Solbakken 1

Last ned salgsoppgave for komplett informasjon om eiendommen

Registerbetegnelse

Informasjon borettslag / sameie

Regnskap / Budsjett:
Årsrekneskapen for 2024 og budsjettet for 2025 vart godkjent på årsmøtet 19. juni 2025. Sameiget har eit fastrenteinnskot på kr 104 012,- som var låst fram til 11. juli 2025. Resterande midlar er disponible på sparekonto. Kjøpar pliktar å gjere seg kjend med sameiget sitt rekneskap og budsjett. Kopi av desse ligg hjå meklar.

Vedtekter / Husordensregler:
Eigar pliktar å gjere seg kjend med vedtekter og eventuelle husordensreglar. Kopi av desse ligg vedlagt i salsoppgåva.

Dyrehold:
Husdyrhald er tillete.

Beboernes forpliktelser:
Påfylling av bark i skråningar framfor husa er opp til kvar enkelt seksjonseigar.

Styregodkjennelse:
Det vert ikkje praktisert styregodkjenning i dette sameiget. Sal skal likevel informerast til styret eller den styret har utpeikt til å registrere salet.

Forkjøpsrett:
Det er ikkje forkjøpsrett på eigedomen.

Felleskostnader

kr 300 pr. mnd.

Felleskostnader inkluderer

Felleskostnadane bli kravd inn kvartalsvis. Straumabonnement lamper fellesareal og teknisk rom, brøyting/strøing, vedlikehald fellesareal, tømming av kummar, leikeområde og rekneskap.

Areal

BRA: 206 m²
BRA-i: 179 m²
BRA-e: 27 m²
TBA: 23.5 m²

Arealene er oppgitt av bygningssakkyndig på grunnlag av NS3940(2023). Internt bruksareal (BRA-i) er areal innenfor boligens omsluttende vegger. Det er for eksempel stue, soverom, kjøkken, entré, bad, loftsrom, innvendig bod og ganger mellom disse. Dersom boligen består av en bruksenhet med flere selvstendige boenheter, skal de selvstendige boenhetene kategoriseres som BRA-i. Et eksempel på dette kan være en enebolig med adskilt utleieenhet. Eksternt bruksareal (BRA-e) er for eksempel en ekstern bod, kjellerstue med egen inngang, gjesterom, tilleggsbygg eller andre rom som tilhører boenheten, men som ikke er direkte tilknyttet det interne arealet. Tilleggsbygg kan være for eksempel garasje, naust eller utvendig bod. Innglasset balkong (BRA-b) er innglassede balkonger, verandaer og altaner som disponeres av boenheten. Terrasse- og balkongareal (TBA) er arealet av terrasser, altaner, verandaer og åpne balkonger som er tilknyttet boenheten. Leilighetens gulvareal (GUA) er boligens samlede gulvareal og areal med lav takhøyde ALH er areal uten krav til minste himlingshøyde.

Nye regler for arealmåling gjelder fra 1.1.2024. Les mer om reglene.

Parkering

Bustaden har ein integrert garasje med ledda garasjeport, elektrisk drift og fjernstyring. I tillegg er det ein carport med golv av betong, veggar av bindingsverk med utvendig kledning av trepanel, og skråtak med taktekking av betongtakstein. I tillegg er det god plass til parkering på tunet.

Eiendom

Tomteareal er 5 400 m² på eiet tomt.

Felles eiet tomt for sameiget på 5 400,2 m². Tomta er pent opparbeidd med belegningsstein, grøntareal med plantar, forstøtningsmurar av naturstein og asfaltert innkøyrsle og parkeringsareal. Sameiget administrerer bruk og vedlikehald av fellesanlegg og fellesareal.

Byggeår

2007

Innhold

Rekkjehus går over tre plan med følgjande innhald: 1. etasje: entré/gang, stove/kjøkken, toalettrom og teknisk rom. 2. etasje: gang, to soverom og bod nytta som soverom, stove, bad og vaskerom. 3. etasje : loftstove. I 1. etasje er det ein integrert garasje på 27 m². Bustaden har ein sørvendt altan på 9,5 m² med utgang frå 2. etasje, og ein terrasse på 14 m² på bakkeplan. Ved inngangspartiet er det ein overbygd platting. Eigedommen har også ein carport på ca. 18 m². Det ligg føre godkjende og byggemelde teikningar. Eit rom merka med bod i teikningane har vore nytta som soverom sidan byggeår. Rommet er ikkje byggemeldt som soverom. Dei oppgitte romma er definerte av bygningssakkyndig i samsvar med vedlagd rapport, basert på dagens faktiske bruk, uavhengig av kva som er godkjent av bygningsstyresmaktene.

