det utsikt over tunet og leikeplassen. Tilbake i tv-stova er det tilkomst til to soverom i front av bustaden. Begge soveromma har parkettgolv og slette overflater. Eit av soveromma her stort vindauge som går heilt i golvet med storslått utsikt over dalføret. Det andre har flott vindauge mot vest. I underetasjen stig du ned til gang med parkettgolv og varmekablar, som har tilkomst til bad/vaskerom, bod og to soverom til. Badet er romsleg og har flislagt golv med varmekablar, fine våtromsplater på veggane og led-downlights i himlinga. I dusjsona er golvet senka med mosaikkflisar. Innreiing består av vegghengt wc, høgskåp, servant med skuffer, speglskåp med lys, badekar og dusj med innfellbare dører. Dusjarmaturet har både himmel- og handdusj. I enden av badet er det takhøge skyvedører som ledar inn til fin vaskeromsavdeling i tilsvarande utføring. Her er det montert benkeplate med vask, som har skåp og plass til vaskemaskin under. Over benken er det montert oppbevaringsskåp. Boda har god oppbevaringsplass og husar tekniske installasjonar. I front ligg dei to siste soveromma vegg i vegg. Det eine har vore nytta som barnerom. Begge soveromma har parkettgolv med varmekablar og elles slette overflater. Hovudsoverommet har led-downlights i himlinga, takhøg skyvedørsgarderobe, og utgang til terasse og hagen. Terrassen og hagen er omkransa av flott hekk og er svært usjenert. Det er montert levegg mot naboen, stikkkontakter og utelampe. Bustaden har røyr i røyr, automatsikringar, fiberkabel, sentralstøvsugar, seriekopla brannvarsling og smartlås i inngangsdøra. Flott og påkosta bustad som framstår velhalde og innflyttingsklar. Omsetning av brukt eigedom Ein brukt eigedom vil som regel ikkje vere i same stand som om den var ny. Tekniske krav, type bustad, teknikk og skikkar endrar seg over tid. Bruksslitasje og ytre forhold kan gjere at tilstanden blir dårlegare etter kvart, sjølv om det ikkje er synleg. Kjøparar kan ha mindre forventningar til eldre bustader enn nye, og det kan vere skadar eller feil som ikkje er beskrive, men som seljar likevel ikkje kan haldast ansvarleg for. Normal bruksslitasje er ikkje ein mangel, og det er ikkje sikkert at det som opplevast som ein feil ved ein eigedom er ein mangel i rettsleg forstand. Det er difor viktig å setje seg grundig inn i tilstanden på den eigedomen ein vil kjøpe.

Hvitevarer

Integrerte kvitevarer i kjøkkenet følgjer med i handelen. Øvrige kvitevarer følgjer ikkje med, utan avtale om dette. Desse vert levert utan nokon form for garantiar, ut over eventuell gjenverande leverandørgaranti.

Adkomst

Bustaden har lett tilkomst frå offentleg veg og sameiget sitt fellesareal.

