Porsvegen 3

Last ned salgsoppgave for komplett informasjon om eiendommen

Registerbetegnelse

Areal

BRA: 202 m²
BRA-i: 187 m²
BRA-e: 15 m²
TBA: 27 m²

Arealene er oppgitt av bygningssakkyndig på grunnlag av NS3940(2023). Internt bruksareal (BRA-i) er areal innenfor boligens omsluttende vegger. Det er for eksempel stue, soverom, kjøkken, entré, bad, loftsrom, innvendig bod og ganger mellom disse. Dersom boligen består av en bruksenhet med flere selvstendige boenheter, skal de selvstendige boenhetene kategoriseres som BRA-i. Et eksempel på dette kan være en enebolig med adskilt utleieenhet. Eksternt bruksareal (BRA-e) er for eksempel en ekstern bod, kjellerstue med egen inngang, gjesterom, tilleggsbygg eller andre rom som tilhører boenheten, men som ikke er direkte tilknyttet det interne arealet. Tilleggsbygg kan være for eksempel garasje, naust eller utvendig bod. Innglasset balkong (BRA-b) er innglassede balkonger, verandaer og altaner som disponeres av boenheten. Terrasse- og balkongareal (TBA) er arealet av terrasser, altaner, verandaer og åpne balkonger som er tilknyttet boenheten. Leilighetens gulvareal (GUA) er boligens samlede gulvareal og areal med lav takhøyde ALH er areal uten krav til minste himlingshøyde.

Nye regler for arealmåling gjelder fra 1.1.2024. Les mer om reglene.

Etasje

2

Parkering

På eigedomen er det ein frittståande garasje/reiskapsbod. Elles er det gode parkeringsmoglegheiter på eigen tomt, med grusa innkøyrsel og gårdsplass.

Eiendom

Tomteareal er 838 m² på eiet tomt.

Eigd tomt på 837,7 m². Tomta ligg i skrånande terreng og er opparbeidd med singel på nordaustsida av bustaden og langs kortsidene. Hageanlegget mot sørvest har plenareal, singla gangsti med steinheller og dels naturleg terreng med lyng og vill vekst. Tomta ligg i område ved undersøkt område for kvikkeleire. Det er ikkje opplyst at denne tomta er undersøkt. Område er definert i risikoklasse 0. Kvikkelire kan forekomme utanfor påviste områder. Arealet kan avvike frå det oppgitte ved seinare oppmåling då det er oppgjeve at det er noko unøyaktige grenser. Eventuelt arealavvik vert akseptert av kjøpar.

Byggeår

1975

Innhold

Einebustad går over to plan med følgjande innhald: Underetasje: Hall m/trapp, stue/kjøkken, soverom, bad, vaskerom, to gangar, vindfang og fire boder. 1. etasje: Vindfang, gang, trapperom, bad/vaskerom, kjøkken, stue og tre soverom. Balkong på 27 m². På eigedomen står ein frittståande garasje/reiskapsbod på 15 m². Det ligg føre godkjende og byggjemelde teikningar daterte 09.09.1974 og 10.07.1974, men det er avvik mellom desse og dagens planløysing. Rominndelinga er noko endra ved at eit toalettrom i 1. etasje er slått saman med badet, ein vegg mellom stue og kjøkken i underetasjen er fjerna, og ei bod er etablert der det var teikna inn eit vaskerom. Vidare er balkongen på hovudplanet utvida i ettertid; ei slik utviding er i dei fleste tilfelle eit søknadspliktig tiltak. For den frittståande garasjen/reiskapsboden ligg det føre byggevedtak (byggjeløyve) frå 1976 (sak 383/76), men kommunen har ingen bygningsteikningar i arkivet sitt for tiltaket. Seljar påtek seg ikkje ansvar for å byggjemelde eller få godkjent omgjeringa i ettertid. Frå kommunen kan det kome reaksjonar overfor eigar, til dømes krav om tilbakeføring, krav om omsøking, ilegging av overtredingsgebyr m.m. Kommunen kan krevje at gjeldande forskrifter og regelverk blir lagt til grunn ved eventuell omsøking. Dette kan mellom anna innebere krav til takhøgd, lysflate, ventilasjon, rømningsveg, brannsikring, storleik på uteareal, tal på parkeringsplassar mv. Uavhengig av kva reaksjonsform kommunen måtte nytte, er dette kjøpar sitt ansvar og risiko. Dei oppgitte romma er definerte av bygningssakkyndig i samsvar med vedlagd rapport, basert på dagens faktiske bruk, uavhengig av kva som er godkjent av bygningsstyresmaktene.

