Rennebakkane 1

Last ned salgsoppgave for komplett informasjon om eiendommen

Registerbetegnelse

Informasjon borettslag / sameie

Regnskap / Budsjett:
Meglar har kopi av budsjett og årsrekneskap. Desse kan interessentar få oversendt. Årsrekneskapen for 2024 vart godkjend på årsmøtet 20. mai 2025. På årsmøtet 20. mai 2025 vart det diskutert ei investering i sentralstyrt målaravlesing og energiavrekning. Avgjerda vart utsett i påvente av meir informasjon. Styret skal vurdere om det skal kallast inn til eit ekstraordinært årsmøte eller bebuarmøte om saka på eit seinare tidspunkt.

Vedtekter / Husordensregler:
Eigar pliktar å gjere seg kjend med vedtekter og eventuelle husordensreglar. Kopi av desse ligg vedlagt i salsoppgåva.

Dyrehold:
Årsmøtet kan med vanleg fleirtal fastsette husordensreglar. Sjølv om det vert fastsett forbod mot å halde husdyr, kan brukar av seksjonen halde dyr dersom gode grunnar talar for det, og dyrehaldet ikkje er til ulempe for dei andre brukarane av eigedomen.

Beboernes forpliktelser:
På årsmøtet 20. mai 2025 vart det vedteke å innføre betalt dugnad som ei eittårig prøveordning. Alle einingar betaler inn eit dugnadstilskot på 50 kr per månad, og dei som utfører dugnad får betalt 100 kr per time. Den enkelte sameigar i tomannsbustadene skal disponere og vedlikehalde utomhusarealet som naturleg ligg til sin seksjon.

Styregodkjennelse:
Kjøpar skal godkjennast av styret i sameiget. Dette kan ikkje nektast utan sakleg grunn.

Forkjøpsrett:
Det er ingen forkjøpsrett på eigedomen.

Felleskostnader

kr 2 226,91 pr. mnd.

Felleskostnader inkluderer

Totale fellesutgifter er på kr 2 226,91 per månad. Fellesutgiftene er fordelte slik: - Felleskostnader: kr 1 508,91 - Fiber og TV: kr 718,-

Forsikringspolise

1503012

Sikringsordning

Sameiget har for krav mot sameigaren, som følgjer av sameigeforholdet, panterett i kvar seksjon med eit beløp som til kvar tid er lik to gonger grunnbeløpet i folketrygda, jf. eigarseksjonslova § 31.

Etasje

3

Parkering

Seksjonen disponerer ein parkeringsplass i felles, lukka garasjeanlegg i underetasjen. Det er installert elbilladar på plassen. Sameiget har òg gjesteparkering. For bruk av elbilladarane krevast abonnement som medfører fastekostnader for brukar.

Eiendom

Tomteareal er 10 870 m² på eiet tomt.

Sameiget har ei eiga tomt på 10 869,9 m². Uteområdet er pent opparbeidd med grøntareal, grasplenar, vegetasjon, leikeplass og asfalterte trafikk- og parkeringsareal. Sameiget si tomt er fellesareal, dersom det ikkje er gjort nærare avtalar om bruk av tomta i vedtekter og seksjoneringsdokument. Den enkelte seksjonseigar i tomannsbustadene skal disponere og vedlikehalde utomhusarealet som naturleg ligg til sin seksjon. Vedlikehald av øvrige fellesareal er sameiget sitt ansvar.

Byggeår

2017

Innhold

Leilegheit i 3. etasje inneheld: Entré, stove/kjøkken i open løysing, bad/vaskerom, to soverom og ei innvendig bod. Frå stova er det utgang til ein vestvendt, overbygd terrasse på 12,7 m². På terrassen er det ein terrassebod på 3 m². I tillegg disponerer seksjonen ein sportsbod på 7 m² og ein parkeringsplass med elbilladar i felles, lukka garasjeanlegg i underetasjen. Det ligg føre godkjende og byggemelde teikningar, som samsvarar med dagens bruk. Dei oppgitte romma er definerte av bygningssakkyndig i samsvar med vedlagd rapport, basert på dagens faktiske bruk, uavhengig av kva som er godkjent av bygningsstyresmaktene.

