Hasseltunet i Parken

Last ned salgsoppgave for komplett informasjon om eiendommen

Registerbetegnelse

Organisasjonsform

Leilegheitene vil bli selde som sjølveigarleilegheiter og organisert som eigarseksjonssameige og følgjer lov om eigarseksjonar. Lova kan ein få ved å ta kontakt med meklar eller ved å gå inn på www.lovdata.no. Seksjonsnummer vert bestemt i samband med seksjonering. Det er total 49 seksjonar i sameiget fordelt på 5 hus. Det kan skje ei omprosjektering som kan medføre endring i tal bueiningar i sameiget. Om det som følje av dette vert naudsynt å føreta ei reseksjonering av sameiget i seinare byggetrinn, er kjøpar pliktig å godta dette. Kjøpar får skøyte på sin seksjon som inneheld eksklusiv bruks- og disposisjonsrett til eigen bustad. Kvar seksjon vil få ein sameigebrøk tilsvarande sitt areal i forhold til samla areal. Seljar tek atterhald om at seksjoneringa vert godkjent av Sunnfjord kommune. Seksjonering kan ta tid som følgje av lang sakshandsamingstid hjå kommunen. Sameiget vil bli leia av eit styre som vert valt mellom eigarane. Dette styret skal ivareta alle saker som er av felles interesse for sameigarane. Seljar vil på vegne av sameiget engasjere ein forretningførar til å stå for drifta av sameiget innanfor dei rammene som sameiget vedtek. Ved kjøp av bustad i dette prosjektet vert kjøpar deleigar i sameiget. Det er ikkje valt forretningsførar for sameiget. Utbyggar vel forretningsførar for ein periode på to år ved etablering av sameiget. Vidare må sameiget ta stilling til val av forretningsførar når det er etablert. Den einskilde seksjonseigar heftar for felles ansvar og plikter etter sameigebrøken. Sameiget har legalpant for inntil 2G for dekking av ubetalte felleskostnader, jf. eigarseksjonlova §§ 30 og 31. Ingen kan direkte eller indirekte erverve meir enn to bustadseksjonar i eit bustadsameige jf. eigarseksjonslova § 23. Kjøpar er ansvarleg for at kjøpet ikkje er i strid med eigarseksjonslova. Dersom det har funne stad eit erverv som er i strid med reglane i eigarseksjonslova kan Kartverket nekte overskøyting. Dersom overskøyting blir nekta, er kjøpar likevel forplikta til å gjennomføre handelen med seljar og oppgjer til seljar vil finne stad trass i manglande overskøyting. In-blanco skøyte vert ikkje akseptert.

Informasjon borettslag / sameie

Vedtekter / Husordensregler:
Det er utarbeidd vedtekter for sameige, desse ligg vedlagt i salsoppgåva. Vedtektene vert gjeldande fram til sameigemøte evt. vedtek endring. For å endre vedtekter er det krav om 2/3 fleirtal. Iflg, vedtektene skal overdraging og utleige av seksjon meldast styret for godkjenning. Godkjenning kan berre nektast når det ligg føre sakleg grunn til det.

