Parkgata 57

Last ned salgsoppgave for komplett informasjon om eiendommen

Registerbetegnelse

Informasjon borettslag / sameie

Regnskap / Budsjett:
For budsjettåret 2026 er det budsjettert med eit overskot på kr 9 950,-. Årsrekneskapen for 2025 vart godkjend på årsmøtet i 2026. Årsresultatet for 2024 var eit overskot på kr 40 216,-. Sameiget hadde per 31.12.2024 disponible midlar på kr 118 711,-. Forretningsførar BOB oppmoda på årsmøtet i 2026 sameiget til å byggje opp meir eigenkapital på grunn av framtidige vedlikehaldsbehov. Det er meldt om moglegheit for ein ny større auke i felleskostnadene ved nyttår (2027) dersom det dukkar opp uforutsette vedlikehaldsbehov i løpet av sommaren 2026. Kjøpar pliktar å gjere seg kjend med sameiget sitt rekneskap og budsjett. Kopi av desse ligg hjå meklar.

Vedtekter / Husordensregler:
Eigar pliktar å gjere seg kjend med vedtekter og eventuelle husordensreglar. Kopi av desse ligg vedlagt i salsoppgåva.

Dyrehold:
Det er tillate å halde husdyr utan styret si førehandsgodkjenning. Husdyrhaldet må ikkje vere til sjenanse eller ulempe for andre i sameiget. Dersom det kjem gjentakande grunngjevne klagar på eit husdyrhald, kan styret forlange husdyret fjerna frå sameiget.

Beboernes forpliktelser:
Dersom sameiget har innført dugnadsordning, vert denne administrert av styret.

Styregodkjennelse:
Det vert ikkje praktisert styregodkjenning i dette sameiget. Styret skal likevel underrettast om overdragingar.

Forkjøpsrett:
Det er ikkje forkjøpsrett i sameiget. Seksjonseigar har full rettsleg råderett over sin seksjon, med rett til sal, utleie og pantsetting.

Felleskostnader

kr 4 459 pr. mnd.

Felleskostnader inkluderer

Dei månadlege felleskostnadane utgjer kr 4 459,- og inkluderer a-konto varmt tappevatn, a-konto golvvarme, tv/fiber, samt ordinære felleskostnadar som dekker bygningsforsikring, felles straum, reinhald av fellesareal, forretningsførsel og ordinær drift og vedlikehald av sameiget sin eigedom. Spesifikasjon av månadlege felleskostnadar: - Ordinære felleskostnadar: kr 3 969,- - A-konto varmt tappevatn: kr 245,- - A-konto golvvarme: kr 245,- Det betalast a-konto for energi (varmt tappevatn og golvvarme) som vert avrekna etter faktisk forbruk per seksjon basert på avlesing av energimålar. Straum til elbillading i garasjen må dekkast av den einskilde sameigaren. Drift og vedlikehald av parkeringskjellar, inkludert port, vert fordelte berre på seksjonar som har tildelt parkeringsplass. Styret vedtok 27.08.2026 att felleskostnadnane skal auke med 30% 01.11.2026. Dette for å auke sparing/avsetting til framtidig vedlikehald.

Forsikringspolise

SP0001587948

Sikringsordning

Boligselskapet har inngått avtale om forskotterte felleskostnader med Klare Finans AS. Dei andre sameigarane har lovbestemt panterett i seksjonen for krav mot sameigaren som følgje av sameigeforholdet. Pantekravet kan ikkje overstige eit beløp som for kvar brukseining svarar til folketrygda sitt grunnbeløp x 2 til ei kvar tid.

Areal

BRA: 91 m²
BRA-i: 91 m²
TBA: 11 m²

Arealene er oppgitt av bygningssakkyndig på grunnlag av NS3940(2023). Internt bruksareal (BRA-i) er areal innenfor boligens omsluttende vegger. Det er for eksempel stue, soverom, kjøkken, entré, bad, loftsrom, innvendig bod og ganger mellom disse. Dersom boligen består av en bruksenhet med flere selvstendige boenheter, skal de selvstendige boenhetene kategoriseres som BRA-i. Et eksempel på dette kan være en enebolig med adskilt utleieenhet. Eksternt bruksareal (BRA-e) er for eksempel en ekstern bod, kjellerstue med egen inngang, gjesterom, tilleggsbygg eller andre rom som tilhører boenheten, men som ikke er direkte tilknyttet det interne arealet. Tilleggsbygg kan være for eksempel garasje, naust eller utvendig bod. Innglasset balkong (BRA-b) er innglassede balkonger, verandaer og altaner som disponeres av boenheten. Terrasse- og balkongareal (TBA) er arealet av terrasser, altaner, verandaer og åpne balkonger som er tilknyttet boenheten. Leilighetens gulvareal (GUA) er boligens samlede gulvareal og areal med lav takhøyde ALH er areal uten krav til minste himlingshøyde.

