Rådhusvegen 6N

Leilegheita har ei svært sentral og lettvint plassering i Yritun Burettslag, like ved hjartet av Nordfjordeid sentrum i Stad kommune. Her bur du med gangavstand til alt bygda har å by på av handel, sørvis og kulturtilbod. Daglege ærend gjer du enkelt til fots, med både Coop Extra, søndagsope Bunnpris, apotek og kjøpesenteret ALTI Nordfjord berre ein kort spasertur unna. Den historiske Eidsgata ligg like i nærleiken med eigne butikkar og trivelege kafear. For kollektivreisande ligg Nordfjordeid rutebilstasjon ein kort gåtur frå bustaden, noko som gjev eit godt utgangspunkt for reiser i heile regionen. For barnefamiliar og unge under utdanning er kvardagen praktisk tilrettelagt. Både Eid barnehage, Nordfjordeid skule for dei minste, Eid ungdomsskule og Eid vidaregåande skule ligg alle i gangavstand frå leilegheita. Fritidstilbodet er mangfaldig, med kunstgrasbana ved Vallhall, idrettsanlegg på Eid stadion og fleire lokale treningssenter ein kort gåtur unna. Kulturinteresserte vil setje pris på den korte spaserturen til Operahuset Nordfjord med sitt breie program av framsyningar, kino og bibliotek, samt vikingopplevingane ved Sagastad. I tillegg til det sentrale bygdelivet har du flott vestlandsnatur og gode friluftsmoglegheiter tett på. Nede ved Eidsfjorden finn du Sagaparken med badefjøre, grøntareal og strandpromenade berre ein kort spasertur unna. Den kjende lakseelva Eidselva byr på fine turvegar langs elvebreidda, og for den som likar fjellturar er toppar som Trollenykjen og dagsturhytta på Naustdalskamben flotte turmål i nærområdet. Vinterstid ligg Harpefossen skisenter berre ein kort køyretur unna med eit omfattande løypenett for langrenn og varierte alpinbakkar.

Eigedomen er omfatta av reguleringsplan for Nordfjordeid sentrum. Kopi av situasjonskart, eigedomsrapport, reguleringsplanar med tilhøyrande føresegner m.m. ligg vedlagt i salsoppgåva eller kan fåast ved å vende seg til meklar. Interessentar vert oppmoda om å setje seg inn i desse dokumenta.

Regnskap / Budsjett:
Reknskapen for 2025 viser eit årsresultat på kr -2 157 458,- (driftsinntekter kr 1 112 614,- og driftskostnader kr 3 267 376,-, inkludert rehabilitering på kr 2 378 375,-). Total eigenkapital pr. 31.12.2025 var kr 4 728 063,-, og disponible midlar utgjorde kr 4 419 862,-. For 2026 er det budsjettert med driftsinntekter på kr 1 175 818,-, driftskostnader på kr 770 608,-, finanskostnader på kr 320 000,- og eit budsjettert årsresultat på kr 85 210,- før avdrag. Kjøpar pliktar å gjere seg kjend med burettslaget sitt rekneskap og budsjett. Kopi av desse ligg hjå meklar.

Vedtekter / Husordensregler:
Eigar forpliktar seg til å gjere seg kjend med vedtekter og eventuelle husordensreglar. Kopi av desse ligg vedlagt i salsoppgåva.

Dyrehold:
Dei som har husdyr er ansvarlege for at dyra ikkje sjenerer naboane. Hundeekskrement må fjernast med det same.

Beboernes forpliktelser:
- Dugnad: Det skal avhaldast dugnad to gonger i året (vår og haust). - Avfallshandtering og vaktliste: Det er sett opp vaktliste for bebuarane for utrulling av husavfallsdunkar og papiravfallsdunkar til rett tid.

Styregodkjennelse:
Kjøpar skal godkjennast av styret i burettslaget. Slik godkjenning kan ikkje nektast utan sakleg grunn. Kjøpar er forplikta til å gjennomføre handelen uavhengig av om kjøpar på overtakstidspunktet er godkjend av burettslaget som ny andelseigar. Risikoen for å bli godkjend som andelseigar ligg dermed hjå kjøpar. Dersom kjøpar på overtakstidspunktet ikkje er godkjend som ny andelseigar, har kjøpar ikkje rett til å ta bustaden i bruk, jf. burettslagslova § 4-5 (2). Blir kjøpar ikkje godkjend som ny eigar, må kjøpar sørgje for vidare sal av andelen. Heimelen vert då overført til kjøpar, og oppgjeret vert utbetalt til seljar.

Forkjøpsrett:
Andelseigarane i burettslaget, og deretter dei andre medlemene i bustadbyggjelaget, har forkjøpsrett. Ansienniteten blir rekna etter innmeldingsdato. Dersom fleire andelseigarar i burettslaget har lik ansiennitet, går den føre som har lengst ansiennitet i bustadbyggjelaget. For kvar bustad blir det fastsett ein eigen frist for å melde forkjøpsrett etter at bustaden er selt. Denne fristen er vanlegvis om lag éi veke etter at bustaden er annonsert. Medlemmer som melder interesse etter at fristen er gått ut, kan ikkje gjere krav på forkjøpsrett. Andelseigar(ar) kan berre eige éin andel og må sjølv bu i bustaden. Berre fysiske personar kan eige andel. Stat, kommune, fylkeskommune m.fl. kan likevel eige éin eller fleire andelar opp til 10 % av andelane i burettslaget der det er fem eller fleire andelar. Det kan vidare vere fastsett i vedtektene at stat, kommune, fylkeskommune, bustadbyggjelag, institusjon eller samanslutning med samfunnsnyttig formål, samt arbeidsgivar som skal leige ut bustaden til sine tilsette, kan eige inntil 20 % av andelane i tillegg.