Parkering

Parkering vert i garasjekjellar med innkøyring i fellesskap med Lønnetunet. Det er avsett 21 parkeringsplassar til leilegheitene i første byggjetrinn, blokk A og B. Leilegheitene B-12 og B-13 har ikkje parkering. Parkeringsplassane er reservert på den enkelte leilegheit, sjå parkeringsoversikt (prisliste) over kva parkeringsplassar som er reservert dei respektive leilegheiter. Dei som har reservert plassar må ta stilling til om dei ønskjer å kjøpe plassen på tidspunkt ved kjøp av leilegheit. Om ein ikkje ønskjer å nytte seg av reservasjonen, står utbyggjar fritt til å selje denne til andre. For leilegheiter som har fått reservert HC plass, er det viktig å merke seg at styret skal administrere ei byteordning som sikrar at personar med nedsett funksjonsevne får tilgang til ein tilrettelagt plass. Styret har plikt til å pålegge ein eigar av ein seksjon som eig ein slik HC- plass, og ikkje har behov for denne, å byte plass med ein som har nedsett funksjonsevne. Det vert forutsett at den som blir funksjonshemma disponerer parkeringsplass i eigarseksjonssameiget og at denne plassen vert stilt til disposisjon til den som gjennom denne byteretten må gi frå seg plassen sin. Det er avsett totalt 3 HC plassar i prosjektet, der 1 plass kjem i første byggetrinn. Parkeringsplassar og boder vil bli tildelt av utbyggar. Vidare er det avsett plassar til sykkelparkering. Sjå parkeringsoversikt og utomhusplan. Parkeringsplassar og manøvreringsareal er prosjektert etter minumumsanbefalingar i NBI (Byggforsk). Tilkomst frå leilegheitene til parkeringskjellar via heis og trapperom. Det går 4 heisar og 4 trapper opp frå garasjekjellaren til hus A,B,C,D. Leilegheitene i hus E får tilgang til garasjekjellar via trapperom/heis i anten A, B, C eller D. Veggar, søyler og himling i garasjekjellar blir i hovudsak levert i ubehandla betongoverflate, støvbunden (overflater vert ikkje av sparkla og malt kvalitet). Køyre- og parkeringsareal vert levert med asfalt. Det vil førekomme synlege avløpsrøyr, ventilasjonskanalar, elektriske kablar osv., på veggar og i himling. Ansamlingar av vatn på parkeringsdekke vil førekomme som følgje av avrenning frå bilar mv. Parkeringskjellar er å rekne som eit uteområde og kondensering vil førekome. I garasjekjellaren vil det bli tilrettelagt for ettermontering av ladeboks til El-bil for kvar parkeringsplass. El-bil lading går på fellesanlegget og må administrerast via eit adminstrasjonssystem, brukarsystem og betalingssystem i eitt. Systemet blir levert av ekstern aktør og utbyggar vil velje leverandør på vegne av sameiget før innflytting. Det må monterast lik type el-billadar i sameige. Det blir levert trådlaust nettverk i garasjekjellaren. Kvar leilegheit får utdelt 1 fjernkontroll til garasjeporten. Det er også offentlege parkeringsplassar langs Parkgata, vegen inn til feltet, med dobbelsidig kantparkering. Seljar tek atterhald om retten til å organisere parkering og boder på den måten som han ser som mest hensiktsmessig, til dømes som ein del av sameiga sitt fellesareal med dertil tilhøyrande bruksrettar, seksjonert som tilleggsareal til den enkelte seksjon eller som særskilt anleggseigedom.

Eiendom

Tomteareal er 4 940 m² på eiet tomt.

Kjøpar er kjend med at utomhusarbeid, avhengig av årstid, vil kunne bli ferdigstilt og overtakingsforretning for desse halde etter at forbrukaren har teke over bustaden. Seljar kan også gjere mindre endringar på utomhusarealet som følgje av offentlegrettslege krav, så lenge det ikkje forringar verdien og nytten av utomhusarealet. Den einskilde seksjonseigar disponerer og vedlikeheld utomhusarealet som naturleg ligg til sin seksjon.

