Bankgata 6

Last ned salgsoppgave for komplett informasjon om eiendommen

Registerbetegnelse

Etasje

3

Parkering

Eigedomen har eigen garasje frå 1966 med innlagt straum og belysning. I tillegg er det biloppstillingsplass på grusa gårdsplass og framfor garasjen, der ein platting vart montert i 2024.

Eiendom

Tomteareal er 987 m² på eiet tomt.

Eigd tomt på 987,1 m². Tomta er pent opparbeidd med graskledd plen, hekk, grusa gardsplass og ein platting i tre. Det er gode solforhold på eigedomen.

Byggeår

1960

Innhold

Einebustad går over tre plan med følgjande innhald: Underetasje: Entré, gang med trapperom, toalettrom, kjellarstove/treningsrom, bod, bod/verkstad og eit innreidd rom (ikkje godkjent som soverom). Hovudetasje: Entré/gang med trapperom, kjøkken/stove og bad/vaskerom. Loftsetasje: Gang/trapperom, tre soverom, bod og bod/kontor. Terrasse på 10 m² i hovudetasjen. I tillegg er det ein frittståande garasje på 24 m².

Standard

Dette er ein sentrumsnær einebustad som har blitt vesentleg oppgradert i perioden 2022-2024. Bustaden fordeler seg over tre etasjar og har ein familievennleg planløysing med dei sosiale sonene i hovudetasjen, tre soverom på loftet og ekstra rom i underetasjen. Dei siste åra har bustaden fått nytt kjøkken, nytt bad med vaskerom, nye overflater i fleire rom og nytt rør-i-rør-system. Entré: Du kjem inn i eit tilbygd vindfang frå 1984 som leier deg vidare inn i gangen i hovudetasjen. Her er det plass til oppbevaring av ytterklede og sko. Frå gangen går trappa både opp til loftsetasjen og ned til underetasjen, og du får eit direkte glimt inn mot stova og kjøkkenet. Stove: Stova er i ei open løysing med kjøkkenet, noko som skaper eit stort og sosialt allrom. Rommet vart tilbygd i 1984 og har store vindaugsflater som gir godt med lys. Her er det god plass til både sofagruppe og eit stort spisebord. Ei luft-til-luft-varmepumpe vart installert i 2022 og sørgjer for effektiv oppvarming. Kjøkken: Kjøkkenet vart nytt i 2022 og har ei innreiing med mørke, glatte frontar og laminatbenkeplate. Innreiinga er av merket Epoc. Det er godt med skap- og benkeplass. Alle kvitevarer er integrerte: kjøleskap, fryseskap, oppvaskmaskin, komfyr og induksjonstopp. I tillegg er det mikrobølgeomn. Kjøkkenventilator med avtrekk ut, komfyrvakt og vass-stoppsystem er installert for ekstra tryggleik. Bad/Vaskerom: I hovudetasjen ligg eit kombinert bad og vaskerom, som vart fullt modernisert i 2022. Rommet har store fliser på golvet med elektriske varmekablar og dokumentert smøremembran. Her er det både badekar og eit dusjhjørne med slukrenne. Innreiinga inkluderer ein brei servant med skuffer, veggmontert toalett og eit stort spegel med integrert lys, alt frå Vikingbad. Vaskeromsdelen er praktisk innreidd med benkeplate med utslagsvask, overskap, høgskap og opplegg for vaskemaskin og tørketrommel. Innreiing og kleskap er frå Espe. Terrasse: Frå hovudetasjen er det utgang til ein sørvestvendt terrasse. Terrassen fekk nytt tregolv og spilerekkverk i 2023, og er ein fin uteplass med tilkomst til hagen via ei tretrapp. Loftsetasje: Trappa fører opp til ein gang som knyter saman romma i denne etasjen. Her finn du tre soverom og ei bod som også kan nyttast som kontor. Overflatene i denne etasjen vart pussa opp i 2022. Det er ikkje funne godkjende teikningar for innreiinga av loftsetasjen. Romma her er delvis overflatefornya. Alle rom har nye laminatgolv og hovudsoverom har nye gipsplater, elles er romma malt. Soverom: Dei tre soveromma på loftet har alle plass til seng og garderobeløysingar. Romma har skråtak som gir ein lun karakter, og vindauga slepp inn dagslys. Overflatene vart delvis fornya i 2022. Underetasje: Underetasjen har eigen inngang og inneheld ei kjellarstove, eit innreidd rom som i dag er brukt som soverom, eit toalettrom og fleire boder med gode lagringsmoglegheiter. Kjellarstova kan fungere som eit ekstra opphaldsrom eller treningsrom. Rommet som er nytta som soverom var opphavleg eit brenselsrom, og bruksendringa kan vere søknadspliktig. Toalettrom: I underetasjen er det eit praktisk toalettrom med golvståande toalett og servant. Overflater: Golv: Laminat, betong og fliser. Veggar: Måla plater og måla murverk. Himling: Måla plater, himlingsplater og trepanel. Lagring: Bustaden har innvendig bod i både loftsetasjen og underetasjen, i tillegg til eit større rom definert som bod/verkstad i underetasjen. Frittståande garasje på 24 m² frå 1966 med innlagt straum og belysning gir ytterlegare lagringsplass. Omsetning av brukt eigedom Ein brukt eigedom vil som regel ikkje vere i same stand som om den var ny. Tekniske krav, type bustad, teknikk og skikkar endrar seg over tid. Bruksslitasje og ytre forhold kan gjere at tilstanden blir dårlegare etter kvart, sjølv om det ikkje er synleg. Kjøparar kan ha mindre forventningar til eldre bustader enn nye, og det kan vere skadar eller feil som ikkje er beskrive, men som seljar likevel ikkje kan haldast ansvarleg for. Normal bruksslitasje er ikkje ein mangel, og det er ikkje sikkert at det som opplevast som ein feil ved ein eigedom er ein mangel i rettsleg forstand. Det er difor viktig å setje seg grundig inn i tilstanden på den eigedomen ein vil kjøpe.

