Kvietunet 29

Last ned salgsoppgave for komplett informasjon om eiendommen

Registerbetegnelse

Informasjon borettslag / sameie

Regnskap / Budsjett:
Meglar har kopi av budsjett for 2026 og årsrekneskap for 2025 og 2024. Desse kan interessentar få oversendt. Årsresultat for 2025: Godkjent på generalforsamling, men beløp er ikkje spesifisert. Årsresultat for 2024: Overskot på kr 1 638 718,-. Budsjettert resultat for 2026: Overskot på kr 153 300,-. Per 31. desember 2024 hadde laget disponible midlar på kr 2 175 097,- og ein positiv eigenkapital på kr 25 217 704,-. På generalforsamling 29. april 2026 vart det vedteke å halde ei ekstraordinær generalforsamling hausten 2026. Føremålet er å bli samde om rammene for innleigd måling av yttervegger. Kostnaden for dette arbeidet er tenkt dekt over felleskostnadene.

Vedtekter / Husordensregler:
Eigar pliktar å gjere seg kjend med vedtekter og eventuelle husordensreglar. Kopi av desse ligg vedlagt i salsoppgåva.

Dyrehold:
Husdyrhaldet skal ikkje vere til ulempe for burettslaget eller dei andre bebuarane. Bebuar inngår automatisk ei avtale om ansvarleg husdyrhald med burettslaget ved anskaffing. Alle hundar i burettslaget skal haldast i band gjennom heile året, og hundeeigarar må fjerne ekskrement. Hannkattar skal vere kastrerte, og hokattar skal steriliserast eller gå på p-piller. Kattar skal vere merkte med halsband med namn og telefonnummer. Katteigarar må ha eigen sandkasse til katten sin ute på eigen eigedom. Dersom husdyret er til stor sjenanse for andre, kan styret krevje at det blir fjerna.

Beboernes forpliktelser:
Burettslaget har ei dugnadsordning der utførte dugnadstimar blir utbetalte. Kvar andelseigar er pliktig til å utføre utvendig målingsarbeid på eigen bustad (vegger, veranda, gjerde, carport) i samsvar med vedlikehaldsplan. Arbeid som ikkje blir utført innan fristen, vil bli utført av innleigd personell for andelseigaren si rekning. Andelseigar pliktar også å vedlikehalde eigen hage, inkludert plenklipping og fjerning av ugras.

Styregodkjennelse:
Kjøpar skal godkjennast av styret i burettslaget. Slik godkjenning kan ikkje nektast utan sakleg grunn. Kjøpar er forplikta til å gjennomføre handelen uavhengig av om kjøpar på overtakstidspunktet er godkjend av burettslaget som ny andelseigar. Risikoen for å bli godkjend som andelseigar ligg dermed hjå kjøpar. Dersom kjøpar på overtakstidspunktet ikkje er godkjend som ny andelseigar, har kjøpar ikkje rett til å ta bustaden i bruk, jf. burettslagslova § 4-5 (2). Blir kjøpar ikkje godkjend som ny eigar, må kjøpar sørgje for vidare sal av andelen. Heimelen vert då overført til kjøpar, og oppgjeret vert utbetalt til seljar. Skjema for styregodkjenning finst på BOB.no og blir sendt til styret for signering.

Forkjøpsrett:
Andelseigarane i burettslaget og deretter dei øvrige andelseigarane i bustadbyggjelaget (BOB BBL) har forkjøpsrett. Forkjøpsretten gjeld ikkje ved overdraging til nær familie eller ved skifte etter separasjon/skilsmisse. Fristen for å gjere forkjøpsretten gjeldande er 20 dagar etter at burettslaget har motteke melding om eigarskiftet, eller 5 kvardagar ved førehandsvarsel.

Felleskostnader

kr 8 791 pr. mnd.

Felleskostnader inkluderer

Felleskostnadene er kr 8 791,- per månad og inkluderer: Renter og avdrag knytte til fellesgjeld, byggforsikring, utvendig vedlikehald, styrehonorar, forretningsførsel, revisjonshonorar, felles straum, reinehald av fellesareal, kommunale avgifter og andre driftskostnader som måtte kome til. På generalforsamling 29. april 2026 vart det vedteke å halde ei ekstraordinær generalforsamling hausten 2026 for å bli samde om rammene for innleigd måling av yttervegger. Kostnaden for dette arbeidet er tenkt dekt over felleskostnadene. Rentenivå, eventuelle nye låneopptak, endra nedbetalingsplan og vedtak på årsmøte kan påverke storleiken på felleskostnadene.

