Bøavegen 37D

Leilegheita har ei fin og usjenert plassering i Bøabakkane, i eit veletablert og roleg bustadområde like ovanfor Stryn sentrum. Frå eigedomen og den romslege terrassen er det ope og fint utsyn over sentrum, dei bratte fjellsidene rundt dalen og ut mot fjorden. Bustaden ligg i eit sørvendt og skrått terreng der ein bur skjerma og tilbaketrekt, samstundes som du har ein kort spasertur ned til alle tilboda i sentrumskjernen. Plasseringa gjer kvardagslogistikken svært enkel for både store og små. Både Tonning skule, Stryn ungdomsskule og den vidaregåande skulen ligg i gangavstand frå bustaden. Det same gjer gode barnehagetilbod som Tonning barnehage og Stryn bedriftsbarnehage. For daglege ærend og innkjøp er det ein kort gåtur til AMFI Stryn, apotek og daglegvarebutikkar med gode opningstider. I sentrumsgatene finn ein i tillegg eit variert utval av lokale kafear, spisestader og ulike servicetilbod. For den tur- og friluftsglade byr Stryn og Nordfjord på rike moglegheiter gjennom heile året. Like i bakkant av bustadområdet går vegen opp mot Bøasætra, som er eit ynda utgangspunkt for både ettermiddagsturar og lengre fjellturar. Vinterstid kjem du deg til Stryn Vinterski med ein kort køyretur, der du finn alpinanlegg og eit stort oppkøyrt turløypenett for langrenn innover mot Markane og Ullsheim. Nede i sentrum finn du Stryn kulturhus, symjehall og idrettsfasilitetar for fotball og ballspel.

Eigedomen er omfatta av reguleringsplan Bøabakkane, endring, vedteken 07.07.2009, med formål bustadbebyggelse, konsentrerte småhus (felt B4). Tomtearealet er fordelt på tre delareal med same formål: 1 882 m² i felt B4, 29 m² i felt B2 og 28 m² i felt B3. I føresegnene til reguleringsplanen (§ 7) kjem det fram at FT2 er felles trafikkområde for felt B4 og B5 samt gnr. 59 bnr. 28 og gnr. 59 bnr. 63, og det skal ikkje parkerast utanom oppmerka plassar. Leikeområdet for felt B1, B4 og B5 er del av felleseige, og FG1 er felles gangveg innanfor reguleringsområdet. Eigedomen omfattast av Kommunedelplan for Langeset-Stryn-Storesunde (plan-ID 2015KP01), sett i kraft 16.05.2017. Arealbruken er i planen avsett til bustadbebyggelse, noverande (områdenamn B146 Konsentrert) med eit delareal på 1 942 m². Det kjem fram av planføresegnene at tidlegare godkjende reguleringsplanar framleis skal gjelde så langt dei ikkje er i strid med kommunedelplanen. Kopi av situasjonskart, eigedomsrapport, reguleringsplanar med tilhøyrande føresegner m.m. ligg vedlagt i salsoppgåva eller kan fåast ved å vende seg til meklar. Interessentar vert oppmoda om å setje seg inn i desse dokumenta.

Regnskap / Budsjett:
Sameiget sitt årsrekneskap for 2025 viser inntekter frå felleskostnader på kr 144 000,- og totale driftskostnader på kr 84 914,-, noko som gav eit årsresultat (overskot) på kr 59 086,- (mot eit underskot på kr 31 275,- i 2024). Pr. 31.12.2025 hadde sameiget kr 163 503,- i bankinnskot, kr 2 600,- i påløpt kortsiktig gjeld og ein eigenkapital på kr 160 903,-. Sameiget har inga registrert fellesgjeld. For 2026 er vedlikehald av bygg budsjettert til kr 50 000,-. På årsmøtet 14.04.2026 vart det også lagt fram eit førebels treårsbudsjett med planlagd auke av felleskostnader over tre år med formål om å spare opp kapital til framtidig måling av heile bygget. Kjøpar pliktar å gjere seg kjend med sameiget sitt rekneskap og budsjett. Kopi av desse ligg hjå meklar.

Vedtekter / Husordensregler:
Eigar forpliktar seg til å gjere seg kjend med vedtekter og eventuelle husordensreglar. Kopi av desse ligg vedlagt i salsoppgåva.

Dyrehold:
Husdyrhald er tillate i sameiget. Det er opplyst i meklaropplysningane at det førebels ikkje har vore halde dyr i sameiget.

Beboernes forpliktelser:
Sameiget avheld felles dugnad. Fellesrom og fellesanlegg skal handsamast med varsemd, og skadar som sameigaren eller husstanden er skuld i må erstattast eller utbetrast utan opphald.

Styregodkjennelse:
Det vert ikkje praktisert styregodkjenning i dette sameiget. Ved sal skal seljar likevel sørgje for at ny eigar vert gjort kjend med og godtek gjeldande vedtekter og husordensreglar, og styret skal orienterast om eigarskiftet.

