Vågsvegen 875

Last ned salgsoppgave for komplett informasjon om eiendommen

Registerbetegnelse

Forsikringspolise

54768796

Etasje

2

Parkering

Eigedomen har eigen garasje frå 2020 med elektrisk anlegg. I tillegg er det gode parkeringsmoglegheiter på den grusa innkøyrsla og tunet.

Eiendom

Tomteareal er 1 084 m² på eiet tomt.

Eigd tomt på 1084 m². Tomta er pent opparbeidd med innkøyrsel, parkeringsplass og tun med planert singel, i tillegg til grøntareal og store treterrasser.

Byggeår

2007

Innhold

Eigedommen inneheld fritidsbustad, anneks, garasje og hagestove. Fritidsbustad inneheld: 1. etasje: Entré, stove/kjøkken, to rom (ikkje godkjent for varig opphald grunna takhøgd), bad og gang. Hems: Rom og gang. Anneks inneheld: Opphaldsrom/soverom, bad, badstue, bod og vedskjul. Garasje. Hagestove. Terrasse på 73 m² ved fritidsbustaden, terrasse på 12 m² ved annekset og terrasse på 5 m² ved hagestova. I tillegg disponerer eigedommen ei utvendig bod på 2 m². Det ligg føre godkjende og byggemelde teikningar for fritidsbustaden datert 17.01.2006, for annekset datert 13.02.2008, og for garasje og hagestove datert mars 2015. Teikningane samsvarar med dagens bruk. Etasjehøgda i romma i 1. etasje i fritidsbustaden er målt til 2,13 m, noko som er under minimumskravet på 2,2 m som gjaldt for byggeåret. Dette inneber at romma ikkje oppfyller krava til varig opphald. Arealet er målbart sjølv om det ikkje er godkjent for varig opphald. Hemsen har ei mønehøgd på 1,75 m og har ikkje målbart areal då høgda er under 1,9 m. Den vert difor ikkje rekna som opphaldsrom. Dei oppgitte romma er definerte av bygningssakkyndig i samsvar med vedlagd rapport, basert på dagens faktiske bruk, uavhengig av kva som er godkjent av bygningsstyresmaktene.