Standard

Dette er ei leilegheit frå 2017 med heisadkomst til 3. etasje, gjennomgåande vassboren golvvarme og balansert ventilasjon. Bustaden har ein arealeffektiv planløysing som fordeler 62 m² på ein open stove- og kjøkkenløysing, to soverom, bad og ein praktisk innvendig bod. Frå stova er det utgang til ein overbygd, vestvendt terrasse på nesten 13 m². Standarden er heilskapleg og moderne, noko som gjer leilegheita enkel å vedlikehalde og flytte rett inn i. Entré: Døra opnar til ein entré med flislagt golv og vassboren varme. Rommet gir eit ryddig førsteinntrykk og har plass til oppbevaring av ytterklede og sko før du går vidare inn i leilegheita. Stove: Den opne løysinga mot kjøkkenet skaper eit sosialt og luftig hovudrom. Stova har ei takhøgd på 2,50 meter og laminatgolv med vassboren varme. Rommet er enkelt å møblere med plass til både sofagruppe og spisebord. Store vindauge og døra ut til terrassen gir godt med lys. Kjøkken: Kjøkkenet frå HTH er ein integrert del av stova, med slette, kvite frontar som gir eit reint uttrykk. Benkeplata i laminat har ein nedfelt oppvaskkum i stål og gir godt med arbeidsplass. Alle kvitevarer er integrerte: platetopp, steikeomn, oppvaskmaskin og kjøle-/fryseskap. Over kokesona er det ei avtrekkshette med belysning. Terrasse: Frå stova er det utgang til ein overbygd terrasse på 12,7 m². Plasseringa mot vest gir gode solforhold på ettermiddag og kveld. Terrassen har tregolv og rekkverk i glas, og fungerer som ein fin uteplass store delar av året. Her er det også ein praktisk terrassebod for ekstra lagring. Soverom: Leilegheita har to soverom, begge med laminatgolv og vassboren golvvarme. Hovudsoverommet har god plass til dobbeltseng og garderobeløysing. Det andre soverommet passar godt som barnerom, gjesterom eller kontor, alt etter behov. Bad/Vaskerom: Badet er funksjonelt innreia med keramiske flisar på golvet med vassboren varme, og våtromspanel på veggane. Rommet inneheld eit vegghengt toalett, dusj med svingdører i glas, og ei baderomsinnreiing med servant og spegelskap. Det er også eit høgskap for ekstra oppbevaring og opplegg for vaskemaskin. Ventilasjonen blir styrt via det balanserte ventilasjonsanlegget i bygget. Overflater: Golv: Flislagt golv i entré, laminatgolv i øvrige rom. Vegger: Måla slette overflater. Himling: Måla slette overflater og måla profilerte mdf-plater. Takhøgd i stove ca. 2,50 m, i øvrige rom ca. 2,4 m. Lagring: Leilegheita disponerer ein innvendig bod, ein terrassebod på ca. 3 m² og ein sportsbod på ca. 7 m² i fellesanlegget i underetasjen. Omsetning av brukt eigedom Ein brukt eigedom vil som regel ikkje vere i same stand som om den var ny. Tekniske krav, type bustad, teknikk og skikkar endrar seg over tid. Bruksslitasje og ytre forhold kan gjere at tilstanden blir dårlegare etter kvart, sjølv om det ikkje er synleg. Kjøparar kan ha mindre forventningar til eldre bustader enn nye, og det kan vere skadar eller feil som ikkje er beskrive, men som seljar likevel ikkje kan haldast ansvarleg for. Normal bruksslitasje er ikkje ein mangel, og det er ikkje sikkert at det som opplevast som ein feil ved ein eigedom er ein mangel i rettsleg forstand. Det er difor viktig å setje seg grundig inn i tilstanden på den eigedomen ein vil kjøpe.

Hvitevarer

Det vert gjort merksam på at det berre er dei integrerte kvitevarene på kjøkenet som fylgjer med i kjøpet. Kvitevarene vert leverte utan nokon form for garantiar, utover eventuell attverande leverandørgaranti.

Adkomst

Sjå kart i salsoppgåva for beskriving av tilkomst. Det vert skilta med EiendomsMegler 1-skilt ved fellesvising.