Standard

Solbakken 1 ligg svært fint plassert på enden av fyste rekkje. Eigedomen har enkel tilkomst med god plass til parkering på tunet, i carporten og i den integrerte garasjen. Frå tunet er det steinlagt gangveg rundt til ein flott hage som er fint skjerma av høge hekkar. Her er det gode soltilhøve og svært god plass til aktivitet. Hagen har tilkomst frå stova i 1.etasje. Det er etablert flislagt terrasse som er dels overbygt og montert glasdør til stova. I tillegg er det dør til den romslege garasjen. Bustaden er oppført i 2007 med normal standard for byggjeåret og har i ettertid hatt vanleg vedlikehald. Det er vassboren golv­varme i heile bustaden og eit sentralvarmeanlegg basert på energibrønn og Thermia væske-til-vatn varmepumpe. Pumpa vart skifta i 2022. Entré/gang (1. etasje): Ein romsleg hall tek imot deg frå hovudinngangen. Her er det montert skyvedørsgarderobe. Keramisk flis på golvet held fram innover, og dei kvite profilerte veggane gir eit lyst og ryddig inntrykk. På venstre hand ligg eit praktisk wc-rom. Trappa har beisa trinn, malte vangar og spilerekkverk fører opp til 2. etasje, og ei skyvedør til høgre opnar mot stova. Teknisk rom ligg tilgjengeleg frå hallen, med fordelarstokkar for vassborn golv­varme og sikringsskap. Dette rommet er også innreiia med garderobeinnreiing for ytterklede og sko. Stove (1. etasje): Frå hallen kjem du inn i stova gjennom skyvedøra. Rommet har store vindusflater mot sør og direkte utgang via terrassedør til den sørvendte betongterrassen på ca. 14 m², der ei terrassemarkise gir skugge på varme dagar. Parkettgolvet ligg varmt under føtene takka være vassboren golv­varme. Pipa av lettklinkerelement er til stades i rommet, men ildstad er ikkje montert og pipa har ikkje vore i bruk. Rommet har god plass til sofagruppe og spisebord. Kjøkken (1. etasje): Kjøkkenet ligg i open løysing mot stova og er innreidd med glatte, kvite frontar som er skifta i ettertid, laminat benkeplater og stålbeslag med oppvaskkum, skyllekum og avrenningsplate. Integrert oppvaskmaskin er montert i innreiinga. Frittståande komfyr følgjer med. Ventilator med avtrekk ut er montert over koketoppen. Toalettrom (1. etasje): Toalettrommet i 1. etasje er innreidd med klosett og veggmontert servant. Keramisk flis på golv og våtromspanel på veggar. Rommet er ventilert via balansert ventilasjon. Terrasse (1. etasje): Den sørvendte betongterrassen på ca. 14 m² ligg i plan med hagen og er flislagd. Terrassemarkise og takoverbygg gir høve til å sitje ute også i sterk sol. Hagen rundt er pent opparbeidd med gressplen og hekkbeplanting som gir god avskjerming mot naboar. Gang (2. etasje): Trappa fører opp til ein gang i 2. etasje som knyter saman fleire av romma på planet. Ei skyvedør opnar mot stova i 2. etasje. Frå stova er det dører inn til 2 soverom. Det 3.dje soverommet og badet har tilkomst direkte frå gangen. Stove (2. etasje): Stova i 2. etasje har skyvedør mot gangen og altandør i treverk med 2-lags glas ut til den sørvendte altanen på ca. 9,5 m² med tredekke, regntett dekke og trerekkverk. Vindauge mot sør og aust slepper inn godt med lys. Vassboren golv­varme ligg under parkettgolvet. Rommet har plass til sofagruppe og arbeidsplass ved vindauget. Rommet har mange bruksmoglegheiter. Altan (2. etasje): Den sørvendte altanen på ca. 9,5 m² er oppbygd med tredekke og plateinnlegg for