Standard

Dette er ein komplett fritidseigedom ved sjøen, beståande av ei innhaldsrik hytte, eit fullverdig anneks med badstove, ein nyare garasje og ei flott hagestove. Ei stor treterrasse på heile 73 m² bind bygningane saman og skaper eit privat og solrikt tun med fleire uteplassar. Entré: Du trer inn i ein gang med keramiske fliser på golvet. Her er det plass til å henge frå seg yttertøy, og trappa til hemsen startar her. Stove: Stova har ei open løysing mot kjøkkenet, og store vindauge som strekkjer seg opp til mønet gir rikeleg med lys og rammar inn utsikta mot sjøen. Rommet har god takhøgd og ein vedovn som gir varme og stemning på kjølige kveldar. Frå stova er det direkte utgang til den store, dels overbygde terrassen. Kjøkken: Kjøkkenet er praktisk plassert i hjørnet av allrommet, med god kontakt med spiseplassen. Innreiinga har malte, profilerte frontar og laminatbenkeplate. Her er det integrert platetopp, steikeomn og oppvaskmaskin. Eit vindauge over benken gir godt arbeidslys. Bad: Badet i hovudhytta er heilflisa med varmekablar i golvet. Rommet er utstyrt med dusjhjørne med svingdører, golvmontert toalett og ein brei servant med skuffeseksjon. Det er også opplegg for vaskemaskin. Soverom: Hytta har to soverom i hovudetasjen. Begge romma har plass til seng og oppbevaring, og er praktisk plasserte i ein eigen del av hytta. Hems: Ei trapp med trinn i lakka eik leier opp til ein koseleg hems. Med ei golvflate på rundt 27 m² og låg takhøgd er dette eit ideelt areal for ekstra soveplassar eller ei lita TV-stove for dei yngste. Mønehøgda er 1,75 m, og arealet er ikkje målbart. Terrasse og uteområde: Den store treterrassen på 73 m² går langs fasadane mot nord, vest og sør. Her finn du fleire soner for sitjegrupper, både under tak og i sola. Terrassen bind saman hytta, annekset og hagestova, og gir enkel tilgang til heile eigedommen. Det er også etablert ein vedfyrt badestamp som er senka ned i plattingen. Anneks: Annekset frå 2007 er ei eiga lita hytte i seg sjølv, perfekt for gjester. Det inneheld eit kombinert opphaldsrom/soverom med varmekablar, eit eige bad og ei tradisjonell badstove med elektrisk omn. Annekset har også ein eigen terrasse og eit tilhøyrande vedskjul. Hagestove: Hagestova frå 2018 har skyvbare glasfelt og utgjer eit ekstra rom som forlengjer sesongen. Her kan ein nyte utsikta og nærleiken til naturen, sjølv om vêret ikkje er på topp. Hagestova har innlagt straum og ein tilknytt terrasse. Garasje: Ein frittståande garasje på 29 m² vart oppført i 2020. Den har støpt golv og innlagt straum. Overflater: Golv: Keramisk flis i entré. Tilfarargolv/tregolv i stove/kjøkken, soverom og gang. Vegger: Malte overflater på underlag av strie og profilerte mdf-plater. Himlingar: Malt mdf-panel. Lagring: Eigedommen har ein utvendig bod på 2 m² tilknytt hovudbygningen. Annekset har eit tilhøyrande vedskjul. I tillegg har hytteforeininga fått løyve til å oppføre ei bodrekkje der denne eigedommen får ein bod på ca. 5 m². Omsetning av brukt eigedom Ein brukt eigedom vil som regel ikkje vere i same stand som om den var ny. Tekniske krav, type bustad, teknikk og skikkar endrar seg over tid. Bruksslitasje og ytre forhold kan gjere at tilstanden blir dårlegare etter kvart, sjølv om det ikkje er synleg. Kjøparar kan ha mindre forventningar til eldre bustader enn nye, og det kan vere skadar eller feil som ikkje er beskrive, men som seljar likevel ikkje kan haldast ansvarleg for. Normal bruksslitasje er ikkje ein mangel, og det er ikkje sikkert at det som opplevast som ein feil ved ein eigedom er ein mangel i rettsleg forstand. Det er difor viktig å setje seg grundig inn i tilstanden på den eigedomen ein vil kjøpe.

Hvitevarer

Det gjerast merksam på at det berre er dei integrerte kvitevarene på kjøkenet som følgjer med i kjøpet. Kvitevarene leverast utan nokon form for garantiar, utover eventuell attverande leverandørgaranti.

Adkomst

Sjå kart i salsoppgåva for beskriving av tilkomst. Det vert skilta med EiendomsMegler 1-skilt ved fellesvising.

