Bøgardsvegen 41

Last ned salgsoppgave for komplett informasjon om eiendommen

Registerbetegnelse

Areal

BRA: 282 m²
BRA-i: 249 m²
BRA-e: 33 m²
TBA: 103 m²

Arealene er oppgitt av bygningssakkyndig på grunnlag av NS3940(2023). Internt bruksareal (BRA-i) er areal innenfor boligens omsluttende vegger. Det er for eksempel stue, soverom, kjøkken, entré, bad, loftsrom, innvendig bod og ganger mellom disse. Dersom boligen består av en bruksenhet med flere selvstendige boenheter, skal de selvstendige boenhetene kategoriseres som BRA-i. Et eksempel på dette kan være en enebolig med adskilt utleieenhet. Eksternt bruksareal (BRA-e) er for eksempel en ekstern bod, kjellerstue med egen inngang, gjesterom, tilleggsbygg eller andre rom som tilhører boenheten, men som ikke er direkte tilknyttet det interne arealet. Tilleggsbygg kan være for eksempel garasje, naust eller utvendig bod. Innglasset balkong (BRA-b) er innglassede balkonger, verandaer og altaner som disponeres av boenheten. Terrasse- og balkongareal (TBA) er arealet av terrasser, altaner, verandaer og åpne balkonger som er tilknyttet boenheten. Leilighetens gulvareal (GUA) er boligens samlede gulvareal og areal med lav takhøyde ALH er areal uten krav til minste himlingshøyde.

Nye regler for arealmåling gjelder fra 1.1.2024. Les mer om reglene.

Etasje

2

Parkering

Parkering i frittståande garasje med to ledda portar og elbilladar. I tillegg er det biloppstillingsplass på eigedommen.

Eiendom

Tomteareal er 945 m² på eiet tomt.

Tomta ligg fint til i helling mot nord, med ei mindre terrengavtrapping mellom garasjen og huset. Tomta har tilnærma flatt uteområde mot sør med skjerma hage og grøtnareal. Mot nord er det planert flatt areal langs huset med overgang til brattare terrengfall. Tomta er flott opparbeidd elles med gangstiar med belegningsstein og singel, p,attingar og trapper av naturstein, sørvendt treterrasse og hage med grøntareal og plantar. Området rundt er veletablert og barnevennleg med flott utsikt mot sentrum, elva Jølstra og indre del av Førdefjorden.

Byggeår

1992

Innhold

Einebustaden går over to plan med følgjande innhald: Underetasje: Trapperom, bad, badstue, kjølerom, eitt soverom og tre boder. I tillegg er det ein utleigedel som inneheld vindfang, stove, kjøkken, eitt soverom, bad/vaskerom og ei bod. 1. etasje: Vindfang, gang, stove og kjøkken i open løysing, tre soverom, bad og vaskerom. Frå stove/kjøkken er det utgang til terrasse mot nordaust på 69 m² og ein sørvestvendt treterrasse. Frå underetasjen er det utgang til terrasse på 34 m². Det er òg platting ved inngangane. Eigedomen har ein frittståande garasje på 33 m².