regntett dekke, og har trerekkverk med liggande trepanel. God plass til sitjemøblar. Soverom (2. etasje): Det største soverommet har god plass til dobbeltseng med nattbord på begge sider, og eit garderobeskap med skyvedører dekker heile eine veggen. Soverom to er også svært romsleg med godt lysinnslepp. Rommet som er merka med "bod" i teikningane og er nytta som soverom har tilsvarnade kvalitetar som soveromma med stort vindauge og godt lysinnslepp. Alle romma har parkettgolv og vassboren golv­varme. Bad (2. etasje): Badet i 2. etasje er innreidd med golv­montert klosett, flislagd innbygd badekar, plassbygd dusjnisje med veggdusj og hengsla glasdør i metallramme, samt baderomsinnreiing med malte, fasa frontar, heildekkande servantplate og spegel med sidebelysning. Keramisk flis på golv med vassboren golv­varme og to slukar, ein i dusjsona og ein under det innbygde badekaret. Veggar med keramisk flis og himling med malte plater. Ventilert via balansert ventilasjonsanlegg. Skyvedør mot vaskerommet. Vaskerom (2. etasje): Vaskerommet ligg vegg i vegg med badet og har skyvedør mellom dei to romma. Innreidd med benkeskap med fasa, malte frontar og laminat benkeplate med nedfelt skyllekum i stål. Keramisk flis på golv med sluk og vassboren golv­varme, våtromspanel på veggar og malte plater i himling. Ventilert via balansert ventilasjon. Vaskerommet er frå byggjeåret. Loftstove: Trappa frå 2. etasje fører opp til ei opa loftstove med skråtak og takvindu i treverk med 2-lags glas som slepp inn dagslys. Rommet har vassborn golv­varme og parkettgolv. Skråtaket avgrensar ståhøgda langs sidene, men gir samstundes rommet ein særeigen karakter. Plass til arbeidsrom, hobbyrom eller ekstra soverom. Overflater: Golv: Parkettgolv i stover, gang og soverom. Keramisk flis på bad, vaskerom, toalettrom og i entré/gang i 1. etasje. Ubehandla betonggolv i garasjen. Veggar: Malte overflater på underlag av profilerte mdf-plater og strier. Våtromspanel på vaskerom og toalettrom. Keramisk flis på bad. Gipsplater i garasjen. Himling: Malte plater. Gipsplater i garasjen. Lagring: Integrert garasje på ca. 27 m² med leddport i stål med el-drift og fjernstyring, betonggolv og gipsplater på veggar og himling. Carport med golv av betong, veggar av bindingsverk med utvendig kledning av trepanel, og skråtak med taktekking av betongtakstein og underkledning av spaltepanel (golvareal ca. 18 m²). Uisolerte kott i tilknyting til takkonstruksjonen. Eigedomen har attraktiv og barnevennleg beliggenheit med gangavstand til dei fleste tilbod. Her er det sjeldant gode parkeringshøve og ein lettsteld hage med gode soltilhøve og svært god plass til aktivitet. Omsetning av brukt eigedom Ein brukt eigedom vil som regel ikkje vere i same stand som om den var ny. Tekniske krav, type bustad, teknikk og skikkar endrar seg over tid. Bruksslitasje og ytre forhold kan gjere at tilstanden blir dårlegare etter kvart, sjølv om det ikkje er synleg. Kjøparar kan ha mindre forventningar til eldre bustader enn nye, og det kan vere skadar eller feil som ikkje er beskrive, men som seljar likevel ikkje kan haldast ansvarleg for. Normal bruksslitasje er ikkje ein mangel, og det er ikkje sikkert at det som opplevast som ein feil ved ein eigedom er ein mangel i rettsleg forstand. Det er difor viktig å setje seg grundig inn i tilstanden på den eigedomen ein vil kjøpe.