Felleskostnadene utgjer kr 2 500,- pr. månad og inkluderer husforsikring, trappevask, søppelhandtering, felles straum, snørydding og utvendig vedlikehald av bygg. Internett og TV er ikkje inkludert i felleskostnadene. Det er lagt til rette for elbillading i sameiget.

Denne bustaden disponerer 1 parkeringsplass etter vedtektene i sameiget. Parkeringsplassen er i samsvar med seksjoneringsbegjæringa ikkje registrert som ein tilleggsdel til denne bustadseksjonen. Ein slik vedtektsfesta rett er etter eierseksjonslova tidsavgrensa og kan falle vekk eller bli endra av sameiget. Kontakt meklar for meir informasjon. Parkeringa er i garasje i rekkje med elektrisk styrt leddport. Det er i tillegg éin gjesteparkeringsplass. Det er høve til elbillading i sameiget. Meklar gjer merksamt på at det etter plan- og bygningslova kan vere vedtak i sameiger om å opparbeide tilrettelagte parkeringsplassar for personar med nedsett funksjonsevne. Det er då krav til at sameiget sikrar at parkeringsplassane skal vere tilgjengelege for dei som har behov for dei. Dette betyr at ein seksjonseigar med nedsett funksjonsevne kan krevje å få byte plass med ein seksjonseigar utan behov for ein tilrettelagt plass. Tilgjengelegheita skal sikrast gjennom bytteordning el. Det er dog krav om at seksjonseigaren med nedsett funksjonsevne allereie disponerer ein parkeringsplass i sameiget. Retten til å bruke ein tilrettelagt plass varer så lenge eit dokumentert behov er til stades og retten gjeld uavhengig av om parkeringsplassen er fellesareal eller tilhøyrer ein enkelt seksjon. Det er difor ein risiko for at ein kjøpt parkeringsplass, uavhengig av organisering, lovleg kan tildelast ein anna seksjonseigar med nedsett funksjonsevne.

Tomteareal er 1 942 m² på eiet tomt.

Sameiget har ei felles eigd tomt på 1 941,5 m². Tomta ligg i eit bratt, sørvendt terreng. Tomta er opparbeidd med asfaltert trafikk- og parkeringsareal framfor garasjane, felles oppgrusa veg til baksida av bygningen, støttemurar og noko plen og naturtomt. Fellesområdet inkluderer mellom anna gardsplassen utanfor garasjane, parkeringsplass og kompostbinge på austsida av bygningen. Informasjon frå nve.no: Eiegedommen ligg i område kartlagt som utløysingsområde for kvikkleire, men er betegna som område utan fare. Faregrad Ingen Konsekvens Ingen Risiko Risikoklasse 0 Vurderingsnivå Ikke fare for områdeskred Eigedommen ligg i område for jord- og flomskred iht kart frå nve.no

Leilegheit inneheld: Gang, to soverom, bad, vaskerom, stove, kjøkken og bod. Terrasse på 37 m². I tillegg disponerer leilegheita ei isolert utebod på 4,7 m² ved terrassen, samt ei bod på 10 m² og ein garasjeplass på 26 m². Dei oppgitte romma er definerte av bygningssakkyndig i samsvar med vedlagd rapport, basert på dagens faktiske bruk, uavhengig av kva som er godkjent av bygningsstyresmaktene.