Standard

Ei velhalden og jamleg oppgradert einebustad over to plan med utsyn over Gloppefjorden og fjellheimen. Hovuddelen strekker seg over begge etasjane og inneheld tre soverom i 1. etasje saman med stove, kjøkken og bad, medan underetasjen har hall med trapperom og boder. I tillegg kjem ein separat utleigdel i underetasjen med eigen inngang, stove/kjøkken i open løysing, soverom og bad. Dei siste åra er det gjennomført ei rekkje oppgraderingar: nye vindauge i heile hovuddelen i 2022, fasaden måla same år, ny balkong utskifta og utvida i 2018, badet i hovuddelen oppgradert i 2017, nytt IKEA-kjøkken, luft-til-luft varmepumpe frå 2022 og vedovn i kvar etasje. Bustaden har eit Elotec Ajas brannvarslingssystem med røykdetektorar og vasslekkasjesensorar med varsling til app. Vindfang/entré: Inngangspartiet til hovuddelen er lyst og praktisk. Ytterdøra, skifta rundt 2018, har glasfelt som slepper inn dagslys. Frå entréen leier gangen vidare inn til kjøkken og stove, og trappenedgangen. Varmefolie vart lagt i gang og vindfang i 2017. Stove: Store vindaugsflater mot fjorden og fjella er det første ein legg merke til i stova. Tre store vindauge, skifta i 2022, rammar inn utsikta. Rommet har plass til stor sofagruppe og spisebord. Vedovnen - skifta i 2017, varmepumpa frå 2022 er montert på veggen og dekkjer oppvarmingsbehovet effektivt. Laminatgolvet vart lagt i 2022. Veggane vart måla i 2017. Kjøkken: Kjøkkenet har innreiing frå IKEA med glatte frontar i høgglans, demping i skuffer og skapdører, og toppmontert list i børsta stål utan handtak på overskapane. Benkeplata er av laminat med steinimitasjon og har nedfelt oppvaskkum i sort kompositt med ettgreps blandebatteri. Integrert oppvaskmaskin, induksjonstopp og steikeomn er innbygde i innreiinga, og det er montert komfyrvakt over platetoppen. Kjøkkenventilator med avtrekk ut. Golvet vart fornya med laminat i 2017. Taket har måla trepanel. Balkong: Balkongen på 27 m² vart utskifta og utvida i 2018 og er tilgjengeleg frå hovuddelen via to PVC-balkongdører, skifta i 2022. Dekkjet er av royalimpregnerte terrassebord med riller, og rekkverket er utført i impregnerte materialar med ståande spiler. Delar av balkongen har takoverbygg. Utsikta mot Gloppefjorden og fjella er open frå balkongen. Plass til sitjegruppe. Soverom 1. etasje: Hovudsoverommet har plass til dobbeltseng med nattbord på begge sider og har vindauge med utsyn mot fjell og grønt. Laminatgolv vart lagt i 2017, og veggane vart måla same år. Frå dette rommet er det tilgang til balkongen via dør. To soverom 1. etasje: Dei to andre soveromma i 1. etasje har laminatgolv lagt i 2017 og veggar måla same år. Begge romma har vindauge med utsyn mot fjell og natur. Romma gir plass til seng og skrivebord, og er godt eigna som barnerom eller gjesterom. Bad/vaskerom 1. etasje: Badet vart oppgradert i 2017 og har vegghengt toalett, dusjkabinett, servantskap med helstøypt servant og speilskap. Det er opplegg for vaskemaskin. Golvet har vinylbelegg med elektriske varmekabler. Veggane er kledd med baderomsplater med imitasjon av fliser. Taket har himlingsplater. Det er installert ein elektrisk styrt vifte for avtrekk. Hall med trapp (underetasje, hovuddel): Frå 1. etasje leier ei tretrapp ned til underetasjen i hovuddelen. Trappa har belegg på trinna, opne opptrinn og rekkverk med handløpar i tre. Hallen nedanfor har belegg på måla betongolv og gir tilgang til boder og til utleigdelen. Veggane vart måla i 2017. Utleigdel (underetasje): Utleigdelen har eigen inngang og er ein sjølvstendig del av bustaden. Stova og kjøkkenet ligg i open løysing etter at ein vegg vart fjerna, og rommet har laminatgolv lagt i 2019 og veggar måla same år. Det er vedovn i stova. Kjøkkenet har innreiing med glatte frontar, demping i skuffer og skapdører, benkeplate av laminat med steinimitasjon og nedfelt oppvaskkum i børsta stål. Integrert induksjonstopp og steikeomn, komfyrvakt og kjøkkenventilator med avtrekk ut. Frittstående oppvaskmaskin og kjøleskap følgjer med. Soverom utleigdel: Soverommet i utleigdelen har belegg på måla betongolv. Golv og veggar vart måla i 2019. Rommet har vindauge mot hagen. Bad utleigdel: Badet i utleigdelen har dusjkabinett skifta i 2007, gulvmontert toalett skifta i 2019 og enkelt servantskap med helstøypt servant skifta i 2019. Golvet har belegg og veggane er kledd med måla sponplater. Badet har eit oppgraderingsbehov. Vaskerom utleigdel: Vaskerommet i utleigdelen har vask og opplegg for vaskemaskin. Golvet er måla betong og veggane er måla betongveggar. Golv og veggar vart måla i 2019. Vaskerommet har eit oppgraderingsbehov. Hage og uteområde: Tomta er opparbeidd med plenareale mot sørvest, singla gangsti med steinheller og naturleg terreng med lyng og vill vekst. Under balkongen er det eit overbygg av tre som gir skjerma uteplass på bakkeplan, tilgjengeleg frå utleigdelen. Hagen gir god plass for utandørsaktivitetar med utsyn mot fjell og fjord. Overflater: Golv: Laminat i stove og rom i 1. etasje (stove lagt 2022, rom og gang lagt 2017). Vinylbelegg med elektriske varmekabler på bad/vaskerom i 1. etasje. Laminat i stove/kjøkken i utleigdelen (lagt 2019). Belegg på måla betongolv i gang, hall og soverom i underetasjen. Veggar: Malte, slette plater, dels strie/tapet og dels måla trepanel i 1. etasje. Måla trepanel, slette malte plater og plater med tapet i underetasjen. Baderomsplater med flisimitasjon på bad/vaskerom i 1. etasje. Måla sponplater på bad i utleigdelen. Måla betongveggar på vaskerom i utleigdelen. Himling: Himlingsplater i dei fleste rom. Måla trepanel på kjøkken i 1. etasje. Lagring: Tre boder i hovuddelen i underetasjen. Ein bod i utleigdelen i underetasjen. Frittstående garasje/redskapsbod på tomta med støypt golv, treveggar med ståande kledning og saltak tekka med takstein. Innvendig har garasjen platekledde veggar og skråtak. Omsetning av brukt eigedom Ein brukt eigedom vil som regel ikkje vere i same stand som om den var ny. Tekniske krav, type bustad, teknikk og skikkar endrar seg over tid. Bruksslitasje og ytre forhold kan gjere at tilstanden blir dårlegare etter kvart, sjølv om det ikkje er synleg. Kjøparar kan ha mindre forventningar til eldre bustader enn nye, og det kan vere skadar eller feil som ikkje er beskrive, men som seljar likevel ikkje kan haldast ansvarleg for. Normal bruksslitasje er ikkje ein mangel, og det er ikkje sikkert at det som opplevast som ein feil ved ein eigedom er ein mangel i rettsleg forstand. Det er difor viktig å setje seg grundig inn i tilstanden på den eigedomen ein vil kjøpe.

