Viebakkane 19

Last ned salgsoppgave for komplett informasjon om eiendommen

Registerbetegnelse

Informasjon borettslag / sameie

Regnskap / Budsjett:
Sameiget sitt rekneskap for 2025 ligg vedlagt salsoppgåva.

Vedtekter / Husordensregler:
Kjøpar blir oppmoda til å setje seg inn i vedtekter og eventuelle husordensreglar. Kjøpar godkjenner som bindande for seg sameiget sine vedtekter og husordensreglar, inkludert eventuelle reglar om dyrehald.

Dyrehold:
Dyrehald er tillate.

Beboernes forpliktelser:
Det blir halde dugnadar vår og haust med godt oppmøte. På årsmøtet i 2026 vart det vedteke at bebuarane sjølve skal utføre klipping og rydding av ein skråning med hyppigare intervall.

Styregodkjennelse:
Det blir ikkje kravd styregodkjenning, berre eierskiftemelding.

Forkjøpsrett:
Det er ingen forkjøpsrett på eigedomen.

Felleskostnader

kr 650 pr. mnd.

Felleskostnader inkluderer

Totale fellesutgifter er på kr 650,- per månad. Beløpet blir fakturert halvårleg og inkluderer vedlikehald av fellesareal, grasklipp, brøyting, forretningsførsel og revisjon. Sameige bidreg til velforeninga som vedlikeheld fellesområda på Viebøen.

Sikringsordning

Sameiget har inga fellesgjeld. Kvar seksjonseigar er ansvarleg for sine eigne lån, og det er difor ikkje behov for ei sikringsordning mot misleghald av fellesgjeld.

Parkering

Bustaden har eigen carport direkte tilknytt seksjonen. Carporten, som er frå 2012, har golv av belegningsstein og er på om lag 41 m². I tillegg er det tilgang til felles gjesteparkering. Meklar gjer merksam på at det etter plan- og bygningslova kan vere fatta vedtak i sameige om å opparbeide tilrettelagde parkeringsplassar for personar med nedsett funksjonsevne. Sameiget har då plikt til å sikre tilgjengelege parkeringsplassar for dei som har behov for dette. Dette inneber at ein seksjonseigar med nedsett funksjonsevne kan krevje å få bytte parkeringsplass med ein seksjonseigar utan behov for tilrettelagd plass. Tilgjengeligheita skal sikrast gjennom byteordning eller liknande løysingar. Det er likevel eit krav at seksjonseigaren med nedsett funksjonsevne allereie disponerer ein parkeringsplass i sameiget. Retten til å bruke ein tilrettelagd parkeringsplass varer så lenge det ligg føre eit dokumentert behov, og gjeld uavhengig av om parkeringsplassen er fellesareal eller er registrert som tilleggsdel til ein enkelt seksjon. Det er difor ein risiko for at ein kjøpt parkeringsplass – uavhengig av korleis han er organisert – lovleg kan bli tildelt ein annan seksjonseigar med nedsett funksjonsevne. Meklar har ikkje undersøkt om det er tilrettelagt for lading av elbilar i sameiget. Kjøpar må sjølv undersøkje om det finst eksisterande anlegg eller moglegheit for slike installasjonar. Utgangspunktet er at dette vil vere ei kostnad og ei tilrettelegging som kjøpar sjølv må stå for, dersom dette er teknisk mogleg og vert godkjent av sameiget.

Eiendom

Tomteareal er 232 m² på eiet tomt.

Sameiget si eigedomstomt er på 15 162,1 m². Tomta ligg i ei sørvestvendt helling med fint utsyn og gode solforhold. Fellesareala er opparbeidde med plen, og det er planta blomar og tre. Det er også ein leikeplass og ein park som er i vekst. Sameiget si tomt er fellesareal, dersom det ikkje er gjort nærare avtalar om bruk av tomta i vedtekter og seksjoneringsdokument.