Renter og avdrag knytte til fellesgjeld, byggforsikring, utvendig vedlikehald, styrehonorar, forretningsførsel, revisjonshonorar, felles straum, reinehald av fellesareal, internett, kommunale avgifter og eigedomsskatt og andre driftskostnader som måtte kome til. Rentenivå, eventuelle nye låneopptak, endra nedbetalingsplan og vedtak på årsmøte kan påverke storleiken på felleskostnadene. Felleskostnadene fordelar seg slik: Felleskostnader: kr 7 689,- Internett: kr 478,-

kr 567 507,94
Dette utgjør andelens fellesgjeld pr. 25.08.2026

Burettslaget har følgjande lån: Lån der det vert betalt både renter og avdrag. Annuitetslån Rente pt.: 5,25 %. Flytande Restsaldo pr. 25.08.2026: kr 6 772 843,- Andel av saldo: kr 567 507,92,- Innfrielsesdato: 31.12.2055 Lånenr.: 1516.23.11783 Bankforbindelse: Dnb Bank ASA. Borettslaget si totale fellesgjeld utgjer kr 6 772 843,- pr. 25.08.2026. Nedbetalingsplan kan hentast hjå borettslaget si bankforbindelse og/eller BBL.

Burettslaget har inngått avtale om forskotterte felleskostnader med Klare Finans AS (www.klarefinans.no). Laget er sikra mot tap som følgje av at ein andelseigar ikkje betaler felleskostnadene sine, etter gjeldande vilkår. Avtalen om sikring er gyldig til han blir sagt opp av ein av partane. For krav på dekning av felleskostnader og andre krav frå lagsforholdet har laget panterett i andelen føre alle andre hefter. Pantekravet er avgrensa til ein sum som svarer til to gonger grunnbeløpet i folketrygda på tidspunktet då tvangsdekning blir vedteke gjennomført.

Det følgjer med ein fast, merkt biloppstillingsplass i felles parkeringskjellar, plassert like ved tilhøyrande kjellarbod. Det er felles tilkomst via heis, trapperom og elektrisk styrt skyveport. I tillegg er det felles utandørs gjesteparkering. På generalforsamlinga 04.05.2026 vart det vedteke at burettslaget legg opp straum til plassane og bodene til alle andelane. Andelseigarar som ønskjer elbilladar, må sjølve kosta ladestasjonen.

Tomteareal er 1 668 m² på eiet tomt.

Burettslaget har ei eigd tomt. Burettslaget si tomt er fellesareal dersom det ikkje er inngått nærare avtalar om bruk. Tomta er flat og opparbeidd med asfaltert gangsti, plen, enkel beplantning og stor hellelagd uteplass.

Leilegheit går over to plan med følgjande innhald: 2. etasje: Vindfang, trapperom, eitt soverom, stove, kjøkken og bad/vaskerom. Loft: Trapperom, to soverom og bod. Stova har utgang til ein balkong på 4,5 m². Leilegheita disponerer også ein bod på 5 m² med tilhøyrande biloppstillingsplass i felles parkeringskjellar. Dei oppgitte romma er definerte av bygningssakkyndig i samsvar med vedlagd rapport, basert på dagens faktiske bruk, uavhengig av kva som er godkjent av bygningsstyresmaktene.