Byggemåte

Informasjonen er henta frå vedlagte tilstandsrapport, datert 15.03.2026. Bygning: Fritidsbustad med tradisjonell konstruksjon og med vanleg standard for byggeåret i 2006/2007. Ringmur av betong, utstøypt i isolerte ringmurselement. Golv på grunnen av isolert betongplate, og i stova/kjøkkenet, soveromma og gangen med tilfarargolv. Naturleg drenering gjennom grunnen. Bygningen har berre fundamentering under planert terreng. Ytterveggar av bindingsverk med utvendig kledning av ventilert trepanel. Etasjeskilje av tredekke. Byggegrunnen er det ikkje kjennskap til. Tomta ligg i slakk helling mot nord med lite nedslagsfelt for tilsig av overflatevatn inn mot bygningen. Tomta er pent opparbeidd med innkøyrsle, parkeringsplass og tun med planert singel, treterrasser og grøntareal. Tak: Taktekking av pappshingel. Takkonstruksjon med saltakform, oppbygd av limtre og sperr. Det er synleg utvendig luftespalte mellom sperrene. Konstruksjonen er elles gjenkledd og kan berre vurderast ut frå inn- og utvendige overflater. Takrenner og nedløp av plast. Pipe/Ildsted: Vedomn i stove/kjøkken, montert på glassplate. Stålpipe med utvendig pipebeslag av lakkert metall. Pipegjennomføringen ble kontrollert og utbedret med mer isolasjon og tette duker i mars 2026. Vinduer: Vindu i treverk med gjennomgåande sprosser og 2-lags glas, delvis med fastkarmar og delvis med sidehengsla rammer. Vassbrett og utvendig listverk av malt treverk. Dører: Ytterdør i entreen i treverk med malte slette overflater og 3-lags glas. Ytterdør i boden av treverk med malte slette overflater og 3-lags glas. Terrassedør i treverk med malte overflater og 2-lags glas, med ettermontert beslag og synleg utvendig flikking i nedre del. Innvendige dører er malte rammedører med slette fyllingar. Trapper/adkomst: Trapp til hemsen med malte vangar, og trinn og handtre i lakka eik. Balkong/terrasse: Treterrasse på 73 m² langs fasade nord, vest og delvis mot sør. Takoverbygg over inngangspartiet og del av terrassen i fasade vest. VVS-installasjoner: Vassleidningar med rør-i-rør system, med fordelarstokk i veggmontert skap i badet. Vassinntak i plastslange med stoppekran, plassert i vegg med tilkomst via ventilrist. Avløpsrør av plast. 120 liter varmtvasstank, installert i badet. Eigedommen er tilkopla Furset private vassverk. Privat avløpsanlegg med slamavskiljar og kommunal tømming, felles med ein naboeigedom. Utvendig leidningsnett er ikkje synleg, antatt av plast som var normalt for byggeåret. Ventilasjon: Ventilasjonen er basert på naturleg ventilering via veggventilar og ved bruk av opningsvindu. Kjøkkenet har ventilator med utkast gjennom yttervegg. Badet har avtrekk via fuktstyrt elektrisk ventilvifte. Tekniske detaljer: Oppvarming med vedovn i stove/kjøkken, montert på glassplate. Badet har golv med varmekabel. Anneks: Byggeår 2007. Fundament og golv av betong. Ytterveggar av bindingsverk med utvendig kledning av trepanel, og mot terreng av betong. Takkonstruksjon med saltakform, oppbygd av sperr med undertak av rupanel og taktekking av shingel. Overbygde inngangsparti mot nord og aust. Takrenner og nedløp av plast. Vindu med malte trekarmar og 2-lags glas. Ytterdører av treverk med malt trepanel. Det er installert vatn, avløp og el. anlegg. Til annekset hører også et vedskjul, som er et enkelt tilbygg med grusgolv, spileveggar på punktfundament av betong, og skråtak med shingel på undertak av taktro. Plassbygd labankdør. Garasje: Byggeår 2020. Fundament og golv av betong. Ytterveggar av bindingsverk med utvendig kledning av trepanel. Saltak med plassbygde takstolar med undertak av rupanel og taktekking av shingel. Takrenner og nedløp av plast. Ytterdør i treverk med malte overflater. Plassbygd to-fløya sidehengsla port i