Fellesgjeld

kr 293 769,58
Dette utgjør andelens fellesgjeld pr. 04.06.2026

Burettslaget har følgjande lån: Lån der det vert betalt både renter og avdrag. Annuitetslån Rente pt.: 4,07 %. Flytande Restsaldo pr. 05.06.2026: kr 5 617 281,- Andel av saldo: kr 151 835,16 Innfrielsesdato: 01.05.2034 Lånenr.: 13539798 Bankforbindelse: Husbanken. Lån der det vert betalt både renter og avdrag. Annuitetslån Rente pt.: 3,46 %. Fast Restsaldo pr. 05.06.2026: kr 5 250 994,18 Andel av saldo: kr 141 934,42 Innfrielsesdato: 30.04.2031 Lånenr.: 13539798-20 Bankforbindelse: Husbanken. Burettslaget si totale fellesgjeld utgjer kr 10 868 275,- pr. 05.06.2026. Nedbetalingsplan kan hentast hjå borettslaget si bankforbindelse og/eller BBL. Burettslaget praktiserer ikkje individuell nedbetalingsordning av fellesgjelda (IN-ordning).

Forsikringspolise

SP0001362952

Sikringsordning

Bustadselskapet har inngått avtale om forskotterte felleskostnader med Klare Finans AS. Laget er sikra mot tap som følgje av at ein andelseigar ikkje betaler sine felleskostnader. Avtalen er gyldig til den blir sagt opp av ein av partane. Burettslaget er også medlem av Skadeforsikringsselskapet Borettslagenes Sikringsordning AS. For krav på dekning av felleskostnader og andre krav frå lagsforholdet har laget panterett i andelen framfor alle andre hefte. Pantekravet er avgrensa til ein sum som svarar til to gonger folketrygda sitt grunnbeløp.

Parkering

Kvar bustad disponerer 1 carport og 0,6 parkeringsplass i eit felles carportanlegg. Parkering skal berre skje på oppmerkte felt eller faste plassar, dette gjeld også gjesteparkering. Meklar gjer merksam på at det etter plan- og bygningslova kan vere fatta vedtak i sameige om å opparbeide tilrettelagde parkeringsplassar for personar med nedsett funksjonsevne. Sameiget har då plikt til å sikre tilgjengelege parkeringsplassar for dei som har behov for dette. Dette inneber at ein seksjonseigar med nedsett funksjonsevne kan krevje å få byte parkeringsplass med ein seksjonseigar utan behov for tilrettelagt plass. Tilgjengeligheita skal sikrast gjennom byteordning eller liknande løysingar. Det er likevel eit krav at seksjonseigaren med nedsett funksjonsevne allereie disponerer ein parkeringsplass i sameiget. Retten til å bruke ein tilrettelagd parkeringsplass varer så lenge det ligg føre eit dokumentert behov, og gjeld uavhengig av om parkeringsplassen er fellesareal eller er registrert som tilleggsdel til ein enkelt seksjon. Det er difor ein risiko for at ein kjøpt parkeringsplass – uavhengig av korleis han er organisert – lovleg kan bli tildelt ein annan seksjonseigar med nedsett funksjonsevne. Meklar har ikkje undersøkt om det er tilrettelagt for lading av elbilar i burettslaget/sameiget. Kjøpar må sjølv undersøkje om det finst eksisterande anlegg eller moglegheit for slike installasjonar. Utgangspunktet er at dette vil vere ei kostnad og ei tilrettelegging som kjøpar sjølv må stå for, dersom dette er teknisk mogleg og vert godkjent av burettslaget/sameiget.

Eiendom

Tomteareal er 3 497 m² på eiet tomt.

Eigedommen har ei relativt flat tomt. Tomta er opparbeida med plen, beplantning, treterrasse, blomsterbed, hekk, gjerde i malt trevirke og belegningsstein ved inngangspartiet med forlengelse som gangareal fram til sørsida av bustaden.

Byggeår

2003

Innhold

Tomannsbustad går over to plan med følgjande innhald: 1. etasje: gang, bad/vaskerom, stove/kjøkken, eitt soverom og bod 2. etasje: stove, tre soverom og bad Balkong på 8 m² og markterrasse på 25 m². I tillegg er det ein ekstern bod på 5 m², og bustaden disponerer biloppstillingsplass i felles carportanlegg. Dei oppgitte romma er definerte av bygningssakkyndig i samsvar med vedlagd rapport, basert på dagens faktiske bruk, uavhengig av kva som er godkjent av bygningsstyresmaktene.