Byggeår

2012

Innhold

Endeseksjon i vertikaldelt rekkjehus går over to plan med følgjande innhald: 1. etasje: entré/gang, bad og stove/kjøkken i opa løysing. (Det er mogleg å montere lettveg i stova, for å etablere eit soverom til). Frå stova er det utgang til ein sørvestvendt, overbygd balkong på 7,5 m². Underetasje: tv-stove/gang, to soverom, bad/vaskerom og bod. Frå underetasjen er det utgang til ein sørvestvendt treterrasse på 57 m². Terrassen er inngjerda med grind og trapp opp til tunet. Eigedomen har i tillegg ein frittståande bod på 5 m² og ein integrert carport med overbygd uteområde ved inngangspartiet. Carporten har downlights og fine takvindauge. I tillegg er carporten større en dei andre carportane i gata. Dei oppgitte romma er definerte av bygningssakkyndig i samsvar med vedlagd rapport, basert på dagens faktiske bruk, uavhengig av kva som er godkjent av bygningsstyresmaktene.

Standard

Dette er ein endebustad i eit vertikaldelt rekkjehus frå 2012, fordelt over to plan. Eigedomen ligg svært fint plassert i enden av blindvegen. Her er det ingen gjennomgangstrafikk og fartsgrense på 10 kmt. Entré: Du kjem inn i bustaden via eit overbygd inngangsparti med tilhøyrande carport. Entréen har flislagt golv med varmekablar og god plass til ytterklede i ein Langlo skyvedørsgarderobe med speglfrontar. Frå gangen fører ei trapp med eiketrinn ned til underetasjen, medan rommet opnar seg vidare inn mot bad, kjøkken og stove. I endeveggen over trappa er det montert eit stort og flott vindauge som gir godt lysinnslepp. Stove: Den opne stova har ei takhøgd på kring tre meter, noko som saman med store vindauge og skyvedør i glas gjev ein lys og luftig romfølelse. Rommet har god plass til både sofagruppe og spisebord. Ei ny Daikin luft-til-luft-varmepumpe vart installert i 2024, og det er klargjort for montering av vedomn med pipegjennomføring i taket og tilluftsrøyr i veggen. Kjøkken: Kjøkkenet er i open løysing mot stova og har Sigdal-innreiing med måla rammedører. Ei praktisk halvøy skil kjøkkenet frå stoveområdet og gjev ekstra benkeplass. Alle kvitevarer er integrerte: platetopp, steikeomn, mikrobølgjeomn, oppvaskmaskin og kjøle-/fryseskap. Over benkeplata i laminat er det flislagde veggflater. Balkong: Frå stova er det utgang via ei skyvedør til ein overbygd og sørvestvendt balkong. Balkongen har rekkverk i glas som sikrar utsynet, og her er det plass til sitjegruppe. Bad 1. etasje: I første etasje ligg eit bad med varmekablar i golvet. Rommet er utstyrt med veggmontert klosett, dusj med svingdører i glas og ei baderomsinnreiing med heil servantplate og speil med integrert belysning. Badet har flislagt golv, våteromsplater på veggane og downlights i himlinga. TV-stove/gang underetasje: Trappa fører ned til ei TV-stove som fungerer som eit bindeledd mellom romma i underetasjen. Dette er eit fleksibelt rom med varmekablar i golvet, som kan møblerast som ei ekstra stove. Her er det parkettgolv, slette overflater og downlights i himlinga. Soverom: Bustaden har to soverom, begge plasserte i den lune underetasjen. Begge romma har varmekablar i golvet og skyvedørsgarderobar frå Langlo. Hovudsoverommet har direkte utgang til terrassen. Bustaden har opprinnelig 3 soverom. Det kan frådelast eit soverom frå stova i 1.etasje, om ein ønskjer det. Terrasse: Den sørvestvende treterrassen på bakkeplan er på heile 57 m² og er bygd i varmebehandla treverk. Her er det svært gode soltilhøve og rikeleg med plass for fleire sitjegrupper, grill og plantar. Terrassen er inngjerda med grind på nedsida og trapp opp til tunet. Bad/vaskerom underetasje: Det romslege badet i underetasjen er kombinert med vaskerom og har varmekablar i golvet. Baderomsdelen er utstyrt med badekar, veggmontert klosett og innreiing med overskap med speildører. Vaskeromssona har ei praktisk innreiing med benkeplate, skyljekum og opplegg for vaskemaskin. Varmtvasstanken på 200 liter er plassert i eit høgskap. Overflater: Golv: Eikeparkett. Keramiske fliser med varmekabel på bad i 1. etasje og bad/vaskerom i underetasje. Fliser med varmekabel i entré. Veggar: Måla slette overflater på gipsplater med fiberduk. Våtromspanel på bada. Himling: Måla slette overflater på gipsplater, med listefri utføring mot vegg. Det er montert downlights i alle rom, unnateke boda. Lagring: Langlo skyvedørsgarderobe i entré. Innvendig bod i underetasjen. Frittståande, isolert utebod på 5 m² med innlagt straum. Integrert carport ved inngangspartiet. Sentralstøvsugar er installert i den innvendige boda. Omsetning av brukt eigedom Ein brukt eigedom vil som regel ikkje vere i same stand som om den var ny. Tekniske krav, type bustad, teknikk og skikkar endrar seg over tid. Bruksslitasje og ytre forhold kan gjere at tilstanden blir dårlegare etter kvart, sjølv om det ikkje er synleg. Kjøparar kan ha mindre forventningar til eldre bustader enn nye, og det kan vere skadar eller feil som ikkje er beskrive, men som seljar likevel ikkje kan haldast ansvarleg for. Normal bruksslitasje er ikkje ein mangel, og det er ikkje sikkert at det som opplevast som ein feil ved ein eigedom er ein mangel i rettsleg forstand. Det er difor viktig å setje seg grundig inn i tilstanden på den eigedomen ein vil kjøpe.

