Fossebakken 10

Last ned salgsoppgave for komplett informasjon om eiendommen

Registerbetegnelse

Etasje

2

Parkering

Eigedomen har ei frittståande garasje med to portopningar mot gardsplassen. I tillegg er det gode parkeringsmoglegheiter på den romslege gruslagde innkøyrsla/gardsplassen.

Eiendom

Tomteareal er 1 116 m² på eiet tomt.

Eigd tomt på 1116,4 m² i relativt flatt terreng. Tomta er opparbeidd med gruslagd innkøyrsel, trapp og forstøytingsmurar med beleggingsstein, treterrassar, dels singelbelagt uteområde ved inngangspartiet, og eit større område med dekke av jord og grus som er tiltenkt opparbeiding av plen. Dette blir gjort fortløpande. Eigedommen ligg i område med kvikkleire, men den er registrert med risikoklasse 0, område utanfor fare. Kvikkleire kan forekomme utanfor påviste soner.

Byggeår

2014

Innhold

Einebustad går over to plan med følgjande innhald: 1. etasje: Entré, hall m/trapp, vaskerom, teknisk rom, bad, eitt soverom og stove/kjøkken 2. etasje: Hall m/trapp, bad, bod og fire soverom (evt tre soverom og loftstove) Garasje 1. etasje: Garasjerom Garasje loft: Bod/lagringshems Terrasse på 76 m² med utgang frå stove/kjøkken. Balkong på 6 m² med utgang frå soverom i 2. etasje. Det ligg føre godkjende og byggemelde teikningar, som samsvarar med dagens bruk. Dei oppgitte romma er definerte av bygningssakkyndig i samsvar med vedlagd rapport, basert på dagens faktiske bruk, uavhengig av kva som er godkjent av bygningsstyresmaktene.

