Gota 3B

Last ned salgsoppgave for komplett informasjon om eiendommen

Registerbetegnelse

Areal

BRA: 127 m²
BRA-i: 105 m²
BRA-e: 22 m²
TBA: 52.5 m²

Arealene er oppgitt av bygningssakkyndig på grunnlag av NS3940(2023). Internt bruksareal (BRA-i) er areal innenfor boligens omsluttende vegger. Det er for eksempel stue, soverom, kjøkken, entré, bad, loftsrom, innvendig bod og ganger mellom disse. Dersom boligen består av en bruksenhet med flere selvstendige boenheter, skal de selvstendige boenhetene kategoriseres som BRA-i. Et eksempel på dette kan være en enebolig med adskilt utleieenhet. Eksternt bruksareal (BRA-e) er for eksempel en ekstern bod, kjellerstue med egen inngang, gjesterom, tilleggsbygg eller andre rom som tilhører boenheten, men som ikke er direkte tilknyttet det interne arealet. Tilleggsbygg kan være for eksempel garasje, naust eller utvendig bod. Innglasset balkong (BRA-b) er innglassede balkonger, verandaer og altaner som disponeres av boenheten. Terrasse- og balkongareal (TBA) er arealet av terrasser, altaner, verandaer og åpne balkonger som er tilknyttet boenheten. Leilighetens gulvareal (GUA) er boligens samlede gulvareal og areal med lav takhøyde ALH er areal uten krav til minste himlingshøyde.

Nye regler for arealmåling gjelder fra 1.1.2024. Les mer om reglene.

Etasje

2

Parkering

Parkering i eigen garasje med elektrisk port. I tillegg er det gode parkeringsmoglegheiter på oppgrusa areal på eigedomen.

Eiendom

Tomteareal er 275 m² på eiet tomt.

Eigd tomt på 275,4 m². Tomta er flat og opparbeida med grusa areal og ein treplatting på 47 m² søraust for bustaden. Mot sør er det ein forstøtningsmur av naturstein med stakittgjerde. Tilkomst frå offentleg veg via felles grusa veg og tun.

Byggeår

2012

Innhold

Vertikaldelt tomannsbustad går over to plan med følgjande innhald: 1. etasje: Trapperom, bad, vaskerom, kjøkken, stove og eitt soverom. Loft: Trapperom, toalettrom, tre soverom, garderobe og bod. Balkong på 5,5 m² med utgang frå soverom. Overbygd inngangsparti på 5 m², og treplatting på 47 m² med utgang frå stova. På eigedomen er det ein frittståande garasje på 22 m². Det er avvik mellom godkjende bygningsteikningar og dagens planløysing. Eit rom i 1. etasje, som i godkjende teikningar er definert som bod (tilleggsdel), er i dag innreida og brukt som vaskerom (hovuddel). Slik bruksendring frå tilleggsdel til hovuddel er normalt søknadspliktig. Seljar påtek seg ikkje ansvar for å byggjemelde eller få godkjent omgjeringa i ettertid. Frå kommunen kan det kome reaksjonar overfor eigar, til dømes krav om tilbakeføring, krav om omsøking, ilegging av overtredingsgebyr m.m. Kommunen kan krevje at gjeldande forskrifter og regelverk blir lagt til grunn ved eventuell omsøking. Dette kan mellom anna innebere krav til takhøgd, lysflate, ventilasjon, rømningsveg, brannsikring, storleik på uteareal, tal på parkeringsplassar mv. Uavhengig av kva reaksjonsform kommunen måtte nytte, er dette kjøpar sitt ansvar og risiko. Vi gjer merksam på at talet på soverom som er angitt i salsoppgåva, er etter Forbrukartilsynet sine retningslinjer, og inkluderer berre soverom som er godkjende til varig opphald. Romma som er opplista ovanfor, er angitt av bygningssakkyndig i tilstandsrapporten og følgjer takstbransjen sine retningslinjer, der den faktiske bruken av rommet på marknadsføringstidspunktet er avgjerande. Bruken av rommet som er opplyst i tilstandsrapporten, kan likevel vere i strid med byggetekniske forskrifter og/eller manglande godkjenning, bruksendringar til rom for varig opphald m.m. Dei oppgitte romma er definerte av bygningssakkyndig i samsvar med vedlagd rapport, basert på dagens faktiske bruk, uavhengig av kva som er godkjent av bygningsstyresmaktene.