Nye regler for arealmåling gjelder fra 1.1.2024. Les mer om reglene.

Etasje

2

Parkering

Leilegheita disponerer fast parkeringsplass i felles garasjeanlegg. Det er etablert felles elbilladeinfrastruktur via Caverion, der ladekostnader vert registrerte på den enkelte sameigar sin straummålar eller minusmålar. Bustaden har installert elbilladar.

Eiendom

Tomteareal er 4 555 m² på eiet tomt.

Felles eigd tomt for sameiget på 4 554,8 m². Tomta ligg på eit relativt flatt platå og er opparbeidd med støypte dekke, asfaltert gangareal, grøntareal, leikeplass, benker, overbygd sykkelparkering og tilkomst til felles garasjeanlegg. Sameiget si tomt er fellesareal, dersom det ikkje er gjort nærare avtalar om bruk i vedtektene eller seksjoneringsdokumenta. Denne bustaden har bruksrett og disponerer delar av fellesarealet som grensar til seksjonen, slik det er fastsett i sameiget sine vedtekter. Arealet er likevel ikkje registrert som tilleggsdel i seksjoneringsbegjæringa. Ei slik vedtektsfesta bruksrett er tidsavgrensa (inntil 30 år) etter eigarseksjonslova og kan falle bort eller bli endra av sameiget. Kontakt meklar for meir informasjon.

Byggeår

2017

Innhold

Leilegheita går over to plan med følgjande innhald: 2. etasje: entré, toalettrom og stove/kjøkken i open løysing med utgang til altan. 3. etasje: gang, tre soverom, bad/vaskerom og garderobe/teknisk rom. Altan på 10,6 m². Leilegheita disponerer ein biloppstillingsplass og ei bod på ca. 5 m² i felles garasjeanlegg. Det ligg føre godkjende og byggemelde teikningar datert 22.02.2016. Dei oppgitte romma er definerte av bygningssakkyndig i samsvar med vedlagd rapport, basert på dagens faktiske bruk, uavhengig av kva som er godkjent av bygningsstyresmaktene.