Byggemåte

Informasjonen er henta frå vedlagte tilstandsrapport, datert 12.05.2026. Bygning: Endeseksjon i vertikaldelt rekkjehus, oppført i 2019. Bustaden går over tre plan (underetasje, 1. og 2. etasje) og er oppført i tradisjonell konstruksjon. Grunnmur av betong med innvendig isolert utforing, og ringmur av ringmurselement utstøpt med betong. Ytterveggar er av bindingsverk med utvendig kledning av royalimpregnert trepanel. Skiljeveggar mellom bueiningane er av bindingsverk, utført som lyd- og branncellekonstruksjon. Etasjeskilje er av tredekke. Golv i underetasjen er betongplate på grunn. I rom under terreng er golv mot grunn av betong, og grunnmur/ytterveggar mot terreng er av betong med innvendig isolert utforing av trekonstruksjon. Tak: Takkonstruksjon med flatt tak med parapet, oppbygd av trekonstruksjon med avrenning til taksluk og innvendige nedløpsrør av plast. Overløp gjennom parapet. Taktekkinga er av PVC-takbelegg til parapet med lakkerte metallbeslag. Heile takkonstruksjonen er gjenkledd og kan ikkje nærmare kontrollerast. Pipe/Ildstad: Peisomn/vedomn i stova, montert på glasplate. Stålpipe er montert utvendig på vegg. Vindauge: Vindauge i treverk med 3-lags glas, innvendig med måla overflater/karmar og utvendig med heildekkande aluminiumsbeslag. Dører: Inngangsdør i entréen er i treverk med måla overflater, 2-lags glas og smartlås. Terrasseskyvedør i stove/kjøkken og i stova i 2. etasje er i treverk med 3-lags glas, innvendig med måla overflater og utvendig med aluminiumsbeslag. Terrassedør i underetasjen er i treverk med 3-lags glas, innvendig med måla overflater og utvendig med aluminiumsbeslag. Inngangsdør i sportsboda er i treverk med måla overflater og 2-lags glas. Det er ein glasbaldakin på veggbrakett over inngangsdørene i 1. etasje. Innvendige dører har måla slette overflater. Trapper/adkomst: Innvendige trapper har måla vangar, spilerekkverk og handløpar langs vegg, og med beisa trinn med teppematter. Balkong/terrasse: Takterrasse/altan i plan med 2. etasje på ca. 26 m² er i trekonstruksjon med tekking av PVC-belegg og dekke av royalimpregnerte terrassebord, med rekkverk i stål med glasplater. Det er ei overbygd treterrasse i plan med 1. etasje på ca. 10 m² med dekke av royalimpregnerte terrassebord. Det er ein terrasse på terreng i plan med underetasjen på ca. 7 m² med royalimpregnerte terrassebord. Det er eit plassbygd skap på terrassen i 2. etasje, av enkel trekonstruksjon med tekking av takpapp. VVS-installasjonar: Bustaden er tilknytt kommunalt vassverk og avløpsanlegg via sameiget sine private stikkleidningar. Vassrør med rør-i-rør-system, der rørsentralen er installert i veggmontert skap i bad/vaskerom i underetasjen. Avløpsrør er av plast. Varmtvasstank med volum på 194 liter. Det er ein utvendig hagekran. Ventilasjon: Bustaden har balansert ventilasjon med varmegjenvinnar, der aggregatet er plassert i boda i underetasjen. Bada har avtrekk via balansert ventilasjon. Kjøkkenet har ventilator for avtrekk. Sportsboda har veggventilar for naturleg ventilering. Tekniske detaljar: Oppvarming består av elektrisk golvvarme med varmekabel i våtromma, entréen, soveromma og gangen i underetasjen. Det er