Hvitevarer

Det blir gjort merksam på at berre integrerte kvitevarer på kjøkkenet følgjer med ved overdraginga. Desse blir leverte utan nokon form for garanti, utover eventuell gjenværande leverandørgaranti.

Adkomst

Sjå kart i salsoppgåva for beskriving av tilkomst. Det vert skilta med EiendomsMegler 1-skilt ved fellesvising.

Byggemåte

Informasjonen er henta frå vedlagte tilstandsrapport, datert 07.05.2026. Bygning: Eigedommen er ein einebustad oppført i 1975. Bygningen er ein trekonstruksjon over to plan (1. etasje og underetasje) med grunnmur i lettklinkerblokker. Veggane har bindingsverkskonstruksjon frå byggeåret, og fasaden har liggjande og ståande bordkledning. Etasjeskiljet er av trebjelkelag, og bustaden har støypt golv mot grunn. Rom som ligg mot yttervegg under terreng er utført med golv av betong og veggane har synleg mur. Tak: Bustaden har saltak, og takkonstruksjonen består av W-takstolar i tre med lufta kaldtloft og tilkomst via trappeluke. Taktekkinga er av betongtakstein og har undertak av harde trefiberplater, der det ser ut til at det er montert asfaltpapp eller tilsvarande over platene. Taktekkinga på bustaden vart fornya i 2015. Skorstein over tak er tekka inn med beslag, og det er stigetrinn for feiar på taket. Takrenner og nedløpsrøyr er i lakkert aluminium eller stål, og vart montert nye i 2015 saman med luftehattar, pipehatt og takstige. Pipe/Eldstad: Bustaden har elementpipe og vedovn i kvar etasje. Eldstaden i hovuddelen vart skifta i 2017. Vindauge: Bygningen har måla trevindauge, dels med utvendig aluminiumsbeslag og dels med treramme, med 2-lags glas, samt PVC-vindauge med 2-lags glas. Vindauga i underetasjen vart skifta i 2019, og vindauga i 1. etasje vart skifta i 2022. Dører: Bygningen har PVC-balkongdører og hovudytterdører med isolert kjerne og truleg HDF (trefiberplate) som er lakkert. To balkongdører i PVC som høyrer til hovuddelen vart skifta i 2022. Inngangsdør til hovuddelen vart skifta ca. 2018, og inngangsdør til utleigedelen vart skifta i 2022. Innvendig har bustaden måla glatte finérdører. Trapper/tilkomst: Mellom 1. etasje og underetasje i hovuddelen er det ei ubehandla tretrapp med belegg på trinna, opne opptrinn samt rekkverk og handløpar i tre. Balkong/terrasse: Balkongen har eit areal på 27 m² og er oppført i trekonstruksjonar, der bjelkane er festa i opphavlege utkraga bjelkar frå det innvendige bjelkelaget. Bjelkane kviler på ein dragar i forkant, som igjen er understøtta av søyler plasserte på ringfundament i betong. Balkongen har dekke av royalimpregnerte terrassebord med riller, og rekkverket er utført i impregnerte materiale med ståande spiler. Balkongen er tekka med beslag mellom bjelkane, der beslag berre er montert på den delen som ikkje har takoverbygg. Balkongen vart utskifta og utvida i 2018. Terrassen består av dekke i MøreRoyal, med impregnert levegg og rekkverk. VVS-installasjonar: Innvendige vassleidningar er skifta ut til plast (røyr-i-røyr) over golv i hovuddelen, men det ligg ikkje føre eit komplett røyr-i-røyr-anlegg då vassrøyra ikkje er samla i eit vasskap. Det er attståande koparrøyr til vasskran i bod i underetasjen, og det er koparrøyr i utleigedelen. Avløpsrøyr er av plast. Hovudstoppekran er plassert i utleigedelen, og det er ein separat stoppekran for plastrøyra i hovuddelen. Ventilasjon: Bustaden har naturleg ventilasjon ved ventilar i ytterveggane. Bad/vaskerom i 1. etasje har ei elektrisk styrt vifte. Bad i utleigedel har berre naturleg ventilasjon. Begge kjøkken har kjøkkenventilator med avtrekk ut. Tekniske detaljar: Bustaden har elektriske varmekablar i golvet på bad/vaskerom i 1. etasje, og varmefolie i gang og kjøkken. Det er installert ei luft-til-luft varmepumpe frå 2022. Varmtvasstanken i hovuddelen har ein kapasitet på 187 liter og ein effekt på 1,95 kW, frå 2017. Varmtvasstanken i utleigedelen har eit volum på 187 liter og ein effekt på 1,95 kW, frå 2017. Det er montert eit Elotec Ajas brannvarslingssystem i 2020, med røykdetektorar og vasslekkasjesensorar med varsling til app. Det elektriske anlegget er i hovudsak frå byggeåret med stadvis oppgraderingar. Anlegget har synleg og skjult installasjon, og har normal standard i høve til alder. Sikringsskapet har automatsikringar. Garasje: Garasjen/reiskapsbua er oppført med støypt golv på grunn og grunnmur/sokkel av betong. Ytterveggane er utførte i trekonstruksjon med utvendig ståande trekledning. Bygningen har saltak tekka med takstein, samt takrenner og nedløp. Bygningen har platekledde vegger og skråtak innvendig. Det er enkle dører i tre i bygningen og vindauge i trekarm. Byggeåret er anteke å vere 1975 og det er noko liten plass for ein bil av dagens storleik. Alle bygningsdelar og installasjonar har avgrensa levetid. Konstruksjonane er bygd etter lov og forskrift som tek utgangspunkt i byggeåret og vil normalt ikkje tilfredsstille krava i dag. Med omsyn til den tekniske standarden på bygningane vert det vist til vedlagde tilstandsrapport fra takstmann Finn Sæle Barlund datert 07.05.2026, der enkelte bygningselementer har oppnådd tilstandsgrad 3 (TG3), tilstandsgrad 2 (TG2) og konstruksjonar som ikkje er undersøkt (TGIU). Interessentar vert oppmoda til å sette seg grundig inn i desse punkta samt eigenerklæringa som ligg ved salsoppgåva før det vert lagt inn bod på eigedomen. Meklar gjer elles merksam på kjøpar si undersøkingsplikt med heimel i avhendingslova. Nedanfor finn ein ei kort oppsummering av det den bygningssakyndige har beskrive av avvik ved bustaden som har fått tilstandsgrad 2 (TG 2) eller 3 (TG 3) OG TG IU (Ikkje undersøkt). TG3 med store eller alvorlege avvik: - Tekniske installasjoner - Vannledninger | Meir enn halvparten av forventa brukstid er passert på innvendige vassleidningar. Stoppekran er ikkje lokalisert eller tilgjengeleg. Det manglar tettemuffer i enden av varerøyr på røyr-i-røyr-system. Vassrøyr av kopar har oppnådd ein alder der det er auka risiko for tæringsbrott og vasslekkasjar. Det er vanskeleg å fastslå når slike