Standard

Leilegheitar er fordelt over to plan i eit bygg frå 2017, med stove, kjøkken og toalettrom på inngangsplanet og tre soverom, bad/vaskerom og garderobe i øvre etasje. Heile leilegheita er utstyrt med vassboren golvvare tilknytt fjernvarme via sentralt anlegg i sameiget, og balansert ventilasjonsanlegg med varmegjenvinning sørgjer for godt inneklima i alle rom. Kjøkkeninnreiinga er frå Sigdal, badet er flislagt frå golv til tak, og stova har direkte utgang til ein altan på om lag 10 m² med stolpefritt glassrekkverk og manuell terrassemarkise. Entré: Takhøg skyvedørsgarderobe med speglfrontar gjev god plass til yttertøy. Golvet er flislagt med vassboren varme, og glassdøra inn mot stove/kjøkken slepp lyset frå hovudrommet inn i entréen. Til venstre ligg toalettrommet, rett fram fører glassdøra deg inn i den opne stove- og kjøkkenløysinga. Toalettrom: Toalettrommet ligg praktisk plassert ved entréen i 2. etasje. Golvet er flislagt med vassboren golvvarme. Rommet har servant og vegghengt toalett, og det er installert lekkasjesikring med sensor tilknytt den innebygde sisternen. Stove: Frå glassdøra i entréen opnar stova seg romsleg mot altanen i aust. Balkongdøra er malt i treutføring med 3-lags glass og slepp inn godt med dagslys. Rommet har plass til stor sofagruppe og separat spisegruppe, og den malte tretrappa mot 3. etasje ligg diskret i den eine enden av rommet. Vassboren golvvarme går gjennom heile etasjen. Kjøkken: Kjøkkeninnreiinga frå Sigdal har profilerte kvite fronter og benkeplate av laminat med imitasjon av tre. Innfelt vask i komposittmateriale sit i hjørnet, og underliggande belysning langs heile benkerekkja gjev god arbeidsbelysning. Integrert kjøleskap, oppvaskmaskin (Siemens), induksjonstopp (Siemens), micro (Neff) og steikeomn (Neff) er alle innebygde i innreiinga. Vasstopp-system og komfyrvakt er montert. Avtrekk skjer via det balanserte anlegget. Altan: Altanen på om lag 10 m² har direkte utgang frå stova via balkongdøra. Golvet er i impregnert materiale, rekkverket er stolpefritt glass, og levegg mot nabo er utført i treverk med liggjande kledning. Manuell terrassemarkise, stikkontakt og vegglampe er montert. Gang, 3. etasje: Her stig du opp til romsleg gang med avlastningskrok og tilkomst til tre soverom, bad/vaskerom og garderobe/teknisk rom. Trappa opp er malt i tre med kvitt rekkverk. Soverom: Soveromma er av god storleik. Det eine har svært djup vinduskarm som gjev plass til sitjekrok med puter. Rommet er lyst og triveleg. Det andre soverommet har kontrastvegg med naturmotiv. Soverommet har store vindauge og er enkelt å møblere. Hovudsoverommet har tilknytt garderobe med garderobeinnreiing. Soverommet har fint utsyn og god plass til møblering. Garderobe: Garderoben tilknytt hovudsoverommet har garderobeinnreiing med skuffer og hengeplass langs begge sider, og gjev god kapasitet for to personar. Bad/vaskerom: Badet i 3. etasje er flislagt frå golv til tak og har vassboren golvvarme. Innreiinga består av servantinnreiing med skuffer, speglskåp med belysning og benkeplate. Dusjveggar er innfellbare. Vegghengt toalett er montert. Det er opplegg for vaskemaskin og rommet har balansert ventilasjon tilknytt med spalte under dør. Overflater: Golv: Laminat i stove, kjøkken og soverom. Flisar i entré, toalettrom og bad/vaskerom. Veggar: Malte plater. Éin vegg i eit soverom har dekormaling/tapet. Flislagde veggar i bad/vaskerom. Himling: Malte plater. Malt tak med spottar i bad/vaskerom. Lagring: Skyvedørsgarderobe i entré. Garderobeinnreiing i garderobe ved hovudsoverom i 3. etasje. Bustaden disponerer òg ein bod på ca. 5 m² i felles garasjeanlegg tilknytt sameiet, oppført med veggar og dør av metall. Omsetning av brukt eigedom Ein brukt eigedom vil som regel ikkje vere i same stand som om den var ny. Tekniske krav, type bustad, teknikk og skikkar endrar seg over tid. Bruksslitasje og ytre forhold kan gjere at tilstanden blir dårlegare etter kvart, sjølv om det ikkje er synleg. Kjøparar kan ha mindre forventningar til eldre bustader enn nye, og det kan vere skadar eller feil som ikkje er beskrive, men som seljar likevel ikkje kan haldast ansvarleg for. Normal bruksslitasje er ikkje ein mangel, og det er ikkje sikkert at det som opplevast som ein feil ved ein eigedom er ein mangel i rettsleg forstand. Det er difor viktig å setje seg grundig inn i tilstanden på den eigedomen ein vil kjøpe.

Hvitevarer

Det blir gjort merksam på at berre integrerte kvitevarer på kjøkkenet følgjer med ved overdraginga. Desse blir leverte utan nokon form for garanti, utover eventuell gjenværande leverandørgaranti.

Adkomst

Sjå kart i salsoppgåva for beskriving av tilkomst. Det vert skilta med EiendomsMegler 1-skilt ved fellesvising.

