Kjørslemøbakkane 1J

Bustaden har ei fin plassering i Kjørslemøbakkane burettslag i Førde, etablert i ei helling mot nordaust. Frå området er det utsyn over nærliggande bustadområde og vidare mot bustad- og næringsområda rundt den indre delen av fjorden. Nabolaget er godt tilrettelagt for born og familiar, med asfalterte interne gangvegar, felles grøntareal og opparbeidd leikeplass på burettslaget sin eigedom, i tillegg til ballplass berre ein kort gåtur unna. For barnefamiliar er kvardagslogistikken enkel og oversiktleg. Både Halbrend barnehage og Halbrend skule ligg i gangavstand frå bustaden. For dei eldre elevane ligg både Førde ungdomsskule, Førde vidaregåande skule og Mo og Øyrane vidaregåande skule ein kort sykkeltur unna. Til sentrumskjernen i Førde kjem du deg enkelt til fots, på sykkel eller med ein kort køyretur. Her finn du eit breitt utval av forretningar, kafear og tenester på kjøpesentra Elvetorget og Alti Førde, samt daglegvarebutikkar for dei daglege innkjøpa. Førdehuset samlar eit rikt kulturtilbod med kino, konsertsal og idrettshall, i tillegg til symjeanlegg. Friluftsmoglegheitene i og rundt Førde er rike året rundt. Hafstadkleiva startar nede ved sentrum og byr på ein populær turveg heilt opp til Hafstadfjellet med flott utsikt over fjord og dalføre. Vinterstid og på barmark er Langeland Ski- og Fritidssenter eit flott samlingspunkt med preparerte skiløyper, lysløype og rulleskiløype. Næraste busshaldeplass ved Hogane ligg berre ein kort spasertur frå døra, og for reiser utover regionen ligg Førde lufthamn på Bringeland rundt 20 minutt unna med bil.

Eigedomen ligg i område regulert til byggeområde (felt B 3). Planen er reguleringsplan Øvre Steinen (plan-ID 143219820009), med ikrafttredelse 28.04.1982. Av eigedomen sitt areal i denne planen er 16 455 m² regulert til byggeområde (felt B 3), 620 m² til offentleg trafikkområde, 123 m² til gangveg og 19 m² til anlegg for leik (felt F 1). Eigedomen omfattast også av reguleringsplan Steinen - Halbrend (plan-ID 143219700008), med ikrafttredelse 17.12.1969. I denne planen er 145 m² regulert til byggeområde og 6 m² til køyreveg. Eigedomen omfattast av Kommuneplanen sin arealdel 2024–2035 (plan-ID 2021001), med ikrafttredelse 20.06.2024. Arealbruken er i planen avsett til bustadbusetnad, noverande (delareal 17 369 m², områdenamn B). Eigedomen vert råka av følgjande omsynssoner: - Omsynssone H310: Ras- og skredfare Ved at eigedommen er lagt inn i ei omsynssone i Kommuneplanen sin arealdel 2024–2035 betyr det at ein framtidig arealplan innanfor området vil måtte ta høgde for dette, og at fagkyndig person må utføre ei fagleg vurdering opp mot den aktuelle omsynssona (t.d. skred og rasfare) før kommunen kan godkjenne ein plan. Kommunen har plikt til å informere om naturfarer som er kjende. På kart/plan som meklar har motteke frå kommunen er området der eigedomen ligg markert med fare, det vil seie fare for ras- og skred til dømes steinsprang, steinskred, lausmasseskred, fjellskred eller snøskred. Kommunen har dermed evaluert risikoen for skred og gradert området i forhold til sannsyn og risiko og merka på karta større soner og område der det kan skje ras. Det kan vere forbod mot tiltak og arbeid i rasutsette område. Ta kontakt med kommunen eller Norges geotekniske institutt (NGI) www.ngi.no dersom du har fleire spørsmål i forhold til grunnforholda. Følgjande delareal råkar eigedomen: - H310_2: Fareområde skred 1:100 (368 m², Faresonekartlegging NGI 2019) - H310_3: Fareområde skred 1:1000 (341 m², Faresonekartlegging NGI 2019) - H310_1: Aktsemdsområde for skred S3 (46 m²) - H310_7: Aktsemdsområde for skred S2 (46 m²) For aktsemdsområda betyr omsynssone at det er naudsynt å vise at ein skal vere merksam mot potensiell fare, men det er ikkje noko som seier at det er ein reell fare. I henhold til kommuneplanen sine føresegner § 10.1 pkt. 5 skal geotekniske undersøkingar utførast av fagkunnige på siste plannivå før søknad om tiltak. Fagkunnig utgreiing må slutte seg til at tiltaket kan gjennomførast, og eventuelle avbøtande tiltak skal vere bygd og gjennomført før bruksløyve. - Omsynssone H220: Støysone (gul sone iht. T-1442) Kommunen har plikt til å informere om naturfarer som er kjende. På kart/plan som meklar har motteke frå kommunen er området der eigedomen ligg markert med fare, det vil seie fare for støy. Ta kontakt med kommunen for meir detaljert informasjon om dette. Dekningsareal på eigedomen er 115 m² i gul sone. I henhold til kommuneplanen sine føresegner § 10.1 pkt. 4 skal alle tiltak i støysone planleggjast slik at støyforholda innandørs og utandørs vert tilfredsstillande. Miljødepartementet sine retningslinjer for støy i arealplanlegginga T-1442/2021 skal leggjast til grunn for tiltak etter plan- og bygningslova § 20-1. Området er stadig under endring/utvikling, bygg settast opp, rehabiliterast og rivast ned. Vi tilrår difor alle bodgivarar å sette seg inn i gjeldande reguleringsplan. Kopi av situasjonskart, målebrev, reguleringsplanar m/bestemmelsar og liknande ligg vedlagt i salsoppgåva eller kan mottakast ved å kontakte til meklar. Vi oppmodar interessentar til å gjere seg kjent med desse.