Leilegheita ligg i 3. etasje i eit terrassehus oppført i 2002 og har ei open planløysing med direkte utgang til ein stor sørvendt terrasse. Bustaden held ein gjennomgåande god standard med 3-stavs eikeparkett i stove og kjøkken, luft-til-luft varmepumpe montert i 2010 og Sigdal kjøkkeninnredning med integrert barløysing. Planløysinga omfattar romsleg stove og kjøkken i open løysing, to soverom, separat bad, eige vaskerom, gang og innvendig bod. Gang: Entréen tek imot med laminat på golvet, målingsstrie på veggane og folierte takess-plater i himlinga. Rommet er utstyrt med ein romsleg skyvedørsgarderobe med speilfrontar, uttak for sentralstøvsugar, røykvarslar og kvit brann- og lydisolert ytterdør mot felles trapperom. Stove: Stova har 3-stavs eikeparkett på golvet og store vindaugsflater med 2-lags glas, utvendige sprosser og innvendig solskjerming. Rommet har god plass til både sofagruppe og spisebord, og er utstyrt med luft-til-luft varmepumpe og innfelte downlights i himlinga. Frå stova er det open samband mot kjøkkenet og direkte utgang til den sørvendte terrassen. Kjøkken: Kjøkkenet er innreidd med Sigdal kjøkkeninnredning frå byggeåret med lakkerte profilerte heltrefrontar, laminat benkeplate og veggfliser over benken. Ei barløysing med granitt benkeplate frå 2010 dannar eit naturleg skilje mot stova. Kjøkkenet har opplegg for oppvaskmaskin, mekanisk avtrekk med ventilator over steikesona, downlights i himlinga og 3-stavs eikeparkett på golvet. Terrasse: Den sørvendte terrassen har direkte utgang via terrassedører frå både stova og hovudsoverommet. Rekkverket er utført i betong med integrerte blomsterkassar samt delvis levegg i tre. Uteplassen er utstyrt med to elektrisk styrte solmarkiser, fastmontert stråleomn, utelys, utvendig vasskran med slangetrommel og direkte tilkomst til ei isolert utebod. Bad: Badet har flislagt golv med elektriske varmekablar og flislagde veggar. Rommet er innreidd med kvit baderomsinnredning med nedfelt vask, speil og overskap, golvmontert klosett samt dusjhjørne med ledda hengsla glasdører. Ventilasjonen er ivareteke med mekanisk avtrekksventil i himlinga. Vaskerom: Vaskerommet er utført med vinylbelegg på golv med sluk, våtromsbelegg på veggane og folierte takess-plater i himlinga. Rommet er utstyrt med stålvask, veggmontert blandebatteri, opplegg for vaskemaskin og fastmonterte hyller. Her er også ein 198 liters varmtvatnstank, fordelarskap for røyr-i-røyr-system og mekanisk avtrekksventil. Hovudsoverom: Hovudsoverommet har direkte utgang til terrassen via terrassedør. Rommet har laminat på golvet, målingsstrie på veggane og 2-lags vindauge i trekarm med utvendige sprosser og innvendig solskjerming. Her er det god plass til dobbeltseng og nattbord. Soverom 2: Det andre soverommet vender mot baksida og har laminat på golvet, målingsstrie på veggane og folierte takess-plater i himlinga. Rommet er innreidd med skyvedørsgarderobe og har 2-lags vindauge i trekarm med innvendig solskjerming. Overflater: Golv: 3-stavs eikeparkett i stove og kjøkken, golvbelegg på innvendig bod, fliser på bad, vinylbelegg på vaskerom, for øvrig laminat. Veggar: I hovudsak målingsstrie, fliser på bad, våtromsbelegg på vaskerom, måla veggplater på innvendig bod. Himling: Folierte takess-plater i alle rom, downlights i stove og kjøkken. Lagring: Skyvedørsgarderobe i gang og på det eine soverommet. Innvendig bod i leilegheita med golvbelegg, måla veggplater og fastmonterte hyller. Tilbygd isolert utebod ved terrassen på ca. 5 m² med flislagt betonggolv, innlagt straum og lys, fastmonterte hyller samt motor og uttak for sentralstøvsugar. Ekstern utebod i rekkje i 1. etasje på ca. 10 m² med betonggolv og innlagt straum og lys. Tilhøyrande biloppstillingsplass i felles garasjerekkje med elektrisk leddport. Omsetning av brukt eigedom Ein brukt eigedom vil som regel ikkje vere i same stand som om den var ny. Tekniske krav, type bustad, teknikk og skikkar endrar seg over tid. Bruksslitasje og ytre forhold kan gjere at tilstanden blir dårlegare etter kvart, sjølv om det ikkje er synleg. Kjøparar kan ha mindre forventningar til eldre bustader enn nye, og det kan vere skadar eller feil som ikkje er beskrive, men som seljar likevel ikkje kan haldast ansvarleg for. Normal bruksslitasje er ikkje ein mangel, og det er ikkje sikkert at det som opplevast som ein feil ved ein eigedom er ein mangel i rettsleg forstand. Det er difor viktig å setje seg grundig inn i tilstanden på den eigedomen ein vil kjøpe.

Det vert gjort merksam på at kun kvitevarer på kjøkkenet følgjer med ved overdraginga, ikkje kjøleskap. Desse vert levert utan nokon form for garantiar, ut over eventuell gjenverande leverandørgaranti.

Sjå kart i salsoppgåva for beskriving av tilkomst. Det vert skilta med EiendomsMegler 1-skilt ved fellesvising.