Byggemåte

Informasjonen er henta frå vedlagte tilstandsrapport, datert 10.04.2026. Bygning: Leilegheita ligg i 3. plan i ein seksjonert lågblokk som er del av eit større sameige. Bygningen vart oppført i 2017. Ytterveggane er av isolert bindingsverk, utvendig med kledning av royalimpregnert trepanel og fasadeplater. Skiljeveggane mellom seksjonane er i følgje framlagde teikningar av betong. Etasjeskilje av betongdekke. Grunnmur av betong. Tak: Takkonstruksjon med flatt tak og taktekking av membran. Vindauge: Vindauge med 2- og 3-lags glas, innvendig med malte overflater og utvendig med lakkert aluminiumsbeslag frå 2017. Dører: Inngangsdør frå felles gang i laminert treverk med malte overflater og kodelås. Terrassedør i treverk med 3-lags glas, innvendig med malte overflater og utvendig med lakkerte aluminiumsbeslag. Ytterdør i terrasseboden av laminert treverk med malte overflater. Innvendige dører er kvite rammedører. Dørene er frå 2017. Trapper/adkomst: Felles inngangsparti, gang og trapperom med flislagde golv og flislagde trapper. Det er heis og trapperom. Balkong/terrasse: Vestvendt overbygd terrasse på 12,7 m², oppbygd av betongdekke med royalimpregnert tregulv og glasrekkverk med høgde på 1,2 m. Terrassen er frå 2017. VVS-installasjonar: Vassleidningar med røyr-i-røyr system, med fordelarskap i veggmonterte skap. Avløpsrøyr av plast. Varmtvatn frå felles varmesentral. På badet er det plastsluk med klemring og synleg mansjett i overgang til tettesjikt av smørjemembran. Det er lekkasjevarsling under benkeskapa ved oppvaskbenken og oppvaskmaskin på kjøkkenet. Ventilasjon: Balansert ventilasjon med varmegjenvinnar. Aggregatet er plassert i innvendig bod. Badet har avtrekk via balansert ventilasjon. Kjøkkenet har avtrekkshette med integrert belysning. Tekniske detaljar: Vassboren golvvarme frå felles sentralvarmeanlegg basert på væske/vatn varmepumpe med energimålar for kvar seksjon. Det er vassboren golvvarme på bad/vaskerom. Bygningen har sprinkleranlegg og dørtelefon. Terrassebod: Bod på terrassen med golv av terrassebord, veggar med osb-plater og himling med betongdekke. Naturleg ventilering gjennom yttervegg. Elektrisk anlegg med skjult installasjon og fordelingstavle med automatsikringar. Forbruksmålar med fjernavlesing er plassert i eige skap i fellesarealet. Alle bygningsdelar og installasjonar har avgrensa levetid. Konstruksjonane er bygd etter lov og forskrift som tek utgangspunkt i byggeåret og vil normalt ikkje tilfredsstille krava i dag. Med omsyn til den tekniske standarden på bygningane vert det vist til vedlagde tilstandsrapport fra takstmann Bjarte Roska datert 10.04.2026, der enkelte bygningselementer har oppnådd tilstandsgrad 2 (TG2) og konstruksjonar som ikkje er undersøkt (TGIU). Interessentar vert oppmoda til å sette seg grundig inn i desse punkta samt eigenerklæringa som ligg ved salsoppgåva før det vert lagt inn bod på eigedomen. Meklar gjer elles merksam på kjøpar si undersøkingsplikt med heimel i avhendingslova. Nedanfor finn ein ei kort oppsummering av det den bygningssakyndige har beskrive av avvik ved bustaden som har fått tilstandsgrad 2 (TG 2) eller 3 (TG 3) OG TG IU (Ikkje undersøkt). TG2 med avvik som kan krevje tiltak: - Utvendig > Bygning fellesdel: Tilstandsrapporten for leilegheita inkluderer ikkje fellesdelen av bygningane til sameiget. TGIU - Konstruksjonar som ikkje er undersøkte: - Tekniske installasjoner > Varmesentral: Varmesentralen ligg i fellesdelen og er ikkje kontrollert. Oppsummeringa over er ikkje uttømmande, og du vert oppmoda til å lese og setje deg grundig inn i alt salsmateriell. For ordens skuld nemner vi at TGIU står for «tilstandsgrad ikkje undersøkt», til dømes fordi ein del av bygget ikkje har vore tilgjengeleg for inspeksjon. Desse delane kan dermed ha feil eller manglar som ikkje er avdekte.