varmefolie i golvet i stove/kjøkken. I tillegg er det ein peisomn i stova. Bustaden har sentralstøvsugar installert i boda i underetasjen. Parkeringsplass i felles carport: Seksjonen har fast parkeringsplass i felles carport. Bygget har grunnmur og fundament av betong og taktekking av papp. Elektrisk anlegg er installert og tilrettelagt for eventuell montering av ladeboks for elbil. Det elektriske anlegget er frå 2019 og er utført av registrert elektroinstallasjonsverksemd. Anlegget har skjult installasjon, og oppvarming med elektrisk golvvarme og varmefolie. Alle bygningsdelar og installasjonar har avgrensa levetid. Konstruksjonane er bygd etter lov og forskrift som tek utgangspunkt i byggeåret og vil normalt ikkje tilfredsstille krava i dag. Med omsyn til den tekniske standarden på bygningane vert det vist til vedlagde tilstandsrapport fra takstmann Bjarte Roska datert 12.05.2026, der enkelte bygningselementer har oppnådd tilstandsgrad 2 (TG2) og konstruksjonar som ikkje er undersøkt (TGIU). Interessentar vert oppmoda til å sette seg grundig inn i desse punkta samt eigenerklæringa som ligg ved salsoppgåva før det vert lagt inn bod på eigedomen. Meklar gjer elles merksam på kjøpar si undersøkingsplikt med heimel i avhendingslova. Nedanfor finn ein ei kort oppsummering av det den bygningssakyndige har beskrive av avvik ved bustaden som har fått tilstandsgrad 2 (TG 2) OG TG IU (Ikkje undersøkt). TG2 med avvik som kan krevje tiltak: - Utvendig > Veggkonstruksjon: Utvendig veggkledning har generelt lite avstand til terreng og terrasse-/altandekke, og vil vere utsett for fuktslitasje og groe i nedre del av kledningen. - Utvendig > Balkongar, terrassar og rom under balkongar: Ytterste delen av terrassen i plan med 1. etasje har gjerde med høgde på ca. 90 cm, som er under forskriftskravet. Dekkbordet på toppen av trerekkverket er dårleg festa og tresøyla under takoverbygget er ikkje overflatebehandla. - Tekniske installasjonar > Ventilasjon: Varsellampe for filterskifte i aggregatet lyser. - Underetasje Bad/vaskerom > Overflater vegger og himling: I hjørneprofilen ved badekaret er det slark i våtromspanelen grunna manglande fuging. - Underetasje Bad/vaskerom > Overflater Golv: Høgdeskilnaden mellom døra og sluken under badekaret og sluken i vaskeromssona er under minimumskravet på 25 mm. - 1. Etasje Bad > Overflater Golv: Det er registrert lokale område med bom under enkelte golvfliser grunna manglande vedheft. TGIU - Konstruksjonar som ikkje er undersøkte: - Utvendig > Takkonstruksjon/Loft: Heile takkonstruksjonen er gjenkledd og kan ikkje nærmare kontrollerast. - Innvendig > Overflater - 1: Sportsboda var låst og kunne ikkje kontrollerast. Helse, miljø og sikkerhet: - Det er ikkje lagt fram dokumentasjon for radonsikring. Gjerde ved terrassen i plan med 1. etasje har ikkje forskriftsmessig høgde. Oppsummeringa over er ikkje uttømmande, og du vert oppmoda til å lese og setje deg grundig inn i alt salsmateriell. For ordens skuld nemner vi at TGIU står for «tilstandsgrad ikkje undersøkt», til dømes fordi ein del av bygget ikkje har vore tilgjengeleg for inspeksjon. Desse delane kan dermed ha feil eller manglar som ikkje er avdekte.