Informasjon er henta frå vedlagde tilstandsrapport, datert 26.10.2026. Bygning: Taksert seksjon er ei 4-roms leilegheit i ein seksmannsbustad frå 2002, oppført over fire etasjar der leilegheita ligg i andre og tredje etasje. Bygget har ukjend byggjegrunn, og grunnmur og fundament er støypt i betong. Ytterveggar er oppførte i 15 cm isolert bindingsverk kledd med liggande, dobbeltfalsa trekledning, samt betongvegg mot terreng med innvendig isolerte framfôringar og brann- og lydisolert betongvegg mot felles trapperom. Etasjeskilje og golv mot underliggande leilegheit er av betong/holdekke med «flytande» golv og golv på grunn, medan etasjeskilje mot overliggande leilegheit er av betongdekke/holdekke med nedfôra himling. Felleskonstruksjonane er ikkje vurderte av takstmann. Tak: Yttertaket er konstruert som saltak med berande sperrer, samt betongdekke/holdekke over delar av leilegheita. Taktekkinga består av Decra-plater, og takrenner og nedløpsrøyr er i aluminium. Taket er ein felleskonstruksjon og er ikkje vurdert. Vindauge: Vindauga har 2-lags isolerglas i trekarmar med utvendige sprosser. Dører: Kvit, brann- og lydisolert ytterdør inn mot felles trapperom. Terrassedørene er kvite med 2-lags glasruter i trekarm, der seljar vil fullføre utvendig listing. Innvendig er det kvite, formpressa dører med lakkerte eiketersklar. Trapper/tilkomst: Tilkomst frå offentleg veg via privat fellesveg, felles asfaltert trafikk- og parkeringsareal, og felles oppgrusa veg til baksida av bygget. Innvendig tilkomst via felles flislagt trapperom. Balkong/terrasse: Sørvendt terrasse på 38 m² med rekkverk i betong utforma som «blomsterkasse» med beplanting, samt delvis levegg i trekonstruksjon. Utearealet er utstyrt med to elektrisk styrte solmarkiser, fastmontert stråleomn, utelys og utekran med slangetrommel. VVS-installasjonar: Vassrøyr er av plast (røyr-i-røyr-system) med fordelarskåp og stoppekran plassert på vaskerommet. Avløpsrøyr er i plast med felles luftesystem. Varmtvannstank på 198 liter frå 2001 er installert på vaskerommet. Ventilasjon: Bustaden har felles mekanisk avtrekk med avtrekksventilar i himling på bad og vaskerom, samt mekanisk avtrekk med ventilator over kokesona på kjøkkenet. Avtrekket frå våtrom og kjøkken vert styrt via ventilatoren på kjøkkenet, supplert med naturleg ventilasjon via vindus- og veggventilar. Tekniske detaljar: Luft-til-luft-varmepumpe vart montert i 2010. Det er installert sentralstøvsugar med uttak i gang og utebod og motor plassert i utebod ved terrassen. Brannsikring består av røykvarslar i gang og eit 6 kg pulverapparat. Isolert utebod: Oppført som tilbygg ved terrassen med flislagt betonggolv, isolert bindingsverk kledd med liggande dobbeltfalsa trekledning og måla plater innvendig. Isolert skråtak tekka med Decra-plater, måla ytterdør i tre, fastmonterte hyller, innlagt straum og montert sentralstøvsugar. Utebod m/garasje: Utebod oppført i rekkje med ubehandla betonggolv, betongvegg mot terreng, bindingsverk, ubehandla gipshimling mot betongdekke og innlagt straum. Garasjeplass i rekkje med asfaltgolv, himling av betongdekke/aluminiumsplater, trevegg mot eiga bod og elektrisk leddport i aluminium. Sikringsskap med automatsikringar er montert i boda, og det elektriske anlegget er i hovudsak skjult. Det er lagt varmekablar i badegolvet, og installasjonsarbeidet er utført av ABB. Alle bygningsdelar og installasjonar har avgrensa levetid. Konstruksjonane er bygd etter lov og forskrift som tek utgangspunkt i byggeåret og vil normalt ikkje tilfredsstille krava i dag. Med omsyn til den tekniske standarden på bygningane vert det vist til vedlagde tilstandsrapport fra takstmann Kristen Eikenæs datert 26.10.2026, der enkelte bygningselementer har oppnådd tilstandsgrad 2 (TG2) og konstruksjonar som ikkje er undersøkt (TGIU). Interessentar vert oppmoda til å sette seg grundig inn i desse punkta samt eigenerklæringa som ligg ved salsoppgåva før det vert lagt inn bod på eigedomen. Meklar gjer elles merksam på kjøpar si undersøkingsplikt med heimel i avhendingslova. Nedanfor følgjer ei kort oppsummering der den bygningssakkyndige har skildra avvik ved bustaden som har fått tilstandsgrad 2 (TG2). TG2 med avvik som kan krevje tiltak: - Utvendig > Vindauge og takvindauge/takluker/overlys: Manglande dryppkant på glaslister og vassbord over vindauge montert direkte mot ytterkledning. - Utvendig > Ytterdører: Utvendige vassbord over terrassedører er monterte direkte mot trekledninga og ikkje inn til vindsperra. - Utvendig > Balkongar, verandaer, takterrasser og altaner: Motfall på beslag under levegg med fare for fuktopptrekk, samt vasspyttar på betongdekket etter at fliser er fjerna grunna fuktproblem. - Innvendig > Overflater - veggar og himlinger: Luftlommer under golvbelegg i bod, mindre treffskade og noko heksesot i stove, samt slitasje og enkelte glis i parketten. - Innvendig > Etasjeskiller og bærande konstruksjonar: Målt total høgdeforskjell på over 30 mm i stove/kjøkken. - Innvendig > Skadedyr og fuktkrevende insekter: Eigar opplyser om tidvis førekomst av maur og enkelte observasjonar av sølvkre på bad og kjøkken. - Våtrom > Bad > Dokumentasjon for våtrom: Det ligg ikkje føre dokumentasjon på oppbygging og vanntett sjikt utover ferdigattest. - Våtrom > Bad > Overflater golv: Noko sprang/høgdeskilnad i overgangar mellom golvflisene i dusjsona. - Våtrom > Bad > Vanntett sjikt, membran og sluk: Smøremembran på vegg er over 22 år gammal og har usikker restlevetid. - Våtrom > Bad > Ventilasjon: Rommet manglar tilluftsventilering for tilfredsstillande luftsirkulasjon. - Våtrom > Vaskerom > Dokumentasjon for våtrom: Det ligg ikkje føre dokumentasjon på oppbygging og vanntett sjikt utover ferdigattest. - Våtrom > Vaskerom > Overflater, veggar og himling: Enkelte utetta innfestingshol i veggkledningen. - Våtrom > Vaskerom > Overflater golv: Avvik i fallforhold til sluk i høve til dagens forskriftskrav. - Våtrom > Vaskerom > Vanntett sjikt, membran og sluk: Våtromsvinyl på golv og vegg er over 20 år gammal, og oppkanten ved terskel/gjennomføring tilfredsstiller ikkje høgdekrava. - Våtrom > Vaskerom > Ventilasjon: Rommet manglar tilluftsventilering for tilfredsstillande luftsirkulasjon. - Tekniske installasjonar > Varmtvannsberedar/tank: Manglar tilfredsstillande fast el-tilkopling etter gjeldande forskrift, og beredaren er over 20 år gammal. TGIU - Konstruksjonar som ikkje er undersøkte: - Utvendig > Taktekking: Felles konstruksjon, ikkje vurdert. - Utvendig > Nedløp, beslag og skorsteiner over tak: Felles konstruksjon, ikkje vurdert. - Utvendig > Takkonstruksjon/Loft: Felles konstruksjon, ikkje vurdert. - Utvendig > Ytterveggar/Veggkonstruksjon: Felles konstruksjon, ikkje vurdert. - Våtrom > Bad > Tilliggande konstruksjonar våtrom: Det er ikkje foreteke fuktmåling ved holtaking grunna våtsoner mot tilliggjande konstruksjonar. - Våtrom > Vaskerom > Tilliggande konstruksjonar våtrom: Det er ikkje foreteke fuktmåling ved holtaking grunna våtsoner mot tilliggjande konstruksjonar. - Tomteforhold > Fuktsikring og drenering: Ukjend utførelse, felles konstruksjon ikkje vurdert. - Tomteforhold > Grunnmur og fundamenter: Felles konstruksjon, ikkje vurdert. - Tomteforhold > Septiktank: Felles septiktank, felles konstruksjon ikkje vurdert. Helse, miljø og sikkerhet: Vurdering av avvik: • Det er ikke foretatt radonmålinger, og bygget er heller ikke utført med radonsperre. • Det er behov for at en kvalifisert elektrofaglig person kontrollerer det elektriske anlegget. • Eiendommen ligger i et rasfarlig /skredutsatt område i henhold til kommunedelsplan/NVE. • Eiendommen ligger i et flomutsatt område i henhold til kommunedelsplan/NVE. Konsekvens/tiltak • Det anbefales å gjennomføre radonmåling og eventuelt vurdere nærmere kontroll eller tiltak dersom forhøyede verdier påvises. • Behov for kontroll av det elektriske anlegget indikerer usikkerhet rundt tilstand og sikkerhet. Eventuelle feil eller mangler kan medføre økt risiko for brann, elektrisk støt og skade på utstyr. Det elektriske anlegget må kontrolleres av kvalifisert elektrofaglig person. Eventuelle avvik bør utbedres for å sikre en trygg og forskriftsmessig installasjon. • Tiltak er ikkje nødvendig. Oppsummeringa over er ikkje uttømmande, og du vert oppmoda til å lese og setje deg grundig inn i alt salsmateriell. For ordens skuld nemner vi at TGIU står for «tilstandsgrad ikkje undersøkt», til dømes fordi ein del av bygget ikkje har vore tilgjengeleg for inspeksjon. Desse delane kan dermed ha feil eller manglar som ikkje er avdekte.