Byggemåte

Sjå leveransebeskrivinga lenger bak i prospektet for beskriving av byggjemåte. Med dagens tette bustader og miljøvennlege målingstypar kan det vere fare for heksesot inne i bustadene. Alle bustader bør difor ventilerast godt den første vinteren/året, og ein bør vere forsiktig med gassbruk og levande lys innvendig. I nye bygg vil det normalt oppstå svinnriss, sprekkar i tapet, maling og så vidare ved skøyter og samanføyingar, dels på grunn av uttørking av materialer. Det vert påkeika spesielt at sprekkar i materialovergangar og mellom tak og vegg og i hjørner ikkje kan bli forlanga utbetra, så lenge desse ikkje inneber avvik frå god handverksmessig standard. Seljar kan gjere naudsynte og/eller mindre hensiktsmessige endringar i spesifikasjonane, til dømes som følgje av offentlegrettslege krav og manglande tilgjengelegheit, så lenge dette ikkje reduserer føresett standard på bustaden. Slike endringar utgjer ikkje ein mangel, og gir ikkje kjøpar rett til prisavslag eller andre sanksjonar. Teikningar og illustrasjonar i prosjektet og teikningsmaterialet er kun av illustrativ karakter. Ved eventuelt avvik gjeld leveransebeskrivinga framfor prospektet og teikningar. Innkassing av tekniske installasjonar som ikkje går fram av kontraktsteikningane kan førekome. Seljar informerer om at det kan forekome, og kjøpar må akseptere, mindre endringar i forhold til arkitektteikningar og byggjebeskrivingar. Kjøpar pliktar likevel ikkje å akseptere endringar som reduserer verdien av bustaden. Det kan førekomme avvik mellom byggjespesifikasjon og planteikningar. I slike tilfelle er det alltid byggjespesifikasjon som er retningsgivande. Dersom det er avvik mellom prospekt/internettside og leveransespesifikasjon, er det den endelege leveransespesifikasjonen i kontrakten som gjeld. Omfanget av leveransen er avgrensa til denne. Kjøpar er kjend med at det vil føregå byggjeaktivitet over lenger tid. Dette kan i periodar medføre noko støy og endringar.

Oppvarming

Vassboren golvvarme med termostat i alle opphaldsrom, soverom og bad/vaskerom. Det vert montert fordelarskåp for golvvarme i kvar leilegheit. Romtemperaturen vert regulert med termostatar. Varmen blir levert via fjernvarmeanlegg (Eviny). Det vert montert energimålar i kvar leilegheit for avlesing av energiforbruk for oppvarming. Det vert også målarar der ein kan lese av forbruket av varmt tappevatn (forbruksvatn). Målarane kan fjernavlesast av sameige.

Vei, vann og avløp

Offentleg vatn og avlaup via private stikkleidningar. Tilkomst frå offentleg veg.

Meglers plikt til å stanse gjennomføring av en handel

Etter lov om kvitvasking og terrorfinansiering pliktar meklar å gjennomføre kundekontroll ved å stadfeste identiteten til kunden, eventuelt reelle rettigheitshavarar, på bakgrunn av gyldig legitimasjon. Dersom slike kundetiltak ikkje let seg gjennomføre kan meklar ikkje etablere kundeforholdet eller utføre transaksjonen. På same måte pliktar meklar å gjennomføre kundekontroll på kjøpar. Meklarføretaket har plikt til å melde ifrå til Økokrim om eigedomstransaksjonar som framstår som mistenkjelege. Slik melding vert sendt utan at partane vert varsla. Meklar kan også i enkelte tilfelle ha plikt til å stoppe gjennomføringa av handelen.

Andre relevante opplysninger

Lyse og moderne leilegheiter i mange storleikar. Alle leilegheitene har romsleg privat terrasse eller balkong. Ein del leilegheiter har spennande arkitektoniske detaljar som karnapp og takvindauge, dette gir ekstra lys og særpreg. Triveleg, bilfritt tun med leikeplass, pergola og soisale møteplassar i ulike soner. Kvalitetskjøkken frå Sigdal. Vassboren golvvarme i alle opphaldsrom, soverom og bad/vaskerom. Bad får også innreiing frå Sigdal. Parkeringskjellar med sportsbod tilrettelagt for elbil-lading. Sykkelparkering i garasjekjellar. Fire heisar opp til hus A, B, C og D. Trådlaust nettverk i garasjekjellar. Kort gåavstand til matbutikk. Parken ligg innanfor bomringen. Nokre leilegheiter kan få hems som tilval. Sjå elles leveransebeskriving Bustaden vert levert i byggreingjort stand. Kjøpar må pårekne utvask etter overtaking. Seljar leverer ikkje; kvitevarer (kjøleskåp, koketopp, steikeomn og oppvaskemaskin), lamper, andre lyskjelder/-utstyr, markiser/solavskjerming, tepper, møblar og anna tilhøyr, dersom dette ikkje går tydeleg fram av denne prosjektbeskrivinga. Det vert gjort merksamt på at 3D og 2D-teikningar er illustrasjonar og at både uteareal og innvendig areal berre er illustrert og ikkje på nokon måte dannar grunnlaget for avtalen eller er bindande for seljar. Data som dannar grunnlaget for avtalen er leveransebeskrivinga.