Hvitevarer

Det gjerast merksam på at det berre er dei integrerte kvitevarene på kjøkenet som fylgjer med i kjøpet. Kvitevarene vert leverte utan nokon form for garantiar, utover eventuell attverande leverandørgaranti.

Adkomst

Sjå kart i salsoppgåva for beskriving av tilkomst. Det vert skilta med EiendomsMegler 1-skilt ved fellesvising.

Byggemåte

Informasjonen er henta frå vedlagte tilstandsrapport, datert 27.04.2026. Bygning: Eigedom oppført i 1960. Bustaden er oppført etter byggeforskrift av 1949. Bygningen har trekonstruksjon og går over tre plan: underetasje, hovudetasje og loftsetasje. Det vart utført tilbygg av vindfang og stove i 1984. Bustaden vart vesentleg oppussa i perioden 2022-2024, med mellom anna nytt kjøkken, bad, terrasse, røyr-i-røyr, og utskifting av overflater og delar av det elektriske anlegget. Veggane har trekonstruksjon av ukjend utføring. Fasade/kledning har liggjande og ståande bordkledning. Det er gjort stadvis utskiftingar av trekledningen. Etasjeskilje er av trebjelkelag. Golv mot grunnen er av betong. Bygget er ikkje utført med radonsperre. Underetasjen inneheld mellom anna kjellarstove/treningsrom, soverom og bod. Eit tidlegare brenselrom er omgjort til soverom. Det er påvist trekonstruksjon i vegg ved holtaking. Byggegrunnen er av lausmassar. Dreneringa er frå 1960. Det er sannsynleg at det manglar utvendig fuktsikring av grunnmuren ved kjellar/underetasje. Bygningen har betong/betongsteinsgrunnmur. Eigedomen ligg i lett skrånande terreng. Tomta er også beskriven som relativt flat og er opparbeidd med plen og beplanting. Utvendige vass- og avlaupsrøyr er av ukjend type og blir anteke å vere frå 1960. Eigedomen er tilknytt offentleg vassforsyning og offentleg avlaupsnett via private stikkleidningar. Tak: Taktekkinga er av tegltakstein. Takkonstruksjonen har sperrekonstruksjon. Takrenner og nedløp av aluminium og metall. Pipe/Ildstad: Bustaden har mursteinspipe. Det er ikkje montert eldstad i bustaden. Vindauge: Bygningen har måla trevindauge med 2-lags glas og trevindauge med kopla glas og enkle glas. To vindauge i stova og vindauge på badet vart skifta i 2022. I loftsetasjen er det vindauge med tolags glas på soveromma og eit eldre støypejernsvindauge i skråtaket på bod/kontor. Stova i hovudetasjen har tolags glas i karmar og rammer av tre. I entréen i hovudetasjen er det vindauge med tolags glas frå 1964. Det er eldre vindauge i underetasjen. Dører: Bygningen har måla hovudytterdør, måla balkongdør i tre og enkel kjellardør i tre. Innvendig har bustaden måla, glatte dører, og i underetasjen er det eldre, glatte finérdører. Trapper/adkomst: Det er ei utvendig trapp av betong med skifer på trinna opp til inngangspartiet. Trappa ned til underetasjen er også av betong, og det er ei enkel tretrapp frå hagen opp til terrassen. Innvendig er det ei måla tretrapp mellom underetasjen og hovudetasjen, og ei måla tretrapp med laminat i trinna mellom hovudetasjen og loftsetasjen. Balkong/terrasse: Terrassen på 10 m² er opphavleg samansett av betongkonstruksjonar. Han har fått nytt overliggjande tregolv og liggjande spilerekkverk i 2023. Rekkverkshøgda er 1,01 meter. VVS-installasjoner: Innvendige vassleidningar er av plast (røyr-i-røyr) frå 2022. Røyropplegget er montert ope på vegg i bod i underetasjen. Det er ny innvendig stoppekran, medan utvendig stoppekran er eldre. Delar av avlaupsrøyra er skifta i 2022 og er av plast, medan det er eldre avlaupsrøyr av truleg støypejern i grunnen og i golv i underetasje. Det er eit støypejernsluk i golv på bod i underetasje. Det er montert vasstoppsystem på kjøkken. Ein ny varmtvasstankar på 281 liter vart montert i underetasjen i 2022. Ventilasjon: Bustaden har hovudsakleg naturleg ventilasjon med ventilar i vindauge og veggar. Badet har elektrisk styrt vifte med tilluft via spalte under dørblad. Kjøkkenet har kjøkkenventilator med avtrekk ut. Toalettrommet har naturleg ventilasjon med ventil i yttervegg. Tekniske detaljer: Oppvarming med luft/luft-varmepumpe installert i stova i hovudetasjen i 2022, samt elektriske varmekablar på bad/vaskerom. Det er ein oljetank på eigedomen som er tømd og fylt med sand. Garasje: Garasje oppført i 1966. Bygningen er oppført på ringmurar av betong med plate av betong mot grunnen. Ytterveggar er av bindingsverk med utvendig trekledning. Takkonstruksjonen er plassbygd med taktekking av Decraplater, utan undertak. Taktekkinga er skifta på eit ukjent årstal. Garasjen har ein enkel heveport av trevirke og ein enkel ytterdør. Det er innlagt straum og belysning. Ein platting framfor garasjen vart montert i 2024. Mykje av det elektriske anlegget er skifta i hovudetasjen og loftsetasjen, medan det i underetasjen er ein del eldre opplegg. Det er lagt fram dokumentasjon for den nyare delen av anlegget. Alle bygningsdelar og installasjonar har avgrensa levetid. Konstruksjonane er bygd etter lov og forskrift som tek utgangspunkt i byggeåret og vil normalt ikkje tilfredsstille krava i dag. Med omsyn til den tekniske standarden på bygningane vert det vist til vedlagde tilstandsrapport fra takstmann Jon-Aage Bjørnholt datert 15.04.2026, der enkelte bygningselementer har oppnådd tilstandsgrad 3 (TG3), tilstandsgrad 2 (TG2) og konstruksjonar som ikkje er undersøkt (TGIU). Interessentar vert oppmoda til å sette seg grundig inn i desse punkta samt eigenerklæringa som ligg ved salsoppgåva før det vert lagt inn bod på eigedomen. Meklar gjer elles merksam på kjøpar si undersøkingsplikt med heimel i avhendingslova. Nedanfor finn ein ei kort oppsummering av det den bygningssakyndige har beskrive av avvik ved bustaden som har fått tilstandsgrad 2 (TG 2) eller 3 (TG 3) OG TG IU (Ikkje undersøkt). TG3 med store eller alvorlege avvik: - Innvendig - Pipe og ildstad | Det er påvist brennbart materiale nærmare enn 300 mm frå sotluke/feieluke. Pipevangar er ikkje synlege. Konsekvens/tiltak: Det må føretakast tiltak for å lukke avviket. Pipevangar må gjerast tilgjengelege, og brennbart materiale nærmare enn 300 mm frå sotluke/feieluke må fjernast eller beskyttast med ubrennbart materiale. Tiltak bør gjennomførast for å redusere risikoen for brannspreiing og for å sikre at pipa kan inspiserast og brukast på ein trygg måte. Kostnadsestimat: 20 000 - 100 000. TG2 med avvik som kan krevje tiltak: - Utvendig > Taktekking: Meir enn halvparten