Varmepumpe og elektrisitet. Luft-til-luft-varmepumpe montert i 2010. Elektriske varmekablar på bad. Dersom rom for varig opphald ikkje har vegg- eller fastmonterte varmekjelder ved vising følgjer dette heller ikkje med. Tilstandsrapporten skildrar byggverket sin tekniske tilstand. Det er ikkje utført kontroll av dei elektriske installasjonane (el-takst) sjølv om bygningssakkyndig kan ha knytt nokre kommentarar til elanlegget ut frå heilt enkle vurderingskriterium. Sidan elanlegget ikkje er kontrollert er det sannsynleg at det seinare kan bli avdekt avvik frå dagens forskriftskrav og oppstå funksjonssvikt. Vidare må kjøpar vere førebudd på at det må gjerast oppgraderingar på grunn av slitasje, manglande vedlikehald, arbeid som er utført av ufaglærte, utidsmessigheit eller tekniske løysingar som ikkje held dagens standard. I Noreg er det ei av oppgåvene til «Det lokale el-tilsynet» (DLE) å føre tilsyn med elektriske anlegg i bustader og fritidsbustader. Alle bustader skal ha periodisk kontroll kvart 20. år og hytter/fritidsbustader kontrollerast kvart 30. år. El-anlegget er ein bygningsdel som er gjenstand for konstant utvikling, det må derfor reknast med at dagens anlegg ikkje nødvendigvis er dimensjonert for oppgradering av kjøkken med nye elektriske apparat, rehabilitering av bad med varmekablar eller installasjon av elbilladar.