Eiendomstype

Leilighet

Oppvarming

Oppvarminga er basert på felles sentralvarmeanlegg med væske/vatn-varmepumpe. Det er vassboren golvvarme i leilegheita, med unntak av i bod. På bad/vaskerom er det vassboren golvvarme i golvet med keramiske fliser. Røyrsentral for golvvarme er plassert i veggmontert skap på bad/vaskerom med eigen energimålar for seksjonen. Bustaden har balansert ventilasjon med varmegjenvinnar, der aggregatet er plassert i innvendig bod. Dersom rom ikkje har vegg- eller fastmonterte varmekjelder ved vising, følgjer dette heller ikkje med. Tilstandsrapporten beskriv den tekniske tilstanden til byggverket. Det er ikkje utført kontroll av dei elektriske installasjonane (el-takst) sjølv om bygningssakkunnig kan ha knytt kommentarar til el-anlegget ut frå heilt enkle vurderingskriterium. Sidan el-anlegget ikkje er kontrollert, er det ikkje usannsynleg at det seinare kan bli avdekt avvik frå dagens forskriftskrav og oppstå funksjonssvikt. Vidare må kjøpar vere førebudd på at det kan måtte gjerast oppgraderingar på grunn av slitasje, manglande vedlikehald, arbeid som er utført av ufaglærte, alder eller tekniske løysingar som ikkje held dagens standard. I Noreg er det ei av oppgåvene til «Det lokale eltilsynet» (DLE) å utføre tilsyn med elektriske anlegg i bustader og fritidsbustader. Alle bustader skal ha periodisk kontroll kvart 20. år, og hytter/fritidsbustader blir kontrollerte kvart 30. år. El-anlegget er ein bygningsdel som er gjenstand for konstant utvikling. Ein må difor rekne med at dagens anlegg ikkje nødvendigvis er dimensjonert for oppgradering av kjøkken med nye elektriske apparat eller rehabilitering av bad med varmekablar, samt installeringar for elbilladar.

Strømforbruk

Noverande eigar hadde eit samla straumforbruk på 4 970 kWt i 2025. A-konto forbruk av vassboren golvvarme og varmt tappevatn er inkludert i felleskostnadane og er ikkje medrekna.

Vei, vann og avløp

Vegen fram til tomtegrensa er offentleg. Vegane inne på eiga tomt blir vedlikehaldne gjennom sameiget. Vatn og avlaup til eigedomen er offentleg. Stikkleidning frå det offentlege nettet og inn til eigedomen blir vedlikehalden og reparert av sameiget.

Andel fellesformue

kr 9 404
Dette utgjør andelens fellesformue pr. 31.12.2025

Meglers plikt til å stanse gjennomføring av en handel

Eigedomsmeklarar er underlagd lov om kvitvasking og pliktar å rapportere til Økokrim om mistenkelege transaksjonar. Lov om kvitvasking har og strenge reglar om kontroll av legitimasjon frå alle partar i handelen, med dette, seljar, kjøpar og fullmektigar for desse.

Budgivning

Alle bod skal gjevast skriftleg og legitimert til meklar, som formidlar desse vidare til seljar. Dette gjer ein enkelt elektronisk ved å klikke på "gi bud" knappen på hjem.no, finn.no, via eiendomsmegler1.no eller på bodskjema vedlagt salsoppgåva. Meklar skal så snart som muleg stadfeste skriftleg ovanfor bodgjevar at bod er motteke og formidle det vidare til seljar.  Bod må  ikkje ha kortare akseptfrist enn kl. 12.00 første virkedag etter siste annonserte vising. Bod med kortare frist enn dette kan ikkje formidlast av meklar.  Meklar pliktar å leggje til rette for ei forsvarleg avvikling av bodrunden. For at boda skal kunne bli handsama bør dei ikkje ha ein kortare akseptfrist enn 30 minutt frå bodet er gjeve. Bod som vert gjeve etter normal arbeidstid vert handsama/formidla påfølgjande arbeidsdag.  Meklar tek ikkje ansvar for forseinkingar på el- eller telenettet. Under bodrunden kan akseptfristen kortast ned ved mottaking av nye bod. Akseptfristen frå kjøpar er absolutt. Det betyr at dersom seljar vel å akseptere bodet, må kjøpar meddelast aksepten innan akseptfristen går ut. Dersom du utset å gje inn bod til tett opp mot akseptfristen er det ei reell fare for at eigedomen kan bli seld før bodet ditt kjem fram til meklar. Ein syner elles til "Forbrukarinformasjon om bodgjeving", som også er ein del av salsoppgåva. Kjøpar er utanlandsk statsborgar Dersom ein kjøpar er utanlandsk statsborgar krevjast det at ein har D-nummer til erstatning for norsk personnummer. Meklar rekvirerer dette samstundes som skøyte vert sendt inn til tinglysing hjå Kartverket. Skøytet vert så liggande hjå Kartverket fram til kjøpar har fått D-nummer av  skatteetaten. Deretter vert skøytet tinglyst. Denne prosessen vil ofte medføre at oppgjer og  utbetaling til seljar vert forseinka med nokre veker. Kjøpar må i desse tilfella enten ta atterhald i  bod om forseinka utbetaling til seljar, eller vere budd på å dekke forseinkingsrenter. Kontakt  ansvarleg meklar for informasjon før bodgjeving.