av forventa brukstid er passert på taktekkinga. Takpanner ligger stedvis dårlig/løst - Utvendig > Nedløp og beslag: Meir enn halvparten av forventa brukstid er passert på renner/nedløp/beslag. - Utvendig > Veggkonstruksjon: Det er ingen eller lita lufting i nedre kant av kledning mot grunnmur. - Utvendig > Takkonstruksjon/Loft: Det er avgrensa/dårleg ventilering av takkonstruksjonen. - Utvendig > Vindauge: Det er påvist avvik rundt innsettingsdetaljer. - Utvendig > Dører: Karmene i dører er vêrslitne utvendig og det er sprekker i trevirket. - Utvendig > Utvendige trapper: Betongtrappene har naturleg slitasje som følgje av alder, noko forvitring av betongen, samt riss og sprekker i mørtelfugane på skifertrinna. - Innvendig > Overflater: Det er avvik med synlege sparkelskøytar, mindre sprekker og ujamnheiter i sparklede overflater. - Innvendig > Etasjeskille/golv mot grunn: Det er målt høgdeforskjell på mellom 15-30 mm gjennom heile rommet. - Innvendig > Rom Under Terreng: Det er gjennom holtaking påvist høgt fuktnivå inne i trekonstruksjonen. - Innvendig > Innvendige trapper: Det er ikkje montert handløpar på trappene. - Innvendig > Innvendige dører: Enkelte av innvendige dører har ein del slitasje. - Innvendig > Andre innvendige forhold: I boda i underetasjen er det montert malte plater i taket som har utsjånad tilsvarande eternittplater. - Spesialrom Underetasje Toalettrom > Overflater og konstruksjon: Toalettrom har kun naturleg avtrekk frå rommet, NS 3600 krev mekanisk avtrekk. - Tekniske installasjoner > Avløpsrøyr: Meir enn halvparten av forventa brukstid er passert på innvendige avlaupsleidningar. - Tomteforhold > Fuktsikring og drenering: Meir enn halvparten av forventa levetid på drenering er overskriden. - Tomteforhold > Grunnmur og fundamenter: Grunnmuren har sprekkdanningar. - Tomteforhold > Utvendige vatn- og avløpsledningar: Meir enn halvparten av forventa brukstid er passert på utvendige avlaupsleidningar. - Kjøkken Hovedetasje Kjøkken/stove > Overflater og innreiing: Det er observert noko mindre svelling på innreiinga ved vasken. - Våtrom Hovedetasje Bad/vaskerom > Overflater veggar og himling: Det er vindauge med ikkje fuktbestandige materialar i våtsona ved badekar. - Våtrom Hovedetasje Bad/vaskerom > Overflater Gulv: Det er påvist avvik i krav til høgdeforskjell/fall-løysing på våtrommet. TGIU - Konstruksjonar som ikkje er undersøkte: - Våtrom Hovedetasje Bad/vaskerom > Tilliggende konstruksjonar våtrom: Holtaking er ikkje føreteke då det ikkje er fysisk mogleg pga. tilliggande konstruksjonar. Helse, miljø og sikkerhet: - Det er ikkje føreteke radonmålingar, og bygget er heller ikkje utført med radonsperre. - Det manglar handløpar på vegg i det innvendige trappeløpet. - Rekkverkshøgder er under dagens forskriftskrav til rekkverk i innvendige trapper. Oppsummeringa over er ikkje uttømmande, og du vert oppmoda til å lese og setje deg grundig inn i alt salsmateriell. For ordens skuld nemner vi at TGIU står for «tilstandsgrad ikkje undersøkt», til dømes fordi ein del av bygget ikkje har vore tilgjengeleg for inspeksjon. Desse delane kan dermed ha feil eller manglar som ikkje er avdekte.