Standard

Einebustaden frå 2014 er oppført over to etasjar med ei gjennomtenkt planløysing som gjev god plass til ein stor familie. I 1. etasje ligg dei sosiale areala samla: stove og kjøkken i open løysing med utgang til ei romsleg treterrasse. Etasjen består også av bad, vaskerom, teknisk rom og eitt soverom. I 2. etasje er det fire soverom og eit bad, med balkongtilgang frå hovudsoverommet. Fasaden er beiset i perioden 2024–2025, og bustaden har eit balansert ventilasjonsanlegg med varmegjenvinning og eit vassbore varmesystem driven av luft-til-vatn varmepumpe. Vedovnen i stova gjev supplerande varme. Godkjente og byggemelde teikningar stemmer med dagens bruk. Entré: Hovedytterdøra, med isolert kjerne og karakteristiske glassfelt, opnar inn til ein entré med storformatflis på golvet. Garderobeinnreiinga fyller heile kortveggen: opne hyller og skuffer i mørk utføring, med ein bakvegg i stående trepanel som gjev eit flott preg mot dei mørke flatene. Belysning er integrert i innreiinga. Frå entréen kjem du vidare inn i hallen og vidare mot svingtrappa som leier opp til 2. etasje. Hall med trapp: Frå entréen opnar hallen seg mot svingtrappa som bind dei to etasjane saman. Trappa er lakkert og utført som ei 180-graders svingtrapp: trinn i heiltre med mørk brun utføring, vangane i mørk grå/sort, og rekkverk med ståande spiler og profilert utføring. Håndlaupar er montert på veggen, og spotbelysning langs trinna gjev god sikt. Frå hallen er det tilgang til stova, kjøkkenet, badet, vaskerommet og soverommet i 1. etasje. Stove: Stova er det rommet som set tonen for heile 1. etasje. Eksponerte taksperrar i mørkt tre kryssar det kvite MDF-panelet i taket og gjev rommet ein karakter som skil seg frå standard bustadbygg. (desse kan takast ned om du likar best slette flater - då må du legge nytt tak) Veggane er kledd med malte plater med imitasjon av panel, dels i mørk farge. Store vindusflater på fleire veggar slepp inn dagslys, og utgangsdør til terrassen. Vedovnen, plassert i stova, er klar til bruk. Plass til stor sofagruppe. Stova flyt saumlaust over i spisestova og vidare mot kjøkkenet. Kjøkken: Kjøkkenet frå Nordfjordkjøkkenet har profilerte og lakkerte fronter i MDF. Benkeplatene er av laminat med imitasjon av tre, og det er montert flisar mellom benkeplate og overskap. Nedfelt oppvaskkum er plassert i benken. Integrert oppvaskmaskin, induksjonstopp og steikeomn er innbygde i innreiinga, og det er plass for frittstående side-by-side kjøleskap. Kjøkkenventilator frå Røroshetta med avtrekk ut er montert over kokeplata. Trådlause fuktsensorar er plassert under innreiinga, og det er komfyrvakt ved ventilatoren. Kjøkkenøya med benkeplass for barstolar skil kjøkkenet frå spisestua og gjev ein naturleg overgang mellom dei to sonene. Storformatflis på golvet i kjøkkensona. Terrasse: Frå stove/kjøkken er det utgang til ei treterrasse på bakkenivå med terrassebord som overflate. Terrassen gjev god plass til utemøblar og er tilrettelagd for uteopphald gjennom sesongen. Det er klart for å setje opp utestove eller liknande i tilknyting til balkongdør. Bad 1. etasje: Badet i 1. etasje har fliser på golv og veggar, med mosaikk på golvet i dusjnisjen. Dusjnisje med glassdør, vegghengt toalett og servantskap med skuffer og helstøpt servant. Spegel med integrert belysning. Vassboren golvarme. Balansert ventilasjon er tilknytt rommet, og det er spalte under døra. Vaskerom: Vaskerommet ligg i 1. etasje, vegg i vegg med badet. Opplegg for vaskemaskin og utslagsvask. Flisar på golvet og baderomsplater med flisimitasjon på veggane. Vassboren golvarme. Balansert ventilasjon er tilknytt rommet. Det er gjennomgang via teknisk rom til vaskerom frå utvendig. Soverom 1. etasje: Soverommet i 1. etasje ligg skjerma frå dei sosiale areala og høver godt som gjesterom eller kontor. Laminat med imitasjon av enstavs tregolv, malte plater med imitasjon av panel på veggane. 