Regnskap / Budsjett:
Interessentar anbefalast å sette seg inn i rekneskapet/budsjettet til burettslaget. Årsrekneskapen for 2025 viste eit driftsresultat på kr 663 913,- og eit positivt årsresultat på kr 521 083,- mot budsjettert kr 490 000,-. Disponible midlar pr. 31.12.2025 var positive med kr 1 471 673,-. Eigenkapitalen til laget var på kr 5 270 832,- (derav andelskapital kr 3 800,-, anna eigenkapital kr 4 365 381,- og vedlikehaldsfond kr 901 651,-). For 2026 er det budsjettert med driftsinntekter på kr 2 578 870,-, driftskostnader på kr 2 014 900,- og eit overskot på kr 371 570,-.

Vedtekter / Husordensregler:
Burettslaget har vedtekter (vedtekne på konstituerande generalforsamling 02.10.1975, sist endra 04.04.2024 og på generalforsamling 24.03.2026) og husordensreglar (vedtekne på generalforsamling 14.04.2011).

Dyrehold:
Husdyr kan ikkje haldast utan løyve frå styret. Det vil som hovudregel verte gjeve løyve til eitt dyr per husvære. Husdyr kan tillatast under føresetnad av at dyret er registrert hos styret i burettslaget, og at avtale om ansvarleg husdyrhald vert inngått. Hundar skal haldast i band heile året og alle som luftar hundar pliktar å ta med seg ekskrementa etter hunden. Hundar og kattar skal ha antimakk-kur haust og vår. Det er ønskjeleg at kattar er kastrerte og alle husdyr skal vere inne om natta.

Beboernes forpliktelser:
Eigar av andelen pliktar å setje seg inn i vedtektene til burettslaget og eventuelle husordensreglar. Kopi av desse ligg hos meklar. Burettslaget gjennomfører dugnad minst to gongar i året (vår og haust, samt etter behov). Arbeid utanom fastsett dugnad kan avtalast, og uføre og pensjonistar kan søkje om fritak. Det vert kravd ei månadleg dugnadsinnbetaling på kr 125,-/mnd. Andelseigar står ansvarleg for å måle eigen bustad, utebod og carport etter retningslinjene til styret, medan burettslaget dekker måling, målingsutstyr og stillas til endeveggar. Andelseigar har også ansvar for stell og vedlikehald av inngangssone og hageareal knytt til eigen bustad (inkludert trapper, bakkemurar og terrassegolv som ikkje reknast som del av bustaden), samt rensing av sluk og kloakkledning fram til fellesledning.

Styregodkjennelse:
Kjøpar skal godkjennast av styret i burettslaget. Dette kan ikkje nektast utan sakleg grunn. Kjøpar pliktar å gjennomføre handelen uavhengig av om kjøpar på overtakingstidspunktet er godkjent av burettslaget som ny andelseigar. Risikoen for å bli godkjent som ny andelseigar kviler på kjøpar. Dersom kjøpar på overtakingstidspunktet ikkje er godkjent som ny andelseigar, har kjøpar ikkje rett til å ta eigedomen i bruk jf. borettslagsloven § 4-5 (2). Blir kjøpar ikkje godkjent som ny eigar må kjøpar syte for vidaresal av andelen. Heimelen vert overført til kjøpar og oppgjer vert utbetalt til seljar. Søknad om styregodkjenning skal sendast til styret. Nekter burettslaget å godkjenne ervervaren som andelseigar, må melding om dette kome fram til ervervaren seinast 20 dagar etter at søknaden om godkjenning kom fram til burettslaget. I motsett fall skal godkjenning reknast som gjeve.

Forkjøpsrett:
Dersom ein andel skiftar eigar, har andelseigarane i burettslaget og dernest dei øvrige andelseigarane i bustadbyggjelaget (BOB BBL) forkjøpsrett. Fristen for å gjere forkjøpsretten gjeldande er 20 dagar frå burettslaget mottok melding om at andelen har skifta eigar, med opplysning om pris og andre vilkår. Fristen er fem kvardagar dersom burettslaget har mottatt skriftleg førehandsvarsel om at andelen kan skifte eigar, og varselet har kome fram til laget minst 15 dagar, men ikkje meir enn tre månader, før meldinga om at andelen har skifta eigar. Ansiennitet i burettslaget reknast frå dato for overtaking av andelen; står fleire andelseigarar med lik ansiennitet, går den med lengst ansiennitet i bustadbyggjelaget føre.