Hvitevarer

Det blir gjort merksam på at berre integrerte kvitevarer på kjøkkenet følgjer med ved overdraginga. Desse blir leverte utan nokon form for garanti, utover eventuell gjenværande leverandørgaranti.

Adkomst

Sjå kart i salsoppgåva for beskriving av tilkomst. Det vert skilta med EiendomsMegler 1-skilt ved fellesvising.

Byggemåte

Informasjonen er henta frå vedlagde tilstandsrapport, datert 08.07.2026. Bygning: Bustaden er oppført i tradisjonell konstruksjon med normal standard for byggjeåret 2007. Det er ein endeseksjon i eit vertikaldelt rekkjehus. Ytterveggane er av bindingsverk med utvendig kledning av liggande, ventilert trepanel. Etasjeskiljet er eit tredekke, og golvet i 1. etasje er ei betongplate på grunn. Fundament og ringmur er av betong. Eigedommen ligg i ei omsynssone for kvikkleire med låg faregrad. Det er natursteinsmurar langs den kommunale vegen. Tak: Takkonstruksjonen har saltakform og er oppbygd av A-takstolar med isolerte og ventilerte skråtak og uisolerte kott. Taktekkinga er av betongtakstein med undertak av oljeimpregnerte trefiberplater. Takrenner, nedløp, stigetrinn, snøfangar, pipebeslag og luftehette er av lakkert metall. Pipe/Eldstad: Pipa er av lettklinkerelement med pussa overflater og har ikkje vore i bruk. Ildstad er ikkje montert. Vindauge: Vindauge og takvindauge er i treverk med malte overflater og 2-lags glas. Dører: Ytterdør i hovudinngangen er i laminert treverk med malte overflater og 2-lags glas. Terrassedør, altandør og ytterdører i garasjen er i treverk med malte overflater. Innvendige dører har malte, formpressa dørblad. Det er skyvedører mellom hall og stove i 1. etasje, mellom gang og stove i 2. etasje, og mellom bad og vaskerom. Trapper/tilkomst: Innvendige trapper frå 1. etasje til loftet er i treverk med beisa trinn og malte vangar, med spilerekkverk og handtre langs vegg. Balkong/terrasse: Det er ein sørvendt altan på ca. 9,5 m² i plan med 2. etasje, oppbygd av tredekke med terrassegolv og trerekkverk. I tillegg er det ein flislagt, sørvendt betongterrasse på terreng på ca. 14 m² med terrassemarkise, og ein overbygd, flislagt platting ved inngangspartiet. VVS-installasjonar: Vassleidningar er eit røyr-i-røyr-system med fordelarstokk og stoppekran i eit veggmontert skap i teknisk rom. Avløpsrøyra er av plast med lufting over tak. Ventilasjon: Bustaden har balansert ventilasjon med varmegjenvinnar. Bad, vaskerom og toalettrom er ventilerte via anlegget. Kjøkkenet har ventilator med avtrekk ut. Tekniske detaljar: Det er eit sentralvarmeanlegg for forbruksvatn og vassboren golvvarme med energibrønn og ei Thermia væske-til-vatn varmepumpe som vart skifta i 2022. Bustaden har brann- og innbrotalarm med abonnement, brannsløkkingsapparat frå 2021 og sentralstøvsugar montert i garasjen. Carport: Carport med golv av betong, veggar av bindingsverk med utvendig kledning av trepanel, og skråtak med taktekking av betongtakstein og underkledning av spaltepanel. Det elektriske anlegget er frå byggjeåret med for det meste skjult installasjon. Sikringsskapet har automatsikringar og er installert i teknisk rom. Dokumentasjon for anlegget er lagt fram. Alle bygningsdelar og installasjonar har avgrensa levetid. Konstruksjonane er bygd etter lov og forskrift som tek utgangspunkt i byggeåret og vil normalt ikkje tilfredsstille krava i dag. Med omsyn til den tekniske standarden på bygningane vert det vist til vedlagde tilstandsrapport fra takstmann Bjarte Roska datert 08.07.2026, der enkelte bygningselementer har oppnådd tilstandsgrad 2 (TG2) og helse, miljø og sikkerhet (HMS). Interessentar vert oppmoda til å sette seg grundig inn i desse punkta samt eigenerklæringa som ligg ved salsoppgåva før det vert lagt inn bod på eigedomen. Meklar gjer elles merksam på kjøpar si undersøkingsplikt med heimel i avhendingslova. Nedanfor finn ein ei kort oppsummering av det den bygningssakyndige har beskrive av avvik ved bustaden som har fått tilstandsgrad 2 (TG 2) eller 3 (TG 3) OG TG IU (Ikkje undersøkt). TG2 med avvik som kan krevje tiltak: - Utvendig > Taktekking: Taktekkinga har mosegroing. - Utvendig > Takkonstruksjon/Loft: Misfarging og muggskimmel i undertaket, og redusert lufting i enkelte sperrerom. - Utvendig > Terrasser og plattingar på terreng: Det er registrert bom i del av terrasseflisene. - Innvendig > Overflater - golv: Knirk og svikt i parkettgolv, og bom i fliser i hallen. - Innvendig > Etasjeskiller og bærande konstruksjonar: Merkbar høgdeskilnad i golva i enkelte rom. - Innvendig > Pipe/skorsteiner og eldstadar inne i bustaden: Sotluka er plassert i garasjen. - Innvendig > Innvendige trapper: Merkbar knirk i del av trappene. - Våtrom > 2. Etasje Bad - Overflater golv: Golvet har avvik i fallforhold. - Våtrom > 2. Etasje Bad - Type vanntett sjikt/membran og usikker framtidig funksjon: Tettesjikt er ikkje synleg eller dokumentert. - Våtrom > 2. Etasje Bad - Sluk, tilslutning til sluk og andre gjennomføringer i golv og veggar: Membranen er ikkje synleg under klemringane i slukane. - Våtrom > 2. Etasje Vaskerom - Type vanntett sjikt/membran og usikker fremtidig funksjon: Tettesjiktet har ein alder som medfører risiko. - Våtrom > 2. Etasje Vaskerom - Sluk, tilslutning til sluk og andre gjennomføringer i golv og veggar: Tettesjikt mellom sluk og golv er ikkje synleg eller dokumentert. - Tekniske installasjonar > Ventilasjon: Ventilasjonsanlegget har nådd ein alder som medfører usikker framtidig funksjon. Helse, miljø og sikkerhet: Altanrekkverket har høgde på 90 cm i samsvar med byggjeåret sitt forskriftskrav, men stettar ikkje nyare forskriftskrav som er høgde på minimum 1m. Konsekvensen er at rekkverket ikkje gir tilstrekkeleg fallsikring i samsvar med dagens krav, noko som medfører auka risiko for fallulykker og behov for utbetring for å oppnå tilfredsstillande tryggleik. Oppgradering av rekkverket til dagens forskriftskrav vert anbefalt. Det er ikke foretatt radonmålinger, og bygget er heller ikke utført med radonsperre. Radonmåling vert anbefalt. Oppsummeringa over er ikkje uttømmande, og du vert oppmoda til å lese og setje deg grundig inn i alt salsmateriell. For ordens skuld nemner vi at TGIU står for «tilstandsgrad ikkje undersøkt», til dømes fordi ein del av bygget ikkje har vore tilgjengeleg for inspeksjon. Desse delane kan dermed ha feil eller manglar som ikkje er avdekte.