2. etasje – hall: Svingtrappa leier opp til hallen i 2. etasje, som fordeler tilgangen til dei fire soveromma, badet og boda. Laminat med imitasjon av enstavs tregolv held fram frå trappa og inn i hallen. Hovudsoverom 2. etasje: Hovudsoverommet er det største soverommet i 2. etasje og har direkte utgang til balkongen. Rommet har plass til dobbeltseng med nattbord på begge sider, og ei innebygd garderobeinnreiing med skyvedører i mørk utføring er plassert langs delar av eine veggen. Eit tilstøytande areal med trepanelvegg er innreia som arbeidskrok med plass til skrivebord og hyller. Laminat med imitasjon av enstavs tregolv. Balkong: Frå hovudsoverommet er det utgang til ein balkong med dekke av betong og rekkverk i malt trevirke, beiset i 2024. Balkongen har overbygg med spotter i himlingen og utvendig stikkontakt på veggen. Soverom 2. etasje: Dei tre resterande soveromma i 2. etasje er alle av god storleik og har laminat med imitasjon av enstavs tregolv. Kvart rom har eige vindauge og plass til seng med tilhøyrande møblement. Romma er innreia med ulik karakter: eitt med mørke panelplater og garderobeskap med spegeldørar, eitt med lysare plater og dobbeltseng, og to med malte plater. Fleire av romma har garderobeskap. Bad 2. etasje: Hovedbadet i 2. etasje er innreia med storformatfliser på golv og veggar. Eigen dusjnisje med dobbelt dusjgarnityr og glassdør. To servantskap med skuffer og heilstøypt servant frå Fossbad, med spegel med belysning over kvar servant. Vegghengt toalett. Opplegg for badekar i rommet. Vassboren golvarme. Balansert ventilasjon er tilknytt rommet, og det er spalte under døra. Overflater: Golv: Laminat med imitasjon av einstavs tregolv i stove, hall, soverom og gangareal. Storformatflis i entré og i kjøkkensona. Flisar på bad i 1. og 2. etasje og vaskerom. Fliser i teknisk rom. Veggar: Malte plater med imitasjon av panel i stova, soverom, hall og gang. Himling: MDF-panel og himlingsplater/takess. Lagring: Frittståande garasje oppført i 2016 med støypt betongplate og ringmur i betong. Ytterveggar i bindingsverk med liggjande bordkledning. To portopningar mot gårdsplassen. Innvendig er det synleg bindingsverk, taksperrar og konstruksjonar. Over delar av garasjen er det etablert hems/lagringsareal med golv­plater. Bod i 2. etasje. Omsetning av brukt eigedom Ein brukt eigedom vil som regel ikkje vere i same stand som om den var ny. Tekniske krav, type bustad, teknikk og skikkar endrar seg over tid. Bruksslitasje og ytre forhold kan gjere at tilstanden blir dårlegare etter kvart, sjølv om det ikkje er synleg. Kjøparar kan ha mindre forventningar til eldre bustader enn nye, og det kan vere skadar eller feil som ikkje er beskrive, men som seljar likevel ikkje kan haldast ansvarleg for. Normal bruksslitasje er ikkje ein mangel, og det er ikkje sikkert at det som opplevast som ein feil ved ein eigedom er ein mangel i rettsleg forstand. Det er difor viktig å setje seg grundig inn i tilstanden på den eigedomen ein vil kjøpe.