Standard

Vertikaldelt tomannsbustad frå 2012 med gjennomtenkt planløysing fordelt over to plan. Første etasje rommar dei sosiale areala med stove og kjøkken i open løysing, bad, vaskerom og eitt soverom, medan loftet gjev plass til tre soverom, toalettrom, garderobe og bod. Frå stova er det utgang til ei romsleg søraustvendt treplatting, og frå loftet er det balkong med fin utsikt. Flexit balansert ventilasjonsanlegg med varmegjenvinning sørger for god luftkvalitet i heile bustaden. Peisomn i stova og varmekablar på bad, vaskerom og i trapperom gjev varme på fleire måtar. Ytterkledning sist måla i 2018 med hybridmåling. Entré: Overbygd inngangsparti med kvit ytterdør og kodelås tek imot ved inngangen. Inne opnar entréen seg til eit trapperom med golvflis og downlights i himling. Trappa, med kvite steg og lakkerte eiketrinn og barnesikring, leiar opp til loftet. Golvvarme med varmekablar gjev komfort frå første steg. Stove: Stova har vindauger på fleire veggar og plass til full sofagruppe. Peisomnen i hjørnet gjev god varme på ekstra kalde dagar. Frå stova er det direkte utgang til den søraustvendte treplattingen på ca. 47 m². Downlights i himling. Kjøkken: Kjøkkenet ligg i ei fin løysing, delvis skjerma mot stova, og har kvit innreiing med profilerte frontar og veggflis over laminat benkeplate. Integrert 60 cm koketopp og komfyr er montert, og komfyrvakt og waterguard er installert. Opplegg til oppvaskemaskin er lagt inn, men oppvaskemaskina er ikkje integrert. Mekanisk avtrekk med ventilator med kolfilter er montert over steikjesona. Kjøkkenet har plass til spisebord ved vindauget mot hagen. Treplatting (1. etasje): Frå stova er det utgang til den søraustvendte treplattingen. Plattingen er romsleg og har plass til fleire sitjemøblar og ei solmarkise er montert på naboens garasjevegg. Bad (1. etasje): Badet er utført i 2014 og har golvflis mot påstøyp av betong med varmekablar. Himling med måla takessplater og downlights. Veggane har baderomsplater mot alu.list over sokkelflis; to veggsider vart monterte i 2024. Veggmontert klosett, dusj med hengslande glasdører og vask i innredning med kvitt skrog og frontar med ettermontert folie. Balansert ventilasjon med avtrekksventil i himling. Vaskerom (1. etasje): Vaskerommet ligg i 1. etasje og er utført i 2014. Golvflis mot påstøyp av betong med varmekablar. Himling med måla takessplater og veggbekledning med målingsstrie. Opplegg til vaskemaskin og fastmonterte hyller. Varmtvannstank på 198 liter, rørskåp og sikringsskåp er monterte her. Balansert ventilasjon med avtrekksventil i himling. Soverom (1. etasje): Eitt soverom ligg i 1. etasje, med vindauge og plass til dobbeltseng og garderobeløysing. Loft - gang: Trappa leiar opp til gangen på loftet som gjev tilkomst til alle rom i etasjen. Skråtak med flat himling over gangarealet og kneveggar langs sidene. Kvite formpressa innvendige dører. Soverom (loft): Loftet har tre soverom. Det største soverommet ligg mot nordvest og har god plass til dobbeltseng med nattbord på begge sider. Eitt av soverommene har takglas som slepper dagslys inn. Eit tredje soverom er litt mindre, med plass til seng og skrivebord. To av soveromma er byggemeldt som loftstove, og eitt av soveromma med takglas har dagslysfaktor under kravet for godkjent soverom. Garderobe (loft): Garderoben på loftet ligg i tilknyting til soverom og har balansert ventilasjon med avtrekksventil. Praktisk for oppbevaring av klede. Toalettrom (loft): Toalettrommet på loftet har dels flat og dels skrå himling med måla takessplater. Veggar med målingsstrie og golv med flis mot påstøyp av betong med sokkelflis. Veggmontert klosett og vask i enkel kvit innredning. Balansert ventilasjon med avtrekksventil i vegg. Balkong (loft): Frå eitt av soveromma på loftet er det utgang til ein søraustvendt balkong i treutførelse med rekkverk. Balkongen gjev utsyn mot fjella og nabolaget. Overflater: Golv: Golvflis i trapperommet i 1. etasje, elles laminatgolv. Golvflis på bad og vaskerom i 1. etasje. Golvflis på toalettrommet på loftet. Veggar: MDF-plater. Himling: Måla takessplater. Lagring: Fastmonterte hyller på vaskerommet i 1. etasje. Garderobe på loftet med avtrekksventil. Fastmonterte hyller på loftsboda. Garasje frå 2015 med elektrisk styrt leddport, innvendig lys og el.kontakt. Omsetning av brukt eigedom Ein brukt eigedom vil som regel ikkje vere i same stand som om den var ny. Tekniske krav, type bustad, teknikk og skikkar endrar seg over tid. Bruksslitasje og ytre forhold kan gjere at tilstanden blir dårlegare etter kvart, sjølv om det ikkje er synleg. Kjøparar kan ha mindre forventningar til eldre bustader enn nye, og det kan vere skadar eller feil som ikkje er beskrive, men som seljar likevel ikkje kan haldast ansvarleg for. Normal bruksslitasje er ikkje ein mangel, og det er ikkje sikkert at det som opplevast som ein feil ved ein eigedom er ein mangel i rettsleg forstand. Det er difor viktig å setje seg grundig inn i tilstanden på den eigedomen ein vil kjøpe