Felleskostnadene inkluderer renter og avdrag knytt til fellesgjeld, byggforsikring, styrehonorar, forretningsførsel, revisjonshonorar, breiband, dugnad, kommunale avgifter, eigedomsskatt og drift og vedlikehald. Rentenivå, eventuelt nye låneopptak, endra nedbetalingsplan og årsmøtevedtak kan påvirke storleiken på felleskostnadene. Felleskostnader: kr 3 689,- Breiband: kr 299,- Dugnad: kr 125,- Det kjem tillegg for fiber dersom eininga har avtale om dette (kontakt styret).

kr 104 520,74
Dette utgjør andelens fellesgjeld pr. 25.08.2026

Spesifikasjon av lån: Bank: Husbanken Lånenummer: 13560334 Type: Annuitetslån Restsaldo pr. 25.08.2026: kr 5 544 727,- Andel av saldo: kr 104 520,74 Innfrielsesdato: 01.11.2038 Type Rente: Flytande rente Rente: 4,07 %

Burettslaget ved andelseigarane kan haldast ansvarlege for andre andelseigarar sitt eventuelle misleghald av felleskostnader. Dersom ein andelseigar ikkje betalar andelen sin av fellesgjelda har burettslaget 1. prioritets pant i andelen for inntil 2G (folketrygda sitt grunnbeløp). Ved vesentleg misleghald kan burettslaget krevje tvangssal av andelen. Burettslaget har forsikra seg mot manglande innbetaling av felleskostnader. Burettslaget har frivilleg sikringsordning i Klare Finans AS (www.klarefinans.no). Avtalen varer til den vert sagt opp av ein av partane. Vilkår for kva forsikringa dekker kan ein få ved å spørje meklar.

Det er éin fast og éin fri parkeringsplass ute til alle andelane i burettslaget. 23 av andelseigarane har sett opp carport for eigen rekning, medan dei resterande disponerer parkeringsplass med motorvarmaruttak. Denne andelen har ikkje carport. Burettslaget har etablert felles infrastruktur for elbillading til alle andelane, der andelseigar kjøper ladepunkt for eigen rekning.

Tomteareal er 17 369 m² på eiet tomt.

Burettslaget har ei eigd tomt på 17 369,3 m². Tomta ligg i ei helling mot nordaust med utsyn mot nærliggande bustadområde og indre del av fjorden. Tomta er opparbeidd med leikeplassar, ballplass/fotballbane, grasplenar og vegetasjon, asfalterte gangvegar, interne vegar og felles parkerings- og garasjeanlegg. Tomta til burettslaget er fellesareal, dersom det ikkje er gjort nærare avtalar om bruk.

Rekkehus går over to plan med følgande innhald: 1. etasje: Vindfang, entré, to soverom, bad, vaskerom og bod. 2. etasje: Stove/kjøkken. I tillegg kjem ein altan på 7 m² og ein treterrasse på terreng. Bustaden disponerer ein sportsbod på 4 m². Dei oppgitte romma er definerte av bygningssakkyndig i samsvar med vedlagd rapport, basert på dagens faktiske bruk, uavhengig av kva som er godkjent av bygningsstyresmaktene.

Endeleilegheit i vertikaldelt rekkehus over to plan, oppført i 1978. Rekkehuset har ei praktisk planløysing fordelt over to etasjar. I 2012 vart burettslaget oppgradert med ny taktekking, nye takrenner og nedløp, samt nye vindauge, terrasseskyvedør og ytterdører. Innvendig har bustaden ei open stove- og kjøkkenløysing i andre etasje med utgang til altan, medan første etasje rommar entré, to soverom, bad, vaskerom og bod. Entré: Inngangen fører inn til vindfang og entré i første etasje med flislagt golv. Herfrå er det tilkomst til innvendig bod og trapp opp til andre etasje, samt vidare samband til soverom, bad og vaskerom. Stove: Stova ligg i andre etasje og har ei open planløysing mot kjøkkenet. Rommet har laminat på golvet, brystningspanel på vegg og ein vedovn tilknytt pussa elementpipe. Frå spisestova er det utgang via terrasseskyvedør til altanen. Kjøkken: Kjøkkenet har innreiing med måla frontar og benkeplater i eik. Rommet har flislagde veggflater ved komfyren, opplegg for frittståande kvitevarer og ventilator for avtrekk med synleg kanal ført til himling. Bad: Baderommet i første etasje vart overflatemodernisert i 2011 og har flislagt golv med varmekablar samt våtromspanel på veggar. Innreiinga består av klosett, baderomsinnreiing med kvite frontar og heildekkande servantplate, speil og badekar. Rommet har vindauge og avtrekk via mekanisk ventilasjonsvifte. Vaskerom: Vaskerommet i første etasje har betonggolv med måling og tapetserte plater på veggar. Rommet er utstyrt med skyljekar i stål, opplegg for vaskemaskin, varmtvasstank på 152 liter og mekanisk avtrekksvifte. Vaskerommet har eit oppgraderingsbehov. Soverom 1: Soverommet i første etasje har tilkomst frå gangen og utgang via terrassedør til terreng. Soverom 2: Rommet er etablert ved oppdeling av det opphavlege soverommet og har inngang frå badet. Altan og terrasse: Frå stova er det utgang til ein søraustvendt altan oppbygd med impregnert, beisa tredekke og trerekkverk med liggjande spilekledning. Ved endeveggen mot nordvest er det opparbeidd ein treterrasse på terreng med tilkomst frå første etasje. Overflater: Golv: Parkett, laminat og keramisk flis. Ubehandla betonggolv i bodene. Veggar: Måla overflater på underlag av strier, plater, trepanel og brystningspanel. Himling: Måla slette plater. Lagring: Bustaden har innvendig bod i 1. etasje samt ein ekstern sportsbod på ca. 4 m² tilknytt bustaden. For beskriving av tilstandsgrad (TG) 2 og 3, sjå punktet Byggemåte i salsoppgåva. Delar av informasjonen i dette avsnittet er henta frå tilstandsrapporten. For ordens skuld nemner vi at TGIU står for «tilstandsgrad ikkje undersøkt», til dømes fordi ein del av bygget ikkje har vore tilgjengeleg for inspeksjon. Desse delane kan dermed ha feil eller manglar som ikkje er avdekka. I tilstandsrapporten kjem det fram meir og utfyllande informasjon om tilstanden til bustaden, og det er viktig å setje seg grundig inn i tilstandsrapport og anna salsinformasjon før kjøp.