Hvitevarer

Det blir gjort merksam på at berre integrerte kvitevarer på kjøkkenet følgjer med ved overdraginga. Desse blir leverte utan nokon form for garanti, utover eventuell gjenværande leverandørgaranti.

Adkomst

Det er særs lett tilkomst til eigedommen frå offentleg veg.

Byggemåte

Informasjonen er henta frå vedlagde tilstandsrapport, datert 28.05.2026. Bygning: Einebustad oppført i 2014 over to etasjar. Primærkonstruksjonen er bindingsverk. Veggane har bindingsverkskonstruksjon frå byggeåret og fasaden/kledningen har liggjande bordkledning. Etasjeskilje er av trebjelkelag, og bustaden har støypt golv mot grunn. Bygningen har betonggrunnmur. Tomta har forstøytingsmurar med beleggingsstein. Tak: Taktekkinga er av betongtakstein. Takkonstruksjonen har W-takstolar i tre med lufta kaldtloft. Skorstein over tak er tekka inn med beslag, og det er stigetrinn for feiar på taket. Takrenner og nedløpsrøyr er i lakkert aluminium eller stål. Pipe/Eldstad: Bustaden har elementpipe og vedovn. Vindauge: Bygningen har måla trevindauge med 3-lags glas. Dører: Bygningen har måla balkongdør i tre og hovudytterdør med isolert kjerne, truleg HDF (trefiberplate), som er lakkert. Innvendig har bustaden formpressa, lakkerte dører med imitasjon av fyllingsdører. Dørkarmane har pakningar mot dørbladet for dempa lukking og redusert lydgjennomgang. Trapper/tilkomst: Bustaden har lakkert tretrapp, utført som 180-graders svingtrapp. Trinna er i heiltre med mørk brun utføring, vangar i mørk grå/svart utføring, samt rekkverk med ståande spiler og profilert utføring. Handløpar på vegg og spotbelysning er montert. Balkong/terrasse: Det er oppført ein terrasse på 76 m² i trekonstruksjon, liggjande på bakkenivå, med utgang frå stove/kjøkken. Terrassen har terrassebord som overflate. Frå eit av soveromma i 2. etasje er det utgang til ein balkong på 6 m², oppført med dekke av betong og rekkverk i måla trevirke. Balkongen har overbygg med spottar i himlingen. VVS-installasjonar: Innvendige vassleidningar er av plast (røyr-i-røyr). Hovudstoppekran er lokalisert i teknisk rom ved golvet. Avløpsrøyr er av plast. Våtromma har plastsluk. Bustaden er utstyrt med varmtvasstank tilkopla luft-til-vatn-varmepumpe. Systemet varmar opp tappevatn og distribuerer varme via vassbore anlegg til bustaden sine oppvarmingskjelder. Anlegget består av isolert beredar, røyrføringar, ventilar og fordelarsystem. Ventilasjon: Bustaden er utstyrt med balansert ventilasjonsanlegg med varmegjenvinning. Det er installert kjøkkenventilator frå Røroshetta med avtrekk ut. Tekniske detaljar: Det er installert ei luft-til-vatn-varmepumpe frå 2014. Bustaden har vassbore varmesystem. Garasje: Frittståande garasje oppført i 2016 med støypt betongplate og ringmur i betong. Ytterveggane er oppførte med bindingsverk, utvendig kledd med liggjande bordkledning. Taket er oppført med A-takstolar og er utvendig tekka med betongtakstein. Det er to portopningar mot gardsplass, men det er ikkje montert garasjeportar. Innvendig er det synleg bindingsverk, taksperrer og konstruksjonar. Det er etablert hems/lagringsareal over delar av garasjen med golvplater. Det elektriske anlegget er frå byggeåret og har skjult installasjon. Anlegget framstår med normal standard sett i høve til alder, og det er ikkje registrert synlege avvik ved synfaringa. Alle bygningsdelar og installasjonar har avgrensa levetid. Konstruksjonane er bygd etter lov og forskrift som tek utgangspunkt i byggeåret og vil normalt ikkje tilfredsstille krava i dag. Med omsyn til den tekniske standarden på bygningane vert det vist til vedlagde tilstandsrapport fra takstmann Finn Sæle Barlund datert 28.05.2026, der enkelte bygningselementer har oppnådd tilstandsgrad 2 (TG2). Interessentar vert oppmoda til å sette seg grundig inn i desse punkta samt eigenerklæringa som ligg ved salssoppgåva før det vert lagt inn bod på eigedomen. Meklar gjer elles merksam på kjøpar si undersøkingsplikt med heimel i avhendingslova. Nedanfor finn ein ei kort oppsummering av det den bygningssakyndige har beskrive av avvik ved bustaden som har fått tilstandsgrad 2 (TG 2) OG TG IU (Ikkje undersøkt). TG2 med avvik som kan krevje tiltak: - Utvendig > Taktekking: Det er ved synfaringa påvist førekomst av mose på taktekkinga. - Utvendig > Vindauge: Det er påvist avvik rundt innsettingsdetaljar. - Utvendig > Dører: Det er observert byrjande fuktsvelling i botnen av balkongdøra. - Innvendig > Etasjeskilje/golv mot grunn: Det er målt høgdeforskjell på mellom 15-30 mm gjennom heile rommet. - Innvendig > Pipe og eldstad: Ildfast plate manglar på golvet under sotluke/feieluke på pipa. - Våtrom > 2. etasje Bad > Overflater Golv: Det er påvist at nokre fliser har bom (holrom under). - Våtrom > 1. etasje Vaskerom > Overflater Golv: Høgdeforskjell frå topp slukrist til golv/synleg topp membran ved dørterskel er mindre enn 25 mm. - Våtrom > 1. etasje Bad > Overflater veggar og himling: Det er vindauge/dør med ikkje fuktbestandige materiale i våtsona. - Våtrom > 1. etasje Bad > Overflater Golv: Det er påvist at nokre fliser har bom (holrom under). - Tekniske installasjonar > Vassleidningar: Samlestokken for vassrøyra er montert ope på vegg i teknisk rom. - Tekniske installasjonar > Varmepumpe: Meir enn halvparten av forventa brukstid på varmesentralen er brukt opp. Helse, miljø og sikkerhet: Eigedomen ligg i eit rasfarleg/skredutsett område i samsvar med kommunedelsplan/NVE. Eigedomen ligg i eit område der det er registrert kvikkleire. Området er i kartdata registrert med risikoklasse 0, tydinga av klasse 0 er i følgje NVE at området blir sett på som sikkert med omsyn til kvikkleireskred. Det er ingen identifisert risiko for skred basert på eksisterande kartlegging og analysar. Så lenge eigedomen ligg i eit område med kvikkleire, blir dette teke med som eit avvik for å gjere deg som kjøpar merksam på forholda. Dette fordi ein risikoklasse kan endrast over tid, basert på nye undersøkingar, endra forhold i terrenget, eller som følgje av menneskeleg aktivitet. Oppsummeringa over er ikkje uttømmande, og du vert oppmoda til å lese og setje deg grundig inn i alt salsmateriell. For ordens skuld nemner vi at TGIU står for «tilstandsgrad ikkje undersøkt», til dømes fordi ein del av bygget ikkje har vore tilgjengeleg for inspeksjon. Desse delane kan dermed ha feil eller manglar som ikkje er avdekte.