skadar kan oppstå, då dette avheng av faktorar som materialkvalitet og vasskvalitet. Det vart ikkje registrert lekkasjar ved synfaringa, men det er risiko for at dette kan oppstå plutseleg. Hovudstoppekran er plassert i utleigedelen. Sidan det er to separate bueiningar, blir det stilt krav om éin stoppekran per bueining slik at vatnet kan stengast separat ved behov. Det er stoppekran for plastrøyra i hovuddelen, men koparrøyr i golv og til kran i bod vil ikkje bli stengt. Konsekvens/tiltak: Det må monterast tettemuffer i enden av varerøyra. Det bør etablerast separate stoppekranar for kvar bueining, samt sørgjast for at alle vassrøyr kan stengast ved behov. Tettemuffer må monterast i enden av varerøyr på røyr-i-røyr-systemet for å hindre lekkasjar i konstruksjonen. Vidare bør eldre koparrøyr vurderast skifta ut, då det er auka risiko for tæringsbrott og plutselege vasslekkasjar. Manglande tiltak kan føre til omfattande vasskadar og kostbare reparasjonar. Kostnadsestimat: 20 000 - 100 000 - Underetasje Vaskerom - utleiedel - Generell | Våtrommet må oppgraderast for å tole normal bruk etter dagens krav. Det er ikkje installert tettesjikt på verken golv eller vegger i dette rommet, og det oppfyller difor ikkje dagens krav til våtrom med omsyn til forventa bruk og fuktbelastning. For at rommet skal kunne definerast som eit våtrom, må det gjennomførast ei modernisering som inkluderer installasjon av tettesjikt på både golv og vegger i samsvar med gjeldande forskriftskrav. Konsekvens/tiltak: Våtrommet må totalrenoverast. Alle forhold med tettesjikt, våtsone, sluk m.m. må dokumenterast. Våtrommet bør totalrenoverast med etablering av forskriftsmessig tettesjikt på golv og vegger for å oppfylle dagens krav til fuktsikring. Manglande tettesjikt medfører auka risiko for fuktskadar i konstruksjonen, som kan føre til omfattande og kostbare reparasjonar. Kostnadsestimat: 100 000 - 200 000 - Underetasje Bad - utleiedel - Generell | Våtrommet må oppgraderast for å tole normal bruk etter dagens krav. Ueigna materiale i våtsona og manglande tettesjikt på vegg. Fuktsvellingar påvist i botn av sponplater på vegg. Vindauge plassert i våtsona ved dusj. Rommet har berre naturleg ventilasjon. Konsekvens/tiltak: Manglande oppgradering av våtrommet medfører høg risiko for at konstruksjonane ikkje vil tole vanleg bruk av vatn eller lekkasjar. Sjølv om det er dusjkabinett, er det framleis ein betydeleg risiko for at våtrommets konstruksjonar ikkje toler lekkasjar. Dette kan føre til fuktskadar på tilstøytande konstruksjonar. Våtrommet bør totalrenoverast, inkludert utskifting av ueigna materiale i våtsona, etablering av godkjent tettesjikt på vegg, og vurdering av vindaugets plassering i våtsona. Det bør også etablerast tilfredsstillande ventilasjon. Konsekvensen av manglande tiltak er auka risiko for fuktskadar, rote og mugg i konstruksjonen, samt redusert levetid og funksjon på våtrommet. Kostnadsestimat: 200 000 - 500 000 TG2 med avvik som kan krevje tiltak: - Utvendig > Taktekking: Det er påvist mose på taktekkinga. - Utvendig > Veggkonstruksjon: Ingen musesperre, enkelte kledningsbord med slitasje/skadar, dårleg lufting og bobler i målinga. - Utvendig > Takkonstruksjon/Loft: Det er påvist fuktskjold/skadar og vepsebol i takkonstruksjonen. - Utvendig > Balkonger, terrasser og rom under balkonger: Balkongen framstår som underdimensjonert. - Innvendig > Overflater: Det er registrert mindre sår, hol og skadar, samt rom som ikkje er ferdigstilte. - Innvendig > Etasjeskille/gulv mot grunn: Det er målt høgdeforskjell på mellom 15-30 mm gjennom heile rommet. - Innvendig > Pipe og ildsted: Pipa er frå byggeår og har riss. - Innvendig > Rom Under Terreng: Det er påvist indikasjonar på noko fuktgjennomtrenging i kjellermur. - Innvendig > Innvendige dører: Det er påvist avvik som tilseier at det bør gjerast tiltak på enkelte dører. - Tekniske installasjoner > Avløpsrør: Meir enn halvparten av forventa brukstid er passert på innvendige avløpsleidningar. - Tomteforhold > Fuktsikring og drenering: Det manglar utvendig fuktsikring på delar av grunnmuren, og det er påvist symptom innvendig. - Tomteforhold > Grunnmur og fundamenter: Grunnmuren har sprekkdanningar. - Tomteforhold > Terrengforhold: Det er påvist dårleg fall eller flatt terreng inn mot grunnmur. - Tomteforhold > Utvendige vann- og avløpsledninger: Meir enn halvparten av forventa brukstid er passert på utvendige leidningar. - 1.Etasje Bad/vaskerom > Overflater vegger og himling: Vindauge med ikkje fuktbestandige materiale i våtsona. - 1.Etasje Bad/vaskerom > Overflater Gulv: Det er påvist avvik i krav til høgdeforskjell/fall-løysing på våtrommet. - 1.Etasje Bad/vaskerom > Sanitærutstyr og innredning: Ikkje tilfredsstillande løysing for å synleggjere lekkasje frå innebygd sisterne. - Underetasje Vaskerom - utleiedel > Tilliggende konstruksjoner våtrom: Hulltaking er ikkje utført då det allereie er påvist andre avvik. TGIU - Konstruksjonar som ikkje er undersøkte: - Tomteforhold > Oljetank: Ingen kjende nedgravne oljetankar på eigedomen. Helse, miljø og sikkerhet: - Rekkverket på balkong eller terrasse er for lågt i forhold til dagens krav. - Opningar i rekkverk på utvendige trapper er ikkje i samsvar med krav i dagens forskrifter. - Opningar i rekkverk og mellom trinn i innvendig trapp er større enn dagens forskriftskrav. Det manglar handløpar på vegg, og det er observert skeive trinn. - Det er ikkje utført radonmålingar, og bygget er heller ikkje utført med radonsperre. - Det er teikn på avvik i branncelleinndeling ut frå dagens byggtekniske forskrift. Det er ikkje utført branntetting mellom bueiningane etter dagens forskrift. Oppsummeringa over er ikkje uttømmande, og du vert oppmoda til å lese og setje deg grundig inn i alt salsmateriell. For ordens skuld nemner vi at TGIU står for «tilstandsgrad ikkje undersøkt», til dømes fordi ein del av bygget ikkje har vore tilgjengeleg for inspeksjon. Desse delane kan dermed ha feil eller manglar som ikkje er avdekte.