Det vert gjort merksam på at kun integrerte kvitevarer på kjøkkenet følgjer med ved overdraginga. Desse vert levert utan nokon form for garantiar, ut over eventuell gjenverande leverandørgaranti.

For veibeskrivelse henvises det til vedlagte kart i salgsoppgaven. Det vil bli skiltet med EiendomsMegler 1-skilt ved fellesvisning.

Informasjon er henta frå vedlagde tilstandsrapport, datert 24.09.2026. Bygning: Endeleilegheit i vertikaldelt rekkehus, oppført med tradisjonell konstruksjon og standard for byggeåret i 1978. Fundament og ringmur er av betong, og golv i 1. etasje er oppført med betongplate på grunn. Etasjeskilje er av tredekke, og ytterveggar er av bindingsverk med utvendig kledning av ståande og liggande trepanel. Det er ikkje kjennskap til byggjegrunnen, fuktsikring eller drenering for burettslaget sin bygningsmasse. Tak: Takkonstruksjon med saltakform, oppbygd av w-takstolar med ventilert kaldloft. Undertak er av armert plastfolie frå byggjeåret samt eit overliggande undertak av sutakplater lagt i 2012 i samband med skifting av taktekking. Taktekkinga er av Decra stålpanner med steingranulat frå 2012. Takrenner og nedløp er av plast, og det er montert stigetrinn av lakkert metall for tilkomst til pipa. Pipe/Eldstad: Pipe av lettklinkerelement, innvendig med pussa overflater og utvendig med heildekkande pipebeslag. Det er installert vedovn i stova. Vindauge: Vindauge i treverk med 2-lags isolerglas, innvendig med måla overflater og utvendig med heildekkande lakkerte aluminiumsbeslag, sett inn i 2012. Dører: Ytterdør i treverk med måla overflater og 2-lags isolerglas, samt terrasseskyvedør i måla treverk med 2-lags isolerglas, begge frå 2012. Terrassedør i 1. etasje i treverk med 2-lags isolerglas har måla overflater innvendig og lakkerte aluminiumsbeslag utvendig. Innvendige dører har måla formpressa dørblad. Trapper/tilkomst: Trapp med rekkverk og handtre i måla treverk, med ettermontert underkledning av beisa trepanel. Balkong/terrasse: Altan i fasade mot søraust, oppbygd av impregnert beisa tredekke og trerekkverk med liggande spilekledning. Treterrasse på terreng ved endeveggen mot nordvest. VVS-installasjonar: Vassleidningar av koparrøyr og avløpsrøyr av plast frå byggeåret. Varmtvasstank frå byggeåret med volum på 152 liter. Bustaden er tilknytt kommunalt vassverk og avløpsanlegg via burettslaget sine private stikkleidningar; det er ikkje kjennskap til utvendig leidningsnett. Ventilasjon: Ventilasjonen er basert på naturleg ventilering, som var vanleg for byggjeåret. Avtrekksvifte er plassert i kaldloftet, våtrom har ventil med avtrekk via mekanisk vifte, og kjøkken har ventilator for avtrekk. Tekniske detaljar: Bustaden har brannvarsling, brannteppe og brannslokningsapparat. Elektrisk anlegg er i hovudsak utført som skjult installasjon, og sikringsskapet er utstyrt med skrusikringar. Alle bygningsdelar og installasjonar har avgrensa levetid. Konstruksjonane er bygd etter lov og forskrift som tek utgangspunkt i byggeåret og vil normalt ikkje tilfredsstille krava i dag. Med omsyn til den tekniske standarden på bygningane vert det vist til vedlagde tilstandsrapport fra takstmann Bjarte Roska datert 24.09.2026, der enkelte bygningselementer har oppnådd tilstandsgrad 3 (TG3), tilstandsgrad 2 (TG2) og konstruksjonar som ikkje er undersøkt (TGIU). Interessentar vert oppmoda til å sette seg grundig inn i desse punkta samt eigenerklæringa som ligg ved salsoppgåva før det vert lagt inn bod på eigedomen. Meklar gjer elles merksam på kjøpar si undersøkingsplikt med heimel i avhendingslova. Nedanfor følgjer ei kort oppsummering der den bygningssakkyndige har skildra avvik ved bustaden som har fått tilstandsgrad 2 (TG2) eller 3 (TG3). TG3 med store eller alvorlege avvik: - 1. Etasje Bad - Vanntett sjikt, membran og sluk | Plastsluken er frå byggeåret og har passert over halvparten av forventa levetid. Membran/tettesjikt som er synleg i slukkanten er ikkje lagt under klemringen i sluken. Tettesjiktet har passert over halvparten av forventa levetid. Det er ikkje dokumentasjon for utføringa av tettesjiktet. Konsekvens/tiltak: Manglande klemming av tettesjiktet i overgangen til sluken medfører høg risiko for lekkasje. Om det ikkje kan dokkumenterast eit eventuelt underliggande tettesjikt, bør nærmare kontroll og eventuelt ei lokal utbedring gjennomførast. Tettesjiktet sin alder og manglande dokumentasjon for utføring medfører risiko knytt til framtidig funksjon og gjenverande brukstid. Flislagde overflater bør regelmessig kontrollerast for riss og sprekker som kan vere ein indikasjon på underliggande fuktskade. Kostnadsestimat: Under 20 000 - 1. Etasje Vaskerom - Generell | Golvet har nedslitt tettesjikt og utett overgang til sluken. Sluken har standard frå byggeåret og har passert over halvparten av normal levetid. Veggtapeten tilfredsstiller ikkje dagens krav til tettesjikt. Konsekvens/tiltak: Nedslitte tettesjikt medfører risiko for lekkasjer med følgjeskade i konstruksjonen. Vaskerommet må totalrenoverast for å tilfredsstille bruksfunksjonen som våtrom. Kostnadsestimat: 100 000 - 200 000 TG2 med avvik som kan