Helgåsvegen 67

Last ned salgsoppgave for komplett informasjon om eiendommen

Registerbetegnelse

Forsikringspolise

83766693

Areal

BRA: 233 m²
BRA-i: 195 m²
BRA-e: 38 m²
TBA: 76 m²

Arealene er oppgitt av bygningssakkyndig på grunnlag av NS3940(2023). Internt bruksareal (BRA-i) er areal innenfor boligens omsluttende vegger. Det er for eksempel stue, soverom, kjøkken, entré, bad, loftsrom, innvendig bod og ganger mellom disse. Dersom boligen består av en bruksenhet med flere selvstendige boenheter, skal de selvstendige boenhetene kategoriseres som BRA-i. Et eksempel på dette kan være en enebolig med adskilt utleieenhet. Eksternt bruksareal (BRA-e) er for eksempel en ekstern bod, kjellerstue med egen inngang, gjesterom, tilleggsbygg eller andre rom som tilhører boenheten, men som ikke er direkte tilknyttet det interne arealet. Tilleggsbygg kan være for eksempel garasje, naust eller utvendig bod. Innglasset balkong (BRA-b) er innglassede balkonger, verandaer og altaner som disponeres av boenheten. Terrasse- og balkongareal (TBA) er arealet av terrasser, altaner, verandaer og åpne balkonger som er tilknyttet boenheten. Leilighetens gulvareal (GUA) er boligens samlede gulvareal og areal med lav takhøyde ALH er areal uten krav til minste himlingshøyde.

Nye regler for arealmåling gjelder fra 1.1.2024. Les mer om reglene.

Etasje

2

Parkering

Parkering i garasje og på tunet.

Eiendom

Tomteareal er 1 398 m² på eiet tomt.

Eigedomen ligg vestvendt plassert i skrånande terreng med flott utsikt over dalføret og Nausta. Her er det sol frå tidleg morgon til ca. 21.30 sommarstid. Vinterstid er sola vekke ca. 1 mnd. Frå offentleg veg er det enkel og flat tilkomst til flatt og fint tun med belegningsstein, frittståande garasje og uthus. Hagen er lettstelt og flott opparbeidd med stor plen i hovudsakleg flatt terreng og robotklypparen kjem fram over alt. Vidare er det betongmurar, diverse busker og treterrasser. Trapp i betong leiar ned til fasaden mot vest.

Byggeår

1978

Innhold

Bustaden går over to plan med følgjande innhald: Hovudetasje: Vindfang, gangareal med tv-stove, stove, kjøkken, tre soverom og bad. Underetasje hovuddel: Hobbyrom/kjellarstove, vaskerom, bod- og gangareal. Underetasje leilegheit: Vindfang, stove, kjøkken, soverom, bad/vaskerom og bodareal. Det er i tillegg vedhus og frittståande garasje med verkstad.