Hvitevarer

Det gjerast merksam på at det berre er dei integrerte kvitevarene på kjøkenet som fylgjer med i kjøpet. Kvitevarene vert leverte utan nokon form for garantiar, utover eventuell attverande leverandørgaranti.

Adkomst

Tilkomst frå offentleg veg via sameiget sitt interne trafikkareal. Sjå kart i salsoppgåva for beskriving av tilkomst. Det vert skilta med EiendomsMegler 1-skilt ved fellesvising.

Byggemåte

Informasjonen er henta frå vedlagte tilstandsrapport, datert 12.04.2026. Bygning: Endebustad i vertikaldelt rekkjehus, oppført i 2012 med tradisjonell konstruksjon og standard for byggeåret. Grunnmur av plasstøpt betong med inn- og utvendig isolering, og stripefundament av isolerte element utstøypte med betong. Ytterveggar av bindingsverk med utvendig kledning av kebony trepanel og fasadeplater. Etasjeskille av tredekke. Golv i underetasjen av betongplate på grunn. Del av underetasjen ligg under planert terreng. Golv i underetasjen av betong. Grunnmur av betong med innvendig isolert utforing med platekledning. I følgje NVE sine temakart og kommunekart.com, ligg eigedommen i eit område som er registrert som omsynssone for kvikkleire med låg risiko for ras- og skredfare. Byggegrunnen er det elles ikkje kjennskap til. Det er ikkje kjennskap til dreneringssystem og utvendig fuktsikring av konstruksjonar som ligg på og under planert terreng. Dreneringa er frå byggeåret 2012. Eigedommen ligg i sørvendt helling, med planert areal for avrenning av overflatevatn. Det er belegningsstein i overbygd uteområde ved inngangspartiet. Eigedommen er tilknytt kommunalt vassverk og avløpsanlegg via sameiget sitt private leidningsnett. Utvendig leidningsnett ligg skjult. Tak: Flatt tak, oppbygd av trekonstruksjon. Takkonstruksjonen er gjenkledd. Konstruksjonen si oppbygging er difor ikkje mogleg å kontrollere ut over det som er synleg frå inn- og utvendige overflater. Taktekking av PVC-membran frå 2012. Flatt tak med slukar og innvendige taknedløp. Luftehatt og pipebeslag av lakkert metall. Parapetbeslag av metall. Pipe/Eldstad: Det er pipegjennomføring i taket over stova for eventuell montering av vedomn og stålpipe. Frå eigaren er det opplyst at røyr for tilluft ligg i veggen. Vindauge: Vindauge i treverk med 2- og 3-lags glas, innvendig med malte overflater og utvendig med heildekkande aluminiumsbeslag. Dører: Ytterdør i hovudinngangen i treverk med malte overflater og 2-lags glas. Terrasseskyvedør i stova i treverk med 2-lags glas, innvendig med malte overflater og utvendig med lakkerte aluminiumsbeslag. Terrassedør i underetasjen i treverk med 2-lags glas, innvendig med malte overflater og utvendig med lakkerte aluminiumsbeslag. Innvendige dører med malte slette overflater. Trapper/adkomst: Innvendig trapp med eiketrinn og med malte vangar, spilerekkverk og handtak. Utvendig terrengtrapp langs vestveggen av ubehandla termotre. Balkong/terrasse: Sørvendt overbygd balkong på 7,5 m² i plan med 1. etasje, oppbygd av tredekke med impregnert beisa terrassegolv og underkledning av plater. Rekkverk av lakkerte metallstolpar med glasplater. Sørvendt treterrasse på terreng på 57 m² av termotre/varmebehandla treverk. VVS-installasjonar: Vassleidningar med røyr-i-røyr, med fordelarskap og stoppekran i veggmontert skap i bad/vaskerom. Avløpsrøyr av plast med skjult installasjon. Varmtvasstank med volum på ca 200 liter, plassert i eit høgskap i bad/vaskerom. Ventilasjon: Balansert ventilasjon med varmegjenvinnar. Aggregatet er plassert i boda i underetasjen. Bada har avtrekk via balansert ventilasjon. Kjøkkenet har ventilator i børsta stål med integrert belysning. Tekniske detaljer: Oppvarming med elektrisk varmekabel i alle rom i underetasjen med unntak av i bod, samt i entré og bad i 1. etasje. I tillegg er det ein Daikin luft-til-luft varmepumpe installert i 2024. Det er installert sentralstøvsugar i boda i underetasjen. Det er pipegjennomføring i taket over stova for eventuell montering av vedomn og stålpipe. Bod: Byggeår 2012. Fundament og golv av betong. Ytterveggar av bindingsverk med utvendig kledning av kebony trepanel. Tak over boda, carporten og inngangspartiet av treverk med fall