Hvitevarer

Eventuelle kvitevarer som følgjer blir leverte utan nokon form for garanti, utover eventuell gjenværande leverandørgaranti.

Adkomst

Sjå kart i salsoppgåva for beskriving av tilkomst. Det vert skilta med EiendomsMegler 1-skilt ved fellesvising.

Byggemåte

Informasjonen er henta frå vedlagte tilstandsrapport, datert 22.05.2026. Bygning: Søraustre del av vertikaldelt tomannsbustad bygt i 2012. Bygningen har to etasjar. Ytterveggane er av 15 cm isolert bindingsverk med vindtetting av asfaltplater og vindduk. Ytterkledninga er liggjande dobbeltfalsa trekledning, sist måla i 2018. Det er brann- og lydisolert skillevegg i tre mot tilstøytande bustad. Etasjeskillet er eit isolert trebjelkelag. Golvet på grunn er ein påstøyp av betong over isolasjon, men dokumentasjon på radonsperre finst ikkje. Bygningen er fundamentert med ringmur av betong. Byggegrunnen er ukjend, men ifølgje NGU Kart ligg eigedomen i eit aktsemdsområde for kvikkleireskred. Det er ein forstøtningsmur av naturstein med påståande stakittgjerde mot sør. Tak: Taktekkinga er av betongtakstein over eit undertak med sutaksplater. Takkonstruksjonen består av prefabrikerte A-takstolar med 25-40 cm isolasjon. Taket er ventilert med luftespalte i gesims og mellom isolasjon og undertak. Takrenner og nedløpsrør er i aluminium. Pipa er utvendig tekka med pipehatt og har stigetrinn for tilkomst. Pipe/Eldstad: Eitløps pipe av lettklinkerbetong med sotluke og peisomn i stova. Vindauge: Vindauge med 2-lags glasruter i trekarm. Dører: Overbygt inngangsparti på 5 m² og kvit ytterdør med kodelås. Terrassedøra er kvit. Innvendig er det kvite, formpressa dører med karmpakning og flat, lakkert eiketerskel, samt kvite kottdører. Trapper/tilkomst: Kvit trapp med lakkerte eiketrinn og barnesikring. Rekkverket har ei høgde på 95 cm. Det er ei ledda, nedtrekkbar stige til mørkeloftet. Balkong/terrasse: Søraustvendt loftsbalkong på 5,5 m² i treutførelse med rekkverkshøgd 1,02 m. Det er ein treplatting på 47 m² søraust for bustadhuset, med ein manuell solmarkise montert på garasjeveggen til naboen. VVS-installasjonar: Vassrøra er av plast i eit røyr-i-røyr-system med røyrskåp og stoppekran på vaskerommet, utført av Mardal Rør AS. Avløpsrøyra er av plast. Ein 198-liters varmvasstank frå 2012 er montert på vaskerommet. Ventilasjon: Det er eit Flexit balansert ventilasjonsanlegg med varmegjenvinning. Filter blir skifta årleg. Anlegget har avtrekk frå toalettrom, garderobe på loftet, og frå bad, vaskerom og kjøkken i 1. etasje. Det er tilluft til alle soverom og stova. Tekniske detaljar: Oppvarming med golvvarme (varmekablar) på badet, vaskerommet og i trapperommet. Brannsikkerheita er ivareteken med røykvarslarar i begge etasjar, eit 6 kg pulverapparat og ei veggmontert rømningsstige mot aust. Andre installasjonar inkluderer sentralstøvsugar med uttak i kvar etasje og i kjøkkensokkel, elbilladar og innlagt fiber. Sikringsskåp med jordfeilautomatar og overspenningsvern er montert på vaskerommet. Anlegget har skjult installasjon. Takstmannen har ikkje elektrofagleg kompetanse og tilrår generelt el-kontroll. Garasje: Byggeår 2015. Fundamentert med såle og golv på grunn av betong og med kneveggar av betong. Ytterveggane er av 4" bindingsverk med utvendig vindtetting med asfaltplater og ytterkledning med liggjande dobbeltfalsa trekledning. Saltakkonstruksjon med prefabrikerte takstolar og taktekking med betongtakstein over undertak med sutaksplater. Takrenner og nedløpsrøyr er i