krevje tiltak: - Utvendig > Takkonstruksjon/Loft: Det er registrert fleire område der spikaren for rekter og lekter står utafor takstolen. - Utvendig > Ytterveggar/Veggkonstruksjon: Kledningen har naturleg slitasje, sprekker i enkelte bord og flekkvis slitt overflatebehandling, og det er ikkje registrert gnagarnetting under kledningen. - Utvendig > Ytterdører: Ytterdøra tek i karmen og har nokre skrapemerke. - Innvendig > Overflater - golv: Laminatgolvet i stova har synleg endekant langs plata under vedomnen, og golvflatene har naturleg elde og slitasje. - Innvendig > Overflater - veggar og himlingar: Innvendige veggar og himlingar har ikkje vore moderniserte i seinare tid og er prega av elde og slitasje. - Innvendig > Innvendige dører: Det er registrert dører som tek i karm og terskel. - Våtrom > 1. Etasje > Bad > Overflater, vegger og himling: Våtromspanelen har passert over halvparten av normal brukstid, og vindauget står innafor badekaret si våtsone utan å vere av fuktbestandig materiale. - Våtrom > 1. Etasje > Bad > Overflater golv: Golvet tilfredsstiller ikkje forskriftskravet til nivåskilnad mot dør eller lokalt fall rundt sluken. - Våtrom > 1. Etasje > Bad > Sanitærutstyr og innreiing: Frontpanelet på badekaret er delvis laust montert mot trekvite lekter, og det er synleg fuktslitasje i nedre del av frontane på baderomsinnreiinga. - Våtrom > 1. Etasje > Bad > Ventilasjon: Avtrekket har avgrensa effekt på grunn av lite tilluft. - Kjøkken > 2. Etasje > Stove/kjøkken > Overflater og innreiing: Kjøkkeninnreiinga er av enkel eldre standard. - Tekniske installasjonar > Innvendige vassledningar: Vassledningane har passert over halvparten av normal levetid, og det er registrert irr på røyrkoplingane. - Tekniske installasjonar > Innvendige avløpsrøyr: Avløpsrøyra har passert over halvparten av forventa levetid, og det er merkbar knitre-/gnisselyd ved tapping av varmtvatn i kjøkkenet. - Tekniske installasjonar > Ventilasjon - 1: Avtrekksvifta er av eldre standard og har passert normal levetid. - Tekniske installasjonar > Varmtvasstank: Varmtvasstanken har passert normal levetid. - Tomteforhold > Fuktsikring og drenering: Det manglar dokumentasjon på fuktsikring og drenering, og over halvparten av normal levetid er passert. - Tomteforhold > Grunnmur og fundamenter: Det er registrert avskalling av betongoverdekning og rust i armeringa langs delar av fundamenta/ringmuren. - Tomteforhold > Utvendige vatn- og avløpsledningar inkl. overvatn og avløp fra drenering: Utvendig leidningsnett har passert over halvparten av forventa levetid. TGIU - Konstruksjonar som ikkje er undersøkte: - Våtrom > 1. Etasje > Bad > Tilliggande konstruksjonar våtrom: Våtsona ligg mot yttervegg og mot vaskerommet si våtsone; holtaking er difor ikkje utført. - Våtrom > 1. Etasje > Vaskerom > Tilliggande konstruksjonar våtrom: Våtsonene ligg mot yttervegg og mot badet sine våtsonar; holtaking for fuktkontroll er difor ikkje mogleg å gjennomføre. Helse, miljø og sikkerhet: Vurdering av avvik: • Avvik: Sotluka har ikkje forskriftsmessig avstand på minimum 300 mm til brennbart veggmateriale. * Det er ikkje eldfast plate på golvet under sotluka. * I 1.etasje er pipa innkledd. Elementpiper skal ha minst to heile sider synlege for å kunne registrere eventuelle sprekker og skader. • Avvik: Trapperekkverket som er av liggande plank har opningar over forskriftsmessig krav som er maks 20 mm. • Avvik: Det elektriske anlegget har i det vesentlege standard frå byggjeåret. Det er ingen dokumentasjon for at anlegget har vore kontrollert av godkjent installatør eller av DLE/det lokale el-tilsyn i seinare tid. Konsekvens/tiltak • Brennbar overflate på veggen som ligg nærmare sotluka enn 300 mm må sikrast med eldfast materiale for å redusere brannfaren. * Montere eldfast plate på golvet under sotluka for å hindre at varm oske og glør medfører fare for antenning ved uttak av sot. * Sidan sotluka er plassert i stova i 2.etasje, er truleg pipeløpet i 1. etasje eit blindløp som er stengt blenda under sotluka i 2. etasje. Innkledninga av pipeløpet kan difor vere innafor forskriftskravet. Nærmare kontroll vert anbefalt ved feiing eller branntilsyn. • Opningane i trapperekkeverket medfører fare for klatring og fallulykker. Endring til dagens forskriftskrav som er maks 20 mm opning mellom rekkverksplankane vert anbefalt for å hindre klatring og fallulykker. • Tilstandsrapporten for bygningen inkluderer ikkje ei fagmessig vurdering av det elektriske anlegget. * For eldre elektriske anlegg som dette, og som ikkje har vore kontrollerte av godkjent installatør eller DLE/det lokale el-tilsyn i seinare tid, vert det på generelt grunnlag anbefalt tilstandsvurdering av installasjonen for å sikre at det ikkje er fare for personskade og bygningsskade. Oppsummeringa over er ikkje uttømmande, og du vert oppmoda til å lese og setje deg grundig inn i alt salsmateriell. For ordens skuld nemner vi at TGIU står for «tilstandsgrad ikkje undersøkt», til dømes fordi ein del av bygget ikkje har vore tilgjengeleg for inspeksjon. Desse delane kan dermed ha feil eller manglar som ikkje er avdekte.