Forsikringsselskap

Bygg og eigedom vil vere forsikra av seljar fram til overtaking. Deretter må sameiga teikne fullverdiforsikring. Kjøpar må sjølv teikne innbu- og lausøyreforsikring.

Avgiftsbeskrivelse

Kommunale avgifter, sett bort frå renovasjonsavgift, inngår ikkje som del av fellesutgiftene. Kommunale avgifter for vatn og avlaup blir fakturert kvar enkelt seksjon. Vatn og avlaup er for sett saman av abonnements- + forbruksgebyr. Årleg abonnementsgebyr for 2025 Vatn pr år kr: 1 863,- Kloakk pr år kr: 2 504,- Forbruksgebyret blir rekna ut slik: BRA x 1,2 = m3. m3 blir så multiplisert med m3 pris som følgjer under: Vatn kr. 13,68 pr. m3 Avlaup kr. 24,25 pr. m3. Gebyr for avlesing av vassmålar per avlesing: kr. 1 706,-. Renovasjon består av eit fast gebyr på kr. 3 500,- per år og ein variabel del som vil avhenge av kor ofte dunken skal tømmast. Dette gjeld frå 1, januar 2025 og meklar har difor ikkje erfaringstal som kan estimere kva dette vil utgjere. Dette er likt for alle husstandar i kommunen.

Vedlegg til kjøpekontrakt

Dette prospektet, leveransebeskriving.

Videresalg av kontraktsposisjon

Kjøpekontrakten kan ikkje transporterast utan samtykke frå seljar. Seljar kan på fritt grunnlag avslå å gi samtykke til transport. Dersom seljar godtek transport, vil dei krevje eit transportgebyr på kr. 50.000,- inkl. mva. som kjøpar pliktar å betale inn i si heilheit før seljar signerer på naudsynte dokument. Kostnader til meklar kjem i tillegg. Seljar/meklar har opphavsrett til marknadsmateriellet for bustadprosjektet, med dette bilete og illustrasjonar. Kjøpar kan ikkje nytte marknadsmateriellet til bustadprosjektet i marknadsføringa av videresalet/transporten av kjøpekontrakt eller utleige utan seljar/meklar sitt samtykke.

Finansiering

Ved kjøp i prosjektet må bodgjevar leggje fram tilfredstillande dokumentasjon på finansiering via banken sin.

Særlige forbehold

Utbyggjar tek atterhald om at minst 70% av prosjektverdien i byggjesteg 1 må vere seld før oppstart av prosjektet og at styrande organ hjå seljar har teke avgjerd om byggjestart. Utbyggjar kan likevel setje i gang med prosjektet ved lågare teikningsgrad. Kjøparar i prosjektet vil då få skriftleg melding om at atterhaldet er avklara og at byggjearbeida vert sett i gang. Søknad om igangsetjingsløyve vert ikkje fremja før slikt tilstrekkeleg sal er oppnådd. Det vert vidare sett som føresetnad at det vert gjeve offentlege godkjenningar. Forskyvingar i forhold til opplysningar om anteke byggjestart/ferdigstilling og liknande som følgje av manglande avklaringar av atterhalda som er nemnde her, gir ikkje grunnlag for å gjere seljar ansvarleg for dagmulkt eller andre krav. Utbyggjar vil varsle kjøpar når bygginga vert igangsett (byggjestart). Arbeid med og på eigedomen som vert gjort før slikt varsel ligg føre er ikkje å rekne som byggjestart i forhold til kontrakten. Seljar har frist på 6 mnd til å få avklart atterhalda. Etter denne dato kan begge partar etter denne dato ved skriftleg varsel til den andre parten, gå frå avtalen utan at det fører til noko form for kompensasjon for nokon av partane.