treverk med malte overflater. Elektriskanlegg er installert. Hagestue: Byggeår 2018. Bygningen står på punktfundament av betongsøyle på fjell, med kledning av plater med steingranulat mellom terreng og underkant golv. Golv av tredekke uten underkledning. Ytterveggar av trekonstruksjon med utvendig kledning av trepanel, og opplegg for takkonstruksjonen mot sør av søyler og dragar av treverk. Takkonstruksjon med saltakform, oppbygd av sperr med undertak av rupanel og taktekking av shingel. Takrenner og nedløp av lakkert metall. Vindu/dører med fastkarmar og skyvefelt i lakkert aluminium med enkle glas. El. anlegg er installert. Elektrisk anlegg med skjult installasjon og fordelingsskap med automatsikringar. Tilstandsrapporten inkluderer ikkje ei fagmessig tilstandsvurdering av el. anlegget. Alle bygningsdelar og installasjonar har avgrensa levetid. Konstruksjonane er bygd etter lov og forskrift som tek utgangspunkt i byggeåret og vil normalt ikkje tilfredsstille krava i dag. Med omsyn til den tekniske standarden på bygningane vert det vist til vedlagde tilstandsrapport fra takstmann Bjarte Roska datert 15.03.2026, der enkelte bygningselementer har oppnådd tilstandsgrad 2 (TG2) og konstruksjonar som ikkje er undersøkt (TGIU). Interessentar vert oppmoda til å sette seg grundig inn i desse punkta samt eigenerklæringa som ligg ved salsoppgåva før det vert lagt inn bod på eigedomen. Meklar gjer elles merksam på kjøpar si undersøkingsplikt med heimel i avhendingslova. Nedanfor finn ein ei kort oppsummering av det den bygningssakyndige har beskrive av avvik ved bustaden som har fått tilstandsgrad 2 (TG 2) eller 3 (TG 3) OG TG IU (Ikkje undersøkt). TG2 med avvik som kan krevje tiltak: - Utvendig > Taktekking: Framtidig funksjon er usikker då taktekkinga har passert 18 år. - Utvendig > Nedløp og beslag: Ikkje montert stigetrinn for tilkomst til pipa og ikkje snøfangar. - Utvendig > Veggkonstruksjon: Kledningen har djupe spikarhol etter maskinspikring med høgt trykk. - Utvendig > Vinduer: Underkarmar og utvendige sidelister har ikkje dryppkant over vassbrett. - Innvendig > Overflater - 2: Fuktsvelling og krakelert overflate i himlingspanel ved pipeløp. - Våtrom > Etasje > Bad - Overflater vegger og himling: Vinduet er ikkje av fuktbestandig materiale og er plassert i våtsona. - Våtrom > Etasje > Bad - Overflater Gulv: Manglande fall til sluk og dårleg avrenning på ei flis. - Våtrom > Etasje > Bad - Sluk, membran og tettesjikt: Tettesjikt kan ikkje vurderast utan dokumentasjon, er mogleg punktert ved klosett og manglar ved avløp frå servant. - Våtrom > Etasje > Bad - Ventilasjon: Ikkje etablert tilluft for tilfredsstillande luftgjennomstrøyming. - Tekniske installasjoner > Avløpsrør: Ikkje registrert stakeluke eller synleg lufting av avløpsanlegget. TGIU - Konstruksjonar som ikkje er undersøkte: - Utvendig > Takkonstruksjon/Loft: Takkonstruksjonen er gjenkledd og kan ikkje vurderast. - Våtrom > Etasje > Bad - Tilliggende konstruksjoner våtrom: Holtaking er ikkje utført då våtsona ligg mot yttervegg. Helse, miljø og sikkerhet: - Det er ikkje montert rekkverk på innvendig trapp, og opningane mellom trinna er større enn dagens forskriftskrav som er maks 10 cm. Hemsen har ikkje målbart areal og vert ikkje rekna som opphaldsrom/soverom. Det er difor ikkje krav til rømningsveg, men om hemsen vert brukt som opphaldssone/soveplass bør godkjent rømningsveg sikrast. Oppsummeringa over er ikkje uttømmande, og du vert oppmoda til å lese og setje deg grundig inn i alt salsmateriell. For ordens skuld nemner vi at TGIU står for «tilstandsgrad ikkje undersøkt», til dømes fordi ein del av bygget ikkje har vore tilgjengeleg for inspeksjon. Desse delane kan dermed ha feil eller manglar som ikkje er avdekte.