Eiendomstype

Enebolig

Oppvarming

Oppvarming skjer med elektrisitet, inkludert elektrisk kjel og elektriske omnar og/eller varmekablar. Det er installert luft/luft-varmepumpe i stova i hovudetasjen og elektriske varmekablar på bad/vaskerom. Bustaden har mursteinspipe, men det er ikkje montert eldstad. Tidlegare tilsyn har vist at skorsteinen er delvis innebygd og har slitne fuger. Skal den takast i bruk igjen, må det setjast ned rør på godkjend måte slik at to sider kan vere innebygde. Dersom rom ikkje har vegg- eller fastmonterte varmekjelder ved vising, følgjer dette heller ikkje med. Tilstandsrapporten beskriv den tekniske tilstanden til byggverket. Det er ikkje utført kontroll av dei elektriske installasjonane (el-takst) sjølv om bygningssakkunnig kan ha knytt kommentarar til el-anlegget ut frå heilt enkle vurderingskriterium. Sidan el-anlegget ikkje er kontrollert, er det ikkje usannsynleg at det seinare kan bli avdekt avvik frå dagens forskriftskrav og oppstå funksjonssvikt. Vidare må kjøpar vere førebudd på at det kan måtte gjerast oppgraderingar på grunn av slitasje, manglande vedlikehald, arbeid som er utført av ufaglærte, alder eller tekniske løysingar som ikkje held dagens standard. I Noreg er det ei av oppgåvene til «Det lokale eltilsynet» (DLE) å utføre tilsyn med elektriske anlegg i bustader og fritidsbustader. Alle bustader skal ha periodisk kontroll kvart 20. år, og hytter/fritidsbustader blir kontrollerte kvart 30. år. El-anlegget er ein bygningsdel som er gjenstand for konstant utvikling. Ein må difor rekne med at dagens anlegg ikkje nødvendigvis er dimensjonert for oppgradering av kjøkken med nye elektriske apparat eller rehabilitering av bad med varmekablar, samt installeringar for elbilladar.

Strømforbruk

Meklar gjer merksam på at desse utgiftene er knytt til dagens eigar og at desse vil kunne endre seg med omsyn til anna bruk av bustaden enn i dag eller andre avtalar med leverandørar.

Vei, vann og avløp

Eigedomen er tilknytt offentleg veg, vatn og avlaup. Alle eigedomar som er tilknytt offentleg vatn og avlaup har private stikkleidningar, som blir vedlikehaldne for eigar si eiga rekning. For nærare opplysningar om dei private stikkleidningane blir det vist til kommunen.

Meglers plikt til å stanse gjennomføring av en handel

Eigedomsmeklarar er underlagd lov om kvitvasking og pliktar å rapportere til Økokrim om mistenkelege transaksjonar. Lov om kvitvasking har og strenge reglar om kontroll av legitimasjon frå alle partar i handelen, med dette, seljar, kjøpar og fullmektigar for desse.

Budgivning

Alle bod skal gjevast skriftleg og legitimert til meklar, som formidlar desse vidare til seljar. Dette gjer ein enkelt elektronisk ved å klikke på "gi bud" knappen på finn.no eller via eiendomsmegler1.no eller på bodskjema vedlagt salsoppgåva. Meklar skal så snart som muleg stadfeste skriftleg ovanfor bodgjevar at bod er motteke og formidle det vidare til seljar.  Bod må  ikkje ha kortare akseptfrist enn kl. 12.00 første virkedag etter siste annonserte vising. Bod med kortare frist enn dette kan ikkje formidlast av meklar.  Meklar pliktar å leggje til rette for ei forsvarleg avvikling av bodrunden. For at boda skal kunne bli handsama bør dei ikkje ha ein kortare akseptfrist enn 30 minutt frå bodet er gjeve. Bod som vert gjeve etter normal arbeidstid vert handsama/formidla påfølgjande arbeidsdag.  Meklar tek ikkje ansvar for forseinkingar på el- eller telenettet. Under bodrunden kan akseptfristen kortast ned ved mottaking av nye bod. Akseptfristen frå kjøpar er absolutt. Det betyr at dersom seljar vel å akseptere bodet, må kjøpar meddelast aksepten innan akseptfristen går ut. Dersom du utset å gje inn bod til tett opp mot akseptfristen er det ei reell fare for at eigedomen kan bli seld før bodet ditt kjem fram til meklar. Ein syner elles til "Forbrukarinformasjon om bodgjeving", som også er ein del av salsoppgåva. Kjøpar er utanlandsk statsborgar Dersom ein kjøpar er utanlandsk statsborgar krevjast det at ein har D-nummer til erstatning for norsk personnummer. Meklar rekvirerer dette samstundes som skøyte vert sendt inn til tinglysing hjå Kartverket. Skøytet vert så liggande hjå Kartverket fram til kjøpar har fått D-nummer av  skatteetaten. Deretter vert skøytet tinglyst. Denne prosessen vil ofte medføre at oppgjer og  utbetaling til seljar vert forseinka med nokre veker. Kjøpar må i desse tilfella enten ta atterhald i  b od om forseinka utbetaling til seljar, eller vere budd på å dekke forseinkingsrenter. Kontakt  ansvarleg meklar for informasjon før bodgjeving.