Standard

Hovudetasje: Via lettstelt tun og overbygd inngangsparti kjem ein inn i vindfang som har laminat med varmekablar på golvet, måla profilerte plater på veggane og takess i himling. Her er det praktisk og god skyvedørsgarderobe med god plass til klede- og sko. Dør leiar inn til mellomgang som også eigna seg godt som kontor eller tv-stove. Her er det parkett på golvet, panel på veggane og takess i himling. Stova som har god plass til både spisebord og stor sofagruppe har store vindauge som byr på flott utsikt over dalføret mot vest. Her er det ingen innsyn frå nærliggande bustader og det er tilkomst til overbygd terrasse på 25kvm. Det er parkett på golvet, måla profilerte plater på veggane og takess med spottar i himling. Oppvarming med vedomn. Vegg mellom stove og kjøkken er lettvegg som potensielt kan fjernast for ei opa stove/kjøkkenløysing. Kjøkkenet har NOREMA innreiing frå 2010 med kvite slette frontar og laminert benkeplate. Mellom benkeplate og overskåp er det kitchenboard. Det er integrert koketopp, steikeomn og frittståande oppvaskmaskin og kjøle/fryseskåp som også følgjer med i salet. Det er parkett på golvet, måla profilerte plater på veggane og takess i himling. Hovudetasjen har tre soverom. Desse har parkett og belegg på golvet, tapet, profilerte plater og måla plater på veggane og takess i himling. På det eine soverommet er det plassbygde skåp, mens på hovudsoverommet er det stor skyvedørsgarderobe. Hovudsoverommet har vidare tilkomst til terrassen mot vest. Underetasje hovuddel: Trapp leiar ned til trapperom med teppegolv, panel på veggane og måla plater i himling. Her er det tilkomst til bodareal med god oppbevaringsplass, samt til vaskerom og hobbyrom/kjellarstove. Hobbyrommet er av god storleik og er eit ypperleg rom for dei med born. Det er belegg på golvet, brystningspanel og måla strier på veggane, samt panel i himling. Vaskerommet er av enkel standard med betong på golv- og veggflater. I himling er det måla plater. Her er det eigen bi-inngang slik at ein enkelt kan tørke kleda ute og rommet er innreiia med oppvaskkum, varmtvasstank og opplegg for vaskemaskin. Underetasje leilegheit: Leilegheita er per tidspunkt leigd ut for kr. 5.500,- pluss straum per mnd. Denne har eigen inngang i fasaden mot vest. Vindfanget er av god storleik og har laminat på golvet, måla plater på veggane og det er tilkomst til ei romsleg bod med god plass til klede- og sko. Stove og kjøkken er i delvis opa løysing og har laminat på golvet, måla strier på veggane og takess i himlinga. Det er varmekablar i golvet og vedomn. Det er plass til både sofagruppe og eit mindre spisebord. Frittståande kvitevarer på kjøkkenet følgjer med i salet. Soverommet som har plass til dobbeltseng har laminat på golvet, måla strier på veggane og takess i himlinga. Garderobeskåp følgjer med i salet og det er tilkomst til bodareal med god plass til oppbevaring. Bad/vaskerom har belegg med varmekablar på golvet og belegg på veggane. I himlinga er det takess. Innreiing beståande av dusjkabinett, vask og klosett. Frå badet er det tilkomst til badstu med ny varmeomn. Omsetning av brukt eigedom Ein brukt eigedom vil som regel ikkje vere i same stand som om den var ny. Tekniske krav, type bustad, teknikk og skikkar endrar seg over tid. Bruksslitasje og ytre forhold kan gjere at tilstanden blir dårlegare etter kvart, sjølv om det ikkje er synleg. Kjøparar kan ha mindre forventningar til eldre bustader enn nye, og det kan vere skadar eller feil som ikkje er beskrive, men som seljar likevel ikkje kan haldast ansvarleg for. Normal bruksslitasje er ikkje ein mangel, og det er ikkje sikkert at det som opplevast som ein feil ved ein eigedom er ein mangel i rettsleg forstand. Det er difor viktig å setje seg grundig inn i tilstanden på den eigedomen ein vil kjøpe.

Hvitevarer

Det vert gjort merksam på at kun integrerte kvitevarer på kjøkkenet følgjer med ved overdraginga. Desse vert levert utan nokon form for garantiar, ut over eventuell gjenverande leverandørgaranti.

Adkomst

Lett tilkomst frå offentleg veg. Sjå kart i salsoppgåva for beskriving eller kontakt meklar.