Eiendomstype

Enebolig

Oppvarming

Elektrisitet, varmepumpe og vedomnar. Det er montert ei luft-til-luft-varmepumpe som vart produsert i 2022. I hovuddelen vart det i 2017 lagt elektrisk varmefolie i gang, kjøkken og bad, og det er elektriske varmekablar i golv på bad/vaskerom i første etasje. For utleigedelen vart det montert nye termostatar for styring av varme i 2019. Det er elementpipe og vedomn i kvar etasje, og eldstaden i hovuddelen vart skifta i 2017. Dersom rom ikkje har vegg- eller fastmonterte varmekjelder ved vising, følgjer dette heller ikkje med. Tilstandsrapporten beskriv den tekniske tilstanden til byggverket. Det ikkje utført kontroll av dei elektriske installasjonane (el-takst) sjølv om bygningssakkunnig kan ha knytt kommentarar til el-anlegget ut frå heilt enkle vurderingskriterium. Sidan el-anlegget ikkje er kontrollert, er ikkje usannsynleg at det seinare kan bli avdekt avvik frå dagens forskriftskrav og oppstå funksjonssvikt. Vidare må kjøpar vere førebudd på at det kan måtte gjerast oppgraderingar på grunn av slitasje, manglande vedlikehald, arbeid som er utført av ufaglærte, alder eller tekniske loyasingar som ikkje held dagens standard. I Noreg er det ei av oppgåvene til «Det lokale eltilsynet» (DLE) å utføre tilsyn med elektriske anlegg i bustader og fritidsbustader. Alle bustader skal ha periodisk kontroll kvart 20. år, og hytter/fritidsbustader blir kontrollerte kvart 30. år. El-anlegget er ein bygningsdel som er gjenstand for konstant utvikling. Ein må difor rekne med at dagens anlegg ikkje nødvendigvis er dimensjonert for oppgradering av kjøkken med nye elektriske apparat eller rehabilitering av bad med varmekablar, samt installeringar for elbilladar.

Strømforbruk

Meklar gjer merksam på at desse utgiftene er knytt til dagens eigar og at desse vil kunne endre seg med omsyn til anna bruk av bustaden enn i dag eller andre avtalar med leverandørar.

Vei, vann og avløp

Eigedomen er tilknytt offentleg veg, vatn og avlaup. Alle eigedomar som er tilknytt offentleg vatn og avlaup har private stikkleidningar, som blir vedlikehaldne for eigar si eiga rekning. For nærare opplysningar om dei private stikkleidningane blir det vist til kommunen.