Byggemåte

Informasjonen er henta frå vedlagde tilstandsrapport, datert 29.06.2026. Bygning: Eit bustadbygg med fleire bueiningar oppført i 2017. Etasjeskilje er av trebjelkelag. Basert på byggeår og at bygget har ferdigattest, er det lagt til grunn at bygget er oppført med radonsperre. Ifølgje kommunedelplanen ligg eigedomen i eit aktsemdsområde for kvikkleire. Vindauge: Bygningen har måla trevindauge med 2- og 3-lags glas, samt eitt takvindauge/overlys. Dører: Bygningen har brann- og lydklassifisert entrédør og måla balkongdør i tre med 3-lags glas. Innvendig har bustaden måla kompakte fyllingsdører, som er terskelfrie og med dempelist i karm. Mellom entré og stove/kjøkken er det glasdør. Trapper/tilkomst: Bustaden har måla tretrapp. Balkong/terrasse: Altan på 10,6 m² med utgang frå stova. Han er oppbygd med trebjelkelag med mellomliggjande tettebeslag i metall, terrassegolv i impregnert materiale og stolpefritt glasrekkverk. Levegg mot nabo er utført i treverk med liggjande kledning. Det er manuell terrassemarkise, straum og vegglampe på altanen. VVS-installasjonar: Innvendige vassleidningar er av plast (røyr-i-røyr-system) og anlegget er besiktiga i røyrskap, der også innvendig stoppekran er lokalisert. Avløpsrøyra er av plast. Bustaden er tilknytt felles/sentralt fjernvarmeanlegg i sameiget, som leverer varme til vassbore anlegg, og har ikkje eigen varmtvasstank. Det er plastsluk og smørjemembran med ukjend utføring. Ventilasjon: Bustaden er utstyrt med balansert ventilasjonsanlegg med varmegjenvinning. Det er balansert ventilasjon tilknytt badet, med spalte under døra, og avtrekk via balansert anlegg på kjøkkenet. Tekniske detaljar: Bygningen er tilknytt fjernvarme som leverer oppvarming til leilegheita ved vassboren varme i golva. Temperaturen blir regulert med manuelle termostathjul i enkelte rom og med digital styring i andre. Det er installert sprinkleranlegg i bygget og leilegheita. Det elektriske anlegget er frå byggeåret med skjult installasjon og framstår med normal standard for alderen. Sikringsskåpet har automatsikringar og jordfeilbrytarar, og det vart ikkje registrert synlege avvik ved synfaringa. Alle bygningsdelar og installasjonar har avgrensa levetid. Konstruksjonane er bygd etter lov og forskrift som tek utgangspunkt i byggeåret og vil normalt ikkje tilfredsstille krava i dag. Med omsyn til den tekniske standarden på bygningane vert det vist til vedlagde tilstandsrapport fra takstmann Trond Gjesdal datert 29.06.2026, der enkelte bygningselementer har oppnådd tilstandsgrad 2 (TG2), konstruksjonar som ikkje er undersøkt (TGIU) og helse, miljø og sikkerheit (HMS). Interessentar vert oppmoda til å sette seg grundig inn i desse punkta samt eigenerklæringa som ligg ved salsoppgåva før det vert lagt inn bod på eigedomen. Meklar gjer elles merksam på kjøpar si undersøkingsplikt med heimel i avhendingslova. Nedanfor finn ein ei kort oppsummering av det den bygningssakyndige har beskrive av avvik ved bustaden som har fått tilstandsgrad 2 (TG 2) eller 3 (TG 3) OG TG IU (Ikkje undersøkt). TG2 med avvik som kan krevje tiltak: - Utvendig > Balkongar, terrasser og rom under balkongar: Det er registrert stadvis sprukke trevirke og manglande/sliten overflatebehandling på terrassegolv. - Utvendig > Andre utvendige forhold: Det er ikkje utarbeidd Tilstandsanalyserapport, vedlikehaldsplan e.l. for fellesdelar i bygget. - Innvendig > Etasjeskille/golv mot grunn: Det er registrert noko knirk i golv ved toppen av trappa. - Innvendig > Innvendige dører: Dørbladet til badet har slitasje langs underkanten. - Våtrom > 3. Etasje Bad/vaskerom - Overflater Golv: Høgdeforskjell frå topp slukrist til golv/synleg topp membran ved dørterskel er mindre enn 25 mm, og det er observert belegg/saltutslag på golvflisene ved dusjdørene. - Våtrom > 3. Etasje Bad/vaskerom - Sanitærutstyr og innreiing: Det er observert fuktsvelling i nedre kant av dekksida på servantinnreiinga, mot dusjsona. - Tekniske installasjonar > Ventilasjon: Ein av opningsmekanismane på ventilasjonsaggregatet er knekt. TGIU - Konstruksjonar som ikkje er undersøkte: - Tekniske installasjonar > Varmtvasstank: Leilegheita er tilknytt felles/sentralt fjernvarmeanlegg. Sjølve varmesentralen/fellesanlegget er ikkje besiktiga. Helse, miljø og sikkerhet: Det er påvist avvik innan helse miljø eller sikkerheit. Eigedomen ligg innanfor kartlagd støysone. Ifølgje kommunedelsplan ligg eigedomen i aktsemdsområde for kvikkleire. Oppsummeringa over er ikkje uttømmande, og du vert oppmoda til å lese og setje deg grundig inn i alt salsmateriell. For ordens skuld nemner vi at TGIU står for «tilstandsgrad ikkje undersøkt», til dømes fordi ein del av bygget ikkje har vore tilgjengeleg for inspeksjon. Desse delane kan dermed ha feil eller manglar som ikkje er avdekte.