til takrenner og nedløpsrør av aluminium. Ytterdør i treverk med malte overflater og 2-lags glas. Golv med laminatgolv, isolerte veggar med innvendig kledning av osb-plater og isolert tak med plater. Elektrisk anlegg er installert. Carport/overbygd uteområde: Byggeår 2012. Golv av belegningsstein. Delvis innkledd konstruksjon med ytterveggar av bindingsverk med utvendig kledning av kebony trepanel. Tak over carporten, boda og inngangspartiet av treverk med fall til takrenner og nedløpsrøyr av aluminium. Taktekking av PVC folie. To lyskassar med plastkuppel for overbelysning i carport/overbygd uteområde ved inngangen. Ytterdør i utgang til vestvendt terrengtrapp av treverk med malte overflater og 2-lags glas. Elektrisk anlegg med skjult installasjon og fordelingstavle med automatsikringar. Belysning med downlights. Alle bygningsdelar og installasjonar har avgrensa levetid. Konstruksjonane er bygd etter lov og forskrift som tek utgangspunkt i byggeåret og vil normalt ikkje tilfredsstille krava i dag. Med omsyn til den tekniske standarden på bygningane vert det vist til vedlagde tilstandsrapport fra takstmann Bjarte Roska datert 12.04.2026, der enkelte bygningselementer har oppnådd tilstandsgrad 2 (TG2) og konstruksjonar som ikkje er undersøkt (TGIU). Interessentar vert oppmoda til å sette seg grundig inn i desse punkta samt eigenerklæringa som ligg ved salsoppgåva før det vert lagt inn bod på eigedomen. Meklar gjer elles merksam på kjøpar si undersøkingsplikt med heimel i avhendingslova. Nedanfor finn ein ei kort oppsummering av det den bygningssakyndige har beskrive av avvik ved bustaden som har fått tilstandsgrad 2 (TG 2) eller 3 (TG 3) OG TG IU (Ikkje undersøkt). TG2 med avvik som kan krevje tiltak: - Utvendig > Balkongar, terrasser og rom under balkongar: Det er registrert sprekker i nokre rekkverkstolpar på balkongen, med naturleg årsak i frostskade på grunn av manglande drenering i stolpane. - Tekniske installasjonar > Avløpsrøyr: Stakepunkt er ikkje registrert. Eigar har lagt fram fotodokumentasjon som syner at det er stakeluke i ein gjenkledd vegg. - Tekniske installasjonar > Ventilasjon: Ventilasjonsanlegget har ikkje registrert funksjonssvikt. TG er basert på generell risiko knytta til usikker framtidig funksjon som følgje av ventilasjonsanlegget sin alder. - Våtrom > Etasje Bad > Overflater Golv: Nivåskilnad frå topp slukrist til topp flislagt golv ved døra er 21 mm, kravet er minimum 25 mm. - Våtrom > Etasje Bad > Sluk, membran og tettesjikt: TG er sett med omsyn til generell risiko knytta til tettesjikta sin alder og manglande dokumentasjon for oppbygginga av tettesjikta. Våtromspanelen er montert utvendig på sokkelflisene, som er ei utradisjonell løysing. - Våtrom > Underetasje Bad/vaskerom > Overflater Golv: Golvet er tilnærma flatt, og har avvik i kravet til minimum 15 mm oppkant ved døra for golv med fall mindre enn 1:100. - Våtrom > Underetasje Bad/vaskerom > Sluk, membran og tettesjikt: TG er sett med omsyn til generell risiko knytta til tettesjikta sin alder og manglande dokumentasjon for oppbygginga av tettesjikta. Våtromspanelen er montert utvendig på sokkelflisene, som er ei utradisjonell løysing. TGIU - Konstruksjonar som ikkje er undersøkte: - Utvendig > Takkonstruksjon/Loft: Takkonstruksjonen er gjenkledd. Konstruksjonen si oppbygging er difor ikkje mulig å kontrollere. - Tekniske installasjonar > Andre installasjonar: Sentralstøvsugaren fungerer, men inngår ikkje som eige sjekkpunkt i tilstandsrapporten og vert ikkje vurdert med TG. Helse, miljø og sikkerhet: - Bygningen er ikkje dokumentert oppført med radonsikring og radonkontroll har ikkje vore utført. I følgje NVE sine temakart og kommunekart.com, ligg eigedommen i eit område som er registrert som omsynssone for kvikkleire med låg risiko for ras- og skredfare. Oppsummeringa over er ikkje uttømmande, og du vert oppmoda til å lese og setje deg grundig inn i alt salsmateriell. For ordens skuld nemner vi at TGIU står for «tilstandsgrad ikkje undersøkt», til dømes fordi ein del av bygget ikkje har vore tilgjengeleg for inspeksjon. Desse delane kan dermed ha feil eller manglar som ikkje er avdekte.