Byggemåte

Informasjonen er henta frå vedlagte tilstandsrapport, datert 20.04.2026. Bygning: Einebustad med tradisjonell konstruksjon for byggeåret 1978. Bygningen har grunnmur av lettklinkerblokk, golv på grunnen av betongplate, etasjeskille av tredekke, ytterveggar av bindingsverk med utvendig kledning av trepanel, og takkonstruksjon med saltakform og ventilert kaldloft, oppbygd av w-takstolar. Etter 2002 er taktekking, renner og nedløp skifta, det er bygd tak over terrassen mot vest, og nokre ytterdører og vindauge er skifta. Grunnmur av lettklinkerblokk, utvendig med skvettpussa malte overflater og innvendig delvis med malt murpuss og delvis med utlekta platekledning, antatt på stripefundament av betong. Punktfundament av betong under terrassen og takoverbygget mot vest. I 2026 vart det etablert nytt punktfundament under den nordvestre søyla under takoverbygget og terrassen på grunn av setningar. Rom under terreng har golv av betong og yttervegger av lettklinkermur med pussa malte overflater og delvis med utlekta kledning. Overbygd betongplatting ved inngangspartiet, ca 11 m², med underliggande kryprom. Kryprommet har pukk på grunnen, vegger av betong/mur og dekke av betong. Det er ikkje kjennskap til dreneringssystem. Det er ikkje synleg utvendig fuktsikring langs planert terreng rundt huset. Byggjegrunnen er det ikkje kjennskap til. Tomta ligg i helling mot vest og er naturleg planert for vekkleiing av overflatevatn. Det er etablert røyr med varmekabel for vekkleiing av overflatevatn. Tomta er opparbeidd med tun og parkeringsplass med belegningsstein og hage med grøntareal og plantar. Tak: Takkonstruksjon med saltakform og ventilert kaldloft, oppbygd av w-takstolar. Takoverbygg for terrassen med sperr på trebjelkar med opplegg på tresøyler og punktfundament, oppført i 2007. Taktekking av betongtakstein frå 2007. Undertak av trefiberplater frå byggjeåret med overliggande undertekking av papp frå 2007. Takrenner og nedløpsrør av lakkert metall. Takrenne under terrassedekke av plast. Snøfangar av lakkert metall. Pipebeslag og luftehetter av lakkert metall med plattlodd i overgang til taktekking av betongtakstein. Pipe/Ildstad: Pipe av lettklinkerelement, i stova med forblending av malt fuga murstein, elles med pussa overflater. Sotluke i kjellaren. Vedomn i stova i 1.etasje med integrert utfasa parafinbrennar, montert på keramisk flis. Vedomn i utleigedelen, montert på keramisk flis. Vindauge: Vindauge i treverk med malte overflater og 2- og 3-lags glas frå byggjeåret. Vindauge i soverommet mot terrassen frå 2009, i treverk med malte overflater og 2-lags glas frå 2009. Vindauge i TV-stova frå 2026, i treverk med 3-lags glas, malte overflater innvendig og utvendig med lakkerte aluminiumsbeslag. Eitt fastkarmvindauge i stova med malt trekarm frå byggjeåret og med 2-lags glas frå 2010. Vindauge i murveggane med solebeslag av lakkert metall. Dører: Ytterdør i hovudinngangen frå 2010, i treverk med malte overflater, 2-lags glas og kodelås. Ytterdør i sportsboda, i treverk med malte overflater. Terrassedører i soverommet og stova i treverk med malte overflater og 2-lags glas. Ytterdør i vaskekjellaren i treverk med malte overflater og enkelt glas. Ytterdør i utleigedelen i treverk med 2-lags glas. Innvendige dører er formpressa og malte i 1. etasje og i opphaldsromma i utleigedelen, med ei dør med glas og sprosser mellom entreen og opphaldsrommet. Finerte dører i andre rom i kjellaren. Trapper/adkomst: Innvendig er det en kjellartrapp med trekvite trinn, vangar og spilerekkverk, og med opptrinn av trefiberplater. Utvendig er det en kjellarhals med betongtrapp og en betongtrapp langs nordveggen. Balkong/terrasse: Overbygd betongplatting ved inngangspartiet, ca 11 m², med underliggande kryprom. Terrasse med takoverbygg i plan med 1. etasje, ca 25 m², oppbygd av tredekke med terrassebord på punktfundament og søyler og med trerekkverk. Under del av terrassedekke er det lakkerte metallplater for "regntett dekke". Treterrasse på terreng langs vestveggen, ca 40 m². VVS-installasjoner: Vassleidningar med røyr i røyr til badet i 1.etasje, med open røyrfordeling under himlingen i ei kjellarbod. Vassleidningane er elles av koparrøyr frå byggjeåret, delvis med skjult og delvis med synleg installasjon. Vassinntak i koparrøyr med stoppekran frå byggjeåret. Varmtvasstank i hovuddelen