aluminium. Vindauge med 2-lags glasruter i trekarm. El.styrt ledda alu.port og kvit ytterdør. Det er el.installasjon for utvendig belysning for delar av gesimskassar og innvendig lys og el.kontakt. Alle bygningsdelar og installasjonar har avgrensa levetid. Konstruksjonane er bygd etter lov og forskrift som tek utgangspunkt i byggeåret og vil normalt ikkje tilfredsstille krava i dag. Med omsyn til den tekniske standarden på bygningane vert det vist til vedlagde tilstandsrapport fra takstmann Kristen Eikenæs datert 22.05.2026, der enkelte bygningselementer har oppnådd tilstandsgrad 2 (TG2) og konstruksjonar som ikkje er undersøkte (TGIU). Interessentar vert oppmoda til å sette seg grundig inn i desse punkta samt eigenerklæringa som ligg ved salsoppgåva før det vert lagt inn bod på eigedomen. Meklar gjer elles merksam på kjøpar si undersøkingsplikt med heimel i avhendingslova. Nedanfor finn ein ei kort oppsummering av det den bygningssakyndige har beskrive av avvik ved bustaden som har fått tilstandsgrad 2 (TG 2) OG TG IU (Ikkje undersøkt). TG2 med avvik som kan krevje tiltak: - Utvendig > Taktekking: Mose på deler av taktekkinga. - Utvendig > Nedløp og beslag: Lav feiarplattform. - Utvendig > Veggkonstruksjon: Glis/opning i ytterkledningsskjøtar og manglande museband. - Utvendig > Vindauge: Sidelister er montert mot vassbord/beslag, og det er noko fuktoppsvulming på innvendig glasforing. - Utvendig > Dører: Ytterdør tek i karm/terskel og det manglar trinn til terrassedøra. - Utvendig > Balkongar, terrassar og rom under balkongar: Målingsslitte topprekkverksbord og overflateslitte terrassebord. - Utvendig > Andre utvendige forhold: Dels overflateslitte terrassebord og fleire med samanhengande skjøtar. - Innvendig > Overflater: Noko dårleg finish på målingsarbeid og mindre sår/merker i himling på kjøkken. - Innvendig > Etasjeskille/golv mot grunn: Målt høgdeforskjell på opptil 30 mm i rommet. - Innvendig > Pipe og eldstad: Sprekk i ildfast stein i vedomnen. - Innvendig > Innvendige dører: Avvik på enkelte dører som krev tiltak (skadar, tek i karm). - 1. etasje Bad > Overflater veggar og himling: Våtromsplater er ikkje montert fagmessig. - 1. etasje Bad > Sluk, membran og tettesjikt: Meir enn halvparten av forventa levetid er passert på membranløysinga. - 1. etasje Bad > Sanitærutstyr og innreiing: Fuktoppsvulming på baderomsinnreiinga. - 1. etasje Vaskerom > Sluk, membran og tettesjikt: Meir enn halvparten av forventa levetid er passert på membranløysinga. - Loft Toalettrom > Overflater og konstruksjon: Noko dårleg finish/utførelse på målingsarbeidet. - Tekniske installasjonar > Varmtvaastank: Ikkje tilfredsstillande el-tilkopling av varmvasstank. TGIU - Konstruksjonar som ikkje er undersøkte: - Tomteforhold > Fuktsikring og drenering: Ukjend utførelse av fuktsikring. - 1. etasje Bad > Tilliggande konstruksjonar våtrom: Holtaking er ikkje utført. - 1. etasje Vaskerom > Tilliggande konstruksjonar våtrom: Holtaking er ikkje utført. Helse, miljø og sikkerhet: Dokumentasjon på radonsperre føreligg ikkje. Eigedommen ligg i eit rasfarleg /skredutsatt område i henhold til kommunedelsplan/NVE. Oppsummeringa over er ikkje uttømmande, og du vert oppmoda til å lese og setje deg grundig inn i alt salsmateriell. For ordens skuld nemner vi at TGIU står for «tilstandsgrad ikkje undersøkt», til dømes fordi ein del av bygget ikkje har vore tilgjengeleg for inspeksjon. Desse delane kan dermed ha feil eller manglar som ikkje er avdekte.