Overtakelse

Overtaking etter avtale. Legg inn ønskje om overtakingsdato ved bodgjeving. Mellom aksept av bod og tidspunktet for overtaking er det ikkje høve til å synfare eigedomen. Vi tilrår difor interessentar til å naudsynte mål og liknande på visinga.

Boligselgerforsikring

Seljar har teikna bustadseljarforsikring som er framforhandla av Söderberg & Partners AS. Forsikringa dekkjer seljar sitt ansvar etter avhendingslova, med dei avgrensingane som følgjer av forsikringsvilkåra og er avgrensa til salssummen til eigedomen, men oppad avgrensa til kr. 14 000 000,-. Seljar har i den samanhengen utarbeidd ei eigenerklæring om eigedomen. Eigenerklæringa ligg vedlagt salsoppgåva og interessentar vert oppmoda til å gjere seg kjend med denne før bodgiving/kjøp. Bustadseljarforsikringa sørgjer for at kjøpar kan forhalde seg til ein profesjonell og søkegod motpart som handterer eventuelle reklamasjonar fagleg og ryddig. Dersom kjøpar ikkje har teikna bustadkjøparforsikring kan hen reklamere direkte til Claims Link (tlf 67 83 51 30 eller post@claimslink.no), som representerer bustadseljarforsikringa til seljar.   Av vilkåra går det fram unntak i forsikringsdekninga, til dømes ved nye forhold som oppstår mellom aksept og overtaking. Garantiar/lovnader der seljar har påteke seg ansvar for eigenskapar ved eigedomen eller dokumentasjon av slike, vert ikkje dekt. I nokre tilfelle er det heller ikkje dekning der seljar har opptrådt forsettleg eller grovt aktlaust. Forsikringa omfattar heller ikkje ein redusert bustadverdi som skuldast skadedyr/insekt, til dømes skjeggkre/perlekre/sølvkre, veggdyr, pelsbiller, maur, borebiller og tilsvarande. I samsvar med lov og rettspraksis må det reklamerast “innan rimeleg tid”. Det vert tilrådd å reklamere umiddelbart/snarast mogleg og seinast innan 2 månader frå forholdet vart/burde vorte oppdaga.   Dersom kjøpar utbetrar mangelskrav på eiga hand, kan dette medføre at reklamasjonsretten vert tapt.

Boligkjøperforsikring

Vedlagt i salsoppgåva følgjer informasjon om Bustadkjøparforsikring Pluss og Bustadkjøparforsikring frå HELP Forsikring AS. Bustadkjøparforsikring er ei rettshjelpsforsikring som gir tryggleik og profesjonell juridisk hjelp dersom det blir oppdaga uventa feil eller manglar ved bustaden dei neste fem åra. Bustadkjøparforsikring Pluss har same dekning som bustadkjøparforsikring + fullverdig advokathjelp på viktige rettsområde i privatlivet. Les meir om begge forsikringane i vedlagde materiell eller på help.no. Det blir gjort merksam på at meklarføretaket mottar kr 1 900 / 2 600 / 2 600,- (avhengig av bustadtype) i kostnadsgodtgjersle for kvar forsikringsavtale som blir formidla på Bustadkjøparforsikring Pluss og kr 2 900 ,- / 3 600,- / 3 600,- i kostnadsgodtgjersle for Bustadkjøparforsikring.

Avgiftsbeskrivelse

Dette inkluderer renovasjon, vatn- og avlaupsavgifter og feiing. Den totale årlege kostnaden vil variere etter eige forbruk.   Kommunale gebyr er ein kombinasjon av forskot, abonnement og enkeltgebyr fakturert etter levert teneste. Kommunen kjenner ikkje samla gebyr for ein eigedom for eit år før året er omme.