Standard

Dette er ein innhaldsrik einebustad over to plan med ei godkjend utleigeeining i underetasjen. Bustaden frå 1992 har ei spennande planløysing med lite innsyn og flott utsikt mot Førde sentrum. Hovedetasjen vart delvis modernisert i 2020 med mellom anna nytt kjøkken, medan store delar av bustaden elles har standard frå byggjeåret. Fleire av våtromma har behov for oppgradering. Uteområdet er skjerma og har fleire terrassar på begge plan. Hovudetasje Entré: Eit overbygd inngangsparti leiar inn i ein vindfang og vidare inn i ein gang som fordeler tilgangen til romma i etasjen. Ei dør med glasfelt mellom vindfanget og gangen gir eit godt førsteinntrykk. Frå gangen fører ei tretrapp ned til underetasjen. Kjøkken: Kjøkkenet er frå 2020 og har Norema innreiing med mørke, finerte frontar og laminatbenkeplater. Det er godt med skap- og benkeplass. Av utstyr finst integrert platetopp, steikeomn og ein kombinert steikeomn/mikrobølgjeomn. Eit frittståande kjøle-/fryseskap med vassdispenser medfølgjer. Rommet har downlights i taket og plass til eit spisebord framfor vindauga. Frå kjøkkenet er det utgang til ein terrasse. Stove: Stova ligg i open løysing med kjøkkenet, men er samstundes tydeleg inndelt i soner. Store vindauge gir rikeleg med lys og rammar inn utsikta mot sentrum og fjella. Ein vedovn med klebersteinplater gir varme og hygge, supplert av ei luft-til-luft-varmepumpe frå 2017. Rommet har god plass til både sofagruppe og spisebord. Frå stova er det utgang til ein sørvestvendt terrasse. Soverom: Etasjen har tre soverom av god storleik. Romma har plass til seng, garderobeløysingar og eventuelt skrivepult. Det eine soverommet har vore nytta som Tv-stove. Bad: Badet har flislagt golv med varmekablar og flislagde veggar. Innreiinga består av eit badekar, ein dusj i plassbygd nisje og baderomsinnreiing med servant. Badet er frå byggjeåret. Vaskerom: Praktisk vaskerom med flislagt golv med varmekablar. Rommet har opplegg for vaskemaskin, eit skyljekar i stål og innreiing med benkeplate og skapplass. Vaskerommet er frå byggjeåret. Uteplassar: Frå kjøkkenet er det utgang til ein terrasse mot nordaust. Delar av denne har takoverbygg og skjermveggar, noko som gjer den til ein lun uteplass. Dekket under er regntett. Frå stova er det utgang til ein sørvestvendt treterrasse på terreng, delvis under tak og med terrassemarkise. Underetasje – hovuddel Trapperom og soverom: Trapp leiar ned til trapperom med flislagt golv. Herifrå er det tilgang ti det fjerde soverommet i hovuddelen som er av god storleik, eit bad, badestove og boder. Bad: Badet i underetasjen har flislagt golv med varmekablar. Det er utstyrt med toalett, dusj i nisje og ei baderomsinnreiing. Badet er frå byggjeåret. Badstove og kjølerom: Underetasjen har eiga badstove med plassbygd benk. Badstoveomnen fungerer ikkje og må kontrollerast eller skiftast. I tillegg finst eit praktisk kjølerom med eit kjøleaggregat av eldre standard. Underetasje – utleigeeining Eininga har eigen inngang frå utsida via ein platting med belegningsstein. Ho inneheld vindfang, stove og kjøkken, eitt soverom og eit kombinert bad/vaskerom. Dette er ei godkjend utleigeeining som er utleigd for kr. 7.500,- og noverande leigetakar har budd der i lengre tid. Stove og kjøkken: Stova har plass til ei lita sitjegruppe og spisebord. Ein vedovn gir god varme. Kjøkkenet har ei enkel innreiing frå byggjeåret med malte, profilerte frontar, laminatbenkeplate og ventilator med kolfilter. Det er lagt til rette for frittståande kvitevarer. Soverom: Soverommet har plass til seng og garderobeløysing. Bad/vaskerom: Rommet er kombinert bad og vaskerom med varmekablar i golvet. Det er utstyrt med toalett, dusj med dusjvegg, opplegg for vaskemaskin og ei baderomsinnreiing. Rommet er frå byggjeåret. Overflater: Golv: Tregolv, laminatgolv, teppe, keramiske fliser, parkett, vinylbelegg og korkbelegg. I gangen og vindfanget i 1. etasje er det flislagt golv under høvesvis laminat og teppe. Veggar: Malte strier, malte slette overflater, tapet, beisa og malt trepanel, og stålglatta betong. Himling: Trepanel og malte plater. Lagring: Bustaden har tre innvendige boder i hovuddelen og éi bod i utleigedelen. I tillegg kjem ein bod under terrassen. Frittståande garasje på 33 m² med to portar og installert elbillader. Omsetning av brukt eigedom Ein brukt eigedom vil som regel ikkje vere i same stand som om den var ny. Tekniske krav, type bustad, teknikk og skikkar endrar seg over tid. Bruksslitasje og ytre forhold kan gjere at tilstanden blir dårlegare etter kvart, sjølv om det ikkje er synleg. Kjøparar kan ha mindre forventningar til eldre bustader enn nye, og det kan vere skadar eller feil som ikkje er beskrive, men som seljar likevel ikkje kan haldast ansvarleg for. Normal bruksslitasje er ikkje ein mangel, og det er ikkje sikkert at det som opplevast som ein feil ved ein eigedom er ein mangel i rettsleg forstand. Det er difor viktig å setje seg grundig inn i tilstanden på den eigedomen ein vil kjøpe.

Hvitevarer

Det gjerast merksam på at det berre er dei integrerte kvitevarene på kjøkenet som fylgjer med i kjøpet. Kvitevarene vert leverte utan nokon form for garantiar, utover eventuell attverande leverandørgaranti. Kjøleskåpet følgjer ikkje med i salet.

Adkomst

Sjå kart i salsoppgåva for beskriving av tilkomst, eller kontakt meklar.