Eiendomstype

Enebolig

Oppvarming

Det er installert ei luft-til-vatn varmepumpe, oppgitt å vere frå 2014. Bustaden har eit vassbåre varmesystem der varmepumpa distribuerer varme til bustaden sine oppvarmingskjelder. Det er montert vassbåren golvvarme på badet i 1. etasje, badet i 2. etasje og på vaskerommet. Bustaden er utstyrt med elementpipe og vedomn for supplerande oppvarming, med vedomn (Nordpeis AS Uno 1) i 1. etasje. Dersom rom ikkje har vegg- eller fastmonterte varmekjelder ved vising, følgjer dette heller ikkje med. Tilstandsrapporten skildrar den tekniske tilstanden til byggverket. Det er ikkje utført kontroll av dei elektriske installasjonane (el-takst) sjølv om bygningssakkunnig kan ha knytt kommentarar til el-anlegget ut frå heilt enkle vurderingskriterium. Sidan el-anlegget ikkje er kontrollert, er det ikkje usannsynleg at det seinare kan bli avdekt avvik frå dagens forskriftskrav og oppstå funksjonssvikt. Vidare må kjøpar vere førebudd på at det kan måtte gjerast oppgraderingar på grunn av slitasje, manglande vedlikehald, arbeid som er utført av ufaglærte, alder eller tekniske løysingar som ikkje held dagens standard. I Noreg er det ei av oppgåvene til «Det lokale eltilsynet» (DLE) å utføre tilsyn med elektriske anlegg i bustader og fritidsbustader. Alle bustader skal ha periodisk kontroll kvart 20. år, og hytter/fritidsbustader blir kontrollerte kvart 30. år. El-anlegget er ein bygningsdel som er gjenstand for konstant utvikling. Ein må difor rekne med at dagens anlegg ikkje nødvendigvis er dimensjonert for oppgradering av kjøkken med nye elektriske apparat eller rehabilitering av bad med varmekablar, samt installeringar for elbilladar.

Strømforbruk

Meklar gjer merksam på at desse utgiftene er knytt til dagens eigar og at desse vil kunne endre seg med omsyn til anna bruk av bustaden enn i dag eller andre avtalar med leverandørar.

Vei, vann og avløp

Eigedomen er tilknytt offentleg veg, vatn og avlaup. Alle eigedomar som er tilknytt offentleg vatn og avlaup har private stikkleidningar, som blir vedlikehaldne for eigar si eiga rekning. For nærare opplysningar om dei private stikkleidningane blir det vist til kommunen.

Meglers plikt til å stanse gjennomføring av en handel

Eigedomsmeklarar er underlagd lov om kvitvasking og pliktar å rapportere til Økokrim om mistenkelege transaksjonar. Lov om kvitvasking har og strenge reglar om kontroll av legitimasjon frå alle partar i handelen, med dette, seljar, kjøpar og fullmektigar for desse.

Budgivning

Alle bod skal gjevast skriftleg og legitimert til meklar, som formidlar desse vidare til seljar. Dette gjer ein enkelt elektronisk ved å klikke på "gi bud" knappen på finn.no eller via eiendomsmegler1.no eller på bodskjema vedlagt salsoppgåva. Meklar skal så snart som muleg stadfeste skriftleg ovanfor bodgjevar at bod er motteke og formidle det vidare til seljar.  Bod må  ikkje ha kortare akseptfrist enn kl. 12.00 første virkedag etter siste annonserte vising. Bod med kortare frist enn dette kan ikkje formidlast av meklar.  Meklar pliktar å leggje til rette for ei forsvarleg avvikling av bodrunden. For at boda skal kunne bli handsama bør dei ikkje ha ein kortare akseptfrist enn 30 minutt frå bodet er gjeve. Bod som vert gjeve etter normal arbeidstid vert handsama/formidla påfølgjande arbeidsdag.  Meklar tek ikkje ansvar for forseinkingar på el- eller telenettet. Under bodrunden kan akseptfristen kortast ned ved mottaking av nye bod. Akseptfristen frå kjøpar er absolutt. Det betyr at dersom seljar vel å akseptere bodet, må kjøpar meddelast aksepten innan akseptfristen går ut. Dersom du utset å gje inn bod til tett opp mot akseptfristen er det ei reell fare for at eigedomen kan bli seld før bodet ditt kjem fram til meklar. Ein syner elles til "Forbrukarinformasjon om bodgjeving", som også er ein del av salsoppgåva. Kjøpar er utanlandsk statsborgar Dersom ein kjøpar er utanlandsk statsborgar krevjast det at ein har D-nummer til erstatning for norsk personnummer. Meklar rekvirerer dette samstundes som skøyte vert sendt inn til tinglysing hjå Kartverket. Skøytet vert så liggande hjå Kartverket fram til kjøpar har fått D-nummer av  skatteetaten. Deretter vert skøytet tinglyst. Denne prosessen vil ofte medføre at oppgjer og  utbetaling til seljar vert forseinka med nokre veker. Kjøpar må i desse tilfella enten ta atterhald i  b od om forseinka utbetaling til seljar, eller vere budd på å dekke forseinkingsrenter. Kontakt  ansvarleg meklar for informasjon før bodgjeving.