Det er ikkje bestilt Norgespris på straum for eigedomen. Meklar gjer merksam på at desse utgiftene er knytt til dagens eigar og at desse vil kunne endre seg med omsyn til anna bruk av bustaden enn i dag eller andre avtalar med leverandørar.

Eigedomen er knytt til offentleg vatn. Alle eigedomar som er tilknytt offentleg vatn har private stikkleidningar, som vedlikehaldast for eigar si eiga rekning. For ytterlegare opplysningar om dei private stikkleidningane tek ein kontakt med kommunen. Privat veg som vedlikehaldast av brukarane. Adkomst frå offentleg veg via privat felles veg. Eigedomen er tilknytt felles septiktank av glassfiber frå 2001 med overløp til offentleg avløpsnett. Avløpsleidningane er av PVC-plast frå 2001.

Eigedomsmeklarar er underlagd lov om kvitvasking og pliktar å rapportere til Økokrim om mistenkelege transaksjonar. Lov om kvitvasking har og strenge reglar om kontroll av legitimasjon frå alle partar i handelen, med dette, seljar, kjøpar og fullmektigar for desse.

Alle bod skal gjevast skriftleg og legitimert til meklar, som formidlar desse vidare til seljar. Dette gjer ein enkelt elektronisk ved å klikke på "gi bud" knappen på finn.no eller via eiendomsmegler1.no eller på bodskjema vedlagt salsoppgåva. Meklar skal så snart som muleg stadfeste skriftleg ovanfor bodgjevar at bod er motteke og formidle det vidare til seljar. Bod må ikkje ha kortare akseptfrist enn kl. 12.00 første virkedag etter siste annonserte vising. Bod med kortare frist enn dette kan ikkje formidlast av meklar. Meklar pliktar å leggje til rette for ei forsvarleg avvikling av bodrunden. For at boda skal kunne bli handsama bør dei ikkje ha ein kortare akseptfrist enn 30 minutt frå bodet er gjeve. Bod som vert gjeve etter normal arbeidstid vert handsama/formidla påfølgjande arbeidsdag. Meklar tek ikkje ansvar for forseinkingar på el- eller telenettet. Under bodrunden kan akseptfristen kortast ned ved mottaking av nye bod. Akseptfristen frå kjøpar er absolutt. Det betyr at dersom seljar vel å akseptere bodet, må kjøpar meddelast aksepten innan akseptfristen går ut. Dersom du utset å gje inn bod til tett opp mot akseptfristen er det ei reell fare for at eigedomen kan bli seld før bodet ditt kjem fram til meklar. Ein syner elles til "Forbrukarinformasjon om bodgjeving", som også er ein del av salsoppgåva. Kjøpar er utanlandsk statsborgar Dersom ein kjøpar er utanlandsk statsborgar krevjast det at ein har D-nummer til erstatning for norsk personnummer. Meklar rekvirerer dette samstundes som skøyte vert sendt inn til tinglysing hjå Kartverket. Skøytet vert så liggande hjå Kartverket fram til kjøpar har fått D-nummer av skatteetaten. Deretter vert skøytet tinglyst. Denne prosessen vil ofte medføre at oppgjer og utbetaling til seljar vert forseinka med nokre veker. Kjøpar må i desse tilfella enten ta atterhald i b od om forseinka utbetaling til seljar, eller vere budd på å dekke forseinkingsrenter. Kontakt ansvarleg meklar for informasjon før bodgjeving.

Overtaking etter avtale. Legg inn ønskje om overtakingsdato ved bodgjeving. Mellom aksept av bod og tidspunktet for overtaking er det ikkje høve til å synfare eigedomen. Vi tilrår difor interessentar til å naudsynte mål og liknande på visinga.

Seljar har teikna bustadseljarforsikring. Forsikringa dekkjer seljar sitt ansvar etter avhendingslova, med dei avgrensingane som følgjer av forsikringsvilkåra og er avgrensa til salssummen til eigedomen, men oppad avgrensa til kr. 14 000 000,-. Seljar har i den samanhengen utarbeidd ei eigenerklæring om eigedomen. Eigenerklæringa ligg vedlagt salsoppgåva og interessentar vert oppmoda til å gjere seg kjend med denne før bodgiving/kjøp. Bustadseljarforsikringa sørgjer for at kjøpar kan forhalde seg til ein profesjonell og søkegod motpart som handterer eventuelle reklamasjonar fagleg og ryddig. Dersom kjøpar ikkje har teikna bustadkjøparforsikring kan ein kontakte meklar for å få kontaktinformasjon til bustadseljarforsikringa til seljar. Av vilkåra går det fram unntak i forsikringsdekninga, til dømes ved nye forhold som oppstår mellom aksept og overtaking. Garantiar/lovnader der seljar har påteke seg ansvar for eigenskapar ved eigedomen eller dokumentasjon av slike, vert ikkje dekt. I nokre tilfelle er det heller ikkje dekning der seljar har opptrådt forsettleg eller grovt aktlaust. Forsikringa omfattar heller ikkje ein redusert bustadverdi som skuldast skadedyr/insekt, til dømes skjeggkre/perlekre/sølvkre, veggdyr, pelsbiller, maur, borebiller og tilsvarande. I samsvar med lov og rettspraksis må det reklamerast “innan rimeleg tid”. Det vert tilrådd å reklamere umiddelbart/snarast mogleg og seinast innan 2 månader frå forholdet vart/burde vorte oppdaga. Dersom kjøpar utbetrar mangelskrav på eiga hand, kan dette medføre at reklamasjonsretten vert tapt.