Avbestilling

Dersom kjøpar avbestiller heile eller deler av seljars yting, har seljar krav på erstatning for sitt økonomiske tap som følgje av avbestillinga, jfr. buofl. § 53. Dette vil blant anna omfatte meirkostnader som følgje av seljars meirarbeid i samband med avbestillinga og nytt sal, eventuelt tap på forteneste ved nytt sal, og anna tap/meirkostnader som følgje av utsett overtaking av bustaden. Vidaresal er ikkje å sjå på som avbestilling. Ved ei eventuell avbestilling før igangsetjing betalar kjøpar etter bustadoppføringslova § 54 eit avbestillingsgebyr på kr. 150 000,- i staden for erstatning etter §§ 52 eller 53. Ved kontraktsbrot/avbestilling frå kjøpar si side etter igangsetjing, vil seljar halde kjøpar ansvarleg for økonomiske tap og meirkostnader som følgje av hevinga. Høvet til kjøpar til å avbestille følgjer av Bustadoppføringslova §§ 52-54. Ved avbestilling skal kjøpar betale ei normal erstatning for tap til seljar minimum tilsvarande 10% av den avtala kjøpesummen. Bestilte tilval og endringar skal i slike tilfelle, i si heilheit, uansett betalast av kjøpar. Seljar kan krevje utbetaling av delinnbetalinga til kjøpar til dekning av avbestillingsgebyr eller vederlag etter dette punktet. Dersom kontrakten ikkje vert gjennomført, vil renter på innbetalte forskot tilfalle kjøpar.

Tilvalgsmuligheter

Ved tilval og endringsarbeid gjer ein merksam på at kjøpar vil bli kalla inn til endringsmøte av utbyggjar/entreprenør, der kjøpar og entreprenør går gjennom leveransebeskrivinga. For endring av standard leveranse vert det skriven ein endringsavtale direkte mellom entreprenør og kjøpar. Endringsarbeid er ei endring i bustaden som medfører endringar i teikningar eller teknisk underlag. Alle prosjektendringar må godkjennast av seljar. I tillegg må teikningar og teknisk underlag oppdaterast. Som ei følgje av dette kjem det til ein prosjekterings- og administrasjonskostnad i tillegg til dei tinga endringane. Alle endringar skal godkjennast av seljar og det tilkjem ein administrasjonskostnad på 15 % i tillegg til pristilbodet på den tinga endringa. Kjøpar kan ikkje krevje endringar eller tilleggsarbeid som vil endre vederlaget med 15% eller meir, jamfør bustadoppføringslova §9. Vederlag for endringsavtalar vert krevd inn saman med sluttvederlaget. Etter igangsetjing vil det bli gitt fristar for tilval og endringar. Vert det inngått kjøpsavtale etter igangsetjing er kjøpar kjend med at fristar for tilval og endringar kan vere utgått. Kjøpar er oppmoda til å ta atterhald i kjøpstilbodet dersom prosjektet er igangsett, og kjøpar har krav til tilval/endringar som kjøpar forutset skal vere muleg å få levert av utbyggjar/seljar.

Fellesområder

Køyreareal i parkeringskjellar med trappeløp, heisar og gangareal vert fellesareal. Bygningane vert seksjonerte med eksklusivt bruksareal per seksjon.

Betalingsbetingelser

10% ved underteikning av kontrakt 90% ved overtaking. Seljar kan tilby alternativ betalingsplan der kjøpar får prisavslag på 1,5% av kjøpesummen: 10 % ved underteikning av kontrakt 40 % ved tett hus 40 % ved klart til måling 10 % ved overtaking Sluttinnbetalinga vil stå på klientkontoen til meklar inntil overtakinga og overskøyting har funnet stad.