Eiendomstype

Rekkehus

Oppvarming

Elektrisk oppvarming med varmekablar i entré og bad i 1. etasje, samt alle rom i underetasjen, med unntak av i boda. I 2024 vart det installert ei Daikin luft til luft varmepumpe. Vidare er det pipegjennomføring i taket over stova for eventuell montering av vedomn og stålpipe, med røyr for tilluft i veggen.

Strømforbruk

Dei noverande eigarne hadde eit samla straumforbruk på 9 948 kWt i 2025. Straum og nettleige etter eige forbruk. Meklar gjer merksam på at desse utgiftene er knytt til dagens eigar og at desse vil kunne endre seg med omsyn til anna bruk av bustaden enn i dag eller andre avtalar med leverandørar.

Vei, vann og avløp

Vegen fram til tomtegrensa er offentleg. Vegane inne på eiga tomt blir vedlikehaldne gjennom sameiget. Vatn og avlaup til eigedomen er offentleg. Eigedomen er tilknytt kommunalt vassverk og kommunalt avløpsanlegg via sameiget sitt private leidningsnett. Stikkleidning frå det offentlege nettet og inn til eigedomen blir vedlikehalden og reparert av sameiget.

Andel fellesformue

kr 5 559
Dette utgjør andelens fellesformue pr. 12.04.2026

Meglers plikt til å stanse gjennomføring av en handel

Eigedomsmeklarar er underlagd lov om kvitvasking og pliktar å rapportere til Økokrim om mistenkelege transaksjonar. Lov om kvitvasking har og strenge reglar om kontroll av legitimasjon frå alle partar i handelen, med dette, seljar, kjøpar og fullmektigar for desse.