Eiendomstype

Leilighet

Oppvarming

Sameiget har felles sentral tilkopla fjernvarme. Leilegheita har vassboren golvvarme. Temperaturen blir regulert med manuelle termostathjul i enkelte rom, og digital styring i andre rom. Det er også installert balansert ventilasjon med varmegjenvinning. Tilstandsrapporten beskriv den tekniske tilstanden til byggverket. Det ikkje utført kontroll av dei elektriske installasjonane (el-takst) sjølv om bygningssakkunnig kan ha knytt kommentarar til el-anlegget ut frå heilt enkle vurderingskriterium. I Noreg er det ei av oppgavene til «Det lokale eltilsynet» (DLE) å utføre tilsyn med elektriske anlegg i bustader og fritidsubustader. Alle bustader skal ha periodisk kontroll kvart 20. år, og hytter/fritidsbustader blir kontrollerte kvart 30. år. El-anlegget er ein bygningsdel som er gjenstand for konstant utvikling. Ein må difor rekne med at dagens anlegg ikkje nødvendigvis er dimensjonert for oppgradering av kjøkken med nye elektriske apparat eller rehabilitering av bad med varmekablar, samt installeringar for elbilladar.

Strømforbruk

Dei noverande eigarane hadde eit samla straumforbruk på 3 149 kWt i 2025. Straum og nettleige etter eige forbruk. A-konto vassboren golvvarme og varmt tappevatn er inkludert i felleskostnadane. Forbruket til dette er ikkje inkludert i forbruket eigar har blitt fakturert direkte. Meklar gjer merksam på at desse utgiftene er knytt til dagens eigar og at desse vil kunne endre seg med omsyn til anna bruk av bustaden enn i dag eller andre avtalar med leverandørar.

Vei, vann og avløp

Vegane inne på eiga tomt blir vedlikehaldne gjennom sameiget. Vatn og avlaup til eigedomen er offentleg. Stikkleidning frå det offentlege nettet og inn blir vedlikehalden og reparert av sameiget.

Andel fellesformue

kr 17 650
Dette utgjør andelens fellesformue pr. 30.12.2025

Meglers plikt til å stanse gjennomføring av en handel

Eigedomsmeklarar er underlagd lov om kvitvasking og pliktar å rapportere til Økokrim om mistenkelege transaksjonar. Lov om kvitvasking har og strenge reglar om kontroll av legitimasjon frå alle partar i handelen, med dette, seljar, kjøpar og fullmektigar for desse.