Eiendomstype

Fritidseiendom

Oppvarming

Fritidsbustad: Oppvarming i eigedomen er basert på elektrisitet og vedfyring. Det er vedomn i stove/kjøkken, montert på glasplate. Elektriske varmekablar i golv på bad. Anneks: Varmekablar i golv på opphaldsrom/soverom og bad. Det er elektrisk badstuomn i badstove. Dersom rom ikkje har vegg- eller fastmonterte varmekjelder ved vising, følgjer dette heller ikkje med. Tilstandsrapporten skildrar den tekniske tilstanden til byggverket. Det er ikkje utført kontroll av dei elektriske installasjonane (el-takst) sjølv om bygningssakkunnig kan ha knytt kommentarar til el-anlegget ut frå heilt enkle vurderingskriterium.

Vei, vann og avløp

Vegen til eigedomen er privat. Vatn- og avlaupsnettet er privat. Utgifter til drift og vedlikehald av dette må dekkjast av dei som er tilknytte nettet. Eigedomen har tilgang til vatn frå privat vassverk, Furset private vassverk. Eigedomen er tilknytt privat avløpsanlegg med slamavskiljar, felles med ein naboeigedom. Det ligg føre kommunal tømmeavtale via Sunnfjord miljøverk.
Vannavgift: kr 2 500
Vannmåler: Eigedommen er tilkopla Furset private vassverk. Årleg avgift er oppgitt til kr 2.500,-.

Meglers plikt til å stanse gjennomføring av en handel

Eigedomsmeklarar er underlagd lov om kvitvasking og pliktar å rapportere til Økokrim om mistenkelege transaksjonar. Lov om kvitvasking har og strenge reglar om kontroll av legitimasjon frå alle partar i handelen, med dette, seljar, kjøpar og fullmektigar for desse.

Budgivning

Alle bod skal gjevast skriftleg og legitimert til meklar, som formidlar desse vidare til seljar. Dette gjer ein enkelt elektronisk ved å klikke på "gi bud" knappen på hjem.no, finn.no, via eiendomsmegler1.no eller på bodskjema vedlagt salsoppgåva. Meklar skal så snart som muleg stadfeste skriftleg ovanfor bodgjevar at bod er motteke og formidle det vidare til seljar.  Bod må  ikkje ha kortare akseptfrist enn kl. 12.00 første virkedag etter siste annonserte vising. Bod med kortare frist enn dette kan ikkje formidlast av meklar.  Meklar pliktar å leggje til rette for ei forsvarleg avvikling av bodrunden. For at boda skal kunne bli handsama bør dei ikkje ha ein kortare akseptfrist enn 30 minutt frå bodet er gjeve. Bod som vert gjeve etter normal arbeidstid vert handsama/formidla påfølgjande arbeidsdag.  Meklar tek ikkje ansvar for forseinkingar på el- eller telenettet. Under bodrunden kan akseptfristen kortast ned ved mottaking av nye bod. Akseptfristen frå kjøpar er absolutt. Det betyr at dersom seljar vel å akseptere bodet, må kjøpar meddelast aksepten innan akseptfristen går ut. Dersom du utset å gje inn bod til tett opp mot akseptfristen er det ei reell fare for at eigedomen kan bli seld før bodet ditt kjem fram til meklar. Ein syner elles til "Forbrukarinformasjon om bodgjeving", som også er ein del av salsoppgåva. Kjøpar er utanlandsk statsborgar Dersom ein kjøpar er utanlandsk statsborgar krevjast det at ein har D-nummer til erstatning for norsk personnummer. Meklar rekvirerer dette samstundes som skøyte vert sendt inn til tinglysing hjå Kartverket. Skøytet vert så liggande hjå Kartverket fram til kjøpar har fått D-nummer av  skatteetaten. Deretter vert skøytet tinglyst. Denne prosessen vil ofte medføre at oppgjer og  utbetaling til seljar vert forseinka med nokre veker. Kjøpar må i desse tilfella enten ta atterhald i  bod om forseinka utbetaling til seljar, eller vere budd på å dekke forseinkingsrenter. Kontakt  ansvarleg meklar for informasjon før bodgjeving.