Byggemåte

Informasjonen er henta frå vedlagde tilstandsrapport, datert 29.03.2026. Bygning: Einebustad bygd i 1991/1992. Bygningen er oppført i tradisjonell konstruksjon og har 1. etasje og underetasje. Bygningen har hatt vanleg vedlikehald og er innvendig delmodernisert i 1. etasje i 2020, men har elles i stor grad standard frå byggjeåret. Grunnmuren er av kjerneisolerte betongelement. Ytterveggar av bindingsverk med utvendig kledning av ventilert måla trepanel. Etasjeskille av tredekke. Golv i underetasjen av betongplate på grunn. Rom under terreng har golv av betong og veggar av kjerneisolert betong. Badet og kjøkkenet i utleigedelen og kjølerommet har utlekta og veggkledning innvendig på grunnmuren. Det er ikkje kjennskap til byggegrunnen, dreneringssystem eller utvendig fuktsikring. Forstøtningsmur i gangvegen mellom huset og garasjen og nokre mindre forstøtningsmurer av betong for terrengavtrapping. Tomta ligg i helling mot nord. Tak: Taktekking av betongtakstein med undertak av trefiberplater. Takkonstruksjon med saltakform og ventilert kaldloft, oppbygd av w-takstolar. Takrenner og nedløpsrøyr av plast. Stigetrinn for tilkomst til pipa av lakkert metall. Plattlodd i overgangen mellom pipa og taktekkinga. Pipe/Ildstad: Vedomn med klebersteinplater i stova i 1.etasje, montert på keramisk flis. Vedomn i stova i utleigedelen, montert på keramisk flis. Skorstein av lettklinkerelement med pussa overflater. Vindauge: Vindauge i treverk med måla overflater og gjennomgåande postar med sidehengsla rammer med 2-lags glas. Dører: Utvendige dører: Ytterdør i hovudinngangen i treverk, innvendig med måla overflate og utvendig med trekvit overflate. Terrassedør i kjøkkenet i måla treverk med gjennomgåande sprossar og 2-lags glas. Terrassedør i stova i måla treverk med gjennomgåande sprossar og 2-lags glas. Ytterdør i kjellaren av treverk. Ytterdør i utleigedelen av treverk med gjennomgåande sprossar og 2-lags glas. Innvendige dører: Måla trefyllingsdører i 1. etasje, skyvedør mellom kontor/soverom og stove, og dør med glas og sprossar mellom vindfanget og gangen. Trekvite fyllingsdører i underetasjen. I utleiedelen er det dører med måla formpressa dørblad. Trapper/adkomst: Innvendig trapp i treverk med trekvite lakka trinn og vangar delvis med lakka trekvite overflater og delvis med måla overflater. Spilerekkverk og handtre med måla overflater. Utvendige trapper er av naturstein på aust- og vestsida av huset. Balkong/terrasse: Totalt terrasse- og balkongareal (TBA) er 103 m². Ved hovudinngangen er det inntrekk med skiferplatting. Terrasse mot nordaust i plan med 1. etasje, med royalimpregnert terrassegolv med underkledning av lakkerte metallplater for "regntett dekke". Rekkverk med horisontal spilekledning. Del av terrassen har takoverbygg, oppbygd av tresperre med taktekking av lysplater, og med skjermveggar mot sør og aust med horisontal spilekledning med innvendig vindskjerm av plexiglass. Terrasse på terreng i plan med underetasjen, med tredekke med royalimpregnert terrassegolv. Treterrasse på terreng i fasade sørvest, delvis i inntrekk med takoverbygg og terrassemarkise. Platting med belegningsstein ved inngangen til utleigedelen. VVS-installasjonar: Sanitæranlegg med vassleidningar av koparøyr. Avløpsrøyr av plast med lufting ført over tak. Det er ein 200 l varmtvasstank i hovuddelen, produsert i 2015, og ein 120 l varmtvasstank i utleigedelen frå byggjeåret. Eigedomen er tilknytt kommunalt vassverk og avløpsanlegg via private stikkleidningar. Det er ikkje kjennskap til det utvendige leidningsnettet for øvrig. Ventilasjon: Ventilasjonen er basert på naturleg ventilering gjennom spalteventilar i vindauga og bruk av opningsvindauge. Mekanisk avtrekk frå våtromma og frå kjøkkenet i 1. etasje. Tekniske detaljer: Oppvarming med vedomn med klebersteinplater i stova i 1. etasje og vedomn i stova i utleigedelen. Det er ei luft-til-luft varmepumpe i 1. etasje, installert i 2017. Det er sentralstøvsugar i hovuddelen. Garasje: Fundament/ringmur av betong. Golv av betongplate på grunn. Ytterveggar av bindingsverk med utvendig kledning av måla trepanel. Takkonstruksjon med saltakform. Taktekking av betongtakstein med undertak av trefiberplater. To ledda måla treportar. Ytterdør i treverk med måla overflater og 2-lags glas. Vinauge i treverk med måla overflater og 2-lags glas. El. anlegg er installert. Elbillader er installert. Gangveg til huset i svalgang med belegningsstein langs garasjen. Overbygd betongtrapp ved inngangen til garasjen. Elektrisk anlegg med det meste som skjult installasjon og fordelingstavler med automatsikringar. Det er downlights i stove/kjøkken, og sikringsskap i både hovuddel og utleigedel. Alle bygningsdelar og installasjonar har avgrensa levetid. Konstruksjonane er bygd etter lov og forskrift som tek utgangspunkt i byggeåret og vil normalt ikkje tilfredsstille krava i dag. Med omsyn til den tekniske standarden på bygningane vert det vist til vedlagde tilstandsrapport fra takstmann Bjarte Roska datert 29.03.2026, der enkelte bygningselementer har oppnådd tilstandsgrad 3 (TG3), tilstandsgrad 2 (TG2) og konstruksjonar som ikkje er undersøkt (TGIU). Interessentar vert oppmoda til å sette seg grundig inn i desse punkta samt eigenerklæringa som ligg ved salsoppgåva før det vert lagt inn bod på eigedomen. Meklar gjer elles merksam på kjøpar si undersøkingsplikt med heimel i avhendingslova. Nedanfor finn ein ei kort oppsummering av det den bygningssakyndige har beskrive av avvik ved bustaden som har fått tilstandsgrad 2 (TG 2) eller 3 (TG 3) OG TG IU (Ikkje undersøkt). TG3 med store eller alvorlege avvik: - Utvendig - Vindauge - 1 | TG 3 er sett med omsyn til registrert ròteskade i vindauge på aust- og vestveggane. Konsekvens/tiltak: Skifte vindauge med ròteskade. Ved skifting av vindauge må det brukast vassbrett med dryppkantprofil for underkarmane og sideliste må ha dryppkant over vassbretta. Kostnadsestimat er sett for vindauge som må skiftast. Kostnadsestimat: 20 000 - 100 000 - Våtrom - Etasje Bad - Sluk, membran og tettesjikt | TG 3 er sett med omsyn til registrerte avvik og at tettesjiktet si levetid er overskriden. Ved kontroll av fuktnivået i veggen mellom dusjsona og soverommet, vart det registrert fuktkvote på 18,9 vektprosent. Fuktkvoten er ein indikasjon på at tettesjiktet er svekka. Klosettet er festa med skruer i golvet, membransjiktet kan difor vere punktert. Mellom badekaret og den eine veggen er det flislagt innkassing, oppbygd delvis av ubehandla treverk. Treverk er ikkje eigna for bruk i våtsoner og vil vere utsett for etablering av muggsopp. Konsekvens/tiltak: Renovering av badet må påreknast. Kostnadsestimat: 200 000 - 500 000 - Våtrom - Etasje Vaskerom - Sluk, membran og tettesjikt | TG 3 er sett med omsyn til at tettesjiktet si levetid er overskriden. Konsekvens/tiltak: Tettesjiktet sin alder tilseier at framtidig funksjon er usikker og at renovering av vaskerommet må påreknast i nær framtid. Kostnadsestimat: 200 000 - 500 000 - Våtrom - Underetasje Bad - Sluk, membran og tettesjikt | TG 3 er sett med omsyn til at tettesjiktet si levetid er overskriden. Konsekvens/tiltak: Tettesjiktet sin alder tilseier at framtidig funksjon er usikker og at renovering av badet må påreknast i nær framtid. Kostnadsestimat: 200 000 - 500 000 - Spesialrom - Underetasje Badstue - Teknisk anlegg | Frå eigaren er det opplyst at sikringane slår ut ved bruk av badstoveomnen. Konsekvens/tiltak: Badstoveomnen bør kontrollerast av el. installatør eller skiftast. Kostnadsestimat: Under 20 000 - Våtrom - Underetasje Bad/vaskerom - Sluk, membran og tettesjikt | TG 3 er sett med omsyn til registrerte avvik og at tettesjiktet si levetid er overskriden. Det er ikkje fuga/tetta rundt rørgjennomføringane i veggen bak servantskapet. Konsekvens/tiltak: Renovering av våtrommet må påreknast. Kostnadsestimat: 200 000 - 500 000 TG2 med avvik som kan krevje tiltak: - Utvendig > Taktekking: Mosegroing på del av taktekkinga, og taktekking og undertak