Eiendomstype

Tomannsbolig

Oppvarming

Elektrisitet og vedfyring. Varmekablar på badet, vaskerommet og i trapperommet. Peisomn i stova. Dersom rom ikkje har vegg- eller fastmonterte varmekjelder ved vising, følgjer dette heller ikkje med. Tilstandsrapporten beskriv den tekniske tilstanden til byggverket. Det ikkje utført kontroll av dei elektriske installasjonane (el-takst) sjølv om bygningssakkunnig kan ha knytt kommentarar til el-anlegget ut frå heilt enkle vurderingskriterium. Sidan el-anlegget ikkje er kontrollert, er det ikkje usannsynleg at det seinare kan bli avdekt avvik frå dagens forskriftskrav og oppstå funksjonssvikt. Vidare må kjøpar vere førebudd på at det kan måtte gjerast oppgraderingar på grunn av slitasje, manglande vedlikehald, arbeid som er utført av ufaglærte, alder eller tekniske løysingar som ikkje held dagens standard. I Noreg er det ei av oppgavene til «Det lokale eltilsynet» (DLE) å utføre tilsyn med elektriske anlegg i bustader og fritidsbustader. Alle bustader skal ha periodisk kontroll kvart 20. år, og hytter/fritidsbustader blir kontrollerte kvart 30. år. El-anlegget er ein bygningsdel som er gjenstand for konstant utvikling. Ein må difor rekne med at dagens anlegg ikkje nødvendigvis er dimensjonert for oppgradering av kjøkken med nye elektriske apparat eller rehabilitering av bad med varmekablar, samt installeringer for elbilladar.

Strømforbruk

Meklar gjer merksam på at desse utgiftene er knytt til dagens eigar og at desse vil kunne endre seg med omsyn til anna bruk av bustaden enn i dag eller andre avtalar med leverandørar.

Vei, vann og avløp

Eigedomen er tilknytt offentleg vatn og avlaup. Alle eigedomar som er tilknytt offentleg vatn og avlaup har private stikkleidningar, som blir vedlikehaldne for eigar si eiga rekning. For nærare opplysningar om dei private stikkleidningane blir det vist til kommunen. Privat veg blir vedlikehalden av brukarane.

Meglers plikt til å stanse gjennomføring av en handel

Eigedomsmeklarar er underlagd lov om kvitvasking og pliktar å rapportere til Økokrim om mistenkelege transaksjonar. Lov om kvitvasking har og strenge reglar om kontroll av legitimasjon frå alle partar i handelen, med dette, seljar, kjøpar og fullmektigar for desse.