Overtakelse

Overtaking etter avtale. Legg inn ønskje om overtakingsdato ved bodgjeving. Mellom aksept av bod og tidspunktet for overtaking er det ikkje høve til å synfare eigedomen. Vi tilrår difor interessentar til å naudsynte mål og liknande på visinga.

Boligselgerforsikring

Seljar har teikna bustadseljarforsikring som er framforhandla av Söderberg & Partners AS. Forsikringa dekkjer seljar sitt ansvar etter avhendingslova, med dei avgrensingane som følgjer av forsikringsvilkåra og er avgrensa til salssummen til eigedomen, men oppad avgrensa til kr. 14 000 000,-. Seljar har i den samanhengen utarbeidd ei eigenerklæring om eigedomen. Eigenerklæringa ligg vedlagt salsoppgåva og interessentar vert oppmoda til å gjere seg kjend med denne før bodgiving/kjøp. Bustadseljarforsikringa sørgjer for at kjøpar kan forhalde seg til ein profesjonell og søkegod motpart som handterer eventuelle reklamasjonar fagleg og ryddig. Dersom kjøpar ikkje har teikna bustadkjøparforsikring kan hen reklamere direkte til Claims Link (tlf 67 83 51 30 eller post@claimslink.no), som representerer bustadseljarforsikringa til seljar.   Av vilkåra går det fram unntak i forsikringsdekninga, til dømes ved nye forhold som oppstår mellom aksept og overtaking. Garantiar/lovnader der seljar har påteke seg ansvar for eigenskapar ved eigedomen eller dokumentasjon av slike, vert ikkje dekt. I nokre tilfelle er det heller ikkje dekning der seljar har opptrådt forsettleg eller grovt aktlaust. Forsikringa omfattar heller ikkje ein redusert bustadverdi som skuldast skadedyr/insekt, til dømes skjeggkre/perlekre/sølvkre, veggdyr, pelsbiller, maur, borebiller og tilsvarande. I samsvar med lov og rettspraksis må det reklamerast “innan rimeleg tid”. Det vert tilrådd å reklamere umiddelbart/snarast mogleg og seinast innan 2 månader frå forholdet vart/burde vorte oppdaga.   Dersom kjøpar utbetrar mangelskrav på eiga hand, kan dette medføre at reklamasjonsretten vert tapt.

Boligkjøperforsikring

Vedlagt i salsoppgåva følgjer informasjon om Bustadkjøparforsikring Pluss og Bustadkjøparforsikring frå HELP Forsikring AS. Bustadkjøparforsikring er ei rettshjelpsforsikring som gir tryggleik og profesjonell juridisk hjelp dersom det blir oppdaga uventa feil eller manglar ved bustaden dei neste fem åra. Bustadkjøparforsikring Pluss har same dekning som bustadkjøparforsikring + fullverdig advokathjelp på viktige rettsområde i privatlivet. Les meir om begge forsikringane i vedlagde materiell eller på help.no. Det blir gjort merksam på at meklarføretaket mottar kr 1 900 / 2 600 / 2 600,- (avhengig av bustadtype) i kostnadsgodtgjersle for kvar forsikringsavtale som blir formidla på Bustadkjøparforsikring Pluss og kr 2 900 ,- / 3 600,- / 3 600,- i kostnadsgodtgjersle for Bustadkjøparforsikring.

Forsikringsselskap

Gjensidige Forsikring

Avgiftsbeskrivelse

Eigedommen er tilkopla Furset private vassverk. Årleg avgift er oppgitt til kr 2.500,-. Privat avløpsanlegg med slamavskiljar og kommunal tømming, felles med ein naboeigedom. Renovasjon og slam vert fakturert separat av Sunnfjord miljøverk. I tillegg kjem eigedomsskatt. For 2026 utgjer denne kr 2 726,-.