Meglers plikt til å stanse gjennomføring av en handel

Eigedomsmeklarar er underlagd lov om kvitvasking og pliktar å rapportere til Økokrim om mistenkelege transaksjonar. Lov om kvitvasking har og strenge reglar om kontroll av legitimasjon frå alle partar i handelen, med dette, seljar, kjøpar og fullmektigar for desse.

Budgivning

Alle bod skal gjevast skriftleg og legitimert til meklar, som formidlar desse vidare til seljar. Dette gjer ein enkelt elektronisk ved å klikke på "gi bud" knappen på finn.no eller via eiendomsmegler1.no eller på bodskjema vedlagt salsoppgåva. Meklar skal så snart som muleg stadfeste skriftleg ovanfor bodgjevar at bod er motteke og formidle det vidare til seljar.  Bod må  ikkje ha kortare akseptfrist enn kl. 12.00 første virkedag etter siste annonserte vising. Bod med kortare frist enn dette kan ikkje formidlast av meklar.  Meklar pliktar å leggje til rette for ei forsvarleg avvikling av bodrunden. For at boda skal kunne bli handsama bør dei ikkje ha ein kortare akseptfrist enn 30 minutt frå bodet er gjeve. Bod som vert gjeve etter normal arbeidstid vert handsama/formidla påfølgjande arbeidsdag.  Meklar tek ikkje ansvar for forseinkingar på el- eller telenettet. Under bodrunden kan akseptfristen kortast ned ved mottaking av nye bod. Akseptfristen frå kjøpar er absolutt. Det betyr at dersom seljar vel å akseptere bodet, må kjøpar meddelast aksepten innan akseptfristen går ut. Dersom du utset å gje inn bod til tett opp mot akseptfristen er det ei reell fare for at eigedomen kan bli seld før bodet ditt kjem fram til meklar. Ein syner elles til "Forbrukarinformasjon om bodgjeving", som også er ein del av salsoppgåva. Kjøpar er utanlandsk statsborgar Dersom ein kjøpar er utanlandsk statsborgar krevjast det at ein har D-nummer til erstatning for norsk personnummer. Meklar rekvirerer dette samstundes som skøyte vert sendt inn til tinglysing hjå Kartverket. Skøytet vert så liggande hjå Kartverket fram til kjøpar har fått D-nummer av  skatteetaten. Deretter vert skøytet tinglyst. Denne prosessen vil ofte medføre at oppgjer og  utbetaling til seljar vert forseinka med nokre veker. Kjøpar må i desse tilfella enten ta atterhald i  b od om forseinka utbetaling til seljar, eller vere budd på å dekke forseinkingsrenter. Kontakt  ansvarleg meklar for informasjon før bodgjeving.

Overtakelse

Overtaking etter avtale. Legg inn ønskje om overtakingsdato ved bodgjeving. Mellom aksept av bod og tidspunktet for overtaking er det ikkje høve til å synfare eigedomen. Vi tilrår difor interessentar til å naudsynte mål og liknande på visinga.

Boligselgerforsikring

Seljar har teikna bustadseljarforsikring som er framforhandla av Söderberg & Partners AS. Forsikringa dekkjer seljar sitt ansvar etter avhendingslova, med dei avgrensingane som følgjer av forsikringsvilkåra og er avgrensa til salssummen til eigedomen, men oppad avgrensa til kr. 14 000 000,-. Seljar har i den samanhengen utarbeidd ei eigenerklæring om eigedomen. Eigenerklæringa ligg vedlagt salsoppgåva og interessentar vert oppmoda til å gjere seg kjend med denne før bodgiving/kjøp. Bustadseljarforsikringa sørgjer for at kjøpar kan forholde seg til ein profesjonell og søkegod motpart som handterer eventuelle reklamasjonar fagleg og ryddig. Dersom kjøpar ikkje har teikna bustadkjøparforsikring kan hen reklamere direkte til Claims Link (tlf 67 83 51 30 eller post@claimslink.no), som representerer bustadseljarforsikringa til seljar. Av vilkåra går det fram unntak i forsikringsdekninga, til dømes ved nye forhold som oppstår mellom aksept og overtaking. Garantiar/lovnader der seljar har påteke seg ansvar for eigenskapar ved eigedomen eller dokumentasjon av slike, vert ikkje dekt. I nokre tilfelle er det heller ikkje dekning der seljar har opptrådt forsettleg eller grovt aktlaust. Forsikringa omfattar heller ikkje ein redusert bustadverdi som skuldast skadedyr/insekt, til dømes skjeggkre/perlekre/sølvkre, veggdyr, pelsbiller, maur, borebiller og tilsvarande. I samsvar med lov og rettspraksis må det reklamerast "innan rimeleg tid". Det vert tilrådd å reklamere umiddelbart/snarast mogleg og seinast innan 2 månader frå forholdet vart/burde vorte oppdaga. Dersom kjøpar utbetrar mangelskrav på eiga hand, kan dette medføre at reklamasjonsretten vert tapt.

Boligkjøperforsikring

Vedlagt i salsoppgåva følgjer informasjon om Bustadkjøparforsikring Pluss og Bustadkjøparforsikring frå HELP Forsikring AS. Bustadkjøparforsikring er ei rettshjelpsforsikring som gir tryggleik og profesjonell juridisk hjelp dersom det blir oppdaga uventa feil eller manglar ved bustaden dei neste fem åra. Bustadkjøparforsikring Pluss har same dekning som bustadkjøparforsikring + fullverdig advokathjelp på viktige rettsområde i privatlivet. Les meir om begge forsikringane i vedlagde materiell eller på help.no. Det blir gjort merksam på at meklarføretaket mottar kr 1 900 / 2 600 / 2 600,- (avhengig av bustadtype) i kostnadsgodtgjersle for kvar forsikringsavtale som blir formidla på Bustadkjøparforsikring Pluss og kr 2 900 ,- / 3 600,- / 3 600,- i kostnadsgodtgjersle for Bustadkjøparforsikring.