Overtakelse

Overtaking etter avtale. Legg inn ønskje om overtakingsdato ved bodgjeving. Mellom aksept av bod og tidspunktet for overtaking er det ikkje høve til å synfare eigedomen. Vi tilrår difor interessentar til å naudsynte mål og liknande på visinga.

Boligselgerforsikring

Seljar har teikna bustadseljarforsikring som er framforhandla av Söderberg & Partners AS. Forsikringa dekkjer seljar sitt ansvar etter avhendingslova, med dei avgrensingane som følgjer av forsikringsvilkåra og er avgrensa til salssummen til eigedomen, men oppad avgrensa til kr. 14 000 000,-. Seljar har i den samanhengen utarbeidd ei eigenerklæring om eigedomen. Eigenerklæringa ligg vedlagt salsoppgåva og interessentar vert oppmoda til å gjere seg kjend med denne før bodgiving/kjøp. Bustadseljarforsikringa sørgjer for at kjøpar kan forhalde seg til ein profesjonell og søkegod motpart som handterer eventuelle reklamasjonar fagleg og ryddig. Dersom kjøpar ikkje har teikna bustadkjøparforsikring kan hen reklamere direkte til Claims Link (tlf 67 83 51 30 eller post@claimslink.no), som representerer bustadseljarforsikringa til seljar.   Av vilkåra går det fram unntak i forsikringsdekninga, til dømes ved nye forhold som oppstår mellom aksept og overtaking. Garantiar/lovnader der seljar har påteke seg ansvar for eigenskapar ved eigedomen eller dokumentasjon av slike, vert ikkje dekt. I nokre tilfelle er det heller ikkje dekning der seljar har opptrådt forsettleg eller grovt aktlaust. Forsikringa omfattar heller ikkje ein redusert bustadverdi som skuldast skadedyr/insekt, til dømes skjeggkre/perlekre/sølvkre, veggdyr, pelsbiller, maur, borebiller og tilsvarande. I samsvar med lov og rettspraksis må det reklamerast “innan rimeleg tid”. Det vert tilrådd å reklamere umiddelbart/snarast mogleg og seinast innan 2 månader frå forholdet vart/burde vorte oppdaga.   Dersom kjøpar utbetrar mangelskrav på eiga hand, kan dette medføre at reklamasjonsretten vert tapt.

Boligkjøperforsikring

Vedlagt i salsoppgåva følgjer informasjon om Bustadkjøparforsikring Pluss og Bustadkjøparforsikring frå HELP Forsikring AS. Bustadkjøparforsikring er ei rettshjelpsforsikring som gir tryggleik og profesjonell juridisk hjelp dersom det blir oppdaga uventa feil eller manglar ved bustaden dei neste fem åra. Bustadkjøparforsikring Pluss har same dekning som bustadkjøparforsikring + fullverdig advokathjelp på viktige rettsområde i privatlivet. Les meir om begge forsikringane i vedlagde materiell eller på help.no. Det blir gjort merksam på at meklarføretaket mottar kr 1 900 / 2 600 / 2 600,- (avhengig av bustadtype) i kostnadsgodtgjersle for kvar forsikringsavtale som blir formidla på Bustadkjøparforsikring Pluss og kr 2 900 ,- / 3 600,- / 3 600,- i kostnadsgodtgjersle for Bustadkjøparforsikring.