Budgivning

Alle bod skal gjevast skriftleg og legitimert til meklar, som formidlar desse vidare til seljar. Dette gjer ein enkelt elektronisk ved å klikke på "gi bud" knappen på hjem.no, finn.no, via eiendomsmegler1.no eller på bodskjema vedlagt salsoppgåva. Meklar skal så snart som muleg stadfeste skriftleg ovanfor bodgjevar at bod er motteke og formidle det vidare til seljar.  Bod må  ikkje ha kortare akseptfrist enn kl. 12.00 første virkedag etter siste annonserte vising. Bod med kortare frist enn dette kan ikkje formidlast av meklar.  Meklar pliktar å leggje til rette for ei forsvarleg avvikling av bodrunden. For at boda skal kunne bli handsama bør dei ikkje ha ein kortare akseptfrist enn 30 minutt frå bodet er gjeve. Bod som vert gjeve etter normal arbeidstid vert handsama/formidla påfølgjande arbeidsdag.  Meklar tek ikkje ansvar for forseinkingar på el- eller telenettet. Under bodrunden kan akseptfristen kortast ned ved mottaking av nye bod. Akseptfristen frå kjøpar er absolutt. Det betyr at dersom seljar vel å akseptere bodet, må kjøpar meddelast aksepten innan akseptfristen går ut. Dersom du utset å gje inn bod til tett opp mot akseptfristen er det ei reell fare for at eigedomen kan bli seld før bodet ditt kjem fram til meklar. Ein syner elles til "Forbrukarinformasjon om bodgjeving", som også er ein del av salsoppgåva. Kjøpar er utanlandsk statsborgar Dersom ein kjøpar er utanlandsk statsborgar krevjast det at ein har D-nummer til erstatning for norsk personnummer. Meklar rekvirerer dette samstundes som skøyte vert sendt inn til tinglysing hjå Kartverket. Skøytet vert så liggande hjå Kartverket fram til kjøpar har fått D-nummer av  skatteetaten. Deretter vert skøytet tinglyst. Denne prosessen vil ofte medføre at oppgjer og  utbetaling til seljar vert forseinka med nokre veker. Kjøpar må i desse tilfella enten ta atterhald i  bod om forseinka utbetaling til seljar, eller vere budd på å dekke forseinkingsrenter. Kontakt  ansvarleg meklar for informasjon før bodgjeving.

Overtakelse

Overtaking etter avtale. Legg inn ønskje om overtakingsdato ved bodgjeving. Mellom aksept av bod og tidspunktet for overtaking er det ikkje høve til å synfare eigedomen. Vi tilrår difor interessentar til å naudsynte mål og liknande på visinga.

Boligselgerforsikring

Seljar har teikna bustadseljarforsikring hos Fremtind. Forsikringa dekkjer seljar sitt ansvar etter avhendingslova, med dei avgrensingane som følgjer av forsikringsvilkåra og er avgrensa til salssummen til eigedomen, men oppad avgrensa til kr. 14 000 000,-. Seljar har i den samanhengen utarbeidd ei eigenerklæring om eigedomen. Eigenerklæringa ligg vedlagt salsoppgåva og interessentar vert oppmoda til å gjere seg kjend med denne før bodgiving/kjøp. Bustadseljarforsikringa sørgjer for at kjøpar kan forhalde seg til ein profesjonell og søkegod motpart som handterer eventuelle reklamasjonar fagleg og ryddig. Dersom kjøpar ikkje har teikna bustadkjøparforsikring kan du kontakte meklar for å få kontaktinformasjon til bustadseljarforsikringa til seljar. Av vilkåra går det fram unntak i forsikringsdekninga, til dømes ved nye forhold som oppstår mellom aksept og overtaking. Garantiar/lovnader der seljar har påteke seg ansvar for eigenskapar ved eigedomen eller dokumentasjon av slike, vert ikkje dekt. I nokre tilfelle er det heller ikkje dekning der seljar har opptrådt forsettleg eller grovt aktlaust. Forsikringa omfattar heller ikkje ein redusert bustadverdi som skuldast skadedyr/insekt, til dømes skjeggkre/perlekre/sølvkre, veggdyr, pelsbiller, maur, borebiller og tilsvarande. I samsvar med lov og rettspraksis må det reklamerast "innan rimeleg tid". Det vert tilrådd å reklamere umiddelbart/snarast mogleg og seinast innan 2 månader frå forholdet vart/burde vorte oppdaga. Dersom kjøpar utbetrar mangelskrav på eiga hand, kan dette medføre at reklamasjonsretten vert tapt.

Boligkjøperforsikring

Vedlagt i salsoppgåva følgjer informasjon om Bustadkjøparforsikring Pluss og Bustadkjøparforsikring frå HELP Forsikring AS. Bustadkjøparforsikring er ei rettshjelpsforsikring som gir tryggleik og profesjonell juridisk hjelp dersom det blir oppdaga uventa feil eller manglar ved bustaden dei neste fem åra. Bustadkjøparforsikring Pluss har same dekning som bustadkjøparforsikring + fullverdig advokathjelp på viktige rettsområde i privatlivet. Les meir om begge forsikringane i vedlagde materiell eller på help.no. Det blir gjort merksam på at meklarføretaket mottar kr 1 900 / 2 600 / 2 600,- (avhengig av bustadtype) i kostnadsgodtgjersle for kvar forsikringsavtale som blir formidla på Bustadkjøparforsikring Pluss og kr 2 900 ,- / 3 600,- / 3 600,- i kostnadsgodtgjersle for Bustadkjøparforsikring.