Avgiftsbeskrivelse

Dette inkluderer renovasjon, vatn- og avlaupsavgifter, eigedomsskatt og feiing. Den totale årlege kostnaden vil variere etter eige forbruk. Kommunale gebyr er ein kombinasjon av forskot, abonnement og enkeltgebyr fakturert etter levert teneste. Kommunen kjenner ikkje samla gebyr for ein eigedom for eit år før året er omme.

Moderniseringer og påkostninger

Følgjande moderniseringar er utførte dei seinare åra: 2024: - Drenering og fuktsikring på halvparten av bustaden under bakkenivå, med utskifting av massar og legging av knotteplast og Styrodur, utført av Fure Minigravemaskin. 2022: - Måling av fasadar/ytterkledning. - Skifting av vindauge i 1. etasje. - Skifting av to balkongdører i PVC tilhøyrande hovuddelen, utført av Trebo-Hus. - Skifting av inngangsdør til utleigedelen, utført av K-A Bygg. - Nytt golv i stove i hovuddelen. - Installasjon av luft-til-luft varmepumpe. 2020: - Montering av overspenningsvern og smartstyring (Plejd) i det elektriske anlegget i hovuddelen. - Montering av spotter på terrasse, redskapsbod og inngangsparti. - Montering av brannvarslingssystem med røykdetektorar og vannlekkasjesensorar. 2019: - Skifting av vindauge i underetasjen. - Nytt kjøkken i utleigedelen. - Innvendig måling av alle golv og veggar i utleigedelen, samt legging av laminat i stove og kjøkken. - Skifting av toalett, servant og spegel i bad i utleigedelen. - Oppgradering av det elektriske anlegget i utleigedelen med jordfeilautomatar, nye stikkontaktar på kjøkken, nye termostatar og lamper. 2018: - Skifting av inngangsdør til hovuddelen, utført av Tømraren Myklebust. - Skifting av vindauge i utleigedelen (utanom soverom). - Utskifting og utviding av balkong. - Oppgradering av bad med nytt toalett, spegel og servant, samt måling av alle flater, utført av Ronny Husevåg. - Utviding av terrasse 2017: - Modernisering av badet i 1. etasje, med arbeid utført av Firda Elektro, Re Bygg og Ronny Husevåg Rørservice. - Modernisering av kjøkkenet i 1. etasje, med innreiing frå IKEA. - Nye golv (laminat) på tre soverom, kjøkken og gang, samt belegg på bad i hovuddelen. - Måling av alle veggar i hovuddelen. - Skifting av eldstad i hovuddelen. - Skifting av varmtvatnstankar i både hovuddel og utleigedel, samt installasjon av nytt rør-i-rør-system til hovudetasjen. (ikkje fullstendig) - Montering av varmefolie i gang, kjøkken og bad, samt nye lamper. - Fjerning av oljetank i kjellertrapp. 2015: - Fornying av taktekking på bustaden, samt taktekking, takrenner og nedløpsrør på uteboden. - Montering av nye takrenner, nedløp, luftehattar, pipehatt og takstige. 2014: - Oppgradering av det elektriske anlegget i hovuddelen med jordfeilautomatar og overbelastningsvern.

Betalingsbetingelser

Kjøpesum og alle kostnader skal vere innbetalt til meklar sin klientkonto før overtaking. Det føresetjast at skøyte blir tinglyst på ny eigar. Dersom kjøpar ikkje ønskjer heimelsoverføring av eigedommen til seg, må det takast atterhald om dette i bodet.

Fasiliteter

Adgang til utleie

Bustad med to bueiningar som fritt kan leigast ut. Delar av bustaden kan òg leigast ut, føresett at dette er ein del av den godkjende hovuddelen til bustaden med rom godkjende for varig opphald, og at den utleigde delen ikkje er fråskild som ei sjølvstendig bueining.

Radon

Alle bustader/leilegheiter som blir leigde ut og som ligg i 3. etasje eller lågare, er pålagde radonmåling. Eigar har ikkje gjennomført målinga av bustaden. Sjå www.dsa.no for info. Radonmåling må gjennomførast over ein periode på minst 2 månader i tidsrommet 15.10. - 15.04 kvart år. Kjøpar overtek ansvaret/risikoen for for høgt radonnivå (tiltaksgrense er p.t 100 Bq/m³) frå overtakinga, samt for ev. utbetringstiltak som må setjast i verk. Kjøpar er gjord kjend med at for høge verdiar kan vere oppseiingsgrunn for leigetakar. Eigedomen ligg ifølgje NGU i eit område med moderat til låg førekomst av radongass. Bygget er ikkje utført med radonsperre.