Salgsbetingelser

Seljar tek atterhald om retten til å akseptere eller forkaste eitkvart bod/kjøpetilbod på fritt grunnlag. Sal av kontraktsposisjon er berre tillate etter godkjenning frå seljar. Seljar kan utan nærmare grunngjeving nekte ei slik godkjenning. Ervervet vil etter slik godkjenning kunne tinglysast direkte til tredjemann, men seljar vil i høve til oppgjer og kontraktsvilkår elles berre halde seg til kjøpar. Eventuelle bod må gjevast inn på meklar sitt standard bodskjema som vil bli nytta ved alle sal. Sjå bodskjema.

Ferdigstillelse

Forventa byggjetid for byggjesteg 1 er ca. 21 mnd frå oppstart betong. Utbyggjar tek atterhald om minimum 70 % sal i byggjesteg 1 før oppstart, samt at prosjektet blir godkjent av offentlege myndigheiter. Seljar har frist på 6 mnd frå kjøpar signerer på kjøpekontrakt å få avklart atterhalda i prospektet. Etter denne dato kan begge partar med skriftleg varsel til den andre parten gå frå avtalen utan at det fører til nokon form for kompensasjon for nokon av partane. Når seljar har oppheva atterhalda skal seljar fastsetje ein overtakingsperiode som ikkje skal vere lenger enn 3 månader. Seljar skal skriftleg varsle kjøpar om når overtakingsperioden startar og når den sluttar. Seinast 10 veker før ferdigstilling av bustaden skal seljar gi kjøpar skriftleg melding om endeleg overtakingsdato. Den endelege datoen er bindande, løyser ut krav om dagmulkt og skal liggje innanfor overtakingsperioden. Ved overtaking skal det liggje føre ferdigattest eller mellombels bruksløyve. Ved overtaking mot mellombels bruksløyve pliktar seljar å leggje fram ferdigattest innan rimleg tid og seinast før mellombels bruksløyve går ut på tid. I slike tilfelle har kjøpar krav på å halde attende ein forholdsmessig del av vederlaget til sikkerheit for at ferdigattest vert gjeve. Alternativt kan seljar stille §47 garanti som sikkerheit for dette høvet. Seljar tek atterhald om å kunne stille slik garanti. Overtaking mot mellombels bruksløyve medfører at ein har teke over eigedomen og ikkje har krav på dagmulkt etter overtaking. Ved overtaking vil kjøpar få tildelt FDV- dokumentasjon som syner kva material, produkt og fargeval som er nytta, og i tillegg adresselister med oversikt over kontaktpersonar/firma som er ansvarleg for dei forskjellige arbeid og vedlikehald. Kjøpar må pårekne at det kan verte byggjearbeid etter innflytting i samband med ferdigstilling av byggjesteg 2.

Adgang til utleie

Det følgjer av eigarseksjonslova § 24 at utleige over kort tid av heile bustadseksjonen i meir enn 90 døgn årlie ikkje er tillate. Med utleige over kort tid meiner ein utleige inntil 30 døgn samanhengande. Grensa på 90 døgn kan fråvikast i vedtektene. bestemminga gjeld ikkje for fritidsbustader. Ta kontakt med meklar dersom du ønskjer kopi av vedtektene for nærare informasjon om kva vedtak som er fatta i dette sameiget.