Elektrisitet og vedfyring. Varmekablar på bad og vedomn i stova. Dersom rom for varig opphald ikkje har vegg- eller fastmonterte varmekjelder ved vising følgjer dette heller ikkje med. Tilstandsrapporten skildrar byggverket sin tekniske tilstand. Det er ikkje utført kontroll av dei elektriske installasjonane (el-takst) sjølv om bygningssakkyndig kan ha knytt nokre kommentarar til elanlegget ut frå heilt enkle vurderingskriterium. Sidan elanlegget ikkje er kontrollert er det sannsynleg at det seinare kan bli avdekt avvik frå dagens forskriftskrav og oppstå funksjonssvikt. Vidare må kjøpar vere førebudd på at det må gjerast oppgraderingar på grunn av slitasje, manglande vedlikehald, arbeid som er utført av ufaglærte, utidsmessigheit eller tekniske løysingar som ikkje held dagens standard. I Noreg er det ei av oppgåvene til «Det lokale el-tilsynet» (DLE) å føre tilsyn med elektriske anlegg i bustader og fritidsbustader. Alle bustader skal ha periodisk kontroll kvart 20. år og hytter/fritidsbustader kontrollerast kvart 30. år. El-anlegget er ein bygningsdel som er gjenstand for konstant utvikling, det må derfor reknast med at dagens anlegg ikkje nødvendigvis er dimensjonert for oppgradering av kjøkken med nye elektriske apparat, rehabilitering av bad med varmekablar eller installasjon av elbilladar.

Straumforbruk: 8477 kwh i 2025. Nettleige kjem i tillegg. Det er ikkje bestilt Norgespris på straum. Meklar gjer merksam på at desse utgiftene er knytt til dagens eigar og at desse vil kunne endre seg med omsyn til anna bruk av bustaden enn i dag eller andre avtalar med leverandørar.

Eigedomen er knytt til offentleg veg, vatn og avlaup. Alle eigedomar som er tilknytt offentleg vatn og avlaup har private stikkleidningar, som vedlikehaldast for eigar si eiga rekning. For ytterlegare opplysningar om dei private stikkleidningane tek ein kontakt med kommunen.

kr 29 795
Dette utgjør andelens fellesformue pr. 31.12.2025

Eigedomsmeklarar er underlagd lov om kvitvasking og pliktar å rapportere til Økokrim om mistenkelege transaksjonar. Lov om kvitvasking har og strenge reglar om kontroll av legitimasjon frå alle partar i handelen, med dette, seljar, kjøpar og fullmektigar for desse.

Alle bod skal gjevast skriftleg og legitimert til meklar, som formidlar desse vidare til seljar. Dette gjer ein enkelt elektronisk ved å klikke på "gi bud" knappen på hjem.no, finn.no, via eiendomsmegler1.no eller på bodskjema vedlagt salsoppgåva. Meklar skal så snart som muleg stadfeste skriftleg ovanfor bodgjevar at bod er motteke og formidle det vidare til seljar. Bod må ikkje ha kortare akseptfrist enn kl. 12.00 første virkedag etter siste annonserte vising. Bod med kortare frist enn dette kan ikkje formidlast av meklar. Meklar pliktar å leggje til rette for ei forsvarleg avvikling av bodrunden. For at boda skal kunne bli handsama bør dei ikkje ha ein kortare akseptfrist enn 30 minutt frå bodet er gjeve. Bod som vert gjeve etter normal arbeidstid vert handsama/formidla påfølgjande arbeidsdag. Meklar tek ikkje ansvar for forseinkingar på el- eller telenettet. Under bodrunden kan akseptfristen kortast ned ved mottaking av nye bod. Akseptfristen frå kjøpar er absolutt. Det betyr at dersom seljar vel å akseptere bodet, må kjøpar meddelast aksepten innan akseptfristen går ut. Dersom du utset å gje inn bod til tett opp mot akseptfristen er det ei reell fare for at eigedomen kan bli seld før bodet ditt kjem fram til meklar. Ein syner elles til "Forbrukarinformasjon om bodgjeving", som også er ein del av salsoppgåva. Kjøpar er utanlandsk statsborgar Dersom ein kjøpar er utanlandsk statsborgar krevjast det at ein har D-nummer til erstatning for norsk personnummer. Meklar rekvirerer dette samstundes som skøyte vert sendt inn til tinglysing hjå Kartverket. Skøytet vert så liggande hjå Kartverket fram til kjøpar har fått D-nummer av skatteetaten. Deretter vert skøytet tinglyst. Denne prosessen vil ofte medføre at oppgjer og utbetaling til seljar vert forseinka med nokre veker. Kjøpar må i desse tilfella enten ta atterhald i bod om forseinka utbetaling til seljar, eller vere budd på å dekke forseinkingsrenter. Kontakt ansvarleg meklar for informasjon før bodgjeving.