Standard

Tomannsbustaden frå 2003 er gjennomgåande oppgradert og fordeler seg over to fulle etasjar med fire soverom, to bad og romsleg uteplass på hovudplan samt ein sørvendt altan på andre plan. Kjøkken, bad og vaskerom fekk ny innreiing i 2025, og luft-til-luft varmepumpe vart installert i 2023. Vedovnen i 1. etasje gir eit ekstra oppvarmingsalternativ. Balansert ventilasjon er etablert i heile bustaden. Planløysinga er gjennomtenkt: dei sosiale romma ligg i kvar sin etasje, medan soverommene er fordelte med eitt i 1. etasje og tre i 2. etasje. Av denne hustypen (hustype 5 A som er av den største typen i burettslaget) er det kun denne og ein andel til som har kjøkkenet i 1.eatsje av bustaden. Entré: Frå hovuddøra kjem ein inn til flislagt entrè. Rommet er praktisk utforma med plass til å henge frå seg yttertøy, og leiar vidare inn til dei øvrige romma i 1. etasje. Veggane har malte plater med imitasjon av panel, malt i 2022. Stove 1. etasje: Stova i 1. etasje er open mot kjøkkenet og har utgang til markterrassen. Vedovnen står plassert i rommet og gir varme på kalde dagar. Luft-til-luft varmepumpen frå 2023 er montert i stova og dekkjer oppvarmingsbehovet effektivt. Store glasflater mot terrassen slepper dagslyset inn og gir god kontakt med hagen. Plass til sofagruppe og spisebord i den opne løysinga. Kjøkken 1. etasje: Kjøkkenet er nytt frå 2025 og er utforma i L-form med slette fronter i lys utførelse i fargen "Trend linen". Innreiinga har over- og underskap samt høgskap med integrert steikeovn og mikrobølgeovn. Laminat benkeplate med nedfelt oppvaskkum og integrert koketopp. Mellom benkeplate og overskap er det montert finérplater med overflate som imiterer stein. Integrert oppvaskmaskin er inkludert, og vinskap er plassert i underskap ved vindauget. Skuffer og skap har demparar med mjuk lukking. Eittgreps blandebatteri ved oppvaskkum. Kjøkkenventilator med avtrekk ut. Nye straumledningar vart trekte i samband med kjøkkenoppussinga. Markterrasse: Frå stove/kjøkken i 1. etasje er det tilkomst til ein markterrasse med terrassebord. Terrassen er romsleg og gir plass til spisebord og grill. Tilkomst er òg mogleg via hageanlegget. Tomta er opparbeida med plen, beplantning, blomsterbed, hekk og gjerde i malt trevirke. Soverom 1. etasje: Soverommet i 1. etasje ligg i tilknyting til gang og bad/vaskerom. Rommet har plass til dobbeltseng og nattbord. Bad/vaskerom 1. etasje: Badet i 1. etasje er kombinert med vaskerom og fekk ny innreiing i 2025. Rommet har flislagt golv med mørke golvflisar og lyse keramiske flisar på veggar i våtsoner og rundt innreiing. Øvrige veggflater er utført med malte overflater. Innreiinga består av golvstående toalett, dusjhjørne med bua glasdører, vegghengt baderomsinnreiing med heildekkande servant og skuffer, samt høgskap. Det er belysning rundt spegel. Dusjsona har svart dusjbatteri og hånddusj på veggskinne, montert i 2026. Opplegg for vaskemaskin med utslagsvask og arbeidsbenk/lagringsplass langs vegg. Elektriske varmekablar i golvet. Balansert ventilasjon er tilknytta rommet. Trapp: Ei innvendig 180-graders svingtrapp med kvitmåla vangar, trinn og rekkverk fører opp til 2. etasje. Trinna har trinnmatter. Rekkverket og handløparen er utført i malt treverk med ståande spiler. Stove 2. etasje: Oppe i 2. etasje opnar det seg ei romsleg stove med store vindusflater på fleire veggar. Vindauga gir god utsikt mot fjell og landskap. Frå stova er det utgang til balkongen. Laminat på golv, lagt i 2025. Veggane er måla i 2022. Balkong 2. etasje: Balkongen er oppført i trekonstruksjonar med dekke av terrassebord. Plass til sitjegruppe. Frå balkongen er det fri utsikt mot fjell og dallandskap. Soverom 2. etasje: I 2. etasje er det tre soverom. Hovudsoverommet har plass til dobbeltseng med nattbord på begge sider og skyvedørsgarderobe. Dei to andre soverommene passar godt som barne- eller gjesterom, og begge har vindauge med utsyn. Laminat på golv i alle tre romma, lagt i 2025. Veggane er måla i 2022. Bad 2. etasje: Badet i 2. etasje har flislagt golv med mørke golvfliser og lyse keramiske fliser på veggar i dusjsona og rundt sanitærutstyr. Øvrige veggflater over flishøgd er utført med malte overflater. Rommet har golvstående toalett, servantskap med kvite profilerte fronter og helstøypt servant, samt speilskap med opne hyller. Dusjsona er utstyrt med veggmontert dusjbatteri og hånddusj på veggskinne. Elektriske varmekablar i golvet. Balansert ventilasjon er tilknytta rommet. Overflater: Golv: Laminat i dei fleste rom i begge etasjar (lagt 2025, med unntak av bad og gang i 1. etasje), flis i gang 1. etasje. Bada har flislagde golv. Veggar: Malte plater med imitasjon av trepanel og plater med malt strie i dei fleste rom i begge etasjar (måla 2022, med unntak av bad). Bada har fliser og malte overflater. Himling: Trepanel og himlingsplater i dei fleste rom i begge etasjar. Lagring: I bad/vaskerom 1. etasje er det høyskap og arbeidsbenk/lagringsplass langs vegg. Det er ein innvendig bod i 1. etasje. Omsetning av brukt eigedom Ein brukt eigedom vil som regel ikkje vere i same stand som om den var ny. Tekniske krav, type bustad, teknikk og skikkar endrar seg over tid. Bruksslitasje og ytre forhold kan gjere at tilstanden blir dårlegare etter kvart, sjølv om det ikkje er synleg. Kjøparar kan ha mindre forventningar til eldre bustader enn nye, og det kan vere skadar eller feil som ikkje er beskrive, men som seljar likevel ikkje kan haldast ansvarleg for. Normal bruksslitasje er ikkje ein mangel, og det er ikkje sikkert at det som opplevast som ein feil ved ein eigedom er ein mangel i rettsleg forstand. Det er difor viktig å setje seg grundig inn i tilstanden på den eigedomen ein vil kjøpe.