Eiendomstype

Rekkehus

Oppvarming

- Peisomn i stove/kjøkken med utvendig stålpipe. - Varmekablar i våtromma, golvet i entrèen, soveromma i underatsje og gangen i underetasje. - Varmefolie i golvet i stove/kjøkken.

Strømforbruk

Familien som bur i bustaden hadde eit straumforbruk på 12 799 kWh i 2024. Straum og nettleige etter eige forbruk. Meklar gjer merksam på at desse utgiftene er knytt til dagens eigar og at desse vil kunne endre seg med omsyn til anna bruk av bustaden enn i dag eller andre avtalar med leverandørar.

Vei, vann og avløp

Offentleg veg til sameiget sitt fellesareal. Eigedommen er tilknytta kommunalt vass- og avløpsanlegg via sameiget sine private stikkleidningar.

Meglers plikt til å stanse gjennomføring av en handel

Eigedomsmeklarar er underlagd lov om kvitvasking og pliktar å rapportere til Økokrim om mistenkelege transaksjonar. Lov om kvitvasking har og strenge reglar om kontroll av legitimasjon frå alle partar i handelen, med dette, seljar, kjøpar og fullmektigar for desse.

Budgivning

Alle bod skal gjevast skriftleg og legitimert til meklar, som formidlar desse vidare til seljar. Dette gjer ein enkelt elektronisk ved å klikke på "gi bud" knappen på hjem.no, finn.no, via eiendomsmegler1.no eller på bodskjema vedlagt salsoppgåva. Meklar skal så snart som muleg stadfeste skriftleg ovanfor bodgjevar at bod er motteke og formidle det vidare til seljar.    Bod må ikkje ha kortare akseptfrist enn kl. 12.00 første virkedag etter siste annonserte vising. Bod med kortare frist enn dette kan ikkje formidlast av meklar.    Meklar pliktar å leggje til rette for ei forsvarleg avvikling av bodrunden. For at boda skal kunne bli handsama bør dei ikkje ha ein kortare akseptfrist enn 30 minutt frå bodet er gjeve. Bod som vert gjeve etter normal arbeidstid vert handsama/formidla påfølgjande arbeidsdag.    Meklar tek ikkje ansvar for forseinkingar på på el-anlegg eller telenettet.   Under bodrunden kan akseptfristen kortast ned ved mottaking av nye bod. Akseptfristen frå kjøpar er absolutt. Det betyr at dersom seljar vel å akseptere bodet, må kjøpar meddelast aksepten innan akseptfristen går ut. Dersom du utset å gje inn bod til tett opp mot akseptfristen er det ei reell fare for at eigedomen kan bli seld før bodet ditt kjem fram til meklar. Ein syner elles til "Forbrukarinformasjon om bodgjeving", som også er ein del av salsoppgåva.   Kjøpar er utanlandsk statsborgar Dersom ein kjøpar er utanlandsk statsborgar krevjast det at ein har D-nummer til erstatning for norsk personnummer. Meklar rekvirerer dette samstundes som skøyte vert sendt inn til tinglysing hjå Kartverket. Skøytet vert så liggande hjå Kartverket fram til kjøpar har fått D-nummer av  skatteetaten. Deretter vert skøytet tinglyst. Denne prosessen vil ofte medføre at oppgjer og  utbetaling til seljar vert forseinka med nokre veker. Kjøpar må i desse tilfella enten ta atterhald i  b od om forseinka utbetaling til seljar, eller vere budd på å dekke forseinkingsrenter. Kontakt  ansvarleg meklar for informasjon før bodgjeving.

Overtakelse

Overtaking etter avtale. Legg inn ønskje om overtakingsdato ved bodgjeving. Mellom aksept av bod og tidspunktet for overtaking er det ikkje høve til å synfare eigedomen. Vi tilrår difor interessentar til å naudsynte mål og liknande på visinga.

Boligselgerforsikring

Seljar har teikna bustadseljarforsikring som er framforhandla av Söderberg & Partners AS. Forsikringa dekkjer seljar sitt ansvar etter avhendingslova, med dei avgrensingane som følgjer av forsikringsvilkåra og er avgrensa til salssummen til eigedomen, men oppad avgrensa til kr. 14 000 000,-. Seljar har i den samanhengen utarbeidd ei eigenerklæring om eigedomen. Eigenerklæringa ligg vedlagt salsoppgåva og interessentar vert oppmoda til å gjere seg kjend med denne før bodgiving/kjøp. Bustadseljarforsikringa sørgjer for at kjøpar kan forhalde seg til ein profesjonell og søkegod motpart som handterer eventuelle reklamasjonar fagleg og ryddig. Dersom kjøpar ikkje har teikna bustadkjøparforsikring kan hen reklamere direkte til Claims Link (tlf 67 83 51 30 eller post@claimslink.no), som representerer bustadseljarforsikringa til seljar.   Av vilkåra går det fram unntak i forsikringsdekninga, til dømes ved nye forhold som oppstår mellom aksept og overtaking. Garantiar/lovnader der seljar har påteke seg ansvar for eigenskapar ved eigedomen eller dokumentasjon av slike, vert ikkje dekt. I nokre tilfelle er det heller ikkje dekning der seljar har opptrådt forsettleg eller grovt aktlaust. Forsikringa omfattar heller ikkje ein redusert bustadverdi som skuldast skadedyr/insekt, til dømes skjeggkre/perlekre/sølvkre, veggdyr, pelsbiller, maur, borebiller og tilsvarande. I samsvar med lov og rettspraksis må det reklamerast “innan rimeleg tid”. Det vert tilrådd å reklamere umiddelbart/snarast mogleg og seinast innan 2 månader frå forholdet vart/burde vorte oppdaga.   Dersom kjøpar utbetrar mangelskrav på eiga hand, kan dette medføre at reklamasjonsretten vert tapt.