Budgivning

Alle bod skal gjevast skriftleg og legitimert til meklar, som formidlar desse vidare til seljar. Dette gjer ein enkelt elektronisk ved å klikke på "gi bud" knappen på hjem.no, finn.no, via eiendomsmegler1.no eller på bodskjema vedlagt salsoppgåva. Meklar skal så snart som muleg stadfeste skriftleg ovanfor bodgjevar at bod er motteke og formidle det vidare til seljar.  Bod må  ikkje ha kortare akseptfrist enn kl. 12.00 første virkedag etter siste annonserte vising. Bod med kortare frist enn dette kan ikkje formidlast av meklar.  Meklar pliktar å leggje til rette for ei forsvarleg avvikling av bodrunden. For at boda skal kunne bli handsama bør dei ikkje ha ein kortare akseptfrist enn 30 minutt frå bodet er gjeve. Bod som vert gjeve etter normal arbeidstid vert handsama/formidla påfølgjande arbeidsdag.  Meklar tek ikkje ansvar for forseinkingar på el- eller telenettet. Under bodrunden kan akseptfristen kortast ned ved mottaking av nye bod. Akseptfristen frå kjøpar er absolutt. Det betyr at dersom seljar vel å akseptere bodet, må kjøpar meddelast aksepten innan akseptfristen går ut. Dersom du utset å gje inn bod til tett opp mot akseptfristen er det ei reell fare for at eigedomen kan bli seld før bodet ditt kjem fram til meklar. Ein syner elles til "Forbrukarinformasjon om bodgjeving", som også er ein del av salsoppgåva. Kjøpar er utanlandsk statsborgar Dersom ein kjøpar er utanlandsk statsborgar krevjast det at ein har D-nummer til erstatning for norsk personnummer. Meklar rekvirerer dette samstundes som skøyte vert sendt inn til tinglysing hjå Kartverket. Skøytet vert så liggande hjå Kartverket fram til kjøpar har fått D-nummer av  skatteetaten. Deretter vert skøytet tinglyst. Denne prosessen vil ofte medføre at oppgjer og  utbetaling til seljar vert forseinka med nokre veker. Kjøpar må i desse tilfella enten ta atterhald i  bod om forseinka utbetaling til seljar, eller vere budd på å dekke forseinkingsrenter. Kontakt  ansvarleg meklar for informasjon før bodgjeving.

Overtakelse

Overtaking etter avtale. Legg inn ønskje om overtakingsdato ved bodgjeving. Mellom aksept av bod og tidspunktet for overtaking er det ikkje høve til å synfare eigedomen. Vi tilrår difor interessentar til å naudsynte mål og liknande på visinga.

Boligselgerforsikring

Det er ikkje teikna bustadseljarforsikring, men seljar har for ordens skuld fylt ut eigenerklæringsskjema som ligg vedlagt. Dette er ein del av opplysningsplikta til seljar og kjøpar pliktar å gjere seg kjent med denne før bodgiving.

Boligkjøperforsikring

Vedlagt i salsoppgåva følgjer informasjon om Bustadkjøparforsikring Pluss og Bustadkjøparforsikring frå HELP Forsikring AS. Bustadkjøparforsikring er ei rettshjelpsforsikring som gir tryggleik og profesjonell juridisk hjelp dersom det blir oppdaga uventa feil eller manglar ved bustaden dei neste fem åra. Bustadkjøparforsikring Pluss har same dekning som bustadkjøparforsikring + fullverdig advokathjelp på viktige rettsområde i privatlivet. Les meir om begge forsikringane i vedlagde materiell eller på help.no. Det blir gjort merksam på at meklarføretaket mottar kr 1 900 / 2 600 / 2 600,- (avhengig av bustadtype) i kostnadsgodtgjersle for kvar forsikringsavtale som blir formidla på Bustadkjøparforsikring Pluss og kr 2 900 ,- / 3 600,- / 3 600,- i kostnadsgodtgjersle for Bustadkjøparforsikring.