frå byggjeåret med volum på 192 liter. Benkeberedar i kjøkkenet i utleigedelen frå 2004 med volum på 116 liter. Avløpsrøyr av plast med stakeluke i kjellaren og lufting over tak. Eiendommen er tilknyttet kommunalt vassverk og kommunalt avløpsanlegg via privat stikkledning. Det er ikkje kjennskap til det utvendige leidningsnettet. Ventilasjon: Ventilasjonen er basert på naturleg ventilering gjennom luftespaltar i del av vindauga og ventilar i vegg og himling. Det er en intern sirkulasjonsvifte mellom stova og TV-stova i 1. etasje. Badet i 1. etasje har naturleg ventilering gjennom ventil i taket og luftespalte i dørkarmen. Vaskerommet i kjellaren har naturleg ventilering via veggventil og oppdriftsventil i himlingen. Bad/vaskerom i utleigedelen er ventilert via ventilvifte og luftespalte i vindauge og dørkarmen. Begge kjøkken har ventilator med utkast gjennom yttervegg. Tekniske detaljer: Oppvarming med luft til luft varmepumpe i hovuddelen frå 2010 og i utleigedelen frå 2009. Det er varmekabel i badet i 1. etasje og i vaskerommet i kjellaren. Varmefolie i golvet i vindfanget i 1. etasje. Varmefolie i golvet i stove/kjøkken i utleigedelen. Varmekabel i bad/vaskerom i utleigedelen. En utfasa jordtank for parafin er plassert under tilbygd utebod. Garasje: Byggeår 1978. Tradisjonell konstruksjon og standard for byggjeåret. Ringmur og golv av betong. Ytterveggar av bindingsverk, utvendig med kledning av ståande trepanel. Takkonstruksjon med saltakform og taktekking av betongtakstein. Innvendige veggar med malte kryssfinerplater og himlingar med malte plater. Vindauge med trekarmar og 2-lags glas. Sjalusi for ventilering. Ytterdør i treverk med malte overflater og enkelt glas. Vippeport i treverk. Overbygd betongplatting ved inngangen. El. anlegg er installert. Elektrisk anlegg med delvis skjult installasjon og sikringsskap med skrusikringar i både hovuddel og utleigedel. BKK utførte kontroll av anlegget 06.03.2025 utan at avvik vart registrert. Alle bygningsdelar og installasjonar har avgrensa levetid. Konstruksjonane er bygd etter lov og forskrift som tek utgangspunkt i byggeåret og vil normalt ikkje tilfredsstille krava i dag. Med omsyn til den tekniske standarden på bygningane vert det vist til vedlagde tilstandsrapport fra takstmann Bjarte Roska datert 20.04.2026, der enkelte bygningselementer har oppnådd tilstandsgrad 3 (TG3), tilstandsgrad 2 (TG2) og konstruksjonar som ikkje er undersøkt (TGIU). Interessentar vert oppmoda til å sette seg grundig inn i desse punkta samt eigenerklæringa som ligg ved salsoppgåva før det vert lagt inn bod på eigedomen. Meklar gjer elles merksam på kjøpar si undersøkingsplikt med heimel i avhendingslova. Nedanfor finn ein ei kort oppsummering av det den bygningssakyndige har beskrive av avvik ved bustaden som har fått tilstandsgrad 2 (TG 2) eller 3 (TG 3) OG TG IU (Ikkje undersøkt). TG3 med store eller alvorlege avvik: - Kjellar Vaskerom > Generell | Riss/sprekker i betonggolvet og i tettesjiktet som er av maling. Vaskerommet har elles standard frå byggjeåret og er naturleg prega av elde og slitasje. Konsekvens/tiltak: Vaskerommet sin alder og registrerte skade og slitasje tilseier at renovering må påreknast. Kostnadsestimat: 100 000 - 200 000 - Kjellar Bad/vaskerom > Generell | Golvbelegget er misfarga. Toalettet er festa med skruer gjennom golvbelegget, tettesjiktet er difor truleg punktert. Det er registrert nokre mindre hol i golvbelegget/tettesjiktet. Utett belegg/tettesjikt rundt døropningen til badstua. Veggtapetet tilfredsstiller ikkje dagens krav til tettesjikt i våtsoner. Det er ikkje fuga/tetta rundt røyrgjennomføringane i veggen under servanten. Vindauge står innafor definert våtsone ved dusjen og er ikkje av fuktbestandig materiale. Konsekvens/tiltak: Registrerte avvik og tettesjikta sin alder og tilstand til seier at renovering må påreknast. Kostnadsestimat: 200 000 - 500 000 TG2 med avvik som kan krevje tiltak: - Utvendig > Taktekking: Taktekkinga er mosegrodd. - Utvendig > Veggkonstruksjon: Det er ikkje montert gnagarnetting i underkant av utvendig kledning. - Utvendig > Takkonstruksjon/Loft: Over stovehimlingen er det område med dårleg utfylling av isolasjonen og nokre matter uten vindtetting. - Utvendig > Vinauger: Slitasje i utvendig overflatebehandling på del av vindauga. - Utvendig > Dører: Slitasje i utvendig