Moderniseringer og påkostninger

Følgjande moderniseringar er utførte dei seinare åra: 2026: - Kontroll og utbetring av pipegjennomføring utført av Tjønneland Vedlikehald. Dokumentasjon føreligg. 2020: - Garasje bygd. Elektrisk anlegg er installert. 2018: - Hagestove bygd. Elektrisk anlegg er installert. 2007: - Elektrisk anlegg installert. Samsvarserklæring føreligg. - Anneks bygd, inneheld bad, badstove og soverom.

Betalingsbetingelser

Kjøpesum og alle kostnader skal vere innbetalt til meklar sin klientkonto før overtaking. Det føresetjast at skøyte blir tinglyst på ny eigar. Dersom kjøpar ikkje ønskjer heimelsoverføring av eigedommen til seg, må det takast atterhald om dette i bodet.

Fasiliteter

Adgang til utleie

Fritidsbolig med éin eining som fritt kan leigast ut i sin heilskap.

Radon

Det er ikkje utført radonmåling på eigedommen, og det er heller ikkje krav til dette. For meir informasjon om radon, sjå www.dsa.no/radon.

Sentrale lover

Eigedomen vert seld etter reglane i avhendingslova. Salsoppgåva er basert på dei opplysningane seljar har gitt til bygningsakkyndig og meklar, samt opplysningar innhenta frå kommunen, Statens kartverk og andre tilgjengelege kjelder. Eigedomen skal overleverast til kjøpar i tråd med det som er avtalt. Det er viktig at kjøpar set seg grundig inn i alle salsdokumenta, med dette salsoppgåve, tilstandsrapport og seljar si egenerklæring. Kjøpar vert sett på som kjent med forhold som er tydeleg beskrive i salsdokumenta. Forhold som er beskrive i salsdokumenta kan ikkje påberopast som manglar. Dette gjeld uavhengig av om kjøpar har lest dokumenta. Alle interessentar vert oppmoda til å undersøkje eigedomen nøye, gjerne saman med fagkyndig før bod vert gjeve. Kjøpar som vel å kjøpe usett kan ikkje gjere gjeldande som mangel noko han burde blitt kjent med ved undersøkinga. Dersom det er behov for avklaringar, anbefalar vi at kjøpar rådfører seg med eigedomsmeklar eller ein bygningsakyndig før det vert lagt inn bod.   Dersom kjøpar ikkje er forbrukar seljast eigedomen «som den er», og seljar sitt ansvar er då avgrensa jf.§ 3-9 1. ledd 2. pkt. Informasjon om kjøpar si undersøkingsplikt, med dette oppmoding om å undersøkje eigedomen nøye, gjeld og for kjøparar som ikkje vert vurdert som forbrukarar.  På grunn av ulike avtalevilkår kan seljar vurdere bod frå ein som ikkje er forbrukar, ulikt frå ein forbrukar sitt bod. Dersom kjøpar ikkje er forbrukar, er seljar sitt mulege mangelsansvar avgrensa fordi eigedomen vert seld "som den er".  Seljar kan ikkje ta «som den er» atterhald ovanfor ein forbrukarkjøpar. Sjølv eit lågare bod frå ein som ikkje er forbrukar kan foretrekkast fordi avgrensinga i muleg mangelsansvar kan ha eigenverdi for seljar. Seljar står fritt til å forkaste eller akseptere eitkvart bod, og pliktar til dømes ikkje å akseptere høgste bod.  Bodgjevarar får informasjon dersom andre bod er gjeve av ein som ikkje er forbrukar.  