har passert over halvparten av forventa levetid. - Utvendig > Nedløp og beslag: Takrenner, nedløp og takbeslag har passert over halvparten av forventa levetid. - Utvendig > Takkonstruksjon/Loft: Komprimert isolasjon under sponplategolv, vasskjoldar og muggskimmel i sutakplater ved kilrenne. - Utvendig > Vindauge: Sliten overflatebehandling, sprekkdanning i treverk og manglande dryppkant under karmar. - Utvendig > Dører: Sliten utvendig finér og måling på terrassedør, og generelt behov for overflatebehandling på utvendige dører. - Utvendig > Balkongar, terrassar og rom under balkongar: Beslag under terrassedør er ikkje tilpassa nytt terrassegolv. - Utvendig > Utvendige trapper: Variasjon i djupn og høgd på trinn tilfredsstiller ikkje krav til toleranseavvik. - Innvendig > Pipe og ildstad: Merke på klebersteinomn, riss i pipeoverflate, og vedomn i utleigedel har for liten avstand til vegg og listverk. - Innvendig > Innvendige dører - utleigedel: Låsefunksjonen i hengslene fungerer ikkje. - Tekniske installasjonar > Vassleidningar: Meir enn halvparten av forventa levetid er passert. - Tekniske installasjonar > Varmepumpe: Meir enn halvparten av normal levetid er passert. - Tekniske installasjonar > Varmtvasstank: Varmtvasstankar er tilkopla med stikkontakt, og tanken i utleigedelen har oppnådd normal levetid. - Tomteforhold > Fuktsikring og drenering: Dreneringssystem og utvendig fuktsikring har passert over 30 år. - Kjøkken > Etasje Stove/kjøkken > Overflater og innreiing: Manglande fuging mellom benkeplate og veggfliser, og fuktbelastning på vindauge ved oppvaskbenk. - Våtrom > Etasje Bad > Overflater veggar og himling: Riss og slitasje i flisfuger i dusjsona. - Våtrom > Etasje Bad > Overflater Golv: Golvet tilfredsstiller ikkje krav til fall og oppkant ved dør. - Våtrom > Etasje Bad > Tilliggande konstruksjonar våtrom: Målt fuktkvote på 18,9 vektprosent i sville, som indikerer svekka tettesjikt. - Våtrom > Etasje Vaskerom > Overflater Golv: For liten nivåskilnad mellom slukrist og golv ved dør (ca. 10 mm mot krav på 25 mm). - Våtrom > Underetasje Bad > Overflater Golv: For liten nivåskilnad mellom slukrist og golv ved dør, lokalt motfall og manglande oppkant. - Spesialrom > Underetasje Kjølerom > Overflater og konstruksjon: Kjølerommet er ikkje bygd som "rom-i-rom", noko som kan medføre kondensering. - Spesialrom > Underetasje Kjølerom > Teknisk anlegg: Kjøleaggregatet har høgt støynivå, truleg grunna slitasje. - Kjøkken > Underetasje Kjøkken > Overflater og innreiing: Skuffer i benkeskap glir ut av skinnene. - Kjøkken > Underetasje Kjøkken > Avtrekk: Det er ikkje avtrekk ført over tak eller ut gjennom yttervegg. - Våtrom > Underetasje Bad/vaskerom > Overflater veggar og himling: Laus laminat, manglande sokkelprofil, slark i hjørneprofilar og manglande tetting rundt røyrgjennomføringar. - Våtrom > Underetasje Bad/vaskerom > Overflater Golv: Tett sokkel på dusjvegg hindrar avrenning til sluk, og golvet har avvik frå krav til fall. TGIU - Konstruksjonar som ikkje er undersøkte: - Tekniske installasjonar > Andre installasjonar: Sentralstøvsugar i hovuddelen, ikkje funksjonstesta. - Våtrom > Etasje Vaskerom > Tilliggande konstruksjonar våtrom: Holtaking for fuktkontroll er ikkje mogleg då våtsona ligg mot baderommet. - Våtrom > Underetasje Bad > Tilliggande konstruksjonar våtrom: Holtaking er ikkje utført då våtsonene ligg mot betongveggar. Helse, miljø og sikkerhet: - Det er ikkje gjennomført radonmålingar, og bygget er heller ikkje utført med radonsperre. Det er ikkje montert rekkverk langs utvendige trapper. Rekkverket på terrassen har høgde på ca 95 cm, dagens krav er minimum 1 m. Oppsummeringa over er ikkje uttømmande, og du vert oppmoda til å lese og setje deg grundig inn i alt salsmateriell. For ordens skuld nemner vi at TGIU står for «tilstandsgrad ikkje undersøkt», til dømes fordi ein del av bygget ikkje har vore tilgjengeleg for inspeksjon. Desse delane kan dermed ha feil eller manglar som ikkje er avdekte.