overflatebehandling på terrassedøra i stova. - Utvendig > Balkongar, terrasser og rom under balkongar: Terrassen mot vest i plan med 1. etasje har ca 70 mm fall frå husveggen ved soverommet til rekkverket, og frå husveggen ved stova til rekkverket er det ca 50 mm fall. - Utvendig > Utvendige trapper: Rekkverket rundt kjellarhalsen er slitt. - Utvendig > Andre utvendige forhold: Uteboda er av gjennomgåande enkel standard. - Innvendig > Overflater - 2: Fuktmerke i himlingen rundt takventilen i gangen ved soveromma i 1. etasje etter ein tidlegare lekkasje. - Innvendig > Etasjeskille/gulv mot grunn - 1: I enkelte rom kjellaren er det merkbare svanker/ujamn overflate i del av golva på grunn av dårleg avretting av betongen. - Innvendig > Innvendige dører - 2: Fuktslitasje i nedre kant av dørbladet i badet i 1. etasje. - Etasje Bad > Overflater Golv: Flisfugene har enkelte riss. - Etasje Bad > Sluk, membran og tettesjikt: Sluken har passert over halvparten av normal levetid. - Etasje Bad > Sanitærutstyr og innreiing: Ut over normal elde og slitasje er det registrert riss/ripe i servantplata. - Etasje Kjøkken > Overflater og innreiing: Bruks-/skrapemerke på ein skuffefront. - Etasje Kjøkken > Avtrekk: Skade på utvendig klaffeventil ved utkast. - Kjellar Stove/kjøkken > Overflater og innredning: Langs sokkelen på benkeskapet der benkeberedaren er installert, er det fuga med skum av ukjent årsak og med avvik finish. - Kjellar Badstue > Overflater og konstruksjon: TG er basert på manglande dokumentasjon for badstua sin konstruksjon og oppbygging. - Tekniske installasjoner > Vannledninger: Forgreininga for røyr-i røyr til badet i 1. etasje er i rom uten sluk. - Tekniske installasjoner > Avløpsrør: TG er basert på ei generell aldersvurdering som tilseier at over halvparten av forventa levetid er passert. - Tekniske installasjonar > Varmtvannstank: Benkeberedaren i utleigedelen er tilkopla el. anlegget med stikkontakt. - Tekniske installasjonar > Varmepumpe: TG er basert på ei generell aldersvurdering, som tilseier at begge varmepumpene har oppnådd tilnærma normal levetid. - Tomteforhold > Fuktsikring og drenering: Basert på normal levetid for drenering, er bygningen i ein alder med risiko knytta til framtidig funksjon og gjenverande brukstid for dreneringssystemet. - Tomteforhold > Grunnmur og fundamenter: Laus puss og mindre område med avskalla puss langs utvendige trapper. - Tomteforhold > Utvendige vann- og avløpsledningar: TG er basert på at utvendig leidningsnett er frå byggjeåret, og at halvparten av forventa levetid er passert. TGIU - Konstruksjonar som ikkje er undersøkte: - Tomteforhold > Oljetank: Utfasa jordtank for parafin er plassert under tilbygd utebod. - Kjellar Vaskerom > Tilliggande konstruksjonar våtrom: Våtsona ligg mot badstua i utleigedelen, holtaking for fuktkontroll er difor ikkje utført. - Kjeller Bad/vaskerom > Tilliggande konstruksjonar våtrom: Våtsonene ligg mot yttervegg, Holtaking for fuktkontroll er difor ikkje utført. Helse, miljø og sikkerhet: - Rekkverket på terrassen i plan med 1. etasje har høgde på 86 cm, og tilfredsstiller ikkje byggjeåret sitt forskriftskrav som var minimum 90 cm - Rekkverket rundt kjellarhalsen har høgde over betongsokkelen på ca 80 cm og ståande rekkverksbord med avstand på 10-12 cm, og tilfredsstiller ikkje byggjeåret sitt forskriftskrav som var høgde på minimum 90 cm. Etter dagens forskrift er kravet for avstand mellom ståande rekkverksbord maks 10 cm. - Det er ikkje handtre på veggen langs utvendige trapper. - Det er ikkje forskriftsmessig handtre på veggen langs kjellartrappa. - Bygningen er ikkje oppført med radonsperre eller andre sikringstiltak for radon, og det er ikkje dokumentasjon for radonmåling. - Eigedommen ligg i omsynssone H310_1/omsynssone for ras- og skredfare. - Hovuddelen sitt soverom i kjellaren har ikkje forskriftsmessig lysflate. - Det er ventil i veggen mellom vaskekjellaren i hovuddelen og badstua i utleigedelen. Eventuelle lyd- og brannskilje er difor punkterte. Oppsummeringa over er ikkje uttømmande, og du vert oppmoda til å lese og setje deg grundig inn i alt salsmateriell. For ordens skuld nemner vi at TGIU står for «tilstandsgrad ikkje undersøkt», til dømes fordi ein del av bygget ikkje har vore tilgjengeleg for inspeksjon. Desse delane kan dermed ha feil eller manglar som ikkje er avdekte.