Overtaking etter avtale. Legg inn ønskje om overtakingsdato ved bodgjeving. Mellom aksept av bod og tidspunktet for overtaking er det ikkje høve til å synfare eigedomen. Vi tilrår difor interessentar til å naudsynte mål og liknande på visinga.

Seljar har teikna bustadseljarforsikring. Forsikringa dekkjer seljar sitt ansvar etter avhendingslova, med dei avgrensingane som følgjer av forsikringsvilkåra og er avgrensa til salssummen til eigedomen, men oppad avgrensa til kr. 14 000 000,-. Seljar har i den samanhengen utarbeidd ei eigenerklæring om eigedomen. Eigenerklæringa ligg vedlagt salsoppgåva og interessentar vert oppmoda til å gjere seg kjend med denne før bodgiving/kjøp. Bustadseljarforsikringa sørgjer for at kjøpar kan forhalde seg til ein profesjonell og søkegod motpart som handterer eventuelle reklamasjonar fagleg og ryddig. Dersom kjøpar ikkje har teikna bustadkjøparforsikring kan ein kontakte meklar for å få kontaktinformasjon til bustadseljarforsikringa til seljar. Av vilkåra går det fram unntak i forsikringsdekninga, til dømes ved nye forhold som oppstår mellom aksept og overtaking. Garantiar/lovnader der seljar har påteke seg ansvar for eigenskapar ved eigedomen eller dokumentasjon av slike, vert ikkje dekt. I nokre tilfelle er det heller ikkje dekning der seljar har opptrådt forsettleg eller grovt aktlaust. Forsikringa omfattar heller ikkje ein redusert bustadverdi som skuldast skadedyr/insekt, til dømes skjeggkre/perlekre/sølvkre, veggdyr, pelsbiller, maur, borebiller og tilsvarande. I samsvar med lov og rettspraksis må det reklamerast “innan rimeleg tid”. Det vert tilrådd å reklamere umiddelbart/snarast mogleg og seinast innan 2 månader frå forholdet vart/burde vorte oppdaga. Dersom kjøpar utbetrar mangelskrav på eiga hand, kan dette medføre at reklamasjonsretten vert tapt.

Vedlagt i salsoppgåva følgjer informasjon om Bustadkjøparforsikring Pluss og Bustadkjøparforsikring frå HELP Forsikring AS. Bustadkjøparforsikring er ei rettshjelpsforsikring som gir tryggleik og profesjonell juridisk hjelp dersom det blir oppdaga uventa feil eller manglar ved bustaden dei neste fem åra. Bustadkjøparforsikring Pluss har same dekning som bustadkjøparforsikring + fullverdig advokathjelp på viktige rettsområde i privatlivet. Les meir om begge forsikringane i vedlagde materiell eller på help.no. Det blir gjort merksam på at meklarføretaket mottar kr 1 900 / 2 600 / 2 600,- (avhengig av bustadtype) i kostnadsgodtgjersle for kvar forsikringsavtale som blir formidla på Bustadkjøparforsikring Pluss og kr 2 900 ,- / 3 600,- / 3 600,- i kostnadsgodtgjersle for Bustadkjøparforsikring.

Gjensidige Forsikring ASA

Kommunale avgifter vert betalt gjennom felleskostnadene.

Følgjande moderniseringar er utførte dei seinare åra: 2012: - Ny taktekking med Decra stålpanner med steingranulat, nytt undertak av sutakplater, samt nye takrenner og nedløp/takbeslag - Nye vindauge, terrasseskyvedør og ytterdør (treverk med 2-lags isolerglas) 2011: - Overflatemodernisering av baderom med nye fliser på golv, baderomsplater på vegg, nytt toalett og servant (utført av Byggteam AS og Dale Rør AS) Vedlikehaldshistorikk borettslaget: 2025: - Maling av carport og utbetring av ytterboder - Maling av rekkverk på 2-roms rekkehusvære - Sikring av bakken innanfor 2-roms rekkehus med gjerde - Fjerning av skog - Tilrettelegging for avfallsordning saman med Hogane Burettslag 2022: - Anskaffing og montering av leikeapparat 2021: - Etablering av felles ladeinfrastruktur for elbil til alle andelane 2019: - Etablering og anskaffing av bod Ifølgje eigenfråsegna til seljaren er følgjande arbeid utført: 2016: - Utskifting av vedovn

Kjøpesum og alle kostnader skal vere innbetalt til meklar sin klientkonto før overtaking. Det føresetjast at skøyte blir tinglyst på ny eigar. Dersom kjøpar ikkje ønskjer heimelsoverføring av eigedommen til seg, må det takast atterhald om dette i bodet.

Vedtektene i burettslaget tillet utleige av bustaden i inntil 3 år etter samtykke frå styret på førehand. Utleige kan først skje etter at eigar har bebudd leilegheita i eit av dei to siste åra. Ein eigar av andel i burettslag som bur i bustaden sjølv, kan overlate bruken av delar av bustaden til andre. I tillegg kan eigaren av andelen overlate bruken av heile bustaden til andre i opptil 30 døgn i løpet av året utan godkjenning.

Seljar opplyser at det vart gjennomført ei radonmåling i regi av burettslaget for ca. 4–5 år sidan, men kjenner ikkje til detaljane i dette.