Hvitevarer

Det blir gjort merksam på at berre integrerte kvitevarer på kjøkkenet følgjer med ved overdraginga. Desse blir leverte utan nokon form for garanti, utover eventuell gjenværande leverandørgaranti.

Adkomst

Sjå kart i salsoppgåva for beskriving av tilkomst. Det vert skilta med EiendomsMegler 1-skilt ved fellesvising.

Byggemåte

Informasjonen er henta frå vedlagte tilstandsrapport, datert 08.06.2026. Bygning: Tomannsbustad oppført i 2003 over to etasjar. Bygningen har betonggrunnmur og støypt golv mot grunn. Veggane har bindingsverkskonstruksjon frå byggeåret med liggjande bordkledning. Etasjeskiljar er utført som trebjelkelag. Ifølgje kartgrunnlag frå NVE ligg eigedomen i eit område registrert med kvikkleirefare/risikoklasse 3. Tak: Takkonstruksjonen har sperrekonstruksjon. Taktekkinga er av PVC-duk. Takrenner og nedløpsrøyr er i aluminium, med beslag i overgangen mellom takflate og vinskier. Pipe/Eldstad: Bustaden har elementpipe og vedovn. Vindauge: Bygningen har måla trevindauge med 2-lags glas. Dører: Bygningen har måla balkongdør i tre og hovudytterdør med isolert kjerne og truleg HDF (trefiberplate) som er lakkert. Innvendig har bustaden formpressa, lakkerte dører med imitasjon av fyllingsdører og kvitlakkerte tre karmar. Trapper/tilkomst: Innvendig 180-graders svingtrapp med kvitmåla vangar, trinn og rekkverk. Det er trinnmatter/teppe i trinna. Rekkverk og handløpar er utført i måla treverk med ståande spiler. Balkong/terrasse: Det er ein balkong på 8 m² med utgang frå stove i 2. etasje, oppført i trekonstruksjonar med tekking av beslag mellom bjelkane og dekke av terrassebord. Bustaden har også ein markterrasse på 25 m² med tilkomst frå stove/kjøkken i 1. etasje, oppført i trekonstruksjonar med dekke av terrassebord. VVS-installasjonar: Innvendige vassleidningar er av plast (røyr-i-røyr) med hovudstoppekran i vasskapet. Avløpsrøyra er av plast. Varmtvasstanken har eit volum på ca. 200 liter. Ventilasjon: Bustaden har balansert ventilasjon og kjøkkenventilator med avtrekk ut. Tekniske detaljar: Bustaden har oppvarming med vedovn, luft-til-luft varmepumpe installert i 2023, og elektriske varmekablar i golv på bada. Det elektriske anlegget er i hovudsak frå byggeåret med nokre oppgraderingar og har normal standard for alderen. Anlegget har skjult installasjon og sikringsskap med automatsikringar. Alle bygningsdelar og installasjonar har avgrensa levetid. Konstruksjonane er bygd etter lov og forskrift som tek utgangspunkt i byggeåret og vil normalt ikkje tilfredsstille krava i dag. Med omsyn til den tekniske standarden på bygningane vert det vist til vedlagde tilstandsrapport fra takstmann Finn Sæle Barlund datert 08.06.2026, der enkelte bygningselementer har oppnådd tilstandsgrad 2 (TG2) og konstruksjonar som ikkje er undersøkte (TGIU). Interessentar vert oppmoda til å sette seg grundig inn i desse punkta samt eigenerklæringa som ligg ved salssoppgåva før det vert lagt inn bod på eigedomen. Meklar gjer elles merksam på kjøpar si undersøkingsplikt med heimel i avhendingslova. Nedanfor finn ein ei kort oppsummering av det den bygningssakyndige har beskrive av avvik ved bustaden som har fått tilstandsgrad 2 (TG 2) OG TG IU (Ikkje undersøkt). TG2 med avvik som kan krevje tiltak: - Utvendig > Taktekking: Meir enn halvparten av forventa brukstid er passert på taktekkinga. - Utvendig > Veggkonstruksjon: Bordkledning er nær terreng, og det er sprekkar, slitasje og djupe spikarhol i enkelte bord. - Utvendig > Vindauge: Avvik rundt innsetjingsdetaljar, vassbrett utan tilstrekkeleg fall, og sprekkar og slitasje i karm. - Utvendig > Dører: Vêrslitne karmar, manglande beslag under dørterskel og oppsprukka overflatebehandling. - Utvendig > Balkongar, terrassar og rom under balkongar: Vêrslite/oppsprukke trevirke/trepanel. - Utvendig > Andre utvendige forhold: Ikkje utarbeidd tilstandsanalyserapport/vedlikehaldsplan for fellesdelar. - Innvendig > Overflater: Registrert noko bom i enkelte fliser i gang. - Innvendig > Etasjeskilje/golv mot grunn: Målt høgdeforskjell på mellom 10-20 mm innanfor ei lengd på 2 meter. - Innvendig > Pipe og eldstad: Ildfast plate manglar på golvet under sotluke, og det er riss/sprekkar i ildfast stein. - Tekniske installasjonar > Varmtvasstank: Varmtvasstanken er over 20 år og har ein sprekk i dekselet. - Våtrom > 2.Etasje Bad > Overflater vegger og himling: Vindu med ikkje fuktbestandige materiale i våtsona. - Våtrom > 2.Etasje Bad > Overflater Golv: Høgdeforskjell frå slukrist til dørterskel er mindre enn 25 mm, og det er sprekkar i fuge. - Våtrom > 2.Etasje Bad > Sluk, membran og tettesjikt: Meir enn halvparten av forventa brukstid er passert på membranløysinga. - Våtrom > 2.Etasje Bad > Sanitærutstyr og innreiing: Fuktsvellingar på skapfront og skrog. - Våtrom > 1.Etasje Bad/vaskerom > Overflater veggar og himling: Bom i nokre fliser, vindu i våtsone og riss i fuger. - Våtrom > 1.Etasje Bad/vaskerom > Overflater Golv: Avvik i fallforhold til sluk og riss i flisfuger. - Våtrom > 1.Etasje Bad/vaskerom > Sluk, membran og tettesjikt: Meir enn halvparten av forventa brukstid er passert på membranløysinga. TGIU - Konstruksjonar som ikkje er undersøkte: - Utvendig > Takkonstruksjon/Loft: Heile takkonstruksjonen er gjenbygd og ikkje tilgjengeleg for inspeksjon. Helse, miljø og sikkerhet: - Det er ikkje gjort radonmålingar, og bygget er heller ikkje utført med radonsperre. - Eigedomen ligg i eit rasfarleg/skredutsett område i samsvar med kommunedelplan/NVE. - Rekkverket på balkong eller terrasse er for lågt i høve til dagens krav. Oppsummeringa over er ikkje uttømmande, og du vert oppmoda til å lese og setje deg grundig inn i alt salsmateriell. For ordens skuld nemner vi at TGIU står for «tilstandsgrad ikkje undersøkt», til dømes fordi ein del av bygget ikkje har vore tilgjengeleg for inspeksjon. Desse delane kan dermed ha feil eller manglar som ikkje er avdekte.

Eiendomstype

Andelsleilighet

Oppvarming

Oppvarming med elektrisitet, varmepumpe og vedfyring. Det er installert ei luft-til-luft varmepumpe. Bustaden er utstyrt med vedomn og elementpipe. Det er elektriske varmekablar i golv på bad i 2. etasje og bad/vaskerom i 1. etasje. Dersom rom ikkje har vegg- eller fastmonterte varmekjelder ved vising, følgjer dette heller ikkje med. Tilstandsrapporten beskriv den tekniske tilstanden til byggverket. Det er ikkje utført kontroll av dei elektriske installasjonane (el-takst) sjølv om bygningssakkunnig kan ha knytt kommentarar til el-anlegget ut frå heilt enkle vurderingskriterium. Sidan el-anlegget ikkje er kontrollert, er det ikkje usannsynleg at det seinare kan bli avdekt avvik frå dagens forskriftskrav og oppstå funksjonssvikt. Vidare må kjøpar vere førebudd på at det kan måtte gjerast oppgraderingar på grunn av slitasje, manglande vedlikehald, arbeid som er utført av ufaglærte, alder eller tekniske løysingar som ikkje held dagens standard. I Noreg er det ei av oppgåvene til «Det lokale eltilsynet» (DLE) å utføre tilsyn med elektriske anlegg i bustader og fritidsbustader. Alle bustader skal ha periodisk kontroll kvart 20. år, og hytter/fritidsbustader blir kontrollerte kvart 30. år. El-anlegget er ein bygningsdel som er gjenstand for konstant utvikling. Ein må difor rekne med at dagens anlegg ikkje nødvendigvis er dimensjonert for oppgradering av kjøkken med nye elektriske apparat eller rehabilitering av bad med varmekablar, samt installeringar for elbilladar.