Eiendomstype

Enebolig

Oppvarming

Bustaden har elektrisk oppvarming, varmepumpe og vedfyring. Det er installert luft-til-luft varmepumpe i hovuddelen (frå 2010) og i utleigedelen (frå 2009). Elektriske varmekablar finst på badet i 1. etasje og i vaskerommet i kjellaren, samt i bad/vaskerom i utleigedelen. Varmefolie er lagt i golvet i vindfanget i 1. etasje og i stove/kjøkken i utleigedelen. Det er vedomn med integrert utfasa parafinbrennar i stova i 1. etasje og vedomn i utleigedelen.

Strømforbruk

Nettleige ca 1100kr pr mnd i 2025. Snitt straum forbruk ca 1000kr pr mnd i 2025. På utleigedel med eigen målar har straumen låge på ca. kr. 500,- i mnd. Nettleige kjem i tillegg. Meklar gjer merksam på at desse utgiftene er knytt til dagens eigar og at desse vil kunne endre seg med omsyn til anna bruk av bustaden enn i dag eller andre avtalar med leverandørar.

Vei, vann og avløp

Offentleg veg til tomtegrensa. Eigedommen er tilknytta kommunalt vass- og avløpsanlegg via private stikkledningar.

Meglers plikt til å stanse gjennomføring av en handel

Eigedomsmeklarar er underlagd lov om kvitvasking og pliktar å rapportere til Økokrim om mistenkelege transaksjonar. Lov om kvitvasking har og strenge reglar om kontroll av legitimasjon frå alle partar i handelen, med dette, seljar, kjøpar og fullmektigar for desse.

Budgivning

Alle bod skal gjevast skriftleg og legitimert til meklar, som formidlar desse vidare til seljar. Dette gjer ein enkelt elektronisk ved å klikke på "gi bud" knappen på hjem.no, finn.no, via eiendomsmegler1.no eller på bodskjema vedlagt salsoppgåva. Meklar skal så snart som muleg stadfeste skriftleg ovanfor bodgjevar at bod er motteke og formidle det vidare til seljar.  Bod må  ikkje ha kortare akseptfrist enn kl. 12.00 første virkedag etter siste annonserte vising. Bod med kortare frist enn dette kan ikkje formidlast av meklar.  Meklar pliktar å leggje til rette for ei forsvarleg avvikling av bodrunden. For at boda skal kunne bli handsama bør dei ikkje ha ein kortare akseptfrist enn 30 minutt frå bodet er gjeve. Bod som vert gjeve etter normal arbeidstid vert handsama/formidla påfølgjande arbeidsdag.  Meklar tek ikkje ansvar for forseinkingar på el- eller telenettet. Under bodrunden kan akseptfristen kortast ned ved mottaking av nye bod. Akseptfristen frå kjøpar er absolutt. Det betyr at dersom seljar vel å akseptere bodet, må kjøpar meddelast aksepten innan akseptfristen går ut. Dersom du utset å gje inn bod til tett opp mot akseptfristen er det ei reell fare for at eigedomen kan bli seld før bodet ditt kjem fram til meklar. Ein syner elles til "Forbrukarinformasjon om bodgjeving", som også er ein del av salsoppgåva. Kjøpar er utanlandsk statsborgar Dersom ein kjøpar er utanlandsk statsborgar krevjast det at ein har D-nummer til erstatning for norsk personnummer. Meklar rekvirerer dette samstundes som skøyte vert sendt inn til tinglysing hjå Kartverket. Skøytet vert så liggande hjå Kartverket fram til kjøpar har fått D-nummer av  skatteetaten. Deretter vert skøytet tinglyst. Denne prosessen vil ofte medføre at oppgjer og  utbetaling til seljar vert forseinka med nokre veker. Kjøpar må i desse tilfella enten ta atterhald i  bod om forseinka utbetaling til seljar, eller vere budd på å dekke forseinkingsrenter. Kontakt  ansvarleg meklar for informasjon før bodgjeving.

Overtakelse

Overtaking etter avtale. Legg inn ønskje om overtakingsdato ved bodgjeving. Mellom aksept av bod og tidspunktet for overtaking er det ikkje høve til å synfare eigedomen. Vi tilrår difor interessentar til å naudsynte mål og liknande på visinga.

Boligselgerforsikring

Seljar har teikna bustadseljarforsikring som er framforhandla av Söderberg & Partners AS. Forsikringa dekkjer seljar sitt ansvar etter avhendingslova, med dei avgrensingane som følgjer av forsikringsvilkåra og er avgrensa til salssummen til eigedomen, men oppad avgrensa til kr. 14 000 000,-. Seljar har i den samanhengen utarbeidd ei eigenerklæring om eigedomen. Eigenerklæringa ligg vedlagt salsoppgåva og interessentar vert oppmoda til å gjere seg kjend med denne før bodgiving/kjøp. Bustadseljarforsikringa sørgjer for at kjøpar kan forhalde seg til ein profesjonell og søkegod motpart som handterer eventuelle reklamasjonar fagleg og ryddig. Dersom kjøpar ikkje har teikna bustadkjøparforsikring kan hen reklamere direkte til Claims Link (tlf 67 83 51 30 eller post@claimslink.no), som representerer bustadseljarforsikringa til seljar.   Av vilkåra går det fram unntak i forsikringsdekninga, til dømes ved nye forhold som oppstår mellom aksept og overtaking. Garantiar/lovnader der seljar har påteke seg ansvar for eigenskapar ved eigedomen eller dokumentasjon av slike, vert ikkje dekt. I nokre tilfelle er det heller ikkje dekning der seljar har opptrådt forsettleg eller grovt aktlaust. Forsikringa omfattar heller ikkje ein redusert bustadverdi som skuldast skadedyr/insekt, til dømes skjeggkre/perlekre/sølvkre, veggdyr, pelsbiller, maur, borebiller og tilsvarande. I samsvar med lov og rettspraksis må det reklamerast “innan rimeleg tid”. Det vert tilrådd å reklamere umiddelbart/snarast mogleg og seinast innan 2 månader frå forholdet vart/burde vorte oppdaga.   Dersom kjøpar utbetrar mangelskrav på eiga hand, kan dette medføre at reklamasjonsretten vert tapt.