Boligkjøperforsikring

Vedlagt i salsoppgåva følgjer informasjon om Bustadkjøparforsikring Pluss og Bustadkjøparforsikring frå HELP Forsikring AS. Bustadkjøparforsikring er ei rettshjelpsforsikring som gir tryggleik og profesjonell juridisk hjelp dersom det blir oppdaga uventa feil eller manglar ved bustaden dei neste fem åra. Bustadkjøparforsikring Pluss har same dekning som bustadkjøparforsikring + fullverdig advokathjelp på viktige rettsområde i privatlivet. Les meir om begge forsikringane i vedlagde materiell eller på help.no. Det blir gjort merksam på at meklarføretaket mottar kr 1 900 / 2 600 / 2 600,- (avhengig av bustadtype) i kostnadsgodtgjersle for kvar forsikringsavtale som blir formidla på Bustadkjøparforsikring Pluss og kr 2 900 ,- / 3 600,- / 3 600,- i kostnadsgodtgjersle for Bustadkjøparforsikring.

Forsikringsselskap

Frende

Avgiftsbeskrivelse

Dette inkluderer renovasjon, vatn- og avlaupsavgifter og feiing. Den totale årlege kostnaden vil variere etter eige forbruk. Fastpris: 5 880,- inkludert mva frå 01.01.2026.   Dette er ein årleg kostnad som vil vere lik for alle bueiningar. Grunngebyret dekkjer henting, handsaming og vidare transport av matavfall, restavfall, papp/papir, plast-, glas- og metallemballasje, samt administrasjonskostnadar knytt til renovasjon.

Betalingsbetingelser

Kjøpesum og alle kostnader skal vere innbetalt til meklar sin klientkonto før overtaking. Det føresetjast at skøyte blir tinglyst på ny eigar. Dersom kjøpar ikkje ønskjer heimelsoverføring av eigedommen til seg, må det takast atterhald om dette i bodet.

Fasiliteter

Adgang til utleie

Sameiget har ingen begrensingar i forhold til utleige. Styret må likevel varslast. Det følgjer av eigarseksjonslova § 24 at utleige over kort tid av heile bustadseksjonen i meir enn 90 døgn årlie ikkje er tillate. Med utleige over kort tid meiner ein utleige inntil 30 døgn samanhengande. Grensa på 90 døgn kan fråvikast i vedtektene.

Radon

Med omsyn til byggeåret er truleg bustaden oppført med radonsperre mot grunnen, men det er ikkje framlagt dokumentasjon på utføring av radonsperre, eller radonmåling.