Eigedomen vert seld etter reglane i avhendingslova. Salsoppgåva er basert på dei opplysningane seljar har gitt til bygningsakkyndig og meklar, samt opplysningar innhenta frå kommunen, Statens kartverk og andre tilgjengelege kjelder. Eigedomen skal overleverast til kjøpar i tråd med det som er avtalt. Det er viktig at kjøpar set seg grundig inn i alle salsdokumenta, med dette salsoppgåve, tilstandsrapport og seljar si egenerklæring. Kjøpar vert sett på som kjent med forhold som er tydeleg beskrive i salsdokumenta. Forhold som er beskrive i salsdokumenta kan ikkje påberopast som manglar. Dette gjeld uavhengig av om kjøpar har lest dokumenta. Alle interessentar vert oppmoda til å undersøkje eigedomen nøye, gjerne saman med fagkyndig før bod vert gjeve. Kjøpar som vel å kjøpe usett kan ikkje gjere gjeldande som mangel noko han burde blitt kjent med ved undersøkinga. Dersom det er behov for avklaringar, anbefalar vi at kjøpar rådfører seg med eigedomsmeklar eller ein bygningsakyndig før det vert lagt inn bod. Dersom kjøpar ikkje er forbrukar seljast eigedomen «som den er», og seljar sitt ansvar er då avgrensa jf.§ 3-9 1. ledd 2. pkt. Informasjon om kjøpar si undersøkingsplikt, med dette oppmoding om å undersøkje eigedomen nøye, gjeld og for kjøparar som ikkje vert vurdert som forbrukarar. På grunn av ulike avtalevilkår kan seljar vurdere bod frå ein som ikkje er forbrukar, ulikt frå ein forbrukar sitt bod. Dersom kjøpar ikkje er forbrukar, er seljar sitt mulege mangelsansvar avgrensa fordi eigedomen vert seld "som den er". Seljar kan ikkje ta «som den er» atterhald ovanfor ein forbrukarkjøpar. Sjølv eit lågare bod frå ein som ikkje er forbrukar kan foretrekkast fordi avgrensinga i muleg mangelsansvar kan ha eigenverdi for seljar. Seljar står fritt til å forkaste eller akseptere eitkvart bod, og pliktar til dømes ikkje å akseptere høgste bod. Bodgjevarar får informasjon dersom andre bod er gjeve av ein som ikkje er forbrukar. Forbrukarkjøp - definisjon: Med forbrukarkjøp meinast kjøp av eigedom når kjøparen er ein fysisk person som ikkje hovudsakleg handlar som ledd i næringsverksemd. Forbrukar - avtalevilkår: Eigedomen har ein mangel dersom den ikkje er i samsvar med krava som følgjer av avtalen, eller det ligg føre brot på bestemmingane i avhendingslova §§ 3-2 til 3-8. Dersom eigedomen ikkje er i samsvar med det kjøparen må kunne vente ut frå alder, type og synleg tilstand, kan det vere grunnlag for mangelskrav. Det same gjeld dersom det er halde tilbake eller gitt urette opplysningar om eigedomen. Dette gjeld likevel berre dersom ein kan gå ut frå at det virka inn på avtalen at opplysningen ikkje vart gitt eller at feil urette opplysningar ikke blir retta i tide på ein tydeleg måte. Ein bustad som har blitt brukt i ei viss tid, har vanlegvis blitt utsett for slitasje og skadar kan ha oppstått. Slik bruksslitasje må kjøpar rekne med, og det kan avdekkast enkelte forhold etter overtakinga som gjer det naudsynt med utbetringa utbedringar. Normal slitasje og skadar som gjer det naudsynt med utbetring, er innanfor kva kjøpar må vente og vil ikkje utgjere ein mangel. Bustaden kan ha ein mangel etter avhendingslova § 3-3 dersom det er avvik mellom opplyst og faktisk innvendig areal, forutsett at avviket er på 2 % eller meir og minimum 1 kvm. Ved berekning av eit eventuelt prisavslag eller erstatning må kjøpar sjølv dekke tap/kostnader opptil eit beløp på kr 10 000 (eigendel). Ikkje - forbrukar (næringsdrivande) – definisjon: Dersom kjøpar er ein juridisk person, eller ein fysisk person som hovudsakeleg handlar som ledd i næringsverksemnd, vil kjøpet ikkje bli sett på som eit forbrukarkjøp. Ikkje - forbrukar – avtalevilkår: Eigedomen har ein mangel dersom den ikkje er i samsvar med krava som følgjer av avtalen. Eigedomen vert seld «som den er», og seljar sitt ansvar utover det konkret avtalte er då avgrensa etter avhendingslova § 3-9, første ledd andre setning. Avhendingslova § 3-3 andre ledd vert fråviken, og korvidt arealsvikt i bustaden utgjer ein mangel vert vurdert etter avhendingslova § 3-8. Ein føresetnad for salet er at skøyet for eigedomen vert tinglyst på kjøpar. Interessentar og kjøpar må godta at seljar og meklar brukar elektronisk kommunikasjon i salsprosessen. I trå med eigedomsmeklingsforskrifta vil informasjon om oppdragsgivar, salsobjektet, interessentar og kjøpar bli lagra av meklarføretaket i min. 10 år. Sjå em1.no for meir informasjon om handsaminga vår av personopplysningar.

Vi gjer interessentar og kjøparar merksame på at vi vil handsame, etter personopplysingslova, personopplysningane dine i den utstrekning dette er naudsynt for å oppfylle våre lovpålagte plikter, med dette for å kunne gjere kundekontroll etter kvitvaskingslova samt for å utføre oppgåver som vi er pålagt etter eigedomsmeklingslova.