Eiendomstype

Enebolig

Oppvarming

Elektrisk oppvarming og vedfyring. Det er ei luft-til-luft varmepumpe i 1. etasje, installert i 2016. Vidare er det varmekablar i golv på bad og vaskerom i 1. etasje, varmekablar i golv på bad i underetasjen (hovuddel) og varmekablar i golv på bad i utleigedelen. Det er òg vedomn med klebersteinplater i stova i 1. etasje og vedomn i stova i utleigedelen.

Strømforbruk

Meklar gjer merksam på at desse utgiftene er knytt til dagens eigar og at desse vil kunne endre seg med omsyn til anna bruk av bustaden enn i dag eller andre avtalar med leverandørar.

Vei, vann og avløp

Eigedomen er tilknytt offentleg veg, vatn og avlaup. Alle eigedomar som er tilknytt offentleg vatn og avlaup har private stikkleidningar, som blir vedlikehaldne for eigar si eiga rekning. For nærare opplysningar om dei private stikkleidningane blir det vist til kommunen.

Meglers plikt til å stanse gjennomføring av en handel

Eigedomsmeklarar er underlagd lov om kvitvasking og pliktar å rapportere til Økokrim om mistenkelege transaksjonar. Lov om kvitvasking har og strenge reglar om kontroll av legitimasjon frå alle partar i handelen, med dette, seljar, kjøpar og fullmektigar for desse.

Budgivning

Alle bod skal gjevast skriftleg og legitimert til meklar, som formidlar desse vidare til seljar. Dette gjer ein enkelt elektronisk ved å klikke på "gi bud" knappen på hjem.no, finn.no, via eiendomsmegler1.no eller på bodskjema vedlagt salsoppgåva. Meklar skal så snart som muleg stadfeste skriftleg ovanfor bodgjevar at bod er motteke og formidle det vidare til seljar.  Bod må  ikkje ha kortare akseptfrist enn kl. 12.00 første virkedag etter siste annonserte vising. Bod med kortare frist enn dette kan ikkje formidlast av meklar.  Meklar pliktar å leggje til rette for ei forsvarleg avvikling av bodrunden. For at boda skal kunne bli handsama bør dei ikkje ha ein kortare akseptfrist enn 30 minutt frå bodet er gjeve. Bod som vert gjeve etter normal arbeidstid vert handsama/formidla påfølgjande arbeidsdag.  Meklar tek ikkje ansvar for forseinkingar på el- eller telenettet. Under bodrunden kan akseptfristen kortast ned ved mottaking av nye bod. Akseptfristen frå kjøpar er absolutt. Det betyr at dersom seljar vel å akseptere bodet, må kjøpar meddelast aksepten innan akseptfristen går ut. Dersom du utset å gje inn bod til tett opp mot akseptfristen er det ei reell fare for at eigedomen kan bli seld før bodet ditt kjem fram til meklar. Ein syner elles til "Forbrukarinformasjon om bodgjeving", som også er ein del av salsoppgåva. Kjøpar er utanlandsk statsborgar Dersom ein kjøpar er utanlandsk statsborgar krevjast det at ein har D-nummer til erstatning for norsk personnummer. Meklar rekvirerer dette samstundes som skøyte vert sendt inn til tinglysing hjå Kartverket. Skøytet vert så liggande hjå Kartverket fram til kjøpar har fått D-nummer av  skatteetaten. Deretter vert skøytet tinglyst. Denne prosessen vil ofte medføre at oppgjer og  utbetaling til seljar vert forseinka med nokre veker. Kjøpar må i desse tilfella enten ta atterhald i  bod om forseinka utbetaling til seljar, eller vere budd på å dekke forseinkingsrenter. Kontakt  ansvarleg meklar for informasjon før bodgjeving.

Overtakelse

Overtaking etter avtale. Legg inn ønskje om overtakingsdato ved bodgjeving. Mellom aksept av bod og tidspunktet for overtaking er det ikkje høve til å synfare eigedomen. Vi tilrår difor interessentar til å naudsynte mål og liknande på visinga.

Boligselgerforsikring

Det er ikkje teikna bustadseljarforsikring på denne bustaden.