Endeleilegheita går over to plan i andre etasje og loft, og har ein gjennomgåande planløysing med gode lystilhøve. Bygget vart i 2025 oppgradert utvendig i regi av burettslaget med etterisolering, ny trekledning, nye vindauge, nye dører og ny balkong. Innvendig er det i 2025–2026 utført målingsarbeid, dels lagt ny veggbekledning og lagt nye golv i dei fleste rom. Vindfang: Vindfanget har laminatgolv og veggbekledning med bambusspiletapet. Rommet har open tilkomst inn mot stova og gjev god plass til å setje frå seg sko og yttertøy. Stove: Stova ligg i open løysing mot vindfanget og kjøkkenet, og har laminatgolv på flatene. Rommet har god plass til både sofagruppe og spisebord, og er utstyrt med vedovn tilknytt eitløps pipe av lettklinkerbetong. Frå stova er det utgang via skyvedør til ein sørvendt balkong i treutførelse med terrassebord og trerekkverk. Kjøkken: Kjøkkenet er praktisk utforma i open tilknyting til stova og har klikkvinyl på golvet. Innreiinga har kvitt skrog, måla spraylakkerte profilerte furufrontar, laminat benkeplate og veggfliser over delar av benken. Det er opplegg til oppvaskmaskin samt mekanisk avtrekk med Villavent ventilator over steikesona. Kvitevarer medføljer. Bad/vaskerom: Badet ligg i andre etasje og har golvbelegg med oppbrett mot påstøyp med varmekablar, baderomsplater montert mot alu-list og folierte takessplater i himling. Rommet er utstyrt med kvit foliert innreiing, vask, golvmontert klosett, dusj med opplegg til forheng og opplegg til vaskemaskin. Ventilasjonen er ordna med mekanisk avtrekk med avtrekksventil i himling og tilluftspalte i underkant av dørblad. Badet har eit oppgraderingsbehov. Soverom 2. etasje: Soverommet på hovudplanet har måla trefyllingsdør med eiketerskel, laminatgolv og veggbekledning med bambusspiletapet. Rommet er innreidd med kvite garderobeskåp og har god plass til dobbeltseng. Soverom 1 loft: Soverommet ligg i loftsetasjen og har klikkvinyl på golvet, skråhimling med måla gipsplater samt tapet på éi veggside. Rommet er utstyrt med kvite garderobeskåp og eignar seg godt som barnerom eller gjesterom. Soverom 2 loft: Det andre soverommet på loftet har klikkvinyl på golvet og skråhimling med måla gipsplater. Rommet er innreidd med kvite garderobeskåp. Bod loft: Praktisk innvendig lagringsbod på loftet med golvbelegg, fastmonterte hyller og kottluke. Overflater: Golv: Klikkvinyl på loftet og på kjøkkenet, laminatgolv montert i 2026 i dei fleste rom, golvbelegg på bad/vaskerom og i loftsbod, samt ubehandla betonggolv i kjellarbod. Veggar: I hovudsak målingsstrie, tapet på éi veggside på eine soverommet på loftet, bambusspiletapet i vindfang og på soverom i 2. etasje, baderomsplater montert mot alu-list på bad/vaskerom, veggfliser over delar av benk på kjøkkenet, samt måla betongveggar og noko panel i kjellarbod. Himling: I hovudsak måla takessplater, måla gipsplater i skråhimlingar på loftet, folierte takessplater på bad/vaskerom og måla betongdekke i kjellarbod. Lagring: Kvite garderobeskåp på alle tre soverom. Fastmonterte hyller og kottluke i loftsbod. Leilegheita disponerer ein bod på 5 m² i søraustre hjørnet av felles kjellaretasje med ubehandla betonggolv, måla betongveggar og bindingsverk med utvendig panel, måla betongdekke, ubehandla tredør og innlagt straum til lys og stikkontaktar. Omsetning av brukt eigedom Ein brukt eigedom vil som regel ikkje vere i same stand som om den var ny. Tekniske krav, type bustad, teknikk og skikkar endrar seg over tid. Bruksslitasje og ytre forhold kan gjere at tilstanden blir dårlegare etter kvart, sjølv om det ikkje er synleg. Kjøparar kan ha mindre forventningar til eldre bustader enn nye, og det kan vere skadar eller feil som ikkje er beskrive, men som seljar likevel ikkje kan haldast ansvarleg for. Normal bruksslitasje er ikkje ein mangel, og det er ikkje sikkert at det som opplevast som ein feil ved ein eigedom er ein mangel i rettsleg forstand. Det er difor viktig å setje seg grundig inn i tilstanden på den eigedomen ein vil kjøpe.

Kvitevarer medfølger. Desse blir leverte utan nokon form for garanti, utover eventuell gjenværande leverandørgaranti.

Leiligheten har adresse i Rådhusvegen i Eid sentrum, men vender ut mot Alleen. Tilkomsten til garasjeanlegget er også fra Alleen. Leiligheten ligger på 2. og 3. plan, med tilkomst via heis eller trapp til svalgang.