Budgivning

Alle bod skal gjevast skriftleg og legitimert til meklar, som formidlar desse vidare til seljar. Dette gjer ein enkelt elektronisk ved å klikke på "gi bud" knappen på finn.no eller via eiendomsmegler1.no eller på bodskjema vedlagt salsoppgåva. Meklar skal så snart som muleg stadfeste skriftleg ovanfor bodgjevar at bod er motteke og formidle det vidare til seljar.  Bod må  ikkje ha kortare akseptfrist enn kl. 12.00 første virkedag etter siste annonserte vising. Bod med kortare frist enn dette kan ikkje formidlast av meklar.  Meklar pliktar å leggje til rette for ei forsvarleg avvikling av bodrunden. For at boda skal kunne bli handsama bør dei ikkje ha ein kortare akseptfrist enn 30 minutt frå bodet er gjeve. Bod som vert gjeve etter normal arbeidstid vert handsama/formidla påfølgjande arbeidsdag.  Meklar tek ikkje ansvar for forseinkingar på el- eller telenettet. Under bodrunden kan akseptfristen kortast ned ved mottaking av nye bod. Akseptfristen frå kjøpar er absolutt. Det betyr at dersom seljar vel å akseptere bodet, må kjøpar meddelast aksepten innan akseptfristen går ut. Dersom du utset å gje inn bod til tett opp mot akseptfristen er det ei reell fare for at eigedomen kan bli seld før bodet ditt kjem fram til meklar. Ein syner elles til "Forbrukarinformasjon om bodgjeving", som også er ein del av salsoppgåva. Kjøpar er utanlandsk statsborgar Dersom ein kjøpar er utanlandsk statsborgar krevjast det at ein har D-nummer til erstatning for norsk personnummer. Meklar rekvirerer dette samstundes som skøyte vert sendt inn til tinglysing hjå Kartverket. Skøytet vert så liggande hjå Kartverket fram til kjøpar har fått D-nummer av  skatteetaten. Deretter vert skøytet tinglyst. Denne prosessen vil ofte medføre at oppgjer og  utbetaling til seljar vert forseinka med nokre veker. Kjøpar må i desse tilfella enten ta atterhald i  b od om forseinka utbetaling til seljar, eller vere budd på å dekke forseinkingsrenter. Kontakt  ansvarleg meklar for informasjon før bodgjeving.

Overtakelse

Overtaking etter avtale. Legg inn ønskje om overtakingsdato ved bodgjeving. Mellom aksept av bod og tidspunktet for overtaking er det ikkje høve til å synfare eigedomen. Vi tilrår difor interessentar til å naudsynte mål og liknande på visinga.

Boligselgerforsikring

Seljar har teikna bustadseljarforsikring som er framforhandla av Söderberg & Partners AS. Forsikringa dekkjer seljar sitt ansvar etter avhendingslova, med dei avgrensingane som følgjer av forsikringsvilkåra og er avgrensa til salssummen til eigedomen, men oppad avgrensa til kr. 14 000 000,-. Seljar har i den samanhengen utarbeidd ei eigenerklæring om eigedomen. Eigenerklæringa ligg vedlagt salsoppgåva og interessentar vert oppmoda til å gjere seg kjend med denne før bodgiving/kjøp. Bustadseljarforsikringa sørgjer for at kjøpar kan forhalde seg til ein profesjonell og søkegod motpart som handterer eventuelle reklamasjonar fagleg og ryddig. Dersom kjøpar ikkje har teikna bustadkjøparforsikring kan hen reklamere direkte til Claims Link (tlf 67 83 51 30 eller post@claimslink.no), som representerer bustadseljarforsikringa til seljar. Av vilkåra går det fram unntak i forsikringsdekninga, til dømes ved nye forhold som oppstår mellom aksept og overtaking. Garantiar/lovnader der seljar har påteke seg ansvar for eigenskapar ved eigedomen eller dokumentasjon av slike, vert ikkje dekt. I nokre tilfelle er det heller ikkje dekning der seljar har opptrådt forsettleg eller grovt aktlaust. Forsikringa omfattar heller ikkje ein redusert bustadverdi som skuldast skadedyr/insekt, til dømes skjeggkre/perlekre/sølvkre, veggdyr, pelsbiller, maur, borebiller og tilsvarande. I samsvar med lov og rettspraksis må det reklamerast "innan rimeleg tid". Det vert tilrådd å reklamere umiddelbart/snarast mogleg og seinast innan 2 månader frå forholdet vart/burde vorte oppdaga. Dersom kjøpar utbetrar mangelskrav på eiga hand, kan dette medføre at reklamasjonsretten vert tapt.

Boligkjøperforsikring

Vedlagt i salsoppgåva følgjer informasjon om Bustadkjøparforsikring Pluss og Bustadkjøparforsikring frå HELP Forsikring AS. Bustadkjøparforsikring er ei rettshjelpsforsikring som gir tryggleik og profesjonell juridisk hjelp dersom det blir oppdaga uventa feil eller manglar ved bustaden dei neste fem åra. Bustadkjøparforsikring Pluss har same dekning som bustadkjøparforsikring + fullverdig advokathjelp på viktige rettsområde i privatlivet. Les meir om begge forsikringane i vedlagde materiell eller på help.no. Det blir gjort merksam på at meklarføretaket mottar kr 1 900 / 2 600 / 2 600,- (avhengig av bustadtype) i kostnadsgodtgjersle for kvar forsikringsavtale som blir formidla på Bustadkjøparforsikring Pluss og kr 2 900 ,- / 3 600,- / 3 600,- i kostnadsgodtgjersle for Bustadkjøparforsikring.