Overtakelse

Overtaking etter avtale. Legg inn ønskje om overtakingsdato ved bodgjeving. Mellom aksept av bod og tidspunktet for overtaking er det ikkje høve til å synfare eigedomen. Vi tilrår difor interessentar til å naudsynte mål og liknande på visinga.

Andre relevante opplysninger

Det er planlagt fleire bustadfelt i område i framtida.

Boligselgerforsikring

Seljar har teikna bustadseljarforsikring som er framforhandla av Söderberg & Partners AS. Forsikringa dekkjer seljar sitt ansvar etter avhendingslova, med dei avgrensingane som følgjer av forsikringsvilkåra og er avgrensa til salssummen til eigedomen, men oppad avgrensa til kr. 14 000 000,-. Seljar har i den samanhengen utarbeidd ei eigenerklæring om eigedomen. Eigenerklæringa ligg vedlagt salsoppgåva og interessentar vert oppmoda til å gjere seg kjend med denne før bodgiving/kjøp. Bustadseljarforsikringa sørgjer for at kjøpar kan forhalde seg til ein profesjonell og søkegod motpart som handterer eventuelle reklamasjonar fagleg og ryddig. Dersom kjøpar ikkje har teikna bustadkjøparforsikring kan hen reklamere direkte til Claims Link (tlf 67 83 51 30 eller post@claimslink.no), som representerer bustadseljarforsikringa til seljar. Av vilkåra går det fram unntak i forsikringsdekninga, til dømes ved nye forhold som oppstår mellom aksept og overtaking. Garantiar/lovnader der seljar har påteke seg ansvar for eigenskapar ved eigedomen eller dokumentasjon av slike, vert ikkje dekt. I nokre tilfelle er det heller ikkje dekning der seljar har opptrådt forsettleg eller grovt aktlaust. Forsikringa omfattar heller ikkje ein redusert bustadverdi som skuldast skadedyr/insekt, til dømes skjeggkre/perlekre/sølvkre, veggdyr, pelsbiller, maur, borebiller og tilsvarande. I samsvar med lov og rettspraksis må det reklamerast "innan rimeleg tid". Det vert tilrådd å reklamere umiddelbart/snarast mogleg og seinast innan 2 månader frå forholdet vart/burde vorte oppdaga. Dersom kjøpar utbetrar mangelskrav på eiga hand, kan dette medføre at reklamasjonsretten vert tapt.

Boligkjøperforsikring

Vedlagt i salsoppgåva følgjer informasjon om Bustadkjøparforsikring Pluss og Bustadkjøparforsikring frå HELP Forsikring AS. Bustadkjøparforsikring er ei rettshjelpsforsikring som gir tryggleik og profesjonell juridisk hjelp dersom det blir oppdaga uventa feil eller manglar ved bustaden dei neste fem åra. Bustadkjøparforsikring Pluss har same dekning som bustadkjøparforsikring + fullverdig advokathjelp på viktige rettsområde i privatlivet. Les meir om begge forsikringane i vedlagde materiell eller på help.no. Det blir gjort merksam på at meklarføretaket mottar kr 1 900 / 2 600 / 2 600,- (avhengig av bustadtype) i kostnadsgodtgjersle for kvar forsikringsavtale som blir formidla på Bustadkjøparforsikring Pluss og kr 2 900 ,- / 3 600,- / 3 600,- i kostnadsgodtgjersle for Bustadkjøparforsikring.