Forsikringsselskap

Storebrand Forsikring

Avgiftsbeskrivelse

Dei kommunale avgiftene er basert på prognose frå Sunnfjord kommune for 2026 og inkluderer vatn- og avlaupsavgifter. Renovasjon og feiing er ikkje inkludert i prognosen og kjem i tillegg. Kommunale gebyr er ein kombinasjon av forskot, abonnement og enkeltgebyr fakturert etter levert teneste. Kommunen kjenner ikkje samla gebyr for ein eigedom for eit år før året er omme. I tillegg kjem eigedomsskatt på kr 4 596,- for 2026.

Moderniseringer og påkostninger

Følgjande moderniseringar er utførte dei seinare åra: 2017: - Ny kjøkkeninnreiing (HTH) med integrerte kvitevarer. - Bad/vaskerom bygd med våtromspanel og fliser, innreidd med vegghengt klosett, dusj og baderomsinnreiing. Samsvarserklæring føreligg. - Elektrisk anlegg med skjult installasjon og automatsikringar. Samsvarserklæring føreligg. - Vassleidningar installert med rør-i-rør-system. - Oppvarmingssystem med vassboren golvvarme. - Balansert ventilasjonsanlegg med varmegjenvinnar. - Vindauge (2- og 3-lags glas) og dører (inngangsdør, terrassedør). - Innvendige overflater med fliser i entré, laminatgolv og måla veggar/himling. - Elbilladar installert på parkeringsplass.

Betalingsbetingelser

Kjøpesum og alle kostnader skal vere innbetalt til meklar sin klientkonto før overtaking. Det føresetjast at skøyte blir tinglyst på ny eigar. Dersom kjøpar ikkje ønskjer heimelsoverføring av eigedommen til seg, må det takast atterhald om dette i bodet.

Fasiliteter

Adgang til utleie

Korttidsutleige av heile bustadseksjonen i meir enn 90 døgn er ikkje tillate. Med korttidsutleige meinast utleige i inntil 30 døgn samanhengande. Grensa kan fråvikast i vedtektene og setjast til mellom 60 og 120 døgn. Utleige av seksjon må meldast til styret for godkjenning. Godkjenning kan berre nektast i det einskilde tilfelle når det ligg føre sakleg grunn til det.

Radon

Det er ikkje utført radonmåling på eigedommen. For meir informasjon om radon, sjå www.dsa.no/radon.