Forsikringsselskap

Ingen felles forsikringer

Avgiftsbeskrivelse

Dette inkluderer renovasjon, vatn- og avlaupsavgifter og feiing. Den totale årlege kostnaden vil variere etter eige forbruk. Fastpris: 5 880,- inkludert mva frå 01.01.2026. Dette er ein årleg kostnad som vil vere lik for alle bueiningar. Grunngebyret dekkjer henting, handsaming og vidare transport av matavfall, restavfall, papp/papir, plast-, glas- og metallemballasje, samt administrasjonskostnadar knytt til renovasjon

Moderniseringer og påkostninger

Følgjande moderniseringar er føreteke dei seinare år: 2024: - Installert Daikin luft-til-luft varmepumpe Ifølgje seljars egenerklæring er følgjande arbeid utført: 2016-2018: - Tiltak mot skjeggkre Ulike årstal: - Snekkararbeid på uteområde - Utviding av carport, utført av Førde takservice og Flaten bygg

Betalingsbetingelser

Kjøpesum og alle kostnader skal vere innbetalt til meklar sin klientkonto før overtaking. Det føresetjast at skøyte blir tinglyst på ny eigar. Dersom kjøpar ikkje ønskjer heimelsoverføring av eigedommen til seg, må det takast atterhald om dette i bodet.

Fasiliteter

Adgang til utleie

Korttidsutleige av heile bustadseksjonen i meir enn 90 døgn er ikkje tillate. Med korttidsutleige meiner ein utleige i inntil 30 døgn samanhengande. Grensa kan fravikast i vedtektene og setjast til mellom 60 og 120 døgn.

Radon

Det er ikkje utført radonmåling på eigedommen. Eigedommen ligg i eit område markert med «moderat til låg aktsemdsgrad» i NGU sitt radonkart. For meir informasjon om radon, sjå www.dsa.no/radon.