Informasjonen er henta frå vedlagte tilstandsrapport, datert 24.09.2026. Bygning: Eigedomen er ei 4-roms leilegheit i korsdelt firemannsbustad, oppført i 1994, og ligg i andre etasje og på loftet mot vest. Bygningen er oppført i flatt terreng på ukjend byggjegrunn, med grunnmur og fundament av betong og ukjend utførelse av fuktsikring. Ytterveggar er oppførte i 15+5 cm isolert bindingsverk med vindsperreduk og Gu gipsplater som vindtetting, kledde med liggjande dobbeltfalsa trekledning. Det vart utført felles etterisolering, ny vindtetting og ny ytterkledning i 2025. Etasjeskilje er av betong mellom første og andre etasje, og isolert trebjelkelag mellom andre etasje og loftet. Tak: Saltakkonstruksjon med prefabrikkerte takstolar som er isolert mot underliggjande rom. Taktekkinga består av betongtakstein over undertak med sutaksplater. Takrenner og nedløpsrøyr er i aluminium. Pipa er tekka utvendig med pipehatt, og har tilkomst via stigetrinn og feiarplattform. Det er registrert rustskadar på pipehatten. Pipe/Eldstad: Eittløps pipe av lettklinkerbetong med sotluke, og vededom i stova. Vindauge: Vindauge vart monterte i 2025 med 3-lags glasruter i trekarm, utvendig kledd med aluminiumsbeslag. Dører: Måla ytterdør og skyvedør til terrassen med 3-lags glasruter i trekarm med utvendig aluminiumsbeslag, begge monterte i 2025. Innvendige dører er i hovudsak måla trefyllingsdører med eiketerskel, samt kvit formpressa dør til badet. Det er open løysing frå stova til vindfang og kjøkken, og kottluke på loftsbod. Trapper/tilkomst: Innvendig 180-graders ubehandla furutrapp med rekkverk med høgd på 90 cm. Tilkomst til leilegheita skjer via felles overbygd utvendig betongtrapp tekka med plastplater og svalgang, samt felles heis og trapperom til parkeringskjellaren. Balkong/terrasse: Sørvendt balkong på 4,5 m² i treutføring med terrassebord og trerekkverk med høgd på 100 cm, montert i 2025. VVS-installasjonar: Vassrøyr av kopar frå byggjeåret med stoppekran plassert under trappa i trapperommet i andre etasje. Avløpsrøyr av plast med lufting over tak via luftehatt, og stakemoglegheiter via sluk og klosett. Varmtvassberedar på 115 liter frå 1994 er montert under trappa med avrenning til sluk og elektrisk tilkopling med støpsel. Vasstilførsel og avløp er tilknytt kommunalt nett via private, felles stikkleidningar i burettslaget. Ventilasjon: Glasventilar og takventil på bod, elles naturleg avtrekk via opning av vindauge. På bad/vaskerom er det mekanisk avtrekk styrt frå ventilator med avtrekksventil i himling og tilluftspalte under innerdøra. Kjøkkenet har mekanisk avtrekk med Villavent-ventilator frå byggjeåret over kokesona. Tekniske detaljar: Golvvarme med varmekablar på bad/vaskerom og vededom i stova. Røykvarslar i stova og brannsløkkingsutstyr med 6-liters skumapparat. Bod m/biloppstillingsplass: Boda ligg i det søraustlege hjørnet av kjellaren like ved felles port, og har ubehandla betonggolv, måla betongdekke i himling, to måla betongveggar samt bindingsverk med utvendig panel, ubehandla ytterdør av tre og innlagt straum til lys og stikkontaktar. Biloppstillingsplassen ved boda har måla betonghimling, vegger av måla betong og noko panel, ubehandla betonggolv og felles tilkomst med elektrisk styrt skyveport. Det elektriske anlegget vart montert før 01.01.1999 utan seinare registrerte endringar, og har sikringsskap i vindfanget med automatsikringar og jordfeilbrytar, i hovudsak med skjult installasjon. Alle bygningsdelar og installasjonar har avgrensa levetid. Konstruksjonane er bygd etter lov og forskrift som tek utgangspunkt i byggeåret og vil normalt ikkje tilfredsstille krava i dag. Med omsyn til den tekniske standarden på bygningane vert det vist til vedlagde tilstandsrapport fra takstmann Kristen Eikenæs datert 24.09.2026, der enkelte bygningselementer har oppnådd tilstandsgrad 3 (TG3), tilstandsgrad 2 (TG2) og konstruksjonar som ikkje er undersøkt (TGIU). Interessentar vert oppmoda til å sette seg grundig inn i desse punkta samt eigenerklæringa som ligg ved salsoppgåva før det vert lagt inn bod på eigedomen. Meklar gjer elles merksam på kjøpar si undersøkingsplikt med heimel i avhendingslova. Nedanfor finn ein ei kort oppsummering av det den bygningssakyndige har beskrive av avvik ved bustaden som har fått tilstandsgrad 2 (TG 2) eller 3 (TG 3) OG TG IU (Ikkje undersøkt). TG3 med store eller alvorlege avvik: - Innvendig > Etasjeskiller og bærende konstruksjoner | Det er målt total høydeforskjell > 30 mm. Konsekvens/tiltak: Dette kan indikere setninger, deformasjoner eller skjevheter i konstruksjonen. Forholdet kan påvirke funksjon, komfort og i enkelte tilfeller være tegn på underliggende konstruksjonsmessige forhold. For å få tilstandsgrad 0 eller 1 må høydeforskjeller rettes opp. Det vil imidlertid sjelden være økonomisk rasjonelt som et enkeltstående tiltak i en bolig som dette. Dersom boligen en gang skal renoveres, kan man vurdere slike tiltak. Kostnadsestimat: 20 000 - 100 000 - Innvendig > Innvendige dører | Overmåla merker/skader på dør til bad og soverom i 2.etg. og tidlegare skyvedører til stova og kjøkkenet er blokkert med måla dørforingar pga skader på karm/dørblad. Dørblad på loftet tar i karm. Konsekvens/tiltak: Lokal utbedring må påregnes. Kostnadsestimat: Under 20 000 - Våtrom > 2.etasje > Bad/vaskerom > Generell | Våtrommet må oppgraderes for å tåle normal bruk etter dagens krav. Manglande silikonering mellom underkant baderomsplater og alu.list og platene er montert av ufaglært person, dette kan føre til fukttrekk i underkant veggplater med dertil redusert brukstid. Sprekk i spegelen. Vindauge i våtsona til dusjen. Dels misfarga belegg. Dårleg tilpassing og innfesting av taklister. Fleire innfestingshol i veggane som er tetta med silikon samt i himling samt synleg innfesting av ei veggplate. Det vart registrert forhøya fuktmåling for deler av våtsona i dusjen. Dels manglande silikon og dels utett overgong mot vegghjørner. Overflateslitt golvbelegg og utan terskel/forhøyning mot innerdør. Konsekvens/tiltak: Manglende oppgradering av våtrommet medfører høy risiko for at konstruksjonene ikke vil tåle vanlig bruk av vann eller lekkasjer. Dette kan føre til fuktskader på tilstøtende konstruksjoner. Kostnadsestimat: 200 000 - 500 000 TG2 med avvik som kan krevje tiltak: - Innvendig > Overflater - golv: Deler av klikkvinyl/laminatgolv med for kort avstand på omfarstkjøtar, noko luftlommer på golvet i stova samt noko glis mellom golv og golvlister. - Innvendig > Pipe/skorsteiner og ildsteder inne i bustaden: Det er sprekker i pipa ved sotluka og vededomnen. - Innvendig > Innvendige trapper: Rekkverkopningar er større enn dagens forskriftskrav (målt til 23–28 mm), det manglar handlist på veggsida i trappeløpet, og det er opning mellom eine trappevangen og vegg. - Kjøkken > 2.etasje > Kjøkken > Overflater og innredning: Fuktoppsvulma benkeplateskjøtar. - Tekniske installasjonar > Innvendige vannledningar: Meir enn halvparten av forventa brukstid er passert på innvendige vassleidningar. - Tekniske installasjonar > Innvendige avløpsrør: Meir enn halvparten av forventa brukstid er passert på innvendige avløpsleidningar. - Tekniske installasjonar > Varmtvannsberedar/tank: Ikkje påvist tilfredsstillande el-tilkopling iht. gjeldande forskrift, og beredaren er over 20 år med usikker framtidig funksjon. TGIU - Konstruksjonar som ikkje er undersøkte: - Utvendig > Taktekking: Ikkje vurdert med bakgrunn i felles konstruksjon og felles vedlikehaldsansvar. - Utvendig > Nedløp, beslag og skorsteiner over tak: Ikkje vurdert med bakgrunn i felles konstruksjon og felles vedlikehaldsansvar. - Utvendig > Takkonstruksjon/Loft: Ikkje vurdert med bakgrunn i felles konstruksjon og felles vedlikehaldsansvar. - Utvendig > Yttervegger/Veggkonstruksjon: Ikkje vurdert med bakgrunn i felles konstruksjon og felles vedlikehaldsansvar. - Utvendig > Vinduer og takvinduer/takluker/overlys: Ikkje vurdert med bakgrunn i felles konstruksjon og felles vedlikehaldsansvar. - Utvendig > Ytterdører: Ikkje vurdert med bakgrunn i felles konstruksjon og felles vedlikehaldsansvar. - Utvendig > Balkonger, verandaer, takterrasser og altaner: Ikkje vurdert med bakgrunn i felles konstruksjon og felles vedlikehaldsansvar. - Utvendig > Utvendige trapper: Ikkje vurdert med bakgrunn i felles konstruksjon og felles vedlikehaldsansvar. - Tomteforhold > Fuktsikring og drenering: Ikkje vurdert med bakgrunn i felles konstruksjon og felles vedlikehaldsansvar. - Tomteforhold > Grunnmur og fundamenter: Ikkje vurdert med bakgrunn i felles konstruksjon og felles vedlikehaldsansvar. Helse, miljø og sikkerhet: Vurdering av avvik: • Det er ikke foretatt radonmålinger, og bygget er heller ikke utført med radonsperre. • Åpninger i rekkverk er større enn dagens forskriftskrav til rekkverk i innvendige trapper. • Det mangler håndløper på vegg i trappeløpet. Dvs at den listen, stangen eller det håndtaket som er montert langs trappeløpet som man holder i når man går opp eller ned mangler. • Det er behov for at en kvalifisert elektrofaglig person kontrollerer det elektriske anlegget. Konsekvens/tiltak • Uavklarte radonforhold kan innebære risiko for helseskadelig eksponering over tid. Radon er en kjent helserisiko, og forhøyede nivåer kan ha betydning for inneklima og beboernes helse. • Det anbefales å gjennomføre radonmåling og eventuelt vurdere nærmere kontroll eller tiltak dersom forhøyede verdier påvises. • For store åpninger i rekkverket kan medføre økt risiko for fall og personskader, særlig for barn. • Det anbefales å utbedre rekkverket slik at åpningene tilfredsstiller gjeldende sikkerhetskrav. • Manglende håndløper kan redusere muligheten for støtte ved ferdsel i trappen. Forholdet kan medføre økt risiko for fallulykker og personskade, særlig for barn, eldre og personer med nedsatt balanse. • Det anbefales å montere håndløper langs trappeløpet for å bedre sikkerhet og tilgjengelighet. • Underteikna har ikkje elektrofagleg kompetanse og anbefaler difor tilsyn på det elektriske anlegget som har utførelse frå byggjeår. Oppsummeringa over er ikkje uttømmande, og du vert oppmoda til å lese og setje deg grundig inn i alt salsmateriell. For ordens skuld nemner vi at TGIU står for «tilstandsgrad ikkje undersøkt», til dømes fordi ein del av bygget ikkje har vore tilgjengeleg for inspeksjon. Desse delane kan dermed ha feil eller manglar som ikkje er avdekte.