Moderniseringer og påkostninger

Følgjande moderniseringar er føreteke dei seinare åra: 2025: - Elektrisk anlegg endra. 2024: - Oppussing av bustaden. - Platting framfor garasje montert. - Elektrisk anlegg kontrollert av Eid Elektro. Samsvarserklæring føreligg. 2023: - Ny terrasse bygd. 2022: - Nytt bad og vaskerom. Tettesjikt/membran oppgradert. Utført av Lenco AS / Eid VVS AS. Dokumentasjon føreligg. - Skifta kjøken. - Oppussing og utskifting av overflater i hovudetasje og på loft. - Større delar av det elektriske anlegget skifta i hovudetasje og på loftsetasje, utført av Eid Elektro AS. Samsvarserklæring føreligg. - Innvendige vassleidningar bytta til rør-i-rør-system, utført av Eid VVS AS. - Avlaupsrøyr frå kjøken og bad ned til underetasje skifta til plastrøyr. - To vindauge i stove og eitt på bad skifta, utført av Tømrer Henning Langeland. - Luft/luft-varmepumpe installert i stove, utført av Eid Elektro AS. - Ny varmtvassbereddar på 281 liter montert. Ukjent årstall: - Oljetank på eigedomen tømt og fylt med sand. Dokumentasjon frå Franzefoss føreligg. - Taktekking på garasje skifta til Decraplater. Ifølgje seljars egenerklæring er følgjande arbeid utført: 2024: - Installert ny elbilladar. - Ny balkong.

Betalingsbetingelser

Kjøpesum og alle kostnader skal vere innbetalt til meklar sin klientkonto før overtaking. Det føresetjast at skøyte blir tinglyst på ny eigar. Dersom kjøpar ikkje ønskjer heimelsoverføring av eigedommen til seg, må det takast atterhald om dette i bodet.

Fasiliteter

Adgang til utleie

Bustad med éin buieining som fritt kan leigast ut i sin heilskap. Delar av bustaden kan òg leigast ut, føresett at det er ein del av bustaden sin godkjende hovuddel med rom godkjend for varig opphald og at den utleigde delen ikkje er fråskild som ei sjølvstendig buieining.

Radon

Det er ikkje utført radonmåling på eigedommen. Eigedommen ligg i eit område med moderat til låg aktsomheitsgrad for radon. For meir informasjon om radon, sjå www.dsa.no/radon.