Sentrale lover

Eigedomen vert seld etter reglane i avhendingslova. Salsoppgåva er basert på dei opplysningane seljar har gitt til bygningsakkyndig og meklar, samt opplysningar innhenta frå kommunen, Statens kartverk og andre tilgjengelege kjelder. Eigedomen skal overleverast til kjøpar i tråd med det som er avtalt. Det er viktig at kjøpar set seg grundig inn i alle salsdokumenta, med dette salsoppgåve, tilstandsrapport og seljar si egenerklæring. Kjøpar vert sett på som kjent med forhold som er tydeleg beskrive i salsdokumenta. Forhold som er beskrive i salsdokumenta kan ikkje påberopast som manglar. Dette gjeld uavhengig av om kjøpar har lest dokumenta. Alle interessentar vert oppmoda til å undersøkje eigedomen nøye, gjerne saman med fagkyndig før bod vert gjeve. Kjøpar som vel å kjøpe usett kan ikkje gjere gjeldande som mangel noko han burde blitt kjent med ved undersøkinga. Dersom det er behov for avklaringar, anbefalar vi at kjøpar rådfører seg med eigedomsmeklar eller ein bygningsakyndig før det vert lagt inn bod.   Dersom kjøpar ikkje er forbrukar seljast eigedomen «som den er», og seljar sitt ansvar er då avgrensa jf.§ 3-9 1. ledd 2. pkt. Informasjon om kjøpar si undersøkingsplikt, med dette oppmoding om å undersøkje eigedomen nøye, gjeld og for kjøparar som ikkje vert vurdert som forbrukarar.  På grunn av ulike avtalevilkår kan seljar vurdere bod frå ein som ikkje er forbrukar, ulikt frå ein forbrukar sitt bod. Dersom kjøpar ikkje er forbrukar, er seljar sitt mulege mangelsansvar avgrensa fordi eigedomen vert seld "som den er".  Seljar kan ikkje ta «som den er» atterhald ovanfor ein forbrukarkjøpar. Sjølv eit lågare bod frå ein som ikkje er forbrukar kan foretrekkast fordi avgrensinga i muleg mangelsansvar kan ha eigenverdi for seljar. Seljar står fritt til å forkaste eller akseptere eitkvart bod, og pliktar til dømes ikkje å akseptere høgste bod.  Bodgjevarar får informasjon dersom andre bod er gjeve av ein som ikkje er forbrukar.  Forbrukarkjøp - definisjon: Med forbrukarkjøp meinast kjøp av eigedom når kjøparen er ein fysisk person som ikkje hovudsakleg handlar som ledd i næringsverksemd. Forbrukar - avtalevilkår: Eigedomen har ein mangel dersom den ikkje er i samsvar med krava som følgjer av avtalen, eller det ligg føre brot på bestemmingane i avhendingslova §§ 3-2 til 3-8. Dersom eigedomen ikkje er i samsvar med det kjøparen må kunne vente ut frå alder, type og synleg tilstand, kan det vere grunnlag for mangelskrav. Det same gjeld dersom det er halde tilbake eller gitt urette opplysningar om eigedomen. Dette gjeld likevel berre dersom ein kan gå ut frå at det virka inn på avtalen at opplysningen ikkje vart gitt eller at feil urette opplysningar ikke blir retta i tide på ein tydeleg måte. Ein bustad som har blitt brukt i ei viss tid, har vanlegvis blitt utsett for slitasje og skadar kan ha oppstått. Slik bruksslitasje må kjøpar rekne med, og det kan avdekkast enkelte forhold etter overtakinga som gjer det naudsynt med utbetringa utbedringar. Normal slitasje og skadar som gjer det naudsynt med utbetring, er innanfor kva kjøpar må vente og vil ikkje utgjere ein mangel. Bustaden kan ha ein mangel etter avhendingslova § 3-3 dersom det er avvik mellom opplyst og faktisk innvendig areal, forutsett at avviket er på 2 % eller meir og minimum 1 kvm. Ved berekning av eit eventuelt prisavslag eller erstatning må kjøpar sjølv dekke tap/kostnader opptil eit beløp på kr 10 000 (eigendel). Ikkje - forbrukar (næringsdrivande) – definisjon: Dersom kjøpar er ein juridisk person, eller ein fysisk person som hovudsakeleg handlar som ledd i næringsverksemnd, vil kjøpet ikkje bli sett på som eit forbrukarkjøp.  Ikkje - forbrukar – avtalevilkår: Eigedomen har ein mangel dersom den ikkje er i samsvar med krava som følgjer av avtalen. Eigedomen vert seld «som den er», og seljar sitt ansvar utover det konkret avtalte er då avgrensa etter avhendingslova § 3-9, første ledd andre setning.  Avhendingslova § 3-3 andre ledd vert fråviken, og korvidt arealsvikt i bustaden utgjer ein mangel vert vurdert etter avhendingslova § 3-8.  Ein føresetnad for salet er at skøyet for eigedomen vert tinglyst på kjøpar. Interessentar og kjøpar må godta at seljar og meklar brukar elektronisk kommunikasjon i salsprosessen. I trå med eigedomsmeklingsforskrifta vil informasjon om oppdragsgivar, salsobjektet, interessentar og kjøpar bli lagra av meklarføretaket i min. 10 år. Sjå em1.no for meir informasjon om handsaminga vår av personopplysningar.

Personopplysningsloven

Vi gjer interessentar og kjøparar merksame på at vi vil handsame, etter personopplysingslova, personopplysningane dine i den utstrekning dette er naudsynt for å oppfylle våre lovpålagte plikter, med dette for å kunne gjere kundekontroll etter kvitvaskingslova samt for å utføre oppgåver som vi er pålagt etter eigedomsmeklingslova.

Kommunalinfo

• Kommunale avgifter: kr 9 998
• Eiendomsskatt: kr 4 596
• Informasjon om eiendomsskatt: For bustadeigedomar og fritidseigedomar er eigedomsskatten 3,1 promille. For alle bustadeigedomar og fritidseigedomar utgjer eigedomsskattegrunnlaget 70 prosent av skattetaksten for slike eigedomar, jf. eigedomsskattelova § 8 A-2. Eigedomsskatten 7 promille(sjekk din kommune) for næringseigedom, energianlegg (kraftanlegg og kraftnettet), naust, tomter (bustad, fritid, næring og naust) og særskilde skattegrunnlag (jf. overgangsregel i eigedomsskattelova).