Eiendomstype

Rekkehus

Oppvarming

Vassboren golvvarme, varmepumpe og balansert ventilasjon med varmegjenvinning. Sentralvarmeanlegg med væske-til-vatn varmepumpe (Thermia) kopla til energibrønn. Varmepumpa vart skifta i 2022. Det er vassboren golvvarme i heile bustaden. Det er pipe av lettklinkerelement, men ildstad er ikkje montert. Tilstandsrapporten beskriv den tekniske tilstanden til byggverket. Det er ikkje utført kontroll av dei elektriske installasjonane (el-takst) sjølv om bygningssakkunnig kan ha knytt kommentarar til el-anlegget ut frå heilt enkle vurderingskriterium. I Noreg er det ei av oppgåvene til «Det lokale eltilsynet» (DLE) å utføre tilsyn med elektriske anlegg i bustader og fritidsbustader. Alle bustader skal ha periodisk kontroll kvart 20. år, og hytter/fritidsbustader blir kontrollerte kvart 30. år. El-anlegget er ein bygningsdel som er gjenstand for konstant utvikling. Ein må difor rekne med at dagens anlegg ikkje nødvendigvis er dimensjonert for oppgradering av kjøkken med nye elektriske apparat eller rehabilitering av bad med varmekablar, samt installeringar for elbilladar.

Strømforbruk

Dagens eigarar hadde eit samla straumforbruk på 10 316 kWt i 2025. Straum og nettleige etter eige forbruk. Det er ikkje bestilt Norgespris på straum for eigedomen. Meklar gjer merksam på at desse utgiftene er knytt til dagens eigar og at desse vil kunne endre seg med omsyn til anna bruk av bustaden enn i dag eller andre avtalar med leverandørar.

Vei, vann og avløp

Vegen fram til tomtegrensa er offentleg. Vegane inne på eiga tomt blir vedlikehaldne av sameiget. Vatn og avlaup til eigedomen er offentleg. Stikkleidning frå det offentlege nettet og inn må vedlikehaldast av sameiget/bebuarane.

Meglers plikt til å stanse gjennomføring av en handel

Eigedomsmeklarar er underlagd lov om kvitvasking og pliktar å rapportere til Økokrim om mistenkelege transaksjonar. Lov om kvitvasking har og strenge reglar om kontroll av legitimasjon frå alle partar i handelen, med dette, seljar, kjøpar og fullmektigar for desse.