Forsikringsselskap

If Skadeforsikring NUF

Avgiftsbeskrivelse

Beløpet gjeld renovasjonskostnad SUM. Vatn og avløp er inkludert i felleskostnadane.

Moderniseringer og påkostninger

Vedlikehaldshistorikk Kastanjetunet Sameige: 2024: - Vedlikehald på rør- og sanitæranlegg 2023: - Vedlikehald på heisar og betong, samt vask av vindaugar og karnappar - Vedlikehald på dører og vindaugar Ifølgje seljar si eigenfråsegn er følgjande arbeid utført: 2018: - Tidlegare eigar har montert ei benkeplate på badet over vaskemaskin og tørketrommel

Betalingsbetingelser

Kjøpesum og alle kostnader skal vere innbetalt til meklar sin klientkonto før overtaking. Det føresetjast at skøyte blir tinglyst på ny eigar. Dersom kjøpar ikkje ønskjer heimelsoverføring av eigedommen til seg, må det takast atterhald om dette i bodet.

Fasiliteter

Adgang til utleie

Det er ingen utleigeforhold knytte til eigedomen i dag. Seksjonseigar har full rettsleg råderett over sin seksjon, med rett til utleige. Sameiget sitt styre skal likevel underrettast om alle leigeforhold. Det følgjer av eigarseksjonslova § 24 at utleige over kort tid av heile bustadseksjonen i meir enn 90 døgn årlie ikkje er tillate. Med utleige over kort tid meiner ein utleige inntil 30 døgn samanhengande. Grensa på 90 døgn kan fråvikast i vedtektene. bestemminga gjeld ikkje for fritidsbustader. Ta kontakt med meklar dersom du ønskjer kopi av vedtektene for nærare informasjon om kva vedtak som er fatta i dette sameiget.

Radon

Det er ikkje utført radonmåling og det er heller ikkje krav til dette, for meir informasjon vedrørande radon sjå www.dsa.no. Kjøpar overtek frå overtakingsdagen ansvaret for eventuelle utbetringstiltak som seinare må setjast i verk og betalast. Bygget er oppført med forskriftsmessig radonsperre. Dokumentasjon ligg føre.