Vedlagt i salsoppgåva følgjer informasjon om Bustadkjøparforsikring Pluss og Bustadkjøparforsikring frå HELP Forsikring AS. Bustadkjøparforsikring er ei rettshjelpsforsikring som gir tryggleik og profesjonell juridisk hjelp dersom det blir oppdaga uventa feil eller manglar ved bustaden dei neste fem åra. Bustadkjøparforsikring Pluss har same dekning som bustadkjøparforsikring + fullverdig advokathjelp på viktige rettsområde i privatlivet. Les meir om begge forsikringane i vedlagde materiell eller på help.no. Det blir gjort merksam på at meklarføretaket mottar kr 1 900 / 2 600 / 2 600,- (avhengig av bustadtype) i kostnadsgodtgjersle for kvar forsikringsavtale som blir formidla på Bustadkjøparforsikring Pluss og kr 2 900 ,- / 3 600,- / 3 600,- i kostnadsgodtgjersle for Bustadkjøparforsikring.

IF Forsikring

Dette inkluderer vatn- og avlaupsavgifter. Den totale årlege kostnaden vil variere etter eige forbruk. Kommunale gebyr er ein kombinasjon av forskot, abonnement og enkeltgebyr fakturert etter levert teneste. Kommunen kjenner ikkje samla gebyr for ein eigedom for eit år før året er omme. Eigedomen har vassmålar. Siste avlesing 13.12.2025 viste eit forbruk på 106 m³. Ifølgje SSB er estimert gjennomsnittleg hushaldningsforbruk per person 65 m³. I tillegg kjem eigedomsskatt på kr 3 575,- for 2026.

Følgjande moderniseringar er utførte dei seinare åra: 2010: - Montering av luft-til-luft-varmepumpe - Montering av ekstra kjøkkeninnreiing (barløysing med granitt benkeplate) Ukjent årstall: - Montering av elektrisk styrt ledda garasjeport i aluminium Vedlikehaldshistorikk sameiget: 2026: - Ny kledning og bytte av panel på vestveggen - Etablering av kompostbinge på austsida av bygningen Ifølgje egenerklæringa til seljar er følgjande arbeid utført: 2023: - Utbetring etter lekkasje frå terrasse over med opptørking og nye takplater i stova og på kjøkkenet, utført av BSL Bygg AS

Kjøpesum og alle kostnader skal vere innbetalt til meklar sin klientkonto før overtaking. Det føresetjast at skøyte blir tinglyst på ny eigar. Dersom kjøpar ikkje ønskjer heimelsoverføring av eigedommen til seg, må det takast atterhald om dette i bodet.

Sameiget har ingen begrensingar i forhold til utleige. Styret må likevel varslast. Det følgjer av eigarseksjonslova § 24 at utleige over kort tid av heile bustadseksjonen i meir enn 90 døgn årleg ikkje er tillate. Med utleige over kort tid meiner ein utleige inntil 30 døgn samanhengande. Grensa på 90 døgn kan fråvikast i vedtektene. Bestemminga gjeld ikkje for fritidsbustader. Ta kontakt med meklar dersom du ønskjer kopi av vedtektene for nærare informasjon om kva vedtak som er fatta i dette sameiget.

I leilegheiter som ligg i tredje etasje eller høgare er det som hovudregel ikkje naudsynt å måle radonverdiar sidan radon ikkje strekk seg over tre etasjar. Eigedomen ligg i eit område med moderat til låg aktsamheitsgrad for radon. Bygget er ikkje utført med radonsperre, og det er ikkje utført tiltak mot radon.