Sentrale lover

Eigedomen vert seld etter reglane i avhendingslova. Salsoppgåva er basert på dei opplysningane seljar har gitt til bygningsakkyndig og meklar, samt opplysningar innhenta frå kommunen, Statens kartverk og andre tilgjengelege kjelder. Eigedomen skal overleverast til kjøpar i tråd med det som er avtalt. Det er viktig at kjøpar set seg grundig inn i alle salsdokumenta, med dette salsoppgåve, tilstandsrapport og seljar si egenerklæring. Kjøpar vert sett på som kjent med forhold som er tydeleg beskrive i salsdokumenta. Forhold som er beskrive i salsdokumenta kan ikkje påberopast som manglar. Dette gjeld uavhengig av om kjøpar har lest dokumenta. Alle interessentar vert oppmoda til å undersøkje eigedomen nøye, gjerne saman med fagkyndig før bod vert gjeve. Kjøpar som vel å kjøpe usett kan ikkje gjere gjeldande som mangel noko han burde blitt kjent med ved undersøkinga. Dersom det er behov for avklaringar, anbefalar vi at kjøpar rådfører seg med eigedomsmeklar eller ein bygningsakyndig før det vert lagt inn bod.   Dersom kjøpar ikkje er forbrukar seljast eigedomen «som den er», og seljar sitt ansvar er då avgrensa jf.§ 3-9 1. ledd 2. pkt. Informasjon om kjøpar si undersøkingsplikt, med dette oppmoding om å undersøkje eigedomen nøye, gjeld og for kjøparar som ikkje vert vurdert som forbrukarar.  På grunn av ulike avtalevilkår kan seljar vurdere bod frå ein som ikkje er forbrukar, ulikt frå ein forbrukar sitt bod. Dersom kjøpar ikkje er forbrukar, er seljar sitt mulege mangelsansvar avgrensa fordi eigedomen vert seld "som den er".  Seljar kan ikkje ta «som den er» atterhald ovanfor ein forbrukarkjøpar. Sjølv eit lågare bod frå ein som ikkje er forbrukar kan foretrekkast fordi avgrensinga i muleg mangelsansvar kan ha eigenverdi for seljar. Seljar står fritt til å forkaste eller akseptere eitkvart bod, og pliktar til dømes ikkje å akseptere høgste bod.  Bodgjevarar får informasjon dersom andre bod er gjeve av ein som ikkje er forbrukar.  Forbrukarkjøp - definisjon: Med forbrukarkjøp meinast kjøp av eigedom når kjøparen er ein fysisk person som ikkje hovudsakleg handlar som ledd i næringsverksemd. Forbrukar - avtalevilkår: Eigedomen har ein mangel dersom den ikkje er i samsvar med krava som følgjer av avtalen, eller det ligg føre brot på bestemmingane i avhendingslova §§ 3-2 til 3-8. Dersom eigedomen ikkje er i samsvar med det kjøparen må kunne vente ut frå alder, type og synleg tilstand, kan det vere grunnlag for mangelskrav. Det same gjeld dersom det er halde tilbake eller gitt urette opplysningar om eigedomen. Dette gjeld likevel berre dersom ein kan gå ut frå at det virka inn på avtalen at opplysningen ikkje vart gitt eller at feil urette opplysningar ikke blir retta i tide på ein tydeleg måte. Ein bustad som har blitt brukt i ei viss tid, har vanlegvis blitt utsett for slitasje og skadar kan ha oppstått. Slik bruksslitasje må kjøpar rekne med, og det kan avdekkast enkelte forhold etter overtakinga som gjer det naudsynt med utbetringa utbedringar. Normal slitasje og skadar som gjer det naudsynt med utbetring, er innanfor kva kjøpar må vente og vil ikkje utgjere ein mangel. Bustaden kan ha ein mangel etter avhendingslova § 3-3 dersom det er avvik mellom opplyst og faktisk innvendig areal, forutsett at avviket er på 2 % eller meir og minimum 1 kvm. Ved berekning av eit eventuelt prisavslag eller erstatning må kjøpar sjølv dekke tap/kostnader opptil eit beløp på kr 10 000 (eigendel). Ikkje - forbrukar (næringsdrivande) – definisjon: Dersom kjøpar er ein juridisk person, eller ein fysisk person som hovudsakeleg handlar som ledd i næringsverksemnd, vil kjøpet ikkje bli sett på som eit forbrukarkjøp.  Ikkje - forbrukar – avtalevilkår: Eigedomen har ein mangel dersom den ikkje er i samsvar med krava som følgjer av avtalen. Eigedomen vert seld «som den er», og seljar sitt ansvar utover det konkret avtalte er då avgrensa etter avhendingslova § 3-9, første ledd andre setning.  Avhendingslova § 3-3 andre ledd vert fråviken, og korvidt arealsvikt i bustaden utgjer ein mangel vert vurdert etter avhendingslova § 3-8.  Ein føresetnad for salet er at skøyet for eigedomen vert tinglyst på kjøpar. Interessentar og kjøpar må godta at seljar og meklar brukar elektronisk kommunikasjon i salsprosessen. I trå med eigedomsmeklingsforskrifta vil informasjon om oppdragsgivar, salsobjektet, interessentar og kjøpar bli lagra av meklarføretaket i min. 10 år. Sjå em1.no for meir informasjon om handsaminga vår av personopplysningar.

Personopplysningsloven

Vi gjer interessentar og kjøparar merksame på at vi vil handsame, etter personopplysingslova, personopplysningane dine i den utstrekning dette er naudsynt for å oppfylle våre lovpålagte plikter, med dette for å kunne gjere kundekontroll etter kvitvaskingslova samt for å utføre oppgåver som vi er pålagt etter eigedomsmeklingslova.

Kommunalinfo

• Kommunale avgifter: kr 16 315
• Eiendomsskatt: kr 5 859