Strømforbruk

Norgespris er bestilt for eigedomen. Dette er ei statleg ordning som gjev hushald tilbod om straum til fast pris på 50 øre/kWh inkl. mva. Prisen gjeld fram til 31. desember 2026. Avtalen er knytt til målepunktet og vert automatisk overført til ny eigar ved eigarskifte. Meklar gjer merksam på at desse utgiftene er knytt til dagens eigar og at desse vil kunne endre seg med omsyn til anna bruk av bustaden enn i dag eller andre avtalar med leverandørar.

Vei, vann og avløp

Vegen fram til tomtegrensa er offentleg. Vegane inne på eiga tomt blir vedlikehaldne gjennom burettslaget. Vatn og avlaup til eigedomen er offentleg. Stikkleidning frå det offentlege nettet og inn til eigedomen blir vedlikehalden og reparert av burettslaget.

Andel fellesformue

kr 58 803
Dette utgjør andelens fellesformue pr. 30.12.2025

Meglers plikt til å stanse gjennomføring av en handel

Eigedomsmeklarar er underlagd lov om kvitvasking og pliktar å rapportere til Økokrim om mistenkelege transaksjonar. Lov om kvitvasking har og strenge reglar om kontroll av legitimasjon frå alle partar i handelen, med dette, seljar, kjøpar og fullmektigar for desse.

Budgivning

Alle bod skal gjevast skriftleg og legitimert til meklar, som formidlar desse vidare til seljar. Dette gjer ein enkelt elektronisk ved å klikke på "gi bud" knappen på hjem.no, finn.no, via eiendomsmegler1.no eller på bodskjema vedlagt salsoppgåva. Meklar skal så snart som muleg stadfeste skriftleg ovanfor bodgjevar at bod er motteke og formidle det vidare til seljar.    Bod må  ikkje ha kortare akseptfrist enn kl. 12.00 første virkedag etter siste annonserte vising. Bod med kortare frist enn dette kan ikkje formidlast av meklar.    Meklar pliktar å leggje til rette for ei forsvarleg avvikling av bodrunden. For at boda skal kunne bli handsama bør dei ikkje ha ein kortare akseptfrist enn 30 minutt frå bodet er gjeve. Bod som vert gjeve etter normal arbeidstid vert handsama/formidla påfølgjande arbeidsdag.    Meklar tek ikkje ansvar for forseinkingar på el- eller telenettet.   Under bodrunden kan akseptfristen kortast ned ved mottaking av nye bod. Akseptfristen frå kjøpar er absolutt. Det betyr at dersom seljar vel å akseptere bodet, må kjøpar meddelast aksepten innan akseptfristen går ut. Dersom du utset å gje inn bod til tett opp mot akseptfristen er det ei reell fare for at eigedomen kan bli seld før bodet ditt kjem fram til meklar. Ein syner elles til "Forbrukarinformasjon om bodgjeving", som også er ein del av salsoppgåva.   Dersom kjøpar er utanlandsk statsborgar Dersom ein kjøpar er utanlandsk statsborgar krevjast det at ein har D-nummer til erstatning for norsk personnummer. Meklar rekvirerer dette samstundes som skøyte vert sendt inn til tinglysing hjå Kartverket. Skøytet vert så liggande hjå Kartverket fram til kjøpar har fått D-nummer av  skatteetaten. Deretter vert skøytet tinglyst. Denne prosessen vil ofte medføre at oppgjer og  utbetaling til seljar vert forseinka med nokre veker. Kjøpar må i desse tilfella enten ta atterhald i  bod om forseinka utbetaling til seljar, eller vere budd på å dekke forseinkingsrenter. Kontakt  ansvarleg meklar for informasjon før bodgjeving.

Overtakelse

Overtaking etter avtale. Legg inn ønskje om overtakingsdato ved bodgjeving. Mellom aksept av bod og tidspunktet for overtaking er det ikkje høve til å synfare eigedomen. Vi tilrår difor interessentar til å naudsynte mål og liknande på visinga.