Sentrale lover

Eigedomen vert seld etter reglane i avhendingslova. Salsoppgåva er basert på dei opplysningane seljar har gitt til bygningsakkyndig og meklar, samt opplysningar innhenta frå kommunen, Statens kartverk og andre tilgjengelege kjelder. Eigedomen skal overleverast til kjøpar i tråd med det som er avtalt. Det er viktig at kjøpar set seg grundig inn i alle salsdokumenta, med dette salsoppgåve, tilstandsrapport og seljar si egenerklæring. Kjøpar vert sett på som kjent med forhold som er tydeleg beskrive i salsdokumenta. Forhold som er beskrive i salsdokumenta kan ikkje påberopast som manglar. Dette gjeld uavhengig av om kjøpar har lest dokumenta. Alle interessentar vert oppmoda til å undersøkje eigedomen nøye, gjerne saman med fagkyndig før bod vert gjeve. Kjøpar som vel å kjøpe usett kan ikkje gjere gjeldande som mangel noko han burde blitt kjent med ved undersøkinga. Dersom det er behov for avklaringar, anbefalar vi at kjøpar rådfører seg med eigedomsmeklar eller ein bygningsakyndig før det vert lagt inn bod.   Dersom kjøpar ikkje er forbrukar seljast eigedomen «som den er», og seljar sitt ansvar er då avgrensa jf.§ 3-9 1. ledd 2. pkt. Informasjon om kjøpar si undersøkingsplikt, med dette oppmoding om å undersøkje eigedomen nøye, gjeld og for kjøparar som ikkje vert vurdert som forbrukarar.  På grunn av ulike avtalevilkår kan seljar vurdere bod frå ein som ikkje er forbrukar, ulikt frå ein forbrukar sitt bod. Dersom kjøpar ikkje er forbrukar, er seljar sitt mulege mangelsansvar avgrensa fordi eigedomen vert seld "som den er".  Seljar kan ikkje ta «som den er» atterhald ovanfor ein forbrukarkjøpar. Sjølv eit lågare bod frå ein som ikkje er forbrukar kan foretrekkast fordi avgrensinga i muleg mangelsansvar kan ha eigenverdi for seljar. Seljar står fritt til å forkaste eller akseptere eitkvart bod, og pliktar til dømes ikkje å akseptere høgste bod.  Bodgjevarar får informasjon dersom andre bod er gjeve av ein som ikkje er forbrukar.  Forbrukarkjøp - definisjon: Med forbrukarkjøp meinast kjøp av eigedom når kjøparen er ein fysisk person som ikkje hovudsakleg handlar som ledd i næringsverksemd. Forbrukar - avtalevilkår: Eigedomen har ein mangel dersom den ikkje er i samsvar med krava som følgjer av avtalen, eller det ligg føre brot på bestemmingane i avhendingslova §§ 3-2 til 3-8. Dersom eigedomen ikkje er i samsvar med det kjøparen må kunne vente ut frå alder, type og synleg tilstand, kan det vere grunnlag for mangelskrav. Det same gjeld dersom det er halde tilbake eller gitt urette opplysningar om eigedomen. Dette gjeld likevel berre dersom ein kan gå ut frå at det virka inn på avtalen at opplysningen ikkje vart gitt eller at feil urette opplysningar ikke blir retta i tide på ein tydeleg måte. Ein bustad som har blitt brukt i ei viss tid, har vanlegvis blitt utsett for slitasje og skadar kan ha oppstått. Slik bruksslitasje må kjøpar rekne med, og det kan avdekkast enkelte forhold etter overtakinga som gjer det naudsynt med utbetringa utbedringar. Normal slitasje og skadar som gjer det naudsynt med utbetring, er innanfor kva kjøpar må vente og vil ikkje utgjere ein mangel. Bustaden kan ha ein mangel etter avhendingslova § 3-3 dersom det er avvik mellom opplyst og faktisk innvendig areal, forutsett at avviket er på 2 % eller meir og minimum 1 kvm. Ved berekning av eit eventuelt prisavslag eller erstatning må kjøpar sjølv dekke tap/kostnader opptil eit beløp på kr 10 000 (eigendel). Ikkje - forbrukar (næringsdrivande) – definisjon: Dersom kjøpar er ein juridisk person, eller ein fysisk person som hovudsakeleg handlar som ledd i næringsverksemnd, vil kjøpet ikkje bli sett på som eit forbrukarkjøp.  Ikkje - forbrukar – avtalevilkår: Eigedomen har ein mangel dersom den ikkje er i samsvar med krava som følgjer av avtalen. Eigedomen vert seld «som den er», og seljar sitt ansvar utover det konkret avtalte er då avgrensa etter avhendingslova § 3-9, første ledd andre setning.  Avhendingslova § 3-3 andre ledd vert fråviken, og korvidt arealsvikt i bustaden utgjer ein mangel vert vurdert etter avhendingslova § 3-8.  Ein føresetnad for salet er at skøyet for eigedomen vert tinglyst på kjøpar. Interessentar og kjøpar må godta at seljar og meklar brukar elektronisk kommunikasjon i salsprosessen. I trå med eigedomsmeklingsforskrifta vil informasjon om oppdragsgivar, salsobjektet, interessentar og kjøpar bli lagra av meklarføretaket i min. 10 år. Sjå em1.no for meir informasjon om handsaminga vår av personopplysningar.

Personopplysningsloven

Vi gjer interessentar og kjøparar merksame på at vi vil handsame, etter personopplysingslova, personopplysningane dine i den utstrekning dette er naudsynt for å oppfylle våre lovpålagte plikter, med dette for å kunne gjere kundekontroll etter kvitvaskingslova samt for å utføre oppgåver som vi er pålagt etter eigedomsmeklingslova.

Kommunalinfo

• Kommunale avgifter: kr 29 430
• Eiendomsskatt: kr 8 344
• Informasjon om eiendomsskatt: For bustadeigedomar og fritidseigedomar er eigedomsskatten 3,1 promille(sjekk din kommune). For alle bustadeigedomar og fritidseigedomar utgjer eigedomsskattegrunnlaget 70 prosent av skattetaksten for slike eigedomar, jf. eigedomsskattelova § 8 A-2. Eigedomsskatten 7 promille(sjekk din kommune) for næringseigedom, energianlegg (kraftanlegg og kraftnettet), naust, tomter (bustad, fritid, næring og naust) og særskilde skattegrunnlag (jf. overgangsregel i eigedomsskattelova).