Budgivning

Alle bod skal gjevast skriftleg og legitimert til meklar, som formidlar desse vidare til seljar. Dette gjer ein enkelt elektronisk ved å klikke på "gi bud" knappen på hjem.no, finn.no, via eiendomsmegler1.no eller på bodskjema vedlagt salsoppgåva. Meklar skal så snart som muleg stadfeste skriftleg ovanfor bodgjevar at bod er motteke og formidle det vidare til seljar.  Bod må  ikkje ha kortare akseptfrist enn kl. 12.00 første virkedag etter siste annonserte vising. Bod med kortare frist enn dette kan ikkje formidlast av meklar.  Meklar pliktar å leggje til rette for ei forsvarleg avvikling av bodrunden. For at boda skal kunne bli handsama bør dei ikkje ha ein kortare akseptfrist enn 30 minutt frå bodet er gjeve. Bod som vert gjeve etter normal arbeidstid vert handsama/formidla påfølgjande arbeidsdag.  Meklar tek ikkje ansvar for forseinkingar på el- eller telenettet. Under bodrunden kan akseptfristen kortast ned ved mottaking av nye bod. Akseptfristen frå kjøpar er absolutt. Det betyr at dersom seljar vel å akseptere bodet, må kjøpar meddelast aksepten innan akseptfristen går ut. Dersom du utset å gje inn bod til tett opp mot akseptfristen er det ei reell fare for at eigedomen kan bli seld før bodet ditt kjem fram til meklar. Ein syner elles til "Forbrukarinformasjon om bodgjeving", som også er ein del av salsoppgåva. Kjøpar er utanlandsk statsborgar Dersom ein kjøpar er utanlandsk statsborgar krevjast det at ein har D-nummer til erstatning for norsk personnummer. Meklar rekvirerer dette samstundes som skøyte vert sendt inn til tinglysing hjå Kartverket. Skøytet vert så liggande hjå Kartverket fram til kjøpar har fått D-nummer av  skatteetaten. Deretter vert skøytet tinglyst. Denne prosessen vil ofte medføre at oppgjer og  utbetaling til seljar vert forseinka med nokre veker. Kjøpar må i desse tilfella enten ta atterhald i  bod om forseinka utbetaling til seljar, eller vere budd på å dekke forseinkingsrenter. Kontakt  ansvarleg meklar for informasjon før bodgjeving.

Overtakelse

Overtaking etter avtale. Legg inn ønskje om overtakingsdato ved bodgjeving. Mellom aksept av bod og tidspunktet for overtaking er det ikkje høve til å synfare eigedomen. Vi tilrår difor interessentar til å naudsynte mål og liknande på visinga.

Boligselgerforsikring

Seljar har teikna bustadseljarforsikring hos Fremtind. Forsikringa dekkjer seljar sitt ansvar etter avhendingslova, med dei avgrensingane som følgjer av forsikringsvilkåra og er avgrensa til salssummen til eigedomen, men oppad avgrensa til kr. 14 000 000,-. Seljar har i den samanhengen utarbeidd ei eigenerklæring om eigedomen. Eigenerklæringa ligg vedlagt salsoppgåva og interessentar vert oppmoda til å gjere seg kjend med denne før bodgiving/kjøp. Bustadseljarforsikringa sørgjer for at kjøpar kan forhalde seg til ein profesjonell og søkegod motpart som handterer eventuelle reklamasjonar fagleg og ryddig. Dersom kjøpar ikkje har teikna bustadkjøparforsikring kan du kontakte meklar for å få kontaktinformasjon til bustadseljarforsikringa til seljar. Av vilkåra går det fram unntak i forsikringsdekninga, til dømes ved nye forhold som oppstår mellom aksept og overtaking. Garantiar/lovnader der seljar har påteke seg ansvar for eigenskapar ved eigedomen eller dokumentasjon av slike, vert ikkje dekt. I nokre tilfelle er det heller ikkje dekning der seljar har opptrådt forsettleg eller grovt aktlaust. Forsikringa omfattar heller ikkje ein redusert bustadverdi som skuldast skadedyr/insekt, til dømes skjeggkre/perlekre/sølvkre, veggdyr, pelsbiller, maur, borebiller og tilsvarande. I samsvar med lov og rettspraksis må det reklamerast "innan rimeleg tid". Det vert tilrådd å reklamere umiddelbart/snarast mogleg og seinast innan 2 månader frå forholdet vart/burde vorte oppdaga. Dersom kjøpar utbetrar mangelskrav på eiga hand, kan dette medføre at reklamasjonsretten vert tapt.

Boligkjøperforsikring

Vedlagt i salsoppgåva følgjer informasjon om Bustadkjøparforsikring Pluss og Bustadkjøparforsikring frå HELP Forsikring AS. Bustadkjøparforsikring er ei rettshjelpsforsikring som gir tryggleik og profesjonell juridisk hjelp dersom det blir oppdaga uventa feil eller manglar ved bustaden dei neste fem åra. Bustadkjøparforsikring Pluss har same dekning som bustadkjøparforsikring + fullverdig advokathjelp på viktige rettsområde i privatlivet. Les meir om begge forsikringane i vedlagde materiell eller på help.no. Det blir gjort merksam på at meklarføretaket mottar kr 1 900 / 2 600 / 2 600,- (avhengig av bustadtype) i kostnadsgodtgjersle for kvar forsikringsavtale som blir formidla på Bustadkjøparforsikring Pluss og kr 2 900 ,- / 3 600,- / 3 600,- i kostnadsgodtgjersle for Bustadkjøparforsikring.