Boligselgerforsikring

Seljar har teikna bustadseljarforsikring som er framforhandla av Söderberg & Partners AS. Forsikringa dekkjer seljar sitt ansvar etter avhendingslova, med dei avgrensingane som følgjer av forsikringsvilkåra og er avgrensa til salssummen til eigedomen, men oppad avgrensa til kr. 14 000 000,-. Seljar har i den samanhengen utarbeidd ei eigenerklæring om eigedomen. Eigenerklæringa ligg vedlagt salsoppgåva og interessentar vert oppmoda til å gjere seg kjend med denne før bodgiving/kjøp. Bustadseljarforsikringa sørgjer for at kjøpar kan forhalde seg til ein profesjonell og søkegod motpart som handterer eventuelle reklamasjonar fagleg og ryddig. Dersom kjøpar ikkje har teikna bustadkjøparforsikring kan hen reklamere direkte til Claims Link (tlf 67 83 51 30 eller post@claimslink.no), som representerer bustadseljarforsikringa til seljar. Av vilkåra går det fram unntak i forsikringsdekninga, til dømes ved nye forhold som oppstår mellom aksept og overtaking. Garantiar/lovnader der seljar har påteke seg ansvar for eigenskapar ved eigedomen eller dokumentasjon av slike, vert ikkje dekt. I nokre tilfelle er det heller ikkje dekning der seljar har opptrådt forsettleg eller grovt aktlaust. Forsikringa omfattar heller ikkje ein redusert bustadverdi som skuldast skadedyr/insekt, til dømes skjeggkre/perlekre/sølvkre, veggdyr, pelsbiller, maur, borebiller og tilsvarande. I samsvar med lov og rettspraksis må det reklamerast "innan rimeleg tid". Det vert tilrådd å reklamere umiddelbart/snarast mogleg og seinast innan 2 månader frå forholdet vart/burde vorte oppdaga. Dersom kjøpar utbetrar mangelskrav på eiga hand, kan dette medføre at reklamasjonsretten vert tapt.

Boligkjøperforsikring

Vedlagt i salsoppgåva følgjer informasjon om Bustadkjøparforsikring Pluss og Bustadkjøparforsikring frå HELP Forsikring AS. Bustadkjøparforsikring er ei rettshjelpsforsikring som gir tryggleik og profesjonell juridisk hjelp dersom det blir oppdaga uventa feil eller manglar ved bustaden dei neste fem åra. Bustadkjøparforsikring Pluss har same dekning som bustadkjøparforsikring + fullverdig advokathjelp på viktige rettsområde i privatlivet. Les meir om begge forsikringane i vedlagde materiell eller på help.no. Det blir gjort merksam på at meklarføretaket mottar kr 1 900 / 2 600 / 2 600,- (avhengig av bustadtype) i kostnadsgodtgjersle for kvar forsikringsavtale som blir formidla på Bustadkjøparforsikring Pluss og kr 2 900 ,- / 3 600,- / 3 600,- i kostnadsgodtgjersle for Bustadkjøparforsikring.

Forsikringsselskap

If Skadeforsikring NUF

Moderniseringer og påkostninger

Følgjande moderniseringar er foretatt dei seinare år: 2025: - Montert ny benkeplate og utslagsvask på bad, ny baderomsinnreiing med servant og speil. Dusj og pakningar i dusjdører er skifta. - Etablert nytt kjøkken med nye kvitevarer og trekt nye straumledningar på kjøkkenet. - Lagt nye golv i begge etasjar, med unntak av bad og gjesterom. - Montert ny inngangsdør. 2024: - Skifta dørhandtak og måla innvendige dører. 2023: - Installert luft-til-luft-varmepumpe, utført av Røyrleggaren AS. 2022: - Utført måling av alle rom, med unntak av gjesterom og bad i andre etasje. Vedlikehaldshistorikk Viebøen Burettslag: 2025: - Utskifting av fire ytterdører. - Gjennomgang og inspeksjon av ca. 50 % av einingane for å vurdere tilstand ettersom bygningsmassen blir eldre. 2024: - Arbeid utført for å utbetre råte på bygg. - Dugnad utført for å tømme kompost og strøysand, fjerne gamle benker og diverse buskas.

Renovert

2025

Fasiliteter

Adgang til utleie

Det er ingen utleigeforhold knytte til eigedomen per i dag. Det vert gjort merksam på at det er avgrensa høve til å leige ut leilegheiter i burettslag, jf. burettslagslova §§ 5-5 og 5-6.

Radon

Det er ikkje utført radonmåling, og det er heller ikkje krav til dette. For meir informasjon om radon, sjå www.dsa.no. Kjøpar overtek frå overtakinga ansvaret for eventuelle utbetringstiltak som seinare må setjast i verk og betalast. Eigedomen ligg ifølgje NGU i eit område med moderat til låg førekomst av radongass. Bygget er ikkje utført med radonsperre.