Elektrisitet og vedfyring. Vedomn i stova og varmekablar på bad/vaskerom. Dersom rom ikkje har vegg- eller fastmonterte varmekjelder ved vising, følgjer dette heller ikkje med. Tilstandsrapporten beskriv den tekniske tilstanden til byggverket. Det er ikkje utført kontroll av dei elektriske installasjonane (el-takst) sjølv om bygningssakkunnig kan ha knytt kommentarar til el-anlegget ut frå heilt enkle vurderingskriterium. Sidan el-anlegget ikkje er kontrollert, er det ikkje usannsynleg at det seinare kan bli avdekt avvik frå dagens forskriftskrav og oppstå funksjonssvikt. Vidare må kjøpar vere førebudd på at det kan måtte gjerast oppgraderingar på grunn av slitasje, manglande vedlikehald, arbeid som er utført av ufaglærte, alder eller tekniske løysingar som ikkje held dagens standard. I Noreg er det ei av oppgåvene til «Det lokale eltilsynet» (DLE) å utføre tilsyn med elektriske anlegg i bustader og fritidsbustader. Alle bustader skal ha periodisk kontroll kvart 20. år, og hytter/fritidsbustader blir kontrollerte kvart 30. år. El-anlegget er ein bygningsdel som er gjenstand for konstant utvikling. Ein må difor rekne med at dagens anlegg ikkje nødvendigvis er dimensjonert for oppgradering av kjøkken med nye elektriske apparat eller rehabilitering av bad med varmekablar, samt installeringar for elbilladar.