Sentrale lover

Eigedomen vert seld etter reglane i avhendingslova. Salsoppgåva er basert på dei opplysningane seljar har gitt til bygningsakkyndig og meklar, samt opplysningar innhenta frå kommunen, Statens kartverk og andre tilgjengelege kjelder. Eigedomen skal overleverast til kjøpar i tråd med det som er avtalt. Det er viktig at kjøpar set seg grundig inn i alle salsdokumenta, med dette salsoppgåve, tilstandsrapport og seljar si egenerklæring. Kjøpar vert sett på som kjent med forhold som er tydeleg beskrive i salsdokumenta. Forhold som er beskrive i salsdokumenta kan ikkje påberopast som manglar. Dette gjeld uavhengig av om kjøpar har lest dokumenta. Alle interessentar vert oppmoda til å undersøkje eigedomen nøye, gjerne saman med fagkyndig før bod vert gjeve. Kjøpar som vel å kjøpe usett kan ikkje gjere gjeldande som mangel noko han burde blitt kjent med ved undersøkinga. Dersom det er behov for avklaringar, anbefalar vi at kjøpar rådfører seg med eigedomsmeklar eller ein bygningsakyndig før det vert lagt inn bod.   Dersom kjøpar ikkje er forbrukar seljast eigedomen «som den er», og seljar sitt ansvar er då avgrensa jf.§ 3-9 1. ledd 2. pkt. Informasjon om kjøpar si undersøkingsplikt, med dette oppmoding om å undersøkje eigedomen nøye, gjeld og for kjøparar som ikkje vert vurdert som forbrukarar.  På grunn av ulike avtalevilkår kan seljar vurdere bod frå ein som ikkje er forbrukar, ulikt frå ein forbrukar sitt bod. Dersom kjøpar ikkje er forbrukar, er seljar sitt mulege mangelsansvar avgrensa fordi eigedomen vert seld "som den er".  Seljar kan ikkje ta «som den er» atterhald ovanfor ein forbrukarkjøpar. Sjølv eit lågare bod frå ein som ikkje er forbrukar kan foretrekkast fordi avgrensinga i muleg mangelsansvar kan ha eigenverdi for seljar. Seljar står fritt til å forkaste eller akseptere eitkvart bod, og pliktar til dømes ikkje å akseptere høgste bod.  Bodgjevarar får informasjon dersom andre bod er gjeve av ein som ikkje er forbrukar.  Forbrukarkjøp - definisjon: Med forbrukarkjøp meinast kjøp av eigedom når kjøparen er ein fysisk person som ikkje hovudsakleg handlar som ledd i næringsverksemd. Forbrukar - avtalevilkår: Eigedomen har ein mangel dersom den ikkje er i samsvar med krava som følgjer av avtalen, eller det ligg føre brot på bestemmingane i avhendingslova §§ 3-2 til 3-8. Dersom eigedomen ikkje er i samsvar med det kjøparen må kunne vente ut frå alder, type og synleg tilstand, kan det vere grunnlag for mangelskrav. Det same gjeld dersom det er halde tilbake eller gitt urette opplysningar om eigedomen. Dette gjeld likevel berre dersom ein kan gå ut frå at det virka inn på avtalen at opplysningen ikkje vart gitt eller at feil urette opplysningar ikke blir retta i tide på ein tydeleg måte. Ein bustad som har blitt brukt i ei viss tid, har vanlegvis blitt utsett for slitasje og skadar kan ha oppstått. Slik bruksslitasje må kjøpar rekne med, og det kan avdekkast enkelte forhold etter overtakinga som gjer det naudsynt med utbetringa utbedringar. Normal slitasje og skadar som gjer det naudsynt med utbetring, er innanfor kva kjøpar må vente og vil ikkje utgjere ein mangel. Bustaden kan ha ein mangel etter avhendingslova § 3-3 dersom det er avvik mellom opplyst og faktisk innvendig areal, forutsett at avviket er på 2 % eller meir og minimum 1 kvm. Ved berekning av eit eventuelt prisavslag eller erstatning må kjøpar sjølv dekke tap/kostnader opptil eit beløp på kr 10 000 (eigendel). Ikkje - forbrukar (næringsdrivande) – definisjon: Dersom kjøpar er ein juridisk person, eller ein fysisk person som hovudsakeleg handlar som ledd i næringsverksemnd, vil kjøpet ikkje bli sett på som eit forbrukarkjøp.  Ikkje - forbrukar – avtalevilkår: Eigedomen har ein mangel dersom den ikkje er i samsvar med krava som følgjer av avtalen. Eigedomen vert seld «som den er», og seljar sitt ansvar utover det konkret avtalte er då avgrensa etter avhendingslova § 3-9, første ledd andre setning.  Avhendingslova § 3-3 andre ledd vert fråviken, og korvidt arealsvikt i bustaden utgjer ein mangel vert vurdert etter avhendingslova § 3-8.  Ein føresetnad for salet er at skøyet for eigedomen vert tinglyst på kjøpar. Interessentar og kjøpar må godta at seljar og meklar brukar elektronisk kommunikasjon i salsprosessen. I trå med eigedomsmeklingsforskrifta vil informasjon om oppdragsgivar, salsobjektet, interessentar og kjøpar bli lagra av meklarføretaket i min. 10 år. Sjå em1.no for meir informasjon om handsaminga vår av personopplysningar.

Personopplysningsloven

Vi gjer interessentar og kjøparar merksame på at vi vil handsame, etter personopplysingslova, personopplysningane dine i den utstrekning dette er naudsynt for å oppfylle våre lovpålagte plikter, med dette for å kunne gjere kundekontroll etter kvitvaskingslova samt for å utføre oppgåver som vi er pålagt etter eigedomsmeklingslova.

Kommunalinfo

• Kommunale avgifter: kr 5 880
• Eiendomsskatt: kr 6 400
• Informasjon om eiendomsskatt: Eigedomsskatten utgjer 2,7 promille av eigedomsskattegrunnlaget på kr 2 370 200 i 2026.