Forsikringsselskap

LO Favør

Avgiftsbeskrivelse

Dette inkluderer renovasjon, vatn- og avlaupsavgifter, eigedomsskatt og feiing. Den totale årlege kostnaden kan variere etter eige forbruk. Kommunale gebyr er ein kombinasjon av forskot, abonnement og enkeltgebyr fakturert etter levert teneste. Kommunen kjenner ikkje samla gebyr for ein eigedom for eit år før året er omme.

Moderniseringer og påkostninger

Følgjande moderniseringar er utførte dei seinare åra: 2026: - Måla eitt soverom på loftet 2024: - Skifting av baderomsplater på to veggar på badet 2023: - Montert elbilladar 2020: - Innvendig målararbeid 2018: - Utvendig målararbeid 2014: - Bad i 1. etasje ferdigstilt - Vaskerom i 1. etasje ferdigstilt Ifølgje seljars eigenerklæring er følgjande arbeid utført: Ukjent årstall: - Bygd større terrasse på uteområdet

Betalingsbetingelser

Kjøpesum og alle kostnader skal vere innbetalt til meklar sin klientkonto før overtaking. Det føresetjast at skøyte blir tinglyst på ny eigar. Dersom kjøpar ikkje ønskjer heimelsoverføring av eigedommen til seg, må det takast atterhald om dette i bodet.

Fasiliteter

Adgang til utleie

Bustad med éi bueining som fritt kan leigast ut i si heilskap. Delar av bustaden kan òg leigast ut, føresett at dette er ein del av den godkjende hovuddelen til bustaden med rom som er godkjende for varig opphald, og at den utleigde delen ikkje er fråskild som ei sjølvstendig bueining.

Radon

Det er ikkje utført radonmåling og det er heller ikkje krav til dette, for meir informasjon vedrørande radon sjå www.dsa.no. Kjøpar overtek frå overtakingsdagen ansvaret for eventuelle utbetringstiltak som seinare må setjast i gang og betalast. Eigedomen ligg i eit område med lav aktsomheitsgrad for radon ifølgje NGU Kart. Dokumentasjon på radonsperre ligg ikkje føre.