Sentrale lover

Eigedomen vert seld etter reglane i avhendingslova. Salsoppgåva er basert på dei opplysningane seljar har gitt til bygningsakkyndig og meklar, samt opplysningar innhenta frå kommunen, Statens kartverk og andre tilgjengelege kjelder. Eigedomen skal overleverast til kjøpar i tråd med det som er avtalt. Det er viktig at kjøpar set seg grundig inn i alle salsdokumenta, med dette salsoppgåve, tilstandsrapport og seljar si egenerklæring. Kjøpar vert sett på som kjent med forhold som er tydeleg beskrive i salsdokumenta. Forhold som er beskrive i salsdokumenta kan ikkje påberopast som manglar. Dette gjeld uavhengig av om kjøpar har lest dokumenta. Alle interessentar vert oppmoda til å undersøkje eigedomen nøye, gjerne saman med fagkyndig før bod vert gjeve. Kjøpar som vel å kjøpe usett kan ikkje gjere gjeldande som mangel noko han burde blitt kjent med ved undersøkinga. Dersom det er behov for avklaringar, anbefalar vi at kjøpar rådfører seg med eigedomsmeklar eller ein bygningsakyndig før det vert lagt inn bod.   Dersom kjøpar ikkje er forbrukar seljast eigedomen «som den er», og seljar sitt ansvar er då avgrensa jf.§ 3-9 1. ledd 2. pkt. Informasjon om kjøpar si undersøkingsplikt, med dette oppmoding om å undersøkje eigedomen nøye, gjeld og for kjøparar som ikkje vert vurdert som forbrukarar.  På grunn av ulike avtalevilkår kan seljar vurdere bod frå ein som ikkje er forbrukar, ulikt frå ein forbrukar sitt bod. Dersom kjøpar ikkje er forbrukar, er seljar sitt mulege mangelsansvar avgrensa fordi eigedomen vert seld "som den er".  Seljar kan ikkje ta «som den er» atterhald ovanfor ein forbrukarkjøpar. Sjølv eit lågare bod frå ein som ikkje er forbrukar kan foretrekkast fordi avgrensinga i muleg mangelsansvar kan ha eigenverdi for seljar. Seljar står fritt til å forkaste eller akseptere eitkvart bod, og pliktar til dømes ikkje å akseptere høgste bod.  Bodgjevarar får informasjon dersom andre bod er gjeve av ein som ikkje er forbrukar.  Forbrukarkjøp - definisjon: Med forbrukarkjøp meinast kjøp av eigedom når kjøparen er ein fysisk person som ikkje hovudsakleg handlar som ledd i næringsverksemd. Forbrukar - avtalevilkår: Eigedomen har ein mangel dersom den ikkje er i samsvar med krava som følgjer av avtalen, eller det ligg føre brot på bestemmingane i avhendingslova §§ 3-2 til 3-8. Dersom eigedomen ikkje er i samsvar med det kjøparen må kunne vente ut frå alder, type og synleg tilstand, kan det vere grunnlag for mangelskrav. Det same gjeld dersom det er halde tilbake eller gitt urette opplysningar om eigedomen. Dette gjeld likevel berre dersom ein kan gå ut frå at det virka inn på avtalen at opplysningen ikkje vart gitt eller at feil urette opplysningar ikke blir retta i tide på ein tydeleg måte. Ein bustad som har blitt brukt i ei viss tid, har vanlegvis blitt utsett for slitasje og skadar kan ha oppstått. Slik bruksslitasje må kjøpar rekne med, og det kan avdekkast enkelte forhold etter overtakinga som gjer det naudsynt med utbetringa utbedringar. Normal slitasje og skadar som gjer det naudsynt med utbetring, er innanfor kva kjøpar må vente og vil ikkje utgjere ein mangel. Bustaden kan ha ein mangel etter avhendingslova § 3-3 dersom det er avvik mellom opplyst og faktisk innvendig areal, forutsett at avviket er på 2 % eller meir og minimum 1 kvm. Ved berekning av eit eventuelt prisavslag eller erstatning må kjøpar sjølv dekke tap/kostnader opptil eit beløp på kr 10 000 (eigendel). Ikkje - forbrukar (næringsdrivande) – definisjon: Dersom kjøpar er ein juridisk person, eller ein fysisk person som hovudsakeleg handlar som ledd i næringsverksemnd, vil kjøpet ikkje bli sett på som eit forbrukarkjøp.  Ikkje - forbrukar – avtalevilkår: Eigedomen har ein mangel dersom den ikkje er i samsvar med krava som følgjer av avtalen. Eigedomen vert seld «som den er», og seljar sitt ansvar utover det konkret avtalte er då avgrensa etter avhendingslova § 3-9, første ledd andre setning.  Avhendingslova § 3-3 andre ledd vert fråviken, og korvidt arealsvikt i bustaden utgjer ein mangel vert vurdert etter avhendingslova § 3-8.  Ein føresetnad for salet er at skøyet for eigedomen vert tinglyst på kjøpar. Interessentar og kjøpar må godta at seljar og meklar brukar elektronisk kommunikasjon i salsprosessen. I trå med eigedomsmeklingsforskrifta vil informasjon om oppdragsgivar, salsobjektet, interessentar og kjøpar bli lagra av meklarføretaket i min. 10 år. Sjå em1.no for meir informasjon om handsaminga vår av personopplysningar.

Personopplysningsloven

Vi gjer interessentar og kjøparar merksame på at vi vil handsame, etter personopplysingslova, personopplysningane dine i den utstrekning dette er naudsynt for å oppfylle våre lovpålagte plikter, med dette for å kunne gjere kundekontroll etter kvitvaskingslova samt for å utføre oppgåver som vi er pålagt etter eigedomsmeklingslova.

Kommunalinfo

• Kommunale avgifter: kr 29 849
• Eiendomsskatt: kr 7 954
• Informasjon om eiendomsskatt: For bustadeigedomar og fritidseigedomar er eigedomsskatten 3,1 promille. For alle bustadeigedomar og fritidseigedomar utgjer eigedomsskattegrunnlaget 70 prosent av skattetaksten for slike eigedomar, jf. eigedomsskattelova § 8 A-2. Eigedomsskatten 7 promille(sjekk din kommune) for næringseigedom, energianlegg (kraftanlegg og kraftnettet), naust, tomter (bustad, fritid, næring og naust) og særskilde skattegrunnlag (jf. overgangsregel i eigedomsskattelova).