Forbrukarkjøp - definisjon: Med forbrukarkjøp meinast kjøp av eigedom når kjøparen er ein fysisk person som ikkje hovudsakleg handlar som ledd i næringsverksemd. Forbrukar - avtalevilkår: Eigedomen har ein mangel dersom den ikkje er i samsvar med krava som følgjer av avtalen, eller det ligg føre brot på bestemmingane i avhendingslova §§ 3-2 til 3-8. Dersom eigedomen ikkje er i samsvar med det kjøparen må kunne vente ut frå alder, type og synleg tilstand, kan det vere grunnlag for mangelskrav. Det same gjeld dersom det er halde tilbake eller gitt urette opplysningar om eigedomen. Dette gjeld likevel berre dersom ein kan gå ut frå at det virka inn på avtalen at opplysningen ikkje vart gitt eller at feil urette opplysningar ikke blir retta i tide på ein tydeleg måte. Ein bustad som har blitt brukt i ei viss tid, har vanlegvis blitt utsett for slitasje og skadar kan ha oppstått. Slik bruksslitasje må kjøpar rekne med, og det kan avdekkast enkelte forhold etter overtakinga som gjer det naudsynt med utbetringa utbedringar. Normal slitasje og skadar som gjer det naudsynt med utbetring, er innanfor kva kjøpar må vente og vil ikkje utgjere ein mangel. Bustaden kan ha ein mangel etter avhendingslova § 3-3 dersom det er avvik mellom opplyst og faktisk innvendig areal, forutsett at avviket er på 2 % eller meir og minimum 1 kvm. Ved berekning av eit eventuelt prisavslag eller erstatning må kjøpar sjølv dekke tap/kostnader opptil eit beløp på kr 10 000 (eigendel). Ikkje - forbrukar (næringsdrivande) – definisjon: Dersom kjøpar er ein juridisk person, eller ein fysisk person som hovudsakeleg handlar som ledd i næringsverksemnd, vil kjøpet ikkje bli sett på som eit forbrukarkjøp.  Ikkje - forbrukar – avtalevilkår: Eigedomen har ein mangel dersom den ikkje er i samsvar med krava som følgjer av avtalen. Eigedomen vert seld «som den er», og seljar sitt ansvar utover det konkret avtalte er då avgrensa etter avhendingslova § 3-9, første ledd andre setning.  Avhendingslova § 3-3 andre ledd vert fråviken, og korvidt arealsvikt i bustaden utgjer ein mangel vert vurdert etter avhendingslova § 3-8.  Ein føresetnad for salet er at skøyet for eigedomen vert tinglyst på kjøpar. Interessentar og kjøpar må godta at seljar og meklar brukar elektronisk kommunikasjon i salsprosessen. I trå med eigedomsmeklingsforskrifta vil informasjon om oppdragsgivar, salsobjektet, interessentar og kjøpar bli lagra av meklarføretaket i min. 10 år. Sjå em1.no for meir informasjon om handsaminga vår av personopplysningar.

Personopplysningsloven

Vi gjer interessentar og kjøparar merksame på at vi vil handsame, etter personopplysingslova, personopplysningane dine i den utstrekning dette er naudsynt for å oppfylle våre lovpålagte plikter, med dette for å kunne gjere kundekontroll etter kvitvaskingslova samt for å utføre oppgåver som vi er pålagt etter eigedomsmeklingslova.

Kommunalinfo

• Eiendomsskatt: kr 2 726
• Informasjon om eiendomsskatt: For bustadeigedomar og fritidseigedomar er eigedomsskatten 3,1 promille(sjekk din kommune). For alle bustadeigedomar og fritidseigedomar utgjer eigedomsskattegrunnlaget 70 prosent av skattetaksten for slike eigedomar, jf. eigedomsskattelova § 8 A-2. Eigedomsskatten 7 promille(sjekk din kommune) for næringseigedom, energianlegg (kraftanlegg og kraftnettet), naust, tomter (bustad, fritid, næring og naust) og særskilde skattegrunnlag (jf. overgangsregel i eigedomsskattelova).