Boligkjøperforsikring

Vedlagt i salsoppgåva følgjer informasjon om Bustadkjøparforsikring Pluss og Bustadkjøparforsikring frå HELP Forsikring AS. Bustadkjøparforsikring er ei rettshjelpsforsikring som gir tryggleik og profesjonell juridisk hjelp dersom det blir oppdaga uventa feil eller manglar ved bustaden dei neste fem åra. Bustadkjøparforsikring Pluss har same dekning som bustadkjøparforsikring + fullverdig advokathjelp på viktige rettsområde i privatlivet. Les meir om begge forsikringane i vedlagde materiell eller på help.no. Det blir gjort merksam på at meklarføretaket mottar kr 1 900 / 2 600 / 2 600,- (avhengig av bustadtype) i kostnadsgodtgjersle for kvar forsikringsavtale som blir formidla på Bustadkjøparforsikring Pluss og kr 2 900 ,- / 3 600,- / 3 600,- i kostnadsgodtgjersle for Bustadkjøparforsikring.

Forsikringsselskap

Tryg

Avgiftsbeskrivelse

Dette inkluderer renovasjon, vatn- og avlaupsavgifter og feiing. Den totale årlege kostnaden vil variere etter eige forbruk. Renovasjon frå Sunnfjord Miljøverk utgjer kr 8 400,- for 2026. Dette gjeld grunnpris for 2 avtalar. Kostnad for tømming av restavfall kjem i tillegg og vert fakturert etterskotsvis. Kommunale gebyr er ein kombinasjon av forskot, abonnement og enkeltgebyr fakturert etter levert teneste. Kommunen kjenner ikkje samla gebyr for ein eigedom for eit år før året er omme. I tillegg kjem eigedomsskatt på kr 7 830,-.

Moderniseringer og påkostninger

Følgjande moderniseringar er utførte dei seinare åra: 2022: - Installasjon av elbilladar. Samsvarserklæring ligg føre. 2021: - Ny terrasse på terreng og i plan med 1. etasje i fasade nordaust. 2020: - Ny kjøkkeninnreiing med kvitevarer i 1. etasje. - Delmodernisering av overflater i 1. etasje. - Elektrisk arbeid i samband med rehabilitert kjøkken: Ny installasjon, nye spotlys i stove, 5 lysdimmarar og ny styring av ventilasjon, utført av Blikkås. Samsvarserklæring ligg føre. 2017: - Installasjon av luft-til-luft varmepumpe. 2015: - Ny varmvasstank (200 L) i hovuddel.

Betalingsbetingelser

Kjøpesum og alle kostnader skal vere innbetalt til meklar sin klientkonto før overtaking. Det føresetjast at skøyte blir tinglyst på ny eigar. Dersom kjøpar ikkje ønskjer heimelsoverføring av eigedommen til seg, må det takast atterhald om dette i bodet.

Fasiliteter

Adgang til utleie

Bustad med to bueiningar som fritt kan leigast ut.

Radon

Det er ikkje utført radonmåling på eigedommen, og bygget er heller ikkje utført med radonsperre. Det blir tilrådd å gjennomføre radonmåling. For meir informasjon om radon, sjå www.dsa.no/radon.