Det er ikkje bestilt Norgespris på straum for eigedomen.

Vegen fram til tomtegrensa er offentleg. Vegane inne på eiga tomt blir vedlikehaldne gjennom burettslaget. Vatn og avløp til eigedomen er offentleg. Stikkleidning frå det offentlege nettet og inn til eigedomen blir vedlikehalden og reparert av burettslaget. Tilkomst til offentleg veg går over eigedomen(e) gnr. 45, bnr. 1. Vegrett til eigedomen er tinglyst den 28.10.1996. Kopi av den tinglyste retten ligg ved salsoppgåva. Det må påreknast å betale kostnader til vedlikehald av veg og snøbrøyting.

kr 371 286
Dette utgjør andelens fellesformue pr. 31.12.2025

Eigedomsmeklarar er underlagd lov om kvitvasking og pliktar å rapportere til Økokrim om mistenkelege transaksjonar. Lov om kvitvasking har og strenge reglar om kontroll av legitimasjon frå alle partar i handelen, med dette, seljar, kjøpar og fullmektigar for desse.

Alle bod skal gjevast skriftleg og legitimert til meklar, som formidlar desse vidare til seljar. Dette gjer ein enkelt elektronisk ved å klikke på "gi bud" knappen på finn.no eller via eiendomsmegler1.no eller på bodskjema vedlagt salsoppgåva. Meklar skal så snart som muleg stadfeste skriftleg ovanfor bodgjevar at bod er motteke og formidle det vidare til seljar. Bod må ikkje ha kortare akseptfrist enn kl. 12.00 første virkedag etter siste annonserte vising. Bod med kortare frist enn dette kan ikkje formidlast av meklar. Meklar pliktar å leggje til rette for ei forsvarleg avvikling av bodrunden. For at boda skal kunne bli handsama bør dei ikkje ha ein kortare akseptfrist enn 30 minutt frå bodet er gjeve. Bod som vert gjeve etter normal arbeidstid vert handsama/formidla påfølgjande arbeidsdag. Meklar tek ikkje ansvar for forseinkingar på el- eller telenettet. Under bodrunden kan akseptfristen kortast ned ved mottaking av nye bod. Akseptfristen frå kjøpar er absolutt. Det betyr at dersom seljar vel å akseptere bodet, må kjøpar meddelast aksepten innan akseptfristen går ut. Dersom du utset å gje inn bod til tett opp mot akseptfristen er det ei reell fare for at eigedomen kan bli seld før bodet ditt kjem fram til meklar. Ein syner elles til "Forbrukarinformasjon om bodgjeving", som også er ein del av salsoppgåva. Kjøpar er utanlandsk statsborgar Dersom ein kjøpar er utanlandsk statsborgar krevjast det at ein har D-nummer til erstatning for norsk personnummer. Meklar rekvirerer dette samstundes som skøyte vert sendt inn til tinglysing hjå Kartverket. Skøytet vert så liggande hjå Kartverket fram til kjøpar har fått D-nummer av skatteetaten. Deretter vert skøytet tinglyst. Denne prosessen vil ofte medføre at oppgjer og utbetaling til seljar vert forseinka med nokre veker. Kjøpar må i desse tilfella enten ta atterhald i b od om forseinka utbetaling til seljar, eller vere budd på å dekke forseinkingsrenter. Kontakt ansvarleg meklar for informasjon før bodgjeving.

Overtaking etter avtale. Legg inn ønskje om overtakingsdato ved bodgjeving. Mellom aksept av bod og tidspunktet for overtaking er det ikkje høve til å synfare eigedomen. Vi tilrår difor interessentar til å naudsynte mål og liknande på visinga.

Din Bustad AS byggemelder en ny tomannsbolig med carport. Det er søkt om dispensasjon fra arealplanen, altså dispensasjon fra regulert byggegrense mot Alleen (motstående eiendom, ovenfor bilveien, sør for Yritun).