Boligkjøperforsikring

Vedlagt i salsoppgåva følgjer informasjon om Bustadkjøparforsikring Pluss og Bustadkjøparforsikring frå HELP Forsikring AS. Bustadkjøparforsikring er ei rettshjelpsforsikring som gir tryggleik og profesjonell juridisk hjelp dersom det blir oppdaga uventa feil eller manglar ved bustaden dei neste fem åra. Bustadkjøparforsikring Pluss har same dekning som bustadkjøparforsikring + fullverdig advokathjelp på viktige rettsområde i privatlivet. Les meir om begge forsikringane i vedlagde materiell eller på help.no. Det blir gjort merksam på at meklarføretaket mottar kr 1 900 / 2 600 / 2 600,- (avhengig av bustadtype) i kostnadsgodtgjersle for kvar forsikringsavtale som blir formidla på Bustadkjøparforsikring Pluss og kr 2 900 ,- / 3 600,- / 3 600,- i kostnadsgodtgjersle for Bustadkjøparforsikring.

Forsikringsselskap

Gjensidige Forsikring

Avgiftsbeskrivelse

Dette inkluderer renovasjon, vatn- og avlaupsavgifter og feiing. Den totale årlege kostnaden vil variere etter eige forbruk. I tillegg kjem kr. 120,- per tømming av restavfallsdunk (140 l)   Kommunale gebyr er ein kombinasjon av forskot, abonnement og enkeltgebyr fakturert etter levert teneste. Kommunen kjenner ikkje samla gebyr for ein eigedom for eit år før året er omme.

Moderniseringer og påkostninger

2007 Ny taktekking, nye renner og takbeslag. 2007 Takoverbygg for terrassen i plan med 1. etasje. 2009 Installasjon av varmepumpe i utleigedelen. 2010 Installasjon av varmepumpe i hovuddelen. 2010 Delmodernisering av innvendige overflater i 1. etasje. 2010 Ny kjøkkeninnreiing i 1. etasje. 2010 Skifta nokre ytterdører og nokre vindauge. 2013 Delmodernisering av innvendige overflater i utleigedelen. 2026 Nytt vindauge i TV-stova 2026 Nytt fundament for nordvestre søyla under takoverbygget. 2026 Skifta del av terrassedekke på terreng langs vestfasaden.

Betalingsbetingelser

Kjøpesum og alle kostnader skal vere innbetalt til meklar sin klientkonto før overtaking. Det føresetjast at skøyte blir tinglyst på ny eigar. Dersom kjøpar ikkje ønskjer heimelsoverføring av eigedommen til seg, må det takast atterhald om dette i bodet.

Fasiliteter

Adgang til utleie

Det er ikkje kjent at det ligg føre offentlegrettslege reglar som hindar utleige av heile eigedomen.

Radon

Eigar opplyser at det var utført radonmåling rundt år 2000, men resultat/rapport føreligg ikkje. Bustaden er ikkje utført med radonsperre. For meir informasjon vedrørande radon sjå www.dsa.no.