Forsikringsselskap

Frende

Avgiftsbeskrivelse

Dette inkluderer vatn- og avlaupsavgifter og feiing. Renovasjon er ikkje inkludert i prognosen frå kommunen og vil bli fakturert separat. Eit årsabonnement frå NoMil ligg på ca kr 6.000,- per år. Kommunale gebyr er ein kombinasjon av forskot, abonnement og enkeltgebyr fakturert etter levert teneste. Kommunen kjenner ikkje samla gebyr for ein eigedom for eit år før året er omme.

Moderniseringer og påkostninger

Følgjande moderniseringar er foretatt dei seinare åra: 2026: - Installert ubrennbar plate framfor eldstad 2025: - Fasadar/ytterkledning beisa 2024: - Rekkverk på balkong beisa

Betalingsbetingelser

Kjøpesum og alle kostnader skal vere innbetalt til meklar sin klientkonto før overtaking. Det føresetjast at skøyte blir tinglyst på ny eigar. Dersom kjøpar ikkje ønskjer heimelsoverføring av eigedommen til seg, må det takast atterhald om dette i bodet.

Fasiliteter

Adgang til utleie

Bustad med éi bueining som fritt kan leigast ut i si heilskap. Delar av bustaden kan òg leigast ut, føresett at dette er ein del av den godkjende hovuddelen til bustaden med rom som er godkjende for varig opphald, og at den utleigde delen ikkje er fråskild som ei sjølvstendig bueining.

Radon

Det er ikkje utført radonmåling og det er heller ikkje krav til dette, for meir informasjon vedrørande radon sjå www.dsa.no. Kjøpar overtek frå overtakingsdagen ansvaret for eventuelle utbetringstiltak som seinare må setjast i verk og betalast.