Seljar har teikna bustadseljarforsikring hos Fremtind. Forsikringa dekkjer seljar sitt ansvar etter avhendingslova, med dei avgrensingane som følgjer av forsikringsvilkåra og er avgrensa til salssummen til eigedomen, men oppad avgrensa til kr. 14 000 000,-. Seljar har i den samanhengen utarbeidd ei eigenerklæring om eigedomen. Eigenerklæringa ligg vedlagt salsoppgåva og interessentar vert oppmoda til å gjere seg kjend med denne før bodgiving/kjøp. Bustadseljarforsikringa sørgjer for at kjøpar kan forhalde seg til ein profesjonell og søkegod motpart som handterer eventuelle reklamasjonar fagleg og ryddig. Dersom kjøpar ikkje har teikna bustadkjøparforsikring kan du kontakte meklar for å få kontaktinformasjon til bustadseljarforsikringa til seljar. Av vilkåra går det fram unntak i forsikringsdekninga, til dømes ved nye forhold som oppstår mellom aksept og overtaking. Garantiar/lovnader der seljar har påteke seg ansvar for eigenskapar ved eigedomen eller dokumentasjon av slike, vert ikkje dekt. I nokre tilfelle er det heller ikkje dekning der seljar har opptrådt forsettleg eller grovt aktlaust. Forsikringa omfattar heller ikkje ein redusert bustadverdi som skuldast skadedyr/insekt, til dømes skjeggkre/perlekre/sølvkre, veggdyr, pelsbiller, maur, borebiller og tilsvarande. I samsvar med lov og rettspraksis må det reklamerast "innan rimeleg tid". Det vert tilrådd å reklamere umiddelbart/snarast mogleg og seinast innan 2 månader frå forholdet vart/burde vorte oppdaga. Dersom kjøpar utbetrar mangelskrav på eiga hand, kan dette medføre at reklamasjonsretten vert tapt.

Vedlagt i salsoppgåva følgjer informasjon om Bustadkjøparforsikring Pluss og Bustadkjøparforsikring frå HELP Forsikring AS. Bustadkjøparforsikring er ei rettshjelpsforsikring som gir tryggleik og profesjonell juridisk hjelp dersom det blir oppdaga uventa feil eller manglar ved bustaden dei neste fem åra. Bustadkjøparforsikring Pluss har same dekning som bustadkjøparforsikring + fullverdig advokathjelp på viktige rettsområde i privatlivet. Les meir om begge forsikringane i vedlagde materiell eller på help.no. Det blir gjort merksam på at meklarføretaket mottar kr 1 900 / 2 600 / 2 600,- (avhengig av bustadtype) i kostnadsgodtgjersle for kvar forsikringsavtale som blir formidla på Bustadkjøparforsikring Pluss og kr 2 900 ,- / 3 600,- / 3 600,- i kostnadsgodtgjersle for Bustadkjøparforsikring.

If Skadeforsikring NUF

Kommunale avgifter blir fakturert borettslaget og er dekka gjennom dei månadlege felleskostnadene.

Følgjande moderniseringar er utførte dei seinare åra: 2026: - Målingsarbeid, dels lagt ny veggkledning i 1. etasje og lagt nye golv i dei fleste rom 2025: - Montert nye baderomsplater på veggane, ny innreiing, toalett og blandebatteri med røyropplegg til dusj, samt lagt nytt golvbelegg Vedlikehaldshistorikk burettslaget: 2025: - Rehabilitering av bygningsmassen utført av Stårheim Bygg: Utskifting av vindauge og balkongdører, etterisolering med 5 cm, utskifting av kledning, utbetring av råteskadar, samt fornying av dei fleste utelys og alle ringeklokker - Utbetring og reparasjon i garasjen med røyr lagt frå takrenne til sluk og reparert vifte - Mosefjerning på tak utført av KN Reinhald AS - Vedlikehald av utvendig anlegg - Vedlikehald av låssystem - Vedlikehald av heis 2024: - Vedlikehald av elektrisk anlegg

Kjøpesum og alle kostnader skal vere innbetalt til meklar sin klientkonto før overtaking. Det føresetjast at skøyte blir tinglyst på ny eigar. Dersom kjøpar ikkje ønskjer heimelsoverføring av eigedommen til seg, må det takast atterhald om dette i bodet.

Det er ingen utleigeforhold knytte til eigedomen per i dag. Det vert gjort merksam på at det er avgrensa høve til å leige ut leilegheiter i burettslag, jf. burettslagslova §§ 5-5 og 5-6.

Det er ikkje utført radonmåling og det er heller ikkje krav til dette, for meir informasjon vedrørande radon sjå www.dsa.no. Kjøpar overtek frå overtakingsdagen ansvaret for eventuelle utbetringstiltak som seinare må setjast i gang og betalast. Eigedomen ligg i eit område med moderat til låg aktsomheitsgrad for radon ifølgje aktsomheitskart frå NGU. Bygget er ikkje utført med radonsperre.