Avgiftsbeskrivelse

Dette inkluderer vatn- og avlaupsavgifter. Den totale årlege kostnaden vil variere etter eige forbruk. Renovasjon er ikkje inkludert og blir fakturert separat. Kommunale gebyr er ein kombinasjon av forskot, abonnement og enkeltgebyr fakturert etter levert teneste. Kommunen kjenner ikkje samla gebyr for ein eigedom for eit år før året er omme. I tillegg kjem eigedomsskatt, som for 2026 er stipulert til kr 8 577,-.

Moderniseringer og påkostninger

Følgjande moderniseringar er utførte dei seinare åra: 2022: - Skifta varmepumpe for sentralvarmeanlegget til ein væske-til-vatn-varmepumpe med integrert varmtvatnstank, utført av Dale rør AS, samt oppgradert med ny straumkabel og kraftigare sikring utført av Bravida.

Betalingsbetingelser

Kjøpesum og alle kostnader skal vere innbetalt til meklar sin klientkonto før overtaking. Det føresetjast at skøyte blir tinglyst på ny eigar. Dersom kjøpar ikkje ønskjer heimelsoverføring av eigedommen til seg, må det takast atterhald om dette i bodet.

Fasiliteter

Adgang til utleie

Sameiget har ingen begrensingar i forhold til utleige. Styret må likevel varslast. Det følgjer av eigarseksjonslova § 24 at utleige over kort tid av heile bustadseksjonen i meir enn 90 døgn årlie ikkje er tillate. Med utleige over kort tid meiner ein utleige inntil 30 døgn samanhengande. Grensa på 90 døgn kan fråvikast i vedtektene. bestemminga gjeld ikkje for fritidsbustader. Ta kontakt med meklar dersom du ønskjer kopi av vedtektene for nærare informasjon om kva vedtak som er fatta i dette sameiget.

Radon

Det er ikkje utført radonmåling, og det er heller ikkje krav til dette. For meir informasjon om radon, sjå www.dsa.no. Kjøpar overtek frå overtakinga ansvaret for eventuelle utbetringstiltak som seinare må setjast i verk og betalast. Bygget er ikkje utført med radonsperre.