Sentrale lover

Eigedomen vert seld etter reglane i avhendingslova. Salsoppgåva er basert på dei opplysningane seljar har gitt til bygningsakkyndig og meklar, samt opplysningar innhenta frå kommunen, Statens kartverk og andre tilgjengelege kjelder. Eigedomen skal overleverast til kjøpar i tråd med det som er avtalt. Det er viktig at kjøpar set seg grundig inn i alle salsdokumenta, med dette salsoppgåve, tilstandsrapport og seljar si egenerklæring. Kjøpar vert sett på som kjent med forhold som er tydeleg beskrive i salsdokumenta. Forhold som er beskrive i salsdokumenta kan ikkje påberopast som manglar. Dette gjeld uavhengig av om kjøpar har lest dokumenta. Alle interessentar vert oppmoda til å undersøkje eigedomen nøye, gjerne saman med fagkyndig før bod vert gjeve. Kjøpar som vel å kjøpe usett kan ikkje gjere gjeldande som mangel noko han burde blitt kjent med ved undersøkinga. Dersom det er behov for avklaringar, anbefalar vi at kjøpar rådfører seg med eigedomsmeklar eller ein bygningsakyndig før det vert lagt inn bod.   Dersom kjøpar ikkje er forbrukar seljast eigedomen «som den er», og seljar sitt ansvar er då avgrensa jf.§ 3-9 1. ledd 2. pkt. Informasjon om kjøpar si undersøkingsplikt, med dette oppmoding om å undersøkje eigedomen nøye, gjeld og for kjøparar som ikkje vert vurdert som forbrukarar.  På grunn av ulike avtalevilkår kan seljar vurdere bod frå ein som ikkje er forbrukar, ulikt frå ein forbrukar sitt bod. Dersom kjøpar ikkje er forbrukar, er seljar sitt mulege mangelsansvar avgrensa fordi eigedomen vert seld "som den er".  Seljar kan ikkje ta «som den er» atterhald ovanfor ein forbrukarkjøpar. Sjølv eit lågare bod frå ein som ikkje er forbrukar kan foretrekkast fordi avgrensinga i muleg mangelsansvar kan ha eigenverdi for seljar. Seljar står fritt til å forkaste eller akseptere eitkvart bod, og pliktar til dømes ikkje å akseptere høgste bod.  Bodgjevarar får informasjon dersom andre bod er gjeve av ein som ikkje er forbrukar.  Forbrukarkjøp - definisjon: Med forbrukarkjøp meinast kjøp av eigedom når kjøparen er ein fysisk person som ikkje hovudsakleg handlar som ledd i næringsverksemd. Forbrukar - avtalevilkår: Eigedomen har ein mangel dersom den ikkje er i samsvar med krava som følgjer av avtalen, eller det ligg føre brot på bestemmingane i avhendingslova §§ 3-2 til 3-8. Dersom eigedomen ikkje er i samsvar med det kjøparen må kunne vente ut frå alder, type og synleg tilstand, kan det vere grunnlag for mangelskrav. Det same gjeld dersom det er halde tilbake eller gitt urette opplysningar om eigedomen. Dette gjeld likevel berre dersom ein kan gå ut frå at det virka inn på avtalen at opplysningen ikkje vart gitt eller at feil urette opplysningar ikke blir retta i tide på ein tydeleg måte. Ein bustad som har blitt brukt i ei viss tid, har vanlegvis blitt utsett for slitasje og skadar kan ha oppstått. Slik bruksslitasje må kjøpar rekne med, og det kan avdekkast enkelte forhold etter overtakinga som gjer det naudsynt med utbetringa utbedringar. Normal slitasje og skadar som gjer det naudsynt med utbetring, er innanfor kva kjøpar må vente og vil ikkje utgjere ein mangel. Bustaden kan ha ein mangel etter avhendingslova § 3-3 dersom det er avvik mellom opplyst og faktisk innvendig areal, forutsett at avviket er på 2 % eller meir og minimum 1 kvm. Ved berekning av eit eventuelt prisavslag eller erstatning må kjøpar sjølv dekke tap/kostnader opptil eit beløp på kr 10 000 (eigendel). Ikkje - forbrukar (næringsdrivande) – definisjon: Dersom kjøpar er ein juridisk person, eller ein fysisk person som hovudsakeleg handlar som ledd i næringsverksemnd, vil kjøpet ikkje bli sett på som eit forbrukarkjøp.  Ikkje - forbrukar – avtalevilkår: Eigedomen har ein mangel dersom den ikkje er i samsvar med krava som følgjer av avtalen. Eigedomen vert seld «som den er», og seljar sitt ansvar utover det konkret avtalte er då avgrensa etter avhendingslova § 3-9, første ledd andre setning.  Avhendingslova § 3-3 andre ledd vert fråviken, og korvidt arealsvikt i bustaden utgjer ein mangel vert vurdert etter avhendingslova § 3-8.  Ein føresetnad for salet er at skøyet for eigedomen vert tinglyst på kjøpar. Interessentar og kjøpar må godta at seljar og meklar brukar elektronisk kommunikasjon i salsprosessen. I trå med eigedomsmeklingsforskrifta vil informasjon om oppdragsgivar, salsobjektet, interessentar og kjøpar bli lagra av meklarføretaket i min. 10 år. Sjå em1.no for meir informasjon om handsaminga vår av personopplysningar.

Personopplysningsloven

Vi gjer interessentar og kjøparar merksame på at vi vil handsame, etter personopplysingslova, personopplysningane dine i den utstrekning dette er naudsynt for å oppfylle våre lovpålagte plikter, med dette for å kunne gjere kundekontroll etter kvitvaskingslova samt for å utføre oppgåver som vi er pålagt etter eigedomsmeklingslova.

Kommunalinfo

• Kommunale avgifter: kr 30 520
• Eiendomsskatt: kr 13 975
• Informasjon om eiendomsskatt: For bustadeigedomar og fritidseigedomar er eigedomsskatten 3,1 promille. For alle bustadeigedomar og fritidseigedomar utgjer eigedomsskattegrunnlaget 70 prosent av skattetaksten for slike eigedomar, jf. eigedomsskattelova § 8 A-2. Eigedomsskatten 7 promille(sjekk din kommune) for næringseigedom, energianlegg (kraftanlegg og kraftnettet), naust, tomter (bustad, fritid, næring og naust) og særskilde skattegrunnlag (jf. overgangsregel i eigedomsskattelova).