Sentrale lover

Generelle bestemmelser Salgsoppgaven er basert på de opplysningene selger har gitt til megler, den bygningssakyndiges tilstandsrapport, samt opplysninger innhentet fra kommunen, Kartverket og andre tilgjengelige kilder. Det er viktig at kjøper setter seg grundig inn i alle salgsdokumentene, herunder salgsoppgave, tilstandsrapport og selgers egenerklæring. Kjøper anses kjent med forhold som er tydelig beskrevet i salgsdokumentene, og slike forhold kan ikke påberopes som mangler. Dette gjelder uavhengig av om kjøper har lest dokumentene. Alle interessenter oppfordres til å undersøke eiendommen nøye, gjerne sammen med fagkyndig før bud inngis. Kjøper som velger å kjøpe usett kan ikke gjøre gjeldende som mangel noe han burde blitt kjent med ved undersøkelsen. Dersom det er behov for avklaringer, anbefaler vi at interessenter rådfører seg med eiendomsmegler eller egne rådgivere før det legges inn bud. En bolig som har blitt brukt i en viss tid, har vanligvis blitt utsatt for slitasje og skader kan ha oppstått. Slik bruksslitasje må kjøper regne med, og det kan avdekkes enkelte forhold etter overtakelse som nødvendiggjør utbedringer. Normal slitasje og skader som nødvendiggjør utbedring, er innenfor hva kjøper må forvente og vil ikke utgjøre en mange Kjøper og selgers rettigheter og plikter reguleres av avtalen mellom partene, samt informasjonen som har vært tilgjengelig for kjøperen i forbindelse med handelen. Avtalen utfylles av avhendingsloven, og det gjelder ulike avtalevilkår avhengig av om kjøper er forbrukerkjøper eller ikke. Dette er nærmere beskrevet nedenfor. På grunn av ulike avtalevilkår kan selger vurdere bud fra en som ikke er forbruker, ulikt fra en forbrukers bud. Dersom kjøper ikke er forbruker, er selger sitt mulige mangelsansvar begrenset fordi eiendommen selges "som den er". Selger kan ikke ta «som den er» forbehold ovenfor en forbrukerkjøper. Selv et lavere bud fra en som ikke er forbruker kan foretrekkes fordi begrensningen i mulig mangelsansvarkan ha egenverdi for selger. Selger står fritt til å forkaste eller akseptere ethvert bud, og er for eksempel ikke forpliktet til å akseptere høyeste bud. Budgiver skal i budskjema avgi egenerklæring ombudgiver er forbruker eller næringsdrivende/ person som hovedsakelig handler som ledd i næringsvirksomhet. Budgivere får informasjon dersom andre bud er inngitt av en som ikke er forbruker. Forbrukerkjøp - definisjon Med forbrukerkjøp menes kjøp av eiendom når kjøperen er en fysisk person som ikke hovedsakelig handler som ledd i næringsvirksomhet. Forbruker – avtalevilkår Eiendommen har en mangel dersom den ikke er i samsvar med kravene som følger av avtalen, eller det foreligger brudd på bestemmelsene i avhendingsloven §§ 3-2 til 3-8. Hvis eiendommen ikke er i samsvar med det kjøperen må kunne forvente ut ifra alder, type og synlig tilstand, kan det være grunnlag for mangelskrav. Det samme gjelder hvis det er holdt tilbake eller gitt uriktige opplysninger om eiendommen. Dette gjelder likevel bare dersom man kan gå ut ifra at det virket inn på avtalen at opplysningen ikke ble gitt eller at feil uriktige opplysninger ikke blir rettet i tide på en tydelig måte. Boligen kan ha en mangel etter avhendingsloven § 3-3 dersom det er avvik mellom opplyst og faktisk innvendig areal, forutsatt at avviket er på 2% eller mer og minimum 1 kvm. Ved beregning av et eventuelt prisavslag eller erstatning må kjøper selv dekke tap/kostnader opptil et beløp på kr 10 000 (egenandel). Ikke-forbruker (næringsdrivende) – definisjon Hvis kjøper er en juridisk person, eller en fysisk person som hovedsakelig handler som ledd i næringsvirksomhet, vil kjøpet ikke anses som et forbrukerkjøp. Ikke-forbruker – avtalevilkår Eiendommen har en mangel dersom den ikke er i samsvar med kravene som følger av avtalen. Eiendommen selges «som den er», og selgers ansvar utover det konkret avtalte er da begrenset etter avhendingsloven § 3-9, første ledd andre setning. Avhendingsloven § 3-3 andre ledd fravikes, og hvorvidt boligens arealsvikt utgjør en mangel vurderes etter avhendingsloven § 3-8. Informasjon om kjøpers undersøkelsesplikt, herunder oppfordringen om å undersøke eiendommen nøye, gjelder også for kjøpere som ikke anses som forbrukere.

Personopplysningsloven

Vi gjer interessentar og kjøparar merksame på at vi vil handsame, etter personopplysingslova, personopplysningane dine i den utstrekning dette er naudsynt for å oppfylle våre lovpålagte plikter, med dette for å kunne gjere kundekontroll etter kvitvaskingslova samt for å utføre oppgåver som vi er pålagt etter eigedomsmeklingslova.