Sentrale lover

Bustadane vert selde i samsvar med lov om bustadoppføring av 13. juni 1997 nr. 43 (bustadoppføringslova). I tillegg gjeld lov om eigarseksjonar av 16. juni 2017 nr. 65 (eigarseksjonslova) for sameiga og drifta av dette. Handelen vert regulert av og gjennomførast etter bustadoppføringslova. Kontraktar vil bli utforma i etter bustadoppføringslova og føresetnadene ved kjøpet. Det blir ikkje nytta NS/NBR kontrakt, men kontraktsmal utarbeidd av NEF. Med mindre anna er avtala før aksept, vert det forutsett at eigedomen skal overskøytast til kjøpar. Det vert opplyst om at dersom leilegheita er kjøpt med meining på å ikkje ta over og bebu denne, herunder som eit vidaresalsobjekt vil videresalet regulerast av bustadoppføringslova. Herunder vil seljar måtte oppfylle vilkår i bustadoppføringslova ved evt. videresal. Konferer meklar for ytterlegare informasjon. Dersom kjøpar ikke er forbrukar vert bustaden seld etter følgjande reglar: Bustadoppføringslova sine reglar kjem i utgangspunktet ikkje til anvending ved denne transaksjonen. Partane er likevel enige om at Lov om avtalar med forbrukar om oppføring av ny bustad m.m. av 13.6.1997 nr. 43 Bustadoppføringslova kjem til anvending på kontraktsforholdet med slike unntak som teke inn i dette punktet. Bestemmelsane i bustadoppføringslova som ikkje er gjeldande mellom partane og såleis ikkje kan påberopast: §§ 8, 12, 16, 18, 24, 31, 47, 49, 51, 52, 53 og 54. Dersom andre paragrafar i bustadoppføringslova inneheld bestemmelsar om at de ovennemnde paragrafar kan påberopast, vil også slike bestemmelsar ikkje være gjeldande mellom partene.

Viktig informasjon

Entreprenøren skal stille garanti for oppfylling av avtalen. Denne skal stillast straks etter avtaleinngåinga, jamfør bustadoppføringslova §12. Er det i avtalen teke atterhald om opning av byggjelån, sal av eit bestemt tal bustader eller løyve om igangsetjing, er det likevel tilstrekkeleg at entreprenøren stiller garantien straks etter at atterhalda fell bort, men entreprenøren skal i alle høve stille garanti før byggjearbeidet tek til. Kjøper har rett til å halde tilbake alt vederlag frem til det er dokumentert at garantien foreligger. Garantien skal gjelde fram til fem år etter overtaking. Garantien skal tilsvare minst 3% av kjøpesummen fram til overtaking, og minst 5% etter overtaking. Endringsarbeid/tilleggsbestillingar/tilval vil ikkje påvirke storleiken på seljar sin garanti/sikkerheit. Ved avtale om forskotsbetaling skal seljar i tillegg stille forskotsgaranti etter bustadoppføringslova §47. Det innbetalte beløpet tilhøyrer kjøpar, og kan ikkje frigjevast til seljar inntil det anten er stilt forskotsgaranti etter §47 eller kjøpar har fått tinglyst heimel til eigedomen. Ved overtakinga skal det vere stilt ferdigattest. I særlege tilfelle kan seljar krevje og kjøper ikkje nekte å gjennomføre overtakinga mot mellombels bruksløyve. Dette kan vere til dømes dersom utomhus ikkje lar seg ferdigstille pga. tele i bakken, at kommunen krev at alle bygg er ferdige før ferdigattest vert gjeve, og liknande. I slike tilfelle har kjøparane krav på å halde attende forholdsmessig del av vederlaget som sikkerheit for at det vert gjeve ferdigattest. Alternativt kan seljar stille § 47 garanti til sikkerheit for dette forholdet. Overtaking mot mellombels bruksløyve medfører at ein har teke over og følgjeleg ikkje har krav på dagmulkt etter overtakinga. Ved overtaking mot mellombels bruksløyve eller forseinka heimelsovergang som følgje av seksjonering av eigedomen tek seljar atterhald om å kunne stille §47 garanti som sikkerheit for slike forhold. Mot slik sikkerheit kan seljar disponere heile kjøpesummen etter overtaking av eigedomen. Det er eit vilkår for oppgjer at eigedomen er seksjonert, at det ligg føre § 12 garanti, det ligg føre mellombels bruksløyve og at bustaden er skjøtt over samt at andre kontraktsforhold er avklara.

Annen informasjon

Annet: Klyngetun er ei gamal norsk buform: mange småhus i landsbyliknande fellestun. Vår moderne versjon av klyngetunet har blitt ein suksess. I Parken er husa plasserte kring kvart sitt indre, bilfrie tun. Klyngetun er difor eit godt utgangspunkt for å skape gode, sosiale nabolag med trivelege uteområde. Du vel sjølv kor sosial du ønskjer å vere, alle leilegheitene har gode, private uteplassar.