Sentrale lover

Eigedomen vert seld etter reglane i avhendingslova. Salsoppgåva er basert på dei opplysningane seljar har gitt til bygningsakkyndig og meklar, samt opplysningar innhenta frå kommunen, Statens kartverk og andre tilgjengelege kjelder. Eigedomen skal overleverast til kjøpar i tråd med det som er avtalt. Det er viktig at kjøpar set seg grundig inn i alle salsdokumenta, med dette salsoppgåve, tilstandsrapport og seljar si egenerklæring. Kjøpar vert sett på som kjent med forhold som er tydeleg beskrive i salsdokumenta. Forhold som er beskrive i salsdokumenta kan ikkje påberopast som manglar. Dette gjeld uavhengig av om kjøpar har lest dokumenta. Alle interessentar vert oppmoda til å undersøkje eigedomen nøye, gjerne saman med fagkyndig før bod vert gjeve. Kjøpar som vel å kjøpe usett kan ikkje gjere gjeldande som mangel noko han burde blitt kjent med ved undersøkinga. Dersom det er behov for avklaringar, anbefalar vi at kjøpar rådfører seg med eigedomsmeklar eller ein bygningsakyndig før det vert lagt inn bod.   Dersom kjøpar ikkje er forbrukar seljast eigedomen «som den er», og seljar sitt ansvar er då avgrensa jf.§ 3-9 1. ledd 2. pkt. Informasjon om kjøpar si undersøkingsplikt, med dette oppmoding om å undersøkje eigedomen nøye, gjeld og for kjøparar som ikkje vert vurdert som forbrukarar.  På grunn av ulike avtalevilkår kan seljar vurdere bod frå ein som ikkje er forbrukar, ulikt frå ein forbrukar sitt bod. Dersom kjøpar ikkje er forbrukar, er seljar sitt mulege mangelsansvar avgrensa fordi eigedomen vert seld "som den er".  Seljar kan ikkje ta «som den er» atterhald ovanfor ein forbrukarkjøpar. Sjølv eit lågare bod frå ein som ikkje er forbrukar kan foretrekkast fordi avgrensinga i muleg mangelsansvar kan ha eigenverdi for seljar. Seljar står fritt til å forkaste eller akseptere eitkvart bod, og pliktar til dømes ikkje å akseptere høgste bod.  Bodgjevarar får informasjon dersom andre bod er gjeve av ein som ikkje er forbrukar.  Forbrukarkjøp - definisjon: Med forbrukarkjøp meinast kjøp av eigedom når kjøparen er ein fysisk person som ikkje hovudsakleg handlar som ledd i næringsverksemd. Forbrukar - avtalevilkår: Eigedomen har ein mangel dersom den ikkje er i samsvar med krava som følgjer av avtalen, eller det ligg føre brot på bestemmingane i avhendingslova §§ 3-2 til 3-8. Dersom eigedomen ikkje er i samsvar med det kjøparen må kunne vente ut frå alder, type og synleg tilstand, kan det vere grunnlag for mangelskrav. Det same gjeld dersom det er halde tilbake eller gitt urette opplysningar om eigedomen. Dette gjeld likevel berre dersom ein kan gå ut frå at det virka inn på avtalen at opplysningen ikkje vart gitt eller at feil urette opplysningar ikke blir retta i tide på ein tydeleg måte. Ein bustad som har blitt brukt i ei viss tid, har vanlegvis blitt utsett for slitasje og skadar kan ha oppstått. Slik bruksslitasje må kjøpar rekne med, og det kan avdekkast enkelte forhold etter overtakinga som gjer det naudsynt med utbetringa utbedringar. Normal slitasje og skadar som gjer det naudsynt med utbetring, er innanfor kva kjøpar må vente og vil ikkje utgjere ein mangel. Bustaden kan ha ein mangel etter avhendingslova § 3-3 dersom det er avvik mellom opplyst og faktisk innvendig areal, forutsett at avviket er på 2 % eller meir og minimum 1 kvm. Ved berekning av eit eventuelt prisavslag eller erstatning må kjøpar sjølv dekke tap/kostnader opptil eit beløp på kr 10 000 (eigendel). Ikkje - forbrukar (næringsdrivande) – definisjon: Dersom kjøpar er ein juridisk person, eller ein fysisk person som hovudsakeleg handlar som ledd i næringsverksemnd, vil kjøpet ikkje bli sett på som eit forbrukarkjøp.  Ikkje - forbrukar – avtalevilkår: Eigedomen har ein mangel dersom den ikkje er i samsvar med krava som følgjer av avtalen. Eigedomen vert seld «som den er», og seljar sitt ansvar utover det konkret avtalte er då avgrensa etter avhendingslova § 3-9, første ledd andre setning.  Avhendingslova § 3-3 andre ledd vert fråviken, og korvidt arealsvikt i bustaden utgjer ein mangel vert vurdert etter avhendingslova § 3-8.  Ein føresetnad for salet er at skøyet for eigedomen vert tinglyst på kjøpar. Interessentar og kjøpar må godta at seljar og meklar brukar elektronisk kommunikasjon i salsprosessen. I trå med eigedomsmeklingsforskrifta vil informasjon om oppdragsgivar, salsobjektet, interessentar og kjøpar bli lagra av meklarføretaket i min. 10 år. Sjå em1.no for meir informasjon om handsaminga vår av personopplysningar.

Personopplysningsloven

Vi gjer interessentar og kjøparar merksame på at vi vil handsame, etter personopplysingslova, personopplysningane dine i den utstrekning dette er naudsynt for å oppfylle våre lovpålagte plikter, med dette for å kunne gjere kundekontroll etter kvitvaskingslova samt for å utføre oppgåver som vi er pålagt etter eigedomsmeklingslova.

Kommunalinfo

• Kommunale avgifter: kr 15 062
• Eiendomsskatt: kr 5 301
• Informasjon om eiendomsskatt: For bustadeigedomar og fritidseigedomar er eigedomsskatten 3,1 promille. For alle bustadeigedomar og fritidseigedomar utgjer eigedomsskattegrunnlaget 70 prosent av skattetaksten for slike eigedomar, jf. eigedomsskattelova § 8 A-2. Eigedomsskatten 7 promille(sjekk din kommune) for næringseigedom, energianlegg (kraftanlegg og kraftnettet), naust, tomter (bustad, fritid, næring og naust) og særskilde skattegrunnlag (jf. overgangsregel i eigedomsskattelova).