Sentrale lover

Eigedomen vert seld etter reglane i avhendingslova. Salsoppgåva er basert på dei opplysningane seljar har gitt til bygningsakkyndig og meklar, samt opplysningar innhenta frå kommunen, Statens kartverk og andre tilgjengelege kjelder. Eigedomen skal overleverast til kjøpar i tråd med det som er avtalt. Det er viktig at kjøpar set seg grundig inn i alle salsdokumenta, med dette salsoppgåve, tilstandsrapport og seljar si egenerklæring. Kjøpar vert sett på som kjent med forhold som er tydeleg beskrive i salsdokumenta. Forhold som er beskrive i salsdokumenta kan ikkje påberopast som manglar. Dette gjeld uavhengig av om kjøpar har lest dokumenta. Alle interessentar vert oppmoda til å undersøkje eigedomen nøye, gjerne saman med fagkyndig før bod vert gjeve. Kjøpar som vel å kjøpe usett kan ikkje gjere gjeldande som mangel noko han burde blitt kjent med ved undersøkinga. Dersom det er behov for avklaringar, anbefalar vi at kjøpar rådfører seg med eigedomsmeklar eller ein bygningsakyndig før det vert lagt inn bod.   Dersom kjøpar ikkje er forbrukar seljast eigedomen «som den er», og seljar sitt ansvar er då avgrensa jf.§ 3-9 1. ledd 2. pkt. Informasjon om kjøpar si undersøkingsplikt, med dette oppmoding om å undersøkje eigedomen nøye, gjeld og for kjøparar som ikkje vert vurdert som forbrukarar.  På grunn av ulike avtalevilkår kan seljar vurdere bod frå ein som ikkje er forbrukar, ulikt frå ein forbrukar sitt bod. Dersom kjøpar ikkje er forbrukar, er seljar sitt mulege mangelsansvar avgrensa fordi eigedomen vert seld "som den er".  Seljar kan ikkje ta «som den er» atterhald ovanfor ein forbrukarkjøpar. Sjølv eit lågare bod frå ein som ikkje er forbrukar kan foretrekkast fordi avgrensinga i muleg mangelsansvar kan ha eigenverdi for seljar. Seljar står fritt til å forkaste eller akseptere eitkvart bod, og pliktar til dømes ikkje å akseptere høgste bod.  Bodgjevarar får informasjon dersom andre bod er gjeve av ein som ikkje er forbrukar.  Forbrukarkjøp - definisjon: Med forbrukarkjøp meinast kjøp av eigedom når kjøparen er ein fysisk person som ikkje hovudsakleg handlar som ledd i næringsverksemd. Forbrukar - avtalevilkår: Eigedomen har ein mangel dersom den ikkje er i samsvar med krava som følgjer av avtalen, eller det ligg føre brot på bestemmingane i avhendingslova §§ 3-2 til 3-8. Dersom eigedomen ikkje er i samsvar med det kjøparen må kunne vente ut frå alder, type og synleg tilstand, kan det vere grunnlag for mangelskrav. Det same gjeld dersom det er halde tilbake eller gitt urette opplysningar om eigedomen. Dette gjeld likevel berre dersom ein kan gå ut frå at det virka inn på avtalen at opplysningen ikkje vart gitt eller at feil urette opplysningar ikke blir retta i tide på ein tydeleg måte. Ein bustad som har blitt brukt i ei viss tid, har vanlegvis blitt utsett for slitasje og skadar kan ha oppstått. Slik bruksslitasje må kjøpar rekne med, og det kan avdekkast enkelte forhold etter overtakinga som gjer det naudsynt med utbetringa utbedringar. Normal slitasje og skadar som gjer det naudsynt med utbetring, er innanfor kva kjøpar må vente og vil ikkje utgjere ein mangel. Bustaden kan ha ein mangel etter avhendingslova § 3-3 dersom det er avvik mellom opplyst og faktisk innvendig areal, forutsett at avviket er på 2 % eller meir og minimum 1 kvm. Ved berekning av eit eventuelt prisavslag eller erstatning må kjøpar sjølv dekke tap/kostnader opptil eit beløp på kr 10 000 (eigendel). Ikkje - forbrukar (næringsdrivande) – definisjon: Dersom kjøpar er ein juridisk person, eller ein fysisk person som hovudsakeleg handlar som ledd i næringsverksemnd, vil kjøpet ikkje bli sett på som eit forbrukarkjøp.  Ikkje - forbrukar – avtalevilkår: Eigedomen har ein mangel dersom den ikkje er i samsvar med krava som følgjer av avtalen. Eigedomen vert seld «som den er», og seljar sitt ansvar utover det konkret avtalte er då avgrensa etter avhendingslova § 3-9, første ledd andre setning.  Avhendingslova § 3-3 andre ledd vert fråviken, og korvidt arealsvikt i bustaden utgjer ein mangel vert vurdert etter avhendingslova § 3-8.  Ein føresetnad for salet er at skøyet for eigedomen vert tinglyst på kjøpar. Interessentar og kjøpar må godta at seljar og meklar brukar elektronisk kommunikasjon i salsprosessen. I trå med eigedomsmeklingsforskrifta vil informasjon om oppdragsgivar, salsobjektet, interessentar og kjøpar bli lagra av meklarføretaket i min. 10 år. Sjå em1.no for meir informasjon om handsaminga vår av personopplysningar.

Personopplysningsloven

Vi gjer interessentar og kjøparar merksame på at vi vil handsame, etter personopplysingslova, personopplysningane dine i den utstrekning dette er naudsynt for å oppfylle våre lovpålagte plikter, med dette for å kunne gjere kundekontroll etter kvitvaskingslova samt for å utføre oppgåver som vi er pålagt etter eigedomsmeklingslova.

Kommunalinfo

• Kommunale avgifter: kr 22 193
• Eiendomsskatt: kr 3 848
• Informasjon om eiendomsskatt: For bustadeigedomar og fritidseigedomar er eigedomsskatten 3,1 promille. For alle bustadeigedomar og fritidseigedomar utgjer eigedomsskattegrunnlaget 70 prosent av skattetaksten for slike eigedomar, jf. eigedomsskattelova § 8 A-2. Eigedomsskatten 7 promille(sjekk din kommune) for næringseigedom, energianlegg (kraftanlegg og kraftnettet), naust, tomter (bustad, fritid, næring og naust) og særskilde skattegrunnlag (jf. overgangsregel i eigedomsskattelova).