Eigedomen vert seld etter reglane i avhendingslova. Salsoppgåva er basert på dei opplysningane seljar har gitt til bygningsakkyndig og meklar, samt opplysningar innhenta frå kommunen, Statens kartverk og andre tilgjengelege kjelder. Eigedomen skal overleverast til kjøpar i tråd med det som er avtalt. Det er viktig at kjøpar set seg grundig inn i alle salsdokumenta, med dette salsoppgåve, tilstandsrapport og seljar si egenerklæring. Kjøpar vert sett på som kjent med forhold som er tydeleg beskrive i salsdokumenta. Forhold som er beskrive i salsdokumenta kan ikkje påberopast som manglar. Dette gjeld uavhengig av om kjøpar har lest dokumenta. Alle interessentar vert oppmoda til å undersøkje eigedomen nøye, gjerne saman med fagkyndig før bod vert gjeve. Kjøpar som vel å kjøpe usett kan ikkje gjere gjeldande som mangel noko han burde blitt kjent med ved undersøkinga. Dersom det er behov for avklaringar, anbefalar vi at kjøpar rådfører seg med eigedomsmeklar eller ein bygningsakyndig før det vert lagt inn bod. Dersom kjøpar ikkje er forbrukar seljast eigedomen «som den er», og seljar sitt ansvar er då avgrensa jf.§ 3-9 1. ledd 2. pkt. Informasjon om kjøpar si undersøkingsplikt, med dette oppmoding om å undersøkje eigedomen nøye, gjeld og for kjøparar som ikkje vert vurdert som forbrukarar. På grunn av ulike avtalevilkår kan seljar vurdere bod frå ein som ikkje er forbrukar, ulikt frå ein forbrukar sitt bod. Dersom kjøpar ikkje er forbrukar, er seljar sitt mulege mangelsansvar avgrensa fordi eigedomen vert seld "som den er". Seljar kan ikkje ta «som den er» atterhald ovanfor ein forbrukarkjøpar. Sjølv eit lågare bod frå ein som ikkje er forbrukar kan foretrekkast fordi avgrensinga i muleg mangelsansvar kan ha eigenverdi for seljar. Seljar står fritt til å forkaste eller akseptere eitkvart bod, og pliktar til dømes ikkje å akseptere høgste bod. Bodgjevarar får informasjon dersom andre bod er gjeve av ein som ikkje er forbrukar. Forbrukarkjøp - definisjon: Med forbrukarkjøp meinast kjøp av eigedom når kjøparen er ein fysisk person som ikkje hovudsakleg handlar som ledd i næringsverksemd. Forbrukar - avtalevilkår: Eigedomen har ein mangel dersom den ikkje er i samsvar med krava som følgjer av avtalen, eller det ligg føre brot på bestemmingane i avhendingslova §§ 3-2 til 3-8. Dersom eigedomen ikkje er i samsvar med det kjøparen må kunne vente ut frå alder, type og synleg tilstand, kan det vere grunnlag for mangelskrav. Det same gjeld dersom det er halde tilbake eller gitt urette opplysningar om eigedomen. Dette gjeld likevel berre dersom ein kan gå ut frå at det virka inn på avtalen at opplysningen ikkje vart gitt eller at feil urette opplysningar ikke blir retta i tide på ein tydeleg måte. Ein bustad som har blitt brukt i ei viss tid, har vanlegvis blitt utsett for slitasje og skadar kan ha oppstått. Slik bruksslitasje må kjøpar rekne med, og det kan avdekkast enkelte forhold etter overtakinga som gjer det naudsynt med utbetringa utbedringar. Normal slitasje og skadar som gjer det naudsynt med utbetring, er innanfor kva kjøpar må vente og vil ikkje utgjere ein mangel. Bustaden kan ha ein mangel etter avhendingslova § 3-3 dersom det er avvik mellom opplyst og faktisk innvendig areal, forutsett at avviket er på 2 % eller meir og minimum 1 kvm. Ved berekning av eit eventuelt prisavslag eller erstatning må kjøpar sjølv dekke tap/kostnader opptil eit beløp på kr 10 000 (eigendel). Ikkje - forbrukar (næringsdrivande) – definisjon: Dersom kjøpar er ein juridisk person, eller ein fysisk person som hovudsakeleg handlar som ledd i næringsverksemnd, vil kjøpet ikkje bli sett på som eit forbrukarkjøp. Ikkje - forbrukar – avtalevilkår: Eigedomen har ein mangel dersom den ikkje er i samsvar med krava som følgjer av avtalen. Eigedomen vert seld «som den er», og seljar sitt ansvar utover det konkret avtalte er då avgrensa etter avhendingslova § 3-9, første ledd andre setning. Avhendingslova § 3-3 andre ledd vert fråviken, og korvidt arealsvikt i bustaden utgjer ein mangel vert vurdert etter avhendingslova § 3-8. Ein føresetnad for salet er at skøyet for eigedomen vert tinglyst på kjøpar. Interessentar og kjøpar må godta at seljar og meklar brukar elektronisk kommunikasjon i salsprosessen. I trå med eigedomsmeklingsforskrifta vil informasjon om oppdragsgivar, salsobjektet, interessentar og kjøpar bli lagra av meklarføretaket i min. 10 år. Sjå em1.no for meir informasjon om handsaminga vår av personopplysningar.

Vi gjer interessentar og kjøparar merksame på at vi vil handsame, etter personopplysingslova, personopplysningane dine i den utstrekning dette er naudsynt for å oppfylle våre lovpålagte plikter, med dette for å kunne gjere kundekontroll etter kvitvaskingslova samt for å utføre oppgåver som vi er pålagt etter eigedomsmeklingslova.