Sentrale lover

Eigedomen vert seld etter reglane i avhendingslova. Salsoppgåva er basert på dei opplysningane seljar har gitt til bygningsakkyndig og meklar, samt opplysningar innhenta frå kommunen, Statens kartverk og andre tilgjengelege kjelder. Eigedomen skal overleverast til kjøpar i tråd med det som er avtalt. Det er viktig at kjøpar set seg grundig inn i alle salsdokumenta, med dette salsoppgåve, tilstandsrapport og seljar si egenerklæring. Kjøpar vert sett på som kjent med forhold som er tydeleg beskrive i salsdokumenta. Forhold som er beskrive i salsdokumenta kan ikkje påberopast som manglar. Dette gjeld uavhengig av om kjøpar har lest dokumenta. Alle interessentar vert oppmoda til å undersøkje eigedomen nøye, gjerne saman med fagkyndig før bod vert gjeve. Kjøpar som vel å kjøpe usett kan ikkje gjere gjeldande som mangel noko han burde blitt kjent med ved undersøkinga. Dersom det er behov for avklaringar, anbefalar vi at kjøpar rådfører seg med eigedomsmeklar eller ein bygningsakyndig før det vert lagt inn bod.   Dersom kjøpar ikkje er forbrukar seljast eigedomen «som den er», og seljar sitt ansvar er då avgrensa jf.§ 3-9 1. ledd 2. pkt. Informasjon om kjøpar si undersøkingsplikt, med dette oppmoding om å undersøkje eigedomen nøye, gjeld og for kjøparar som ikkje vert vurdert som forbrukarar.  På grunn av ulike avtalevilkår kan seljar vurdere bod frå ein som ikkje er forbrukar, ulikt frå ein forbrukar sitt bod. Dersom kjøpar ikkje er forbrukar, er seljar sitt mulege mangelsansvar avgrensa fordi eigedomen vert seld "som den er".  Seljar kan ikkje ta «som den er» atterhald ovanfor ein forbrukarkjøpar. Sjølv eit lågare bod frå ein som ikkje er forbrukar kan foretrekkast fordi avgrensinga i muleg mangelsansvar kan ha eigenverdi for seljar. Seljar står fritt til å forkaste eller akseptere eitkvart bod, og pliktar til dømes ikkje å akseptere høgste bod.  Bodgjevarar får informasjon dersom andre bod er gjeve av ein som ikkje er forbrukar.  Forbrukarkjøp - definisjon: Med forbrukarkjøp meinast kjøp av eigedom når kjøparen er ein fysisk person som ikkje hovudsakleg handlar som ledd i næringsverksemd. Forbrukar - avtalevilkår: Eigedomen har ein mangel dersom den ikkje er i samsvar med krava som følgjer av avtalen, eller det ligg føre brot på bestemmingane i avhendingslova §§ 3-2 til 3-8. Dersom eigedomen ikkje er i samsvar med det kjøparen må kunne vente ut frå alder, type og synleg tilstand, kan det vere grunnlag for mangelskrav. Det same gjeld dersom det er halde tilbake eller gitt urette opplysningar om eigedomen. Dette gjeld likevel berre dersom ein kan gå ut frå at det virka inn på avtalen at opplysningen ikkje vart gitt eller at feil urette opplysningar ikke blir retta i tide på ein tydeleg måte. Ein bustad som har blitt brukt i ei viss tid, har vanlegvis blitt utsett for slitasje og skadar kan ha oppstått. Slik bruksslitasje må kjøpar rekne med, og det kan avdekkast enkelte forhold etter overtakinga som gjer det naudsynt med utbetringa utbedringar. Normal slitasje og skadar som gjer det naudsynt med utbetring, er innanfor kva kjøpar må vente og vil ikkje utgjere ein mangel. Bustaden kan ha ein mangel etter avhendingslova § 3-3 dersom det er avvik mellom opplyst og faktisk innvendig areal, forutsett at avviket er på 2 % eller meir og minimum 1 kvm. Ved berekning av eit eventuelt prisavslag eller erstatning må kjøpar sjølv dekke tap/kostnader opptil eit beløp på kr 10 000 (eigendel). Ikkje - forbrukar (næringsdrivande) – definisjon: Dersom kjøpar er ein juridisk person, eller ein fysisk person som hovudsakeleg handlar som ledd i næringsverksemnd, vil kjøpet ikkje bli sett på som eit forbrukarkjøp.  Ikkje - forbrukar – avtalevilkår: Eigedomen har ein mangel dersom den ikkje er i samsvar med krava som følgjer av avtalen. Eigedomen vert seld «som den er», og seljar sitt ansvar utover det konkret avtalte er då avgrensa etter avhendingslova § 3-9, første ledd andre setning.  Avhendingslova § 3-3 andre ledd vert fråviken, og korvidt arealsvikt i bustaden utgjer ein mangel vert vurdert etter avhendingslova § 3-8.  Ein føresetnad for salet er at skøyet for eigedomen vert tinglyst på kjøpar. Interessentar og kjøpar må godta at seljar og meklar brukar elektronisk kommunikasjon i salsprosessen. I trå med eigedomsmeklingsforskrifta vil informasjon om oppdragsgivar, salsobjektet, interessentar og kjøpar bli lagra av meklarføretaket i min. 10 år. Sjå em1.no for meir informasjon om handsaminga vår av personopplysningar.

Personopplysningsloven

Vi gjer interessentar og kjøparar merksame på at vi vil handsame, etter personopplysingslova, personopplysningane dine i den utstrekning dette er naudsynt for å oppfylle våre lovpålagte plikter, med dette for å kunne gjere kundekontroll etter kvitvaskingslova samt for å utføre oppgåver som vi er pålagt etter eigedomsmeklingslova.

Kommunalinfo

• Kommunale avgifter: kr 27 951
• Eiendomsskatt: kr 7 830
• Informasjon om eiendomsskatt: For bustadeigedomar og fritidseigedomar er eigedomsskatten 3,1 promille. For alle bustadeigedomar og fritidseigedomar utgjer eigedomsskattegrunnlaget 70 prosent av skattetaksten for slike eigedomar, jf. eigedomsskattelova § 8 A-2. Eigedomsskatten 7 promille(sjekk din kommune) for næringseigedom, energianlegg (kraftanlegg og kraftnettet), naust, tomter (bustad, fritid, næring og naust) og særskilde skattegrunnlag (jf. overgangsregel i eigedomsskattelova).