Eigedomen vert seld etter reglane i avhendingslova. Salsoppgåva er basert på dei opplysningane seljar har gitt til bygningsakkyndig og meklar, samt opplysningar innhenta frå kommunen, Statens kartverk og andre tilgjengelege kjelder. Eigedomen skal overleverast til kjøpar i tråd med det som er avtalt. Det er viktig at kjøpar set seg grundig inn i alle salsdokumenta, med dette salsoppgåve, tilstandsrapport og seljar si egenerklæring. Kjøpar vert sett på som kjent med forhold som er tydeleg beskrive i salsdokumenta. Forhold som er beskrive i salsdokumenta kan ikkje påberopast som manglar. Dette gjeld uavhengig av om kjøpar har lest dokumenta. Alle interessentar vert oppmoda til å undersøkje eigedomen nøye, gjerne saman med fagkyndig før bod vert gjeve. Kjøpar som vel å kjøpe usett kan ikkje gjere gjeldande som mangel noko han burde blitt kjent med ved undersøkinga. Dersom det er behov for avklaringar, anbefalar vi at kjøpar rådfører seg med eigedomsmeklar eller ein bygningsakyndig før det vert lagt inn bod. Dersom kjøpar ikkje er forbrukar seljast eigedomen «som den er», og seljar sitt ansvar er då avgrensa jf.§ 3-9 1. ledd 2. pkt. Informasjon om kjøpar si undersøkingsplikt, med dette oppmoding om å undersøkje eigedomen nøye, gjeld og for kjøparar som ikkje vert vurdert som forbrukarar. På grunn av ulike avtalevilkår kan seljar vurdere bod frå ein som ikkje er forbrukar, ulikt frå ein forbrukar sitt bod. Dersom kjøpar ikkje er forbrukar, er seljar sitt mulege mangelsansvar avgrensa fordi eigedomen vert seld "som den er". Seljar kan ikkje ta «som den er» atterhald ovanfor ein forbrukarkjøpar. Sjølv eit lågare bod frå ein som ikkje er forbrukar kan foretrekkast fordi avgrensinga i muleg mangelsansvar kan ha eigenverdi for seljar. Seljar står fritt til å forkaste eller akseptere eitkvart bod, og pliktar til dømes ikkje å akseptere høgste bod. Bodgjevarar får informasjon dersom andre bod er gjeve av ein som ikkje er forbrukar. Forbrukarkjøp - definisjon: Med forbrukarkjøp meinast kjøp av eigedom når kjøparen er ein fysisk person som ikkje hovudsakleg handlar som ledd i næringsverksemd. Forbrukar - avtalevilkår: Eigedomen har ein mangel dersom den ikkje er i samsvar med krava som følgjer av avtalen, eller det ligg føre brot på bestemmingane i avhendingslova §§ 3-2 til 3-8. Dersom eigedomen ikkje er i samsvar med det kjøparen må kunne vente ut frå alder, type og synleg tilstand, kan det vere grunnlag for mangelskrav. Det same gjeld dersom det er halde tilbake eller gitt urette opplysningar om eigedomen. Dette gjeld likevel berre dersom ein kan gå ut frå at det virka inn på avtalen at opplysningen ikkje vart gitt eller at feil urette opplysningar ikke blir retta i tide på ein tydeleg måte. Ein bustad som har blitt brukt i ei viss tid, har vanlegvis blitt utsett for slitasje og skadar kan ha oppstått. Slik bruksslitasje må kjøpar rekne med, og det kan avdekkast enkelte forhold etter overtakinga som gjer det naudsynt med utbetringa utbedringar. Normal slitasje og skadar som gjer det naudsynt med utbetring, er innanfor kva kjøpar må vente og vil ikkje utgjere ein mangel. Bustaden kan ha ein mangel etter avhendingslova § 3-3 dersom det er avvik mellom opplyst og faktisk innvendig areal, forutsett at avviket er på 2 % eller meir og minimum 1 kvm. Ved berekning av eit eventuelt prisavslag eller erstatning må kjøpar sjølv dekke tap/kostnader opptil eit beløp på kr 10 000 (eigendel). Ikkje - forbrukar (næringsdrivande) – definisjon: Dersom kjøpar er ein juridisk person, eller ein fysisk person som hovudsakeleg handlar som ledd i næringsverksemnd, vil kjøpet ikkje bli sett på som eit forbrukarkjøp. Ikkje - forbrukar – avtalevilkår: Eigedomen har ein mangel dersom den ikkje er i samsvar med krava som følgjer av avtalen. Eigedomen vert seld «som den er», og seljar sitt ansvar utover det konkret avtalte er då avgrensa etter avhendingslova § 3-9, første ledd andre setning. Avhendingslova § 3-3 andre ledd vert fråviken, og korvidt arealsvikt i bustaden utgjer ein mangel vert vurdert etter avhendingslova § 3-8. Ein føresetnad for salet er at skøyet for eigedomen vert tinglyst på kjøpar. Interessentar og kjøpar må godta at seljar og meklar brukar elektronisk kommunikasjon i salsprosessen. I trå med eigedomsmeklingsforskrifta vil informasjon om oppdragsgivar, salsobjektet, interessentar og kjøpar bli lagra av meklarføretaket i min. 10 år. Sjå em1.no for meir informasjon om handsaminga vår av personopplysningar.

Vi gjer interessentar og kjøparar merksame på at vi vil handsame, etter personopplysingslova, personopplysningane dine i den utstrekning dette er naudsynt for å oppfylle våre lovpålagte plikter, med dette for å kunne gjere kundekontroll etter kvitvaskingslova samt for å utføre oppgåver som vi er pålagt etter eigedomsmeklingslova.