Sentrale lover

Eigedomen vert seld etter reglane i avhendingslova. Salsoppgåva er basert på dei opplysningane seljar har gitt til bygningsakkyndig og meklar, samt opplysningar innhenta frå kommunen, Statens kartverk og andre tilgjengelege kjelder. Eigedomen skal overleverast til kjøpar i tråd med det som er avtalt. Det er viktig at kjøpar set seg grundig inn i alle salsdokumenta, med dette salsoppgåve, tilstandsrapport og seljar si egenerklæring. Kjøpar vert sett på som kjent med forhold som er tydeleg beskrive i salsdokumenta. Forhold som er beskrive i salsdokumenta kan ikkje påberopast som manglar. Dette gjeld uavhengig av om kjøpar har lest dokumenta. Alle interessentar vert oppmoda til å undersøkje eigedomen nøye, gjerne saman med fagkyndig før bod vert gjeve. Kjøpar som vel å kjøpe usett kan ikkje gjere gjeldande som mangel noko han burde blitt kjent med ved undersøkinga. Dersom det er behov for avklaringar, anbefalar vi at kjøpar rådfører seg med eigedomsmeklar eller ein bygningsakyndig før det vert lagt inn bod.   Dersom kjøpar ikkje er forbrukar seljast eigedomen «som den er», og seljar sitt ansvar er då avgrensa jf.§ 3-9 1. ledd 2. pkt. Informasjon om kjøpar si undersøkingsplikt, med dette oppmoding om å undersøkje eigedomen nøye, gjeld og for kjøparar som ikkje vert vurdert som forbrukarar.  På grunn av ulike avtalevilkår kan seljar vurdere bod frå ein som ikkje er forbrukar, ulikt frå ein forbrukar sitt bod. Dersom kjøpar ikkje er forbrukar, er seljar sitt mulege mangelsansvar avgrensa fordi eigedomen vert seld "som den er".  Seljar kan ikkje ta «som den er» atterhald ovanfor ein forbrukarkjøpar. Sjølv eit lågare bod frå ein som ikkje er forbrukar kan foretrekkast fordi avgrensinga i muleg mangelsansvar kan ha eigenverdi for seljar. Seljar står fritt til å forkaste eller akseptere eitkvart bod, og pliktar til dømes ikkje å akseptere høgste bod.  Bodgjevarar får informasjon dersom andre bod er gjeve av ein som ikkje er forbrukar.  Forbrukarkjøp - definisjon: Med forbrukarkjøp meinast kjøp av eigedom når kjøparen er ein fysisk person som ikkje hovudsakleg handlar som ledd i næringsverksemd. Forbrukar - avtalevilkår: Eigedomen har ein mangel dersom den ikkje er i samsvar med krava som følgjer av avtalen, eller det ligg føre brot på bestemmingane i avhendingslova §§ 3-2 til 3-8. Dersom eigedomen ikkje er i samsvar med det kjøparen må kunne vente ut frå alder, type og synleg tilstand, kan det vere grunnlag for mangelskrav. Det same gjeld dersom det er halde tilbake eller gitt urette opplysningar om eigedomen. Dette gjeld likevel berre dersom ein kan gå ut frå at det virka inn på avtalen at opplysningen ikkje vart gitt eller at feil urette opplysningar ikke blir retta i tide på ein tydeleg måte. Ein bustad som har blitt brukt i ei viss tid, har vanlegvis blitt utsett for slitasje og skadar kan ha oppstått. Slik bruksslitasje må kjøpar rekne med, og det kan avdekkast enkelte forhold etter overtakinga som gjer det naudsynt med utbetringa utbedringar. Normal slitasje og skadar som gjer det naudsynt med utbetring, er innanfor kva kjøpar må vente og vil ikkje utgjere ein mangel. Bustaden kan ha ein mangel etter avhendingslova § 3-3 dersom det er avvik mellom opplyst og faktisk innvendig areal, forutsett at avviket er på 2 % eller meir og minimum 1 kvm. Ved berekning av eit eventuelt prisavslag eller erstatning må kjøpar sjølv dekke tap/kostnader opptil eit beløp på kr 10 000 (eigendel). Ikkje - forbrukar (næringsdrivande) – definisjon: Dersom kjøpar er ein juridisk person, eller ein fysisk person som hovudsakeleg handlar som ledd i næringsverksemnd, vil kjøpet ikkje bli sett på som eit forbrukarkjøp.  Ikkje - forbrukar – avtalevilkår: Eigedomen har ein mangel dersom den ikkje er i samsvar med krava som følgjer av avtalen. Eigedomen vert seld «som den er», og seljar sitt ansvar utover det konkret avtalte er då avgrensa etter avhendingslova § 3-9, første ledd andre setning.  Avhendingslova § 3-3 andre ledd vert fråviken, og korvidt arealsvikt i bustaden utgjer ein mangel vert vurdert etter avhendingslova § 3-8.  Ein føresetnad for salet er at skøyet for eigedomen vert tinglyst på kjøpar. Interessentar og kjøpar må godta at seljar og meklar brukar elektronisk kommunikasjon i salsprosessen. I trå med eigedomsmeklingsforskrifta vil informasjon om oppdragsgivar, salsobjektet, interessentar og kjøpar bli lagra av meklarføretaket i min. 10 år. Sjå em1.no for meir informasjon om handsaminga vår av personopplysningar.

Personopplysningsloven

Vi gjer interessentar og kjøparar merksame på at vi vil handsame, etter personopplysingslova, personopplysningane dine i den utstrekning dette er naudsynt for å oppfylle våre lovpålagte plikter, med dette for å kunne gjere kundekontroll etter kvitvaskingslova samt for å utføre oppgåver som vi er pålagt etter eigedomsmeklingslova.

Kommunalinfo

• Kommunale avgifter: kr 19 256
• Eiendomsskatt: kr 8 577
• Informasjon om eiendomsskatt: For bustadeigedomar og fritidseigedomar er eigedomsskatten 3,1 promille(sjekk din kommune). For alle bustadeigedomar og fritidseigedomar utgjer eigedomsskattegrunnlaget 70 prosent av skattetaksten for slike eigedomar, jf. eigedomsskattelova § 8 A-2. Eigedomsskatten 7 promille(sjekk din kommune) for næringseigedom, energianlegg (kraftanlegg og kraftnettet), naust, tomter (bustad, fritid, næring og naust) og særskilde skattegrunnlag (jf. overgangsregel i eigedomsskattelova).