Sentrale lover

Eigedomen vert seld etter reglane i avhendingslova. Salsoppgåva er basert på dei opplysningane seljar har gitt til bygningsakkyndig og meklar, samt opplysningar innhenta frå kommunen, Statens kartverk og andre tilgjengelege kjelder. Eigedomen skal overleverast til kjøpar i tråd med det som er avtalt. Det er viktig at kjøpar set seg grundig inn i alle salsdokumenta, med dette salsoppgåve, tilstandsrapport og seljar si egenerklæring. Kjøpar vert sett på som kjent med forhold som er tydeleg beskrive i salsdokumenta. Forhold som er beskrive i salsdokumenta kan ikkje påberopast som manglar. Dette gjeld uavhengig av om kjøpar har lest dokumenta. Alle interessentar vert oppmoda til å undersøkje eigedomen nøye, gjerne saman med fagkyndig før bod vert gjeve. Kjøpar som vel å kjøpe usett kan ikkje gjere gjeldande som mangel noko han burde blitt kjent med ved undersøkinga. Dersom det er behov for avklaringar, anbefalar vi at kjøpar rådfører seg med eigedomsmeklar eller ein bygningsakyndig før det vert lagt inn bod.   Dersom kjøpar ikkje er forbrukar seljast eigedomen «som den er», og seljar sitt ansvar er då avgrensa jf.§ 3-9 1. ledd 2. pkt. Informasjon om kjøpar si undersøkingsplikt, med dette oppmoding om å undersøkje eigedomen nøye, gjeld og for kjøparar som ikkje vert vurdert som forbrukarar.  På grunn av ulike avtalevilkår kan seljar vurdere bod frå ein som ikkje er forbrukar, ulikt frå ein forbrukar sitt bod. Dersom kjøpar ikkje er forbrukar, er seljar sitt mulege mangelsansvar avgrensa fordi eigedomen vert seld "som den er".  Seljar kan ikkje ta «som den er» atterhald ovanfor ein forbrukarkjøpar. Sjølv eit lågare bod frå ein som ikkje er forbrukar kan foretrekkast fordi avgrensinga i muleg mangelsansvar kan ha eigenverdi for seljar. Seljar står fritt til å forkaste eller akseptere eitkvart bod, og pliktar til dømes ikkje å akseptere høgste bod.  Bodgjevarar får informasjon dersom andre bod er gjeve av ein som ikkje er forbrukar.  Forbrukarkjøp - definisjon: Med forbrukarkjøp meinast kjøp av eigedom når kjøparen er ein fysisk person som ikkje hovudsakleg handlar som ledd i næringsverksemd. Forbrukar - avtalevilkår: Eigedomen har ein mangel dersom den ikkje er i samsvar med krava som følgjer av avtalen, eller det ligg føre brot på bestemmingane i avhendingslova §§ 3-2 til 3-8. Dersom eigedomen ikkje er i samsvar med det kjøparen må kunne vente ut frå alder, type og synleg tilstand, kan det vere grunnlag for mangelskrav. Det same gjeld dersom det er halde tilbake eller gitt urette opplysningar om eigedomen. Dette gjeld likevel berre dersom ein kan gå ut frå at det virka inn på avtalen at opplysningen ikkje vart gitt eller at feil urette opplysningar ikke blir retta i tide på ein tydeleg måte. Ein bustad som har blitt brukt i ei viss tid, har vanlegvis blitt utsett for slitasje og skadar kan ha oppstått. Slik bruksslitasje må kjøpar rekne med, og det kan avdekkast enkelte forhold etter overtakinga som gjer det naudsynt med utbetringa utbedringar. Normal slitasje og skadar som gjer det naudsynt med utbetring, er innanfor kva kjøpar må vente og vil ikkje utgjere ein mangel. Bustaden kan ha ein mangel etter avhendingslova § 3-3 dersom det er avvik mellom opplyst og faktisk innvendig areal, forutsett at avviket er på 2 % eller meir og minimum 1 kvm. Ved berekning av eit eventuelt prisavslag eller erstatning må kjøpar sjølv dekke tap/kostnader opptil eit beløp på kr 10 000 (eigendel). Ikkje - forbrukar (næringsdrivande) – definisjon: Dersom kjøpar er ein juridisk person, eller ein fysisk person som hovudsakeleg handlar som ledd i næringsverksemnd, vil kjøpet ikkje bli sett på som eit forbrukarkjøp.  Ikkje - forbrukar – avtalevilkår: Eigedomen har ein mangel dersom den ikkje er i samsvar med krava som følgjer av avtalen. Eigedomen vert seld «som den er», og seljar sitt ansvar utover det konkret avtalte er då avgrensa etter avhendingslova § 3-9, første ledd andre setning.  Avhendingslova § 3-3 andre ledd vert fråviken, og korvidt arealsvikt i bustaden utgjer ein mangel vert vurdert etter avhendingslova § 3-8.  Ein føresetnad for salet er at skøyet for eigedomen vert tinglyst på kjøpar. Interessentar og kjøpar må godta at seljar og meklar brukar elektronisk kommunikasjon i salsprosessen. I trå med eigedomsmeklingsforskrifta vil informasjon om oppdragsgivar, salsobjektet, interessentar og kjøpar bli lagra av meklarføretaket i min. 10 år. Sjå em1.no for meir informasjon om handsaminga vår av personopplysningar.

Personopplysningsloven

Vi gjer interessentar og kjøparar merksame på at vi vil handsame, etter personopplysingslova, personopplysningane dine i den utstrekning dette er naudsynt for å oppfylle våre lovpålagte plikter, med dette for å kunne gjere kundekontroll etter kvitvaskingslova samt for å utføre oppgåver som vi er pålagt etter eigedomsmeklingslova.

Kommunalinfo

• Kommunale avgifter: kr 31 442
• Eiendomsskatt: kr 9 842
• Informasjon om eiendomsskatt: For bustadeigedomar og fritidseigedomar er eigedomsskatten 3,1 promille(sjekk din kommune). For alle bustadeigedomar og fritidseigedomar utgjer eigedomsskattegrunnlaget 70 prosent av skattetaksten for slike eigedomar, jf. eigedomsskattelova § 8 A-2. Eigedomsskatten 7 promille(sjekk din kommune) for næringseigedom, energianlegg (kraftanlegg og kraftnettet), naust, tomter (bustad, fritid, næring og naust) og særskilde skattegrunnlag (jf. overgangsregel i eigedomsskattelova).